دعواتكم لزميلنا المفكر د.الباقر العفيف بالشفاء العاجل
|
|
 على مـرافئ العـيون ( 2 ) ..
|
الفكرة كانت في البوست دا ..
على مرافيء العيون ..
ولا زال هناك الكثير فيه ..
فالعيون سر لا زلنا نبحر على مرافـئه ..
اليوم وجدت هذه الصورة وقد أعادت لي ذكريات كثيرة ..
وأنا أدعوكم للإبحار معي ..
وإكتشاف سر هذه العيون ..
وسر هذه الصورة ..
|
|
 
|
|
|
|
|
|
|
 Re: على مـرافئ العـيون ( 2 ) .. (Re: معتصم دفع الله)
|
كتب الحبيب عبدالعظيم عبدالله رداً لي في السابق ..
وقتها كان البوست قد تأرشف ولم أستطع الرد عليه ..
لك العتبى حتى ترضى ..
Quote: الاخ : معتصم
لك التحية ورمضان كريم
ليه العيون هي محط الادب والشعر والنثر وكل اشكال الفنون ربما يا اخي لان بالعيون نبصر الحياة والوانها الزاهية ونقدر معنى الجمال الحقيقي من طبيعة الى النساء الى الفضاء الى كل ما هو جميل لا ندرك جاله الا بالنظر اليه من خلال العيون فهذا هو سر العيون واكثر .
مع الود |
نعم للعيون سر عظيم وقد كان وصفك أخي عبدالعظيم دقيقاً وجميلاً ..
لك ألف شكر ..
محبتي وتقديري ..
| |
|
|
|
|
|
|
|
|
 Re: على مـرافئ العـيون ( 2 ) .. (Re: Agab)
|
كيفك ولي ..
صباحاتك ورد ..
تمبس زي العيون دي بترميهو توقعو في واطاة الله دي وهاك يا درديق ..
يجونا ناس حقوق الدرديق يقولوا لينا عملكم دا إرهابي ..
ونخش في محاكم وقضايا لا أول لها ولا آخر ..
أعمل حسابك يا ولي من العيون ..
دي بتودر عديل كده ..
وبتجنن كمان ..
| |
|
|
|
|
|
|
|
|
 Re: على مـرافئ العـيون ( 2 ) .. (Re: معتصم دفع الله)
|
العيون التي في طرفها حول
معتصم ود دفع الله اخوي
مافي داعي تنشر صورة عيني
عشان خليتك تاخذ صورتي
تقوم تنشر العين بس
سطو على ممتلكاتنا
عيني يا عيني
سفر طال متين الجيه
لطشوك ناس ود دفع الله
الحقني يا تمبسنا
نشكيك لي مين يا ولدنا
عمران محامي شديد
حميده يا حميده
زول الملمة يا عيني
شايف ود الجزيرة شن سوى
نشر العيون الحلوه
فضحني يا ساداتي
يا فقرا الهلالية
وشيوخ ام مرحي والتي
يا اولياء شبشه والكوة
شوفوا الحصل لي عيوني
جنا القلقالة سوا الهولة
احمد حنين شمتان
ما ياهو اللقاء ليه فرصة
قال جنا الرطانة
عيونو حلوه وعسليه
يا ودقاسم ما قلت انك
حفيد شيوخ وعركي
الحقني وانجدني
| |
|
|
|
|
|
|
|
|
|
Re: على مـرافئ العـيون ( 2 ) .. (Re: حمزاوي)
|
الأخ معتصم .. شكراً على بوست العيون
والعيون شبابيك القلب ..
ويقول نزار قباني في هذا:
أنا عنك ما حدثتهم لكنهم لمحوك تغتسلين في أحداقي
بعض النساء عيونهن جميلة وتكون أجمل عندما يبكين
ويقول المعري وهو سجين الثلاثة محابس .. الجدري والجدران والعيون وفي هذا يقول:
أراني في ثلاثة من سجوني ولا تسأل عن الخبر النبيس
لفقدي ناظري ولزوم بيتي وكون النفس في الجسم الخبيث
وأعجب منهم شاعرنا العبقري جماع .. الذي قال أنها تهبل أهل النهى:
هي نظرة تنسي الوقار وتسعد الروح المعنى
محمد عبدالجليل
| |
|
|
|
|
|
|
|
|
 Re: على مـرافئ العـيون ( 2 ) .. (Re: Mohamed Abdelgaleel)
|
أخونا الحبيب محمد عبدالجليل ..
سعيد اليوم بطلتك علينا ..
والإبحار معنا في هذه السياحة العميقة ..
كثيرون كتبوا وتحدثوا عن العيون ..
ولا زال هناك من يبحث عن سرها ..
ولقب شاعرنا عبدالله النجيب بشاعر العيون لما كتبه من شعر عنها..
وأغنية عيونك كانو في عيوني أشهر تلك الأغنيات ..
ولا تخلو أغنيتنا السودانية عن ذكر العيون ..
ولو رجعت للبوست الأول ستجد الكثير عنها ..
محبتي وتقديري ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: حمزاوي)
|
أستاذنا حمزاوي
عينيك وحاتك ..
غربتي وأهلي ..
وبلادي الفيها ..
ضائع لي زمن ..
عيونك حلوة ملطوشة ..
فيها الدلال ..
فيها السحر الحلال ..
فيهن نظرة مفضوحة ..
سهامك مهما تفتك بينا ..
نموت وسرهن في إيدينا ..
أها خلي باقي الرباطية يجوك ..
عمران وتمبس ومعاهم ودالشيوخ الخال ودقاسم ..
محبتي وتقديري ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: معتصم دفع الله)
|
عيون المها ، وردت في الشعر كثيرا ، لاتساعها وشدة سوادها ،
عيون المها بين الرصافة والجسر
جلبن الهوى من حيث أدري ولا أدري
والمها أهدت إليك المقلتين
والظبا أهدت إليك العنقا
والحور في العيون فاتك و قتّال :
إن العيون التي في طرفها حور
قتلننا، ثم لم يحيين قتلانا
يصرعن ذا اللب حتى لا حراك به
وهنّ أضعف خلق الله إنسانا
وسهام العيون ترمي العاشقين فيزدادوا ولها وعشقا :
ونبل مقلتها ترمي به كبدي
بدون عينيكي بصبح زول بدون ذكرى
بدون ميلاد
ربما أن البوست يحقق قدرا عاليا من الاحتفالية إذا أضيفت عليه أغنية :
عيونك كانوا في عيوني
| |
|
|
|
|
|
|
|
|
|
Re: على مـرافئ العـيون ( 2 ) .. (Re: ودقاسم)
|
الخال ودقاسم ..
مجرد مرورك إحتفايئة جميلة ..
العيون ترد كثيراً في أحاديثنا وهي إلهام لكثير من الكتاب والشعراء ..
وكثيراً ما نقول ..
عيون الشعر ..
عيون الأدب ..
وهي أصل الشئ وتأثيره ..
ويقول أبو الأمين في أغنية عويناتك ..
عويناتك ترع لولي وبحار ياقوت ..
مناحات ريد حزاينية ..
وأنا الواهب قصائدي الباكية للفرحة ..
وتلبية لطلبك أغنية عيونك كانو في عيوني بصوت حنان النيل ..
خليك معانا يا خال لنهاية الرحلة ..
محبتي ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: معتصم دفع الله)
|
ورأيت العينين
هومت وقلت
العشق عليك
وعليك العشق قالت
واللوعة والأشواق.
يا حيتك الروحُ
وسقاكِ الزهرُ
رحيقاً من وهج الإشراق.
هاهى الأملاك
تسأل عنكِ
عن عينيكِ
عن
كيف بهاؤك فاق الألقَ
وكيف العينان
الأسود فيها
بحرٌ من ليلٍ
والأبيض آفاق
==================
لازم يعنى
ما مشكلة
الله فى
| |
|
|
|
|
|
|
|
|
|
Re: على مـرافئ العـيون ( 2 ) .. (Re: أبوذر بابكر)
|
وأنهمر الدمع مطراً ..
ومدراراً ..
وأحياناً كثيرة غزيراً ..
الدموع تغسل عيوننا ..
إذاً هناك ما يحزنها ويؤرقها ..
ويقلق منامها ..
هناك عيون حائرة ..
عيون شاردة ..
العيون ذلك السحر العظيم ..
والسر الكبير ..
سنظل في بحث دائم حتى نعرف مجاهلها ..
تحية المطر ..
معطرة رزاز وياسمين ..
محبتي وتقديري ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: معتصم دفع الله)
|
في عينيك دنيا غريبة
دنيا ملانة محنة وطيبة
.........
عينيا ما تبكي
.............
في عيونك ضجة الشوق والهواجس
...........
اسافر في بريق لحظك وما ارجع
تقول لي خايفاك بكره تتجوع
واتوجع انا
........
عيون في الغربة بكايا
......
العيون العاجبا سيدا
نحنا برضوبنشتهيها
والضفاير الحاضنا ليلا
شايلة ضي افرحانا فيها
.........
عينيك سفر مشوار عذاب ارهق خطايا و اتعبا
.............
وامسكي عليك عيونك ديل امسكيهن عيونك ديل..وبالشباك بعاينن لي منور في ضلام الليل
ده شيتن اصلو ما شفنا لا في الناس ولا في الريل
ده ما قدر الله جانا عديل
امسكيهن عيونم ديك
..........
يا عينيا تعاينن جننتنو قلبي
........
المعتصم
العين بي حسين
انت عارف اجمل افعال العين هو البكاء...جميل هذا البكاء.....
ايها الباكي
لك الله
| |
|
|
|
|
|
|
|
|
|
Re: على مـرافئ العـيون ( 2 ) .. (Re: نادية عثمان)
|
نادية الجميلة.........
واجمل من حنتوب كمان........
حسين ده يا بت الناس حسين بازرعا اكتر زول بعرف اوصف العين فعين شيخنا معتصم لو شافا بازرعا كان بديها حقها وزود.........
اما البكاء( يا ست العينين عطر الصندل .........لو شفتها يوم عمرك يطول .تمتد سنينو))
فنحن شعب يمار البكاء في اغلب حالته الاجتماعية والنفسية....فللدموع في قاموسنا مسميات عدة (دموع الفرح والوجع والفراق والفقدان ودموع( الريده الشديدة والتي يقال عنها يا حنين شقاوة).......
فهو بكااااااااااااااااااي اخي وصديقي معتصم
شكرا علي اي حاجة
ولك الله سيدتي العزيزة
مع خالص احتراماتي
والي تقاطع اخر
| |
|
|
|
|
|
|
|
|
|
Re: على مـرافئ العـيون ( 2 ) .. (Re: نادية عثمان)
|
الطيب جاوب ليك عليهو يا ندوية ..
Quote: معتصم البكااااااااااى
ده عين جد جد ولا كده وكده ؟!!!!!! |
وبعدين دي تهمة عايزين يلزقوها فيني ساي ..
أنا ببكي لي بكاء الآخرين ..
دي عين جد جد يا ندوية ..
بالله عليك شوفي السر الفيها دا ..
ما شئ يحير ؟؟؟..
دا يغير سكة يا زول ..
توديهو في ستين ......... كملي النقط ..
ويمكن تغير عجلة حاجات كتيرة ..
والواحد يغرق فيها ..
وما يجي طالع منها تاني ..
أها من هنا بيجي فعل البكاء ..
أها عرفتي سر البكاء وصاحبة العين ؟؟؟..
عشان الجائزة فعلاً كبيرة ..
وتستاهل التعب ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: نادية عثمان)
|
مدخل اول ونظرة ثاقبة في هذه العيون ..
إن العيون التي في طرفها حورٌ
قتلننا ثم لم يحيين موتانا
صديقي مووووو ساكمل معك المشوار
في رحلـة هذه العــيون..
بس قبل كل شئ هذه نظرة عتاب لك ..
معقوله بس في ناس كدا ...
لا خميس ولا جمعة ..
لا صبح .. لا مساء
ولا كلمة كويسه
معقوله بس,,
أمسكي عليك عيونك ديل ..
امسكيهم عيـونك ديـل..
دا شيتاً اصلو ما شفـناه
لا في الناس ولا في الريده
دا ما قدر الله جانا عديل
من شبِكْت عيونك ديل ..
جنس شبكـــه
يتبع >>>
| |
|
|
|
|
|
|
|
|
|
Re: على مـرافئ العـيون ( 2 ) .. (Re: نادية عثمان)
|
Quote: مالك ومالها انت تنهزر فيها وتهرش فيها وتقول ليها
امسكى عليك عيونك ديل ؟!! |
لكن باقيلك يا ندوية العيون ديل بيتمسكن ..
ديل قبل ما تصلن يكونن رمنك بسهامهن ..
وكملن على الباقي الفيك ..
يقول صالح عبدالسيد أبوصلاح ..
العيون النوركن بجهره ..
غير جمالكن مين السهره ..
يا بدور القلعة وجوهره ..
ونحن زاتو المسهرنا شنو ما عرفناه ..
وفي أخرى ..
يا عيني تعاينن ..
جننتنو قلبي ..
وأنا أقول هسي المجننا شنو أتاريهو ......
بس إنتِ أمسكي عليك عيونك ديل ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: waleedi399)
|
يا ولي ..
زمان قالوا خميسك ولو تبيع قميصك ..
قلنا نغير شوية وإنت سيد العارفين ..
بعدين بتعجبني الأغنية بتاعت أمسكي عليك عوينك ديل ..
وبحب أسمعها كتير ..
عشان دا شيتاً أصلو ما شفناه ..
لا في الناس ولا في الريل ..
أها دا قدر الله جانا عديل ..
ونحن بنخاف من جنس الحاجات دي ..
تقوم تودر رويحتنا دي ..
خليك قريب ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: الطيب حسن جميل)
|
مؤلانا الجميل الطيب جميل ..
هكذا دوماً أنت يا صديقي ..
ترتكب فعل الجمال فينا مع سبق الإرصاد الإبداعية ..
ساوا ليكم بايدينا شائ ..
جالبالكم ضئ القمراء ..
كان نوره ما كفى ..
تجيب ضوءاً يكفيكم ..
في بكاء لزيز أكتر من كده ..
العيون ..
الضوء ..
جميلة هذه التعابير ..
ودا كله سحر عظيم ..
لك الله يا صديقي ..
وبرضو أناالبكاي ؟؟؟؟؟؟...
| |
|
|
|
|
|
|
|
|
|
Re: على مـرافئ العـيون ( 2 ) .. (Re: معتصم دفع الله)
|
لا........
ما قلبتو بيت بكا عديل كدة.......
انت عارف انا الزول الوحيد الببكي وما عارف الميت........
بس بجامل فيك ساي انت ما صاحبي .وما قالو الصديق وقت الضيق .فمن بوستك حسيتك زي (الزومة )قلت شوية اواسيك.لكن اكتشفت انك ما سيد الوجعة براك وشكلو المرحوم قبلية وراجلا ضي .........
عشان كده اسياد وجعتو كتار ..المهم دي معاوده وكتابة (جائزة ).....نتلاقا في الاربعين لما تسو الكرامة.....
فيا( مو )ده سبيل الاولين والاخرين ...
والعيون الفيهن نعاس
هن اساس معنى الجناس
واها يا اخوي الفاتحة
يلا الله يجبر كسرك
والصبر ضل الني يابا
اها ادونا خاطركم
| |
|
|
|
|
|
|
|
|
|
Re: على مـرافئ العـيون ( 2 ) .. (Re: الطيب حسن جميل)
|
زمان غنينا في عينيك ..
أغاني تحنن القاسيين ..
هدينالك معزتنا ..
ومشينا وراك سنين وسنين ..
بنينالك قصور بالشوق ..
فرشنا دروب بدل ياسمين ..
مؤلانا ..
أنا زاتي بعزي وما عارف العين حقت منو ..
ياها ديك دنيتنا حيث كنا ..
وكانت كل اللحظات جميلة وحلوة ..
آآآآآآآآآآآه يا طيب منها تلك الليالي ..
وذاك الزمن ..
صدقني فقدت السيطرة على عجلته ..
وخرج القطار من قضبانه ..
الحزن لم يكن وحده يا صاحبي ..
ولم تكن هذه اللغة مكتوبة لي وحدي ..
ولم يستعصى علينا فهمها ..
ولتكن ..
وليبقى بيننا الحب ..
ومشوار العمر الطويل ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: معتصم دفع الله)
|
نادية اسمان
بنت اخوي
مسكاقمي
سرن اقمندو
اها يا معتصم وشهد شاهدة من اهلي
تعرفي يا نادية
عيوني عسلية
دموعي رقراقة
ذي جروف بلدي
موسم خش النلخ
وخرط التمر
وشوالات مليانه تمر
واولاد ماشين وجايين
شايلين الشوالات
منظر بديع وجميل
وحات عينيكي ما تزعل
سيبني اغني واتغزل
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Agab)
|
حمزاوى الغالى
ود بلدى
ايوة انا شاهدة انو دى عيونك والبقول غير كده نقد ليهو العين دى زاتها !!
ولى :
لو حريف تفكر تاخد الجائزة لانو معتصم قال الموضوع جد جد وتعرف لينا دى عين منو الحوصاء دى ؟!!
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Agab)
|
عجب
عيون منو ؟!!
اسمع الجائزة نص بالنص !!
لكن انا بظن انو دى عيون حمزاوى ولاقصدك الراجل بتشبك ساى يعنى ؟!!
العيون دى وهمية يامعتصم موش ؟!!
اسمع عجب ده زى المالى ايدو وعارف كده القصة فيها خيانات ولاشنو يابتل ؟!!
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Agab)
|
يعني يا ولي عايزين تلفقوا ليّ تهمة ؟؟؟..
ياخي دي ما كانت عين ..
بعدين كلو ولا ناس حقوق الدرديق وكسير التلج ..
نقوم هسي في مساعلة ونبقى في الطريقة التخارجنا منها ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Agab)
|
عجب ماتهظر يااااااااااااااااااااخ
وتعمل فيها حريف!!
العيون دى عيون !!
ايوة عيون حمزاوى .. داير تقول انو حمزاوى كضاب ؟!!
اسمع انت الماسك الطنبور فى مكان صورتك ده عثمان اليمنى ولا عبد الرحيم ارقى ؟!!
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Agab)
|
هى هو ده عود بالله؟!!
اسمع وانت وكت عووووووواد قدر ده غالبك تغنى لى اغنية يعنى ولاشعرى مابخارج معاك ؟!!
دى عين حكزاااااوى ياوليد العجب قلنا ليك !!
يعنى تغالط الزول فى عينو ؟!!
اما عجب والله!!!
| |
|
|
|
|
|
|
|
|
|
Re: على مـرافئ العـيون ( 2 ) .. (Re: سارة حمزة)
|
الغالية سارة حمزة
Quote: امسكي عليك عيونك ديل
اسمع معتصم الجائزة شنو قبل ما اقول علشان ما تنط بعدين |
تحت تحت سمعت انو دى عيونك انتى زااااااااااااااااتك !!
اها اشيل الجائزة يامعتصم ؟!!
| |
|
|
|
|
|
|
|
|
|
Re: على مـرافئ العـيون ( 2 ) .. (Re: سارة حمزة)
|
كويس إنو العيون دي جابتك يا سرورة ..
بعدين الجائزة كبيرة آدي كده هووو ..
بس إنت أعرفي الصورة وبلاش تخمييين ..
شروطنا ..
- عدم الإتصال بصديق ..
- عدم حذف إجابتين ..
والجائزة سوف نعلنها في حينها ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: حمد فتح الرحمن)
|
أفوت عينيك أقبل وين ؟؟؟..
أها زي دا يا حمد بتكون غلبتو الحيله ..
محل يمشي ما عارف ..
ودا من النوع مسجل خطر ..
حالته بتكون متأخره خالس خالس ..
شكراً ليك يا جميل ..
ودم بخير ..
مع الإعتذار للفنان هاشم ميرغني ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Abdulla Ageed)
|
Quote: لو صغرت الصورة شويّة
وجبت العين بي الزاوية التانية
لو خليت الخصلة تبين
تسيل في خد مصقول غير وانية
يمكن افوز بي الجايزة
ويمكن أعرف سر النظرة الحانية |
ود عقيد النبيل
لو صغّر معتصم الزاوية
وجاب العين بى كل زوايا
برضك ببقى السر الابدى
وتبقى العين دى وراها حكاية !!
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Abdulla Ageed)
|
يا عبدالله
لو صغرنا الصورة شوية ..
وعملنا رموش ورتوش ..
بتزيد العين حنية ..
وقلوبنا تزيد أسية ..
ونقوم في حقوق ومطالب ..
والحكاية تبقى قضية ..
وإنت تفوز بالجائزة ..
وكمان معاها حنية ..
دوماً خليك بالجوار ..
دم بخير ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: haider osman)
|
الحبيب حيدر عثمان
مرحبتين حبابك ..
ما ياهو دا سر النظرة الحانية ..
ما سمعت أبوالأمين بيقول ..
يا واقد في جوفي النار ..
ما ترسل صورتك تذكار ..
ما ترسل صورتك تحرسني ..
بنظره الحاني تأنسني ..
* أتمنى إنو الكلمات تكون صحيحة ..
شكراً ليك ولحضورك الانيق ..
ودي ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Elmosley)
|
| Quote: اقووووووووووووووووووووووووووووووووووووووووووووووووووووووول |
الموصلى قول لى انا فى اضانى عشان افوز بالجائزة !!
موش انا ندوية بت عمتك ياود الخال العزيز؟!!
يلا لاقينى اون لاين وقول لى فى اضان ماسنجرى وانا اجى افتو هنا ونتقاسم المبلغ !!
سمح ؟!!
| |
|
|
|
|
|
|
|
|
|
Re: على مـرافئ العـيون ( 2 ) .. (Re: نادية عثمان)
|
Quote:
لو صغّر معتصم الزاوية
وجاب العين بى كل زوايا
برضك ببقى السر الابدى
وتبقى العين دى وراها حكاية !! |
الزاهية نادية
العين .. الجات في الصورة
وراها.. حكاية
والعين الغابت من الصورة
هي زاتا حكاية
أما العين المي مخبورة
وجوة إطار ما جات محصورة
العين الشاردة
الفاردة جناحا
وطاغي حضورة
دي ياها العين الجات في الآية
ياها العين العاملة رواية
دي يها الخلت خيلي تعربد
وروحي تطفر من جوّايا
وهي تسرح وتمرح
وتطرب جد وكتين يشجيها غُنايا
....
يا موصلي يا سمِح
أول حاجة شيل ليك حتة هدية من الكلام دا
وتاني حاجة
قوووووووووول.
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Elmosley)
|
يا أستاذ إنت ما عايز الجائزة ولا شنو ؟؟..
يا مواسم توهيني ..
وزيدي في عيني أساها ..
ما عيوني بدون عيونها ..
ماشه في سكة متاهة ..
كلمة السر ..
الفي عينيك مقيلا ..
شايلة في جواها أحزانا النبيلة ..
صدفة لما صوتك جاني ..
زي بريق في عيونك بتعشق ..
هدهد الجرح المعاند ..
والحروف حسيتا أصدق ..
يا أستاذ لسه متذكر الحاجات دي جبتها من هناك ..
ربنا يديك العافية ويقويك في ما تقوم به من أجل الفن السوداني ..
محبتي بلا حدود ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: Abdulla Ageed)
|
Quote: إحساسي بيك
لو عارفا..
يا ست العيون
ما بتسرحي
ما تزيدي نيراني العلي
قلبي الرهيف ما تجرحي |
كر على ياود عقيد !!
تبرى ياود امى من النار والجراح !!
معتصم
خلاص بالله مادايرين معاك كان كده شيل عيونك الحوصاء دى من هنا !!!
| |
|
|
|
|
|
|
|
|
|
Re: على مـرافئ العـيون ( 2 ) .. (Re: معتصم دفع الله)
|
سارة حمزاوي ( حمزة )
يا بنتي
انا لمن جبت ليكي الدبدوب مش قلت ليكي
ما تتغزلي في عيوني
وما تقولي لي يا بابا يا عسولي
وشعرك المسبسب ووناعم
وما محتاج للمشط في التسريح
ولا كريم ولا شامبو
انت كلك حلو على بعضك
يا بابا
دايره تكسبي الجائزة على حسابي يابنتي يا نادية حمزة
يا نادية يا بنت اخوي
هذا مطلع من اغنية الفنان عوض سالمين
يا برتقالة يا برتقالة
انتي فاكه شعرك على خدودك ليه
رمش عيونك ذي حق حمزاوي
ناس معتصم وولي
يتغزلوا ويكسروا التلج
نواصل
| |
|
|
|
|
|
|
|
|
|
Re: على مـرافئ العـيون ( 2 ) .. (Re: حمزاوي)
|
Quote: نادية يا بنت اخوي
هذا مطلع من اغنية الفنان عوض سالمين
يا برتقالة يا برتقالة
انتي فاكه شعرك على خدودك ليه
رمش عيونك ذي حق حمزاوي
ناس معتصم وولي
يتغزلوا ويكسروا التلج |
حمزااااااااااااااوى احلى تلج البتكسروا انت ده تصدق ؟!!
يلا انا منتظرررررررراك
| |
|
|
|
|
|
|
|
|
|
Re: على مـرافئ العـيون ( 2 ) .. (Re: فيصل نوبي)
|
الحبيب فيصل نوبي ..
تحياتي يا جميل ..
وألف مرحب بعودتك مرة أخرى ..
معليش جات متأخرة ..
عارف أخوك أبوالقدح يادوب يصل متأخر ..
كويس إنك هنا معانا عشان ما تخلينا نغرق في العيونا دي برانا ..
محبتي ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: معتصم دفع الله)
|
معتصم
العين ما عندك 
الله يكيفك شر العيون يا حبيب
بعدين تعال هنا انت ماكل الجو بتاع البورد و حبيبي وليديكسر في تلجو براااااااااااااااو
اها نرجع للعيون
عارف اخوك العيون دي بتكسروا كيف
و عين العيون دي دشدشتني عديل كده
مقله سوداء تعوم في المخمل الابيض
كأنها قطعه من سواد الليل
و بيضاء بياض قلب صاحبتها
و ناهيك عن الهلال الفوقها ده
فظيع
رسمها الخالق لتخترق القلوب
و الندبه الصغيره عليها زايداها جمال
اها انا بكيت
لكن جاي راجع للتعليق تاني
و عندي راي في عشاق العيون ديل
ودعت لي الله
تهريجه
كان عرفتها يا حبه عليك تكسر لي تلج و معاي وليد 399
اتفقنا !
| |
|
|
|
|
|
|
|
|
|
Re: على مـرافئ العـيون ( 2 ) .. (Re: DKEEN)
|
كده كويس يا معتصم؟؟ اها دكين جاك وشوف نضم الجن البسوي فيهو!!!
العيون العاجبة سيدا.. نحنا برضو بنشتهيها..
....
عيوني هم السبب في آذايا وهم الاذوني..
....
عيونك فيها شي يحير يغير في اتجاه الزول
....
عيوني وعيونك أسباب لوعتي..
...
العيون الفيهن نعاس هن اساس معنى الجناس
هي يثيرن في الناس حماس
هي يسوقو الزول للجنووووووووووووووون
سوي ترتيب حجي وسير سيدا.. ترا مِني مِني راح تبقى مجنون ..
| |
|
|
|
|
|
|
|
|
|
Re: على مـرافئ العـيون ( 2 ) .. (Re: DKEEN)
|
يعني يا دكوني العيون ديل منتظراتنك تجي توصفن ..
سمحات وحلوات وعاجباتننا ..
بس إنت أمرق منها ..
;
ديل قتلننا ..
ودرن ذمتنا زاتو ..
وكملن الباقي الكان فاضل لينا ..
| |
|
|
|
|
|
|
| |
معتصم دفع الله
Agab
Mohamed Abdelgaleel
ودقاسم
أبوذر بابكر
waleedi399
waleed500
حمد فتح الرحمن
Abdulla Ageed
Elmosley
فيصل نوبي
nashaat elemam
معتصم الطاهر
إسماعيل حميم
فيس بوك
تويتر
انستقرام
يوتيوب
بنتيريست