|
ياسر مبيوع في ورطة
|
ياسر مبيوع في ورطة إبراهيم علي إبراهيم
" لا غافلني وهادن فني غافل المدن الما عرفتني " حميد
في المهاجر التي لفتنا طويلا يصير الغناء الأصيل كثيرا من السلوى والدفء، ويظل الحبل السري الذي يربطنا بنداوة الوطن وألقه والفته، ويفتح الكيثر من النوافذ التي أغلقت بفعل رياح الوحشة. وكثير الجرح يغري بالتناسي... كذا يفتح الغناء الجميل الذاكرة عن اخرها، ويجدد الأشجان يجمعها ويفتتها ونصير أسرى له... على كثرة ما قدم الفنانون من غناء رائع بقدر ما جففت الساحة الفنية في عقد (الجبهة) الأخير، بعد أن طال الفن والفنانين قدر من الإجحاف والظلم والجحود... فقل العطاء، ولم يعودوا ينتجون... ولم نعد نسمع إلى أصوات جديدة منذ سنوات طويلة. إستمعت قبل فترة- مصادفة – لشريط كاسيت. فسألت عن هذا الصوت فقالوا لي: - ياسر مبيوع فقد سمعت عنه كثيرا ولكنني لم استمع إليه، وبعد أن إستمعت إليه ثانية...أيقنت أنه صوت متميز ومقتدر أقولها بكل مسئولية أنني لم استمع منذ أوان قصي لصوت يملك هذه المقدرات الباهرة، وهذا القدر من التطريب والجمال، هذا صوت يقارع في قوته ومساحته وتنوعه، أقوى واروع الأصوات التي ظهرت في ساحة الغناء السوداني على الاطلاق. وهذه الملكات الكبيرة التي يتمتع بها ياسر مبيوع تفرض عليه مسئوليات كبيرة، وأحسب أنه لو قرر الاحتراف والتفرغ للفن، ستلقى على كاهله مسئوليات أكبر، فالساحة الفنية الان تعج بالكثير من الغناء الذي لا يستطيع أن ينافس أعمال الفنانين الكبار.. و لقد جاء بعد الجيل الثالث من الفنانين... رهط من الأصوات الجميلة ولكنها عجزت عن مواصلة المسير. فهم يملكون المقدرات ولكنهم عجزوا عن تطويرها وصقلها بالمعرفة والثقافة الفنية الموسيقية. وهذه المقدرات التي يمتلكها ياسر تفرض عليه أن يقدم أعمالا في مستواها، وأن لا يكون عرضة للوقوع في مصيدة ما يقدم في أيامنا (الغبراء) هذه. والفنان الحقيقي في غنى عن شهرة تفقده ترسيخ أقدامه، فالفنان الحقيقي ليس في حاجة لشهادة من أحد. في أواخر الثمانينات زرت الفنان الكبير محمد وردي مع بعض الزملاء في منزله بالكلاكلة، فوجدناه ينتظرنا في الشارع بجلبابه الأزرق وهو منزعج لتأخرنا عن الموعد المضروب فقلت له: - إذا كان إنت ساكن في اخر الدنيا!! فرد علي قائلا: - إنت فاكر محمد وردي ده فرقه شنو من الاخرين وقايل أعماله الجميلة دي من فراغ...أنا هنا عشان أقرا واشتغل!!! قلت له: - بتقرأ شنو؟ - كل شيء من السياسة والأدب وحتى الفلسفة والتاريخ والفن، اقرأ كل شيء اضاف وردي قائلا: - أنا كنت ساكن في نمرة اثيين... ولكن اكتشفت إني وسط الزحمة ما حأقدر اتطور اخلص إلى أن الفنان صاحب رسالة ويسعى دوما لإسعاد الاخرين والارتقاء بأذواقهم...و الاسهام في تشكيل وجدانهم، وهذا يتطلب منه صيانة هذه المواهب والامكانات التي اختصه بها الخالق ويعمل ما في طاقته للإلمام بالتراث والثقافة الموسييقية، والتعامل مع الأدب والشعر فكثير من الفنانين الذين يملكون أصوات جميلة سقطوا في الطريق لأنهم لم ينجحوا في اختيار النصوص والأعمال التي يقدمونها. أقول هذا للفنان ياسر مبيوع وبكل احترام وتقدير، ونقلت رأي للأستاذ الفنان الموسيقار يوسف الموصلي والذي وافقني وقال إنه ابدى استعداده للتعاون مع ياسر وأن هناك عملا ستقدمه له في القريب. ياسر مبيوع صوت ولا كل الاصوات الجديدة وهو ثروة فنية يجب الحفاظ عليها... أقول حديثي هذا... ونحن له بالمرصاد... والرزق على الله
------------------------------------------------------------------------------------
نشر هذا الموضوع في العدد 22 بمجلة "منابر"الاصدارة الشهرية للجالية السودانية بمدينة ايوا سيتي
التوم
|
|
|
|
|
|
|
|
Re: ياسر مبيوع في ورطة (Re: ELTOM)
|
شيل شيلتك معاي ياياسر مبيوع انا بعاين ليك وساكت اها ابراهيم قام عليك وعلي فكره ده ما ابراهيم علي زميلنا في البورد ده الصحفي في جريدة الخرطوم وغيرها
| |
|
|
|
|
|
|
Re: ياسر مبيوع في ورطة (Re: Elmosley)
|
الاخ التوم لك التحايا الفنان الواعد المخضرم ياسر له منا الاحترام ونتمنى له التوفيق وطالما بجواره استاذ الموصلى ما ح يكون محتاج لينا فى شى
ارجو ان تعرفونا على الاخ ابراهيم على ابراهيم هل هو المحامى ومن ابناء مدنى ام سنط ولو هو له تحييييييييييييياتى الشديييييييييده والاشواق
| |
|
|
|
|
|
|
Re: ياسر مبيوع في ورطة (Re: ELTOM)
|
يا ولد يا ياسر سليمان مبيوع, بقيت كبير وعامل ليك شنب وضنب وعامل فيها فنان وسياسى كمان, حليل لما كنا فى مارنجان والمزاد نرسلك للمويه, وين اخوك الكبير باشري,قول ليهو فى واحد صاحبك عجوز زيك بسآل عليك من زمن الاميريه و مدنى الثانويه , اتمنى نتواصل , لحدى الليله ما سمعت حاجه من انتاجك ولا القصه للخاصه فقط,سلام...صفرجت..
| |
|
|
|
|
|
|
Re: ياسر مبيوع في ورطة (Re: ELTOM)
|
ألأخ حمزة وبقية الأخوان الأستاذ ابراهيم علي ابراهيم كما ذكر الموصلي صحفي كان يعمل بجريدة الخرطوم أما الان فهو في ولاية ايوا ويقطن في مدينة سيدر رابيدز
التوم
| |
|
|
|
|
|
|
Re: ياسر مبيوع في ورطة (Re: ELTOM)
|
التحيات النواضر
العزيز د جمال شكرا على البوست وعلى قول الاستاذ ابراهيم انا فعلا فى ورطه لانو الشعراء بخلو على بقصائدهم ولا املك الان سوى اغنيتين من الحانى
سمعت الكثير من الاطراء والتشجيع وكل ما افتقده النصوص والمنتج الشجاع
استاذى ابو هديل ها قد اقبل الصيف فليكن مليئا بالنشاط وانت قدر القول
اخى المبدع حمزه احناج منك النصح وانت ذوتجربه ثره اخى الكبير
صفرجت لك التحيه كلامك ذكرتى بالاخ السنى دفع الله عندما التقيته فى دمشق
وقال لى متين كبرت وعامل فنان قريب دا ما كنت بتجرى فى الحله بالشورت كدى تعال لى فى الماسنجر
ااسف لتاخرى فى الرد لانقطاع النت من البيت منذ الصباح
ياسر
| |
|
|
|
|
|
|
Re: ياسر مبيوع في ورطة (Re: ELTOM)
|
مبيوع سمعته في سوريا وكان وقتها في يفيض فنا ونشاطا في اتحاد الطلاب السودانيين, ولحدي اللحظة دي بتذكرو وبتذكر بيهو كل الأيام الجميلة في سوريا الله يحفظو ويحفظكم ودمتم
| |
|
|
|
|
|
|
Re: ياسر مبيوع في ورطة (Re: ELTOM)
|
الحبيب زمراوى لك التحيه شكرا على كلماتك ايوا اجتمعت فيها صفوه من المثقفين السودانيين وبها جمعيه سودانيه نشطه فى شتى المجالات ومجلة منابر اصداره شهريه عمرها عام ونصف ستراها عبر الانترنت قريبا
الاخ تبلدى كيف حالك
قضيت اجمل سنين عمرى فى سوريا اتمنى ان تعود ولكن هيهات اتمنى التعرف بيك والماسنجر خير وسيله
| |
|
|
|
|
|
|
Re: ياسر مبيوع في ورطة (Re: مبيوع)
|
الاخ الفنان مبيوع لك التحية والود والتحية لاستاذى الجميل الموصلى ودفعتى الموهوب حمزه واستاذ ساطور وكل الاخوه ذوى الحس الفنى الرفيع الذين اشادوا بمقدراتك الفنية ولكن اتوافقنى بأننا نزداد شوقا لسماعك وأن نستمتع بما تمتلكه من هبه وموهبه أتمنى اخى مع كل من فى البورد أن نستمع لعمل لك عبر هذا البوست يشجينا ويخضر مساحات الفرح فينا بعد طول يباب أخوك عبدالعزيز خطاب
| |
|
|
|
|
|
|
Re: ياسر مبيوع في ورطة (Re: عزيز)
|
ياسر مبيوع والعود
دكتور النور حمد ممسكا للمايك وياسر والموصلي يعزف الايقاع
عزيزي عزيز انت عزيز وطلباتك تنفذ بلا تردد ياسر يغني والموصلي يلعب الايقاع
كان ذلك قبل يومين بكلية الموسيقي جامعة ايوا استديو الموسيقي الالكترونيه رقم واحد وهم اربعة استوديوهات كلها مفاتيحا في الجيب وامسكو الخشب
انتهزت فرصة زيارة د النور حمد الفنان التشيكيلي معنا بايوا وبناء علي رغبة الفنان الزميل ياسر مبيوع في ان يبدأ مرحله فنيه جديده في حياته بدات ذاكرتي الخربه ذاكرة الدجاجة في التذكر بسبب قوة الدفع المعنوية التي اتحفني بها ياسر واصراره علي ان ننكت المخبي من الدفاتر القديمة فتذكرت احدي القصائد التي كتبتها سنة 72 وهي رومانسيه عاطفيه صادقه افهموها بقي واوكلت الي صديقي عمر كوستي وهو ملحن موهوب ضائع في هوجه الجوطه الموسيقيه في السودان واضفيت عليه شيئ من روحي وها هو ياسر يضفي عليها ونهديها لكم عربون محبة تعيدكم الي الرومانسيه وعهد الحب الحقيقي التحيه لعمر كوستي وهو يعافر في الخرطوم من اجل لقمة العيش
شجرة الحب شعر يوسف الموصلي لحن عمر كوستي غناء ياسر مبيوع
غصونك ياشجرة الحب خدارا الليله ماجف بوقع كل يوم صفقو ورغم ده كلو ماكف
غصونك ياشجرة الحب ابت تشرب حنان ريدنا برغم جراحنا والامنا تملي بنسقي بي ايدنا بدمع العين سنين وسنين عشان راجين حصاد ريدنا
غصونك ياشجرة الحب بالاخلاص بنسقيها من العزال يجيها جفاف نقوم بي محنه نرويها عشان ماتبهي تخضر عشان امالنا بس فيها غصونك ياشجرة الحب
| |
|
|
|
|
|
|
Re: ياسر مبيوع في ورطة (Re: Elmosley)
|
أستاذى الجميل ما أجملك واروعك ساظل ذلك الطالب للعلم منك ماحييت ناهلا من معينك الفياض أشكرك على هذه الهدية التحفة وما أروعها شكرا أخى الفنان ياسر على الأحساس والصوت الجميل والاداء المميز وسنحسدك على وجودك بالقرب من استاذنا الجميل ولكن دوما سننتظر منكم الجميل والرائع مثلكم وسنمنى النفس بلقاكم فى القريب المحب عبدالعزيز خطاب
| |
|
|
|
|
|
|
Re: ياسر مبيوع في ورطة (Re: ELTOM)
|
الموصلى الفيك اتعرفت وطلعت بتاع ناسات, انحنا ما طلبنا غنا ياسر برضو..وما اشتغلت بينا...الولد ولدنا ,يا ود يا ياسر تانى ما تغنى مع الجماعه ديل..
الشغل عجبنى بس اعتقد لسه فى مر حلة التظبيطات, شايف الالفاظ دى,طلعنا ليكم قرايتكم تظبيطات ساكت.. ساعدوها بالصبر...سلام للكل......
| |
|
|
|
|
|
|
Re: ياسر مبيوع في ورطة (Re: ELTOM)
|
أخوى التوم ، ما تقول ليهم نعشم بس ختها عديل ، عارف صاحبى يوسف كان أديتو ضهرك ، بس انسى ، واقول ليك كمان أكورديونى جاهز ، وما بعيد كتير ، حكها معاهم ياخوى وأكيد حنلقى حاجة كويسة ، أخوى ياسر يوسف ده لو سكت ليه والله ينساك ، كابسه ووجننه ، الراجل ما شاء الله بى عيالو ، والبورد كلو مستنى ،
مع تحياتى لكل الجمع الجميل .
| |
|
|
|
|
|
|
Re: ياسر مبيوع في ورطة (Re: ELTOM)
|
الاخوه ساطور -صفرجت-عزيز
خليكم شاهدين والاجازه بعد اسبوعين يعنى الموصلى ما عندو عذر
وصلتنى قصيده جميله من الاخ زمراوى واول الغيث قطره
| |
|
|
|
|
|
|
|