لكنّ حمّام الشتااااااااء جريمةٌ ..عذراً حبيبي..
ما ان دخل الشتاء من الأبواب إلا وخرجت النظافة من شبّاك الحمّام .. مقولة تتطابق ووقائع الحال هذا الأيام في السودان .. اهلنا في السودان معروفين بي بساطتهم في بناء الحمّامات حاجة كده متر في متر وفوق فيها شبّاك صغير كده الغرض منو وضع الصابونة والليفة ونستفيد منّو في وضع بقجة الهدوم الوسخانة اثناء الإستحمام .. مع وجود باب في الغالب بيكون من الشوالات في الاقاليم وفي العاصمة احسن باب تلقاهو مقفول بي مسمار مع وجود فتحات في الباب تخليك مهتم بي التلفت اكتر من الحمّام خوفاً من إنو يكون في زول شايفك .. ده كلّو كوم وعدة المطبخ البيكون نصها موجود في الحمّام كوم تاني .. جردل ...طاسة ...كورية ..كبّاية ...معلقة ...والغريبة ما بتلقى الصابونة والليفة !!!! والأغرب من ده كلّو الدش والماسورة وهم اللي من أجلهم تم بناء هذا الحمّام بيكونوا ما شغالين طول السنة وحتى لحظة خروجي من السودان ما كنت عارف الحاجات دي شنو ووظيفتها شنو بالضبط !!!! كلّ هذه المشاهد مجتمعة جعلت الحمّام في السودان عبارة عن (جِزاء) زي ما بيقولوا في العسكرية وأي شافع عايز تخوفوا وتخليهو ينوم قول ليهو أرح الحمّام يا ولد .. وتعال شوف الكواريك والبكا وخلااااااااااص يا أمي والله بمشي ليك الدكان وروروووووووووك يا أمي تاني ما بلعب كورة .. الكبار فصاحتهم في النضافة في الصيف الواحد تلقاهو يستحم ليك في اليوم خمسة مرات ومن المفارقات العجيبة الشكل في الفترة الصباحية على الحمّام وكوكوكو يا فلان اطلع لي وكرو رو رو يا علّان كملت الصابونة .. والصابونة دي حكايتها حكاية فما ان تدخل الحمّام تبدأ بالتفتيش يمنة ويسرى (على خطى الشهيد) وتقوم تلقى ليك فتات وبواقي صوابين ما بين الأحمر والأخضر والأصفر وتقوم تجمعهم مع بعض كده ابتغاء الرغوة وخروج رائحة تفي بالغرض وتقنعنك بأنك إستحميت .. والأعجب من ده كلّو وجود صابونة الغسيل عاااااااااااااادي جوة الحمّام بعد ما تمّ حك حلّة ملا الخدرة بيها ومسح صحن اللحمة وبواقي العضام بي نفس الصابونة .. المهم ما علينا .. الجماعة يتشاكلوا في الحمّام شكل السنين وأجمل شكلة تلك التي تنشب بعد الحمّام ....!!! يا زول انت ما غرفت موية البلاعة لييييييييييييييييي؟؟؟؟؟؟ لالالالالا انا غرفتها قبل ما استحمّ لأنو لقيتا مليانة ... يا زولة انتي اخر زول استحمّ شيلي الباقة ديك وامشي اغرفي البلاعة ... يا زول خلاص انا بغرف نصها وانت اغرف الباقي... وما أروع تلك البالوعة التي تكون على الشارع تريحك من الغرفي وتمتد المياه (وفااااااااااح ملا الجيران ).. وفجأة !!!!! قووووووووووووووووووووووووووووم يا الشتا تعال ... الايام دي البرد في السودان حاجة تانية ومن نوع تاني .. انقلبت الاية ... احييييييييييينا ما بتتقلب ؟؟؟ ما قلتو نوبة !!!! هجر الناس هذا المتر في متر وصار موحشاً واصبح مرتع لمسكن الجن والشياطين اعوذ بالله .. ياخ والله تجي ماشي جمب الحمّام لمن شعرة جلدك تقوم وترجف زي االطاقاك بردة .. البلّاعة بقت ناشفة نشافة السنين لدرجة إنك ممكن تملّح فيها كسرة بي ويكة وتأكل.. وجكست الصابونة(سالي) حبيبها (الفنيك)دون ان يكدر صوفهم احد .. وتونست صابونة (رشا) مع (اللابف بوي) أحلى ونسة .. جماعتك الكانوا بتشاكلوا في الحمّام بقا اي واحد بيحاول يقوم اخر زول عشان الناس ما تشوفوا وتووووشك من السرير يخش ليك في أحلى بنطلون وقميص وجري على المكتب.. تقوم من الصباح يا قريبك وأحلى جلسرين معاهو فازلين تجلبطهم بي موية ومسحك مسحك مسحك وجلطك جلطك جلطك أحلى زول ولااااااااا التقول مستحمي في الهيلتون .. الواحد تلقاهو ممسح زي التقول مودنو الدلالة ... تلقى اليدين لحدي الكوعين نضاف ومن الكوع ولي فوق وساخة سنينك .. تلقى الكرعين لحدّي عضم الشيطان اخر تلميع ومن فوق العضم وانت طالع غباشة السنين ولا الفول المدمس.. أما مقتدي(الصدر) و(البطن) فأنسى يا مان ده شيتاً أصلو ما شفناه لا في الناس ولا في الريل.. اجمل ما في الموضوع هو رواج تجارة مزيلات العرق هذه الأيام .. بتاع الصيدلية قال لي صحبي تتصور الأيام دي المزيلات بتتباع أكتر من الأدوية .. وكسدت تجارة الصابون لا زيست ولا فا ولا لوكس ولا يحزنون .. وبعد شوية تلقى الواحد جضومو مشققة والحمّام يبقى في المناسبات السعيدة جداً جداً (وليست السعيدة فقط) .. وحمّام المناسبات السعيدة زااااااااااتو تعالوا شوفوهو كيف .. حمام حيييييي وووووووووووووووووب.. الواحد يشيل الجردل ويختو في الشمس من دغش الرحمن في نص الحوش .. تجي تلقى الجرادل مرصوصة في الحوش زي الزول العايزيشوت فاول قريب من خط 18 !!!! ده جردلي وده جردلك ولالالالا جردلك بارد وجردلي بقا حار... وجوة الحمّام ده كمان شي تاني.. تديها كورية موية ولا لو الدش شغال تخش بي القطاعي وتتراقص كما لم تتراقص الراقصة دينا أو فيفي عبده .. والحمذأم يكون بي القطاعي أول الكرعين ..لالالالا كدي النشوف اليدين ..لالالالا ياخ أحسن الراس .. طبعاَ البطن والضهر ديل بيكونوا خارج المقرر وبتشيلهم بديل..

01-09-2007, 09:03 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)
عمر الفاروق سلااااااااااااام وعيد سعيد يارب وسنتك الجديدة كمان والقابلة على امانيك انت ومن تحبهم اجمعيييييين انت ياعمر المناخ فى السودان ده اتغير ولا شنو زمان البرد ماكان بكون شدددددددددديد كده ياخ لامن يحمى الناس الحمام والوضؤ زاتو !!

01-09-2007, 09:12 PM

Elmosley

Elmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: نادية عثمان)
انتي يابت عمتي كنتي (حنكوشه ونحن ماعارفين) عمر ماتسمع الكلام ده علي اليمين نحن كرعينا وايدينا شققن الشتا عشرات المرات لامن كبن الدم (عدل بواسطة Elmosley on 01-09-2007, 09:13 PM)

01-09-2007, 10:01 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: Elmosley)

Quote: انتي يابت عمتي كنتي (حنكوشه ونحن ماعارفين)
عمر ماتسمع الكلام ده
علي اليمين نحن كرعينا وايدينا شققن الشتا عشرات المرات
لامن كبن الدم

انت ياود الخال من زمن الشقيق بالله ؟!!

لا يااخوى انا زمنك ده بعييييد شديد ماحضرتو .. نحنا جيل التسعينات ديل مابنعرف شقيق دى زاتها شنو

01-09-2007, 09:41 PM

DKEEN

DKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)
كل عام وانتا طيب ياعمر .. اخر شي بهمتمو بيهواهلنا البسطاء في السودان هو شكل الحمام وتفاصيلو.. انا نفسي اعرف ليه الناس في السودان(الصحافات - الثورات- الحلفايا- جبره - العشرة- العزوزاب - الشجرة- الكلاكلات- اركويت- ناصر- بري -الدروشاب- الكدرو- ابوسعد- العرضة- امبدة) ليه في المناطق دي بخلوالحمام جنب باب الشارع.. يعني الهواء ده يضربك لحدي ماتصل البرندة اواقرب اوضة.. وكمان لو جابت ليها مرة جاية من الشارع او ضيفة خاشة تكون كملت الناقصة.. سيرتك تكون بين مجالس حريم الحلة تاني يوم : ود ناس هناية داك شوف عيني دي مارق من الحمام لباسو اصفاااااااااااااااااار ومقدد ..عرس شنو الداير يعرسو يايمة.. ــــــــــــــــــــــــــــــــــــــــــــــــــــــــــ لامن كنا ساكنين في بيت الاشلاك زمان حمامنا ماكان فيهو سقف.. كان كاشف على سماوات الله هكذا دون حواجز يعني لوالايام ديك كان في قوقل ايرث كان نكون هسي في البروفايل بتاع الحاقدين ميطي وشايلين بروة صابون غسيل.. الله لطف واخترعو الزنكي فيما بعد.. الزنكي هو ترياق القمر .. سترة الفقراء بعد الله..

01-10-2007, 04:20 PM

Elmosley

Elmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: DKEEN)

Quote: لامن كنا ساكنين في بيت الاشلاك زمان حمامنا ماكان فيهو سقف..
كان كاشف على سماوات الله هكذا دون حواجز

انتو الدنقل ديل كلهم (قشلاقيون)
أها يادكين كنت في الغربي ولا الشمالي ولا الجنوبي ولا الشرقي
أها (الصقت) بشقق الكرعين والايدين ولا لا
بالله كلم بت عمتنا دي

01-13-2007, 03:55 PM

عمر الفاروق

عمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)
نادية بت عثمان كل سنة وانتي طيبة وربنا يحقق كل امانيك .. درسنا أحد الأساتذة في المرحلة الإبتدائية مادة العلوم .. وكمدخل لدرس الجلد وطبقاته ابتدر بالسؤال التالي: لماذا لا تبرد النساء في الشتاء بعكس الرجال ؟؟؟ كلنا أجمعنا على إجابة واحدة وبصوت واحد : عشان سمااااااان يا استاااااااااااااااذ.. فما كان منه إلا وقال : لالالالا ..السبب إنو النسوان بيتمسحوا بالكريمات وزيت الكركار وزيت الفهد وزيت الفول وربما زيت الفرامل مما يكوّن طبقة دهنية تحت الجلد تساعد في تدفئة النساء.. اها من اليوم داك يا نادية عرفت ليك نسوانا ديل لييي ما بيستحموا كتير !!!! وبرضو تقولي لي حمّام التسعينات ؟؟؟ هاك الجلبطة دي ..

01-13-2007, 04:01 PM

معاذ حسن

معاذ حسن
تاريخ التسجيل: 11-14-2006
مجموع المشاركات: 3353

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)
عمر كل سنة وانت طيب والعيد مبارك عليك سألت عنك قبل يومين والحمد لله عدت بالسلامة. أما حمام الشتاء في الرياض فهو جريمة كبرى.والحمد لله من اول يناير غير يوم الجمعة الا في حال انكسرت ماسورة.

01-14-2007, 06:36 AM

عمر الفاروق

عمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)
الموسيقار الموصلي : والله انتو كمان زمن شقيقكم داك شي تاني .. الواحد يكون شغال في الزراعة وماسك ليهو موية وحفيان ..الشق يدخل ليهو ضب عديييييل كده .. تخريمة : اسة يا الموصلي لو انت في السودان وفي عز الشتاء ده وعندك حفلة اوفر نايت بتستحمّ ليها ؟ والله انتو يا الفنانين مشكلتكم مشكلة الحمام ليكم فرض عين

01-14-2007, 06:38 AM

محمد عبدالرحمن

محمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)

[QUOTE]لالالالا ياخ أحسن الراس

انت طبعا القصة دى معفى منها ..لانو اصلا مافى حاجة تحتاج
لغسيل ..تديها مسحه وتبقى مارق ..

(عدل بواسطة محمد عبدالرحمن on 01-14-2007, 06:40 AM)

01-14-2007, 06:42 AM

محمد عبدالرحمن

محمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: محمد عبدالرحمن)

[QUOTE]لالالالا ياخ أحسن الراس

انت طبعا البند دا معفى منو ..لانو اصلا مافى حاجة
محتاجة لغسيل ..تديها مسحه كدا وتبقى متخارج ..

01-14-2007, 07:04 AM

حليمة محمد عبد الرحمن

حليمة محمد عبد الرحمن
تاريخ التسجيل: 11-02-2006
مجموع المشاركات: 4052

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: محمد عبدالرحمن)
جانا العيد لبرودو..!! الله يخليك يا عمر ضحكت طويلا منذ هذا الصباح. والجابني للمداخلة الوجعة.. أيوة..انا اصلي موجوعة.. كيف تذكر حميع انواع الكريمات الحركية(زيت الفرامل) والطبيخية (زيت الفهد واخوانه) وتنسي الودك الذي نستقي منه الربيت..؟ وما ادراك ما الربيت..!! في زول بنسي الودك الذي كان الاساس لدهان الشعر، واجمله شحم الخروف السديس او شحم البطن..وكيف ان النساء من منطقتي يهاجرن الى منطقة مايو في الخرطوم عشان ودكها نضيف.. ومتوفر طول الايام.. بعدين الودك دا عندو صفة جمالية..فهو المكون الاول في مسوح الدخان.. وتاني مافي الودك دا ما عندو قيمة علاجيةفعلية كبيرة خلاص.. شفت شقيق كرعين ناس الموصلي دا كان بداووه بالكي.. ايوة الكي بالودك.. يحشي شق الكراع وفي الغالب يكون الشق في منطقة الكعب ، بالودك ثم يقرب منه جمرة نار حتى يذوب الودك داخل الشق، وبعدها الكمدة بالرمدة..والمولود حديثا يجبدوهو كل يوم البودك . والجبيد هو الرياضة التي تمارسها الحبوبات للمولود حتى يكون جسده مرن.. وكما يجلطوا ليهو ودك في نص راسو عشان يجي بخيت وسعيد وايام دائما مملحة(من الملاح) موش حفانة(من الجفاف وليس الحفا)..شفت عمايل الودك المهمل من طرفكم.. وبمناسبة السقط.. اكان اجزم ان الكثيرات والكثيرين في مدينة الرياض بالسعودية امضوا اليومين الاوائل دون استحمام.. والسبب السقط.. وبمناسبة السقط(انا ماعارفة ليه بكتبو السقط وليس الصقط).. واحدة حبوبتنا ذهبت من القرية الى اهلها في المدينة في زيارتها السنوية وكان العيد علي الابواب.. طبعا ما في داعي اقول الناس صنقعوا ودنقروا وقرروا (يفشوا) الحبوبة دي.. وتحايلوا عليها حتى اوصلوا لها مرادهم.. بس فِرنب وقفت.. منعول ابوي واطأ فوق ضهر ابوي ما اتبرد..! انا سموني البرود..عمنول القريييييييييب دا ما جيت عندكم واتبرد بتدور تقصروا عمري.. هي يا حاجة ما تزعلي ساكت.. ما عشان الدنيا عيد والناس بجوا يسلموا عليك..كان ذلك ردهم..ولم يخبروها ان النظافة من الايمان حتى لا (تحرد) وتظن انهم يلصقوا بها تهمة الكفر.. خلااااس جانا العيد لبرودو..اها دا طرفي منو..!! تحياتي حليمة (عدل بواسطة حليمة محمد عبد الرحمن on 01-14-2007, 07:06 AM)

01-14-2007, 07:41 AM

Emad Abdulla

Emad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: حليمة محمد عبد الرحمن)

عمر الفاروق ..
يضحك صباحك .. قول يا مين !!!
بعدين طلعت حنكوش ساكت ..
Quote: والأغرب من ده كلّو الدش والماسورة وهم اللي من أجلهم تم بناء هذا الحمّام بيكونوا ما شغالين طول السنة وحتى لحظة خروجي من السودان ما كنت عارف الحاجات دي شنو ووظيفتها شنو بالضبط !!!!
أنا البعرفو غايتو الأوضة الصغيرة الجوانية ما بيكون فيها الحاجات القلتها إنت دي .. !!!
دش شنو و ماسورة و من أجلهم و بناء و شامي كابور .. !!!!
في شنو ؟؟

الأوضة كنا بننوم فيها , و نستحم بالطشت في نصها و جردل الحديد التقيل داك و مغرافة ألمنيوم نوع الماعندها رجل , تلاتة عناقريب و فضية و دولاب كاسر جنبة ..
و عادي تكون في نص كب الموية في راسك و إنت واقف في نص الطشت يدخل أخوك يشيل حاجة من فضية الحجة .. و يدنقر يرفع ليك الصابونة الإتزلقت تحت العنقريب , و يساعدك في دعكة ضهر كده ختافي ما بطالة , و للا تجيك حجة زهرة تكشّف بالشباك : سلام هوووي ناس جوه ( الكويسة إنه نظرها طرزان ) .

هو بالله إنتو كنتو بتستحموا في السقط ؟؟ ..
ليه لكن ؟

01-14-2007, 07:20 AM

ملكة سبأ

ملكة سبأ
تاريخ التسجيل: 06-18-2003
مجموع المشاركات: 3855

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)

Quote: والأعجب من ده كلّو وجود صابونة الغسيل عاااااااااااااادي جوة الحمّام بعد ما تمّ حك حلّة ملا الخدرة بيها ومسح صحن اللحمة وبواقي العضام بي نفس الصابونة ..

مستحمي بي ليفة العدة ؟!!

01-14-2007, 07:33 AM

عمر الفاروق

عمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)

Quote: ليه في المناطق دي بخلوالحمام جنب باب الشارع..

دكين اللعين :
تحياتي..
تعرف يا مان انا زيّك كده كنت بسأل السؤال ده وبستغرب جداً والمشكلة كمان إنو ما الحمّام براهو البيكون جمب الباب الWC زااااااتو بيكون يمين الباب وانت داخل..
عن نفسي أتوقع إنهم بيعملوا كده عشان البلاعة تكون قريبة من الشارع بدل المساسقا واللف داخل البيت وصولاً لباب الشارع من أجل " كشّيح " باقة موية نصها بيكون إدفّق في البرندة من المطاقشة ..
أما الخرطوش الأسود اللي بيطلع من الحمام لي سايفون الشارع المجاني فأقصر الطرق ليهو لمن الحمام يكون جمب الباب..
ده كلللللللللو كوم يا دكين وباب الحمّام البيكون عامل زي جلابية أنصار السنة داك كوم تاني..!!!
يعني السودانيين ديل غريبين خلاص ..باقي لي ما عندهم مشكلة يظهر منك الجزء الأسفل من جسمك بس المهم ماف زول يشوف راسك ويعرف انت منو !!!!! وإلا فما هو السبب في تقصير الباب من تحت وتغطيته من أعلى ؟؟؟
أما أكبر الكيمان فهي (الأوضة) متعددة الأغراض وفي رواية (العوضة) كما تقول جارتنا ..
تلقى الأوضة إستقبال ضيوف ..يطلعوا الضيوف بي هنا تجي التاية بي هنا شايلة (الطشت) والجردل وتدخل نفس الأوضة لتتحول من أوضة ضيوف لي حمّام تعطرها رائحة الGiv أو ابو سيفين كأضعف الإيمان.. ..

01-14-2007, 08:06 AM

سيد محمد احمد سيدنا

سيد محمد احمد سيدنا
تاريخ التسجيل: 11-21-2005
مجموع المشاركات: 1252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)
اخونا العزيز عمر الفاروق صح لسانك كما يقول العرب غايتوا قطعت مصارينا0 بالله مره شريط زكريات كده ما حصل من زمان ورغم العناء كان الحمام لذيذ عشان فيهو شقا وموضوع نقاش ومرات شكلات ما ينهيهاالا صاحب السطوه من الوالدين او الاخوان وبعض الاحيان تدخل الجيران0 تحياتــــــــــــى ســـــــــــــــيد

01-14-2007, 08:27 AM

حيدر حسن ميرغني

حيدر حسن ميرغني
تاريخ التسجيل: 04-19-2005
مجموع المشاركات: 27711

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: سيد محمد احمد سيدنا)
عمر الفاروق سلام يارايق كان عندنا جار متقندَف جداً أجَر النصف الثاني من البيت لزول كده دائما مرضان و(الادبخانة) مشتركة يازول صاحب البيت ده جوهو ناس في زيارة متفق عليها ليخطبو إبنته.. وقاعدين في امان الله في الحوش يناقشو مسألة الخطوبة دي .. زولنا داك دخل الادبخانة وعـزف نغمات منفردة.. مرة عالي ومرة واطي تصدَق طلب منو إخلاء البيت على الفور رغم الاجاويد الكثيرة قال .. الزول ده احرجني في اعزَ مناسبة في حياتي صاحبنا قال ليهو طيب جماعتكم ديل ما قاعدين يعزفو لما يمرضو وللاَ ما عندهم ... (عدل بواسطة حيدر حسن ميرغني on 01-14-2007, 08:35 AM)

01-14-2007, 09:00 AM

عمر الفاروق

عمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)

معاذ باشا:

Quote: سألت عنك قبل يومين والحمد لله عدت بالسلامة.

الغياب كان بسبب دخولي الحمّام بعد فترة طويلة من الغياب والمقاطعة الاقتصادية بيني وبينه ..
شكراً للسؤال فقد تصادف مع اعتدال الجو لهذه الأيام في الرياض وإلا لكان قد طال سؤالك عني..

تخريمة :
اها يا معاذ انت لاحقنا وبتستحمّ في الإجازات والجمعات والمناسبات السعيدة ولّا البلد دي خربتك ؟

01-17-2007, 09:11 AM

عمر الفاروق

عمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: لكنّ حمّام الشتااااااااء جريمةٌ ..عذراً حبيبي.. (Re: عمر الفاروق)
الأخت حليمة : ياخ والله احبطتيني احباط ما عادي .. ما ان قرأت كل عمايل هذا الودك المودك إلا ووجدت نفسي الهث خلف الاسطر اقرا سطر وأفط سطر في إنتظار المفاجأة التي ستفجرها حليمة ... وكم اصابني الإحباط وانا لا أجد أي سيرة للودك وهو يعالج الصلعة !!!!! ألم يمر عليك اختي حليمة أي بحث علمي مفاده ان الودك له تأثير على بصيلات الشعر كما ريالة البقرة ؟؟؟ ألم تسمعي يوما من إحدى حبوباتك قصة مفادها أن الحاجة سعدية وفي يوم كانت تتمسح فإندلق (حلوة إندلق دي) منها بعض من ما تضعه في علبة (الفورموست) فإنزلق على صلعة الحاج عثمان وهو نائم وعندما إستيقظ وجد شعره قد نبت ؟؟؟ أفيدينا يا أختاه سريعاً .. ولي عودة لوصف حمّام الرياض على أن تأتيني باخر التقارير الطبية عن الودك وتأثيره على الصلعة..

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات