زوجتك في الدنيا .............زوجتك في الآخرة

هيهيهي قال كان كلو زول عرس مرتو القديمه البعرس الحورالعين منو ! ياخوي انت كان بتخاف على البنات من البورا ، معناتا دقستا ! البنات ما بنخافن عليهن ، كان ما خارجتا معاهن - البعديك طوالي ، و أكان ما لقت ليها زول ودا مستبعد تماما ، فيمكن تعمل زي الهولنديه العرست نفسها !! بس بيني بينك ما أظن الحور العين مجدعات ساكت في شوارع الجنه و تحت الشجر ، أظنهن بتخلقن لغرض ، وهو الناس الكايسين ليهن ، فربما يكون العدد بمقدار
وبدين ياجماعه ماتنسو كم زول مات و حيموت أعزب في الدنيا دي
قال لوكم ديل حيكونو عزابه في الآخره برضو ؟؟

طبعا نسيتو برضو أنو النسوان لهن ما اشتهين هناك أيضا خصوصا القانتات الراكعات الساجدات والمستغفرات بالأسحار ديل وكت الناس نيام

تعرفو حاجه ؟ والله الواحد لو هو و مرتو عايشين في الدنيا عيشة تواد و تراحم ، وعيشه ايمانيه صافيه وناس مما تصبح يصلوا الصبح سوا ، والمشاعر طاهره و بسيطه بيناتهم ، وواقفين مع بعض في الحلوه والمره ، أقسم بالله بعدين الواحد يستحي في الجنه حتى لو مرتو شافتو رفع عينو عاين لواحده من الحور العين من فوق لتحت !! والله الواحد يبقى ما بقدر العشره والحاجات الجميله الكانت مشتركه في رحلة العمر ، يعني ما أظن زولتنا الحور العين دي عانت معانا ولا تعبت معانا ، نقوم نديها روحنا ببلاش ساكت كدا؟ حتى المرأه لو زوجها كان رائعا و مساندا لها في أيام و ليالي الدنيا تجدها تستحي حتى في الجنه أنها تعاين بيجاي أو بيجاي ، دي عشره يااخوانا

وبالمناسبه قصة الحور العين دي ما اجباريه يعني ، ولكن زي حكاية أنهار من لبن خالص و أنهار من خمر و بيوت من قصب و لؤلؤ و عـــــضـــه نضيفه ، ودا كلو حسب أهواء الناس في الدنيا ، في ناس بسيل لعابها للأكل المشوي و ناس الأكل عندها مجرد شبع و تقويه على العمل والعباده ، وناس بسيل لعابها لرؤية المرا أم كعب عالي و غيرو ، وناس بحتقرو المنظر دا ، وناس العرقي والشربوت البايت و الكونياك والرم مهمه جدا عندها و جزء أساسي من متعة جتماعات الليل وونستها ، وناس بطرشو من ريحة الويسكي ، يعني أنا بحب عصير المنجاباللبن ، عايز تغريني بالجنه ما تقول لي عصير برتكان

فالخطابات الالهيه في القرآن راعت عدة أنماط من البشر بنفسيات مختلفه

وربنا يديكم الفي مرادكم و مرادكن