|
اكتشاف دواء سودانى لعلاج مرض السارس
|
شندى _الخرطوم من ياسر عبد الله تمكن كشاف سودانى من اكتشاف دواء عشبى لمرض الالتهاب المتلازم المزمن(سارس)يزيل المرض مابين 3 الى 5 ايام وقال القائد حسن محمد مصطفى رئيس الكشافه بمعتمدية شندى ان الدواء العشبى تمكن من اكتشافه قبل حوالى 12 عام عندما تفشت بمدينة شندى انفلونزا حاده وحقق الدواء نتائج مذهله فى علاج المرض وحول تركيبة الدواء اوضح مصطفى فى تصريح للخرطوم انه يتركب من الحبه السوداء وعسل النحل اضافة لزيت بعض الاعشاب الاخرى واشار الى انه اجرى اتصالا هاتفيا بالسفارة الصينيه فى الخرطوم بعد تفشى مرض السارس هناك ابلغها فيه انه لديه تركيبه تعالج المرض خلال خمسة ايام فقط وتبعا لذلك ارسلت السفارة وفدا الى مدينة شندى يضم اثنين من الاطباء والملحقين الثقافى والتجارى للسفارة التقى بصاحب الاكتشاف فى حضور معتمد محلية شندى وقام مصطفى بتسليم وفد السفارة كمية من الدواء تكفى لعلاج 30 شخصا بتكلفة 2 مليون جنيه كهدية للسفارة وقامت السفارة السفار بارسال الدواء وطريقة استعماله الى الصين ومن المقرر ان يغادر حسن محمد مصطفى مكتشف العقار برفقة ثلاثه من المتطوعين من الكشافه الى الصين فى الايام المقبله لاجراء التجارب العمليه على المصابين بعد تلقيهم لدعوة من السفارة الصينيه وذلك لما حققه الدواء من نتايج ايجابيه على المصابين واوضح مصطفى انه يمارس العلاج بالاعشاب كهواية وليس كطبيب اعشاب مشيرا الى انه لايتلقى اى مقابل مادى لذلك
|
|
|
|
|
|
|
|
Re: اكتشاف دواء سودانى لعلاج مرض السارس (Re: waleed500)
|
وليد اخبارك لزيزة زيك
يعني المطلوب نصدق ولا نضحك؟ نسيت تقول انه ده من انجازات الانقاذ القيمة ونتاج الثورة العلمية والطبية المذهلة عطار؟؟؟
العالم مشغول بشنوا يحلل ويكتشف الوقت ده كله في علاج للسارس
تحياتي زولة123
| |
|
|
|
|
|
|
Re: اكتشاف دواء سودانى لعلاج مرض السارس (Re: zola123)
|
غايتو يا دكتوره مانعرف نشوف شغلنا معاك اصلو
خلينا ناكل عيش بليز وسوق ليبيا دا تاني ماتعتبي
وليد الحبوب
انشاء الشغلانه تكون دي تكون اكيد عشان نتاجر فيها انا وانت ونحمل علي الصين وبقيه الدول والمكسب بالنص
| |
|
|
|
|
|
|
Re: اكتشاف دواء سودانى لعلاج مرض السارس (Re: Ahmed satoor)
|
Ahmed satoor تحياتى
وقامت السفارة السفار بارسال الدواء وطريقة استعماله الى الصين ومن المقرر ان يغادر حسن محمد مصطفى مكتشف العقار برفقة ثلاثه من المتطوعين من الكشافه الى الصين فى الايام المقبله لاجراء التجارب العمليه على المصابين بعد تلقيهم لدعوة من السفارة الصينيه وذلك لما حققه الدواء من نتايج ايجابيه على المصابين مانج تحياتى
دواء يتكون من عسل وحبة سوداء وزيوت اعشاب..يكلف 2 مليون...وبعد ده كله يقدمه هدية... ده صلاح ادريس
دى كميه لعلاج 30 شخص فقط فما بالك بى الفين شخص اكيد الرجل سوف يكسح اخونا صلاح ادريس
| |
|
|
|
|
|
|
Re: اكتشاف دواء سودانى لعلاج مرض السارس (Re: waleed500)
|
انشاء الله الكلام يكون صاح
ولو انو فيه حاجات غريبة....
اكتشف الدواء قبل 12 سنة!! وحقق نجاح...هل معنى هذا انا سارس كان عندنا منذ 12 سنة واحنا ماعارفين!!؟؟
كيفن تاكد له ان ما حل بمدينة شندي منذ 12 سنة هو ذاته هذا المرض اللعين...؟
وكيف تحقق من ان هذا الدواء سيفيد مع مرض سارس...يعني عندوا معمل ابحاث في بيته و رسلوا ليه مكروبات سارس في الدي اتش ال عشان يجري عليها تجارب!؟
دواء يتكون من عسل وحبة سوداء وزيوت اعشاب..يكلف 2 مليون...وبعد ده كله يقدمه هدية... ده صلاح ادريس خالو ولا شنو؟
| |
|
|
|
|
|
|
Re: اكتشاف دواء سودانى لعلاج مرض السارس (Re: manubia)
|
i remember3 or 4 years ago ,there was this probaganda about a guy in Sudan who discoverd a medicine to cure AIDS!!,everybody started to talk about this ,and some people even went to the extend to talk about some international agencies started to negotiate with our sudanese brother to start marketing the new product!!,today we hear about a new medicne that has been discoverd by anther one of our countrymen,i think when another mysterious disease spread out in the future,another (humble) guy will appear to be the discoveror of a new midicine,who knows,but one thing remain for sure,we never heard of the first one, and we will never hear about the new guy,on TV,or newpapers,or from anywhere,exept from our countrymen!
| |
|
|
|
|
|
|
Re: اكتشاف دواء سودانى لعلاج مرض السارس (Re: manubia)
|
وليد الكوز كيف حالك يا حبيب وماذا عملت ليّ في الموضوع؟ ولا خلاص نسيت على كلِ لم ينتهي شئ ولا زلت في الإنتظار
وعن السارز أهلنا في السودان لهم تجارب مع القرض وزيت بزرة البطيخ ولحاء شجر السدر والسورني والقنقليز والهالوق وخلاصة ما ذكرت جمعت في الجنزبيل ولو أنت رأسك أوجعك إستخدم جنزبيل والعافية بالنية مش النية بت حاجة عطية لأن النوايا تغيّرت
ولك تحياتي ولكل من دخل الخرطوم عن نفق الجامعة
| |
|
|
|
|
|
|
Re: اكتشاف دواء سودانى لعلاج مرض السارس (Re: yasiko)
|
تفوقنا الان على النيجيرين والباكستان فى الدجل0 نكتشف الدواء قبل ظهور المرض وننصب به عالميا0 انها المعاناة الاقتصاديه
الله يستر على حسن مصطفى واصحابه من العدوى ويخليهن لينا اصلها البلد محتاجه عمله صعبه0
| |
|
|
|
|
|
|
Re: اكتشاف دواء سودانى لعلاج مرض السارس (Re: waleed500)
|
في زمتكم يا خواني ، أكان السارس كان جا السودان في شندي قبل سنة ، وبينتقل بي اقل نفس طاير ، أكان لقيتونا حيين لي هسي في الخرطوم ؟؟ أكان جا لي واحد بس ، بعد يومين بتلقى جوبا وصلها المرض ، أكان بالعطيس الأجباري ولا بالقحة الاختيارية ، ولا بي حاجات تانية حامياني ،من صعود وخلافو ، وما محتاجين زول يكلمكم عن سلوكيات اهل الشارع السوداني في هذا المجال ، كدي خلو الطابق مستور عليكم الله هي هي هي هي هي
لكن والله خبر شديد عديل ، انشاء الله يكون صاح
تحياتي
| |
|
|
|
|
|
|
|