مشاهد مطاقـشه لاحـداث ملخومـه جدا

مرحبا Guest
اخر زيارك لك: 03-28-2024, 09:23 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف العام (2003م)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-24-2003, 11:55 AM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
مشاهد مطاقـشه لاحـداث ملخومـه جدا

    اول الحكــي
    يا مشرع الحلم الفسيح
    أنا وإنت .. والمطر الفصيح
    حانطوِّع الزمن القبيح
    نأخد بعض .. شكل السما
    حدِّثنى دايماً .. كلما
    تنشف على البر الضفادع
    يهجر الضو المواضع
    وتسقط من الكف الأصابع
    حدثني دايماً كلما
    تحرد مراسيك السفن
    تسكن مرافيك الزعامات .. الدُمى
    الكلام ازهري محمد علي :الغناء مصطفي سيد احمد

    مشاهد مطاقشه لاحــداث ملخومـه جدا
    سبق ان لمحت لها

    لم تهتم ولا كاميرا واحدة من الثلاثة (المتحررات) لتسجيل لحظة دخول (اساسي ورئيسه ) بدر الدين عنوة ..
    فمن غيرالمعقول ان تحاول زحم راس مشاهد بمسلمات هو يعرفها منذ نعومة (افلامه الكرتونية) فالمشاهد على حق اقصد على حصافة
    فهو يعرف ان ذلك الحدث متوقع حدوثه حتى وان قالت الكاميرا غير ذلك ، كأن يجري (المخرج) حوارا انساني /انساني بين بدر الدين واساسي على فرضيه ان الباب لم يفتح وذلك يعني ، انهما لم يعطيا اذن ، فالشاهد انهما مسلمان ، وفوق ذلك فهما سودانيان ، فهذه وحدها تعني اداب السلوك ..
    - ساسي يا سيدي الناس ديل شكلهم مافيشين ولا نائمين ايه رايك نجيهم بكره .. ؟؟؟
    - والله انا ذاتي شايف كده .. حرام نقلق راحتهم صباحة الله بخيرها .. ؟؟
    فالكاميرا الشوافه ، فكل الذي اتفعله وحتي تحرجهما ، تعرض في زمن قدره ثانية واحده فهي كافية لتعلن انهما غير انسانيان بالمره ..
    لقطه (زوووم ان) للسلكه الواصلة بين كالون الباب من الداخل ، وطرف العقده في الاخر ، يعني انهما على بسط تفسير ان ناس البيت ناموا ..
    ومع ذلك .. لا تهتم الكاميرا بتصوير المشهد الذي يعقب ، فوران دم المغيران (اساسي/وبدرالدين شنا) ...
    رجل سمين جدا ، واخري شين جدا .. يقفان واخلاقهما في منخاريهما .. يبحثان عن اكبر حجر ليطرقوا به الباب ...
    ماذا ينتظر منهم المشاهد .. ان يقفلا عائدين متعذرين ان الوقت غير مناسب ..
    لذلك لا تتعب اي من الكاميرات نفسها ولا تهرول ولا حاجة .. انما تنتظر حتى يقتحم الرجليان الغامضان
    فحتي الان .. لم يقل الفلم شيئا عن شخصيتهما ، فالتوضيح متروك لحصافة المشاهد ..
    مشهــد رابع خاطف منقوص من مشهد (متواتر) سوف ياتي
    البت الحليوه القليلونه ، التي مازالت مقسمه مابين طرقات الباب التي توقفت ، وانضمام حركات ارجل تزحف نحوهما .. ومسمار وخزها من سنفجة اخوها جيمس ، ودمها الذي ابى ان يتوقف .. وجميس نفسه النائم ، ألمتقلب مابين احلامه ، ومعاناته ، وارهاصاته .. وقرصات الباعوض .. ووسخ الصراصير التي تقاتلت على مساحة كفة يده ..
    ايقاعي متادرج .. اسهابي اكثر كونه يبرز بصورة شفيفه الضربة الثالثة للتم تم بصورة تخلع ..

    مازلنا نعمل ضمن الزمن
    المصرح لنا به
    شيلوا الصبر
    جاينكم تاااني
                  

07-24-2003, 12:00 PM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: shiry)


    مشاهد لا تخشي الفضيحه


    نصف (زووم ان ) لللعرق يتساقط من وجه البنيه التي سنعرف اسمها بعد قليل فيجب ان لا نستعجل ونعرف علاقتها بجميس .. فهي اكيد اخته
    عمل متواتر ، سريع .. بروفشينللي للكاميرات الثلاثة ..
    تبادل وتعاون واضح بينها ..
    زووم ان متزحلق غير مستقر على الشاشه (يعني يمشي ويجي ، اي تبادلي للوجوه الثلاثة
    جيمس الذي مازال نائما .. الفتاة التي زاد خوفها مع اقتراب حركات الاقدام الثقيلة المريبه .. الرجلين المعتديين وهما يتقدمان بتئد واقتحام نحو البرندا ) مع تصاعد الايقاع واستغاثة الة الكمان بطبقة سوبراناويه ..
    مع فسح مساحة صغيرة جدا لرتل الاقدام بابواتها وهي تدق على الارض .. وشخير جيمس .. نفنفه البنيه التي مازلنا نخفي اسمها (حركات من المخرجة والمؤلفة ) ..
    زوووم ان من الكاميرا الشوافه .. باب البرندا .. عتبته عالية جدا ، لبلادة من الصناعي يترك الحديده تبرز فوق مستوي العتبة
    مع تسارع حركات زحف الاقدام .. تندقر الكاميرا الشوافه وتخطف لقطه ارضيه لهذا المشهد ..
    تندلق اصوات الكمانات مع رشه جريئه للساكس .. حتى يرحم المشاهد شوية من الاصوات الحاده ، اصلي جني وجن الاصوات الحاده ..
    موش انا المخرجه .. انا عايزه كده ..
    يرفع الرجل السمين رجله ليتعدي العتبه .. لم تكن حركة رجليه موفقة ولا محظوطه لتجتاز عتبه الباب ، يتكعبل ..
    يفرح (الساكس) ، يترنح مسافة الى داخل البرنده .
    لقطه خاطفه من مستوي (ارضي) للبنيه ام نضارات .. بمستوي يمكننا من مشاهدة اساسي السمين ، يترنح ويترنح ، حتى يسقط على نفس رجل البنيه ام نضارات وبالضبظ عندما يكون مسمار السفنجه مرفوع لاعلي ..
    تتمسك الكاميرا الشمشارا بهذه اللقطه .. حركة زحف جضوم اساسي صوب المسمار المتحفز ليدخل في جضومه ..
    زوووووم ان لعيونه وهي تطرد هذا الالم الناتج عن هذه الععفصة ..
    لقطه تبادليه بين رجل البينه ام نضارات .. وجيمس ، وهو يغير من رقدته ..
    تلحق الكاميرا الرجل الاخر ، بدر الدين شنا .. وهو يحاول ان يتعدي ..
    تخطف الكاميرا الحكامه ، وتستاثر بزوووم ان لعينيه ..

    باذن خاص جدا من باندوث بكري
    مازلنا نستعرض
    احداث فلمنا ضمن
    الزمن المسموح لنا
    الزموا الصبر
    راجعين تاني
    به

                  

07-24-2003, 12:05 PM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: shiry)

    ملحق احداث لمشاهد مازلنا نعمل لاستكمالها


    طااااااااااخ . ايقاع مبسوط ..
    تركز الكاميرا على مشهد سقوط بدر الدين شنا من فوق اساسي ..
    يفرح الساكس بطرب ، تضحك اكثر الكمان وهي تستاثر على اللقطه كامله زمنها ثانتين ونفس المسمار المصدي يدخل في يد بدرالدين شنا
    اصوات ولعنات .
    حوار مستقطع زمنه من اللقطه الرئيسيه
    -بالله المسمار ماقد جضومي .. ااااااااااااخ ، الحمد الله ما اجي في عيوني
    - دي العتبة الرمتني ولا مسمار ، (ينظر اليه ) اااي والله مسمار وكمان مصدي ، انت ياحيوان وكت وقعت ماتحزني يعني حركات الغتاته دي اصلك مابتخليها . الليلة انتظر الراجيك مني .. كدي لمن نروح القســم (ايقااااااع ) توضيح من المخرج للمشاهد كعلامة وقف.
    مازالت البت في غيبوبه .. وهما من عدم احساسهما لا يحسان بها .. الا بعد االانتهاء من الحوار اعلاه .
    موسيقي ( صوت كمان يتقاطر دمعه وساكس يتأوه ) ...
    زووووم ان .. للوجهين المتامرين .. اساسي /بدر الدين شنا
    - بالله نحن نفتش ليهو ، ما اهوندا الحيوان نايم هنا
    - دا هو .. ياهو ذاتو ، حتى ولو ماهو ياهي .. تعبنا الله يقدو
    - ينهض بنصف وقفه ، يرجع للتأوه من السقوط .. تتمسك الكاميرا الشمشار باثر لدغة المسمار في كفه ، وهو قائم يقبق اساسي ، لكنه لا يقدر على حمله بالنهوض (يضحك صوت الكمان في زمن طويل يتشاركه مع الساكس وسقوطه بدر الدين شنا حينما يخزله وزن اساسي ) ..
    اساسي يئن ، يسب ويلعن ..
    البت ام نضارات ، لا احد يشتغل بها .. يعفصها في جضمها بدر الشين دون ان يعرف ذلك .. جيمس لازال يقسم في شخيره ويتقلب على فراشه .. تلمح الكاميرا الحكامه الى امكانية العودة لاصطحاب المشاهد في مساحة الحلم الذي يحيى على ارضه جيمس ..
    تختصر الكاميرا ، هذه الفوضي ... بعرض خسائر بدرالشين /اساسي .. والبت ام نضارات
    تصل اياديهما في لحظة واحدة فوق جسم جيمس تماما .. بعد ان يتزحلقا على حافة سريره ..زووووم ان يسقطا فوقه تمام ..
    يطير بوت اساسي يحلق بصورة معكوسه للخلف .. (موسيقى ممطوطه يصدرها الساكس ) حتى يقع طاااااااخ (ايقاع غليظ كريه متشفى) فوق بدر الشين .. فردة البوت التانيه تحلق هي الاخري (موسيقى متواتره مكسوفه ، يصدرها الكمان) فوق راس (البت ام نضارات ) طاااااخ
    فوق راسها تماما ..
    تستيقظ (البت ام نضارات ) ، الكاميرا الشوافه ، تلاحقها ، تتباع حركة جرستها وهي تهبش راسها وجضومها ودمها ، وتكفكف دمعها ..وتأوهاتها ..(متابعة لصيقة من الكاميرا لها ) وهي تلفت لترى الحراميه (هي تعتقد ذلك ) لحسن نية منها ، لكن المشاهد اذكي يعرف انهما اكبر بكثير من هذه التسميه البريئة ..
    زوووووووم ان .. طاغي على الشاشة بزمن مقداره اربعة ثواني ..
    جيــمس ، اخوي عايزين منو شنو ..
    يستيقظ جيمس مخلوعا يحاول ما امكن بعثرة الجثث التي تراكمت فوقه ..
    يلتفت صوب البت ام نضارات بخلعة واستغراب شديدين
    موسيقى عشوائية ، كورجه يعني .. ايقاعات طبووووول
    حـــــــنين ؟؟؟؟

    هذا ما ينطق به جيــمس لنعرف جميعا ان البت ام نضارات هي حنين العضوة البارزة في سودانيزاونلاين ، ونخلص من هذا الغموض ، يلاااا اهو نلقى لينا سبب نقفل بيهو هذه اللقطات اللايوووقه التي ابت ان تخلص ..

    توضــيح غير معقد وصريح من المخرجه
    والمؤلفه ـ الكاميرات لا ، موش معانا

    دي فلم شنو دا اللي اشبكنا فيهو ، يحلني الله منو ، الليلة
    بصراحة كده المخرجة والمؤلفة زهجت والكاميرات تعبت وعايزه ترتاح ، وانا ذاتي مشتت اشرب لي شاي ، راسي دا عايز يطق ، انشاء الله جيمس عمرو ماقااااام ..



                  

07-24-2003, 12:19 PM

ودالعباسية
<aودالعباسية
تاريخ التسجيل: 10-28-2002
مجموع المشاركات: 2442

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: shiry)

    العزيزة شيرى


    الفلم رايع

    لكن بينى وبينك بدرالدين شنا واساسى ديل ما تعبتيهم شديد
                  

07-24-2003, 12:35 PM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: ودالعباسية)

    سلام مربع

    ود العباسيه

    هم شافوا حاجة
    لسعة الفلم في اولو
    يحلهم الحل بالله
    مخرجه ومؤلفةعبيطه
    لايوووقه
    وكاميرات اليق
    واعبط الف مرة
    منها
    كدي اتخيل معاي
    شنو الحا يحصل
    ليهم تاني
    ؟؟
                  

07-24-2003, 02:05 PM

قلقو
<aقلقو
تاريخ التسجيل: 05-13-2003
مجموع المشاركات: 4742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: shiry)

    شــيرى
    انا مصـر على انه المسألة ابداع غير عادى
    لكن لى اقتراح بسيط بتعديل السيناريو وهو ان تستبدلى المسمار الذى دخل فى يد الخاين بتاع الفيلم بخابور
                  

07-24-2003, 04:11 PM

3omda4


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: shiry)

    سلام شيري
    انا لحدي هسع ما عرفت الدخلو ديل شنو؟؟؟قلتي ما حراميه

    لك السلام
                  

07-26-2003, 08:33 AM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: 3omda4)

    سلام مربع


    قلقو

    الله يكرمك ياسيدي
    وجودك معنا متابعا للفلم
    يسعدنا

    ماعايزه اعمل ليك زي مقدمين البرامج
    واقول ليك انشاء الله نلبي طلبك اقتراحك
    لانو انا المخرجة
    عشان كده ح اقول ليك
    حولنا اقتراحك الجميل
    الى المخرجة اللي هي انا
    وياهـــلا


    عمده

    ياسلام عليك يا متابع ياجميل
    خليك معانا
    وانشاء الله ماح تندم
    اقصد ماح تزهج
    لانو حكاية الندم دي
    مابضمنها ليك
    لانو الفلم ومع اني المخرجة
    والمؤلفة
    وحات نظري ماعارفاهو
    الى اي الاتجاهات
    سوف يدردق
    واي نص سوف يتناول
    المهم في النهاية
    اهو نحن بنتفرج
    سلمت ياسيدي
    مع تحيات المخرجة
    والمؤلفة
    وممكن ذاتو اقلب ممثله او بطله فيهو
                  

07-26-2003, 09:24 AM

HOPELESS

تاريخ التسجيل: 04-22-2003
مجموع المشاركات: 2465

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: shiry)

    لي كم يوم مستني نهاية الفلم العجيب دا
    اها الخيانه ديل حصل معاهم شنو
    جيمس نايم مخدر ولا الحاكيه شنو؟
    البت دي حصل معاها شنو تاني
    وين الجيران
    ووين ود الجيران البحب البيت دي مش دي ساعه جيتو
    يعني مش لازم يجي يعمل عنتر قدام عبله دي
    مش دي برضو فرصة العمر
    غايتو متابعنك بمتعه لا توصف واصلي ابداعك
    وربنا يديك العافيه
                  

07-26-2003, 09:26 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 22455

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: shiry)

    شيري : لك التحية و التقدير
    نتابع الفيلم دون أي ( مسليات ، كالتسالي و الفشار و المشروبات الغازية ) حتى لا نفوت علينا أي شاردة أو واردة من هذا الفيلم. و إلى أن تنتهي منه ، سنكتب لك في النهاية تحليلنا له. و هو إلى الآن مكتمل فكرة و أسلوبا و موسيقى تصويرية و فلاش باك و باكقراوند.
    فوق دربك و تسلمي.
                  

07-26-2003, 04:02 PM

HAMZA SULIMAN
<aHAMZA SULIMAN
تاريخ التسجيل: 04-20-2002
مجموع المشاركات: 3278

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: ابو جهينة)

    قد يكون السمنه وصف اساسى
    والشنه وصف بدرالدين
    ومشتركين فى السودانيه
    لكنهم مختلفين
    فى الفكر
    فالاختلاف داخلى ارى ذلك
    ومصطلحاتك الموسيقيه
    شيريه جدا لكنها معبره باحساس الفلم
                  

07-26-2003, 08:48 PM

3omda4


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: shiry)

    سلام مربع تكعيب
    اولاً سلامات
    والله استمتعنا بيك كاتبه ومخرجه كدي ورينا نفسك بطله للفلم
    تحياتي
                  

07-28-2003, 07:56 AM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاهد مطاقـشه لاحـداث ملخومـه جدا (Re: 3omda4)

    سلام مربع

    هوبليــس
    انا ذاتي اخلاقي جات منو هنا ، وماعارفه شنو الدخلني في الحتة الضيقة دي
    حاولت اتفرغ ليهو من يومين بس فشلت تماما ..
    ان الله ادا في العمر ، كلو في الطريق ..
    ما احلاها عيشة الفلاحة
    ماعارفة ايه العلاقة بين الجملة الاخيرة القلتها وما كتبت باعلاه ،
    لا تتشغلوا بجنوني ، عادي

    ابو جهينه

    انشاء الله يارب يخليك .. دا كلو من زوقك يا طيب

    وسلمت اكثر للمتابعة واكيد يسعدني رايك البناء ..
    نحن والكاميرات والاحداث
    في انتظار تحليلك
    ابقى معنا ماتشتت

    استاذي حمزه

    طبعا انا يا استاذ معتمده عليك بعدين في نهاية الفلم انك تقول رايك في التواصيف الموسيقيه
    على فكره انا كلها قاطعاها من راسي ، زي ماقلت ليك قبل كده .. لم اقرأ في كتب الموسيقي
    ولا اعرف الا ما يعرفه اي انسان عادي عن الموسيقي ..
    انت تعرف ذلك ، ليس هناك كتب ثقافة تتناول المعرفة الموسيقية
    عليه . انت مسئول عن الوجه النقي المموسق للفلم
    منتظرنك ما تزووووق

    عمـــده4
    انت طماااااع اوي ، خلينا ندي فرصه لي غيرنا ..
    كفاية ان الكاميرات الثلاثة مزاحمة المخرجة في رؤيتها للاحداث
    فهي تختر وفق ما ترى ..
    سلمت ياعمده للمتابعة
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de