دعواتكم لزميلنا المفكر د.الباقر العفيف بالشفاء العاجل
|
|
 أسكتوا... ما قلت ليكم
|
بائعة أمريكية شقراء، لطيفة ذات ضحكة خفيفة، في نهاية عقدها الثالث أو في بدايات العقد الرابع. نزورها في المحل أنا وأختي فنراها من خلال الزجاج قبل أن ندخل فترتسم على شفاهنا بسمة وترانا هي فتهتف " يا إلهي، الأختان مرة أخرى" ونضحك. فقد كنا نقضي معظم وقتنا في حديث ودعابات معها وبعض مغايظات ونتبادلها كلمة من هنا وأخرى من هناك. ونلتقي في ذات الزيارة بامرأة أمريكية أخرى في الخمسين عن عمرها ولكنها غاية في المحافظة حتى لتحسبها في عمر البائعة الظريفة التي لم تكمل الثلاثين ربيعاً. وكان للمرأة الأولى حفيدة في الثانية من عمرها. ومرت الأيام وصارت تربطنا بهما علاقة صداقة قوية حتى سمعنا الخبر الذي كان مفاجأة بالنسبة للجميع.
.
.
.
|
|
 
|
|
|
|
|
|
|
 Re: أسكتوا... ما قلت ليكم (Re: غادة عبدالعزيز خالد)
|
شاب عربي في أوائل العشرينات من عمره حضر إلى مدينتنا طالبا. كان مهذباً تبدو على ملامحه الطيبة. وفي يوم جمعة جامعة بعد حضوره بوقت قليل قام بعقد قرانه على الجدة الأمريكية، وطار عقل الكثيرين. هي أمريكية وهو عربي. هو لا يتحدث الإنجليزية وهي لا تتحدث العربية. هو في العشرين وهي في الخمسين. هو لم يتزوج من قبل وخبرته في الحياة قليلة. وهي متزوجة ولديها أبناء وبنات بل وحفيدة، هو أول مرة يطأ بقدمه الأراضي الأمريكية. وهي لم تزر يوما في حياتها دولة عربية. وتقفز في البال تلك المفارقات الغريبة كلما نظرت إلى العربي العريس وعروسته "اللقطة" القديمة. وأتي يوم أتتنا فيه الزوجة الجدة وهي ترتدي غطاءا أبيض فوق رأسها وعلمنا أنها قد أشهرت إسلامها وأسمت نفسها (عائشة)، وتوثقت صلتنا بها بعد سكن عائشة في شقة تجاورنا مع زوجها الشاب وأسرتها الأخرى. وفي يوم ذهبت إلى محلى لأرى بائعتي الصديقة وابتسمت تلك الابتسامة الخفيفة ودلفت إلى المحل. وبدلا من أن تبادرني بالتحية أو الدعابات النقية كالعهد بها، سألتني، مشيرة إلى عائشة، بنبرة خفيضة وبعينيها نظرة خبيثة:
-أها، ما عندك لي قطيعة!
.
.
.
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
وبهت في تلك اللحظة ظنا مني أن الأمريكيين هم قوم مباشرون لا يعرفون (اللف) أو الدوران. قوم يتصرفون على سجيتهم، يتركون الناس في حالهم، ولا يفهمون في قلنا وقالوا. كنت أظن أن للقطيعة والنميمة وكلاء حصريون في المجتمعات الشرقية والغرب منها براء. وأذكر أن جدي لأبي رحمة الله كان يأتي مارا فيرى زوجته ووالدتها الحاجة فاطمة، رحمهم الله، يتسامران بأصوات خفيضة. فيقول لهن محذرا "أوعا تقطعوا أو تتكلموا في سيرة الناس" فتجيبه الحاجة فاطمة بسخريتها المعروفة "أبدا والله إحنا ما بنقطع في زول، بس جايبين شوطهم سااااي."
.
.
.
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
وظهرت دراسة أمريكية حديثا تحذر من القطيعة وتقول أن البشر أميل إلى تصديق القطيعة والنميمة أكثر من الحقيقة وإن ثبتت بالأدلة والبراهين. ونحن نصدق القطيعة حتى وإن تضاربت مع معرفتنا بالشخص "المقطوع فيه" و تجربتنا معه. قامت الدراسة، التي نظمتها أكاديمية العلوم، بإحضار 126 طالبا وأجلستهم أمام شاشات الكمبيوتر. ويقوم الطلاب بالتعامل المالي مع بعضهم البعض من بين شاشات الكمبيوتر. ومطلوب من الطالب أن يكتب تعليقا عن الآخر بعد نهاية التعامل بينهما حتى وإن لم يكن ذلك التعليق صحيحا، مثل أن يقول أحدهم "هذا الشخص كريم جدا!" أو أن يقول آخر "أحذروا هذا الشخص، فهو بخيل جدا!". ووجدت الدراسة أن الطلبة قد تأثروا بالنميمة التي كتبها بعضهم عن البعض حتى وإن ثبت لهم أن تلك القطيعة، بعد تجربتهم الشخصية معهم، لم تكن صحيحة. تقول بروفيسور "دوريان تروب":
- إن النميمة سواء أكانت كاذبة أو صحيحة فهي بلا شك تؤثر في تعامل الآخرين معنا وهذه خطورتها، فنحن لا نستطيع التحكم فيما يقوله الآخرون عنا."
.
.
.
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
أما دكتور "درو ينسكي" أستاذ الطب النفسي بجامعة كاليفورنيا فيرجع تاريخ القطيعة لسنوات وقرون في التاريخ بعيدة. فقد كانت وسيلة لتبادل تجارب الحياة. فالنساء يجتمعن في فترة ويتناقشن كيف يربين أطفالهن وأين يجدن أفضل الأسعار. وصارت ذات المجالس وسيلة للحديث وتبادل الأخبار ومن ثّم القطيعة والنميمة. وينصح د. ينسكي المجتمع أن يتمهل ويتروى قبل أن يتبادل (القطيعة)، فالقطيعة تؤثر على حياة الآخرين وعلى الطريقة التي يتعامل بها المجتمع مع كل شخص. وتقول هاريت كول المحررة بمجلة (أبوني)، إنه من الصعب علينا التحكم في القطيعة التي تثار حولنا ، بل وقد تقود محاولة تغيير صورة القطيعة عن الشخص إلى حروب كلامية وأحاديث تفتح أبواب جديدة للقطيعة مما يؤثر على محاولة تصحيح القطيعة التي بدأنا بها. وكل ما يمكن للإنسان فعله هو أن لا يعير القطيعة إلتفاتة وأن يتمسك بمبادئه التي أنتهجها. ففي النهاية، لا يصح إلا الصحيح!
.
.
.
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
وتوصلت الدراسة إلى أن الإنسان سميع للنميمة ومصدق لها ولذلك يقوم ضعاف النفس باستخدام النميمة كسلاح، إما لاغتيال شخصية من يختلف معهم أو لإعادة تأهيل شخصيتهم هم. وقد ساعدت التكنولوجيا الحديثة على سرعة انتشار القطيعة بل ووفرت لها منافذ جديدة من خلال الجرائد الإليكترونية والمواقع الإسفيرية التي من الممكن خلالها ترويج القطيعة حتى بأسماء وهمية لا تعرف بعدها من الذي نشر تلك النميمة ولماذا. ولذلك نهانا الله عنها في كتابة الكريم مشبها القطيعة والنميمة بمن يأكل لحم أخيه ميتا فكرهتموه. أعاذنا وأبعدنا الله عنها!
.
.
.
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
| Quote: وبهت في تلك اللحظة ظنا مني أن الأمريكيين هم قوم مباشرون لا يعرفون (اللف) أو الدوران. قوم يتصرفون على سجيتهم، يتركون الناس في حالهم، ولا يفهمون في قلنا وقالوا |
سلام يا غادة
ياخي الناس ديل أقطع من يمشي على الارض, ما أن تدي ضهرك للواحد/ه, حتى ينزل فيك قـطيعة, والخبر يتفشى عندهم بسرعة البرق, هذه سمة مميزة لهم, على اختلاف درجات تعليمهم أو طبقاتهم!
| |
|
|
|
|
|
|
|
|
|
Re: أسكتوا... ما قلت ليكم (Re: Marouf Sanad)
|
| Quote: ياخي الناس ديل أقطع من يمشي على الارض, ما أن تدي ضهرك للواحد/ه, حتى ينزل فيك قـطيعة, والخبر يتفشى عندهم بسرعة البرق, هذه سمة مميزة لهم, على اختلاف درجات تعليمهم أو طبقاتهم! |
والله يا معروف لم أكن أتوقع وقتها أن الأمريكين
قطاعين للدرجة دي 
لكن والله طلعوا أصعب مننا
ودي الكبير
غادة
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
الاستاذة غادة ازيك
شوفى , الانسان هو الانسان سواء كان غربى او شرقى ,لكن الناس ديك تفوقت على الشرقيين كثيرا
التقبناوقرانا وعشنا لحظات معهم وتاكد لنا انهم تفوقوا على هذة الامة فى بعض المسائل الاجتماعية,طريقتهم تختلف عن
المجتمعات الشرقية,
المواضيع التى ذكرتيها ليست غريبة عنهم فهم اساتذة فى ذلك.
| |
|
|
|
|
|
|
|
|
|
Re: أسكتوا... ما قلت ليكم (Re: سيف الدين مصطفى كرار)
|
| Quote: المواضيع التى ذكرتيها ليست غريبة عنهم فهم اساتذة فى ذلك. |
الأخ الكريم
سيف الدين
معذرة، فلم أرى مداخلتك إلا الآن
لكن والله الجماعة ديل أنا كنت مصدومة جدا
وأنا أعرف إنهم بيقطعوا زيهم زينا
وكمان أحسن مننا والله
غايتو.. حاجة تحير
مودتي بلا حدود
غادة
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
الاستاذة غادة ازيك
شوفى , الانسان هو الانسان سواء كان غربى او شرقى ,لكن الناس ديك تفوقت على الشرقيين كثيرا
التقبناوقرانا وعشنا لحظات معهم وتاكد لنا انهم تفوقوا على هذة الامة فى بعض المسائل الاجتماعية,طريقتهم تختلف عن
المجتمعات الشرقية,
المواضيع التى ذكرتيها ليست غريبة عنهم فهم اساتذة فى ذلك.
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
الاخت غادة ..
اربعة اصدقاء يتسامرون فيما بينهم كل يوم الى اخر الليل . ولكن كل واحد يـــود ان يكون الاخير في الانصراق حتى لا يتعرض ( للقطيعة ) من بقية الجالسين عموما كل ما يذهب واحد الجماعة يدوه في الجامد الى ان تبقى منهم اتنين وعندما استاذن احدهما وودع الاخير ما كان منه الا وان اخذ كومة من التراب وقذفه بها من الخلف قائلا له اول انت اخير منهم ..
حمانا الله من القطيعة ..
ود الباوقة
| |
|
|
|
|
|
|
|
|
|
Re: أسكتوا... ما قلت ليكم (Re: نادية عثمان)
|
| Quote: القطيعة بالامريكانى دى بتكون زى الشمارات بالسودانى برضو ؟!! |
ندوية
الشمار السوداني على الأقل فيهو نكهة
يعني، لزوم رائحة البهار وتسبيكة الكلام
لكن قطيعة الأمريكان ديل، صدقني
صعبة خلاص
محبتي وسعيدة بطلتك
| |
|
|
|
|
|
|
|
|
|
Re: أسكتوا... ما قلت ليكم (Re: ود الباوقة)
|
| Quote: اربعة اصدقاء يتسامرون فيما بينهم كل يوم الى اخر الليل . ولكن كل واحد يـــود ان يكون الاخير في الانصراق حتى لا يتعرض ( للقطيعة ) من بقية الجالسين عموما كل ما يذهب واحد الجماعة يدوه في الجامد الى ان تبقى منهم اتنين وعندما استاذن احدهما وودع الاخير ما كان منه الا وان اخذ كومة من التراب وقذفه بها من الخلف قائلا له اول انت اخير منهم .. |
الأخ الكريم
ود الباوقة
يا كافي البلا، حتى الزول براهو بيقطع
| Quote: حمانا الله من القطيعة .. |
اللهم آمين
تحياتي للأمورة علا والأسرة
| |
|
|
|
|
|
|
|
|
|
Re: أسكتوا... ما قلت ليكم (Re: Nasr)
|
| Quote: You so useful; you so positive. May God bless you |
الأخ العزيز
نصر
كتابتي أحاول أن أوزن فيها
ما بين الجانب الترفيهي، الإجتماعي
والدراسي أحيانا والموضوعي
ليس دوما سهلا، ولكنني أحاول
رعاك الله ورعانا أجمعين
تقبل خالص المودة
غادة
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
أتت إحدى صديقات والدتي يوماً لزيارتها ، وبعد السلام والمطايبة أنبأتها
" والله يا بت التلب ( كنية الوالدة ) أكان أول أمس شرقتي اعفي لينا "
فاستغربت الوالدة وأجابتها بأن لله والرسول لكين في شنو ؟؟
استمرت الصديقة
" يوميها كنا قاعدين عند ناس فلانة وما كان لينا سيرة غير سيرتك "
فأجابتها الوالدة
" والله كتر خيركن ، وما قاعدة أعمل أكتر من الواجب ، لكين دا كلو من ذوقكن بس "
فاستغربت الصديقة وأجابت ( بخبث )
" عرفتي كيف كنا بنقول فيك كلام سمح ، إمكن كنا بنقطع فيك بى كلام شين "
هنا أطلقت الوالدة حكمتها
" أجييي يا بت أمي ، أنا بت الليلة ؟؟؟، متيمنة لو كان كلام شين كان قبال ما تقومن من قعدتكن وصلني ، أصلو الكلام الشين ليهو كرعين "
وييينك ياغادة
والله مشتاقين
قربنا نطلق نداء بحث
| |
|
|
|
|
|
|
|
|
|
Re: أسكتوا... ما قلت ليكم (Re: عاطف عمر)
|
القطيعه بتمشي أكتر وتنتشر وسط أوساط بتمارسها..
يعني لو الزول سمع قطيعه وماكان من "مريديها" وما نقلها بيقل انتشارها..
والأنجلبز مشهورين جدا بالقطيعه..والشمارات زي مابنقول عند العجايز بالذات..
....
....
شوفتي اليوم داك حصل شنو؟
عليك الله ما تكلمي زول..ده كلام خطر جدا وما عايزه زول يعرفه..سمح أمي؟
أها قالوا والله يكفينا شر قلنا وقالوا..قالوا..
........
........
.......
بس!
علي فكره يا غاده..
الحجاب فيك حلو شديد خالص..
| |
|
|
|
|
|
|
|
|
|
Re: أسكتوا... ما قلت ليكم (Re: Muna Khugali)
|
| Quote: عليك الله ما تكلمي زول..ده كلام خطر جدا وما عايزه زول يعرفه.. |
سلامات يا منى
لدينا صديق عزيز بيحب الكلام جدا
ولكن (عامل) فيها إنو ما بيحب القطيعة
فيسأله أصدقاءه عن شيء
فيقول ليهم والله أنا محلفيني ما أقول حاجة
فأحد الأصدقاء بيعرف ليهو كويس
فبيقوم يقول له
-أها طيب راس البيت (الموضوع)
صاحبك يقول طوااالي يتعدل في جلسته وبيدأ الحكي بقوله
-طيب ما دام الكلام جاب الكلام.. النحكي ليكم
| |
|
|
|
|
|
|
|
|
|
Re: أسكتوا... ما قلت ليكم (Re: عاطف عمر)
|
| Quote: أصلو الكلام الشين ليهو كرعين |
الكلام الشين يا عاطف في مليون زول
مستعد في لحظة يوصلة
والكلام السمح يتغاضى الناس عنه
خالتي آمنه، والدة معز بتقول على البيوصلو القطيعة
-والله الكلمك شتمك
اللهم أبعد عنا القطيعة ودروبها
تحياتي لسعدية والأسره الكريمة
| |
|
|
|
|
|
|
|
|
 Re: أسكتوا... ما قلت ليكم (Re: غادة عبدالعزيز خالد)
|
الأخت غادة أخبارك و معز و الأولاد؟
القطيعة عند الجماعة ديل جزء من ثقافتهم و ما عندهم فرق بين مكان شغل ولا غيره الـgossip شي أساسي و مهم. و هم يمارسونها بطريقة لا تخطر على بال الجالسات عندنا في حلقات الجبنة و الودع. أيام الجامعة اشتغلت في صيف مع ناس الطرق. كان الفريق بتكون من أربعة طلاب بالإضافة للمشرف و النظام إنو بصورة دورية واحد أو واحدة من الطلاب بكون واقف في الشارع يوجه الشاحنات البتورد التربة لرصف الطريق و بقية التيم متحركة بالعربية بتعمل في أعمال مساحة. أها زولنا أو زولتنا الفي الطريق بيسلخوه سلخ ما يخلو ليو حاجة و عادي يجي تاني يوم اركب و يمشي بدلو زول تاني و الجماعة يقعوا في الزول التاني. اللذيذة الظاهر أي زول عارف انو لما يكون غايب بقطعوا فيهو لكن ما ظاهر عليهم بحاولوا اعرفوا الاتقال فيهم شنو؟ بيني وبينك كان نفسي أعرف بقولو عني شنو. طبعا في ناس مهذبين في قطيعتهم. لكن في واحدين تلقيهم بقولو علي: بالله شفت العب دا قال شنو؟
| |
|
|
|
|
|
|
|
|
|
Re: أسكتوا... ما قلت ليكم (Re: Elawad)
|
غادة المذيعة الحسناء سلامات وتحياتنا للاولاد وابوهم ,| Quote: أسكتوا... ما قلت ليكم |
اها لسه
فاتحين خشمونا ومنتظرين قوالتك ( قطيعتك ) حصل شنو ؟؟؟
| |
|
|
|
|
|
|
|
|
|
Re: أسكتوا... ما قلت ليكم (Re: هاشم أحمد خلف الله)
|
غدّو يا غالية
اول هام: قالوا بوستات البنات كلها كسير تلج
عشان كدة خليني أبدأ بالكسير دة:
ليك يا ستي وحشة ومشتاقين ومنورة البورد
تاني هام انا قطيعة الامريكان حأسمع عنها منك انتي .. لكن غايتو اتخيل لي قطيعتنا نحن السودانيات في التاريخ ما حصلت ولا اظن في زول بيلحقنا .. ولما تجي تبدي أي وجهة نظر سالبة على الموضوع دة يسكتوك بي انه (القطيعة دي ما بهارات الونسة) وهم في الحقيقة عارفين انها ما البهارات انما الطبق الرئيسي ذاتو.
واهم شي طبعا يا غادة قطيعة اهل العريس في اهل العروس خاصة اذا كانت اول زيارة .. الجماعة لازم يثبتوا بي أي طريقة انه اهل العروس ديل ما بيتفوقوا عليهم بي أي حاجة. اذكر يا غادة مرة في زيارة من النوع دة ونحن اهل عريس في دعوة عشاء عند نسابة جديدين لنج، وحيث انه النسابة ديل ناس هاي لايف وكانوا مقطعنها للآخر فكان العشاء تمام التمام و serve yourself وكدة .. عندنا واحدة من النسوان النوع اللسانها متبري منها ولازم تلقى ليها أي عيب تمسكو عليهم .. المهم عاااااينت لقت كل شي عشرة على عشرة وما عندها أي طريقة فأهتدت في الآخر لانها تعلق على البوفيه المرصوص بدراية تامة: أسة الرز الفي العشاء دة كان في ليهو داعي .. لما قمنا للعشاء الرز دة طلع كمية كبيرة من الجبنة البيضاء المبشورة بجانب الزيتون  .
الحمد لله يا غادة في الغربة دي كان عاوزين نقطع ذاتو ما بنلقى زول نقطع معاه بس الله يقدرنا على شهرين الاجازة
مودتي
| |
|
|
|
|
|
|
|
|
|
Re: أسكتوا... ما قلت ليكم (Re: Shayma)
|
| Quote: عندنا واحدة من النسوان النوع اللسانها متبري منها ولازم تلقى ليها أي عيب تمسكو عليهم .. المهم عاااااينت لقت كل شي عشرة على عشرة وما عندها أي طريقة فأهتدت في الآخر لانها تعلق على البوفيه المرصوص بدراية تامة: أسة الرز الفي العشاء دة كان في ليهو داعي .. لما قمنا للعشاء الرز دة طلع كمية كبيرة من الجبنة البيضاء المبشورة بجانب الزيتون |
شيماء يا عسل
والله قريبتك دي (سعبة) خلاس
يا ربي بعد داك قالت شنو؟
دقيقة، ما تقولي لي
خليني أخمن..
تكون قالت الناس ديل ما بيعرفوا يرصوا ولا شنو
الجبنة يا كافي البلا شكلها زي الرز
غايتو، حاجة كيف كيف كده
| |
|
|
|
|
|
|
|
|
|
Re: أسكتوا... ما قلت ليكم (Re: Elawad)
|
| Quote: بالله شفت العب دا قال شنو؟ |
أحكي ليك حاجة يا العوض بمناسة هذا الموقف
في صديق عزيز لينا من جنوب أفريقيا
يتحدث اللغتين الإنجليزية والفرنسية بطلاقة
وبينما هو في ولاية نيويورك وفي أحد فنادقها الراقية
ركب معة في (الاسانسير) شخصان يبدو أنهما فرنسيان
وبدأ الشخصان في التحدث عن صاحبنا وهما لا يعرفان أنه يتحدث الفرنسية
فيقول أحدهم للآخر
-شايف الأسود ده لابس أنيق كيف؟
ويرد عليه الآخر
-وكمان نازل في فندق غالي
وأستمر الحوار على هذه الشاكلة وصاحبنا صامتا
حتى وصل الجميع إلى بهو الفندق وبدأ الشخصان في محاولة التفاهم
مع عامل الفندق الذي لا يتحدث الفرنسية
وتعبوا لفترة وصاحبنا في إنتظار صديق له في البهو
فما كان منه إلى وأن إقترب من الجمع وبدأ في الترجمة
وأصحابنا الفرنسيين واجمين
المهم، بعد داك تتخيل كمية الإعتذارات
تحياتي للأسرة الكريمة
والله مشتاقين
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
الاخت العزيزة غادة
تحياتي
يا زولة ديل بتكون قطيعتهم تلاتة جكوك وكوزين كمان 
بس طبعا قطيعة عالمنا ده عشان فيها الكلام (اللكة ) بتلقيها لايوقة شوية
واجمل منظر لما تشوفي التعبير البيترسم على وشوش الناس لما يسمعوا جملة ( شمار حار) والذي تتبعه بالتاكيد قطيعة احر منه
لوووووووووول
| |
|
|
|
|
|
|
|
|
|
Re: أسكتوا... ما قلت ليكم (Re: maia)
|
| Quote: ديل بتكون قطيعتهم تلاتة جكوك وكوزين كمان |
مايا يا حبيبة
والله الجماعة ديل قطاعين بشكل..
إنت عارفة، بعد ما بديت الشغل لقيت ليك الحكاية دي
حاجة ما عادية..
شفت فلانة حصل ليها شنو؟ وفلان رفدوهو؟
وبعدين لمحة الدهشة على الوجة..وتخت ليك الواحدة يدها في
سدرها كده وتدق بقوةو تقول
Oh My Goooooooooood, why? what happened
تقولي بتردح بس
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
العزيزة غادة
اعتقد انه القطيعة هي تحايل علي محددات العلاقة بين الناس.. مثلا عندنا ضرورة الترابط الاجتماعي علشان كدا بتمارس النقد في غياب الشخص المعني تفادي للتصادم و التسبب في خلخلة في العلاقة الاجتماعية.. و هنا في الغرب الخوف بكون من القانون بتفادي المواجهة الممكن تتطور لتصل مرحلة الخصومة القانونية.. هنا الالمان مستحيل واحد يغادر مجلس و يتقفل وراهو باب او بتعد مسافة لا يتمكن معاها من سماع جلساءه, اقول مستحيل انه ما يكون موضوع اول متحدث,, و هاكذا دواليك و آخر واحد بيقطع في سره.. مرات اتخارج من مجموعة و ارجع بسرعه,, المتحدث يقعد يربرب ما يعرف يتخارج كيف.. و هم ما عندهم قشة مرة عادي الزوجين يقطعوا في بعض و الاصدقاء و كله يقطع في كله.. بجودوا شغلهم زي صناعاتهم.. و اكتر قطيعة بين العمال في المصانع لانه مافي حاجة تانية يتسلوا بيها اثناء العمل..
| |
|
|
|
|
|
|
|
|
|
Re: أسكتوا... ما قلت ليكم (Re: نصار)
|
غادة يا حبيبة..
سلامات ومحبات..
متأخر جدا إكتشفت إنو أكتر الناس البتعرف القطيعة هم الخواجات ديل..
بتذكر كنت مسافرة بالقطار من النمسا لألمانيا برفقة نصار ده زاتو والجميلة فيروز عمر.. أها ادوني الوصايا العشر للتعامل مع الألمان. واول شئ قالو لي إنو الألمان ديل من أكتر الشعوب البتريد القطيعة..
إستغربتا لأني طول عمري قايلاهم (هتلر) و(رومينجة).. والإتنين ديل وشهم صاري وما بتكلموا مع الجنبهم، فما بالك بجيبة سيرة التانين كمان؟؟
بتذكر إنهم قالو لي لو كنتو 3 وواحد فيكم دخل اوضة تانية.. الإتنين على طول بيقطعوا فيهو.. ولما يرجع ويغيب تاني بيكون هو مادة القطيعة.. وهكذا
المهم.. مشيت وزي ماحكوا لي فيروز ونصار.. الجماعة ما قصًروا واثبتوا لي بالفعل.. اللذيذ بهاء أخوي كان بيترجم لي القطيعة الكانت بتحصل قدامي بالألماني.. وطبعا كانوا مطمًنين إني ما ناقشة حاجة ..
أما الأمريكان.. فديل عايزين بوست بحالو ..
..
الفرق بين قطيعتنا وقطيعتهم إنو قطيعتنا ممكن تكون من أجل الونسة (وبرضوا أرفضها). أما قطيعتهم فلا علاقة لها بالونسة وإنما لإضافة نقاط ضد خصومك لإستخدامها لاحقا..
الله يكفينا شر الخواجات وقطيعتهم ومصايبهم..
ودي
| |
|
|
|
|
|
|
|
|
|
Re: أسكتوا... ما قلت ليكم (Re: Raja)
|
غادة يا عسل اذيك
مشكلة العرب انوا نميمتهم ظاهرة عياناً بياناً بالحركات والعيون ...الخ. أما الأمريكان بشكل عام بيعملوا بماخفي أعظم... الواحد فيهم يتبسم وهو من خلف الابتسامة بيجهز في أرض جو.
تقديري غادة
| |
|
|
|
|
|
|
|
|
|
Re: أسكتوا... ما قلت ليكم (Re: salma subhi)
|
| Quote: الواحد فيهم يتبسم وهو من خلف الابتسامة بيجهز في أرض جو |
سلامات يا سلومة
عارفة، أنا كنت بستغرب جدا في الحكاية دي
أنا من الناس الفي قلبي بيظهر في وجهي طواااالي
ولو متضايفة من زول أو حاجة ما بقدر أتظاهر بغيرها
لكن الناس ديل الواحد يشتكي ليك مر الشكوى من زول
بعد شوية تلقيهم بيتنسوا ليك ويشربوا القهوة مع بعض
وزي الما حاصل حاجة
والله حاجة تحير
| |
|
|
|
|
|
|
|
|
|
Re: أسكتوا... ما قلت ليكم (Re: Raja)
|
| Quote: الله يكفينا شر الخواجات وقطيعتهم ومصايبهم.. |
رجوية اللذيذة..
مشتاقين
عارفة.. أول مرة أشتغل مع الأمريكان هنا
كنت ليك زولة مسكينة خلاص
وفي واحدة كده من الناس الشغالين كانت صعبة
ومضوقاني ليك الويل
وأنا مسكينة وماسكة خشمي عليّ
مرة كده بالغلط إبتديت أحكي لواحدة زميلة لي
وبعد كده إكتشفت ليك عن تارخ الزولة الصعبة دي
العجب العجاب
وبديت أدخل عام الأمريكان ديل في الشغل
ولقيتهم ليك صعبين خالص خالص
وبقيت أنا البقول ما دايرة أقطع
وبهرب منها عدييييييييل
| |
|
|
|
|
|
|
|
|
|
Re: أسكتوا... ما قلت ليكم (Re: نصار)
|
| Quote: هم ما عندهم قشة مرة عادي الزوجين يقطعوا في بعض و الاصدقاء و كله يقطع في كله |
النحكي ليك حاجة يا نصار
عارف، كنت إبتديت شغل جديد
ومع معز زوجي في نفس المكان
وبما أنني كنت لسة بادية ومفلسة جدا
فكنت بقوم بتصل بمكتبو أو أمشي عليهو طواااالي
وأخش توووووش وأقول ليهو عاوزة قروش
بس وحياتك يقوم يديني ليك وشكلو كده متغااااظ
بس، مرة قمت عملت نفس الحركة دي وكان قاعد مع أصحابه
وأخذت القروش وأنا طالعة كده وقربت من الباب
أسمعو ليك بيقول لأصحابه بضحكة كده
-والله لما تكون مرتك شغالة معاك في نفس الحتة
صعب تقدر تتدس منهاوتشيل قروشك وما تقدر تفتح خشمك
بس جيتو راجعة.. وقلت ليهو
-على فكرة، أنا لسة ما طلعت كلو كلو ولسة سامعاك
بس.. وليك تتخيل المنظر
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
مرحبا بالأستاذة رجاء. لأن الأخت رجاء مرتبطة في ذهني بمصر أول ماشفتها اتذكرت ألذ و أغرب قطيعة سمعتها في حياتي. كنت راكب ورا راجلين في بص في القاهرة واحد فيهم بشتكي من واحدة و التاني شغال يعلق لا دي كدا تبقي بتستغلك... و داك يحكي عنها و عن معاملتها لضيوفو و بصوت عالي المهم أنا خمنت تكون جارتو بالذات انو التاني شتمها ليهو ما خلا ليها حاجة. بعد ربع ساعة امكن أسمع ليك التاني بقول للراجل البشتكي أصلها خايفاك تطلقها. والله ما عرفت أضحك ولا أعمل شنو... دا كلوا قطيعة في زوجتو؟
| |
|
|
|
|
|
|
|
|
|
Re: أسكتوا... ما قلت ليكم (Re: Elawad)
|
العزيز العوض..
سلام وتحية..
(نمًة) المصريين دي ليها نكهة تانية خالص..
تسمع ليك كلام حلو تقرًب تصدقه.. لو بس إتأملتا فيهو تلاقيهو يحمل وجهين
الملاحظاهو لما أسمع اتنين مصريين بيتكلمو الغالب هو جملة (ألت له) (قلتا ليهو) أو (آل لي).. يعني في كل الأحوال (الأوالة) حاصلة
تحياتي
* يا غادة أعفي لينا (القطيعة) البي جنبة دي في المصريين  ..
| |
|
|
|
|
|
|
|
|
|
Re: أسكتوا... ما قلت ليكم (Re: Raja)
|
غايتو يا رجاء
...
....
...
بتظهري ( بس ) مع القطيعة ؟؟؟
تخريمة
ياخ راوية دي عسل بس
والله كان ما ظروف الشغل الحكتها لينا
كنا ( دسينا جواز السفر )
غادة
بعد إذنك
| |
|
|
|
|
|
|
|
|
|
Re: أسكتوا... ما قلت ليكم (Re: عاطف عمر)
|
إزيك يا عاطف..
سلامات وأشواق من عندي لغاية داركم العامر..
طبعا أنا اليومين دي ماشة بنظرية (الما عنده تيلة، يسوي الحد حيلة)
(لأنه ما عندي تشكيل للحروف الحد هو الحداد)
يعني ربطة اليد الفترة الفاتت جات في وقتها.. المنبر بقى (غير). الزول يدخله ويطلع منه وما يفهم ولا يقدر يقرأ اي حاجة..
وما صدقنا غادة جابت لينا القطيعة لغاية عندنا ..
تحياتي لسعدية والبنيات والأمين
| |
|
|
|
|
|
|
|
|
|
Re: أسكتوا... ما قلت ليكم (Re: عاطف عمر)
|
Quote: ياخ راوية دي عسل بس
والله كان ما ظروف الشغل الحكتها لينا
كنا ( دسينا جواز السفر )
|
كدي دقيقة يا عاطف...
قلت لي راوية دي كيف..
أدينى الشمار
أها، عسل قالت شنو وعملت شنو
وظروف شغل شنو...
والله الليلة نحير ليك الشمارات ظااااتها
يا أبو نسب إنت سيد البوست
| |
|
|
|
|
|
|
|
|
|
Re: أسكتوا... ما قلت ليكم (Re: Elawad)
|
| Quote: دا كلوا قطيعة في زوجتو؟ |
يا زول على الأقل الاصحاب كانوا براهم في البص
وبيقطعوا في زوجة واحد
حسة هي تلقاها لامة نسوان الحلة كلهم وتحكي ليهم
وكمتن تكون واقفة في البلكونة تقص وترص
وإللي ما يشتري يتفرج
إن كيدهن عظيم
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
نواصل في قطيعة المصريين لغاية ما تجي ست البوست.
صراحة يا رجاء لما الواحد يكون في الشارع في مصر بكون كأنه جوة مسرحية و بي جوة دي أنا قاصد في نص خشبة المسرح و بعاين للممثلين في وجوههم واحد ورا التاني. يعني عندهم طريقة عجيبة في التعامل و الكلام. ألذ واحد يحكي ليك عن حياتو في مصر أخونا عضو البورد هاشم نوريت والله مرة معانا واحد فلسطيني و هاشم بدا يحكي الراجل بقى يضحك لما وقف على حيلو و دموعو تجري و يحاول يقعد يغلبو من الضحك.
| |
|
|
|
|
|
|
|
|
|
Re: أسكتوا... ما قلت ليكم (Re: malamih)
|
| Quote: القطيعة دي بقت علم في أمريكا و بسموهاأل(information system |
سلامات يا ملامح
وأنا كنت بقول الناس ديل بيتجسسوا
على بقية خلقالله الزينا المسلمين الإرهابيين
علشان الأمن والأمان وغيرها من الأعذار الغريبة
الجماعه تاريهم في قطيعة رايحة ليهم
| |
|
|
|
|
|
|
|
|
|
Re: أسكتوا... ما قلت ليكم (Re: Elawad)
|
| Quote: ألذ واحد يحكي ليك عن حياتو في مصر أخونا عضو البورد هاشم نوريت والله مرة معانا واحد فلسطيني و هاشم بدا يحكي الراجل بقى يضحك لما وقف على حيلو و دموعو تجري و يحاول يقعد يغلبو من الضحك. |
ومن هنا نناشد دبايبو هاشم نوريت
مع أخونا العوض
عاوزين نسمع بعض الحكي..
وينك يا هاشم
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
العزيزة رجاء
ههههههههه خلوك تآمني موش???
في الشغل كان معاي زميلين من الالمان الهربوا من هتلر و ديل كانوا في بولندا لحد انهيار المعسكر الاشتراكي.. طول اليوم يورجغوا بالبولندي لمان فكرت استعين بصديق و طبعا ح يكون عادل عبد العاطي.. مرة حكيت ليهم قصد صاحبنا درس في بولندا و متزوج بولندية و بجيد اللغة طبعا يوم في الاسانصير شلة بولنديين دوروا فيهوا قطيعة بولندية ابو كديس لمان وصلوا طابقهم ودعهم صاحبنا ببولندية فصيحة و ممكن تتصوروا ردة فعلهم.. بعد حكيت القصة دي بقوا الزميلين يعملوا حسابهم و اعتقدوا اني برضو بعرف لغتهم و بتغاتت عليهم...
| |
|
|
|
|
|
|
|
|
|
Re: أسكتوا... ما قلت ليكم (Re: نصار)
|
ههههههههههههههه يا نصار ..
أنا شخصيا سمعتا القطيعة فيني مرتين في أسانسير..
الغريبة الإتنين من سودانيين كانوا فاكريني حبشية.. وطبعا القطيعة بالعربي.
الأولى كانت في القاهرة ومن شخصيتين سياسيتين. والتانية كانت في أسمرا من فنانين جميلين أنا بحبهم كتير..
الكويس القطيعة ما كانت كلام كعب.. وإلا كنتا رديت في الحال
الغريبة في المرتين خجلتا اقول ليهم يا جماعة الخير أنا سودانية زيي زيكم..
ولما بعد داك عرفوني.. هم الخجلو ..
يا العوض صحي الحياة في مصر زي مسرحياتهم بالضبط..
ولأننا بنريد المسرحيات دي فالحياة هناك متعة بالرغم من الزحمة وصوت (الكلاكس) البوري..
| |
|
|
|
|
|
|
|
|
|
Re: أسكتوا... ما قلت ليكم (Re: Raja)
|
من أصدقائي { المساخيت } من شبه
ذات يوم القطيعة ... وكأنها تلك
{ الجغيمات } التي يتناولها الصائم
العابث وهو يتوضأ للصلاة , فهي قليلة
لكن لها مفعول نوعي بالغ الأهمية ولما
تعين على إستكمال الصيام لبقية اليوم.
وصديق آخر كان يعتبر أن أقصى مرادات العمل
السياسي السوداني تتجلي فى { حديث المضاجع }
أما تجربتي الشخصية فى مضمار الإلتحاق بمنظومة
كندية فى مجال العمل , فتؤكد لي أن الإمكان
إضافة الكنديين للأمريكان فى ريادتهما لمشروع
القطيعة الإجتماعية بشمال أمريكا... إبقى حقوا
الناس إفتشوا عن مين الما بقطع ... بحكم الندرة.
I HATE GOSSIP
وإنتم تتجادلون فى الأمر ... ليتني أرى إضاءة
على إلحاق كلمة شمار كشفرة للقطيعة , فأظن أن
هذا عهد قريب ... فما القصة ؟
شكر ... غادة ... والبركة فى قطيعة الأمركان ده
الجابتك راجعة لأحبابك وقرائك فى هذا البورد .
رجوية ... من ديك وعيك ... يعني إلا رمضان الجايي,
... طيب ... ويييين الكنافة .
مع مودتي
| |
|
|
|
|
|
|
|
|
|
Re: أسكتوا... ما قلت ليكم (Re: HAYDER GASIM)
|
Quote: أما تجربتي الشخصية فى مضمار الإلتحاق بمنظومة
كندية فى مجال العمل , فتؤكد لي أن الإمكان
إضافة الكنديين للأمريكان فى ريادتهما لمشروع
القطيعة الإجتماعية بشمال أمريكا... إبقى حقوا
الناس إفتشوا عن مين الما بقطع ... بحكم الندرة.
I HATE GOSSIP |
العزيز
حيدر قاسم
زمان كان تسمع إن السودانيين بيحبوا القطيعة
والنسوان ديل ما عندهم شغلة غير يقطعوا في بعض
أولم يذكر أن النساء هم من أكثر أهالي النار
بسبب ألسنتهن؟ حاجة تخوف!!
ولكن إحتككاكنا بعد ذاك بالعالم الغربي
وجدت أن هذه القضية غير قاصرة على السودانيين
أو حتى على المجتمعات الشرقية
لكن في المجتمعات الغربية كثيرة جدا
في دراسة حديثة وجد أن الأمريكيين أكثر ما يضايقهم
في مجال العمل هي النميمة هذه
وبرضو يقولوا ليك أنا ما بحب أقطع في زول
لكن كدي جيب لي أضانك النقول ليك حاجة
سعيدة برؤيتك يا حيدر
فلوجودك دوما نكهة خاصة
تحياتي للأسرة الكريمة..
وخليها تدينا الإذن علشان عاوزة أقطع فيها
هنا في البوست ده
ممكن؟
شفتوا ليكم زول بيستأذن قبل ما يقطع؟
| |
|
|
|
|
|
|
|
|
|
Re: أسكتوا... ما قلت ليكم (Re: نصار)
|
| Quote: بقوا الزميلين يعملوا حسابهم و اعتقدوا اني برضو بعرف لغتهم و بتغاتت عليهم... |
من عرف لغة قوم عرف شرهم
وفي حالتك دي يا نصار،،
من عرف لغة قوم آمن قطيعتهم
| |
|
|
|
|
|
|
|
|
|
Re: أسكتوا... ما قلت ليكم (Re: Elawad)
|
| Quote: توافقا مع روح البورد الشمارية لا أملك إلا أن أسأل الأخت العزيزة رجاء.... قالوا شنو؟ |
هههههههههه يا العوض..
الفنان الأول قال للتانيين: هدي الحبشية (السمحة ) القلتها ليكم
ناس القاهرة قالوا أكيد الحبشية دي أخت زوجة (فلان). الغريبة كنا طالعين لمكان مشترك.. ولما لاقينا الزول سالنا: إتعارفتو؟
ردينا بالنفي.. وحصل التعارف
| |
|
|
|
|
|
|
|
|
|
Re: أسكتوا... ما قلت ليكم (Re: Elawad)
|
| Quote: توافقا مع روح البورد الشمارية لا أملك إلا أن أسأل الأخت العزيزة رجاء.... قالوا شنو؟ |
انا ذااااااااااااتي الشمار كتلني لكن بس خجلتا اسأل 
ــــــــــــــ
غادة الحقي البوست بتاعك إستُلِب
| |
|
|
|
|
|
|
|
|
|
Re: أسكتوا... ما قلت ليكم (Re: Shayma)
|
شيماء يا عزيزة..
سلامات كتااار..
الظاهر ردودنا كانت في لحظة واحدة..
راجعي الرد السابق للعوض ..
تصدقي عمرك أطول من عمري.. كنت عايزة اقول لغادة هسع أكيد في جماعة هنا حيقطعو فينا ويقولو البوست إتنهب ..
تحياتي
| |
|
|
|
|
|
|
|
|
|
Re: أسكتوا... ما قلت ليكم (Re: Raja)
|
ازيك يا رجاء وكل سنة وانتي بألف خير وربنا يحقق امانيك
| Quote: تصدقي عمرك أطول من عمري.. كنت عايزة اقول لغادة هسع أكيد في جماعة هنا حيقطعو فينا ويقولو البوست إتنهب .. |
يا زولة غادة باين مشت نامت ونحن كتر خيرنا ما قصرنا
والحكاية مش كلها قطيعة X قطيعة يبقى ما طلعنا برة الموضوع
ودي
| |
|
|
|
|
|
|
|
|
|
Re: أسكتوا... ما قلت ليكم (Re: Shayma)
|
سلامات يا شيماء تاني..
تعرفي مرة كنا عازمين راجل بت خالتنا كان في زيارة للقاهرة.. أها قام إتاخر شدييد على وقت الغدا..
الساعة 4 جات ومشت وهو ما جا، الساعة 5، الساعة 5 ونص.. لقيت مافي أي طريقة أنتظر مع ناس البيت لغاية ما يجي.. ودنكلتا صحني بمزاج وقعدتا آكل.
أمي قالت لي: البياكل قبل ضيفانو بيقولو عليه بريد القوالة .. ما عارفاها جابت الحكمة دي من وين غايتو
ردي ليها: اولا الجوعة كتلتني. تانيا أنا شغلتي الباكل منها عيش هي الصحافة الكلها (قال فلان وذكر علان.. )
* أنا زاتي النعسة حصلت وساعتي مشت لواحدة..
أجيكم باكر لو ربنا مد في العمر..
ودي
| |
|
|
|
|
|
|
|
|
|
Re: أسكتوا... ما قلت ليكم (Re: Raja)
|
القطيعة حقت الامريكان باطن وظاهر
بالله اللزى يا غادة يقربن يكشحن ليك ترابة بنات بربر
وما كنت قايلاهن قطاعات وقطاعين كدى
يوم راكبة فى الباص قاعد جمبى زول عجوز
فى المحطة الاخيرة نزلن بنات اظنهن مكسيكيات
سماااااااان ومبظبظات
اها قام قال لى
شفتى البت النزلت دى صغيرة لكنها سمينة شديد وعمرها ما اكتر من عشرين سنه
قلت ليهو وكان مصادف يوم عيد ميلادى الخمسين
اها شنو قولك انا الليلة تميت خمسين سنه وترانى سمينة احمد الله
عاين لى شديد وقال لى
ما تكلمى زول ما باين عليك
وبعد داك دور ليك جنس قطيعة ما خلى زول فى الباص
ولمن نزلت بدا حزنان لانه الظاهر ما بقدر يلقى ليهو زول من ناس بربر زى حالاتى
شفتى القطيعة دى كيف
وما حكيت ليك بالمدرسة المعاى فى الفصل نسوان بربر شنو يا زولة دى بربر زاتا
ما يجى مار زول الا تسال دا منو
تردى عليها تمرق ليك كيف فطموه
اجى يا الامريكانيات هيلكن غلب
اقعدى عافية
| |
|
|
|
|
|
|
|
|
|
Re: أسكتوا... ما قلت ليكم (Re: سلمى الشيخ سلامة)
|
الأستاذة الحبيبة
سلمى الشيخ سلامة
في مرة قررت مديرتي ترك العمل
وتم الإعلان عن وظيفتها على جدران المكان
وبدأ الناس في التساؤل عن أسباب تركها الوظيفة
كان أسمها راندا وهي متزوجة منذ خمس سنوات
ولم يرزقها الله بطفل
فقامت بالإتفاق مع بعض من الزملاء بأن (يطلعوا) ىإشاعة
أن هي حامل.. وقصت لي الموقف وهي تضحك
وظننتها داعبة
المهم بعد خمسة أو عشر دقائق كده..
ذهبت إلى قسم آخر من أقسام العمل
وجاءتني واحدة مسرعة وسألتني بدة مقدمات
-هي صحيح راندا مخلية الشغل علشان حامل؟
وعلى قولك، اجى يا الامريكانيات هيلكن غلب
محبتي
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
في الحيبتاعنا واحدة خرسا امهاتنا في الضهرية بيتلم في واحد من البيوت,, نجي من برة يقومو يسألون صحي حصل كدا وكدا,, نقوليهم الجاب الاخبار دي منو?? يقولو لينا فلانة البكما,, و حكمت الله هي مركز اعلامي خطير جدا مع انه لا مصدر اخبارا و لا المتلقيين بعرفوا لغة الاشارة,,
الاسكتش الفوق دا بوضح بجلاء القطيعة معرضة لخطر العولمة و الحداثة شوفو تلقائية و مهارة سعاد و شوفو الشابة كيف التصنع واضح في اداءها.. واحدة زميلتنا حداثية خالص في الاجازة امها تجبرا تجامل في المناسبات و البكيات الحصلت في غيابا,, مشت تبارك لجارتهم انها ولدت الزميلة دخلت الجارة شمال و قالت ليها ان شاء الله البركة فيكم و المرا اتشاءمت منها من يومادك.. يا سلمة قدامكم مهمة تاريخية في حماية هذا التراث المجيد من دواهي الزمن,, looool
| |
|
|
|
|
|
|
|
|
|
Re: أسكتوا... ما قلت ليكم (Re: ماجدة عوض خوجلى)
|
| Quote: واظنها من الصفات العالميه المشتركة للشعوب |
الأخت الجبيبة
ماجدة
أعتقد أنها من الصفات العالمية المشتركة ما بين البشر
ولكن كان إكتشاف بالنسبة لي بعد حضوري إلى أمركيا
وبالذات الغربيين ديل
والله يا ماجدة يا أختي، أصلو ما كنت قايلاهم كدي
اللهم أمنعنا من القطية يا رب
سلامات وباقات محبة مني لماما جارة
بنحبك يا ماما جاااااارة
| |
|
|
|
|
|
|
|
|
|
Re: أسكتوا... ما قلت ليكم (Re: تاج السر حسن)
|
أها يا ناس القطيعة
النحكي ليكم قصة بهذه المناسبة
أحد الأصدقاء قال إنه كان قاعد في بيتهم في آمانة الله
فدخل عليه أحد الأصدقاء وبيده شخص غريب عنه وكانوا بيتاقشوا
في ترتيبات حفل كبير في جاليتهم السودانية
وأقترح الزائر أسم أحد الفنانين الكبار
فقال له الصديق بلهجة قوية
-ياخي الفنان ... ده شنو الحتجيبو لينا ده
كدي شوف لينا واحد غيرو
فبس الناس صنت شوية كده، وبعدين قام الزائر بتعريف الشخص الغريب
وكان هو نفس ذلك الفنان الكبير
فإتحرج صديقنا جدا وقبل أن يعتذر نظر صوب الفنان الكبير
وقال له
-يا أخي أنا حاحكي ليك حكاية
.
.
.
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
وأعتدل الصديق في جلستو وقال له
كان عندنا ود أهلنا زمان بيقطلع ليهو في زول
وكان بيكرهو شديد ومتغاظ منو جدا جدا
وما خلى ليهو حاجة قدام الناس ومافي زول بيرد عليهو
فقام فجأة نظر خلفة ووجد أن نفس ذلك الشخص الذي بيطع فيه
موجود خلفة وواقف يستمع في صمت لكل ما يقول
فما كان من قريبة إلا، وبسبب (الخلعة) التي أصابته
أن مد يده بسرعة وضرب الشخص الذي كان بيقطع فيه
على وجهه ضربة قوية..
وأستمر صديقنا قائلا للفنان
-أها، أنا حسة مهجوم زي قريبنا داك
فعاوز تنسى الموضوع ولا أقوم أديك كف شديد
| |
|
|
|
|
|
|
|
|
|
Re: أسكتوا... ما قلت ليكم (Re: Aymen Tabir)
|
أيمن
كيف يا صديق
خلاص، كده الكنديين كمان إنضموا للقائمة
وموافقين عليهم بختم كمان
عندي خالي الله يرحمه كان بيزهم من زميل ليهو في الشغل
زي زولك ده.. كل مره يحكي ليهو نفس الحكاية
أول مرة سمعها وضحك.. تاني مرة سمعها مجاملة ليهو
تالت مرة، أول ما بدأ الزميل يحكي
قام الخال خت يده في رأسو
فزميله فال ليهو
ياأخي أنا الحكاية دي حكيتها ليك قبل كده؟
فالخال وبتعبير أقرب للبكاء.. رد ليه
ثلالالالالالالالالالالالالالالاث مرات
غايتو حالتك إن شاء ما تصل لحالته
شكرا يا راعي
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
العزيزة غادة
كعهدنا بك تطرقين دروباً متميزة من المواضيع.
تابعت سردك الشيق باستمتاع يفوق الوصف.
تخريمة:
ربنا يكفينا ويكفيك شر القطيعة والنميمة لكن الشاب العربي ده فكرتو شنو في عرسو من الحبوبة دي؟
| |
|
|
|
|
|
|
|
|
 Re: أسكتوا... ما قلت ليكم (Re: ali elhassan)
|
Quote: ازيكم وبس هسع وبجيكم بعد انقطاع عشنان
اسلم على الجميع ونعيد عليكم ونقول ليكم رمضان كريم
سلام لجميع
|
الأخ العزيز
على الحسن
أولا، ما تتخيل مدى سعادتي برؤيتك كيف,..
تذكرتك والله قبل أيام وتساءلت أن أين أنت
وأقول ليك شمار
كدت أن أرسل لك ماسنجر أو أفتح بوست
لولا المشغوليات.. لكنك والله في البال
وسعيدة برؤيتك أيما سعادة
تسلم يا أخي وإن شاء الله نشوفك دائما
ودي
غادة
| |
|
|
|
|
|
|
|
|
|
Re: أسكتوا... ما قلت ليكم (Re: زهير حيدر صديق)
|
موقف مشابه لي قصة الفنان بتاعكم ده يا غادة
ايام العزوبية وكده والرياض ( 1999/2004 )
كنا ساكنين مجموعة ومن ضمن المجموعة اتنين اخوان
ناصر محمد نور
احمد محمد نور
المهم وفي يوم من الايام جبنا شريط وكنا مبسوطين بيهو جدا للفنان عصام محمد نور( اسم على اسم )
ولا توجد اي علاقة بين الشباب ديل والفنان عصام
المهم شغلنا الشريط ده وكان في واحد بيناتنا ما بحب ليك عصام ده لله بس كده
واول ما سمع الشريط بس وقام هاج ... ده شنو المشغلينو ده
وده فنان ده
وكلام كتير ...
ونحن كلنا عايزين نسمع الشريط فانا سريع كده فكرت احرجو ليك قدام الشباب وطوالي باغتو ليك بي سوال ياخي انت اكيد ما عرفت الفنان ده وانت قاصد شخص تاني
قال لا انا قاصد ده ذاتو
قولت ليهو اكيد ما قاصد لانو ده عصام محمد نور ... حاول يقاطعني ويتكلم لكن انا واصلت ... اخو الشباب ديل ناصر واحمد
فطوالي جر واطي وقال فعلا انا ما كنت عارفو منو هو بالله ده عصام محمد نور
ولكن للاسف الشديد برضو ما سمعنا الشريط لانو الناس امتلك الضحك من منظر صاحبنا المصدوم بالخبر في انو اخوان الفنان الهو بكجنو الاتنين هم اصحابو وهو اول مرة يعرف القصة ده .
فارتسمت اندهاشة كبيرة على وجهه ممااضطررنا ان نذيل عنه الاشتباك وكلمناهو بالحقيقة
تحية وسلام للاخت غادة .
الكلام البسيط الفوق ده من باب المشاركة
مع التحايا والود للعزابة
وايام لا تنسى
ناصر موسى
| |
|
|
|
|
|
|
|
|
|
Re: أسكتوا... ما قلت ليكم (Re: Nasser Mousa)
|
| Quote: فطوالي جر واطي وقال فعلا انا ما كنت عارفو منو هو بالله ده عصام محمد نور |
بالغتو والله يا ناصر مع صاحبكم ده
مع أنو أنا عصام ده والله بحب غناهو جدا
غايتو يا العزابة..
عندكم جنس محن
تحياتي يا ناصر للأسرة الكريمة
معزتي الكبيرة
غادة
| |
|
|
|
|
|
|
|
|
|
Re: أسكتوا... ما قلت ليكم (Re: زهير حيدر صديق)
|
Quote:
العزيزة غادة
كعهدنا بك تطرقين دروباً متميزة من المواضيع.
تابعت سردك الشيق باستمتاع يفوق الوصف.
تخريمة:
ربنا يكفينا ويكفيك شر القطيعة والنميمة لكن الشاب العربي ده فكرتو شنو في عرسو من الحبوبة دي؟ |
الأخ العزيز
زهير
وكعهدي بك.. حضورك دوما رائعا وبراقا
وبعيد كده من القطية والنميمة، والله يفينا شرها
لكن كانت القطائع وقتها تذهب في إن الشاب العربي ده
كان كل همه التحصل على الورق الأمريكي
عارف، مرات كده بيفكوا الشكلة وكل واحد بلغته
هل تكورك وتردح كده بالإنجليزي
وهو بيشاكلها بالعربي..
لحد ما مره قالت مشت جابت الديكشنري وبقت تفتح ليهو
على الكلمات الهي عاوزة تقولها ليه
دحين أنا حسه قلت ليك حاجة؟ اللهم أبعد عنا القطيعة
| |
|
|
|
|
|
|
|
|
|
Re: أسكتوا... ما قلت ليكم (Re: تاج السر حسن)
|
| Quote: منتظرنك تقولى وتسكتى الخشامه !! |
تاج السر إزيك وإزي الكورة معاك
أنا قطيعتي قلتها أول البوست
ناس أمريكا ديل قطاعين قطيعة ما عادية
تخيل، إحنا السودانيين طلعنا مساكين خلاص
تقبل خالص التحايا
غادة
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
| Quote: ياخي الناس ديل أقطع من يمشي على الارض, ما أن تدي ضهرك للواحد/ه, حتى ينزل فيك قـطيعة, والخبر يتفشى عندهم بسرعة البرق, هذه سمة مميزة لهم, على اختلاف درجات تعليمهم |
من ناحية قطاعين قطاعين ودى طبيعة النفس البشرية الآمارة بالسوء على اختلاف
الاجناس ..لكن يبدو لى احنا الحكاية زايدة عندنا حبتين خاصة بين النساء ..
سلامات ياغادة هبشتى بسردك الجميل موضوع حساس ومزعج ومع الآسف متفشى ..تسلمى ..
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
بت الاصول
ازيك وليك وحشة...........
اهم حاجة الزول لما يكون عايز يقطع يختار الزول الصاح اليقطع معاه ....لانو اللفحي من طرف سااااااي مرات بيجيب مشاكل........
زي المرة قريبتناالقاعدة في مناسبة ودايرة تقطع مع المرة القاعدة جنبها قامت قالت ليها.....
- تعالي هنا ياختي...البت الشينةالحايمة دي بت منو؟؟؟؟؟
ردت عليها المرة وقالت....
-اجي؟؟؟.......دي ما بتي انا!!!!!!
المرة الاولي ردت سريييييع وقالت.......
-حلااااااااتها......!!!!!!!!
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
غادة إزيك ..
غايتو كعبة قطيعة النسابة
هسي المصطلح دا تغير وبقى شمار وشمشرة لزوم العولمة وكده ..
الفنان اللحو عنده أغنية ( يوم سيرتك يجيبوها أهلي كتير بعزوها ) ..
وهنا الكلام للمحبوبة ..
وحالياً ( شمشرة ومقدرة راجل المره دا حلو حلا ) ..
وحاجات كتيرة من زي دي يعني قطيعة عديل كده ..
لكن العالم دي عندهم جنس شمشرة
يعني نحن ما طلعنا برانا ..
أبقي طيبة ..
| |
|
|
|
|
|
|
|
|
|
Re: أسكتوا... ما قلت ليكم (Re: معتصم دفع الله)
|
| Quote: هسي المصطلح دا تغير وبقى شمار وشمشرة لزوم العولمة وكده .. |
نفسي أعرف يا معتصم منبع كلمة شمار
لكن سيكون من الصعب محاولة تقفي أثرها
شباب المصريين لديهم تعبيرات مثل
الروشنة.. وحاجة بيئة..
وغيرها من تعبيرات الشباب
حلوة أخت نفسي مع الشباب دي
Quote: لكن العالم دي عندهم جنس شمشرة
يعني نحن ما طلعنا برانا .. |
أسكت ساي يا معتصم.. دحين أنا ما قلت ليك
والله بقية العالم ده قطاع قطيعة
وعنده جنس نميمة..خليها لله بس
مودتي بلا حدود
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
سلام على الجماعة بتاعين الونسة..
طبعا يا غادة الفيديو ما حصل. وبجد ده البيحصل.
دايما ما أقول إنو عشا وحفلة العرس دي خسارة ما بعدها خسارة.. لأنه المعازيم يجو، وياكلو، ويمشو يشنًفو
أها نبقى في جنس ده..؟
| |
|
|
|
|
|
|
|
|
|
Re: أسكتوا... ما قلت ليكم (Re: Mouiz Hashim)
|
Quote: العقول الكبرى تناقش الافكار
العقول الوسطى تناقش الاحداث
العقول الصغرى تناقش الناس
|
اتاريييييييييييينا انا ورجاء و(ام هاشم) امبارح الليل كله نناقش في الافكار
عندك اي راي يا (ابو هاشم)؟؟
| |
|
|
|
|
|
|
|
|
|
Re: أسكتوا... ما قلت ليكم (Re: Mouiz Hashim)
|
Quote: العقول الكبرى تناقش الافكار
العقول الوسطى تناقش الاحداث
العقول الصغرى تناقش الناس
اليونترا روسوفلت
زوجة الرئيس الامريكي السابق روسوفلت
Eleanor Roosevelt
Great minds discuss ideas
Average minds discuss events
Poor minds discuss people |
العزيز..معز
تعرف، لو ترك كل منا الآخرين في حالهم
وركز على فكره هو وتطوير نفسه وحياته
لتكورت الدنيا وتغيرت حياتنا معها
إن حديث السيدة روسوفلت ليس عبثا
وإنما نابع من تحارب شهدتها قبيل الإنتخابات
وبعدها.. لا أعتقد أن من وصل إلى إعلى المراكز
يقوم بالقطيعة وبتناول سيرة الناس ليلا ونهارا
وإلا لما تقدموا قيد أنملة
محبتي
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
العزيزة غادة
اشتياقي لك
الشمشرة والقطيعة دي بهار الجلسات
والامريكان مثلهم مثل بقية البشر
لكن ما قلت ليكي عن قطيعة الهنود
معنا في العمل تعالي شوفي ديل
يتهايلي مافي مثلهم في القطيعة
والشمشرة ،،
معزتي ،،
| |
|
|
|
|
|
|
|
|
|
Re: أسكتوا... ما قلت ليكم (Re: Rawia)
|
Quote: | Quote: اتاريييييييييييينا انا ورجاء و(ام هاشم) امبارح الليل كله نناقش في الافكار |
رجاء دي غايتو أنا ما برضى فيها |
معز يا غالي..
سلامات ومحبات من عندي لغااااااية عندكم
وتسلم يا سيدي على الثقة..
عاد بعد الكلام ده يا شيماء.. الشافني متحكرة في بوستات القص والرص والسياسة الما خمج يكون كضاب ..
تحياتي
| |
|
|
|
|
|
|
|
|
|
Re: أسكتوا... ما قلت ليكم (Re: Raja)
|
والله يا جماعة مع إنو قلت تاني ما حأقطع
لكن بصرااااحة معلق مبارةا المريخ وتونس
ده حيرني.. ولا أنا البقيت موهومة عدييييل ما عارفة
أها يا جماعة الخير، سامعاه المباراة كلها
قاعيد يقول، وبسرعة شديدة
الصفاقسي الصفاقسي الصفاقسي الصفاقسي الصفاقسي
الصفاقسي الصفاقسي الصفاقسي الصفاقسي
الصفاقسي الصفاقسي الصفاقسي
الصفاقسي الصفاقسي
الصفاقسي
المهم بعد ما سمعتها زي الخمسة وعشرين ألف مرة كده
بقا لي زي القاعد يقول
أصفخسي أصفخسي أصفخسي
وطبعا بحاول ما آخذ الموضوع بصفة شخصية أو حتى وطنية
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
| Quote: اهم حاجة الزول لما يكون عايز يقطع يختار الزول الصاح اليقطع معاه ....لانو اللفحي من طرف سااااااي مرات بيجيب مشاكل........ |
سلامات يا عمر
أها للتأمين على كلامك نحكي ليك قصة مشابهة لقصتك
قالوا في واحد شاف ليهو بنية سميحة كده ماشة في الشارع
بس وحياتك قام مشى وراها قال يعرف بيتهم وين..
بس وهو راجع كده لاقاهو واحد صاحبو، بس دخل ليك فيهو شمال
وقال ليهو
-ياخ والله الليلة أنا عندي ليك جنس شمار
شفت لي بت سمحة سماحة شطة بس.. ومشيت ليك وراها
لحد ما عرفت ليك بيتهم وين
وصاحبو ما كضب، طوااالي سألو
-عليك الله، أها طلعت ساكنة وين
-بس شفت اللفة البعد السهريج، ألو بيت تخليهو
تاني بيت تفوتو.. تالت بيت على يدك الشمال
-عليك الله، ده ما بيتي أنا
فصاحبك إتهجم ورد عليهو بسرعة
- أها البيت ده، بس تسيبو وتمشي طواااالي
| |
|
|
|
|
|
|
|
|
|
Re: أسكتوا... ما قلت ليكم (Re: Raja)
|
Quote: معز يا غالي..
سلامات ومحبات من عندي لغااااااية عندكم
وتسلم يا سيدي على الثقة.. |
عاد يا شيماء...
أنا وإنتي نطلع منها
شايفة معز ورجاء ماكلين الجو
أها، النتمو بالمسنجر
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
| Quote: سلامات ياغادة هبشتى بسردك الجميل موضوع حساس ومزعج ومع الآسف متفشى ..تسلمى .. |
هندوية الشفية.. الرقيقة الدواخل
نعم، للأسف الأمر متفشي جدا للأسف
هنالك نوعين من الناس..
النوع الأول الذي يقوم بالقطيعة والنميمة
والنوع الثاني هو المتلقي
والنوع الثاني نفسه في إعتقادي بينقسم
في أناس تستمع إلى القطيعة بغرض الإستمتاع بسيرة الناس
ومعرفة أكبر قدر من المعلومات عنهم حتى تلك التي لا برغبون
الآخرين في معرفتها
وأنا أحيانا لا يملكون خيارا.. لو رفضوا الإستماع
يبقوا دخلوا في مشكلة أخرى مع ناقل القطيعة
وسيصيروا هم أنفسهم مادة لنفس ذاك الذي يقطع
ولو أستمروا ستكون كثير من آثام ومخاطر أن ينتشر الحديث
ويدخلوا في دوامة لا يعلم بها إلا الله
وهو لم ينهانى عنها إعتباطا هكذا
شكرا لحضورك النقي
محبتي
غادة
| |
|
|
|
|
|
|
|
|
|
Re: أسكتوا... ما قلت ليكم (Re: Rawia)
|
Quote: الروس
ووووووب من الروس في النتش والقطيعة والقوالات
اما البوسنيات ادوني احساس انه اللغة بتاعتم بتحتوي على كلمتين
قالوا وقلنا |
سلامات يا راوية
عارفة، عندنا صاحبتنا كانت بتدرس في روسيا ومعاهم واحد أفريقي
لونه أسمر شديد مصاحب ليهو بت روسية..
المهم، بعد فترة قررت البت أن تعرفه بأهلها وهم بيسكنوا في منطقة نائية
في ريف روسيا.. بس وحياتك والظاهر الناس هناك ما متعودين على الغرب
الزول لقى ليك ناس البيت بيبحلقوا فيهو زي النزل ليهم من الفضاء
بعد شوية دخل ليك ونام.. صحى كده بإحساس غريييييب
وفتح عينو لقى ليك في زول كده قاعد يبحلق فيهو
رفع راسو كده.. لقا ليك أبو البت واقف قدام الباب وفي طابور طوييييل
وراهو.. صاحبك خاف قام جاري على محطة القطر ولقى ليك الناس دي كلها
قاعدة تجري وراهو..
أها من يومها، صابتنا ديك فكاها ليك عكس الهوا
وصلتنا قطيعة عنك إنت.. قالوا عليك زي العسل
| |
|
|
|
|
|
|
|
|
 Re: أسكتوا... ما قلت ليكم (Re: غادة عبدالعزيز خالد)
|
| Quote: وصلتنا قطيعة عنك إنت.. قالوا عليك زي العسل |
يسعد صباحك وايامك ياغادة
من ذوقك وانت واولادك الاعسل
انا ممكن اكون تمام بس ارسى على بلد الاول على قول انعام اليومين ديل انا بن بطوطة كل ما اتصل بيها بكون في مطار وماشة على بلد تانية غايتو احذروا لاني ممكن اجي متلبة ليكم في كلفورنيا(لي فيها ايام جميلة وبالمناسبة شفت حلقة رمضان والكتراز فعلا من الاماكن المثيرة بالرغم من اني زرته لكن لا امانع من زيارته تاني غايتو شكرا ليك على الحلقة وشكرا كمان للنبيل سيف)
عندي ملاحظة على الحلقة اقولها ليك ولا لا
| |
|
|
|
|
|
|
|
|
|
Re: أسكتوا... ما قلت ليكم (Re: Rawia)
|
| Quote: عندي ملاحظة على الحلقة اقولها ليك ولا لا |
راوية يا حبيبة
متأسفة لم أرى ردك في حينه
لربما رددنا في نفس الوقت أو شخص آخر رد بعدك
ولم أرى مداحلتك يبدو في حينها
قبل شوية رجعت للبوست لكي أتأكد أنني رددت على الكل
رأيت ردك.. معلييييش وأمسحي لي في وشي
أها، ملاحظتك مستنينها
محبتي يا (عثل)
| |
|
|
|
|
|
|
|
|
|
Re: أسكتوا... ما قلت ليكم (Re: خالدة البدوي)
|
Quote: لكن ما قلت ليكي عن قطيعة الهنود
معنا في العمل تعالي شوفي ديل
يتهايلي مافي مثلهم في القطيعة
والشمشرة ،، |
الأخت الحبيبة
خالد البدوي
في مره أصدقاء عاشوا في الهند وعلقوا نفس التعليق
وبرضوا لم أنتبه له
لحدي ما مرة صاحبت هندو وإبتدأت أتعامل معاهم
ياخي ديل ممكن يمدوا ليك رأسهم في نص الحاجة اللي إنتي بتعمليها
ويبحلقوا فيك كده.. غايتو
جنس شمشرة.. حاجتنا المعروفين بيها دي بقوا يتخاتفوها مننا
خلينا العالم كلو لي الله
سعيدة رؤيتك يا خالدة
محبتي بلا حدود
غادة
| |
|
|
|
|
|
|
|
|
|
Re: أسكتوا... ما قلت ليكم (Re: غادة عبدالعزيز خالد)
|
غادة سلامات و علك طيبة..
شكرا جميلا (للشمار) عفوا ..اقصد البوست الجميل
...الفيديو لكن .....مجنووووووووووووون
... و الاستاذة\سعاد محمد الحسن...لها قدرة قريبة علي الاضحاك
...و الكوميدا ..و خاصة(العم متذكر)
....بس...كدي قول لي
...الفرق ما بين الشمار...القطيعة...القوالة شنو؟؟
....المهم قبل سنوات و في السودان
...و الجو شتاء.و وقت الفطور في محل فول,وبداء يصلح في الفول,و انا جيعان
و بداء بالملح و الثوم و الجبنة و اها....انا معاه و منتظر الصحن و الجو بارد
سالني صاحب المطعم..و هو بصلح في الصحن و قال لي.. اعمل ليك
قوالة و جمجرة...
شنو؟؟؟؟؟؟؟؟؟
قال لي ما تحمر لي كده
دي ما الكسبرةو الشمار
من اليوم داااااااااااك
و انا بعاين لي كل بهار ..بي اسم جديد
و كل سنة و (شمار.كوم)
هواري
| |
|
|
|
|
|
|
| |
غادة عبدالعزيز خالد
Marouf Sanad
Nasr
عاطف عمر
Muna Khugali
Elawad
هاشم أحمد خلف الله
Shayma
نصار
Raja
salma subhi
HAYDER GASIM
سلمى الشيخ سلامة
ماجدة عوض خوجلى
Aymen Tabir
هند محمد
omar altom
معتصم دفع الله
خالدة البدوي
Rawia
Hawari Nimir
فيس بوك
تويتر
انستقرام
يوتيوب
بنتيريست