|
دعوة لتقليل المشاركات بدون زعل بعضكم
|
الأخوة الأعزاء أحبابي بالبورد كم عزيز علينا هذا البورد و كم هو أصبح مهما عندناو قد صار لنا وطنا كما قال الأخ بكري راعي هذه المظلة الرطبة التي نستظل بها و نستفيد منها في شتى المجالات فكر و علوم و أدب و ثقافة و معرفة و ترفيه
و من الملاحظ في الفترة الأخيرة أنه أصبح هناك كم من المشاركات لا حصر لها بدون أي فائدة تعود علينا من هذه المشاركات و كأن صاحبها يريد زيادة عداد مشاركاته بدون ذكر أسماء هناك أخوة بالبورد اشتركو بالبورد من شهور قليله و تعدت مشاركاتهم الألف و اذا راجعت هذه المشاركات تجدها لا تنفع و لاتضر بل هي أقرب للضرر لا أتكلم عن الباندوث فليس هو من اختصاصي و لكن أتكلم عن الزمن الذي نضيعه حتى نعثر على موضوع ذا قيمة نستزيد به علما أو نرفه فيه عن أنفسنا
أكرر رجائي حتى لا يهرب من البورد أحباب نستفيد منهم قبل أن تكتب ردا أو بوستاً راجع نفسك هل سيفيدنا شيئاً
شارك بالقليل المفيد و نحن سوف نعرفك فهناك كتاب يكتبون نهاية الاسبوع مشاركتين و نحفظهم عن ظهر قلب و ننتظرهم
لا تزعلوا أخوتي من كلامي فقط حريص على عدم هروب الناس من البورد
أخوكم محمد الزومه
|
|
|
|
|
|
|
|
Re: دعوة لتقليل المشاركات بدون زعل بعضكم (Re: ابو نور)
|
الأخ أبو نور أظن 5 بوستات كمان فى بعض الأحايين كتيرة عشان كده حقو الناس بدون سقف من يجد أن موضوعه هام يستحق عدة بوستات لا مانع لكن أن أجلس نص ساعة في البورد تبحث عن موضوع لا تجده هذه مملة للغاية يعني ما تتصور الصباح كنت مضايق ضيق غير طبيعي و هممت بشىء لو اننى آثرت أن اتنفس في بوست خاص
جميل ان هناك من يشاركنى هذا الرأى و لا أدرى ما هو رأى باقى الاخوة
و لك أجمل التحايا
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
الاخ/ الزومه
شكرا علي الرد السرييييييييع
البطفش منك البوستات هو بالتاكيد كثرة البوستات الفارغه والمليانه لذلك اعتقد ان 5 بوستات لليوم معقوله 5 POSTS PER DAY وهذا وحده الذي يجعل من البورد مفيدا وذا مواضيع شيقه تمس دواخلنا
لك التحايا لك الود
ابونور
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
الزومة كلام رصين وعقلاني ومفيد... فلماذا استهلاك الوقت فى غث الكلام والجدل العقيم والتحرش ببعضنا البعض في مواضيع انصرافية؟؟ خير لي ان اقرأ ما أرغب قراءته من ان املأ البورد بسقط المتاع يجب ان اتحقق من جودة البضاعة قبل عرضها.. مع وافر الأحترام
| |
|
|
|
|
|
|
Re: دعوة لتقليل المشاركات بدون زعل بعضكم (Re: nile1)
|
الاخ الزومة
لك التحية
والله كلامك ده يا ريت يلقى ليه زول يسمعوا ياخى ويا ريت ندى كل موضوع الوقت الكافى للنقاش وبعدين ننزل الثانى
فىالرابط أدناه تجد دعوة سابقة ولكنها لم تجد أذنا صاغية مقترح لتفعيل البورد ارجو ان تجد دعوتك هذه الاهتمام والعناية ممن يغرقون البورد ببوستات لا حصر لها فى ذات الوقت ولو التزموا بانزال بوست لكل يوم لكان الضغط اقل والمشاركة اكثر فى كل بوست..
مع كل الود
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
سلام اخي الزومه كلامك منطقي ومع اني واحد من المعنيين بايد هذا الاقتراح بس عايز ازكرك انه في ناس دايره المهترشين الفارغين امثالي فلا تحكم علي الناس برغباتك فهناك من ياتي للسياسه ومنهم للترفيه ومنهم للهترشه
الاختلاف في الراي لا يفسد في الود قضيه عزيزي الزومه سلام
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
ومين سمعك الكلام الكتير لا بأس به (بما اني كلامه يعني) لكن المشكل الحقيقي في عدد المشاركات تلقى الصفحة كلها عبد الحميد عبد الحميد عبد الحميد عبد الحميد عبد الحميد
عبد الحميد ده طبعا اسم كودي،، ما عايزين مشاكل وعبد الحميد ده ذي بصحى كل يوم الصباح بدري يقوم يلقى الدنيا لسه ما صحت يقول يلا قوووووام اقوم اداقش كده املى المكان كلامي،، احجز
زومة كلامك ما فيه زعل والنصيحة تتقال كيف من الفترض نشارك في عدد عشر مواضيع لنفس الشخص وكل موضوع لا علاقة له بالآخر؟؟؟ ده زاتو نوع من المقدرات اللاعادية وطاقة جميلة كويس الاستفادة منها بس كيف نستفيد والمتابعة تبقى صعبة علينا شديد؟؟
تسلم اخي لقول الحق
| |
|
|
|
|
|
|
دعوة لتقليل المشاركات بدون زعل بعضكم (Re: الزومـــــــه)
|
الأخ العزيز نايل أحمد الله انكم قد فهمتونى و دعني اشرح عملية النوريق و هي تعرف حديثاً بدق المحصول أي جمعه و فصل الثمرة عن ما حولها اذا كانت داخل قندول مثل الذرة و القمح أو غيرها النوريق هي عملية قديمة بآلات بدائيه و هي دق المحصل بالعصى أو دكه بواسطة الحمير ثم بعد ذلك يضر للريح و يغربل
و سأعود لك مره اخرى
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
الـزومــــه ســـــــلام
الفكرة كويسة لكن في مواضيع بتكون زي حوارات أو مناظرات يعني الواحد محتاج
ليهو لي أكتر من خمسة بوستات ما عارف دي هل حا إكون فيها إستثناءات و لا رأيكم
فيها شنو ؟؟؟؟؟؟.
مامان يا خـوي إلا الشـوت الضفاري دا لأنو بقد الكـفـر و لا إنت بتاع دافوري
| |
|
|
|
|
|
|
Re: دعوة لتقليل المشاركات بدون زعل بعضكم (Re: فتحي البحيري)
|
Quote: بس للحقيقة ... في ناس اذا كتبوا 500 بوست في الشهر ما بنزهج منهم ... خصوصا الأعضاء القدامي زي يازول يازول وقرشو والصادق لانه بيجددوا ومواضيعهم لذيذة ورائعة وكمان من الهتراشة شيري عندها طاقة هائلة لتفريغ الشحنات الزهجية الناتجة عن الغربة لدي الأعضاء... بس المشكلة في الناس اللي بيمسكوا ليهم درب واحد ويكرهونا بيه ديل |
احب ان اقول للاخ عبده ، انت هنا تخالف راي صاحب البوست ، لانك تري ان هناك من يستحق ان يكتب ما يريد بينما الآخر ، لا يحق له وفقا لرأيك واعجابك ، واعتقد هنا ان راي العبدلله ورايك قد لا يلتقيان ، فقد تعجبك كتابات شيري ولا تعجبني
اقول وبالاسماء ، لاننا طالما نتناقش من المفترض ان نكون واضحين ، اعتقد ان الاخ بحيري ينزل بوستات كثيره ، وانا فكرت كثيرا ان اكتب له بان يقلل بوستاته ، لا لسبب سوي انه يطرح قضايااراها مهمه -في رأي-لكنه يستهلك طاقاته في بوستات اخري تجعله غير مركز في البوست
اندهت من تأييد قرشي لرأي صاحب البوست لان قرشي كان اكثرنا نشاطا ، هو وودعازه لماذا لم يلتزم بهذا الاقتراح ذك الزمن ، اوضح انني اذكر الاسماء دون مواربه لاننا نطرح راي من المفترض ان نكون اكثر وضوحا له
راي الشخصي ان البورد يطرح فيه الكثير وفي النهاية يبقي الثمين
اقول للاخ بحيري انني اتمني الا يطرح كثيرا من البوستات ، لان بوستاته تشكل قضايا اراها مهمه ، ويجب ان تأخذ زمنها ، لكم شكري
| |
|
|
|
|
|
|
Re: دعوة لتقليل المشاركات بدون زعل بعضكم (Re: رقم صفر)
|
الأخ رقم صفر أؤكد لك فعلا اخي انا لا اتكلم عن تحديد اشخاص بعينهم للكتابة و لكن باقتصاد الكتابه اوزن ما تقول و اكتب لكن ان يطل علينا بكل دقيقه بموضوع افرغ من الفراغ و ردود على بوستات بدون داعي ده اسمو فراغ و عدم موضوعية ملحوظة : اصبحت مقل جدا في كتاباتك و حواراتك المثرية للنقاش رغم اختلافي مع كثير من ارائك لك اجمل الود
| |
|
|
|
|
|
|
Re: دعوة لتقليل المشاركات بدون زعل بعضكم (Re: maman)
|
Quote: بس المشكلة في الناس اللي بيمسكوا ليهم درب واحد ويكرهونا بيه ديل |
الأخ عبدو تحياتي الأسبوع الماضي أنا كنت ماسك درب واحد ونزلت في يوم واحد حوالي 11 بوست عن المرأة في الإسلام وفي المجتمع وفي..وفي..وفي..طبعا دا كان رد على بوست معين...ولسع باقي كلام كتير لأنه الطرف الآخر المحاور أبدي مشكورا إستعداده للحوار..وحيكون حوارى طويل وفي نفس السياق...أها الكلام دا بينطبق عليه تعليقك الفوق دا؟؟؟؟خليك صريح ..على الأقل تنبهني عشان ما أثقل عليكم....تحياتي
| |
|
|
|
|
|
|
Re: دعوة لتقليل المشاركات بدون زعل بعضكم (Re: nile1)
|
تكلم أحدهم عن التمر فقال: هو حلوى الغني وطعام الفقير وزاد المسافر بالمعنى دا الزول العندو التمر دا فنكهة وتحلية بنديهو تمرة تمرتين 3 بالكتير لكن العندو التمر دا هو غذاؤه الرئيسي أقل شي بنملا لي طرفه منو (طرفه دا ما العين ، آآ؟) وبعدين اذا كان المشكلة بتاعتكم انكم ما قادرين تلقوا البوستات المفضلة بالنسبة لكم فهناك طرق فنيةكتيرة جدا للاحتفاظ بالبوستات المهمة ورفرشتها كل مرة أو الاحتفاظ باللنك بتاعا في أي ملف نصي عندك في الجهاز او في رسالة بريد الكتروني والداير مساعدا في الحتة دي يسأل انما دواء العيي السؤال وبالنسبة للبوستات المحرية والمتوقعة مما تحبون فيمكن فحص الصفحات ال3 الاولى من المنبر الحر أو عمل بحث بكلمة مفتاحية او اسم المستخدم أما اذا كانت المشكلة في الثقل بتاع المواضيع على السرفر فانا اتكلمت في واحد من البوستات عن المشكلة دي والان بقترح على الادارة انها تمسك اي زول صلاحية انه يحذف بوستاته بنفسه وتحدد لييهو حد أقصى من الحجم لا يتجاوزه ويمكن مراقبته والتحكم فيه برمجيا وعليه اذا داير ينزل بوستات اكتر عليه انه يفضي وهكذا وبرضو كلامي ما كمل القتوا دا رايكم فيهو شنو؟؟؟
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
الزومة
دعوة تستحق الاهتمام
وانا فى رأى المتواضع اتو المشكلة مش فى كترة المشاركات
انما نوع هذه المشاركات .. وهل تستحق ان يفرد لها بوست
اما مايخص الحرية فى الكتابة والتذوق .. فكل انسان له ذوقه الخاص
ولكن رغماً عن ذلك لا يرضى بالرث حتى وان كان من دائرة اهتماماته
وهنالك ايضاً مشكلة البوستات المتفرعة من بوست رئيسى ودى موضة
اليومين ديل .. اول ما تجى داخل البورد .. رودا ما عارف ليك شنو
كده .. ويابت الاحفاد ما عارف ايه .. والبوست الاصلى يضيع شمار فى
مرقه
يا ريت يسمعوك
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
بسم الله الرحمن الرحيم
الحبيب الزومة سلام وإحترام
Quote: لكن لو زعلى كتر بعد كده بذكر الأسامي عديل
|
ما قلنا بدون زعل يا زومة
أنا شخصياً ما زعلت لكن إتحسست شوية والسؤال المطروح عدد البوستات التي حددتوها بالرقم خمسة هل هي مشاركات أم بوستات جديدة أنا شخصياً ربما أنتظر إلى أن تزعل عشان تدينا النتائج ونشوف نحن في قائمة الناجحين أم الفاشلين لك حبي وتقديري
| |
|
|
|
|
|
|
دعوة لتقليل المشاركات بدون زعل بعضكم (Re: الزومـــــــه)
|
الأخ العمده
كل الود يا عزيزي محفوظ فاننا قد جئنا لهذا المنبر كي نحفل بمزيد من الود و كل اراءنا هي نتاج لاجتهادات فواخير الادمغة و التي تأثرت وفقا لبئتناو ثقافتنا و موروثاتنا فلذا من الطبيعي أن نختلف و أن نعبر عن اختلافنا و لا نخفيه حتى نفيد بعضنا بعضا و الود كل الود لمن خالفني قبل من اتفق معي
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
و اضرب لك مثال هناك بوست قديم لاحد الاعضاء اسمه نكات على ما اظن لماذا لا نمسك هذا البوست ننزل فيه كل نكاتنا هناك بوست اسمه خيمة الحاردلو بالعمارات لأهل العوض لماذا لا ننزل فيه كل المسادير حتى يصبح مرجع كامل متكامل
و سأعود اخي و لك جميل الود
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
نحن ما عايزين نستشهد بردودك و بوستاتك عشان ما يكون تأصيل للخلاف لكن كترة الطله ما حلوه خليك حلو و خفيف على قلوبنا انت مشروع كاتب كويس لكن ركز شويه الله يديك العافيه و يديمك فانت اخ جمعنا بك هذا البرلمان الرائع
أخوانك بت قضيم / الزومه
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
هناك مثل بيقول (إذا أشار اصبع للقمر فان الاحمق يبحلق في الأصبع)وانا ماداير اقول انني عندما اصر (كماتنظر انت )على تلوين البورد بعبد الحميد عبد الحميد عبد الحميد فانني أصبع محض أصبع يشير إلى ما لم يبدو لي أنك اجتهدت في النظر إليه لقد لا حظ غيرك واستاء من كثرة كتاباتي وطريقتي في الكتابة ودون ذكر أسماء احتراما لهم حددوا حاجات محددة اعتقد انني بادلتهم الحب والاحترام وعملتا بيها والان يا الزومة انا عملت بالأصول التي تلزمني ان رأيت بوستا بعنوان كهذا وتاوقت ولم أجد مايستحق الرد وكلما يترفع بتاوق عشان اشوف جديد المناقشات في لحظة قررت اشعرك اني متابع وأخيرا رديت على حججك التي لا أسميها واهية ثمة حلول لمن لايريد تضييع وقته أوردتها لك لو كنت جادا واقتراحات تجعل من شراهتي في الكتابة حرة دون الاثقال على السيرفر وجهتها للإدارة لأنني أحسب نفسي بطبيعة الحال أحرص منك على هذا البورد وبهذا اعتقد انني لحقت آخرك وشوف غيرها سوف لن أنظر في بوست يساء إلى فيه بتجاهل أشياء كثيرة ليس آخرها ردي على العلة المعلنة الوحيدة منه بافحام
| |
|
|
|
|
|
|
Re: دعوة لتقليل المشاركات بدون زعل بعضكم (Re: فتحي البحيري)
|
الأخ الفاضل فتحي البحيري يا من حسبت نفسك عبد الحميد و انبريت لي و اخذت تكيل لى من الكلمات ما فهمته و ما لم افهمه و اقول اولا أنني لم أقصد شخصك بعينه بكلامي هذا و ليس هناك ما يدل على ذلك و انك لم تكن ضمن الذين كانو في مخيلتي عندما ذكرت هذا الكلام والدليل على ذلك أنني رديت على البوست الخاص بك و الذي مدحت فيه الصادق المهدي و قد اشدت فيه بكتاباتك و التي تعكس الوضع السياسي المعارض داخل الوطن و من قلب الاحداث خصوصا و نحن متغربين و خارج حدود بلدنا الا أنني بعد أن رأيت ردودك على هذا البوست راجعت كتاباتك من جديد و هي و ان كانت مفبده فى اغلبها الا انها كثيرة حتى انك بعض الاحايين تسيطر على جميع الصفحة الاولى و نصف الثانية اما ببوست خاص بك اما رادا على البوستات عفوا أخي فتحي بأي حال من الأحوال مهما تعتقد أنك مفيد و انك كاتب ماهر و أن الناس يجب عليهم أن يستفيدو منك لا يمكن أن يكون بهذه الطريقه جميع حلولك التي ذكرتها سابقا من شورت كت و بحث ليست مجدية لماذا تثرثر انت و تحرمنا نحن من متعة الابحار في البورد و ساتابع حيديثي لاحقاُ و سأذكر عبد الحميد الآخر علنا
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
الأخوة مامان ابو حسين عبدو ارتيقا ماجد لكم مني احلى الود و نتمنى للبورد كل ازدهار و ننعشة و افادة و ان يكون كوكتيل من شتى صنوف المواضيع و لكن في المليان حتى النكتة نحب ان تكون في المليان لا مجرد كتابه و السلام اكتب و متعنا معاك لا تتكتب تهرد كبدتنا الله يهرد كبدة أعداءنا اليهود
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
الفكرة التالية خطرت على بالى قبل لحظات. بدلا من تحديد المقالات وعددها، مارأيكم لو صنفناها الى عدة أبواب أو عناوين وبذلك كل واحد مننا سيعرف أين يكتب موضوعه وأيضا سوف تسهل على القارئ عملية التفتيش على المواضيع فى أقل فترة زمنية ممكنة وأيضا وبذلك يكون الكل قد شارك ماذا أقصد بكل ماسبق؟ نتفق على عناوين ثابتة مثل: ـ أدب ـ غناء/أغاني - قصائد ـ نقد ـ سياسة ـ دين ـ حلمنتيش ـ هترشة ـ تعازى ـ تهانى ـ رياضة ـ مواضيع أخري ـ دبرسة، لعلعة، اٍشتياق وهلم جرا الناس ممكن أن تتفق على الأسماء بعد كدة كل واحد يكتب تحت العنوان الذى يناسبه مارأيكم؟؟
| |
|
|
|
|
|
|
Re: دعوة لتقليل المشاركات بدون زعل بعضكم (Re: Maged)
|
والله انا اويد لانوا ياخ نحنا الموقع ده زاتوا ما قادرين نشوف فيو حاجة والله في ناس اسمها التقوم بقى مع دعايات بكري ديك في اي موضوع يا بداية الموضوع يا اخرة والله غلبنا نقراء حاجة تاني ذاتوا انا اويد واقول هنالك موضوعان في اليوم و5 ردود فقط
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
اخي زومة كويس رديت عليا وإلا كنت طرشقت وملأت لكم البورد كمونية
فتحي ممكن اتشالق وارد انا؟؟؟ شخصيا لا ارى اي غضاضة في نوعية المواضيع التي تنشر فلكل فولة كيال والناس امزجة ومن العيب محاولة التحكم في امزجة الناس بعدين في ناس كده لو اديناهم الفرصة بقلبوا لينا البورد كلو كلامات كبيرة من التي لا يستوعبها عقلي المتواضع ده بالنسبة لي انا لكني الفت النظر إلى انني (ودعني اتحدث عن نفسي) انني لا استطيع متابعة المواضيع لان فهمي بطئ اولاً،، ولاني لما افكر ارد على أحد المواضيع لا اجده بعد ساعة واحدة مرات ما القاه، وانسى اساسا اسمه
والله مرات اقرا موضوع جميل جدا او مستفز جدا واقرر الرد عليه برواقة بعد العمل لما ارجع البيت القاه طار في حق الشيطان الرجيم
في رأي ان المشاركات الكثيرة جدا تظلمنا نحن ككقراء قبل ان تظلم الكاتب نفسه وإلا ما كانوا اصدروا جريد الهدف اسبوعيا لامكانية قراءتها برواقة واللا حتى الخرطوم يوميا وهي كلها إعلانات وما دايرة قراية وتسلم لقراءة حروفي ده إذا اساسا قريت
كل الود يا اخوان
| |
|
|
|
|
|
|
Re: دعوة لتقليل المشاركات بدون زعل بعضكم (Re: بت قضيم)
|
الاخت بت قضيم شكرا لك على الرد الظاهري وتطييب الخاطر اولا وعلى تدعيم حجة حساسيتي عمليا ثانيا لان كلامك دا بالذات ان رادي عليه بتفصيل محب فوق وقتا ان هناك مليون طريقة للاحتفاظ بالموضوعات المهمة او بوصلاتها لمن كانت تلك مشكلته فعلا فيااما انك انت والزومة ماجادين في السبب دا او انكم ما قاعدبن تقروا اصلا وفي الحالتين الموضوع منتهي ويؤسفني ان اوكد لك مع ذلك انه عبد الحميد لو وقف عن الكتابة كله كله الحال ما حيكون افضل بالنسبة لكم لاجل كل هذا فانا ابدو (ولست كذلك) عامل اضان جلد من كلام الزومة غلطان عبد الحميد؟؟ لا اعتقد
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
لم اقصد بعبد الحميد شخص معين بعدين يا فتحي انا قلت فوق أن فهمي بطئ، يعني انت مابتعذر الحتة دي؟؟؟ يعني لو جيت عملت ليك فيها العلامة الفاهم لدين الله كان قلت عليا فاكاها في روحها ولو قلت ليك فهمي بطئ تطنش الاعتراف الخطير ده؟؟؟
لم افهم كلامك الأول ولا الثاني وانا ببساطة بسيطة جدا (كأنوا في بساطة معقدة) ببساطة يا فتحي لا استطيع المتابعة لان عندي مدير الله وكيلك همو كلو يطلع هايفاته ديل من جوه عيوني ومرات الاقي مواضيع تكتبها تهمني ،، او على الأقل تلفت نظري،، اجد في نفسي الرغبة القوية اني اقراها،، او اعلق عليها،، بتضيع،، مش لانك انت عبد الحميد،، لان في الف عبد الحميد في البورد ده وانا زاتي مرات بكون عبد الحميد اما اكذب عليك يعني وبالنسبة لي ،، فهم بطئ ووقت ضيق وذاكرة مخرومة لان تتذكر كل المواضيع،،، مؤكد صعب عليا ان ارفع موضوع واتابعه بتركيز الناس مقدراتها مختلفة
بس هذا كل الموضوع ليس لدعم احساسك باننا مابنقرا ولا أنا اتحدث بلسان الزومة ما شاء الله ما بغلب هو لذا طلبت تقليل المشاركات ليس لعدم اهميتها بل بالعكس او كان ما اهتميت من الأساس ومع ذلك ما اختلفنا يا فتحي ،، ويمكن انا غلطانة لكني حسيت بحدة في كلامك أوانك اتحسست من كلامي،، فثق اني ما اتكلمت معاك إلا لاني شاعرة ان الكلام معاك ما حيطير لي عين ذي ما في ناس كتيرة في البورد شايله عكاكيزها ومنتظرة الكعة ما تزعل مني واحنا اخوان
ودام فضلك وشكرا عبرتني بالرد
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
الزاكي النايل سلامات يعني اتكلم معاك تشيل لي عين طوالي اقول ليك حاجة؟؟؟ ما بتسمعوا بحاجة اسمها احترام المقدرات العقلية؟؟؟ انا شخصيا،، مقدراتي العقلية على قدر حالي الحمد لله من الله مش مني يعني هل نحن في نظركم سطحيون؟؟؟ رغايون كلامنا فارغ؟؟؟
صلي على رسول الله انتوا الواحد ما يتكلم معاكم بي راحتوا ابدا شايلين كدايسكم في راسكم حايمين؟؟؟
| |
|
|
|
|
|
|
Re: دعوة لتقليل المشاركات بدون زعل بعضكم (Re: بت قضيم)
|
Quote:
اقول ليك حاجة؟؟؟ ما بتسمعوا بحاجة اسمها احترام المقدرات العقلية؟؟؟ انا شخصيا،، مقدراتي العقلية على قدر حالي الحمد لله من الله مش مني يعني هل نحن في نظركم سطحيون؟؟؟ رغايون كلامنا فارغ؟؟؟
|
يا جماعة البت دى قاصدانى ولا شنو
والله ما مشروع شكلة يا بت قضيم لكن زى الدخلتى جواى وفتيتيه عديل كده
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
فتحي ونايل برضو
لنفترض انكم كنتم اساتذة كرام عالمين ببواطن امور كثيرة يجهلها الطلبة وانا اكبر مثال لطالبة مثلا يعني اليس من المنطق ان تعلمني حمل العداد،، وتضرب لي مثال مبسط،، وتعطيني الدرس واحدة واحدة ،، لاتعلم كيفية الجمع؟؟؟\ واللا تدخل لي في نظريات التفاضل والتكامل مرة واحدة كده بدون فرصة شيلة النفس؟؟؟ ده لاني بليدة في الرياضيات وضربت مثل بالرياضيات
هذا كل ما قصدت وليس الموضوع مين مع مين واللا فلان بحر مليان سمك وعلان ترعة كلها ضفادع انا يا فتحي لما قلت ان فهمي بطئ لا اسئ لنفسي بحقيقة فانا فهمي بطئ جدا ولاكون موضوعية احدد المسائل السياسية تحديدا احتاج لمن يقودني ويرشدني لمثل ما تكتب انت وبعض الأخوان وارغب جدا ان استفيد فلماذا نفسكم حار علينا كده؟؟ بكرة مين عارف يمكن تستفيد مني في مجال تاني ونستفيد انا وانت معا في مجال تالت يعني الموضوع لا يحتاج لحساسية وانا شخصيا لما دخلت مناخيري في الموضوع،، هكذا كنت اعني وان كنت سخيفة بضرب مثل عبد الحميد وشكيتك على الله داير تدخلني وتقول انا قلت زول تاني،، لما ضربته ضربته مع اخواني اللي انا شايفة انهم متفوقين عليا في بعض النواحي وحابة استفيد منهم
لكن حقيقي تخوفوا
شكرا فتحي لتفهمي وشكرا نايل انك لسه ما رديت عليا رد مسيخ
واعتبروني طالبة طالبة قروش بالذات
سلاما قولا من رب رحيم يجعل كلامنا خفيف عليكم
| |
|
|
|
|
|
|
Re: دعوة لتقليل المشاركات بدون زعل بعضكم (Re: بت قضيم)
|
انا اعترف ليك بي حاجة انا بعتبر نفسي استاذ في اللحظة البكون فيها طالب وطالب في اللحظة البكون فيها استاذ بمعنى الفكرة القديمة في التدريس انه محض تلقين دي ما قاعد اتبعا (بالمناسبة انا الخلفية بتاعتي الحقيقية استاذ رياضيات) وقاعد اتعلم اثناء التعليم وهكذا يعني محض كلامك عن انني مفروض اعلمك حبة حبة دا بعتبروا تكرم منك في انك تعلميني الدايرة تتعلمي مني حبة حبة وبالنسبة لانه السياسة صعبة عليك الله الصعب فيها شنو؟؟ السودانيين يا هن ديل عندهم ما عند الناس من عقل وانتاج الخ وموارد ماشاء الله وكل يوم في خير من الوطا وخير من السما وياهن ديل اتعب العالمين واشقى العالمين واكتر العالمين تشردا وضياعا وغربة في الخارج وغربة وذهولا وفقر وعوزا في الداخل دا كله عشان شنو وسببه شنو؟؟ دي دايرا ليهاعلموني ودرس عصر؟؟ واشكرك كتيركتير جدا واسف اذا ظهرت بمظهر المتحسس والمتعالي ما عليكم والله ولا منكم
| |
|
|
|
|
|
|
Re: دعوة لتقليل المشاركات بدون زعل بعضكم (Re: فتحي البحيري)
|
م. الزاكي
سلاماات
اسف لتاخير الرد بس انت ادري بي ظروف الوقت والعمل وكده
حسع يا باشمهندس موضوع المرأة في الاسلام والمرأة في المجتمع تكرار ؟ المواضيع دي طرحتها لحوجتنا ليها في تلك اللحظة وبارك الله فيك.. بس ما بتلقي ليها فرصه في الصفحة الأولي عشان كده ما اطلعت علي جميع العناوين لدرجة اني اتفاجأت لما قلت لي انهم 9... حسع انت يوم كتبت ليك كلام فارغ يا باشمهندس ؟ وللا ساي اتحسست من كلامي
العفو يا سيدي
انا بي صراحة حاتكلم مع أخوي فتحي بحيري
سلامات يا فتحي البحيري
طالما انت بقيت صبور واتحملت كلامي باواصل معاك
Quote: Registered: 14-02-2003 Total Posts: 1523
يعني كتبت 165 بوست خلال تلاتة أيام
يعني 55 بوست في اليوم
|
اللهم صلي علي النبي ... ما نحسدك علي وقتك
بس حن علينا شوية ... اسمك مكرر في الصفحة الأولي 29 مرة
ادي الناس نفس في الصفحة الأولي يا حبيب
| |
|
|
|
|
|
|
Re: دعوة لتقليل المشاركات بدون زعل بعضكم (Re: EMU إيمو)
|
بت قضيم ماقلت ليك أنا زول أهالي وطربش وعلى نياتي..شوفي فات على شنو
Quote: وشكرا نايل انك لسه ما رديت عليا رد مسيخ |
دا شنو؟؟؟؟؟ما قلت ليك إنتي زوله ما ساهله...طيب ما تقوليها عدييييييل ...يامسيخ ..يا ممصمص..بعدين ما تحكمي على من شكلي...شكلي مسيخ وكشر وكل حاجه...بس والله أنا ما كدا..ما بدعي إني طاعم بس بحاول يكون لى نكهه ...وبعدين كلامك دا بيخليني أهريكم كلام وأحاول أخفف دمي عشان أثبت ليك إني ما مسيخ..فأحسن تسحبيه عشان ما آكل راسكم بالكلام وأملا البورد..إنتي ما عارفه حاجه ساكت..وقايله نفسك براك النضامه..الناس لما ينبسطوا من واحد بالذات امهاتنا وكبارنا بقولوا ليهو إن شاء الله يوم شكرك ما يجي..أمي الله يرحمها كانت بتقول لى..إن شاء الله يوم خرفك مايجي..العيال وأمهم برضو بيدعوا لى نفس الدعوه...ومساكين ليهم زمن بيسألوا عن بلاد واق الواق بي وين عشان بعد التقاعد يودوني هناك....لكن هسع قررت أجي أسكن في حلتكم...شوفوا لينا بيت فاضي
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
نايل ليس من اللطيف ان تنكر صفة لطيفة كالمساخة لي زول امسخ من عصير تروبي ،،بتعرفه؟؟ خصوصا لو كان الزول المسيخ ده من حملة الماجستير في المساخة لو ما ادونا دكتوارة فخرية انت عارف،، طالما انكرت صفة المساخة هذه حتى انهد حيلي فاقتنعت بها واسميتها (ذكاء متقد وبديهة) ما العلاقة بين هذا الاسم والمساخة؟؟ آبعرفوا انت مش مسيخ،، على الأقل تشفع لك الكلمات الظريفات التي نفختني بها بعدين لا غضاضة عليك لو سميتني حبوبة كلها أضان حتطير ليك ايه يعني؟؟؟ عندك واحدة تانية تبري ان شاء الله يا سيدي ما بينا ووالله لو كنت عارفة انك عايز تتشاكل وتقومها كتاحة،، والله ما كان خليتها ليك في نفسك قالوا المرة الشكالة يا نايل تكحل عين وتخلي التانية (مفسخة) عشان لما يٍسألوها تلقى ليها سبب شكل والقصة دي حكيتها لي طوب الأرض وبكون الباندوث نفسه قرف منها
لك الأمان علىأن لا يتجاوز الخطاب سن العشرينات او نتخابط ها الفضول حيفقعني ذي ما فقع الكاشف اخوي ده ما السبب التاني؟؟
| |
|
|
|
|
|
|
Re: دعوة لتقليل المشاركات بدون زعل بعضكم (Re: بت قضيم)
|
ست الصبايا بت قضيم...الأخ عبدو عاوزين تعرفوا السبب التالت..بلاش كدا؟؟؟المسأله فيها شرطين...الأول تتعهدوا وتبصموا بالعشره إنكم ما تصنفوني بأني إنتهازي...والتاني تنفذوا وبدون مناقشة طلب حأطلبوا منكم...بدون أي مناقشه إن شاء الله يكون لبن الطير....يا كدا ..يا بلاش..ولو ما عاجبكم يبقي سببي التالت عندي ...وتصنيفكم ولبن طيركم عندكم...ويا درا ما دخلك شـــر
| |
|
|
|
|
|
|
Re: دعوة لتقليل المشاركات بدون زعل بعضكم (Re: بت قضيم)
|
بت قضيم صباح الخير تتعهدي بشنو؟؟؟؟؟ قولي أتعهد أنا بت قضيم بكذا وكذا وسمي الأشياء باسماءها...حكاية أتعهد بذلك دا كلام عايم ساكت...خلى كلامك واضح ومحدد وقاطع...يعني أبيض أو اسود..اما حكاية ذاك ولذلك وكذلك دي فيها شراره لنزاع قضائي..وتبقي الحكايه فيها محامين وتدبيج مرافعات وخطب...خلينا واضحين من الأول ..واللي أوله شرط..آخرو نـــور...وعليك نور
| |
|
|
|
|
|
|
Re: دعوة لتقليل المشاركات بدون زعل بعضكم (Re: nile1)
|
الأخوان نايل و يت قضيم و عبدو خليت ليكم البوست ده رسلوا لي الايجار على الحساب رقم صفر صفر صفرين تلاته اصفار و شايف في سيرة خطوبة و عرس يبقى رسلو الحلاوة بالدي اتش ال
المهم خلونا نتابع و نشوف الناس ناوية تخفف علينا و تقلل الطلة ول لا زم نركب الفلاتر و الغرابيل
و نواصل
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
الزومـــه لعلك طيب ياخي أسع الجاب سيرة العرس منو؟؟؟؟؟؟بسم الله الرحمن الرحيم...ياخوي إنت طايره لك عرسه في رأسك وللا شنو؟؟؟؟مالك داير تسوي لينا مشكله؟؟؟؟المدام ساوي الدرب دا ساساقي..كان عينها وقعت على الكلام دا..يبقي أمانه ما وقع راجل؟؟؟مالك علينا ياخي؟؟؟؟قول بسم الله
| |
|
|
|
|
|
|
Re: دعوة لتقليل المشاركات بدون زعل بعضكم (Re: nile1)
|
الأخ العزيز بدرالدين السمح لك مني صادق التحيات و أرد على رسالتك الراقية التي وصلتني عبر المسنجر و التي تنم عن اصالتك و صدق تعاملك و عفويته و أحييك و أحي رقيق عباراتك و يا حبيبنا بدر الدين أنا لم اتجاهل الرد عليك لكن أحببت أن اترك المجال للجميع للمشاركة و تبادل الآراء حول طرحي للموضوع و أوجه القصور فيه لان دعوتي هي تخص الجميع و لا تخضع لقانون أو شروط و هي اتفاق بيننا كبورداب و التزام أدبي لذلك يجب يكون الاتفاق شاملاً و الان يمكن ان نقول ان البورد في هذه اللحظة رجع لتنوعة و روعته و فقط هذا هو طلبي لا أن يكتب شخص معين عشرة بوستات و عشرين رد في خلال ساعتين و أقول لك بأنك من المقلين في مشاركاتك بل شحيح ايضاً و أنت فنان بالفطرة نذكرك جيداً في فرقة الاصدقاء و محطة التلفزيون الاهلية فمثلك لا يمل له حديث و قد قرات لك جميع بوستاتك مثال ركبتي المست غرورك و اغول غولى هذا و غيرها
و لك منى العتبة حتى ترضى و ابراهيم و التاج محجوب هم من اقربائي و خالص محبتي
و نتابع
| |
|
|
|
|
|
|
Re: دعوة لتقليل المشاركات بدون زعل بعضكم (Re: قرشـــو)
|
عمدتنا قرشو اعلم انك اكثر الناس حرصا على هذا البورد و انت و الشلة الرائعة من اغرانا و جذبنا له و قد كان رائعاً جدا و ممتعا و الحمد لله ما زال بخير و لكن ما يعكر صفانا هو هذا الكم الزائد من المشاركات بدون افادة يعني بس كبر كومك نتفق يا اخوانا ان نرحم بعضنا و لا نفرض وجودنا على الناس يعنني شوية شوية ممكن الواحد يسيطر على قلوب الناس يعني عندك مثال الدكتور ابكر آدم اسماعيل يكتب كل يوم احد كما قال في الويك اند ننتظر كتاباته بفارغ الصبر لو انو اصبح يشتم سلسفيل اصولنا الشمالية الشايقية و الجعلية الا انك تستمع بفن الكتابة الذي يكتب به يعني اختلف معاك او اتفق ما ضروري المهم افيدونا افادكم الله
و نعود تانى
| |
|
|
|
|
|
|
Re: دعوة لتقليل المشاركات بدون زعل بعضكم (Re: الزومـــــــه)
|
الزومة نايل فتحي عبدو وقرشو المهم كلكم حارصكم يعني اعتذر عن تأخر ردي وكأن البوست بوست ابوي كنت اتابع فيلم كاوبوي خطير في سينما كلوزيوم ولا يسألنني احد وين لاني بالطبع لن اقول اصل الموضوع خرج من يدي رغم اني حاموت اقول الكلمة المشحتفاني لكني اخاف على حوص عيني،، بعدين يعدلوه لي ويضيع تميزي ما الحوص تميز برضو ما علينا
النايل انا اقر واعترف،، اقصد انا اوقع على بياض على معروضكم اللي انا مش عارفة ايه هو اساسا قول الموضوع سليت روحي حقيقي وزولك الزومة بعد شوية بجيب ليك فرقة الجيش لي يوم العقد بتبقى في البحلك من المدام يحلنا الحلة بلة ومعليش يا الزومة اطلع منها نحن استلمنا بوستك وضع يد واي كلمة بجيب ليك هوبليس هسه كمان قول حاجة؟؟ والله تقول اهدر دمك لووووول والله بهزر أها يا النيل حجوة ام ضبيبينة دي ما تقولها
| |
|
|
|
|
|
|
|