دعواتكم لزميلنا المفكر د.الباقر العفيف بالشفاء العاجل
|
|
 هـام جـــداً .. إلى بـورداب الريـاض ..
|
من المفترض أن يقوم الأخ عبدالله عقيد بإنزال هذا البوست بوصفه المسؤل عن المكتب الإعلامي وقد تم تكليفي بذلك من قبل الأمين العام السيد محمد الشيخ ..
تم بحمد الله اليوم الثلاثاء الموافق 27 سبتمبر 2005م الإجتماع الأول للجنة المنتخبة من قبل بورداب الرياض لتشكيل مكاتبها والعمل على إنزال برامجها إلى أرض الواقع ..
الحضور ..
عمر محمد عبدالقادر ودالباوقة ..
محمد الحسن ..
محمد الشيخ ..
معتصم دفع الله ..
وإعتذر كل من وليد399 - حميدة - عبدالله عقيد لظروف خاصة ..
أجندة الإجتماع ..
* تشكيل المكتب ..
* برنامج إفطار رمضان ..
* خطة العمل ..
* تم إنتخاب السيد عمر محمد عبدالقادر رئيساً ..
وتم الإتفاق على التشكيل التالي لمكاتب اللجنة ..
1- الأمين العام :
وينوب عن الرئيس في حالة غيابه ..
مهامه : التنسيق بين مكاتب اللجنة ومسؤل عن جمع المساهمات في حالة قيام أي نشاطِ لها ..
وقد تم إختيار محمد الشيخ لهذا المكتب ووليد399 نائباً له ..
2- المكتب الثقافي ..
مسؤل عن النشاط الثقافي ..
وقد تم إختيار الأخ محمد الحسن لهذا المكتب ..
3- المكتب الإعلامي :
مهامه : عكس كافة الأنشطة عبر الوسائل الإعلامية المختلفة وعمل الإتصالات والتنسيق بين الأعضاء ..
وقد تم إختيار عبدالله عقيد لهذا المكتب ..
4- المكتب الإجتماعي :
مهام هذا المكتب تتمثل في متابعة ظروف العضوية الإجتماعية والأسرية وربط الأعضاء ببعضهم البعض ..
وتم إختيار حميدة ومعتصم دفع الله لهذا المكتب ..
وبعد الفراغ من توكيل المكاتب لمهامها تم مناقشة البند رقم إثنين وهو إفطار رمضان ..
وقد تقرر لهذا اليوم أن يكون ثاني خميس من رمضان - الموافق 13 أكتوبر على أن يحدد المكان لاحقاً ..
وكانت خطة العمل كبيرة والبرنامج المقترح أكبر وقد تم مناقشة جوانب كثيره منه وستتواصل اللقاءات والإجتماعات تباعاً لمزيد من المشاورات ..
عليه يرجى من جميع الإخوة البورداب التداخل في هذا البوست لمزيد من المشاورات ولتقارب وجهات النظر ..
والله ولي التوفيق ..
|
|
 
|
|
|
|
|
|
|
 Re: هـام جـــداً .. إلى بـورداب الريـاض .. (Re: اساسي)
|
| Quote: وإعتذر كل من وليد399 - - عبدالله عقيد لظروف خاصة .. |
والله يا اساسي خطير جدا جادعنك ساكت
انا عارفك زول فلكي خالص .. نوعيتك دي مفترض يكون عندها ( يخت ) في فينيسيا يا قطية ناصية وفيها امبريلة في الشاطي الرملي في سانت مونيكا
بس بت كلب ما بتدي حريف ...
حميدة انا راجيهو من امس بالليل لحدي الان قال لي بجيك تسعة بالظبط
ولسه برضو ما فقدت الأمل
كاردينال والمجموعة
اجندتي ما زالت قيد الواقع
الانفصال ودخول الغابة .. زيي وزي اي فيل مهمش ..
مالم تحقق المكاتب التنفيذية التي تكونت كل الاهداف المطلوبة
ايد في ايد ،، معارضة + لجان منبثقة
افيال + وسلاحف ..
..
.
اشيد بالتوزيع السليم للمكاتب ،، الاشخاص المناسبين في الاماكن المناسبة
ودون شك ندعمكم بكل المطلوب
يا معتصم افرزو لينا الشغل من حسع دي وبرنامج رمضان ده بالذات بيكون نواة اي فكرة
| |
|
|
|
|
|
|
|
|
 Re: هـام جـــداً .. إلى بـورداب الريـاض .. (Re: اساسي)
|
Quote: 4- المكتب الإجتماعي :
مهام هذا المكتب تتمثل في متابعة ظروف العضوية الإجتماعية والأسرية وربط الأعضاء ببعضهم البعض ..
وتم إختيار حميدة ومعتصم دفع الله لهذا المكتب ..
|
سبحان الله يضع سره في افلس خلقه
بالله يا ناس الرياض محل الغلة تختو اكتر اتنين معلمين الله
يا حلوين القروش دي ما بتفوت اعضاء المكتب دا
| |
|
|
|
|
|
|
|
|
 Re: هـام جـــداً .. إلى بـورداب الريـاض .. (Re: اساسي)
|
أسمع يا هالك ..
نحن قلنا بورداب الرياض جايي تنطط مالك ..
بعدين إنت الحاجات التنظيمية دي شغلتك بيها شنو ؟..
وكمان شايف حلفك بالطلاق كتير ..
أحسن ليك بطير ليك الكلام دا ..
وزي ما قال الخال كان إنت جيت نحن غايتو بندبر حالنا ..
نشوف لينا حتة نفطر فيها ..
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: معتصم دفع الله)
|
خطوة جميلة وعملية
هكذا كما عهدناكم يا اشاوش الرياض
قدوة للجميع
بخصوص افطار رمضان
التاريخ مناسب جدا يوم 13 اكتوبر واقترح المكان يكون في استراحة النخيل لانها معروفة للغالبية العظمي ان لم تكن للجميع .
الكل يجهز نفسه وبالذات الاخوة الذين لم يشرفونا بمقابلتهم من قبل
وعلى راسهم الاخوة ابوقوته وشرووم وبناديها وبقية الاخوة
ويا الاخ اساسي انت كمان تعال حندفع ليك حق التذكرة عارفك مفلس ومعلم الله
شكراً اخوي معتصم
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: ghariba)
|
تمبس كتب:
Quote: والله يا اساسي خطير جدا .. نوعيتك دي مفترض يكون عندها ( يخت ) في فينيسيا يا قطية ناصية وفيها امبريلة في الشاطي الرملي في سانت مونيكا
|
تعرف يا شيعي دا اجمل كلام تقولو من سجلت في المنبر دا
عليك الله كلم المساكين ديل
تعرف يا جيك لو الكلام دا حصل حقيقي حرم الواحد يدب ( من دباب) لحدي سانت ياغو ما يوقفوا اي اسطول اطلنطي ولا فوق باسفيكي ...
يا حمزاوي
ياخي الجماعة ديل خاتين لي معتصم في المكتب الاجتماعي وحميدة معتصم دا لاسع ما دفع الشيرنق حق جردل الكنتاكي وتقول لي تذكرة سفر
يا حمزاوي واضحة من العنوان انا خايف اجيكم بالنقل الجماعي تشحنوني في دفار مع اقرب سوداني راجع جدة
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: ودقاسم)
|
Quote: تعرف يا شيعي دا اجمل كلام تقولو من سجلت في المنبر دا
عليك الله كلم المساكين ديل |
والله عارفك هلامي جدا .. بتصدق اي حاجة تتقال ليك
ضمنك شنو ممكن اسحب كلامي ده عادي جدا وانكر ليك حنانو
اصلو مع التشكيلات الوزارية الجديدة دي .. والمكاتب دي اخوك فرش ذمتو في شارع التخصصي بقت ذمتي وذمتك وذمت دكين واحد.. المسالة فيها زيادة رواتب انت قايل شنو ؟؟
والبدفع تمام بنديهو صوتنا ..
.
.
Quote: أنا جاهز للمشاركة في التهام الأكل في إفطار رمضان ،،،
وعازم معاي بورداب الشرقية ...
لو ما عايزني أحضر معاكم اعزموا أساسي ... |
يعني السنة دي صائم معانا ياخال؟؟ 
بعدين الله يرضى عليك .. اوعه الترمسة بتاعت الشاي ذبحتنا بيها ياشيخ
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: tmbis)
|
| Quote: بعدين الله يرضى عليك .. اوعه الترمسة بتاعت الشاي ذبحتنا بيها ياشيخ |
تمبس
المرّة دي جايب ليك معاي منديل عشان تربط راسك من الصداع ،،،
بالله متين آخر مرة شربت فيها شاي ؟ يكون يوم طلعنا البر مع سجيمان وأنا جبت الترمسة أياها ...
كمان داير لقيمات ، يا ...
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: مصدق مصطفى حسين)
|
تشكر يا معتصم على رفع البوست بالنيابة
وانا زاتي في اتصال هاتفي اخبرت معالي الامين العام
إنو أطالب أن يكون تمبس هو المسؤول الإعلامي وأنا مساعدا له.
وقد وافق الأمين العام مشكورا..
ويا تمبس ما تجي تقول ما شاورتوني ليه.. انا زاتي ما شاوروني
والكاردينال أكد أن المسألة تعليمات تنفذ.. وقلنا سمعا وطاعة.
على كل.. نحن على استعداد للقيام بأي مهمة
وأكرر اعتذاري لعدم التمكن من حضور الاجتماع
لأن عملي ينتهي عند منتصف اليل يوميا.. ولم
أجد أي فرصة (للزوغة) بالأمس..
ولكم جميعا فائق التقدير
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: أحمد علاء الدين)
|
الأخ الزميل احمد علاء الدين
لك التحية والتقدير
سعدت بلقائك الجمعة
وقد فاتني اجتماع درا (ابو جهينة)
كما فاتني اجتماع دار (الكاردينال)
وأقد اوثقني الشباب برباط اللجنة الإعلامية
فأرجو أن تكون معينا لي فيها.
ولك خالص تقديري
وتحياتي لزميلنا الأستاذ حسين
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: عبد الله عقيد)
|
شكرا أخوى عبد الله عقيد , وأنا سعيد جدا بشوفتك و معرفتك و معرفة الرجال اللى زيك كنز كبير و مكسب كبير جدا و خاصة فى ثقافة العمل العام و أنا ماعندى مانع فى أى عمل معاك و فى أي موقع و نحن رهن إشارتك و كمان ماتنسى إننا حنكون جيران فى الخوجلاب ( هيته بالهيته)و بالمناسبة موضوع الاراضى أى استلام المستندات من مدير الاراضى خلال اليوم أو غدا بعون الله تعالى و الله المستعان0
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: معتصم دفع الله)
|
Quote: وعازم معاي بورداب الشرقية ...
|
ياخال الوحيد الفيك الخير والله لجنة ما فيها انتا
تبقى ما لجنة
| Quote: بس فك لينا بدري من بدري يا ود قاسم الزول دا كفالته لسع علي . |
أساسي هوييييييييي مالك مع خالنا أها كل شيئ الا خالنا لا تقول لي كفيل ولا ضابط جوازات
بقلبها معاك ومستعد للترحيل اصلها ذي ما انتا شايف بقت ما جايبة حقها وبعدين صاحبنا وصلها 1500 مقابل التنازل عن الاقامة والله يااساسي مفكر اتنازل ليهو رايك شنو؟
| |
|
|
|
|
|
|
|
|
 Re: هـام جـــداً .. إلى بـورداب الريـاض .. (Re: معتصم دفع الله)
|
ود دفع الله
شكلك السنه دي صايم ...الله يتقبل .
حاجة جميلة انو الناس تتلم عشان الريد يختلط بالدم .والشايلين الهم ليهم التحية وموفقين باذن واحد احد.....
وبينا كان فولة كاربة قبل رمضان لكن تمس المكشكش شكلو خستكا المهم مافي اي مشاكل يعوضنا ليها في رمضان بس باليل........
عبرك كل الود لهذا النفر
وفي رعاية الله
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: معتصم دفع الله)
|
الاخ معتصم تحياتي
وتحياتي للجميع بورداب الرياض
طبعا انا من بورداب الرياض لكن يمكن ما معروف للجميع وسالت قبل كده وعرفت انك المنسق للمجموعة المهم اعتبروني ضمن المجموعة المكملة وهذا هو رقمي 4141910 والجوال 0507268563
اتشرف بمشاركتكم وعلي استعداد لكل ماتطلبون
| |
|
|
|
|
|
|
|
|
 Re: هـام جـــداً .. إلى بـورداب الريـاض .. (Re: ود الباوقة)
|
الاخ/ عمر
أنا قلت من ناحية بروتكولية ما أعلق الا بعد الريس !!
يبدو أن معتصم لسع في الشرقيــــة 0
علي وعدنا لقاء اللجنة القادم بدارنا المتواضع بام الحمام انشاء الله 0
يوم الجمعة 7/10/2005 عقب صلاة التراويح 0 ت 0504179819 ( لوصف المكان0
أعمل مس كول لوماعندك رصيد 0) 0
الاجندة :--
1- متروكة للريس ودالباوقة 0
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: معتصم الطاهر)
|
الاخ معتصم دفع الله
التحية و التقدير و الاعزاز
لى عظيم الشرف بالانضمام لهذه الكوكبة و العقد المنظوم من الاخوان الزملاء اعضاء (بورداب الرياض )هذا الكيان الذى جمع السودانيين بالمهاجر المختلفة . كل امنياتى نعمل سويا ليس من مقعد المتفرجين انما من موقع التفاعل الايجابى و ان تكون لقاءات رمضان مثمرة و مرتبة و لها برنامج مدروس يشمل كل الجوانب الاجتماعية و الثقافية و الرياضية و نحن معكم فى خندق البناء و التعمير نقف من خلفكم و نشد من ازركم .
يمتد حبل الوصل و يظل ممدودا . نحو مزيد من التعاون وصولا للاهداف و الغايات المرجوة .
اخوك
معاوية التوم محمد طه
اكاديمية الطيار لعلوم السياحة و الفندقة - الرياض
جوال 00966509212086
تلفون مكتب 0096614633667 تحويلة 1388
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: mohamed elshiekh)
|
Quote: يوم الجمعة 7/10/2005 عقب صلاة التراويح 0 ت 0504179819 ( لوصف المكان0
أعمل مس كول لوماعندك رصيد 0) 0
الاجندة :--
1- متروكة للريس ودالباوقة 0 |
فعلا سنلتقي بمشيئة الله مساء الجمعة في منزل الاخ محمد الحسن وسيكون الاجتماع ( تحضيري )من اهم اجندته ( مشروع الافطار الجماعي ) وقد تم تحديد موعده وهو تاني خميس من الشهر المبارك وكل ما نرجوه هو تاكيد الحضور من قبل الاخوة البورداب حتى يتسنى لنا على ضوء ذلك اكمال ما تبقى من مهام ...
وكل عام وانتم بالف خير ...
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: معتصم دفع الله)
|
الأخ/معتصم
تحية وسلام
لم أسمع بهذا الإجتماع وسبب ذلك أني حديث عهد بالبورد ولكني أقترح عليكم التنسيق مع جمعية الخطوة إذا كنتم بصدد إدخال هذه التوجهات إلى حيز التنفيذ وأتوقع أنكم ستتبادلون المنفعة.فهم يقدمون خدمات لذوي الحاجات الخاصة من أبناء الجالية السودانية بالمملكة وخاصة مدينة الرياض .
أمنياتي لكم بالتوفيق (أبوحمد)
| |
|
|
|
|
|
|
|
|
|
Re: هـام جـــداً .. إلى بـورداب الريـاض .. (Re: معتصم دفع الله)
|
نادية عثمان مختار ... أنتِ حتماً حاضرة بيننا وقد منحناك العضوية
الشرفية من زمااااان ...
صحيح الرياض دافئة ببوردابها الحلوين ..
إلا أننا نتوق ...
للنخلة وللقطية
وللقمر البلعن في الشموسة الغاوية حروق
وللمطرة الطاشة ملانة دعاشة
تغازل الغيمة .. تعاين تضحك للسبلوق
للبلد الجانا عبيرها
نسيم كتاحة
شمس حردانة ومابية شروق
و ... فوق فوق سوداننا فوق ..
تسلمي للطلة
| |
|
|
|
|
|
|
| |
معتصم دفع الله
إسماعيل وراق
ابو جهينة
عبد الباقي الجيلي
اساسي
tmbis
ghariba
abuguta
ودقاسم
عبد الله عقيد
صديق الموج
Badri
albagir altahir
mahmed alhassan
معتصم الطاهر
معاوية التوم محمد طه
الصادق خليفة
mohamed elshiekh
عثمان عبدالقادر
humida
ahmed haneen
فيصل نوبي
Mohamed Abdelgaleel
فيس بوك
تويتر
انستقرام
يوتيوب
بنتيريست