|
Re: هنيئاً (لكم/لنا) منبر الأقطاب والأبدال والنقباء والأوتاد (Re: Elmosley)
|
عزيزي أبو هديل
الناس ديل خلينا ليهم السودان كلو عشان ما يمارسوا كهانتهم فيهو، جايين هنا لاحقيننا مالهم ؟
بالله مما شفتهم اتذكرتا طقوس الزار وحلقات الذكر والدروشة والبخور الذي يحرق بسبب ومن دون سبب.
وليتهم أتوا لوحدهم، بل أحضروا وأيقظوا كل من في نفسه بقايا من عبودية قديمة أو ذل دفين.
وأقوالهم شواهد مثل : أنتي يا سيدة نساء العالمين، وأنتي يامن يسبح الرعد بحمدك، وحاجات كدا ذكرتني عصور الاقطاع.
حاجة تقرف وتسد النفس
.
| |
|
|
|
|
|
|
Re: هنيئاً (لكم/لنا) منبر الأقطاب والأبدال والنقباء والأوتاد (Re: Abdel Aati)
|
عزيزي عادل
أتذكر زمان صاحبي كوليل المعلق فوق دا، كنتا بايت معاهو في بيتهم في الخرطوم وبنتونس، قام قال لي : الليلة جابوا لقاء معا الصادق المهدي في جريدة شنو كدا ما أتذكر، وسألوهو عن رياضتو المفضلة فقام قال السيد الصادق : التنس الأرضي وهي رياضة شعبية في السودان !! قمتا قلتا ليهو : معنى كدا ناس عمك حسبو وأسامة داوود ديل بيكونوا بروليتاريا حاقدة كان كدا.
ههههههههههههه
المهم يعني كان الناس البيلعبو تنس ديل هم الشعب، أنا وانتا وكوليل الما عارفين التنس دا هو راجل ولا مرة، اكيد بنكون حشرات، زي ما صرح أحد أعضاء حزب الأمة ذات مرة.
.
| |
|
|
|
|
|
|
Re: هنيئاً (لكم/لنا) منبر الأقطاب والأبدال والنقباء والأوتاد (Re: ود شاموق)
|
منبر الأقطاب والأبدال والنقباء والأوتاد والله خدعتوني جنس خدعة...غايتو الناس دي بي تكتب جنس عناويين..أنا جاي وفرحان أفتش في الوصلة البي تسوقني الي منبر الأقطاب و و و...شايف في ناس بي تصطاد الناس بي طعم ساحر من العنوان... والمثل السوداني يقول ليك( الجواب يعرفوهو من عنوانو) هسه يوم داك.. واحدة كاتبة هنا عنوان عنوان عجيب شوية مافي داعي لى ذكر اسمو...تدخل بي جوة تلقي هواء ساكت...فرحت والله هسه قلت صوفية بلدي ..من أحمدية وقادرية وميرغنية وشاذلية وبرهانية... وسمانية وبرهامية...وأحمدية أحدية وأحمدية سطوحية وقادرية مكاشفية ودسوقية..وأحمدية أدريسية او أدارسة.زقلتا الجماعية ديل عملوا موقع خاص بيهم والله شنو..لأنو ابدال واقطاب وأوتاد ونقباء...دي مسميات صوفية...وشايف ناس عليها أثر التقوي بدأت تدخل البوست..المهم بعدين مالقيت حاجة.. بس لقيت الأقطاب والنقباء والأبدال والأوتاد ياهم ناس موقعنا دا... والله أنا موافق لكن الناس التانيين بي يوافقوا... ما إنتو هنا بوتقة تنصهر فيها جميع المساحيق ودا شي طيب جداً
| |
|
|
|
|
|
|
Re: هنيئاً (لكم/لنا) منبر الأقطاب والأبدال والنقباء والأوتاد (Re: سودانوبس)
|
Quote: أحمدية وقادرية وميرغنية وشاذلية وبرهانية... وسمانية وبرهامية...وأحمدية أحدية وأحمدية سطوحية وقادرية مكاشفية ودسوقية..وأحمدية أدريسية او أدارسة |
ديل والله كلهم مافيهم كلام، فوق راسنا من فوق (طالما هم محترمين نفسهم، وقاعدين في زواياهم)، بس الكلام لمن يجيك شيخك ويقول ليك شفتا الرسول في المنام قال لي اترشح للإنتخابات (هكذا .. مجازاً) .. هنا يبدأ الدجل. .
(عدل بواسطة ود شاموق on 05-26-2003, 07:56 PM) (عدل بواسطة ود شاموق on 05-26-2003, 07:57 PM)
| |
|
|
|
|
|
|
|