|
دعواتكم لزميلنا المفكر د.الباقر العفيف بالشفاء العاجل
|
|
 Re: كابتن غادة عبد العزيز خالد .. من داخل كابينة القيادة (Re: فاروق أبوحوه)
|
العزيز فاروق أبوحـوة ..
سلامات . اسم ابوحوة دا طبعا مجهجهني .. (نزار وعلي) الموردة فريق ريد الشباب ديل قرايبك واللا أبوحوة ساكت كدا ..؟
أحيي معاك غادة عبد العزيز لاقتحامه المجال الاعلامي الصعب ومجال الانتاج تحديدا .. وأهم من كدا فكرة البرنامج التعريفية وعكس الصورة الكاملة للمنافي ومتاعب الغربة
ومتابعين الدروس ومساهمتنا مع غادة عكس التجربة وتسليط الضوء لمزيد من النجاحات ..
| |
 
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: غادة عبدالعزيز خالد)
|
| Quote: يا تمبس إن شاء الله تتعلى ما تتدلى |
..اتعلى وين يا غادة .. يعني أركب ليك طيارتكم دي ؟؟  يازولة كدي دقيقة ..
ياخ إنتو بتشرحو وبتولعو في الأنوار دي أنا راسي لفـه .. ومسكته في كراع السرير 
نحن ناس واطة ساكت .. ختي الكورة في الواطـة .. وادينا دعوات بتاعات قطع اراضي من عمارة عشرة طوابق ولي فووق وأنا من حسع دي حاجز الطابق الأرضي برضو
تستاهلي كل خير ياغادة .. واستمري في جهدك وخلي الباقي علينا ..
بس بعدين لما تعملي ليك محطة يا قمر صناعي .. ابقي اتزكرينا
| |
|
|
|
|
|
|
|
|
 Re: كابتن غادة عبد العزيز خالد .. من داخل كابينة القيادة (Re: osman righeem)
|
الاخ العزيز تمبس دائمآ سباق فى ابراز المجهودات العظيمة التى تقوم بها الاخت غادة، الاخ والصديق العزيز الباشمهندس مجدى عثمان هو رئيس الجالية السودانية هنا بشمال كاليفورنيا ورجل خير له اسهامات مميزة فى العمل العام، فهو والاخ الباشمهندس محمود عبدالمطلب يملكون شركة كبيرة مسئولة عن صيانة وتجهيز الطائرات لكبرى الشركات فى مطار اوكلاند فى ولاية كاليفورنيا ومطار هواي، وهم بصدد نقل هذه التجربة والخبرات الى السودان حيث ينون فتح معهد لدراسة هندسة الطيران فى السودان وتقديم خدمات بنفس المستوى الموجود هنا فى امريكا.
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: Saifeldin Gibreel)
|
| Quote: الاخ العزيز تمبس دائمآ سباق فى ابراز المجهودات العظيمة التى تقوم بها الاخت غادة، الاخ والصديق العزيز الباشمهندس مجدى عثمان هو رئيس الجالية السودانية هنا بشمال كاليفورنيا ورجل خير له اسهامات مميزة فى العمل العام، فهو والاخ الباشمهندس محمود عبدالمطلب يملكون شركة كبيرة مسئولة عن صيانة وتجهيز الطائرات لكبرى الشركات فى مطار اوكلاند فى ولاية كاليفورنيا ومطار هواي، وهم بصدد نقل هذه التجربة والخبرات الى السودان حيث ينون فتح معهد لدراسة هندسة الطيران فى السودان وتقديم خدمات بنفس المستوى الموجود هنا فى امريكا. |
سيف الدين جبريل.. كيفك يا رجل ووين أراضيك
تمبس والله مشكور جدا... ولو ما هو ومعتصم العريس (الشفيف)
ما كنت عارفه حأعمل شنو...
الأستاذ مجدي والأستاذ محمود رائعان بروعة الوطن الجميل
أقدر لهما الكثير من المساعدات في ترتيب الحلقة
وإستخراج إذن التصوير من المطار وغيرها من التفاصيل
لهما الشكر وهنيئا بجالية كاليفورنيا بهما
تقبل المودة
غادة
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: osman righeem)
|
Quote: اخونا علاء
تحياتي و مودتي
يا خ غاده مصره علي الابداع و التجويد
و دي حاله نادرهفي الاعلام السوداني
لها المودة و التمنيات المستمره
بالتوفيق و النجاح |
سلامات يا عثمان...
والله لا تتخيل مدى سعادتي بكلماتك
تعرف، لما أفكر في الحلقة بتأنى فيها كثيرا
أفكر في كيفية عرضها وكيفية جعلها مميزة
وكيف اصحب المشاهدين معي لكي يعايشوا كل
التجربة كاملة وكأنهم معي
لك التقدير والتحية
وكل عام وأنت بخير يا صديقي
مودتي
غادة
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: طارق ميرغني)
|
Quote: يا كمال كرار الحق غاده المره دي دكتوراه في الطيران لكن في كم دقيقه؟
تحيه خاصه لصديقي المبدع تمبس وبالله واصلوا مع ابداعات احلي مذيعه بس ان شاء الله جماعة ام درمان قاعدين يحضروا عشان ياخدوا نقله. |
سلامات يا طارق... والله الحلقة دي ما تتخيل تعبتني كيف
تعرف، يوم التصوير بدأ من الساعة الخامسة صباحا وإمتد
حتى بعد الساعة الواحدة صباحا من اليوم التالي...
ده التصوير فقط بدون بقية التحضيرات
مثل السفر والاعداد وهلمجرا
الشكر لأخونا المبدع تمبس مرتين وتلاتة وأربعة
وإن شاء الله نشوفو عريس السنة الجاية زي صاحبو
معزتي
غادة
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: Kamal Karrar)
|
| Quote: وشكرا للأخت د. كابتن/ غادة |
عارف يا كمال... قبل فترة كده عملت لي
حلقة مع طبيبة سودانية تعمل بمستشفى أمريكي
الحلقة لم تذاع بعد وهي لا تزال في المونتاج
لكننا لم نلف في المدينة وبقينا معها ندور حول
المستشفى فقط..
لكن في البداية قلت ليها عاوزه منك البالطو الأبيض
فقالت لي مافي مشكلة..
لما جيب أديهو ليها.. قلت ليهم.. بالله مافي مقاس (لارج)
اليومين ديل عايشه الدور شديد يا برعي...
درويشة في بلاد الله الواسعة
لكي معزتي الكبيرة
غادة
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: tmbis)
|
تمبسكو ..
كيفك ياوزير عقبالك والله قلنا خلاص الشوفة بقت الا لقنا زهرة تمبس بس !!
حبيبتي غادة ..
امس استمتعت جدا بالحلقة وعجبتني لاني شغالة في شركة طيران كنت ناقشة كل الحاصل ...
وحقيقة برامجك كلها حلوة وظريفة زيك ..
بعدين خلي كل يوم وظيفة .. كل يوم شكل مختلف زي ما بقول ليك .. بس كان ما الصوت حقنا راح !!
مودتي ليكم الاتنين
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: انعام حيمورة)
|
| Quote: امس استمتعت جدا بالحلقة وعجبتني لاني شغالة في شركة طيران كنت ناقشة كل الحاصل ... |
يعني إنتي من (إياهم)
طلعتي زولة شغالة في شركة طيران كمان...
تعرفي يا نعومة.. نفسي زمان كان أشتغل مضيفة
لكن بس عمتي وحياتك كانت رافضة نهائيا..
لكن هنالك شيء ما في (التعليقة) ما بين السماء والأرض
ما بين أين أنا وفي أجواء أية دولة...
كلها تجذبي قويا نحو عالم الطيران..
إن شاء الله أشوفك قريب يا نعومة..
بس جهزي السمك وجبل أولياء
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: عبدالعظيم محمد أحمد)
|
Quote: عمل متميز ما تقدمه الاخت غاده ولها التحية والاشادة ..
شكرا تمبس للفت انتباهنا اليها وهي في كابينة القيادة لنلوح لها بالتحايا |
سلامات يا عبدالعظيم
نحنا متعودين دايما نكون داخل الطائرة
ولم يحدث أو وقفت خارجها أبدا
ولكن الطائرة حينما تكون متحركة وأنت واقف
تلوح بيدك للكابتن من الخارج لكي تريه أين يقف
فتبدو لك كأنما نسر ضخم يقترب لكي ينقض عليك...
غايتو.. الله فيّ
معزتي وتقديري
غادة
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: النذير بيرو)
|
Quote: مبروك كابتن غادة
وكل سنة وانتي طيبة سمعنا انو قبل فترة اخذت الماجستير ولا الدكتوراة مامناكد علي العموم الي الامام
دوما |
النذير.. كيفنك وعساك طيب
الماجستير اخذناه والحمد لله..
تعرف، خلصت الدراسة في سنة ونص ووصلتني الشهادة
في سنتين... تخيل
أما الدكتوراة.. فيمكن يكون قصدك حق الحلقة الفاتت
بتاعت الـPizza Hut Delivery (PHD
شفت جنس الحالة دي... ما قلت ليك..
ولا سعاد حسني في زمانها
شكري لحضورك الأنيق
غادة
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: جمال سالم)
|
Quote: تحيه واحترام وتقدير للباشمهندسين مجدي و محمود ولو ماجيت من زي ديل واااسفاي ... ديل اهلي
وتحيه خاصه للرائعه بت عبدالعزيز خالد |
سلامات يا جمال...
تعرف.. كنت قد إلتقيت الأخ مجدي قبل الحلقة مرة...
والتقيت الأخ محمود قبل التصوير بيومين...
كلاهما من سماحة الأخلاق ودثامة الخلق ما يجعلك تفخر بمعرفتهما
حتى أن المصور (الأمريكاني والله ) علق قائلا أن لم يلتق
اخوة من السودان من قبل ولكن الإنطباع الذي اخذه مشرف للبلد كثيرا
فتجدني ارسل معك رسالة تحية واحترام لهما ايضا...
وتحية خاصة للرائع ود سالم
تقبل وافر معزتي
غادة
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: tmbis)
|
سلام للجميع وتحية لتمبس
وغادة التى تقدم برنامج معلوماتى
وتعليمى نفتقد مثله كثيرا فى الاعلام
السودانى فقد تابعت حلقتى البيتزا
وخلالها تعرفنا على مقبرة شهيرة
للجيش الامريكى ومنطقة ووتر جيت
بما فيها من مقار ومنشات
اما حلقة شركة الطيار فعرفتنا ان دركسون
الطيارة زى لعبة الاتارى ... خوفتينا زيادة
من الطيارات ياغادة
كما ان البرنامج يتميز بالايقاع السريع
ما يطرد الملل ويبقى الريموت مرتاحا
لاطول مدة ممكنة
واكثر ما يهمنى فى البرنامج هو استعراض
والتعريف بمسيرة وقصة نجاح الكثير من
شبابنا السودانى فى الخارج
نتمنى لك التوفيق ياغادة فى مواصلة
هذا العمل المفيد رغم الصعوبات التى
اعرفها
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: Saifeldin Gibreel)
|
| Quote: الاخ الباش مهندس مجدى وحمود عبدالمطلب مثال للكثير من السودانيين الذين نجحوا فى ارض العم سام غير ذلك لهم مجهودات مقدرة فى مجال العمل العام من خلال الجالية السودانية فى شمال كاليفورنيا. |
سلامات يا سيف.. ووصلت واشنطون ولا لسه؟
الأستاذين مجدي ومحمود كان لهما دور كبير
وجهد مقدر في التجهيز للحلقة..
ولولا دعمهما القوي لما تمكنت من تصوير الحلقة معهما
الشكر لهما على ما قدماه لي.. وعلى ما لا يزال يقدمانه
للجالية السودانية بشمال كاليفورنيا
وبعدين غير تلفونك ده.. اشتقنا ليك ياخ
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: عامر تيتاوى)
|
Quote: اما حلقة شركة الطيار فعرفتنا ان دركسون
الطيارة زى لعبة الاتارى ... خوفتينا زيادة
من الطيارات ياغادة |
سلامات يا عامر..
إنت في دركسون الطيارة العامل زي الأتاري
ولا في الطيارة البيشغلوها من غير مفتاح دي..
العربية (الصغيرونة) دي
بالله الواحد يدخل المفتاح ويلف ويلف لامن نفسه يقوم
علشان العربية هي ذاتها تقوم..
تجي الطيارة بجلالة قدرها تلز ليها زرار صغيروني كده
وتقوم تدور؟؟
لله في طائراته شئون
مداخلتك ملبئة.. وعد بعودة اليها
تقبل التحايا
غادة
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: tmbis)
|
السلام عليكم
تمبس ازيك
....
طبعاً من نافلة القول "رهيبة دي"
ان الحلقة كلها على بعضها كانت جميلة ، وكمان البيزيدها حلاوة بالنسبة لينا قشرتنا بيك لما كل شوية كده تتلفت على الجماعة الجمبك كدة وتقول ليهم البت البتقدم البرنامج ده ... فردتنا ..
لكن بالجد أجمل ما أعجبني في الحلقة
اللقاء مع عمك مهدي والأخت نوره بتاعين نظافة الطائرة
ياخي دي حاجة جميلة جداً
تغير المفاهيم السودانية من حيث احترام قيمة العمل وعدم الاستخفاف به مهما كان نوعه بل والفخر الذي تحسه من كلام عمك مهدي وهو يصف مسؤوليته عن نظافة الموكيت والبطاطين
انا متأكد لو كان الراجل ده كان في السودان.. كان رفض التصوير على أقل تقدير ده لو ما كسر ليكم الكاميرا في راسكم ...
....
تخريمة:
عليك الله يا غادة كان ما اطمنتي على الباشمهندس الكان في بيشرح لينا أجهزة الطيارة
اصلي شايل هم يكون جاهو وجع رقبة
...
تحياتي
| |
|
|
|
|
|
|
|
|
 Re: كابتن غادة عبد العزيز خالد .. من داخل كابينة القيادة (Re: tmbis)
|
بسم الله الرحمن الرحيم
السلام عليكم ورحمة الله تعالي وبركاته .
تمبس سلام وكل عام وانتم بخير
شكرأ شديد علي تنذيل الحلقه .
أم هاشم سلامات ..
مره بيتزا ومره تكسي ومره طياره
والله شغل نظيف..في انتظار المزيد ...
بس لم ممكن المره الجايه
الحلقه تكون عن الحلويات الشرقيه
وتكون من المطبخ بتاعكم عشان
وصفة البسبوسه العجيبه ديك ...
ــ
أبوهاشم .
| |
|
|
|
|
|
|
|
|
|
Re: كابتن غادة عبد العزيز خالد .. من داخل كابينة القيادة (Re: tmbis)
|
ياعلاء كل سنة وانت طيب
غادة ابدعت وقدمت لنا صور عن السودانيين فى الغربة
وياريت لو المهندسين ديل كانوا في السودان ما كان وقعت لينا
طيارة
ويا غادة عايزنك تدخلي لينا عالم هوليود وتقدمي لينا نماذج
من ابناء الوطن ( اكيد في سودانيين هناك )
وبرضو وكالة الفضاء الامريكية (ناسا)
| |
|
|
|
|
|
|
| |
tmbis
غادة عبدالعزيز خالد
فاروق أبوحوه
Yassir Tayfour
osman righeem
Saifeldin Gibreel
Kamal Karrar
انعام حيمورة
النذير بيرو
عامر تيتاوى
الزوول
محمد سنى دفع الله
حاتم هاشم
عصام علي أحمد
فيس بوك
تويتر
انستقرام
يوتيوب
بنتيريست