دعواتكم لزميلنا المفكر د.الباقر العفيف بالشفاء العاجل
|
|
 اكـــــــذوبة......... الوطــــن الهــــلامــي
|
العنوان دا عشان الناس المتفلهمين.. القاعدين هنا
نبحونا...ودوشونا....وطني....وطني..... كلام فاضي...ادفعو ضريبة الوطن..الوطن مستهدف...الوطن...قاصدينو الخواجات..تعرفو البيقولو الكلام دا الناس المستفيدين.... من حتة الواطا... اللامة البشر ديل...والله كضبة وضحك علي الدقون.... واحد ما عندو بيت يقعد فيهو مع وليداتو....وما عارف ياكل من وين...ولا ان مرض هو والله شفعو يتعالج وين.....يقولو ليهو تعال امش موت عشان الوطن... وطن شنو عليكم الله؟... قولو لو ليهو بالواضح كدا تعال موت عشان مصالح ناس ... تانين...ويحفّظو فينا في الاناشيد....... لونك الاخضر زرعي..... و الواحد فينا عندو سو تغذية..... وسوق الخضار مليان...... يخلونا نتعلق بقطعة دلقان...والله بخريطة مرسومة علي ورق.....الوطن يا سادة المكان البلقى فيهو راحتي...... فيهو اماني... وامان اولادي....حيقولو المشكلة في النظام...... النظام من زمن الاتراك.... ونحن كدا...انت عديم الوطنية..... ممكن واحد يقول لي كدا......في منظورو صاح...... لانو هو كاتل الجدادة وخامي بيضها..ودايرني انا المغفل دا.. احرسو واحرس بيضو.....ويقعد يقول في الاناشيد وفي الكلام الحماسي وحاتكم انتو في الفارغ..... انا اموت عشان مالي وبيتي ووليداتي...ومحل ما يكونو ديل اموت عشانهم...انت عديم الوطنية ممكن يقولها زول ما عندو أي حاجة وحالتو زي جاي..... لانو
مسكين عاملين ليهو غسيل مخ......غاشنو بشوية كلام...وهو منفوخ ومتحنفش ساكت....في الفاضي.......والله واحد قاعد في امريكا والله كندا والله الخليج ليهو ديشليون سنة... ويقول لي انت ما عندك وطنية...... طيب يا سجم الرماد... انت المقعدك هنا شنو؟.......واتحداك ارجع بكرة دي وما عندك أي شي.. شوف الوطن حيعملك شنو؟......حسي يطلع واحد يقول لي امكانيات البلد.. والمشكلة في النظام.....لا المشكلة في مفهوم الناس للوطن.........وملي بطني ولا وطني
|
|
 
|
|
|
|
|
|
|
|
Re: اكـــــــذوبة......... الوطــــن الهــــلامــي (Re: Abdelaziz)
|
والله معاك حق يا سي جى مان
صاح أنا عايزه أرجع الوطن
لكن ما عشان هو حيقدم لى حاجه
لكن على الأقل بقدر أندفن فيهو من غير إجراءات وتلتله
والله على قولتك حيعمل لى شنو
إذا كان أبسط حاجه لاعلاج لا تعليم مابقدم لى الاندفع دم قلبنا
وبعد داك يجيك أتفه واحد يسمعك الما بتقال
والله الواحد لو ما إتربى كويس
كان عمل بالمثل البقول لو جيت رايح كتر الفضائح
أخر يوم مارق من هناك
يمشى يخلص تاره من الأوباش الهناك ديلاك الواحد تلاقاهو شغال فى
منظمات تربيه وتعليم وهو لى نفسه الله يرحم ضعفه
الزول لو ما محكوم بسره مدفونه هناك
ومحكوم كمان ب لا تدرى نفس بأى أرض تموت
ما أظن تأنى فى حاجه بترجعه بالساهل
الله يكون فى عونا وعون أهالينا
أنا دايره أسأل سؤال ممكن؟؟؟
لنفرض أن الناس الما عاجبه النظام دا وبطالب بتغييره
أها لنفرض إتغير مش حاتجى الناس الأولى تقول النظام الجديد دا ماعاجبه
ليه الناس ما ترضى بالواقع وتحاول تستفيد منه
أنا متأكده من أن الكلام لابجيب لا بؤدى
ياهدى العراق فى نظر الناس حكومه ما تمام وحكومه غير مسلمه
ومهما إتقال عنها فكفايه أن شعبها مؤمن بيها
ولو قابلت آى عراقى حيقول ليك صدام دا حبيبنا ونور عيونا
صدام الآن يحقق نصر ساحق عجزت عنه كل الأمم تتخيل صدام من غير
ما يحس بنصر ومؤازره من شعبه مابقدر يقاوم
وشعبه الله يحفظه من كل مكروه شعب صامد وشعب قدوه
ونحنا ياحليلنا لاحيكومتنا شغاله بينا لانحنا مهببنها
لاحنهبب البعديها
ياربى الحل شنو والخلل وين فهمونى حاجه يا جماعه
رأسى واجعنى دايره أرجع السودان وأعيش فى وطنى معززه مكرمه
لكن ما أظن حيقدر يوفر لى آى حاجه غير ما يستنزف نفسياتى ما حيعمل حاجه
خلينى أنا يمكن أقدر أعيش أصلى متعوده على الهم
لكن أمى وأبوى وأخوانى يعملوا شنو ياحليلم خائفاهم يدفعه الضريبه
غاليه لا ماعايزاهم يتعبوا ماعايزا أخوانى يتختوا فى مواقف شينه
مافى حل الواحد يعيش فى بقايا الرماد نضيف
أريد حلاً
معليش يا سى جى مان لو زهجتك
لكن أنا عائشه فى صراع شديد
دايره أبدء من الأول وطنى الذى عشت تحت سمائه
أها من هنا
أحبه زى ما زرعوا فينى حبه أهلى وأزرع حبه فى الجيل الجاى
ولا أبغضه بقدر كل الإحباطات التى سببه لى
وما سوف يواجهه أهلى
| |
|
|
|
|
|
|
| |
سجيمان
وجن
garjah
ود العجمى
فيس بوك
تويتر
انستقرام
يوتيوب
بنتيريست