دعواتكم لزميلنا المفكر د.الباقر العفيف بالشفاء العاجل
|
|
 فصول مسرحية لم تكتمل
|
المشهد الاول
(غادة, معز, هاشم, و شهاب. تائهون فى الامتداد)
-السلام عليكم يا جماعة
-و عليكم السلام
-بالله بيت ناس طارق جبريل, و زرياب, و القلب النابض بوين؟
-شايفين البيت المعلقة فيهو الزينة داك؟ بس ياهو
( و تتجة الاسرة نحو المنزل, فتقول غادة)
-و الله الزينة (ما بطالة), يعنى حلوة. بس كانوا يزودو الانوار شوية
-لا مافى داعى, كدة كفابة
-و المكرفونات العلقتها القلب النايض صغيرة كدة لييييية؟ حسة معقولة بس بتعلى الصوت؟
-و الله يا غادة حجمها كويس يعنى
-و حسة كدى الدلوكة و ينا؟
-يعنى بس معقولة حيخلوها كدة برة, ما اكيد جوة البيت و لمن تبتدى الحفلة حيطلعوها
-قلتو كدى, سمح
( تصمت برهة, و تواصل)
-ريحة الخبيز طااااقة
-اى و الله, الريحة حلوة
-تفتكرو يكونو عاملين منو بعجوة؟
- و الله ما عارفين
-حسة ليهم اكتر من اسبوعين بيخبزو فيهو, اخير يكونو عملوهو
-معز: و الله يا غادة الفى بناكلو و بنمشى
-هاشم: اوعا يا امى تكونى عاوزة تعملى لى مشاكل, انا ريم دى ما حافرط فيها
-يا ولد مشاكل شنو كمان, انا ناس طارق و زرياب و القلب النابض ديل بعرفهم
من انت و ريم ديل قدر دة, من ايام كنا بنتلاقى فى حوش بكرى, ما بزعلو منى
-غايتو يا امى انا كلمتك
يا غادة قولى بسم الله
-اها, بسم الله. خلاس ارتحتو
(تصمت لبرهة, قصيرة جدا, ثم تعاود الكلام)
-الكعك دة بس اوعا يكون بيتكسر, توبى دة جديد
نهاية المشهد
.
و
.
.
..
نواصل
.
.
.
غادة
|
|
 
|
|
|
|
|
|
|
 Re: فصول مسرحية لم تكتمل (Re: غادة عبدالعزيز خالد)
|
العزيزة غادة
لك التحية
| Quote: و الله الزينة (ما بطالة), يعنى حلوة. بس كانوا يزودو الانوار شوية |
 حاااضر..
| Quote: و المكرفونات العلقتها القلب النايض صغيرة كدة لييييية؟ حسة معقولة بس بتعلى الصوت؟ |
لكن القلب النابض ما اتلومت...
| Quote: -و حسة كدى الدلوكة و ينا؟ |
قااااعدة...
Quote: -ريحة الخبيز طااااقة
-اى و الله, الريحة حلوة
-تفتكرو يكونو عاملين منو بعجوة؟
- و الله ما عارفين
-حسة ليهم اكتر من اسبوعين بيخبزو فيهو, اخير يكونو عملوهو
-معز: و الله يا غادة الفى بناكلو و بنمشى |
Quote:
هاشم: اوعا يا امى تكونى عاوزة تعملى لى مشاكل, انا ريم دى ما حافرط فيها |
نحنا زاتنا ما حنفرط فيك او ريم خلاص اديناها ليك...
| Quote: -الكعك دة بس اوعا يكون بيتكسر, توبى دة جديد |
اللة يستر يا معز...
في انتظار المشهد الثاني
ودي
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: مع الاعتذار للاخ
عاطف عمر
الزواج قسمة و نصيب |
سمعنا وشفنا و ( عايشنا ) البنات بيشوكشوا الأولاد
لكن عمرنا ما سمعنا بي ( عمة ) تقرر شوكشة ود أخوها عشان ولدها
لذلك
حنمشي في التحدي للنهاية
الأخ طارق
الأخ زرياب
الأخت القلب النابض
بعد أن تسمعوا طلب غادة ومعز
نحنا برضو عاطف وسعدية نطلب يد كريمتكم المصون ريم لإبننا ( محمد الأمين )
رأيكم يهمنا جداً
لكن يهمنا أكثر أن يترك الخيار للأمورة ريم أن تختار بكامل إرادتها و ( قلبها )
بين هاشم ومحمد الأمين
وفي النهاية
حنبارك للفائز بقلب الأميرة
ونقول للآخر
| Quote: الزواج قسمة و نصيب |
| |
|
|
|
|
|
|
|
|
|
Re: فصول مسرحية لم تكتمل (Re: عاطف عمر)
|
العزيزة غادة
Quote: انت اهل العروس و ين؟؟
يكونو لسة
بلفو مع عمو سيف الدين جبريل
بالتكسى
فى سان فرانسيسكو؟ |
اهل العروس خلاص وصلوا
الظاهر الفة كانت طويلة
ودي
| |
|
|
|
|
|
|
|
|
|
Re: فصول مسرحية لم تكتمل (Re: عاطف عمر)
|
Quote: يا غادة
حالتنا قلنا إنت تمشي مع أم العريس بوصفك عمة العريس وعلاقتك حلوة بعمة العروس صاحبة الكلمة النهائية( القلب النابض ) عشان ( فتح الخشم ) و ( قولة خير ) أو ( حفل التعارف )
ربنا يحفظهم جميعاً ويحفظ ليك هاشم وشهاب |
Quote: اخونا عاطف مسكنى من الجنب البيوجع
فخلاص, انا عمة العريس
و لة, مع والدتة و اهلة نتقدم
و من هنا
نقدم اسمى فروض الولاء و الطاعة لعمة العروس المصون القلب النابض
و اهم لام العروس و كل اهل العروس |
Quote: الاخ الكريم
طارق
عن اذنك
سابحث عن الاخ عاطف
و نحدد مواعيد الزيارة
فى اسرع فرصة |
Quote: يعنى ما فى طريقة زوغة
طيب بتشاور مع زميلى,
ابو العريس
و برد ليك |
يعني يا عمتو
ما ننوم ؟؟؟ ( حسب النكتة الشهيرة )
محمد الأمين عاطف
| |
|
|
|
|
|
|
|
|
|
Re: فصول مسرحية لم تكتمل (Re: طارق جبريل)
|
يا سلاااام
ناس العرس الظاهر كلهم بهنا
شكلها حتكون حفلة رااابة
اها يا جماعة,
عن اذنكم
اليلة التلاوة فى بيتنا
و حللى فى النار
بجيكم بالرواااقة
و فى مقولة اخرى
"بنجهز فى فطور اعريس"
 
غادة
| |
|
|
|
|
|
|
|
|
|
Re: فصول مسرحية لم تكتمل (Re: طارق جبريل)
|
عاطف عمر
لك التحية
Quote: سمعنا وشفنا و ( عايشنا ) البنات بيشوكشوا الأولاد
لكن عمرنا ما سمعنا بي ( عمة ) تقرر شوكشة ود أخوها عشان ولدها
|
لكن في النهاية يا عاطف زي ما قلتا الخيار لي الامورة(ريم)...
الزواج قسمة و نصيب...
يا غادة القصة دي الظاهر عليها حتولع
كدي النمشي نشوف ابو العروس عمل شنو..
يا خال
موضوع فرفور دة خليهو انا بحسموا ليك...
يا غادة الحفلة دي ما قربت..
فطور العريس دة لسة ما خلص..
او معز وين ما ظاهر لي..
| |
|
|
|
|
|
|
|
|
 Re: فصول مسرحية لم تكتمل (Re: غادة عبدالعزيز خالد)
|
المشهد الثانى
(غادة, معز, هاشم, شهاب امام المنزل)
غادة تنظر الى معز, و تهمس
-تفتكر دة بيت طارق زاااتو, و لا بيت ابوهو؟
-بصراحة يا غادة ما عارف
- احيييييى, دقسنا الما سألنا
(فى تلك اللحظة نرى زرياب)
و بعد السلام الكثير, تسألة غادة
-انتو يا زرياب حسة البيت دة جيرتو
(زرياب نظرة حيرة و دهشة)
(غادة تستدرك)
-طيب حتى ضربتو بوهية
هاشم: يا امى, دة شنو
-يا ود هة اسكت
-و الله يا زرياب اتغيرت
-كيف يعنى؟
-زمان كنت حنكوشة كدى, تلبس الجكيتات السود
مالك لابس الجلابية الشينة دى
(شهاب يلكز امة بيدة)
-غادة: سمح, سمح
(صمت قصير)
-و مالك صلعت كدى؟
معز: يعنى انا يا غادة الشايفانى بقصتى؟
(غادة تواصل)
-يا حليلك يا ود امى, و قدر الفى بقى ابيض كدى مالو؟
(زرياب بصوت بة كثير من الدهشة)
-و الله ما عارف..
(غادة تقاطع)
-انا عارفة, تلقاها مرتك دى نقنااااقة
النسوان ديل اسعلنى منهن انا, مرات كدى...
(يدخل الاخ عاطف عمر و الاخت العزيزة سعدية و ابنهم محمد الامين)
انتهى المشهد الثانى
| |
|
|
|
|
|
|
|
|
|
Re: فصول مسرحية لم تكتمل (Re: ناصر جبريل)
|
Quote: غادة عبد العزيز خالد
ما شاء اللة ما اسحروكى
الايام اخر تالق وحنين للوطن
وزكريات الامتداد وقصص رائعة حقيقية
وخيالية .
قلنا نشارك على سبيل تهييج زكريات قديمة
خالص ودى وتقديرى |
العزيز
على الحسن
خلاص,
معناها حتجى معانا
فى بص السيرة
ان شاء الله
و الله يقدرنا
على عاطف
و اخونا ناصر جبريل
كامل التقدير
على الكلمات الطيبة
و خالص الود
غادة
| |
|
|
|
|
|
|
|
|
|
Re: فصول مسرحية لم تكتمل (Re: ناصر جبريل)
|
Quote: العزيز عاطف عمر
Quote: حنمشي في التحدي للنهاية
الأخ طارق
الأخ زرياب
الأخت القلب الناب
وانا معاك |
الاخ ناصر
آها,
خلصت من الهندى
و عاوز تقبل علينا بهنا
شكلنا كدة حنعملها
منافسة شديييدة
عن اذنك,
انا ماشة السوق
اجيب هدية لخطيبة
و لدى السمحة دة
-ما شاء الله-
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: العزيز عاطف عمر
وانا معاك |
الله أكبر
تسلم يا طارق جبريل
Quote: لكن في النهاية يا عاطف زي ما قلتا الخيار لي الامورة(ريم)...
الزواج قسمة و نصيب... |
أهلاً زرياب
موافقين وواثقين في إمكانيات إبننا على كسب قلوب العذارى
| Quote: (يدخل الاخ عاطف عمر و الاخت العزيزة سعدية و ابنهم محمد الامين) |
الكلام دخل الحوش
نسمع منك يا غادة
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: : العزيز عاطف عمر
وانا معاك
الله أكبر
تسلم يا طارق جبريل |
العزيز عاطف عمر .... بالطريقة دي غادة ح تقول ليك انت ما عارف عم البت من ابوها...
وشايف زرياب ود عمت العروس في صف غادة ...تاني الا نتصل بصديق!!!!!!
Quote: الاخ ناصر
آها,
خلصت من الهندى
و عاوز تقبل علينا بهنا
شكلنا كدة حنعملها
منافسة شديييدة
عن اذنك,
انا ماشة السوق
اجيب هدية لخطيبة
و لدى السمحة دة
-ما شاء الله-
|
لا وحاتك يا استاذة... بس شايف العائلة كلها معاك قلت اقيف في صف
اخونا عاطف ... وربنا يكمل ...وانا مؤمن ان الاحلام قد تصبح حقيقة
وربنا يحفظ اولادنا جميعا... لك مودتي واحترامي
| |
|
|
|
|
|
|
|
|
|
Re: فصول مسرحية لم تكتمل (Re: ناصر جبريل)
|
| Quote: العزيز عاطف عمر .... بالطريقة دي غادة ح تقول ليك انت ما عارف عم البت من ابوها... |
الحبيب ناصر
لك العتبى حتى ترضى
ما مشينا بعيد
العم برضو والد
وبرضو له حق الفيتو
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
الحبان كيفنكم
Quote: -تفتكر دة بيت طارق زاااتو, و لا بيت ابوهو؟
-
-انتو يا زرياب حسة البيت دة جيرتو
-طيب حتى ضربتو بوهية
-زمان كنت حنكوشة كدى, تلبس الجكيتات السود
مالك لابس الجلابية الشينة دى
-و مالك صلعت كدى؟
-يا حليلك يا ود امى, و قدر الفى بقى ابيض كدى مالو؟
(زرياب بصوت بة كثير من الدهشة)
-انا عارفة, تلقاها مرتك دى نقنااااقة
النسوان ديل اسعلنى منهن انا, مرات كدى...
|
غايتو بعد دا كلو بتي دي كان اختارت ولدك دا حا تنجض نجاض
| |
|
|
|
|
|
|
|
|
|
Re: فصول مسرحية لم تكتمل (Re: طارق جبريل)
|
النسيبة المتقدرة
Quote: -زمان كنت حنكوشة كدى, تلبس الجكيتات السود
مالك لابس الجلابية الشينة دى |
ما خلاص زمن اوعده
لا دي ما اظن
Quote: يا حليلك يا ود امى, و قدر الفى بقى ابيض كدى مالو؟
|
بقي وخلاص
Quote: -انا عارفة, تلقاها مرتك دى نقنااااقة
النسوان ديل اسعلنى منهن انا, مرات كدى...
|
عشان كدة ما عايزين نعرس لســـــة (صغيراو جاهل)
Quote: (يدخل الاخ عاطف عمر و الاخت العزيزة سعدية و ابنهم محمد الامين)
|
احسن نتصل علي المطافي الظاهر عليها حتولع
| |
|
|
|
|
|
|
|
|
|
Re: فصول مسرحية لم تكتمل (Re: زرياب كنيش)
|
Quote: العزيز عاطف عمر .... بالطريقة دي غادة ح تقول ليك انت ما عارف عم البت من ابوها...
وشايف زرياب ود عمت العروس في صف غادة ...تاني الا نتصل بصديق!!!!!!
|
ناصر
يعنى انت فعلا
عم البنت
تعرف فترة
كدة كنت بتلخبط
بين اسمك و اسم طارق
لاكن ريم حسمت
طبعا كل الامور
و نثق بامكانية
الربح
بقلب الجميلة
ريم
خالص التحايا
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
المشهد الثالث
(دخول اسرة الاخ عاطف الكريمة)
(معز ينظر لغادة بقلق, و يهمس)
-غادة, خليك ظريفة, سعدية دى و الله شكلها كدة زولة فرايحية
غادة: قصدك شنو؟ يعنى انا ما ظريفة و زولة نكدية؟
هاشم: لا يا امى, لكن خالتو سعدية دى زولة طيبة و الله
(غادة بغضب)
يا ود قصدك انو انا ما طيبة؟
شهاب: لا يا امى, احنا قصدنا بس انو خالتو سعدية دى مسكينة, و يعنى, ما بتستحمل الشكل
غادة: قصدكم تقولوا انا الشكالة يعنى؟ حسة شفتونى شاكلت منو؟
(معز, بنفاذ صبر)
-يا غادة احنا ما قصدنا شى. طيب فكرى فى عمة العروس
-مالها, القلب النابض دى حبيبتى
-ما قلنا شى, لاكن لو قلت شى ماياهو حتزعل منك. و هى صاحبة الامر, متذكرة؟
-لا ما ناسية, لاكن هى موش شعاراها فرى سبيتشى
هاشم: آى يا امى, لاكن برضو قالت ما بتريد ال
Hate speech
-يا ولد حسة الهيت سبيتشى و ينو؟ انا حاسلم و ابعبر عن شعوراتى ساااى
(محمد الامين عاطف يقترب من عمتة)
انتهى المشهد الثالث
| |
|
|
|
|
|
|
|
|
|
Re: فصول مسرحية لم تكتمل (Re: طارق جبريل)
|
| Quote: غايتو بعد دا كلو بتي دي كان اختارت ولدك دا حا تنجض نجاض |
وحاااات الله يا طارق,
و ان شاء الله انقلب
خنفسانة فى فعدتى دى
ما بنجضها
(حقوق الخنفسانات محفوظة لسجيمان)
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: ناصر
يعنى انت فعلا
عم البنت
تعرف فترة
كدة كنت بتلخبط
بين اسمك و اسم طارق |
غايتو الله يكون في عون بت اخوي دي لا انتي ولا عاطف
ما قادرين تفرقو بين عم العروس وابوها
يكون زي ما قال يازول yazoal يا زول البت فيها شبه عمها ناصر رغم اني ما شايف الشبه
ولو كان في شبه ما كان العرسان كترو كدا!!!
Quote: الحبيب ناصر
لك العتبى حتى ترضى
ما مشينا بعيد
العم برضو والد
وبرضو له حق الفيتو |
وبرضو معاك لاخر السكة
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
والله يا بت الناس حيرتينا
الناس كملت المناديل بهناك
وانت بجاي مهججة
المهم يا طارق جبريل رضيت والله أبيت انا ما هماني بس مغصة وكيا كده فى غادة ومعز أنا عم العروس عشان نشوف عرس هاشم الماشى يتم من غير استشارتي دي
ويا غادة لو عايزاني أنا مع ابوكي بهناك
والله اخر زمن...
وطاخ قفل الباب
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: فرفور معكلت معانا ما عايز يجي العرس
عايز امشي اهرشو واجي ومن هناك
امشي اشوف ناس القوصي ديل عملوا شنو العشاء |
اها يا طارق يا اخوى
لقيت فرفور و لا لسة؟؟
لو ما لقيتة,
عليييك الله شوف
لينا اخو سامى المغربى
بس اوعى تكون
منى خوجلى جايباة
فى حفلتها ديك
و العشا,
اهم شى العشا
اخير يكون سمح
فى ناس كدى
(تانييين)
شنافييين كدى
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
| Quote: زرياب يوجه شباباً صغار السن يحملون أواني رائعة الصنع واضح أن عليها فاكهة وعصير وخبيز تنبئ رائحته الجميلة عن مذاق أطيب .ويحدد لهم أن يضعونها في تنسيق بديع |
انت يا عاطف تضرب في العصير وانا لي هسا ما عارف العريس منو
ياخي جزلاني اتقدا وانا لسا مجهجه
| |
|
|
|
|
|
|
|
|
|
Re: فصول مسرحية لم تكتمل (Re: طارق جبريل)
|
المشهد الرابع
(غادة تنظر الى طبق الفاكهة)
زرياااب
زرياب, و يقلق
نعم, يا غادة
-لية ما جبت لينا بورتكان
-ناصر: معليش يا غادة اكلى موز
-لأ, الموز بيسمن
(معز, ينظر لغادة)
-اها يا نعومى كامبل
-غادة: قصدك شنو؟؟
(سعدية, بتهذيبها الجميل)
-ابدا يا غادة, ما قصدو شى
شهاب: الموز صحى يا امى
-قلت كدى؟ طيب ادينى بتيخ
طارق, يفكر
-كر علىّ الدافع حق الموز و البتيخ
و كمان قال بورتكان قال,
هة!
انتهى المشهد الرابع
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
ذكريات حوش بكري كانت المدخل
والله أيام يا زمان
يا لها من أيام ، كنا أيامها شباباً ، كانت لنا المقدرة على النقاش والـ ( مكاواة ) ، ليت ذاك الزمن الجميل يعود. اليومين دي نجمة المنبر آية بت منى خوجلي . البوست العملوا ليها محمد ود ( علي الحسن ) بمناسبة وضوعها لباكورة إنتاجها بنتها الجميلة والتي أسمتها على إسم والدتها الحاجة( منى ) ، ضرب الأرقام القياسية في عدد الزوار وعدد المتداخلين . تذكر العواجيز أمثالنا البوست الذي كتبه والده علي الحسن قبل خمسة عشرة عاماً عن والدتها حاجة منى وكان ما أخاف الكضب كان اسمو ( منى خوجلي إمرأة رائعة تبحث عن الجمال ) .
بعد ذلك تجاذب عاطف ومعز ذكريات كلية الهندسة بجامعة الخرطوم
معز : إنت يا عاطف إتخرجت من الجامعة سنة كم ؟؟
عاطف : وليه الإحراج دا ؟؟ ( ضحكة طويلة ) أنا يا سيدي إتخرجت سنة 84 طبعاً أناعارف إنت أظنك خريج 95 مش كدا ؟
معز : نعم بس ياخي إنتو قريتو الجامعة في أيامها الذهبية ، كنا نسمع قصصاً أقرب للخيال عن العز الذي ينعم به طالب الجامعة في أيامكم ديك .
عاطف : عارف يا معز ما سمعته صحيح والصحيح أيضاً أننا عندما دخلنا الجامعة كنا نسمع أيضاً ممن سبقونا قصصاً تحكي عن قمة ( الدلع ) الذي ينعم به طالب الجامعة . أبسطها أن كان يحضر إليه قبل ذهابه صباحاً للمحاضرات كبير الطهاة ومعه الـ ( Menu ) ليسأله عن الوجبات التي يريدها اليوم . هذا طبعاً غير درجة الوعي العالية التي كان يتمتع بها طلبة الجامعة ، والدور السياسي الكبير الذي كانوا يقومون به فقد كانوا حقاً ضمير وصوت الشعب .
يترك هشام وشهاب ومحمد الأمين ما كانوا عليه من ضحك ويقتربوا ليسمعوا حديث الذكريات هذا .
يتململ طارق
ويهمس في أذن زرياب بكلمات
يخرج على أثرها زرياب ويعود برفقة الشباب حاملين آنية العصير
وناصر يعزم ويصر على تناول الجميع للعصير
نواصل
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: لاكن اها,
انت ما عندك بنية حلوة كدى
-ما شاء الله-
زى ريم دى
يمكن تفك الخلاف دة |
عندي ( رغد) بس (مرتبطة)!!!
لكن توب فايزة ما شديد من وين دا عليك الله اسأليها
Quote: و حاااات الله
الا اشيل لى واحد
تانى من فايزة |
تياب فايزة ديل كتار ولا شنو!!!!!!
| |
|
|
|
|
|
|
|
|
|
Re: فصول مسرحية لم تكتمل (Re: ناصر جبريل)
|
العزيز ناصر جبريل
أزيك
| Quote: عندي ( رغد) بس (مرتبطة)!!! |
بالرد ده اكدت لي انك كاشف نومة غادة وقدرت تقفل ليها العشم فى شهاب
وربنا يخلي ليك رغد
| Quote: لكن توب فايزة ما شديد من وين دا عليك الله اسأليها |
فايزة قالت ليك دي حالتها من سوق الهنود بجاي
وكمان قالت ليك سر
ما تفتكر غادة كانت عايز تتشعبط فى رغد عشان شهاب
ما هي عارفة ابو رغد ما حيقصر معاها بالتياب الكويتية
ودي كل الجطة وقلناها ليك
مع التحايا الخالصة لام رغد
فائزة وشمس الدين
| |
|
|
|
|
|
|
|
|
|
Re: فصول مسرحية لم تكتمل (Re: ناصر جبريل)
|
ناصر يا اخوى
توب فايزة الهى لابساهو دة
من الهندى الجنبهم
لاكن الحاشيلو انا
جايبنو من الامارات
انت ما كنت
عارف انو رغد
دى مرتبطة بشهاب
و لا شنو
كدى النشوف
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
| Quote: المهم يا طارق جبريل رضيت والله أبيت انا ما هماني بس مغصة وكيا كده فى غادة ومعز أنا عم العروس عشان نشوف عرس هاشم الماشى يتم من غير استشارتي دي |
العزيز شمس الدين كيفنك
بما انك زقازيقي محترم فانت عم للعروس والقول قولك
| |
|
|
|
|
|
|
|
|
|
Re: فصول مسرحية لم تكتمل (Re: طارق جبريل)
|
Quote: العزيز شمس الدين كيفنك
بما انك زقازيقي محترم فانت عم للعروس والقول قولك |
الله يستر
و الله يسامحك يا طارق
الزول دة كمان عندو
سالم
الظاهر انا
و ود عمى عاطف دة حنتحد
مااا دايرين البت دى تطلع
مننا و الله
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: اها يا طارق يا اخوى
لقيت فرفور و لا لسة؟؟
لو ما لقيتة,
عليييك الله شوف
لينا اخو سامى المغربى
بس اوعى تكون
منى خوجلى جايباة
فى حفلتها ديك |
فرفور حالو ساهل انت كدة حا تلخبطي القصة من اول جديد لانه
منى خوجلي دي ما عمة العروس طوالي والبيت الفي الامتداد
الفاتح في بيتنا دا ما بيتهمم
عاد خمي وصري
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: يتململ طارق
ويهمس في أذن زرياب بكلمات
يخرج على أثرها زرياب ويعود برفقة الشباب حاملين آنية العصير
وناصر يعزم ويصر على تناول الجميع للعصير |
انتو يا غادة الناس ديل جايين يقروا الفاتحة ولا جايين يدوعلوا بي عصايرنا
| |
|
|
|
|
|
|
|
|
|
Re: فصول مسرحية لم تكتمل (Re: زرياب كنيش)
|
عاطف : والله يا أخوانا دا يوم يؤرخو بيهو،سعادتنا لا تحدها حدود ، لقيناكم بعد السنين دي كلها ، ورب صدفة خير من ألف ميعاد فقد وجدنا معكم أعزاء طال شوقنا للقياهم ، معز وغادة وأولادهم ماشاء الله عليهم هشام وشهاب وأنا شايفهم ضربوا صحبة مع محمد الأمين كأنهم بيعرفوا بعض من عشرات السنين .
حقيقة أنا بشكر من بعد الله تعالى إبني محمد الأمين أن أتاح لي شرف الحضور إليكم لــ
طارق ( مقاطعاً ) : يا زول والله ولا كلمة
عاطف ( فاغراً فاه من الدهشة ) : كنت عاوز أقـ
طارق ( مقاطعاً مرة أخرى ) : يا زول ( على الطلاق ) كان ما أكلتوا الخرفان الإنضبحت دي ما نسمع منكم ولا كلمة .
يا ناصر
يا زرياب
ياخي ما تشوفوا الحاصل شنو ؟؟
الخرفان دي وين ؟؟
العشا دا اتأخر كدا مالو ؟؟
ناصر ( ضاحكاً ) : ياخوى الخرفان انضبحت من ساعتين ، والعشاء جاهز ، الجماعة بس مستنين إشارة منكم .
طارق : طيب يلا مستنين شنو زرياب شوف العشاء دا جيبوه
نواصل
| |
|
|
|
|
|
|
|
|
|
Re: فصول مسرحية لم تكتمل (Re: عاطف عمر)
|
Quote: طارق ( مقاطعاً مرة أخرى ) : يا زول ( على الطلاق ) كان ما أكلتوا الخرفان الإنضبحت دي ما نسمع منكم ولا كلمة .
|
خرفان
الله يستر على
طارق الليلة
كدى النقوم
نغسل يدى
| |
|
|
|
|
|
|
|
|
|
Re: فصول مسرحية لم تكتمل (Re: زرياب كنيش)
|
Quote: القصة شنو
نحنا زاتنا عايزين نخطب |
زرياب يا خوى
اها دة الكلام
الاطفال الصغار حسة بيخطبو ليهم
انت لازم نشوف ليك عروسة
بس الاول,
لازم تمشى تغير الجلابية الشينة ديك
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: الظاهر انو ناصر
ما عاوزنا
نخطب رغد
لاكن وحااات الله
مافى طريقة
هو ما عارفها
مرتبطة بشهاب
و لدى
و لا شن |
الغريبة قالت لي بتحب واحد اسمه هاجد
شهاب دا يكون قاصد واحدة تانية!!!
وبعدين يا زرياب انت راجينك بنات في العائلة كتير شنو توصي في ام شهاب
ولا بنات خالاتك وخيلانك دي نديهم للشنافات!!!
غادة ولدنا زرياب دا محجوز لبت خاله لطفي!!
| |
|
|
|
|
|
|
|
|
|
Re: فصول مسرحية لم تكتمل (Re: زرياب كنيش)
|
Quote:
عارف دي لو شافتة غادة حتقول يخطبوها لي شهاب
ياغادة... |
و الله ما بقول
يخطبوها لشهاب
و مبروك عليك,
علا عندى طلب ويحيد و مشيحيد,
تسوقونى معاكم قولة الخير
| |
|
|
|
|
|
|
|
|
|
Re: فصول مسرحية لم تكتمل (Re: طارق جبريل)
|
و جلس الجميع
لتناول الشاى, بعد العشاء
و حضرت ريم
ترفل فى احلى الثياب
و وجهها, ما شاء الخالق القدار,
مشرق, اشراق البدر الجميل..
حيتها غادة, و احتضنتها بحب و حنان
و دارت العروس
تسلم على الجميع..بكل احترام
و ينما تفرد لها غادة
مكانا خاصا بجنبها
ذهب, و بكل استيحاء
تجلس بجانب محمد الامين
(و غادة بدت تحدر)
و نواصل
| |
|
|
|
|
|
|
|
|
|
Re: فصول مسرحية لم تكتمل (Re: طارق جبريل)
|
Quote: يشهد الله يا جماعة مشينا نزور نسابتنا
يطرشنا ويعمينا
لا هزة كانون لا جك ليمون
لا كشكيش قزاز لا ريحة غاز |
كدى قول بسم الله يا ابو نسب
الجماعة لسة فى المطبخ
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: فايزة قالت ليك دي حالتها من سوق الهنود بجاي
وكمان قالت ليك سر
ما تفتكر غادة كانت عايز تتشعبط فى رغد عشان شهاب
ما هي عارفة ابو رغد ما حيقصر معاها بالتياب الكويتية
ودي كل الجطة وقلناها ليك
مع التحايا الخالصة لام رغد
فائزة وشمس الدين
|
العزيز شمس غايتو رغد جنها بناطلين!!!
لكن التياب دي ح نخليها لي غادة عشان ما نعمل ليها نفسيات!
| |
|
|
|
|
|
|
|
|
|
Re: فصول مسرحية لم تكتمل (Re: طارق جبريل)
|
ناس العرس ازيكن
غايتو يا غادة وشباب الامتداد
ما بسالكم بس نبارك
ونكشف ..
اصلو ناس الامتداد جنهم عرس وحفلات
كل ما أمشي الامتداد صوت
العرس والكشف ما بخليني انوم
أها بدل الواحد يساهر
أخير ابقى داخل
وياخد ليه خيط
خيطين
ولا يناسبهم زي ناس غادة
ونواصل .يا أظرف ناس .
| |
|
|
|
|
|
|
|
|
|
Re: فصول مسرحية لم تكتمل (Re: كوليل)
|
Quote: ناس العرس .... سلام
ايامكم دايما فراح يارب |
كوليل
و عليكم السلام
حصانك جراااى
و (حماتك) بتحبك, جيت فى وقتك
يادوووب بنقدم فى فواتح الشهية
اتفضل
| |
|
|
|
|
|
|
|
|
|
Re: فصول مسرحية لم تكتمل (Re: عشة بت فاطنة)
|
عشة بت فاطنة
جيبت لينا الشاى و جيتى...
وحاااات الله كلك ذوق
انا ضهرى اتقص من النسابة ديل
و بعد دة ما عارفين
حنخطبها نحن,
و لا حيخطبها محمد الامين
ود سعدية خيتنا
علا, سعال واااحد
(الشاى دة بالنعناع و لا لأ)
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: ناس العرس ازيكن
غايتو يا غادة وشباب الامتداد
ما بسالكم بس نبارك
ونكشف ..
اصلو ناس الامتداد جنهم عرس وحفلات
كل ما أمشي الامتداد صوت
العرس والكشف ما بخليني انوم
أها بدل الواحد يساهر
أخير ابقى داخل
وياخد ليه خيط
خيطين
ولا يناسبهم زي ناس غادة
ونواصل .يا أظرف ناس . |
سلام عشة بت فاطنة عمة العروس حبابك عشرة
جملة الايمان العرس دا ما يقوم لو ما انت اتوهطتي في نصه
| |
|
|
|
|
|
|
|
|
|
Re: فصول مسرحية لم تكتمل (Re: زرياب كنيش)
|
Quote: Quote: انا ضهرى اتقص من النسابة ديل
يا غادة خلاص بدينا... |
اعمل شنو يا زرياب يا اخوى
جد تعبت,
داخلة و مارقة كدة,
التقول ام العروس
و كل ما اجيب حاجة,
القى روحى نسيت حاجة تانية,
حسة يا دوووب كدة جبت فواتح الشهية,
لقيت ورجى نسيت الصحن دة
(غادة بينها
و بين نفسها:
يا الله الليلها تسترها,
و ما يسألوا دة شنو؟)
| |
|
|
|
|
|
|
|
|
|
Re: فصول مسرحية لم تكتمل (Re: غادة عبدالعزيز خالد)
|
Quote: شايفك تعزمي ساي في الناس وتلهطوا من خير العروس
وانتو قولة خير ما جبتوها |
نفسكم يا اهل العروس
قصير خلاس
اها ديل عاطف و معز بينزلوا فى الشنط
(غادة,
احى كلفنا ما كلفنا,
هى, بقيت متل طارق
كدى النشوف آخرتها)
| |
|
|
|
|
|
|
|
|
|
Re: فصول مسرحية لم تكتمل (Re: بارعة)
|
Quote: الرائعة غاده
والاعزاء المتداخلون
متابعه لصيقة لهذا البوست الجميل
فهو واحة حقيقية في هذا البورد
مودتي واحترامي |
انعام حبيبتى
اهلا وسهلا
اتفضلى
و دى شنو الهدايا دى كلها؟؟
ما كان تتعبى نفسك كدة
كلك ذوق و الله
| |
|
|
|
|
|
|
| |
غادة عبدالعزيز خالد
wail tagelsir abdalla
تيسير عووضة
عاطف عمر
طارق جبريل
ناصر جبريل
Shams eldin Alsanosi
عشة بت فاطنة
saif massad ali
انعام عبد الحفيظ
بارعة
فيس بوك
تويتر
انستقرام
يوتيوب
بنتيريست