|
[B]ما اجملك[/B]
|
ما اجملك يا سطوة الفرح البيغمر قلبي حين أتاملك واتخيلك انت ومعاى وجنبك اكون اسعد ملك ما اجملك في قلبى تدينى الامان والالفة واحساس الامل يهدينى سلطان الزمان رقة شعور وربيع حنان خصانى بيهو من الازل واجمل عيون اتناهى في كونا واكون فارس رضاها المحتمل واتخيل الزمن الجميل جايينى من اخر قطار منك يصل ..ما اجملك ما اجملك وانا في رضاك والدنيا تمنحنى العشم تبقى الغنا وكل البراحات تنسجم في خاترى ترتاح الظروف وكل الفواصل والحروف يتآلفو ويحلى النغم والقاك مدار حظى السعيد وارتاد عوالم حس جديد وكل الجراحات تلتئم يا منية القلب المواعيد والسراب ما ضر لو بعد العذاب لو مرة يوم حظى ابتسم ومعاك اكون فارس رضاكى المحتمل والقاك في اخر قطار منك يصل ....ما اجملك
|
|
|
|
|
|
|
|
Re: [B]ما اجملك[/B] (Re: alfatih)
|
الغالية رحيل
لك التحيات الزاكيات
ما اسعدنا ونحن نقرأ كلمات تقودنا لدنيا الفال والامل الاخضر الجميل ودنيا الامانى الرائعة تلك التى كدنا ان نفقدها..
مش تقولى انك شاعرة قدر الدنيا ونحن ما عارفين ليه تخلينا يعنى نجهلك وانتى بكل العظمة دى ..
شكرا للكلمات الرائعات عزيزتى وبحق كلمات دافئة تسعد كل من تعانق عيناه فليتك تواصلى وتخلى الكسل
مع كل الود
| |
|
|
|
|
|
|
Re: [B]ما اجملك[/B] (Re: شرير والبرتقاله)
|
جيت أسألك ياطفلة الألم الرضيع تديني خاطرك شان اضيع في سوق موزع في الزحام يا عذاب الريح للخيام يا صهيل كسر اللجام يا ختام قبل البداية يا بداية قبل الختام جئت أسألك مين علمك إنو الزمن في مرة ناقص وفي مرة تام جيت أسألك الشوق مكتف في الطريق والخوف مداخل الفريق جيت أسألك مين علمك لغة الزهور مين علمك غضب الحريق وانت باحة وانت واحة وانت ذاتك سكة الزول للمضيق فاردة السواعد للزوابع والمطر للهم يولول للشجر عايز أسألك مين علمك تلمي السلامة مع الخطر
| |
|
|
|
|
|
|
Re: [B]ما اجملك[/B] (Re: raheel)
|
ما اجملك اجمل حروف والله بتشبهك شفنه الحنان والمشاعر فى روعتك ما سافرنا معاك فى قصتك لسه الطريق فى رفقتك وكل الجمال قوليه لنا ما اجملك
والله روعة ماذى خضار الجروف الضامه الندى مع تحياتى @@@@@@@@@
كم لظلمة الليل بهاء من الاطياف ولكن كثيرا حولها الى ارتكاب المصائب
| |
|
|
|
|
|
|
Re: [B]ما اجملك[/B] (Re: بلدى يا حبوب)
|
وكتبت ليك لا بينى بينك ريدة لا قصة غرام أخترت ليك أجمل حروف وأصدق فواصل نادرة فى لغة الكلام لا قصدى الهو معاك بكلمات غناء لا حروفى ليك مرجيحة من شعر الغمام وكتبت ليك والله يا قمر الزمان شأن جيتى بى زمن المحنة وشفت فى عينيك حس اهلى القدام وكتبت ليك وأنا جاى من زمن الشقا المرسوم على وش الثوانى مظللا تتمدد الساعات سنين تتفتح الأحزان غريبة ومذهلة وأشتاق أفتش نسمة فى الزمن العذاب وأيامى من كتر الأسى وكتر العزوف والاغتراب صارت حروف مترهلة لحظات أسيفة ومهملة وكتبت ليك ووقفت ليك لامن لقيتك فى قلب الطريق ولمحت فيك راحة المشاوير البعيدة ولفحة النسمة الحنينة الجاية من جوف المضيق حسيت عجايب الدنيا اتلمت بقت جايانى من عصراً سحيق عينيك حس أطفال بنادوا القمرة للغايب يعود وجبينك الضواى حجى الحبوبة فى الزمن السعيد وأنا فى قساوة الموحش الزمن المكهرب بى الحريق أنا حيلتى أيه قولى لى يا قمر الزمان أنا حيلتى أيه غير أتكى وأحلم معاك وأحضن أماسى الصحو والأمل البريق
| |
|
|
|
|
|
|
|