فاجأتك الســـــــنين ..
عندما أنتقـلت إلى دار جديدة .. فاجأني دكـين وبيده كرتونة علقها على الجدار دون أن يستشـيرني .. مهمهماً تحت تحت دي ما دارك دا منتدى البورداب" وتوالت القصاصات وجاءت الإسهامات تباعـاً .... فكان هذا الجنون .... فاجأتك السـنين .. جريدة حائطية إلي الذين لم تفاجئهم الدلكة بعــــد .. محتويات العدد .. 1- متسع من السنين متسع من الدروب ....................دكين 2- ترحيب السنين......................................معتصم دفع الله 3- حوارات السنين ........................................صلاح شتات 4- اهداءات السنين....................................... اسرة التحرير 5- وجه الشمس..........................................تمبس 6- ناطور السنين...........................................وليد طه 7- مقامات السنين....................................... محمد الشيخ 8- شوق السنين......................................... شوق آل ضحوي 9- رسائل العنقالة ......................................دكين 10- شعر......................................... الفيتتوري- يوسف حمدالنيل 11- غاليري السنين................................عبد العزيز قيسان

11-29-2004, 12:09 PM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
متسـع من الســنين متسـع من الدروب أصـدقائي .. إنهـا الإصـدارة الأولى لهـذا الهـرب .. محاولـة للخـلق .. لكسـر رتابة هذه المدينة القفـر واحتمـال الواقع وإدراك ما تبقـى من حـياة .. إن لقـاءاتنا قد تجعـل هذه المدينـة أقل جحيمـاً وشـيئاً يطـاق .. أصـدقائي .. نحن إن هزمتنا السـنين ولم يفاجئنا القرمصيص بأنثى دربنا .. فلن يهزمنا المكان وليل الموحدين هذا .. فيفاجئنا السوس في مخادعـنا .. وإن أبتنـا البـلاد الأولـى فخرجـنا منها هـاربين فلـن تفاجـئنا بـلاد جديدة بهـزائم أخـرى .. فنمـوت في كـنف هذا الهـروب .. إن لـم يكـن مـن بـدٍ لمـوتنا هـاهنا .. فلا أقـل مـن أن نمـوت هكـذا مجـتمعين في الأمـاني .. حينـها نكـون قـد مـتنا بأقـل الخسـائر وبأمـنية قـد تحـققت .. ألـم تقـل البـلاد ( موت الجماعة عرس ) .. لم يعـد فينا متسـع للمخـازي .. ولم يعـد في العمـر متسـع مـن الـدروب .. إننـا إن طوعـنا المكان وفق ما نهـوى سنكـون الأجـدر بالمـوت وفق ما نهـوى .. مشاركاتكـم في هـذه الإصـدارة ستجـعل المكـان جـديرا بنـا وقابـلاً للاستمـرار .. دكــــــين ************************************************************************** ترحـيب السـنين ترحيب أمـين الـدار لم نكـن يوماً وحـدنا .. في تلك الـدروب .. فقـد كنتم معـنا رفقـاء الحـلم .. تحيلـون ظلام ذلك النفق الضـيق إلى نـور .. تنثـرون الفـرح عـبيراً .. في كل مكـان حولـنا .. وكنتم وضـوء الـروح .. كـثيراً ما توكـأنا على عصـا تحنانكـم .. واسـتندنا على كـتف الأمـل .. ومنحـتمونا عافـية التواصــل .. وضـوء الطـريق .. كـيف لا نكـون معـكم في ذلك المســير .. مرحــباً بكم رفقـا الدرب .. معـتصم دفع الله ************************************************************************ حــوارات السـنين صلاح شتات في حـوارات الســنين أجـراه دكـين * صلاح شتات ذلك الكائن المقيم في قمم المدن الخرافية .. يحـاور النهار ليقـيم صلحـاً مع نجـوم الليل المتمــردة على قـوانين الإنتمـاء .. يصـادق البحار التى عاصـرت سقـراط وأفلاطـون وارسـطو وديكارت وكانط ونيتشـه.. ابن سينا والفارابي وابن رشـد .. ابن عربي والجنيد .. يعشـق النسمـات التى هبَّت من وادي عبقـر وبادية الشـام والبطـانة والكبابيش .. يبحـث عن الحقيقة الغائبة في ركـام التاريخ وسجـلات الأيـام المجهـولة وضباب السـنين المقبلة . صلاح شتات من الكائنات المصـنوعة من طين التاريخ ومزروعـة في مشـاتل الحـياة .. يؤمن بالحرية ويكفـر بالقـيود .. التقينا به وكان لنا معـه هذا الحـوار : * صلاح شـتات بينما هناك شاعرا حريفا ينبش في دواخلك فانك تبدو شحيحاً متضامنا مع الصمت بالجوار ..لو انك في جوار اكثر وعيا وإدراكا هل كنت ستكون اكثر تدفقا ؟ ما كنت شـاعراً والشعـر أكبر من أن أنتســب إلـيه والقصـيدة أجمـل من كلمـاتي .. لكـني أتمـنى أن تكـون من بنـاتي .. فقـد حلقـت والقصـيدة كثيراً .. بكـينا سـويَّا .. وأصـابنا الحـزن سـويا .. وكم كفكفتْ دمعـي بمناديلهـا .. وكم مسـحتٌ بأناملي خـدّيهـا ، بيني وبينها صداقـة قديمـة وعشـق مقيم .. هي الحبيبة التي لا تنسـى أطلال الذكـرى .. ولا تخلـف مواعيد الفجـر .. وتترك دومـاً في راحـتي دفـئاً لا تمنحـه الشمــس . * صلاح شتات وملامـح التجربة الشعــرية ؟ إن كانت هناك تجـربة شعــرية فهـي كلمـات في رحلـة في الكـيان الغـائب والوجـدان الحالم بعـوالم أكـثر إشـراقـاً .. والإبحـار لسـواحل تبـدو حـيناً وتنأى أحـياناً كثيرا .. وهـي أوراق ملفوفـة بسـوليفان المشـاعر وسـتائر القـلب .. هـى دروب كالشـرايين تخـرج بنـور الأمـل وشـوارع كالأوردة تعــود بملـح الحـياة .... إن كانت هـناك تجـربة شعـرية فيمكنني فقط أن أقـول عنهـا كمـا قيل : هذا بعض الذي أجـرته نفسـي جمعُ من شــتاتِ ما لجمـاله حرصي عليه ولا ليكون ذخـراً للرواةِ لكني أرى فيه وجهـى وألمح فيه بعــض ذاتـي * جامعة الخـرطوم مـاذا كانت ؟ أشعـار شكسبير التى أغـوتك من خلال إقتحامـك قاعـات شعبـة اللغـة الأنجلـيزية بالرغـم من إنتمائـك لكليـات علمـية .. دوري الكليـات .. فاعلـية الإبـداع الموسمـي .. المنتديـات الثقـافية .. الجرائد الحائطـية .. كافتيريـا النشـاط .. كيف شكلتك هذه التجـارب وأينـهـا من تلك المـلامـح ؟ مطـالب بما تيسـر من تلك الجـلالة المقتبسـة من ملحمـة شكسـبير لمدرجات الشـرقي ؟ جامعة الخرطـوم كانت وما زالـت .. وكنا وما زلنـا نحبهـا كما أحبت الأرجنتين "ايفيتا براون" .. كما أحبت أمريكـا "مارلين مونرو" .. وكما أحب العالم الليدي "ديانا سبنسـر" .. ففي قاعـاتها تعلمنا الدنيـا وتفتحت عيوننا على معاني الحياة .. وفي عيونهـا تعلمـنا العشق والسهـر والحمى .. وفي ممراتهـا عرفنـا إيقـاعـات الزمـن المربع والتواريخ المكعـبة .. ومن قبة سمائهـا نفـذنا ببصـرنا إلى الله .. مواسمهـا الثقـافية .. وجـرائدهـا الحائطـية كانت كأسـواق العـرب وشعـرائها الأماجـد والصعـاليق وكعـبة طوافهـا ومعلقـاتها التواريخ .. وكافتيريـا النشـاط وذلك العجـيج العاصف كانت كأيام العرب الأولـي وحروب القـرون .. الثـورة .. الأيديولوجـيا .. القـومية .. الإلـه .. الحـق .. الحقيقـة .. محمد جلال .. معاذ خـيَّال .. حاج ماجـد ، لا يمكن أن تخـرج بريئـاً من هذه السـنين ! دوري الجـامعة كان مسـرحاً آخـر للصـراع وبمثلمـا يكون التنافـس قويـاً داخـل الملعـب هناك أيضـاً تنافسـاً آخـر في المدرجـات .. حتى شكسـبير لم يكن غائبـاً ونحـن نقتبـس من ملاحمه في الأناشـيد والجلالات الكـروية وما تقتضـيه روح التنافـس الراقـي .. تلك الملاحم التى تعلمناها ونحن نسـترق السمـع في شـعبة اللغـة الانجليزيـة ونتسـور مكتباتهـا ونسـرق كلمـاتها وأدبها الانجليزي والأمريكي والأفريقـي وندّعـي وصلاً بـ اليوت وشكسـبير واجيبي وسوينكا An (Education) army awful arrayed Boldly, bedizen, butter (Centrates) (Kabeer) commandos cannonading come Dealing, destruction, desolation, doom جامعـة الخرطـوم هي المرجـع مهما طالت رحال المعرفـة .. وهي المنبع وإن طال بالنهـر المسـير. * تجربة سودانيزاون لاين ؟ هـو الجامعة مرة أخـرى .. نفس الملامح و" فتنة التوب الأنيق" .. واللهفة والشـوق والجـنون .. نفس النهـارات والعصاري والأماسـى .. نفس ممرات الزهـور .. وجداول العـبير .. وكافتيريات الوعـود والشجــن .. نفس القاعـات ومواسم الحصـاد وقناديل المعرفـة .. على الحزن العميق افترقـنا .. وعلى الحب الكبير إلتقـينا ارتبـط اسمـك بصديقـك العزيـز أبوذر المطـر .. جورج بنيوتي .. بلقـيس .. دريمـز .. يا بت يانيل .. تورطـت في دغـل الياسمـين في حـوش بكـري وانسـاب منك الشعـر مدهشـاً .. لا ينتمي هذا السـؤال إلى أي من فصـائل الخـبث ولكـن هـل كنت ستكـون أكـثر تورطـاً في ذلك الدغـل لو أنهـم في جـوارٍ أكثر قـرباً ؟ هم الفـل والياسمـين والقرنفـل وكلمـات الورد المكـتوبة بالـندى .. هم البحـر والغـيوم وعصـافير الجـنة والنهـايات العصـيَّة على المـدى .. هـناك التقـينا .. عـند منصـــة الأشــواق .. ودفـاتر الدهشـــة القديمـــة .. هناك كانت السمـاء حلمـاً قريبــاً .. وكانت الطقــس حبيبــاً وسيمـا .. كانت الشمـس عروس تمشــي بسـيقانهـا الكريسـتالية وترسـل ضفــائرهـا في حـياء .. كان كفـها غضــاً .. متوهجـاً بالحناء .. مخضــباً بالأمل .. مهــيأً للأعـياد .. وذات جفافٍ تركـنا ذلك الوادي .. فارقــنا شجــرة التذكــار .. تركناهـا بين صـيفين ومطــرٍ عاق وريحٍ عــقيم .. ومرة أخـرى .. جـوار الشمـس انتهـينا .. قاب كلمتين أو أدنـى .. مرة أخـرى .. على الصخــرة اليتيمـة قبالة الشـاطيء المقدس .. التقـينا .. عند قـوس الفجـر إذا شـاء .. أو على رمش الأصـيل إن شـئنا .. وتلك الرعشــة الأولـى .. هـذيان الحمـى .. وقفــزة القلــب خارج مواعـين الإنتظــار .. .. هم دومـاً بالجـوار .. على الأثـير .. وفي قـوافي الإعـتبار .. * يظـل الشعـراء يا صلاح موغلين في مواسـم الشعـر وفخـاخ الياسمـين إلى أن تفاجـئهم السـنين .... ألـم تحـن بعـد’ مواسـم الدلكـة عند صـلاح شـتات؟ حـتى من بين خـيام الشِـعر وحقـول الياسمـين حتمـاً سـتفاجـئنا السـنين .. إذ لابد من أوان الدلكـة وإن نأت أشـرعة القرمصيص .. لابد من زغـرودة العمـر وثـوب الزفـاف الملائكـي وإن أصـبح كسـحاب أبريـل الأبيـض الرحَّـال .. لابد من الهـلال الذهـبي والحـريرة البنفسـج وضـريرة الأم الـرؤوم .. حتمـاً سـتفاجـئنا السـنين .. بلقـاءٍ شـبه محـال .. بإمـرأةٍ ضـوء .. بعثٌ وحياة .. كون .. غرسٌ ونبات .. من معطى الخيال .. إمـرأة كالبرتقال .. شبه محال .. رعشة .. لحظة دهشة .. ذات .. جمع وشتات .. من خيط النور الرباني .. من فوق الأفق الإنساني .. عمـرٌ آت .. واؤلئك المتعبون اصدقاؤك؟ بينناوبينهـم صبح مسجى برحيق الرغبة والتواصل .. وخطى باركتها معالم الطريق والقمر .. بيننا العمر يزدهر .. يزهو موكب الأيام .. يقوى معنى الوجود يكــبر .. بيننا النيل والتراب والنخيل .. الأرض والانسان .. بيننا الـبر والنهـر .. وذلك المركـب الورقي الذى أرسلناه الى الجـزيرة .. وحفنة التراب التي وضعناها عليه لمقام الأميرة .. وذلك التذكار الذي كتبناه في كف البحــيرة .. ذلك العصفــور .. وتلك الحمامــة .. وذاك البحـر .. * والحبيبة .. ؟ في تقاطع أشعة العيون .. عند تعامد شمس الرؤية في خط الروح الاستوائي .. في جنوب الشجـون .. عندما ترتاح الشمس في القطب الشمالي .. في مقرن النيلين .. نتكئ على خط الطول العابر لمدينة الخرطوم .. عند مطلع الفجر .. بعد قراءة الفاتحة وسورة يس .. في بريق الضحي .. وقبل زوال اليقين .. عندما تختفي الشمس في برج الحنين .. في هدأة الليل .. وعندما نغفو في سكون .. * ذاكرتنا من اشعار السودانيين تكفي لاكثر من عمرٍ ..نحن بلا منازع امة تؤلف بليغ احاسيسها من ثنايا لغة قاصرة .. قصيدة بالغت في مكوثها بذاكره صلاح ؟ من القصائد العظيمـة قصيدة باللهجة العامية في رثاء الراحـل اسماعـيل حسـن كتبها الدكتور محمد بادي يقـول في أحـد مقاطعــها : رحيلك .. رحيل كل الغيوم الهامعة متواترات رحيل كل السـهول العـامرة بالخيرات رحيل الطينة من طرف الجـذر يومات رحيل الخضـرة من قدام منجـل الهدام جفاف وممات رحيل البادية فوق برقـاً ورا نجيمـات رحيلك ما رحـيل إنسـان .. رحـيل أجـيال رحيل بلداً تمـام وكمـال .. يا العرجـت في نخل السواقي الشـال واتمددت فوق النيل من الشلال وللشـلال يا الهاجرت فوق ريش الرهـو رحّـال تظـل مرسوم على باب الليالـي سؤال بعد عشعشت في خاطر الغبش مـوّال بعد عرقك ضرب في التراب محل ما شال واتمددت غادي وجاي يمين وشمـال بعد الحال منو اليقـدر يجيب غربـال يغربل روحـك المبثوثة في الأجـيال في نفس الدغـش مبثوثة .. في الشـتلة ونداها السـال * بيت شعـر خالد .. ؟ أحبهـا والشـيب شـاملُ فرعَهـا .. كعهـدي به إذ كان وهو بهـيم كتبه الراحـل البروفسير عبد الله الطيب وفاءاً لزوجـته الأنجليزية بعد أن بلغـت من العمر عـتـيّـا .. القصيدة العامية .. الشعـر الكلاسيكي .. القصيدة الحديثة ؟ الشعـر تعبير عن إنفعـال أو وصـف لحـال .. واللغـة أداة الوصـل والتعبير .. والقصـيدة العامية أو القـديمة أو الحديثة هي إنفعـال وتعبير ذات زمانٍ وذات مكـانٍ وذات إنسـان .. وما بين العامية والحديثة هو ما بين اللغة في عامتهـا وخاصتها .. بين بسـاطتها وتعقـيدها .. بين حسـها وتجـريدهـا .. كما أن ما بين القصـيدة القديمة والحديثة هو ما بين اللغـة والعمـر والتكوين ومراحـل التطـور كأي كائن حي .. ويبقـى السـر في شـباب العـبارة .. في جمـال مفاتنهـا .. وفي قـدرتها على إختراق جدران الزمـان .. الوحش والحسـناء .. الشرير والبرتقـالة .. الـورد والشــوك .. ؟ هـي جدلـية الإمكـان والمسـتحيل .. والصـراع بين "نعـم" والقائلـين "لا" .. بين الوجـود وتمـزيق العـدم . فعندمـا يكـون الوحش هو حضـن الحسـناء الآمن .. والشـرير هو حصـن البرتقـالة .. والشـوك هو درع الـوردة .. فذلك إخـتلال في جـوهر الإنتمـاء أو جهـل بقـيم الأشـياء .. أو تجـاذب النوافـر في اسـتاتيكـا العواطـف المسـتحيلة .. أو ربمـا هو الشـر يجرجـر أذيالـه أمام طلائع المـدن الفاضلة .. وأين أنت .. ؟ أنا في درج الانتظار .. بين عمق المدى .. وزرقة الأنهار وعلى شفـا هـاوية من سكون .. أتوشـح اللحظةَ العطشى .. أمسـح الآفاق .. أرنـو لهمس الريح .. أعانق المـدار .. وأرتقـب قوارب الخيال .. لعـلي أتوه .. * وآخـر قصـيدة .. ؟ يقـول مطلعـها : مطـر الروح دمعـة شوقــك رشَّـة تبلل صبحـك .. لهفـة بتحضن ريدك .. وردة وطـل خطـوات الناس ايقـاعات ذاتك .. همسـك .. صوتك .. عبق النسـمة وعطـر الصندل .. البت الزهـرة .. رحـيق الشـارع فرع الريـدة المـيَّل .. فرح الناس الماشـة السـوق .. أولاد الروضـة .. دروب الحـلة .. وجع الناس الطـالع ونازل .. * كلمة أخـيرة ؟ دمـتم وعلى مـرافيء الـود نلتقـي .. من كل السنين وردة أسرة التحرير .. الهـــروب إلى جســد مـا .. سيظــل آدم فـينا يبحـث عن حـوائه .. وحـواء تبحـث عن آدمهــا .. ولـن يخـلو العـذابي إلـى نفسـه أبـداً .. ألــف مــبروك ولـيد 399 المـذكور ستفاجئه الـدلكه قـــريباً .. نتمنى له مسـاجاً دافــئاً فالرجـل ودود ويسـتاهل الخير كله .. *************************************** ناطور السنين في هـذه الزاوية الضـيقة أغــرز ناطوري .. سـيكون لي قــدوم قـبل مجــيء الإقطــاعيين .. وليد طه *************************************************************************** وجه الشمس قليلــون هـم الـذين يجملـــون الشمـس في دواخلــهم .. يشــع وجههـــا من نور أعينهـــم .. تمــبس *************************************************************************** مقامات السنين وقفــت هـنا حافــياً .. محمد الشـيخ ******************************************************************************** شوق السنين شوق آل ضحوي العرس يا دا زينه سسسسساي ... الا دحين لازم تقع ليك في وحده هديه و رضيه كل ما تبتسم ليها تضحك ليك.. تفتو ليك و تفتو ليها يعني اي شي بيناتكم يبقي زي القبر و افعالو .. يعني ما تكون النوع البكوس بي الحله و تشيل حسك .. الليله ابوحراز ما جاب لحمه ما فعل و ترك الليله قال لي كدي يعني الواطه كلها تعرف البزنس حقك.. اها دا البقصر العمر.. آآآآآها.. معناة الكلام دا و ذي ما قالة حبوبتي زوزو انو الراجل زي الماعون المكشوف و داير غته و البنات غتيات دايره مواعين... و كل ماعون عندو مقاس مختلف فا الماعون لازم يلقه ليو غته طق طرق مقاسو لا اصغر ولا اكبر ... يعني زول غير الماعون و الغته يكونو عارفين الفي النص شنو مافي.. اذا كان لحمه, طحنيه,كسره بي مويه المهم انو انتو الاتنين بس العارفين اما بقيت الناس بما فيهم ام الماعون و ام الغته يكونو شايفين انو الماعون و الغته ديل سمن علي عسل ... عرفته كيف ********************************************************************************** مجمـوعة الســنين - رسـائل العنقالـة دكـــين ود العبادي ايها العزيز.. ليس الامر كما ذكرت وليته كان كذلك ولكن ذروة سنام الحنان هي الحنة ..ان عزلتك زوجتك عن حنتها فقد مرقتك من نفسها واصبحت خارجا عن حدود حنانها ... ..ما تقعد تقول لي دي مسالة ما قادر احقق فيها وانو انتا لاتدري هل اعتزالها الحنة بوادر تمرد لي حاجات تانية ام أنها مسالة لاترقى لطرحها ككارثة.. شوف يا صحبي :الحنة ثابت لا تفاوض فيه سرك ذاتو ..لاتقبل عليه مزايدة او حوار .. ان تتحنن لك زوجتك فذلك يعني أن لك وطنٌ وآمال... وال(ح) في كلمة حنة حرف حنانٍ جليل لا يستطيع كل الناس إدراكه واجدادك صعاليك العبابدة كانو يفاخرون بنطقه ويضفونه على معاني الألم والجمال على السواء (حسن، حباب ،جرح ) وعلى عبارات الاسى والصعلكة (احييينا ، حليلو ) وقد ُحرم الإنجليز من نطق ال(ح) فما عرفت نسائهم الحنة فسموا بالشعب البارد... شفتا ليك خواجية بتتحنن هسع ؟؟ رحاب ليه تابى الحنة..عندها جواز انجليزي؟؟ الحنة دي ياخوي تاريخ ومدونات .. الحنة دي ُضربت اليها اكباد الابل وقوافل التجارة قبل خمسة الف سنة او يزيد.. تحركت لها ابلٌ وقوارب من اقاصي غرب المتوسط إلى أطراف الهند وشواطي عيذاب من اجل الحنة .. سُُفنٌ ضخمة ذات صوارٍ ُطليت بدهنِ حيتان ِصيدت من بحارِ الشمال.. رجالٌ بسحناتٍ برونزية وقامات مديدة ودعوا زوجاتهم على شواطى مراكش ومواني جنوب اسبانيا.. قباطنة قليلي الكلام بعيونٍ زرقاء خرجوا من جزرٍ فرنسيةٍ مجهولة .. قراصنة اشتهروا في شمال غرب المتوسط .. تجارٌ من الدولة الفاطمية والعهد المملوكي .. مغامرين ومعتادي اجرام ماتوا على مجاديف صنعت من اخشاب الصنوبر من اجل أن تبلغ السفن شواطي الهند والحبشة .. كل هؤلاء استماتوا من اجل حفنة من حناء ..اممٌ ومشاهير.. خرج هؤلاء من اجل أن ُتزين النساء كفوفهن والأرجل ....خرجوا لأنهم عرفوا اثر حنان الحناء البليغ في نفوس الرجال... تجي رحاب بت امبارح والحنة مردمة بالكوم في دكان الماحي - عشرة متر- من خشم بيتكم وتقول ليك ده ضياع زمن وجلبطة وقشور ساكت .. رحاب عثمان بت خشم القربة ..خشم القربة التى بالكاد يتوقف عندها سائقي الهوستن والبصات السفرية تجي تجدف لينا في تاريخ القوافل والقرصنة وتجارة مواني الشرق القديم.. تاريخ طويل من نضال بحارة ..وعطش قوافل وعواصف المتوسط وليل المغامرين في المحيط الهندي تقول انو عبارة عن مضيعة زمن وجلبطة وقشور ساكت .. الغلطة ما غلطة رحاب .. دايما انتا كنتا بتديها فرصة انها تتكلم فيما يجب التحدث فيه وفيما لا يجب.. ما علمتها أن تفرق بين ما يجب أن تقوله امام زوجها وبين ما يجب أن تقوله امام صويحباتها في ونسات القطيعة .. إن رأي زوجتك في اشواقِك إلى رائحة الحنة في عمومِ قدميها هو ما تستطيعُ زوجتك أن ُتناقشة قدام العواليق فقط .. موش قدامك انتا .. ودي حاجات إن حصلت ليك تاني اطلع مُـسرح والبس قميصك الهزاز اب رسومات واقعد راقب مؤخرات السابلات قدام باب بيتكم في الحارة السابعة...واقصد بعدها اقرب ماخور... ولاتكاتب بها احدا.. عزيزي : إن الرجل ببساطة عندما يُحرم من حنان زوجته يصبح مجرداً من وسائل السلامة والنجاة وذاك درب قد يؤدي به إلى الكفر البواح وال(ح) في بواح ترمز إلي فداحة ما آل إليه ... لقد مات من أهل الحنان في السودان خلق كثير دون أن يسمع بهم أحد ، ماتوا وهم على حواف الحنان العظيم.. فاطنة خيري ماتت وهي تتلمس اطراف بنانها التي غدت سوداء بفعل عمليات الحنة المتعاقبة ... سألت انيسة أمها الحاجة فاطنة خيري : بتحننو ليه يمة؟؟ فاطنة خيري وهي سيدة حنينه يتّلم الناس عليها وينعصروا عليها ،ويعصروا الفراش إن جاهم حزن ... ود أخوها بجيها من نواحي عطبرة يسلم عليها ، يخلي شغلتو ويجيها ..وحين تسالة عن سبب جياته ..يجيب : (والله مَحَنَّة ساكت) . قالت لي بتها ردا على سؤال الحنة المشار اليه اعلاه وفي بالها تحركات ضحوي البقى يجي محنة ساكت : عشان الرجال ما يمشوا الخرابات ..انهضي قومي شطفي الوليدات ديل.. شوف ياخوي ما تقعد تقول لي حُبها الكبير وايام كافتريا الصخور ونجيلة الميدان الشرقي .. وجود الحاء المضمومة مع حرف الباء ليس إلا بدعة فالأصل في المشاعر الحنان ومن بلغ الحنان، بلغ ضمناً ما فوق الصبر والعشق والإيمان .. وحين جلسنا صيفئذ بقهوة ابو ضلوع في صحراء بيوضة اعتلاني الشجن فشعرتُ بالحنين فتنبهت انيسة إلى ذلك.. فالحنان جلي ..قالت جدك مات وحيداً في هذه الجهات قبل اعوامٍ غميسة قاصدا امدرمان فما وصلها .....وبعد شهور من خروجه وجده أبناءه ميتا في هذه النواحي ممسكا بفرع يابس من حسكنيتة .. اغلب الظن انه مات صابرا خالطا بين ملامح حسكنيت بيوضة والجهنميات في اطراف شمبات .. وبنوبيةٍ بليغة قات لي حبوبة حين عبرنا النيل وبلغنا مقامنا:الحنان دليل الرشد عن آل ضحوي ..اجدادك عاشوا فقراء لا يملكون شيئاً، ما جالدوا الملوك ولا أبناء الملوك على سلطانهم بل تقاسموا المحنة، كانوا ينامون بلا بطاطين لأن الحنان دفء.. كانوا يتزوجون قبل أو بعد البلوغ بعامٍ أو عامين لان المراة دفءٌ وحنان...كانوا يركبون الدواب ويمشون في الأسواق ويقتلون الشراميط في الطرقات لان الدعارة تجارة بالحنان .. لشد ما كانو يخافون يوما تتحنن فيه الداعرات.. اجدادك ولدو في هذه الجروف وماتوا في تلك الهجيرة .. يا صديقي ..تتحنن المراة وتضع الحناءَ متاهبة بذلك لحنان كبير .. والمتزوجات في حلتنا كانوا يتبادلون المجموع .. أن شئت الدقة فهم كانوا يتبادلون الحنان ضمن ما يسمي بالمجموع.. المجموع حين ياتي مع الحنة وتجي المرة مارقة عليك مجموع في مجموع كدي ..فذلك يعتبر تسعة أعشار المرة لو بتصدق .. إن تركت رحاب تسعة اعشارها .. ماالذي ابقته لك؟؟ نسوان حلتنا كم كانوا حنينات ..ما رايتهن قط دون حنة ... لذلك ظلت حلتنا تفيض حنية وولف ..وظل الرجال سعداء بالرغم من تراكم الديون .. تجاوز دين احدهم السقف الائتماني فاخبرته زوجته ذات فجرٍ باردٍ بأنه قد يحتاج إلى 11 عام لتسديدِ ما عليه لسيد الدكان جراء جرورة المحلبيات والمجموع ..قبلها زوجها عند مفرق شعرها المخضوب بالحناء ونهض لوضوء ِ الفجرِ غير هياب.. ختاما يا عزيزي لو راجيني اضرب ليك تلفون عشان النصيحة فيما ذكرته عن مشكلتك مع رحاب فذاك ُبعدك ... خالتك انيسة نفسها انا طولتا منها واكتفي بما نتقله (تنهاس) العزيزة عنها عبر رسائل الأم إس أن .. وشوف يا غالي يا ود الغالية بي اختصار كده وبلا تنميق وانتا زول كنت بتكره السوليفان والتغليف والبهارج : لو رحاب ابت الحنة : طلقها .. طلقها واسترح لانك لن تخلو إلى نفسك مع امراة خالية من الحناء...خالية من المنطق ..خالية من تاريخ قوافل الحنين.. زولة خلا ساي .. رجعها لي اهلها بما تيسر ياخي ... وكما كنت من أي حاجة وارجع عنقالي.. حمودي لو عاش معاك او مع نسابتك او في الشارع ما بتفرق .. لن يحتاج لى رعاية باي حال .. شافع من ام عندها رأي في الحنة ما حيمرق إلا ُمحارب او قاطع طريق ... والله إلا تدخلو الكلية الحربية بعدين .. ما تحاول تعمل لي فيها ليبرالي ومستنير وبتاع حوارات .. وما تقدني ولي قدام حاول امرقني من طرطشة زوجتك دي ياخي ..دي شنو حركات الارامل البتسوي فيها رحاب دي ؟؟ انا ما بهظر ولا قرفان منك ولا قرفان منها.. انا اتعفن هنا وافقد الوزن والاحترام عند كل صباح .. قد حاصرتني الغربة والزيف وفارغ القول والجرايد الحائطية والأسئلة التي لا تنفك تسالها شوق ثم وجهها المنحوت من خيال جميل .. الناس ترفس النعم حين ينشغلون عنها بالسوق والفحشاء وكراع رحاب البلا حنة ومكاوشة الاشياء التي تقبل المكاوشة على اربعة .. اخوك دوما دكين ضحوي ***************************************************************** شــــــــــعر السـنين اسمك اللحن في فمي .. حبك النغم في دمي .. يا عذابي وملهمي .. غرقت فيك أنجمي.. كم تمنيت رؤيتك ... يحرس الله غربتك.. ثــــم لا تنسى إننا عشاق الفيتوري مدينتي (يوسـف حمدالنيل (أبووجيدة) أنا الشايلك على مد البصـر عنوان وراسمك لوحة للتاريخ وللإنسان محال أنساك .. بتسكني إنت في الوجدان أناشدك يا فرح عمري عليك عشق التراب بينا تنادي علي .. وأنا الطال انتظاري عليك لوِّحي .. لمّحي .. أهمسي وأضربي في البراحات صي ونادي علي .. أجيك حالاً أسيب كل الديار بعدك وانا الداخرك بشارة وفال وأنا الولد عليك واقف عشان ألقاك فرح حاضر تأججي في المواني الضي أزفك لي مدائن الزيف وأنادي عليك ... تجيك كل المدن جارية وتشهد روعة التكوين مدينتي عظيمة يا تاريخ مدينتي أصيلة يا إنسان وأنا الشايلك على مد البصر عنوان محال أنساك .... ************************************************************************** غــاليرى الســـنين عبد العزيز قيسـان إبداع من داخـل قـيد الإستضعـاف .. إن وجـودي هنا لا يشـكل إلا فجيعـة لي وخســارة خاصة بعزيزتي شــوق .. بينمـا وجـود قيســان هـنا يشـكل خسـارة للتشـكيل السـوداني وفجيعـة عـامـة .. دكــين (نهـاية العـدد)

11-30-2004, 00:02 AM

Sidig Rahama Elnour

Sidig Rahama Elnour
تاريخ التسجيل: 09-01-2004
مجموع المشاركات: 3420

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
يا لهذه المدينة التي تحجب في جدرانها هذا الترف الأبداعي يالهذا الشباب المتناثر في صحراء الكلمة يبحث عن فرحة الإلتقاء يا لهذا النسق العفوي المنتظم في بساطة الهزل وسلالة الانتاج لو كنت وزيراً للثقافة لأخترتكم عاصمة للثقافة تحياتي لك لدكين وتمبس وكل الشباب فرد فرد

11-30-2004, 11:17 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: Sidig Rahama Elnour)
يا لسعادة تلك المدينة حين تكون أنت فيها .. يا رفيق الحلم والتضاعيف النائية .. يا لفرحتنا بك .. نبلغك تحية المدينة التي نأت خطاك عنها .. وإنزوت حزينة .. دعنا نراك في حلمٍ قريب .. يا صديقي .. سوف ننتظرك .. تحية المساء العزيز صديق رحمة ..

11-30-2004, 00:12 AM

waleedi399

waleedi399
تاريخ التسجيل: 08-20-2003
مجموع المشاركات: 2767

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
فاجأنا دكـــــين جميعاً يا معــتصم دفع الله ... كانت هذه مجرد فكرة من افكار دكين الجهنمية ... وكنت اظنه يمزح ويسخر كعادته فأذا به يفاجأ الجميع بهذه الجريدة الحائطية ...ليذكرنا بايام المدرسة والدراسة وتلك المحاولات التي كانت لكسر حاجز رتابة الدراسة ويعلن دكين على الجميع انا دار معتصم دفع الله هي دار منتدى بورداب الرياض ... ليس هذا فحسب، فقد عرفت منه أن لديه بعض الرؤى المستقبلية في تغيير وجه الدار لتتسع الجميع وليس معتصم دفع الله وحده... بهذه المناسبة اقمنا ليلة او سهرة رمضانية ... لم يكن مخطط لها ولم تكن في الحسبان ليلة حافلة وساهرة حتى وجه الصباح احتفاءاً بالدار الجديدة .. وعبارة عن وداع لسفر معتصم دفع الله الذي كان يتوجه لآداء العمرة... ضمت دكين معتصم، تمبس، صلاح شتات، وليد طه، وشخصي وغالباً ما تكون لقأتنا بمحض الصدفة على مرأفي لقيا معتصم... وهناك الكثير المثير الخفي ستأتيكم به جهينة في القريب العاجل ... ونحن نواصل في اصدار هذه الجريدة "فاجأتك السنين".. عموماً ستكون لها شأن واي شأن... أخيراً وليس اخراً لأن المسيرة ستتواصل الى الامام ،،، شكراً معتصم دفع الله على البوست الجميل رغم انك قد سبقتني به وكنت اتيح الفرصة لك أو لدكين وشكراً دكين على الاهــداء الرائع الذي اهديته لي "أهـــداء السنين" وعقبالك يا زعيم... وشكراً لجميع الاخوان المشاركين ... هذه ضربة البداية ... وغــداً نعود كما نود ونواصل ،،، لانو عارف يا دكين انو لسه منتظرني بمادة المشاركة في الجريدة وانا على وعدي بس الظروف ما مؤاتية جاييك ....وأديكم الف عافية,, (عدل بواسطة waleedi399 on 11-30-2004, 00:21 AM)

12-01-2004, 11:22 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: waleedi399)
وليد العريس تعرف كنا محضرين ليك مفاجأة حلوة .. وعشان ما نبوظها حا نخليها لمن تجي .. أوع تفكر كتييييييييييير ..

11-30-2004, 00:20 AM

خضر حسين خليل

خضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
ابداع ياشباب وكل (سقط) وانتو بالف خير لنا تجربة مشابهة غير انه ليس بهذا الشكل الجميل والانيق (فكتابة الليل يمحوهو النهار) وهل لنا غير التماسك يامعتصم الكتابة الم يمشي يتمدد ليصير هكذا لاناس هكذا في بلاد ليست هكذا (السعودية بنين) امقتها جدا هذه الايام ... فلنجعل غرفنا مسارحا ولنجعل حزننا ممشي لاناشيدنا وغناؤنا جميل تجربتكم سنحاول ان نحزو حزوكم ونشوف تحياتي جدا لعبد العزيز ود عبد الماجد يامعتصم وقول ليهو سنه حلوه ياجميل

11-30-2004, 00:44 AM

tmbis

tmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: خضر حسين خليل)
اصدقائي ... ( جاكيتاتي لهذا الموسم ).. زحــمة السنين ... مافي افتراضي فيكم يخلق فوضي محل الشمس بتاعتي .. فشمسي لم تشرق بعد .. بجي بجوطه ليكم

11-30-2004, 00:52 AM

اساسي

اساسي
تاريخ التسجيل: 07-20-2002
مجموع المشاركات: 16468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: tmbis)

Quote:
مافي افتراضي فيكم يخلق فوضي محل الشمس بتاعتي .. فشمسي لم تشرق بعد ..
بجي بجوطه ليكم

حليلك يا العقاب الهَِرم

شمسك الحاجباها غيمة من الدخان عمرها ما حتشرق

يا الواطتك اصبحت زمان

12-01-2004, 12:23 PM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: اساسي)
يا أساسي تمبس دا شديد على نفسه .. تحياتي وودي ..

12-03-2004, 08:26 AM

tmbis

tmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: اساسي)

Quote: حليلك يا العقاب الهَِرم

شمسك الحاجباها غيمة من الدخان عمرها ما حتشرق

يا الواطتك اصبحت زمان

حليلك انت ده ..
يا الواطاتك صبحت وما جايب ليها خبر ..
تعرف يامرض ..
انا لسه بي شمسي ومنتظراني .. شمش بتشرق في اليوم تلاتة مرات .. زي الدواء..او قول ( منقة السنين ) قرمصيصه يسمعن بيهو صاحباته وبنات الجيران واخوها الكبير برضو عارف
**عندك شمش في رمضان الفات قاعده ترسل ليك ( قنقليز ) بدره مع الناس البزورو بيت الله والا كنت بتجازفو من ( الكرنتينه)
يحليلك يا مشلهت ..
..
انا لسه عندي كم ميغابايت في باندودث جريدة السنين .. مفكر استقلك فيها بصورة مممكن تنفع الناس مرة واحده في حياتك تعمل حاجه كويسه
لكن ..
قاعد أفتش في سلك ( كلتش ) بتاع موتر سوزوكي 125 اربطك الطيارة قامت في اقصي الركن الشمالي من المفاجأة واكتب عليك .. ( حكمة السنين )
وبين ( قوسين ) .. ما ضرني إلا من عرفت وبين ( قوسين ) تاني زي النوعية دي
وأعمل من تحتك خطين Bold

12-01-2004, 11:44 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: tmbis)
تامبا بالله عليك براحة علينا .. في ناس ما بتستحمل الجوطة بتاعتك دي .. إنت عارفهم براك .. أوعه من العويق ..

12-02-2004, 09:10 AM

تولوس

تولوس
تاريخ التسجيل: 06-06-2004
مجموع المشاركات: 4132

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)

Quote: جريدة حائطية إلي الذين لم تفاجئهم الدلكة بعــــد ..

معتصم دفع الله
واحبابي الزين احن اليهم دوما حتي يستبين الامر
اشتاق اليكم فردا فردا واهديكم السلام جميعا
حقيقة لم اندهش لهذا الابداع الاصيل
وطبعاوالشئ الاكيد ان الابداع صفة ملازمة لدكين وشتات وتمبس ولكم ولكل الافاضل الرائعين ولكن احسب ان في الامر المزيد

12-03-2004, 10:55 PM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: تولوس)
إبن كسلا الجميل تولوس هكذا أنت تأتينا من تلك المدينة الساحرة .. تنثر العبير من حولنا .. تحيطنا بحروفك الجميلة وكلماتك الرائعة .. بك نتزود وبها نناجي كل جميل .. متى ستاتينا .. وكيف ننتظرك .. نشتاقك صديقي ..

12-01-2004, 11:32 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: خضر حسين خليل)

Quote: فلنجعل غرفنا مسارحا ولنجعل حزننا
ممشي لاناشيدنا وغناؤنا

العزيز خضر
كيفك وكيف أيامك ..
أظنها لا تخفى عليك تلك الأيام ..
نتمنى أن نحيل موحشها إلى نور وليالي سمر ..
ما أسعدنا بصحبتكم ..
ووجودكم معنا هنا ..

سوف نلتقي يا صديقي ..

11-30-2004, 00:48 AM

waleedi399

waleedi399
تاريخ التسجيل: 08-20-2003
مجموع المشاركات: 2767

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)

Quote: من كل السنين وردة
أسرة التحرير ..
الهـــروب إلى جســد مـا ..
سيظــل آدم فـينا يبحـث عن حـوائه .. وحـواء تبحـث عن آدمهــا .. ولـن يخـلو العـذابي إلـى نفسـه أبـداً ..
ألــف مــبروك ولـيد 399
المـذكور ستفاجئه الـدلكه قـــريباً .. فالرجـل ودود ويسـتاهل الخير كله ..

عقـــــبالك دكـــــين ،،، عقـــــبالك معتصـــم ،،،، وعقــــبال الجميع

11-30-2004, 01:00 AM

ابو جهينة

ابو جهينة
تاريخ التسجيل: 05-20-2003
مجموع المشاركات: 22761

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
معتصم تحياتي التحية لأسرة التحرير بكامل هيئتها .. أرجو قبول موضوعي في إصداركم الحائطي ( فاجأتك السنون ) : فاجأتني سنوات الغربة العجفاء بأنها تعيد لك وجوها قد صادرها زحام الأيام هنا في المنفى الإختياري .. و من بين الوجوه .. تتفاجأ بوجه ينفذ إلى أعماقك .. لتصحو فيك ( دندنات الحزن القديم ) .. لتشتد الدندنة فتصبح ولولة .. و نحيبا و لطما على الخدين ( أسفا و ندما ) .. و لات حين ندم .. إنها وجوه تعبرها في الوطن من أجل الغربة .. فتأتي في الغربة .. فتطحنك طواحين الحياة .. و عندما تطل .. ينقر نافذتك عصفور مبلل مهيض الجناح مكسور المنقار منزوع المخالب منتوف الريش لا يقدر على التغريد .. وجع من أوجاع مفاصل الغربة .. مع الود

12-02-2004, 01:39 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: ابو جهينة)
أستاذنا أبوجهينة لقد أفردنا لك مساحة كبيرة في دواخلنا.. وأنت رقم في خارطة حياتناصعب تجاوزه .. ننتظر إبداعك وحروفك الجميلة .. لتمنحنا عافية المطر .. ومزيد من التواصل .. لك حبي وتقديري ..

11-30-2004, 01:15 AM

ودقاسم

ودقاسم
تاريخ التسجيل: 07-07-2003
مجموع المشاركات: 11146

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
انتظرت هذا المولود ، وأخيرا أطل علينا ،، دكين معتصم تمبس شتات محمد الشيخ يوسف حمد النيل وليد طه وليد 399 أحبكم جميعا ،،

12-02-2004, 01:56 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: ودقاسم)
ونحن كما يا خال .. بنحـــــــــبك ..

11-30-2004, 05:17 AM

معتز تروتسكى

معتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
معتصم دفع الله ومن معه اعلم ان الكثير اتى يا ابن المدينه واعلم انك تقول:-علي هذه الصخره ابني كنيستي و ابواب الجحيم لن تقوى عليه00 اذا سناتى الى السرد00 واخلع ان حواسى واقف امامك مشدوه00 احتاجك بكثافه يامعتصم000 اين انت يا ابن المدينه000

11-30-2004, 05:37 AM

إسماعيل وراق

إسماعيل وراق
تاريخ التسجيل: 05-04-2003
مجموع المشاركات: 9391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتز تروتسكى)

Quote: فاجأتك الســـــــنين ..

حد الإندهاش والمتعة (العذاب) في بلاد إلتحفت السراب وتدثرت بالصقيع

12-02-2004, 12:23 PM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: إسماعيل وراق)
أبومحمد حمد لله على السلامة .. ياخي إنت يمسكوك كيف ؟ منتظرنك في المنتدي .. طبعاً ما حا تعرف الدار الجديدة .. إلى تقوم تجيني العمل .. أو تتصل بصديق .. أوع العصابة ديل يضللوك ..

12-02-2004, 12:00 PM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتز تروتسكى)
كيف للمدنية أن تستعيد وعيها .. وعافيتها .. وأنت بعيد عنها .. كيف لنا أن نعيش في هذا الصقيع وحدنا ؟ .. نحتاجك يا صاحبي .. فأنتم دفء الحياة وروحها.. سوف ننتظرك .. صديقي معتز .. لك كل الود .. كل التقدير .. والســــلام ..

12-01-2004, 01:29 AM

Tabaldina

Tabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
.. . أعــزائى دوماً.. فأجأتك الســنين ونحن فى متاهات وطن الضياع .. قلوبنا معكم .. مجرد عابر طريق .. وكل الحب ،،،،

12-01-2004, 06:19 AM

waleedi399

waleedi399
تاريخ التسجيل: 08-20-2003
مجموع المشاركات: 2767

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: Tabaldina)
تبلــدينا... تحية شوق ابعثها لك عبر اثير المدى ... يبدو انك لا زلت تحت تأثير مفاجأت السنين أين انت يا رجل، من يومها ولم نسمع عـنك شئياً... عسى الداعي خيرا أسأل الله لك دوام الصحة والعافية ... عاوزين نشوفك يا جميل و.. فاجأتك السـنين ... وليد (عدل بواسطة waleedi399 on 12-01-2004, 06:22 AM)

12-01-2004, 11:48 AM

Rawia

Rawia
تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: waleedi399)
معتصم الاعلانات المبوبه كيف عندي اعلان عاوزه انزله اعلان السنين دكوني ............لقيت مكالمتك يخليك لي انت البتتبني وتسأل مني وبتعرف مكاني (عدل بواسطة Rawia on 12-01-2004, 12:29 PM)

12-03-2004, 02:02 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: Rawia)
العزيزة راوية سلام شديييييييييييييييييد .. مسموح جميع الإعلانات إلا التجارية ..

12-03-2004, 01:46 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: Tabaldina)
صديقي تبلدينا فاجأتنا بعبورك هنا .. مشتاقووون كتييييير ..

12-01-2004, 11:51 AM

Raja

Raja
تاريخ التسجيل: 05-19-2002
مجموع المشاركات: 16054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
العزيز معتصم وبقية أعضاء فاجأتكم السنين.. سلام وتحية.. هسع طبعا الناس البرة ديل حيقولو البت دي دخلت البوست ده لييه..؟ لووووووول.. دخلتا لحاجتين.. الأولى اقول لي دكين.. وينك يا راجل..؟ وما تنساني من المجموعة.. يعني ما تبقى بس للرجال.. تانيا يا معتصم ما قدرتا ادخل بوست الغنية بتاعتك.. لأنه الجهاز "بيحرن" مرة واحدة.. قرًبتا اكتب ليك بوست اقول ليك فيهو كده.. تحياتي لصديقي محمد الشيخ.. ولشتات.. ووليد طه.. وشايفة تبلدينا ظهر.. ولكل الشباب..

12-03-2004, 02:13 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: Raja)

الغالية رجـــاء
مشتاقوووووووووووووون ..

إنتي نسيتي إنك من بورداب الرياض ..
وبعدين دا جزء من أعمالهم ..
يعني مشاركتك واجبة ..

تحياتك وصلت لجميع للشباب ..

Quote: تانيا يا معتصم ما قدرتا ادخل بوست الغنية بتاعتك.. لأنه الجهاز "بيحرن" مرة واحدة.. قرًبتا اكتب ليك بوست اقول ليك فيهو كده..

أهم حاجة إنو الأغنية عجبتك ..

خالص مودتي وتقديري

12-02-2004, 06:55 AM

Nada Amin

تاريخ التسجيل: 05-17-2003
مجموع المشاركات: 1626

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
يا معتصم هذا فعلا مميز خلوني أخلص قرايه، أصلو البوست طويل و ممتع و بالتأكيد راجعه سلامي الى صلاح و تمبس و دكين

12-03-2004, 10:06 PM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: Nada Amin)
العزيزة ندى سلاااااام كتار .. ننتظر عودتك .. أكيد حا تكون أكثر من رائعة .. سلامك وصل ..

12-02-2004, 07:29 AM

بلدى يا حبوب

بلدى يا حبوب
تاريخ التسجيل: 05-29-2003
مجموع المشاركات: 9867

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
معتصم جميل ان نشاهد هذا الابداع بين ظهرينا تحياتى

12-02-2004, 08:11 AM

المسافر

المسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: بلدى يا حبوب)
مفاجأة ضلا شرد فرك الهجيرة تضرضر تمسح عيشو وراه حبل الحزيمة يجرجر من غير زولا زمان في بابنا كان بنقر همد العشم لا مات ولا بيفرفر وراك يا دكين والزمن طويل

12-03-2004, 02:59 AM

المسافر

المسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: المسافر)
ضلاً شرد خلا النوير في هجيرة خلت البنابر وقاعدة مابية الضيرة من غير زولا زمان ساكن قصاد الديرة باقيلنا العشم والدنيا باقية بخيرة وراك يا دكين والزمن طويل

12-03-2004, 03:29 AM

المسافر

المسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: المسافر)
ضلاً شرد والجبنة فوق تكايا شربنا البكري وما قدرنا على تنايا زولا زمان حكايته معانا حكاية شال العشم خلى العيون بكاية وراك يا دكين والزمن طويل

12-03-2004, 10:33 PM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: المسافر)
الحبيب المسافر تحياتي وسلامي .. والله يا المسافر أخوي دكين دا زي الموية .. لا بتمســك ولا حاجــة .. تقديري وإحترامي ..

12-03-2004, 10:22 PM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: بلدى يا حبوب)
الحبيب بلدي يا حبوب وجميل أن نراك هنا.. خالص تحياتي وودي

12-03-2004, 08:35 AM

ghariba

ghariba
تاريخ التسجيل: 03-09-2002
مجموع المشاركات: 13231

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
الاخ معتصم اكيد اكيد حاشاركك ولي الكثير من المواضيع لك وبصراحة تجربة رائدة جدا

12-04-2004, 07:33 AM

waleedi399

waleedi399
تاريخ التسجيل: 08-20-2003
مجموع المشاركات: 2767

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: ghariba)
الاخ/ صلاح غريبة و الناس الجوه والبره ... ســلام "مساحات السنين" مجال مفتوح لك ولكل الاخوة البورداب للمشاركة وابداء الرأي والمشورة، واي زول في رأسو حاجة يجي ويفرغها هنا... شعر ادب تراث ثقافة انشاء الله ... ولا نقول بلا مشاكل نحن في انتظارك وانتظار مساهماتك الغرس لا زال في مرحلة الرعاية والتجربة انتم دعائمها يا بورداب الرياض ... وهناك مفاجأت أخرى يا جماعة سنعرض لها في حينها فهلموا الينا حتى لا تعضوا اصابع الندم حينها...اديكم الف عافية (عدل بواسطة waleedi399 on 12-04-2004, 07:37 AM)

12-04-2004, 10:22 AM

عمران حسن صالح

عمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: waleedi399)
معتصم دفع الله سلامــــــــــــات كوم ... تعرف مشكلتي شنو ؟ أولاً أحاول أن أقرأ كل ما كُتِب ، وكل (من كتب) ، وبقت لي مذاكرة وثانياً أحاول أن أقابلكم بالرياض !! وحكايتي بقت مع الحوشين حكاية ( حوش الموقع ، وحوش أهل الموقع بالرياض ) لكن بعد القريتو بقلم دكين وعن دكين أقول ليك المسألة ما بتتحمل بعد كدة ورونا الحكاية وكيف نشوف الناس ومتين. ولك المحبة والتحيات الصادقات [email protected]

12-13-2004, 11:52 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: عمران حسن صالح)
صديقي عمران أعتبر نفسك وصلت .. بورداب الرياض ودارهم مرحبة بيك دائماً فأنت جزء منهم .. وكمان خلينا ليك عمود تكتب فيهو .. في جريدتنا الحائطية فاجأتك السنين .. ننتظر مفاجاتك الجميلة ورائعة .. ودي وتقديري ..

12-05-2004, 00:35 AM

معتصم دفع الله

معتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: ghariba)
العزيز صلاح غريبة متعك الله بالصحة والعافية .. حقيقة نحن في إنتظار مساهماتكم وآرائكم .. خالص ودي وتقديري ..

12-16-2004, 04:07 AM

waleedi399

waleedi399
تاريخ التسجيل: 08-20-2003
مجموع المشاركات: 2767

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
أهــا يا عمران وقسيان وعماد البشرى قصرت معاكم ابقوا تموا الباقي اديكم الـــف العافية

12-16-2004, 04:11 AM

A.Razek Althalib

A.Razek Althalib
تاريخ التسجيل: 12-12-2004
مجموع المشاركات: 11818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: waleedi399)

الأخ/ معتصم دفع الله
لك التحايا

Quote: جريدة حائطية إلي الذين لم تفاجئهم الدلكة بعــــد ..

والدايرين الدبل كيف
عبدالرازق عيسى الطالب

12-16-2004, 07:43 AM

Nada Amin

تاريخ التسجيل: 05-17-2003
مجموع المشاركات: 1626

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: معتصم دفع الله)
فوق لهذا الحكي الجميل حتى عودتي الوشيكة للقاء دكين و صلاح إبداع و الله!

12-17-2004, 09:34 PM

waleedi399

waleedi399
تاريخ التسجيل: 08-20-2003
مجموع المشاركات: 2767

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: فاجأتك الســـــــنين .. (Re: Nada Amin)

Quote: للقاء دكين و صلاح
إبداع و الله!

أنا ذاتي قلت كدا... بالمناسبة صلاح .. دكين

ابداع بلا حدود حتى الاشباع

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]