دعواتكم لزميلنا المفكر د.الباقر العفيف بالشفاء العاجل
|
|
 أحدَ عشرَ عاماً في بلاد العم سام... والساقية لسه مدورة!!
|
كنت قد أكملت لتوي التاسعة عشر... شابة... يانعة... وواقفة تنتظر بوجل على أبواب المستقبل والعمر... حطت بي الطائرة حديثا في الولايات المتحدة وبعدها بيومين (نزلت) الدراسة...كنت لا زلت أعاني من تقلبات اليوم ليله ونهاره... صباحه ومسائه... حينما بدأت الأستاذة تسرد علينا دروسها وتخرج لتدخل الأخرى وهكذا... كنت أسير على طرقات جامعة أوماها بولاية نبراسكا وأنا أمتع ناظريّ بتفاصيل المكان... ترى، هل أنا في حلم أم في علم؟ لم أكن سعيدة لأنني حضرت لأمريكا فهي لم تكن حلمي في يوم من الأيام... لم تكن مباغي ولم أسعَ لها... بل أتاني الحظ يطرق بأبي ويهمس في إذني بحديث رقيق جميل... كتب لك أخيرا، أن تلجي الكلية التي تحلمين...
كانت خطواتي تسير برفق على طرقات الجامعة كأنني أخاف أن أضربها بقوة فأستفيق من حلمي الذي أعيش... كنت أخشى أن أحس بأن الزمان مختلف وأنني حقيقة لا زلت أقف في ذات المكان... كانت الأحلام في غد أفضل تسيطر عليّ بقوة فتتحول سريعا إلى تيار دافئ يأخذ بجسدي ويسري فيه... كنت أبتسم للوجه التي تمر بي في محاولة لخلق صداقات وعلاقات مع طلبة وطالبات... الأناس هنا طيبون ويحبون المساعدة... سألتني إحداهن برقة:
*كم لك في أمريكا؟
فأجبت:
*ثلاثة أسابيع!!
ولا أدري، هل لم تسمعني، هل قلتها خطأ ونطقتها بطريقة مغايرة؟ أم اختلطت عليّ الكلمات في تلك اللحظة ولكنني وجدتها تسألني وكأنها تستفسر عما قلت:
*ثلاث سنوات؟
ظهرت على ملامح وجهي، جلية، إمارات الفزع... ووجدتني أسرع وأهتف:
*لا، ثلاث أسابيع فقط!!
.
.
.
|
|
 
|
|
|
|
|
|
|
 Re: أحدَ عشرَ عاماً في بلاد العم سام... والساقية لسه مدورة!! (Re: غادة عبدالعزيز خالد)
|
.
.
.
وتركت محدثتي وأنا أفكر في حديثها وفي سؤالها.. ترى، هل جنت لكي تقول لي ثلاث سنوات؟ ثلاث سنوات (هي جادة) يا ربي؟ لا... لا.. هذه مدة طويلة جدا.... ولا أظنني سأبقى في أمريكا كل هذه المدة... ثم أنني حضرت لتوي من القاهرة التي عشت فيها أكثر من ستة أعوام... أضف إليها ثلاث سنوات في أمريكا هذا معناه أنني سأبعد عن السودان أكثر من تسع سنوات... ونفضت عن رأسي كل تلك الخواطر وأنا أؤكد لنفسي:
*ستعودين حالما تنتهين من دراستك يا غادة
وكنت أذكر تلك المعلومة لكل من أقابله أو أتحدث معه.. ويقابلونني بنظرة ضاحكة ويردون بنبرة ساخرة:
*ترجعي وين؟ البلد دي سكة اللي يروح وما يرجع
ترى هل سلكت ذات الدرب؟ هل حضرت إلى هنا لكي لا أعود؟
لست أدري!!
ولكن رمضان هذا العام يوافق الذكرى الحادية عشر لوطء أقدامي أرض الولايات المتحدة لأول مرة لذلك له في نفسي ذكرى حزينة. لكم أفتقد في هذه اللحظات صوت الآذان ووجوه الأهل... رائحة الحلو مر و(لمة) إفطار رمضان... ربما تبدو كلماتي هذه كالهذيان لمن يجلس في بلاده مطمئنا آمنا...العرديب على يمينه والعصيدة على شماله...
ولكن أعذروني.. فهذا رمضان...
وهذه أحدَ عشرَ عاما في بلاد العم سام...
والساقية لسه مدورة!!
.
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: khaleel)
|
Quote: يا غربة لا لا تطولي
ويا دمعة لا تنزلي
بكرة الحبيب بتوصلي |
سلامات يا خليل...
اذا طالت الغربة... فلا بد للدموع ان تجد طريقها
ولا بد وان تحفر مسارات على الخدود...
هل تنتهي الغربة؟ كيف؟ ومتى؟
وهل يصير الوطن ذاته مجهول لنا؟
| Quote: عودا حميد ا سريعا لربوع السودان |
اللهم آمين
ورمضان كريم
مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: حاتم هاشم)
|
الأخت العزيزة/ غادة
رمضان كريم ..
كلنا مثلك نحن إلى جوف الإستنشاق الأخير لرائحة أرض الوطن الوادعة التي باقتها المطر .. نحتاج إلى كل التفاصيل الحنينة التي تهذب أروحانا التي أرهقها الترحال في أرض الله التي تضيق بنا كل يوم ..
قدرنا أن نعيش هكذا في لاحرب ولا سلم مع غربتنا ومع أوطاننا..
تحياتي لك وللأسرة ،
أخوك/ خالد الأرباب
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Khalid Saeed)
|
Quote: كلنا مثلك نحن إلى جوف الإستنشاق الأخير لرائحة أرض الوطن الوادعة التي باقتها المطر .. نحتاج إلى كل التفاصيل الحنينة التي تهذب أروحانا التي أرهقها الترحال في أرض الله التي تضيق بنا كل يوم ..
قدرنا أن نعيش هكذا في لاحرب ولا سلم مع غربتنا ومع أوطاننا..
|
أخي العزيز... خالد
ذلك المطر الذي قلت دوما يعيدني لذكرى بوحك يا صديقي
وذكرى زوجتك الحنون... ترى، من مرضها هل تعافت تلك النفس الرؤوم؟
لماذا نعيش في أماكن لم نكن بايدينا لنختارها...
صديقاتي... يقلن لي:
-إنت في امريكا مرتاحة... خليك هناك أحسن
ولكنها روحي الهائمة الحائرة يا خالد...
ماذا أفعل لها...
رمضان كريم..
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: مزمل التريكى)
|
Quote: تسجيل حضور ومتابعه
أحسست بكل حرف كتبتيه يا غاده
فانا أعيش قصة مشابهه
واصلى السرد الشفيف |
سلامات يا مزمل
اولا تتشابه تجاربنا في الغربة... بغض النظر عن المكان
عن الدولة... وعن الزمان الذي عشناه بها...
بعض من حزن... وبعض من ضنك... وكثير من حنين...
لا بد لك وأن تحس بما أشعر...
فنحن في الغربة شركاء
رمضان كريم وتقبل مودتي يا مزمل
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: طارق جبريل)
|
Quote: كل الذي يربطني بالسودان الآن شيخ طاعن في السن نرجو له
دوام الصحة ونصبوا لدعواته...
وقبر في اطراف المدينة يضم شخصا بعظمة هذا الكون (رحمها الله)
الفيافي زي ما قال ليك صديقي الجميل حيدر اصبحت ملاذ ادفأ من حضن الوطن |
أرجفتني كلماتك يا طارق...
هل تتخلى عنا الأرض التي نحب؟
وترى، هل إليها في يوم سنعود...
ادام الله الصحة والعافية على والدك
فأكاد أرى على ملامحه حزن بعاد الأبناء
وعلى وداع رفيقة العمر...
وظلل الله على قبر العظيمة وجعله روضا من رياض الجنة يا صديقي
تقبل مودتي
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Adil Osman)
|
| Quote: شعار جامعتكم عينة يا غادة |
من أوائل الدروس التي تعلمتها يا عادل
فريق جامعة أومها نبراسكا لكرة القدم الأمريكية
وعن قوته... عن هيبته... وعن محبة الناس وتشجيعهم له...
ولكن من رأى ليس كمن سمع... ففي اول مباراة للفريق...
خرجت الى الطرقات لاجدها خاوية... صامته...
-مرة مرة- تأتي عربة مارقة ...
كتر من الطلة... ما بتمسخ خلق الله 
معزتي
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Ashraf Abdel-Muty)
|
Quote: الاخت غاده و الاخوان فى الغربه
كل سنه و انتو طيبين
تصوموا و تفطروا على خير
و نشوفكم قريب فى حضن الوطن
|
سلامات يا أشرف... ورمضان كريم يا أخي...
عارف، أحلام العودة للوطن تراودني بطريقة عجيبة...
احيانا اتصل بخطوط الطيران وأسألهم عن سعر التذاكر للسودان
وأضع السماعة ولسان حالي يغني:
-يا الجنيت أنا
| Quote: بس ابعدوا من رمضان ده سخانه و كهرباء قاطعه |
والله لا تفرق معي كثيرا يا أشرف... وبعدين موت الجماعة عرس
تقبل مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: الطاهر عثمان)
|
| Quote: كل عام وانت بخير ياغادة وانشاء الله يصفو الزمن وترجع كل الطيور المهاجرة |
الطاهر عثمان...
من يحمل القلب الطاهر... ويرق قلبه على المسكين
من يحزن لليتيم... يحمل همه... لك الله يا صديقي
فها أنت تحمل عبء الوطن وابناءه وبناته
من يملك منهم المال ومن لا يملك...
اعادنا الله يا الطاهر... لوطن تصير كل الطيور فيه
محلقة بكل حرية... وتصفق اجنحتها بكل فرحة عفوية...
تقبل معزتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: ahmed khidir)
|
Quote: غاده
رمضان كريم وكل عام وانت بخير
المهم فى الامر السنين ما تمشى ساااااااااااااى
تمشى زى ما الناس دااااااااااايره
الله يوفقك ويسدد خطاك |
أحمد خضر... تحياتي ورمضان كريم عليك يا صديقي
الأعوام تأتي و(تمشي) الواحدة تلو الأخرى...
ونحن ننظر ونرقب...
أحد الأصدقاء قال... أننا في أمريكا كمثل الذي
يجري محاولا قبض الفراش... وان انتقلت لزهرة انتقلنا معها
وان ذهبت لاخرى.. ايضا تبعناها...
ولا ندري متى تكون النهاية
تقبل مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: yasir Abdelgadir)
|
لم يعد الوطن بطعمه القديم الا عبق في خيال الذكري
لم يعد الوطن المقيم الا حطام إباء
وفتات كبرياء
تحطم تحت اقدام جبروت ابنائه,,,
اختي غادة
تتشابه قصص الكثيرين كثيرا,,,,
الا ان التفاصيل غير,,
انت وطئت تراب بلاد العم السام وانت في التاسعة عشر
وانا مثلا غادرت بلادي وعمنّي الامل ,ولا سام,وكنت حينها في التاسعة عشر
تجمدت مشاعرنا قليلا و(تحجرت) بفعل درجات ال30,وال 40 تحت الصفر لعقد ونصف العقد من الزمان ,قبالة سيبيريا
ثم تمددت أمالنا لعقد زمني آخر على مساحات سراب أكبر بفعل درجات الحرارة ال 40 وما فوق ,,,فوق الصفر ,قبالة كثبان الخليج..
والحقائب قد جمعت هذه المرة لرحيل آخر
قسري هذه المرة
بطلب من حكام بلادي
والساقية لسه مدورة
لك الود
ولوطني الحنين
د.محمد عبدالله تيراب
_______________________
الحق يعلوا ولا يعلى عليه
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Mohammed Tirab)
|
Quote: لم يعد الوطن بطعمه القديم الا عبق في خيال الذكري
لم يعد الوطن المقيم الا حطام إباء
وفتات كبرياء
تحطم تحت اقدام جبروت ابنائه,,, |
أخي العزيز د. محمد...
عندما عدت الى السودان كنت أخاف أن تكون آمالي فيه
أضغاث أحلام عن أيام طفولة مضت..
كنت أخشي أن أجد الحال قد إنقلب.. وان الناس ليسوا
هم نفسهم الذين تركتهم...
ولا أكذب عليك... فقد كانت هنالك تغيرات عديدة طرأت
بعضها لم تعجبني.. وفي هذا حديث آخر...
ولكن المحنة والمحبة في قلوب الأقرباء كانت تدفيني
اعادنا الله واياكم
وتقبل معزتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: yasir Abdelgadir)
|
Quote: أكملت ثلاثة عشر عاما بعيدا عن السودان الحبيب
مابين السعودية ..أوربا....وأخيرا أمريكا
لكن أصارحك لم أشعر بوطأة الغربة الا في امريكا
في السعودية قرب المسافة يعطيك دفء شوية
في اوربا ..نظام الحياة أكثر انتظاما ويقلل من المعاناة
أما في امريكا.....سيستم غريب...ومسافات بعيدة عن الوطن( الحالة احنا في الساحل الشرقي)
....وجمال المكان + طريقة الحياة تشعرك بقلق |
سلامات يا ياسر...
أنا اكملت حوالي السبعة عشرة عاما ما بين القاهرة وأمريكا
ولكن انا مختلفة عنك... فقد احسست بطعم الغربة الشديد
وأنا في القاهرة... ربما لانها كانت أول محطة واول مرة
أفارق فيها السودان بدون ميعاد محدد للعودة...
كنت في أحيان كثيرة حزينة وفي آخر أيامي...
كنت أجلس ساهمة...
عندما حضرت لأمريكا.. كنت قد تعودت على الغربة
-الى حد ما-
غير صديقتي الحبيبة المغربية... فقد كانت تبكي
في كل يوم وتقول:
-يا ليتني لم احضر..
وتنظر إلىّ في سكاتي وتسألني...
-الست حزينة على فراقك السودان
فرددت عليها:
-انا لم افارقة منذ ستة ايام.. بل ستة اعوام كاملة
جفت فيهم الدموع
تقبل مودتي يا ياسر وأعادنا بخير
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: معتصم دفع الله)
|
Quote:
الغربة خيار المضطر ونحن وجدنا أنفسنا كذلك ..
نحلم بوطن يضمنا جميعاً بكل إختلافاتنا ..
وطن يسعنا ولا يضيق بنا ..
رد الله غربة الجميع .. |
معتصم دفع الله... كيفك يا شفيف 
والله يا معتصم.. لم نختار ان نغترب ولكن الله رمى
المحزن في الأمر.. انني لم أملك خيار الارتحال عن السودان
في السنوات الماضية...
وأنني لا زلت لا أملك خيار العودة...
فهل تعتقد بعد كل هذا انني في يوم سأعود؟
لست أدري... مجرد تساؤل يطوف احيانا كثيرة بذهني...
وبعدين إنت عريس... مالك ومال هذا الهم...
الله اجعل ايامك كلها فرحا وطربا وسعادة
مودتي 
غادة
| |
|
|
|
|
|
|
|
|
 Re: أحدَ عشرَ عاماً في بلاد العم سام... والساقية لسه مدورة!! (Re: غادة عبدالعزيز خالد)
|
حبابـكم رمضــان كــريم
اثرت فينا الشجــن .. غاده ايتهـــا الشاديه شجن كقمـــريه ..
كل الارض يمكن العيش بهــا , لكن ليس هناك كتراب الوطـــن
رائحه الارض . ووجوه اهل بلادي , وحنيه الاهــل مذاق الجنه في الدنيا .
وتبقى صعوبه واقع الحال بارض النيلين افعى مخيفه.
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Muna Khugali)
|
Quote: وكأنك تسألينا با جميله..
هل حفا سبكون هناك رجوع؟!
رمضان كريم وسلام مني وماما لسعاد.. |
انه فعلا السؤال يا منى...
هل ترانا سنعود؟ هل تعودنا على حياتنا في الغربة
وصارت العودة للوطن غير مأمونة العواقب...
وبذلك... ما العمل؟
رمضان كريم لك ولماما جارة الحبيبة...
وعلى فكرة:
صورة العصير يتعطش في نهار رمضان
رفقا بنا
قلت ليك أن كل ما أذكر موقفك معي أيام قضية أبي
أشعر بعرفان كثير لك... واقول يا رب..
منى تتعلى ما تتدلى...
محبتي بلا حدود
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: شهاب الفاتح عثمان)
|
لكن يا غادة بالغتي وشذيتي
روايتك كانت حزينة لمن قربت ابكي
لكن قبل ما الدمعة تقع قلت لنفسي
..هوي..الببكيني شنو!!!!!!!!!!!!
فعلا انا قلبي رهيف وما بستحمل كلام زي ده
لكن تعال: ما انا كمان لي في الغربة
سبعة عشر سنة..يعني كلنا في الهوا سوا
يعني يا غالية نسيتيني انا في غربة
وقلت المسكينة دي حسع عاملة شنو
في الصقط لقط..اقصد الصقد داك
تاني يا عزيزة براحة علينا شوية
في ناس هنا قلوبها رهيفة جدا
يعني لو كنتي ختيتي لحن حزين
كنت رجعت السودان
انا كمان لي قصة قريبة من قصتك
يوم انشاء الله بحكيها ليكي
بس المرة الجاية خليكي خشنة شوية
اعصابنا بقت ما بتستحمل
وبقينا قاعدين علي هبشة
ونحن بنستفيد من النساء
لمن نلقاهم قلبهم جامد
بيقوونا معاهم
اها.........فتك بعافية يا حنينة
وخليكي قريبة....وسلمي علي عمنا سام
رغم انو عندي اخ اسمه سام
ما عارف هو وين حسع
رمضان كريم..ابقي عشرة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: معتصم ود الجمام)
|
Quote: الغريب عن وطنو مهما طال غيابو
مصيرو يرجع لاهلو وصحابو ........
وكلنا ربنا يلمنا في اهلنا ووطنا معافى ينعم بالسلام
والديمقراطية |
ود الجمام... الإنسان الهمام...
من يحمل هم مشاكل بعض من بني وطنه
ويتعبه عدم حلها... انه حمل كبير
ملقى على العاتق يا معتصم...
حمل القاه على عاتقنا من لم يراعي الأمانة
التي خافت منها السموات والجبال...
فتعب من في الأرض وهم يحاولون حمله...
لنا الله يا صديقي واتمنى أن نعود الى الأهل
والبلد والأصدقاء سريعا...
على الأقل.. الفرجوني رجع فاضل نحنا
تقبل الله دعواتك بالوطن الذي يتمرغ في السلام والديمقراطية
مودتي لك صادقة يا اخي العزيز
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Mohamed Yassin Khalifa)
|
سلام غادة
و
رمضان كريم..
سألت منك امس الخالةسعاد كيفنك والاسرة
اظرف حاجة يا غادة ان احساس الزمن ده مختلف من شخص للتاني..انا بعتبر اني برلوم في امريكا 8 سنوات بس
بالمقارنة بالمخضرمين ناس عقدين تلاتة ديل...
في زيارة خاطفة لولايتي الاولى في امريكا (نورث كارولاينا)لحضور زفاف احد اصدقائي قابلت احد المدعويين وتعرفت عليه شاب في سني ظل يتكلم لي عن شوقه للبلد ويشرح بالتفصيل(سيستم) البلد دي ظنا منه انني جديد في امريكا لا لشئ الا لانه لم يرني في مدينته من قبل مع اني سكنت فيها خمسة سنوات متتالية قلت في نفسي الزول الشاويها الغربة ده بكون من هو طفل في البلد دي مع انه عربيهو مافيهو لكنه المهم..
بعد ما اعطاني النصائح العشرة,,سألته كم سنة عندو في الدوامة دي فرد بعد ان نفخ صدره 6 شهور!!!!! كل تجربته في الغربه ستة شهور وكابي الجرسة لا وكمان وبشرح للوجوه الما شافهم قبل كده سيستم البلد بإعتبارهم برالمة قلت ليهو في سري (والله يا حبيب انت الما شفته حاجة في البلددي لسه ستة شهورك دي لي ناس كده زي رمشة العين)
كل سنةوانت والاسرة بخير
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: mohmed khalail)
|
| Quote: بعد ما اعطاني النصائح العشرة,,سألته كم سنة عندو في الدوامة دي فرد بعد ان نفخ صدره 6 شهور!!!!! كل تجربته في الغربه ستة شهور وكابي الجرسة لا وكمان وبشرح للوجوه الما شافهم قبل كده سيستم البلد بإعتبارهم برالمة |
محمد خليل... كيف يا عريس.. زارتنا الملائكة وحلقت على كلمات البوست
ولا نقول ليك -بحسب سيف جبريل- يا حنكوش
تخيل يا محمد حجم الضيق الذي عايشه ذلك الشاب في فترة الستة اشهر تلك
تصور حجم الحزن الذي خيم على قلبه طيلة تلك المدة...
هل لك بالأهل الذين تركهم خلفه وأصدقاء العمر...
وكل ذلك المرار مخلوط بآمال لمستقبل وغد أفضل....
أخذت أنفخ نفسي أيضا وأنا أقرأ كلماتك... فقد كانت معبرة
للدرجة التي جعلتني أستشعر حرارة الأنفاس المتألمة...
تحياتي للعروس وكل عام وأنت بخير
مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: محمود ريحان)
|
18 سنة وانا متنقل بين كندا وامريكا وعندما جينا اول مرة من السودان عام 1990
قلنا نقعد سنتين او ثلاثة ونرجع لكن اظن البلاد دى لمن تتعود عليها ما بتقدر تفارقها
وبعد هذه المدة الطويلة رجعت العام الماضى فى اجازة لمدة 3 اسابيع ووجدت الحال غير الحال
وما قدرت اقعد غير اسبوعين وهربت لان الزمن الجميل قد ولى للابد فى السودان لكن برضه الشوق
للسودان بحر ويمكن لمن نحصل فترة محمد ياسين ( 22 سنة) تايم تو- يمكن نرجع .. اما طارق جبريل
القاعد 18 سنة فى المغرب فهو محظوظ لانو قاعد فى دولة عربية والغربة فى البلاد العربية نعمة
واحمد الله
| |
|
|
|
|
|
|
|
|
 Re: أحدَ عشرَ عاماً في بلاد العم سام... والساقية لسه مدورة!! (Re: السر عبدالله)
|
كانت الشمس قد بدأت تتوارى عن أعين الناس...
من يدري، لعلها خجلة من أشعتها التي ظلت (تلهب)
وجه الناس وظهورهم طيلة اليوم الحار...
الوقت من أحب الأوقات إليّ...
فهو وقت أن نذهب إلى (البرندة) لكي نستخرج المراتب
ونأتي بها إلى الحوش...
وأسمع:
-إن شاء الله يا غادة ربنا يعلي مراتبك
يا ربي الدعوة مربوطة بالعمل
فرش تلك المراتب بملاءة حمراء.. زرقاء أحيانا
لا يهمم... يكفي انها تتأرجح في الهواء الطلق
(قش) الحوش... ورشه من بعده...
يا الله...
نفس عميق...
لكم هي جميلة رائحة ذلك التراب والطين...
.
.
.
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: السر عبدالله)
|
Quote:
اذا طالت الغربة... فلا بد للدموع ان تجد طريقها
ولا بد وان تحفر مسارات على الخدود...
هل تنتهي الغربة؟ كيف؟ ومتى؟
وهل يصير الوطن ذاته مجهول لنا؟
|
اه يا غاده دا الحاصل
| Quote: وقبر في اطراف المدينة يضم شخصا بعظمة هذا الكون |
الله يرحم موتانا و موتا المسلمين جميع
ا
تلاته شهور في السودان انا بزورقبروصباح و مسا
جد دا الفضل في السودان ,,,
السودان ما عندو طعم من غيرم يا غاده
و غربه أمريكا كعبه و صعبه
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: noon)
|
Quote: الله يرحم موتانا و موتا المسلمين جميع
ا
تلاته شهور في السودان انا بزورقبروصباح و مسا
جد دا الفضل في السودان ,,,
السودان ما عندو طعم من غيرم يا غاده
و غربه أمريكا كعبه و صعبه |
أختي الحبيبة.. نون
تعرفي يا نون... أحزن أوقات الغربة
حينما يرن جرس الهاتف وتظهر المكالمة من السودان
ولا ندري السبب الذي اتصلوا من اجله..
قبل فترة اتصلت اختي على هاتف المنزل فلم أرد
لأنني كنت أؤدي صلاة المغرب...
ثم هاتفتني على رقم الموبايل وكنت وقتها قد انتهيت من الصلاة
ورأيت رقمها مرة ثانية...
حسبة سريعة للوقت... كانت الساعة قد قاربت الفجر...
وقع قلبي في رجليّ يا نون.. وصارت الدموع تتجمع
وانا بت واثقة من خبر سيء...
ورفعت السماعة فاذا هي تتحدث معي عادي جدا:
- كيفك.. احوالك... الاولاد.. ابوهم
وانا لم اكن في مزاج للونسة وسالتها بصوت مرتجف
-فيّ شنو
حتى انها نهرتني حينما عرفت انني قاربت ان اولول
-يا بت مالك؟ اتصلت اسلم عليك ساي
-لكن الوقت بدري شديد عندكم
-نمت بدري فصحيت وما قدرت انوم.. قلت اسلم
حتى ارتحت بعض الشيء... وتنهت..
واستطعت ان اتم المكالمة...
لموتي المسلمين ومواتاك يا نون الرحمة والمغفرة
محبتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: السر عبدالله)
|
| Quote: الزمن الجميل قد ولى للابد فى السودان |
أخي السر... تحياتي
السودان تغير كثيرا فعلا يا صديقي...
الحياة صارت ايقاعها أسرع بصورة غير عادية...
كنت في (جري) امريكا احيانا افتقد لتلك الراحة...
فانا لا زلت اذكر وقت الظهرية والعصرية في السودان
وكذلك نومة بعد الغذاء...
ثم أرى في المساء أسرتي وهو تستعد للخروج
أحيانا إلى نادي الضباط لكي نتلاقي وصديقاتنا
نلهو ونلعب ونجري
بينما يجلس الكبار يتسامرون في الليالي الجميلة
على ضوء القمر...
الناس صاروا يهرولون أكثر... مثلنا تماما يا السر...
هل يعود الزمان يوما؟ وهل نعود واياه...
تقبل مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Abdulmageed Gorashi)
|
Quote: "مشيناها خطا كتبت علينا ومن كتبت عليه خطا مشاها"
كلنا نصارع الزمن في الغربه التي ليس لها نهايه إلا قدر الموت ... ونحن الان نصارع هوس منتصف العمر بينما تحقق ولم يتحقق.
الحياة في امريكا كطعم الحلو مر ....حتى الان لم نبلغ الحلم الامريكي المزعوم... والساقيه لسه مدوره |
يا إلهي يا عبدالمجيد...
هل يعني كلامك أننا نهاية الغربة هو قدر الموت؟
هل يعني أن العودة هي مجرد أحلام يقظة وآمال
ربما لا تتحقق..
هل العودة هي الدعوات التي يقول ربي أن سيأتي
اليوم الذي تقولون فيه.. ليتك لم تستجب لدعواتي
في دنياي لكي تعوضني لها في الآخرة...
كل انسان يموت في الغربة يجعلني اتشاؤم...
ماذا لو صرت مثله...
نظل نحلم ونأمل... ولا يوقظنا إلا الموت
كل عام وأنت بخير يا صديقي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Mohamed Yassin Khalifa)
|
Quote: "11" سنة بس!
يا ستي بعدك صغيرة... وبس عايني للعملتيهو فيها... ما شاء الله... علم وثقافة أفادت الكل البيعرفوك وسمعو ليك
وعلشان ما تزعلي... إحنا غربتنا Time Two لغربتك... ومازال أملنا كبير |
سلامات يا محمد
هي الحقيقة أكثر من ذلك... نسيت تحسب سنوات مصر
يعني حوالي السبعة عشر عاما كاملة...
برضو ما حصلناك.. لكن قربنا
النجاح ليس لهو طعم بعيد عن السودان يا محمد
درست.. نعم... تخرجت... نعم.. حضرت ماجستير...
ايضا نعم... لكنها النفس التي لا تهدأ يا صديقي...
وتجعل حتى طعم النجاح... به قليل من مرار
يبقى تارك (نغزة) في القلب
تقبل مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: ASHRAF MUSTAFA)
|
Quote: لكن يا غادة بالغتي وشذيتي
روايتك كانت حزينة لمن قربت ابكي
لكن قبل ما الدمعة تقع قلت لنفسي
..هوي..الببكيني شنو!!!!!!!!!!!!
فعلا انا قلبي رهيف وما بستحمل كلام زي ده
لكن تعال: ما انا كمان لي في الغربة
سبعة عشر سنة..يعني كلنا في الهوا سوا
يعني يا غالية نسيتيني انا في غربة
وقلت المسكينة دي حسع عاملة شنو
في الصقط لقط..اقصد الصقد داك |
أشرف... أيها الأنسان اللطيف...
من البروفايل يبدو أنك التحقت حديثا بهذه القبيلة
فلك مني العتبى على عدم أداء واجب الترحيب والضيافة
على الأقل... كباية شاي ولا عصير
فببركة رمضان... ما تزعل مني
ثم أننا على سماء الغربة يبدو أننا نحلق سويا
فعلا... افكر كل من في الغربة.. كل يتعايش معها
كيف يتقبل انه ليس في السودان
وكيف (يمشي) أموره وكيف تقضي أمورها...
قضية معقدة يا أشرف...
ولا اعدك محاولة التجلد... فقد فشلت فيها من زمان
ما شايف الجرسة الأسفيرية دي
تقبل مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: شهاب الفاتح عثمان)
|
Quote: اثرت فينا الشجــن .. غاده ايتهـــا الشاديه شجن كقمـــريه ..
كل الارض يمكن العيش بهــا , لكن ليس هناك كتراب الوطـــن
رائحه الارض . ووجوه اهل بلادي , وحنيه الاهــل مذاق الجنه في الدنيا .
وتبقى صعوبه واقع الحال بارض النيلين افعى مخيفه.
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
|
دكتور شهاب... من يماثل اسمه اسم ابني الصغير...
فهو ايضا اسميته شهاب... داعية ربي ان يجعله
يشع في سماء الدنيا وضاء وضياء...
وقد أصبت... عشنا في اكثر من بلاد بعد السودان
ولكنهم جميعا... ليسوا وطن...
وحقيقة... عمر اللحظة في بعدك يا الخرطوم سنين طوال
كل عام وأنت بالف خير يا شهاب
مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: غادة عبدالعزيز خالد)
|
الاخت العزيزة غادة
رمضان كريم
عارفة يا غادة في الغربة تشتاقين حتى لورق شجر النيم الفي الشارع ، تفاصيل الوطن تنطبع على الاكسجين اللي بنتنفسه ، تلقي روحك شايلة حنين لتفاصيل وطن عشتيهو بكل حلوه ومره
الغربة بتاخد من الزول كتير واهمها انه بتفقده تلك القدرة على البقاء في الوطن باستقرار فيصبح لا قادر يقعد بره البلد ولا قادر يقعد في البلد ويصبح الوطن بالنسبه ليه شوق وحنين جارف جواهو لكل شيء في البلد
واذا خيروه يرجع يعيش فيه تجدي لسان حاله يقول وعلى وجه السرعة ( ياريت لو بقدر بس ارتبطنا خلاص ببلاد الغربة) وهو لا يعرف انه قد اصبح يحمل الوطن كشيء معنوي فقط دون ان يكون محسوسا
ودي اصعب نتايج الغربة
الغربة تجعلك دوما تعيشين ذلك الاحساس ، غصة في احشائك لا تعرفي كنههاو لا تزول ابدا
فدواخلك هي مرآة غربتك
دمتي ياغادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: maia)
|
Quote: واذا خيروه يرجع يعيش فيه تجدي لسان حاله يقول وعلى وجه السرعة ( ياريت لو بقدر بس ارتبطنا خلاص ببلاد الغربة) وهو لا يعرف انه قد اصبح يحمل الوطن كشيء معنوي فقط دون ان يكون محسوسا
ودي اصعب نتايج الغربة
|
الرقيقة الوديعة... مايا
لم أرك من قبل ولكن من طبع كلماتك تخيلتك
شخصية رقيقة.. وذات صوت خفيض...
لا أدري لماذا
المشكلة في العودة يا مايا هو اننا لا ندري
كيف والى ماذا سنعود...
أين سأعمل وهل سأستطيع التكيف مع طرق العمل الجديدة
صديقتي المقربة عادت الى السودان وبدأت تعمل في وظيفة مرموقة
حاولت ان تعطيها جل وقتها وجهدها...
كانت العقبات التي تقابلها غريبة...
مثل هدوء الناس وعزوفهم عن العمل.. الفطور.. الشاي... الزيارات
وصارت تضغط على اعصابها وتحاول الا نتفجر..
يا جماعة نحنا في شغل.. مش قاعدين في بيت
ووجدت انها لا تستطيع ان تتماشى مع طريقة العمل في السودان
وتخيلي.. تركت العمل في النهاية بسبب اشياء كثيرة أخر...
تخيلي... من يصدق ان مصاعب مثل هذه من الممكن ان تلاقينا
حال العودة للوطن...
سؤال آخر بفرض نفسه يا مايا..
هل من الأفضل العودة للوطن ومخاطرة الصدمة باوضاعه
أم من الأفضل البقاء في الغربة مع الأحتفاظ بتلك الفكرة
الرومانسية الحالمة عن الوطن؟
محبتي وكل عام وأنت بخير
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: على احمد النعيم)
|
Quote: اختى لعن الله الغربة اين كانت وكيف كانت . لقد ارهقتنا هذه السنين العجاف ونحن ننفخ فى قرب مقدوده ونزداد بعداً عن احضان وطننا الغالى السمح الظريف ولله در من قال:
قد يهون العمر إلا ساعةً ** وتهون الأرض إلا موضعا |
سلامات يا علي
تعرف.. قبيل عدة أشهر كتب عني الأستاذ القدير
مؤمن الغالي مقالا.. وتساءل فيه عن أين أكون
وكتبت له مقالا عنونته (إلا موضعا)
وأخبرته فيه بأين أناوعن مدينتي الصغيرة الجميلة
وآخر ما قلته أن:
قد هانت عليّ الأرض، بما رحبت، إلا موضعا
وها انا اقولها لك الآن... فتحت لي ابواب
القاهرة والولايات المتحدة... وجميعها قد هانت عليّ
إلا السودان..
كل عام وأنت بخير يا صديقي
مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: انعام حيمورة)
|
Quote: ياااارب ترد غربتك (المجنناك) دي وتجي تبقي معانا هنا ..
|
نعومة الراقية...
عارفه البيجنني اكثر في الغربة شنو...
لما اشوف اصحابي في رحلة لجبل اولياء وبيأكلوا
في السمك براهم
والغربة خلاص جننتني يا نعومه... ربنا يعيدنا
ويمعنا هناك... يا رب
رمضان كريم يا عزيزتي... وكل عام وأنت بخير
وأمانة عليك... تابعي لي الترويج والحلقة
وخليني اعرف رأيك...
محبتي بلا حدود
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: غادة عبدالعزيز خالد)
|
الانسانة الرائعة ابدا غاده
احس كل حرف كتبته ****** بتوق وشوق للاهل ***للبلد
للوجوه السمر التي نحبها *****للزمان ***للمكان ***لكل شئ بينهما
ذلك يعني انك رغم الحرمان الذي تعانيه ملكت القدره علي الكتابة والتعبير
مابالك بي انا ****كلما احاول ان اكتب ****اجد نفسي اتساْءل فقط في دواخلي عن كل الاسئلة
التي جالت بخاطرك *******فتأتيني الاجابة *****دموع حري تنزل علي خدي *** تزيدني الما فتزداد معاناتي
لنا الله يا عزيزتي
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: إحسان عبدالمتعال أحمد)
|
Quote: الانسانة الرائعة ابدا غاده
احس كل حرف كتبته ****** بتوق وشوق للاهل ***للبلد
للوجوه السمر التي نحبها *****للزمان ***للمكان ***لكل شئ بينهما
ذلك يعني انك رغم الحرمان الذي تعانيه ملكت القدره علي الكتابة والتعبير
مابالك بي انا ****كلما احاول ان اكتب ****اجد نفسي اتساْءل فقط في دواخلي عن كل الاسئلة
التي جالت بخاطرك *******فتأتيني الاجابة *****دموع حري تنزل علي خدي *** تزيدني الما فتزداد معاناتي
لنا الله يا عزيزتي |
احسان عبدالمتعال... كيفك أيتها المشرقة اللامعة
وسعيدة بكلمات محي الدين أن اعادتك لنا
لكي تشاركينا في النقاش...
تعرفي يا احسان.. بالأضافة الى الشوق للأهل والحزن على فراقهم
هنالك أشياء أخر..
مثل أن كان لدينا ما نقدمه لبلادنا ونشعر أننا احيانا
نضني عليها...
لدينا مكانتنا هناك وقدرتنا على التفوق
وكذلك وضع بصمتنا على الساحة.. سواء السياسية
أو الأدبية أو الإعلامية أو الطبية أو.. او.. أو...
ونجد أنفسنا في بلاد الغربة ونعطيهم ثمرة تجاربنا
وهذا وحده حري بزلق الدموع بصورة اقوى
محبتي لك يا صاحبة الصوت العذب
وكل عام وأنت بخير
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Adil Osman)
|
ربنا يرد غربتك ويرجع للوطن في احسن حال بي بركة هذا الشهر.....
قصتي مع بلاد العام سام بدأت قبل 28 عاما حيث كنت وقتها في (بطن امي ) وقد ولدت في (رفر سايد-كلفورنيا) حيث كان والدي وقتها طالبا هناك ...وبد ان اصبح عمري اربعه اعوام عدنا الي السودان....ومن ديك
وعيــــــــــــــــــــــــــك لم اعد الي هناك ابد"
......................
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: غادة عبدالعزيز خالد)
|
Quote: ذلك يعني انك رغم الحرمان الذي تعانيه ملكت القدره علي الكتابة والتعبير
مابالك بي انا ****كلما احاول ان اكتب ****اجد نفسي اتساْءل فقط في دواخلي عن كل الاسئلة
التي جالت بخاطرك *******فتأتيني الاجابة *****دموع حري تنزل علي خدي *** تزيدني الما فتزداد معاناتي |
مفاجأة البوست
الاستاذه احسان عبد المتعال
شفتى يا غاده بوستك جاب منو ؟
وكأن الله أراد ان يلطف علينا حرارة الاشجان
والحنين الى الوطن بحلفايته وشمباته وكل أطرافه...
فأرسل الينا المذيعه الجميله احسان عبد المتعال
والتى طالما ادهشتنا واطربتنا بطلتها البهيه حقا
من خلال الشاشه البلوريه وايضا الازاعه السودانيه .
يا سلاااااام
احسان عبد المتعال
حنان حسب الرسول
شمبات
رابطة شمبات للآداب والفنون
خالد سند
منير التريكى
منار سيد احمد
نبيل حسن ساتى
لفرزدق
عاطف الصاروخ
خالدوامنه محمد احمد
التشكيلى عوض عبد الرحيم
.................
جميلة كانت تلك العروس ... زيدان اغرقنا طربا
............................
الف مرحب استاذه احسان ورد الله غربتكم
فأنتم ممن تركوا بصماتهم الواضحه فى وجدان الشعب السودانى .
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Emad Abdulla)
|
أحدى مشكلات الغربة...
أننا نكون في أكثر من مكان -مؤقتا-
نقابل أكثر من شخص... ونجلس معهم
ونقضي وقتا لطيفا -مؤقتا-
ونذهب عنهم جميعا لنكون في مكان آخر ومع أنا أخر
فلا يكون هنالك إنتماء...
اشعر انني احيانا شخصية دخيلة على مجتمع
على مجموعة... وصرت لا أحاول الإنتماء
بل ولا أتعب لكي أكون المزيد من الأصدقاء...
ولماذا؟
لكي أفارقهم سريعا...
لست من هنا ولست من هناك...
من أين؟
لست أدري!!
ونواصل...
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Emad Abdulla)
|
Quote: أحمدي الله الما بقاكي دنقلاوية ..
كان ياداب حداشر سنتك دي تسخينة ..
يا زولة الله يرد غربتك و يجبر خاطرك و يوفقك ..
كتابتك حنينة يا غادة .. و طاعمة .
أكتبي ياصديقتنا القديمة .. و بطلي الكسل .
تصومي و تفطري على خير
|
صديقي الرسام... الكتاب... الـ... الـ...
احد عشر عاما هذه في بلاد العم سام...
وأكثر من ستة أخريات ببلاد القاهرة..
سبعة عشرة عاما كاملة وانا من بلد لبلد
من منزل لمنزل... ومند صديقة لأخرى..
تعتبت خلاص يا عماد
تقبل تحياتي يا صديقي المتجدد
معزتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: مزمل التريكى)
|
Quote: انه فعلا السؤال يا منى...
هل ترانا سنعود؟ هل تعودنا على حياتنا في الغربة
وصارت العودة للوطن غير مأمونة العواقب...
وبذلك... ما العمل؟ |
العزيزة الكتااااااااااابة / غادة
ما اقتبسته من حديثك وجدته وكأنك تتحدثين بما في نفسي .... سبعة عشر عاما من الغربة ولازالت الرؤية ضبابية ..... واصلي بأسلوبك الحلو الرائع ورمضان كريم .... تحياتي
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: ABDELDIN SALAMA)
|
| Quote: ما اقتبسته من حديثك وجدته وكأنك تتحدثين بما في نفسي .... سبعة عشر عاما من الغربة ولازالت الرؤية ضبابية ..... |
أخي الكريم.. عبد الدين
تحياتي أيها الكريم.. وأتمنى أن تكون أنت
وأعصابك ومحفظتك.. قد تداويتم من تداعيات الحفل المرهق
مشكلة الغربة أنها تكون في احيانا كثيرة بلا نهاية..
لا اعرف احدا دخل اليها وموعد الخروج محدد من قبل
وحتى وإن كان... فلا أظنهم التزموا به
انها دوامة يا صديقي... تبدأ لكي لا تنتهي
بل وربما تأخذنا الى اسفل واياها
كل عام وانت بخير...
مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: غادة عبدالعزيز خالد)
|
فور تخرجي في كلية الهندسة 1984 وجدتني أعمل في أحد أكبر المكاتب الهندسية في السودان ( عبدالمنعم مصطفى وشركاه ) . في هذا المكتب المدرسة وجدتني أتعلم ( مرة أخرى ) من نفر كريم من أساتذتي الذين جلست أتلقي العلم على أيديهم الكريمة في الجامعة . فقد كانوا متعاونين/ شركاء في المكتب . ووجدتني كذلك ضمن الجهاز الفني لأحد أكبر المشاريع العمرانية في الخرطوم أيامها - مشروع رئاسة بنك الخرطوم ومشروع رئاسة بنك الوحدة بالسوق العربي ( عمارة الضرائب حالياً ) .
في العام 1986 أتتني تأشيرة زيارة لدولة الإمارات العربية المتحدة . إستشرت أستاذي ورئيسي في العمل وأبي الروحي في عالم الهندسة بروف أبوبكر الصديق عبدالوهاب أجابني بسماحته المعهودة
" رغم إقتناعي إنو ناس الخليج ديل خلاص بنوا الحاجة العاوزين يبنوها ، وما فاضل ليهم حاجة كتيرة كلها سنتين تلاتة ويبدوا يستغنوا عن العمالة الأجنبية ، لكين برضو عشان لى قدام ما تندم سافر واقعد معاهم السنتين تلاتة ديل وتعال لينا راجع بخبرة خليجية وعدة شغل جديدة "
منذ ذلك اليوم مرت حتى الآن 22 سنة كاملة
ولا نزال هاهنا
___________________
قرار الغربة يتخذه صاحبه
قرار العودة يتخذه قبل صاحبه ، الأسرة الصغيرة والكبيرة ، مستقبل الأبناء وحسابات ( قلما تلفق )
_______________________
الغادة الأنيقة
إنتي شياطين أمريكا ( مفكوكة ) في رمضان ولا شنو ؟؟
شيطان شنو دا الخلاك ( تبحتي ) لينا في الملفات البتجيب ( سيرة البحر ) دي ؟؟؟
وبرضو
كتر خيرك ياراقية
أهو ( فضفضنا ) شوية
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: عاطف عمر)
|
الساقية لسه مدورة
واه من الساقية
العزيزة غادة كل عام وانتم بخير
كم من الزفرات والاهات طلعت كالبراكين من صدورنا
كما تعرفين يا غادة نحن في الحلفاية عندنا رمضان له طعم غير عادي وكما نعتقد اننا نضاهي الاخرين حيث يفرش الاهل في الشوارع وذلك لاستقبال الضيوف وكل مجموعة من الاهل ليهم زاوية لكن قبل رمضان بايام قلائل كنت في زيارة لاحد اصدقائي ايام الجامعة وبالصدفة وجدت معه نفر كريم والكلام جاب الكلام انت من وين انا من الحلفايا معقول يا اخي انا فلان متزوج من الحلفايا يا اخي منو متزوج من وين متزوج من بنات فلان تعرفهم كيف لا وهو في حساب المعرفة خال وقال لي جديد في الدوحة فاجباته لا قديم ( لي 12 سنة ) واخبرته انني جيت زيارة فقط لمدة ثلاثة شهور وقعدت الفترة دي كلها فقال لي يا اخي انا جيت زيارة لمدة شهر واحد فقط ثلاثين يوم فقط وراجع والان وصلت اربعين سنة والشهر للحين ما تم ( وسكت عن السؤال المباح)
نسال الله الصحة والعافية ( آل 11 سنة آل )واصحبنا نمني النفس بتقضية رمضان في الحلفاية
وبدون تعليق للعودة
وكل سنة وكل الناس طيبة وكل الطيور المهاجرة في عافية وصحة وان نحقق امانيناجميعا
مع تقديري
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: نصرالدين عمر الجعلي)
|
Quote: الساقية لسه مدورة
واه من الساقية
العزيزة غادة كل عام وانتم بخير
كم من الزفرات والاهات طلعت كالبراكين من صدورنا
كما تعرفين يا غادة نحن في الحلفاية عندنا رمضان له طعم غير عادي |
سلامات يا نصرالدين
في الحلفاية قضيت اجمل اوقاتي...
كان منزل الاسرة كبيرا.. واسعا وفسيحا
في وقت الافطار... نجتمع في صالون الاسرة حيث كانت تسكن عمتي
ليلي... رحمها الله...
ونحضر معنا الصينية... اسمعها وهي تنادي:
-غادة، تعالي طلعي العصيدة...
ثم الملاح... ثم السلطة... حتى تكتمل الحلقة
ونجلس مجموعة كبيرة تاكل وتتحدث وتضحك
الصلاة... تسمع (آمييييين) كأنك في جامع كبير
يسع اهل العالم اجمعين...
لماذا تقلب المواجع يا نصر...
كفاية ما بنا...
تقبل تحياتي يا صديقي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: عاطف عمر)
|
Quote: قرار الغربة يتخذه صاحبه
قرار العودة يتخذه قبل صاحبه ، الأسرة الصغيرة والكبيرة ، مستقبل الأبناء وحسابات ( قلما تلفق ) |
يا إلهي يا عاطف...
تعرف السطر والنصف أعلاه هذا...
من الممكن أن أكتب لك مقالات عنه...
لقد كانت المصاعب التي تلقاني في غربتي مسبقا أحاول التغلب عليهابمفردي...
ولكن الأطفال يضيفون إلى الغربة ومتاعبها أبعادا وزوايا جديدة ومتنوعة
تجعل من أمر التغلب عليها أقرب إلى المستحيل... خذ مثال... اللغة...
سألني هاشم ذات يوم...:
-لماذا نتحدث العربية بينما مايك لا يتحدث سوى الإنجليزية
وحاولت أن أشرح له أنه أكثر موهبة من الآخرين كونه يتحدث لغتين... لكن السؤال الذي كان يلح عليه:
-لماذا يتحدث مايك الإنجليزية في البيت والمدرسة بينما هو مطالب
أن يترك حقيبة الإنجليزية على باب المنزل ليعود
ويحملها صباح اليوم التالي وهو متجه لتلقي دروسة
والأكثر... لماذا هو مختلف عن الآخرين؟ وكيف له أن يدرك أن الإختلاف أفضل...
وهل هو حقيقة أفضل؟
أسئلة كثيرة يا صديقي العزيز...
لا بد لي وأن أكتب أكثر..
تحياتي الى سعدية الوفية وبقية الأسرة الكريمة
ورمضان كريم
مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: غادة عبدالعزيز خالد)
|
مساء الخير ورمضان كريم عليك يا غادة
احد عشر عاما فى امريكا!!! الساقية لازم تستمر فى دوارها لان تلك البلاد بلاد الدميقراطية والانتاج
الاقتصادى الحر,متعددة الالوان والاتجاهان علية تجدية مجتمع واسع من كل بقاع الدنيا وشعوب ذات
ثقافات متنوعة تبعث فى النفس التجديد والازهار.
شى ما يجعل الامواج تجزب الانسان الى تلك البلاد .
(.......... (..................
لكن فى النهاية لابد وان يزور الانسان طيف من الاوطان يجعل المرء يفكّّر بالعودة الية.
تسعد لياليك.
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: خدر)
|
الأستاذة الرائعة / غادة عبد العزيز خالد
السلام عليكم ورمضان كريم وتصوموا وتفطروا على خير
يا اختي لماذا تستغربي من ال11 سنةالتي قضيتيها خارج السودان أمثالك كثر من السودانيين مشتتين في جميع بقاع العالم لهم عشرات السنين ولطال ما كل الأنظمة التي تعاقبت على السودان تعمل على هدم الاقتصاد وتشريد الشباب فلم ولن تتوقف الهجرة أحمدي الله أن الظروف أتت بك إلى أمريكا هناك سودانيون فكروا في الهجرة إلى بلدان أفريقيا التي لا تقل عننا في المعناه فهي لهم مثل المستجير بالرمضاء من النار .
وأخيرا نتمنى أن ينصلح الحال وترد غربة كل سوداني طافش من سنين
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: حسن مضوي)
|
Quote: يا اختي لماذا تستغربي من ال11 سنةالتي قضيتيها خارج السودان أمثالك كثر من السودانيين مشتتين في جميع بقاع العالم لهم عشرات السنين ولطال ما كل الأنظمة التي تعاقبت على السودان تعمل على هدم الاقتصاد وتشريد الشباب فلم ولن تتوقف الهجرة أحمدي الله أن الظروف أتت بك إلى أمريكا هناك سودانيون فكروا في الهجرة إلى بلدان أفريقيا التي لا تقل عننا في المعناه فهي لهم مثل المستجير بالرمضاء من النار .
وأخيرا نتمنى أن ينصلح الحال وترد غربة كل سوداني طافش من سنين |
سلامات يا حسن...
احد عشر عاما هي عمر غربتي بامريكا
وسته اخرى قضيتها بمصر...
اي انني خارج السودان اكثر من سبعة عشر عاما
اليس هذا هو التشريد بعينة؟
لقد قضيت اكثر سنوات عمري خارج السودان... تخيل...
ولكنني لا زلت لا استطيع ان اتركه خلفي او اتجاوزه
يشدني حنين شديد ويجرفني بقوة اليه...
اعان الله شبابنا من لا يجدون سوى في الغربة حل...
واعقل الله حكامنا لكي يفكروا فيما يفعلوه بنا
كل عام وأنت بخير يا أخي
مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: خدر)
|
عارف يا خضر..
قبل فترة كتبت مقال وذكرت فيه بعض من تفاصيل
حاول أحد الأصدقاء على إثرها استخلاص عمري
وبعد فترة أتاني كالمنتصر انه علم تماما عمري
مثل..
يعني انتي كنتي في تانية عام لما طلعتي من السودان
ده معناها عمرك حيكون قدر كذا.. وبقيتي في مصر كذا
فهذا يعني هكذا...
المهم، بعد ما نفسه (قام) وقعد... فتحت له النت
واريته تاريخ ميلادي باليوم والشهر والسنة بالبروفايل
يعني الموضوع ما كان عاوز درس عصر...
لكن حسبتك دي عجبتني... يمكن اختها هي في البروفايل
_______________
وإنت وبارعة ولقاء وخالد بالف خير يا صديقي العزيز
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: حسن زمراوي)
|
Quote: لقد حضرت إلى أمريكا قبل 16 عاما وعمري حينها 22 سنة
وهذا يعني أنني تغربت 22 سنة في السودان
مع تقديري لمشاعرك النبيلة نحو وطنك |
حسن زمراوي
تحياتي ايها الرجل الكريم... ورمضان كريم
تعرف يا حسن... انت من البسطاء الذين اعرفهم
والذين عملوا على تحويل مشاعرهم الى تصرفات
يكفي عملك النبيل لمدرسة ابوكدوك
ربما لا نستطيع ان تغير من السودان كله
ولكن ما استطعنا...
تقبل احترامي...
ولاسرتك البهية كثير من تحية
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: غادة عبدالعزيز خالد)
|
Quote: حسن زمراوي
تحياتي ايها الرجل الكريم... ورمضان كريم
تعرف يا حسن... انت من البسطاء الذين اعرفهم
والذين عملوا على تحويل مشاعرهم الى تصرفات
يكفي عملك النبيل لمدرسة ابوكدوك
ربما لا نستطيع ان تغير من السودان كله
ولكن ما استطعنا...
تقبل احترامي...
ولاسرتك البهية كثير من تحية |
الأخت العزيزة أم هاشم:
وعليكم السلام... وتقبل الله منا ومنكم
شكرا على كلماتك الرقيقة والمشجعة
تعرفي يا أختي العزيزة أن هنالك كثير من الرائعين هنا في أمريكا ممن حببوا إلي العمل الخيري وأحد هؤلاء الرائعين هو زوجك الباشمهندس المعز.
قولي لي كيف ؟؟؟
ماتقولي لي كيف يا أختي
أنا في إنتظار أن تقولي لي كيف حتى أقصص لك من بعض زكرياتنا مع زوجك العزيز بمدينة بيوريا
وعاش أبو هاشم
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: Osman Musa)
|
Quote: بنتنا العزيزة غادة خالد
سلامات ورمضان كريم
11 سنة ؟
كملتى كراتين الحلو مر .
ربنا يسعدك ويفرحك وترجعى وانتى كلك امل يارب
تحياتى للأولاد |
سلامات يا عثمان
هي كراتين الحلو مر بس...
وحياتك هنالك نقص في السودان لكراتين
الكركديه وايضا القونقليس...
اعادنا الله واياكم يا عثمان
وكل عام وانت بالف خير
مودتي
غادة
| |
|
|
|
|
|
|
|
|
|
Re: أحدَ عشرَ عاماً في بلاد العم سام... والساقية لسه مدورة!! (Re: مزمل التريكى)
|
Quote: Quote: احيانا اتصل بخطوط الطيران وأسألهم عن سعر التذاكر للسودان
وأضع السماعة ولسان حالي يغني:
-يا الجنيت أنا
ههههههههههههه
والله محنك محن
انتى قايله غربتى ما هانت على
بعد ما قريت كلامك ده |
بدون تخطي للآخرين..
ولكن اريد ان اقول لمثل مزمل الشمتانين
ان اذا كان هذا كثيرا.. فخذ عندك أخرى
في شهر يونيو (القريب ده) حجزت تذكرة عديييل 
اها.. غربتك صارت وطن ولا لسه يا مزمل
| |
|
|
|
|
|
|
| |
غادة عبدالعزيز خالد
حيدر حسن ميرغني
طارق جبريل
khaleel
حاتم هاشم
Khalid Saeed
Mohamed Foto7li
Adil Osman
الطاهر عثمان
Ashraf Abdel-Muty
معتصم دفع الله
Saifeldin Gibreel
ahmed khidir
Mohammed Tirab
شهاب الفاتح عثمان
Muna Khugali
ASHRAF MUSTAFA
معتصم ود الجمام
Mohamed Yassin Khalifa
mohmed khalail
محمود ريحان
السر عبدالله
Gaafar Ismail
noon
انعام حيمورة
على احمد النعيم
الملك
إحسان عبدالمتعال أحمد
تبارك شيخ الدين جبريل
حذيفه ابراهيم الكباشي
Emad Abdulla
عاطف عمر
خدر
حسن زمراوي
Osman Musa
فيس بوك
تويتر
انستقرام
يوتيوب
بنتيريست