دعواتكم لزميلنا المفكر د.الباقر العفيف بالشفاء العاجل
|
|
 عـيد آخر لبـورداب الريــاض ..
|
لقاء العيد واليوم المفتوح لبورداب الرياض كان عبارة عن لوحة جمالية عبرت عن روعة البورداب وروح الإلفة فيهم ..
وكان الأستاذ عزالدين آدم ..
والأستاذ مرزوق محمود ..
والأستاذ أسعد عبده ..
والأستاذ أنس المناقل ..
والأستاذ عمار الصحافة ..
كانوا صوت اللوحة بروائعهم ودررهم الفنية ..
فقد أحيوا الحفل وكانوا أروع ما يكون ..
شكراً للجميع على هذا اليوم الرائع وهذه اللوحة الأروع ..
وشكراً جميلاً بورداب الشرقية ممثلاً في الأخوين بدري وصداح ..
فقد حضرا خصيصاً لمشاركتنا هذا اليوم الجميل بهم ..
وقد عادا بعد نهاية الحفل مباشرةً وحملناهم أشواقنا الدفينة للشرقية وبوردابها ..
التحية للجميع ولكل الضيوف الذين شاركونا هذا اليوم ..
مزيد من التفاصيل والصور والوصلات الموسيقية تأتي تباعاً ..
|
|
 
|
|
|
|
|
|
|
 Re: عـيد آخر لبـورداب الريــاض .. (Re: معتصم دفع الله)
|
اي يا معتصم نزل الصورة الرايقة رايقة لكن بتاعت الجبجبة والنبق النبق ما معانا ..
كل التحية والاجلال لبورداب الرياض علي اليوم المفتوح والذي بدأ منذ العاشرة صباحا وحتي العاشرة مساء ...
التحية لكل البورداب من اعمامنا ناس العمم لحدي شبابنا ناس الجينز فقد كان التناقم واضحا ...
التحية لفاكهة اليوم المفتوح عمنا حمزاوي وهو يتمايل مع " أديلا وو" ...
التحية لاخونا معتصم والجندي المجهول صلاح شتات والذي يعمل في صمت مكتفيا بالاتكاء علي الحائط يتحدث من الموبايل ..
التحية الخال ود قاسم لكل عبارات الترحيب للبورداب الجدد ..
التحية لكل الاعمام اللذين احتضنونا ورحبوا بنا ايما ترحيب...
التحية لاسر البورداب وهم يذيدون اللقاء القاً وجمالاً..
التحية لبورداب الشرقية اللذين تكبدو المشاق وقطعوا مسافة 400 كيلو ليأكدوا التوأمة وروح الاخاء ممثلين في الاخوة بدري وصداح ..
التحية للاخوة الفنانين اللذين اكسبوا الحفل روح الشباب ورجعوا بالناس لعمر العشرين ..
التحية لتمبس وهو يقطع السلطة الخضراء دقااااااااااااااااااق ...
التحية لابوجهينة والذي اكسب صمته الجميل روعة للمشهد فكان في الصمت الكلام ..
التحايا تطول وتطول وحتي لا انسي بقية الاخوان الرائعين سيكون لي عودة انشاء الله ...
فرصة سعيدة دي الجمعتنا ..
بي بوردابنا ناس شلتنا ...
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
الجمعة 27 يناير 2005 ، كان يوما من أيام الرياض الزاهية ،،،، وسيظل هذا اليوم محفورا في ذاكرة الرياض ، بكل ما احتواه من التفاصيل ذات النكهة المعطرة بعذوبة أهل الرياض ،، كان اللقاء جامعا ، فلم يتغيب منّا أحد ، ولم تتغيب منّا واحدة ،، كلنا كنّا حضورا ،، والذين لم يحضروا قد أدمنوا الغياب أصلا ، ولهمأن يغيبوا ما شاءوا ما داموا اختاروا هذا الغياب ،،، فقط افتقدنا محمد الشيخ ، وسمؤل ، وزول ساكت ، لسفرهم إلى الوطن ، وافتقدنا أحمد سعيد ( قرنفل ) لظروف خاصة ،،، وكانت مشاركة بورداب الشرقية أسعد أحداث اللقاء ،،
شاركنا اللقاء الكثير من أصدقاء سودانيزأونلاين ، أفرادا وعائلات ، وطرب أطفال سودانيزأونلاين ، وأخذوا وجبة دسمة من المرح والحبور ،،
وكانت مفاجاءات اللقاء عديدة ، وكانت مشاركة المرأة كثيفة ،، وكانت السعادة تغمر الجميع حتى لحظات النهاية ،، واتصالات عديدة من كثير من بورداب العالم ،،
جمال لا تصفه إلا ريشة فنان ، ولوحة رسمها إبداع بورداب الرياض ، فكانت يوما علما ،، والصور التي ستروناه لا تمثل إلا 1% من روعة بورداب الرياض وأصدقائهم وضيوفهم ،،
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
هكذا عهدناكم بورداب الرياض
منارة للفرح وقمة الابداع والحب والتواصل الانساني الراقي
جعل الله ايامكم كلها اعيادا
كنا حاضرين معكم الحفل وسمعنا ( ربيع الدنيا ) من مرزوق حتى اسأل شتات منها
كل عيد وانتم اكثر سعادة يا رب
| |
|
|
|
|
|
|
|
|
|
Re: عـيد آخر لبـورداب الريــاض .. (Re: أم سهى)
|
العزيزة ام سهي:
كنتم معنا حضوراٍ باحساسكم وبارسالكم وفدا ناب عنكم ومثلكم خير تمثيل ..
كنت بجوار الاخ صلاح شتات وهو يضع الموبايل قرب السماعة مرسلا ربيع هذه الدنيا اليكم ..
طلعتي مااااااااا هينة يا ام سهي وحيرتي ليلي مع قيس ...
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
كل سنة وانتم بألف خير مرة أخرى .. بورداب الرياض .. بورداب الشرقية .. وضيوفنا الكرام الذين تكبدوا المشاق لحضور لقاء العيد لبورداب الرياض.
كان يوم مر كلمح البصر .. وليلة من أروع ليالي الرياض التي عشناها سوياً حتى تمنى الجميع لو أنها تطول وتطول .. حيث تسامت فيها الأرواح وعلت بعلو همة كل من شارك في هذا اليوم البهيج واللوحة الرائعة التي خطى فيها كل فرد لمسة جمالية بريشته.
كانت لمشاركة توائم الرياض والجسم الذي اصبح لا نكتمل الا به .. بورداب الشرقية ممثلين في الأخوين بدري وصداح كانوا حقاً رائعين بروعة إخوانهم الباقين الذين لم تمكنهم ظروفهم من الحضور فأبت انفسهم الا ان يشاركونا عبر هواتفهم و كان من حضروا نعم الممثلين و فاكهة الحفل بروحهم الطيبة .. لا اريد ان اجزل لهم الشكر فهم منا .. وكفى.
التحية لمن شاركونا حضوراً و عبر الهواتف المحمولة والمحملة أرضاً وجواً باشواقهم الدفيقه من على البعد ..
والبقية تأتي ايضاً تباعاً .. ادام الله الود والمحبة التي بيننا .. ووفق الله الجميع إلى الخير
إلى الامــــام بورداب الرياض ..
| |
|
|
|
|
|
|
|
|
 Re: عـيد آخر لبـورداب الريــاض .. (Re: waleedi399)
|
Eid Mubarak لبـورداب الريــاض
السلام علي جميع اسرة البورد
الرجاء من لديه معلومات مساعدتنا بالاتي :
هل هناك فرص عمل في , Quatar,UAE,Saudi Arabia في مجالات:
1-الترجمة
2-Administration Assistance Jobs for College graduates
3-Clerical and secretrial jobs
4-Entry Management positions for Community colleges Graduates
5-customer sevice, marketing jobs
6-Radio hosts, newspapers journalists or correspondents
7-Translation jobs with the U.S army base in Quatar
8-Hotels and Airlines jobs
All these types of jobs are for a community college graduates who livie out-side of these countries and who do not have a transferrable iqama.
Thank you very much for your responce
please post information and web-sites here or send it to my e-mail at:
[email protected]
| |
|
|
|
|
|
|
|
|
|
Re: عـيد آخر لبـورداب الريــاض .. (Re: Kamel mohamad)
|
جيناكم يا حبايبنا
أولا كل عام والجميع بخير والجميع يتمتع بالصحة والعافية وعيد مبارك
وصلت أمس الجمعة من السوددان بعد قضاء إجازة ممتعة بين الأهل والاحباب في السودان
تحسرت كثيراً على ضياع فرصة لقاء بورداب الرياض والضيوف الاعزاء بورداب الشرقية
المهم الجايات أكتر والتحية والتقدير للجميع وربنا يحقق الاماني
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
(العمّـــــارية )..بقعة فى شمال غرب الرياض ..هرع اليها فى مساء الجمعة كُثرٌ منا..
فالعيد لا يزال هُنا ..ونفحاته تجتر كُلٌ من يعشم فى ان يعيش العيد وايامه كما هى فى الوطن فتواصلنا هنا يعنى الكثير ولا يرتبط بتاريخ او يوم فدوماً متى اجتمعنا كان عيداً ..
بكل مشاعر الإلفة كان الحضور يحمل جديد وبكل معانى الود ساقت الاحباب خُطاهم الى مكان اللقاء فتجلت عظمة أهل بلادي فى تلك الحميمية لنخرج بيوم قمة فى الجمال يضاف الى رصيد منتدى بورداب الرياض وأصدقائهم..
بورداب الشرقية (بدري) و sadda تكبدوا المشاق فى الحضور لهم منا كُل امتنان ..
..(شقائق النعمان) حضرن ولحضورهن بالتأكيد طعمٌ خاص ..فتجلت أديبتا (عُزاز شامي)..وبانت (غزالة) فتاةٌ تحمل عبق أهل الباوقة ..
على ترانيم الغناء عشنا ولقول مبدعنا (مرزوق) ..(يا طير يا ماشى لأهلنا بسراع بلغ رسائلنا)
طربنا ..وايضاً (رسائل من طرف الحبيب) حملت وقعٌ خاص..و(ربيع الدنيا) التى لا يدانيها جمال..كان لها القدح المعلا..
شُكراً (مرزوق محمود) ..ولا عدمناك..
أترك المجال للعزيز معتصم دفع الله ليواصل التوثيق بالصور التى ربما تكون أكثر تعبيراً..
شُكراً و
ســلام،،
| |
|
|
|
|
|
|
|
|
|
Re: عـيد آخر لبـورداب الريــاض .. (Re: إسماعيل وراق)
|
ما زال صوت الساوند يقرع في طبلتى أذنى نغما متواصلا
و ما زالت عبارات الترحيب مسدارا سيظل صداه طويلا يتردد بين جنبات أرواحنا ..
التحية للزميلات عزاز و سارا و غزالة
و التحية للزميلة ست البنيات و أعادها الله سالمة من أرض الوطن لتعاود نشاطها ..
التحية لكل ربات البيوت اللائي جملن الحفل بحضورهن الباهي ..
التحية لشقيقات أم طلال العاملات في مجال الإعاقة ..
التحية لبورداب الشرقية صداح و البدري
التحية للفنانين و العازف و فني الساوند
التحية للبروف عثمان فقير
و التحية لكل الضيوف
أبو طلال : الكبسة كانت مذهلة و خصوصا المدفون بين ذراتها ( سيب الغتاتة و ورينا المطعم ) ..
واصلوا التداعي يا شباب
تخريمة واجبة : التنويه عن خطوات السودانية لذوي الإحتياجات كانت لفتة إنسانية جميلة من صلاح غريبة. ليت الأخ صلاح يفرد لها بوست هنا و التحية للدكتورة نجوى كامل خليفة على جهودها العملاقة و نتمنى لها الشفاء العاجل بعد عمليتها الناجحة .
| |
|
|
|
|
|
|
|
|
|
Re: عـيد آخر لبـورداب الريــاض .. (Re: walid taha)
|
الحبيب وليد طـه ..
Quote: أترك المجال للعزيز معتصم دفع الله ليواصل التوثيق بالصور التى ربما تكون أكثر تعبيراً..
|
لك الود والتحية .. المايكروفون معي الان .. امس الجماعة ما ادوني فرصة لا اغني  ولا اتكلم ولا حتى اشارك في تسليم الشهادات وهنا كمان الواحد ما القى فرصة ..
رغم عن ذلك سأترك المجال لمعتصم وتمبس عشان يوثقوا لينا الحفلة بالصوت والصورة .. لاعود اليكم لنقل بعض المشاهدات واللقطات التي تخللت ما قبل واثناء وبعد الحفل .. ولكم خالص الود والتحية مرات عدة ..
يلا يا شباب الناس في انتظاركم ما تتأخروا عليهم روحهم مرقت .. رجعوها ليهم ..
سـاعـــــــود .. 
| |
|
|
|
|
|
|
|
|
|
Re: عـيد آخر لبـورداب الريــاض .. (Re: walid taha)
|
في لحظة من الزمن تمنيت أن يكون كل الحضور من البورد حضور معنا ليروا كيف أن الاختلاف لا يفسد للود قضية وفي لحظة استغربت كيف أنو مجموعة الرياض خلقت انسجام وتالف وحميمية تجاوزت حتى العضوية الفعليه واتقلت إلي مساحات ارحب إلي الاسر ومجتمع الرياض القاسي وكيف أنهم بيصنعوا من كل لحظة تجمع صغيرة مساحة واسعة للفرح تتخطى حاجز الافتراض لي واقع يحكي عن السودان بكل ثقافاته وحميميته وموروثاته وفنونه وسماحته .. تشابكت الايادي وتحركت الخطوات في ايقاع منتظم دكين حمزاوي منتصر عبدو وليد طه بدري مع اللحان مرزوق وانفصم الحميم حمزاوي في صفقه خبيره تحاكي روعة عديلة وو .. احمد حنين كعادته قدم تابلوهات من العرضه واستبقه الخال ودقاسم ..
الحجاج
حاج اسماعيل وراق وحاج الصادق خليفه وحاج خالد عمر .. مبـــــــــالغه
معسكر الظلاميين عبد الرزاق وعمر شيخ الدين اتمني ان تعرفوهم جيدا كانوا من صناع الفرح لا يحملون الا الود .. والابيض من القلب وبعض من ( الكشف وفنيات الرقيص ) صداح وبدري حضورهم كان طعمه بنكهة طيبتهم حملوا لنا سماحة من عرفناهم في هذه المساحة تحسسنا فيهم هدوء زهير ومشاغبة ساره ورجاحة ام سهي .. وفنيات تنقو ..
ضيوفنا كانوا اهل الدار الاسر السودانية من متصفحي البورد اخجلونا يحميميتهم ومن خلال وجودنا بالبورد وتصفحهم كانوا اكثر معرفه بنا من انفسنا انسجموا معنا وبادلونا بنفس الاحساس .. ونفس طعم البهجة فكانوا جزءا منا وكانوا الكل ..
بوردابياتنا البرالمه .. عزاز بت ابوالشام وساره عمر اصروا علي الحضور فكانوا كما توقعنا أن يكونوا إلا انو الخف من الرصد الصحفي غزاله البوردابيه بنت ابوها الشهم عمر عبد القادر ود الباوقه كانت حضور وكانت مفاجأة الخال ودقاسم الذي ادهشنا بها ..
مرزوق ، عمار ، انس ، عزالدين ، اسعد ليتنا نقدر أن ننظم من كلماتنا الحان في حقكم فأنتم حضور فينا في كل المواسم ..
يــاروعة يوم الامس ..
ويــاروعة بورداب الرياض واصدقائهم ..
وياروعة هذا الوطن وهذه المساحة التي جمعتنا بكم ..
عمر الفاروق أنت متأكد أنو العملتها ليكم امس دي سلطة
استنوا لي كلكم ..شريط الفيديو معاي الناس الكبتو كب شديد .. كلو في برجع ليكم علي نار هادية
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
الأعزاء بورداب الرياض ...
بينكم تمنينا أن تقف عجلة الزمن وأن لاتدور إلا وقد نهلنا منكم كل ذلك الجمال ولكن هيهات ، فكانت تدور عقارب الساعة غير عادتها بسرعة وبإصرار منها على إنهاء تلك اللحظات الجميلة وكان الإصرار منا أن ننهل ولو القليل من ذلك الكم الفياض من الدفء والجمال المتدفق حولنا فجأنا محملين ببعضه لازالت تثنيه فينا أم سهى كيف لاتثنيه وهو جمال أتاها عبرنا من ذلك النبع أناس يعشقون الجمال ويحملونه في دواخلهم ليتدفق منهم نهراً جميلاً معطاءً يرتوي منه كل من يقف عنده . الشكر كله لكم أباءً واخوةً وأخوات متمنين من المولى العزيز أن يجعل كل أيامكم سعداً وسروراً بقدر ماتحملونه في دواخلكم الجميلة .
دمتم ودام الود والتواصل بيننا.
| |
|
|
|
|
|
|
|
|
 Re: عـيد آخر لبـورداب الريــاض .. (Re: Badri)
|
بورداب الرياض
نجوم تلألأت في سماء نجد.... فكنتم سناء بدد وحشتنايا أحلى الناس
رسمتم أروع لوحة... يا أروع الرائعيين....
ومزيداً من الإبداع...
وكل عام لنا... لا تبتعدو عنا...
غالبتنا الكلمات... فكان الإحساس إحساس... يا أغلى الناس....
ولكم مني خالص الأمنيات....
| |
|
|
|
|
|
|
|
|
|
Re: عـيد آخر لبـورداب الريــاض .. (Re: A.Razek Althalib)
|
اخوتي الاعزاء بورداب الرياض ... حقا انه يوم يظل خالدا في حياتنا ما بقي الدهر
كان لقاء حميميا يعكس الروح السمحة التي منحنا الله لهانتجاوز عبرها كل الخلافات الفكرية
والسياسية .. نجتمع فتمضي الساعات كالثوان .. نفترق ونحن في شوق للقاء قادم ..
الخال ودقاسم له منا جميعا الاحترام والتقدير لما يقوم به فهو ربان السفينة الماهر الدي يقودها الى بر الامان باريحية وخلق رفيع ...
التحية عبركم لكل ضيوفنا الاعزاء ..
التحية للاخوة الفنانين الدين عطرونا بروائع ابداعاتهم ..
التحية للاخوات الفاضلات فاكهة الحفل بحضورهن الجميل المميز
تحية خاصة للبروف فقيري والدكتور كرار التهامي ..
تحية خاصة للاخ صلاح غريبة لتكبده مشاق الحضور ويشهد الله قبل حضور بثوان كنت افكر بانزال
بوست انادي فيه بفصله من تجمع بورداب الرياض لكن لحظات ووجدته امامي ولقد وضحت له دلك
الرجل اخو اخوان ...
* مشاركة حجاج الداخل كانت لفته ولا اروع الاخوان وراق والصادق خليفة .. مبروك الحجة
ود الباوقة
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
العزيز معتصم
الشكر موصول عبر هذا البوست لك وللخال ود قاسم وتمبس وابوجهينة وشتات وكل بورداب الرياض
الذين سعدنا ونحن نشاركهم انا وزميلتي عزاز هذا اليوم الرائع
الذي جمعنا بهم
والحق يقال شعرنا بشعور الأسرة الواحدة .. فلكم الشكر كل الشكر
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
يا أخوانا اي زول جاء متأخر يجي لينا هنا .. يعمل مداخلتو ويتخارج
مش الواحد يجي متأخر ويعمل فيها خاتي طوبة من الصباح .. ولا شنو يا شباب انضباط شويه
امشوا لينا بالصف ما سمعتو بوحدة الصف .. اهو دي وحدة الصف .. ذاتــو
يلا واصلـــوا .. اها البعــدو منو 
| |
|
|
|
|
|
|
|
|
|
Re: عـيد آخر لبـورداب الريــاض .. (Re: waleedi399)
|
الجمعة السعيدة 28 يناير 2005 م يوم منقوشٌ على جدار الذاكرة بأحرف من نور:
جميع الحضور من بورداب وأصدقائهم كان لحضورهم طعم خاص حتى الأطفال إستمتعوا بتلك الساعات التي مرت وكأنها ثواني.
نأمل أن يتكرر هذا اللقاء كل شهرين على الأقل.
اللفتة البارعة كانت الشهادات التقديرية التي منحت للفنانين وهم أهلٌ لها.
يا تمبس استر الحجاج
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
يا وليد 400-1 :
والله الشباب ديل عاملين فيها حرفا بيجو متأخرين ويعملو فيها حاجزين بي طوب واكياس واول زول خرب الرصة عمنا ابو جهينة
معتصم ياخوي فاكهة شنو ؟؟؟ والله الا اكون قريب فروت ولا دوم ولا لالوب
وبعدين يا اخوي الله لا جاب اليوم الاسود ده نحن طواااااااااااااالي ايامنا بييييييييييييوض مش؟؟؟ فاااااااااااالح معتصم حلاااااااااااااااتو
بي المناسبة من اسة حاول خت ليك صورة مشتركة انت وتمبس عشان ما تطلع اشاعة انكم كنتو حاضرين الحفلة بي تيشيرت واحد (لووووووووووووووووووووووووووول)...
مليون تحية ووردتين بورداب الرياض الحلويييييييييييييييييين جدا جدا جدا ...
| |
|
|
|
|
|
|
|
|
 Re: عـيد آخر لبـورداب الريــاض .. (Re: tmbis)
|
تـامــبا يا حبيب ..
دي الحفلة كلها ياها .. ولا دي تشأهـــد غـــداً
ذكــرتني الراحل المقيم تلفزيون السودان زمان ..
وبعد دا على حسب التهديدات اللي اطلقتها قبيل نحمد الله .. انو جلينا منها ببنط ..
يعني دقــت في العراضـــة وطلعـــت اوت .. المقطع الاول سليم والحمد لله قــرض على كــدا ..
بـــلاش من الباقــي .. اصلـــو الباقي باقي .. ويا ويلي من التاني ..
العزيزة ســارة عمر..
لك الود والتحية لحضوركم الرائع والمميز انت والاخت عزاز شامي.. Quote: بيني وبينك ..
الضحكة..
ورحيق الشاي..
وطعم الخبز |
في اول مداخلة لي معاك دايرين نشيل حالك .. وعفواً للمزحة التي ربما تكون خفيفة تقيلة
انت شكلك جيتي متأخرة والجماعة ديل كانوا عاملين برنامج غــداء يعني ما عاملين حساب العشاء ..
عشان كدا بقت مداخلتك كلها شــاي وخـــبز دي رسالة عـتاب لبورداب الرياض ولا شنو ..
اتلومــتو يا بـورداب والله ..تــاني مرة ما تكرروها 
فاكهة الحفلة وتحلية الغداء الما شفناها عمر شيخ الدين
يا أخوي حتى انت طلعت بخيل مليون تحية قلنا ما مشكلة .. لكن تعال وردتين بس لبورداب بحجم ان قلت الرياض فقد ظلمتهم وان قلت العالم ضاق عليهم .. اذا خليني اقول بهذا الحجم الهائل .. خليها بستانين او حتى على الاقل بوكيه من الورود .. وردتين ديل نقسمهم ليهم كيف .. ندي منو ونخلي منو قال وردتين قال .. احرجتنا يا أخي مع الضيوف يقولوا وزعوهم على نفسهم وقعدوا ..
وبرضو في مشاهدات ما ناسيها .. جـاي ليها
بـس اشــــيل نفســــي شــووووووووووويه واجيكم تااااني
| |
|
|
|
|
|
|
|
|
|
Re: عـيد آخر لبـورداب الريــاض .. (Re: waleedi399)
|
ولي 400 إلا واحد...
شايفك وكنت زي برأى... ومصدق قال التعليق بعدين...
تمبس يا ظلامي.... قول الحقيقة... ولا فضحناك... قال سلطة قال...
وين المندي يا تمبس...
يا معتصم...
ما شايف صورة دكتور كرار التهامي..
والبروف حسن المك...
وباقي الدكاترة... غلبك تنزلوا... أجي أسعادك ولا شنو...
بعدين نبزة صغيرة عن الجمعية السجلنا فيها إمبارح....
عمر الفاروق يا عجيب إنت...
حمزاوي... ود قاسم... أبو جهينة...
أوووك الناس كتار والبورداب رائعيين....
بدري... سدا من الشرقية.... أم سهى عبر الموبايل... غزالة... جمعية الصحافة...
صلاح شتات...
ودقاسم المبدع... ود قاسم رجل فنان.... ود قاسم... ما بنوصف...
معتصم دفع الله... مطقم مع تمبس.... ما شتفوهم يا ناس...
الحاج إسماعيل وراق...
اغاني المحس... ورقصة النوبة الشهيرة...
وينك يا تمبس....
الحفلة مصورة بالفيدو ... وأنحن ذاكرتنا دي شوية الرامات بتاعتها ضاربة....
كده ساعدونا بشوية تنزيل صور.... عشان نتذكر....
| |
|
|
|
|
|
|
|
|
|
Re: عـيد آخر لبـورداب الريــاض .. (Re: waleedi399)
|
بورداب الرياض ..
ملتقى .. سماح .. ضحكة .. وإلفة
معتصم ..
ضراعنا الطويل .. ومواعيدنا الخريفية ..
بدري .. صداح .. أم سهى .. وكل بورداب الشرقية
"أناس يعزفون على أوتارنا ألحاناً رائعة .. نهفو دوماً لرؤيتهم .. ويخلدون فينا ذكرى لا تنسى .. لنا الفخر بمحبتهم"
الخال ودقاسم ..
حتى متى؟
حتى متى والقطار على الرصيف ارتحال ..
والمواعيد على ثواني العمر حريق واشتعال ..
"فسوف تصفو الليالي بعد كدرتها وكل دور إذا ما تم ينقلب"
أحمد حنين ..
على غير العادة كان حنيناً .. كأنه أدمن الهزيمة ..
عمر الفاروق ..
جاء باسم الثغر .. يلوح بالأماني .. وتحية عبرك للزعيم الذي يزيده الغموض رعباً ..
تمبس .. غيب وتعال تلقانا نحن يانا نحن .. لا غيرتنا الظروف لا هزتنا محنة
نحن أصلنا ناس محبة زول نعزو وزول نريدو والبفوت ريدتنا يمشى برضو نفرح بي جديدو
دكين .. ما زال متمرداً .. يرفض الحياة وترفضه .. يرفض ما تنظمه الحياة وينظم ما ترفضه الحياة
الشكر لكل الذين كان وجودهم مبعثاً للابتسامة
أبوجهينة .. ترهاقا .. حمزاوي .. حسن الملك .. ود الباوقة .. الوجيه .. وليد شريف .. نصار .. د.كرار .. صلاح غريبة .. عبدالزارق الطالب .. خالد فضل
وتحية خاصة للأخوات العزيزات أجنحة القصائد عزاز وسارة عمر وغزالة وداليا ..
والشكر الجزيل للأخ محمد الجعيلي والأخت شذى والأخ مقبول ..
وللأخوان "المحاربين القدامى" عادل عبد الماجد والرشيد فهمي ومامون وأسرهم الكريمة
وبكم ومعكم يتواصل المشوار ..
نهر ونخلة .. زهرة وجدول ..
ومواسم من الفرح الطويل ..
"ويا صديق الناي والحزن المعتَّق في الخوابي والدنان لا تبتئس ..
إذا ما الليل جنَّ وعربد الألم المزمجر في تلافيف الثياب ..
وخبا بريق راشه بالنجم أحزان الغياب ..
يا زهو الأماسي الرائعة كيف ودعناك جئنا لجحيم الفاجعة .."
كيف ودعناك يا سودان؟
وتحياتي ..
صلاح / شتات
ياوليد399 .. عشان ما تقول خربت الصف عصايتي في ضهرك .. كانت على ضهر خالد عمك تنقو اسبوع ما اشتكى .. التحيه ليهو ..
| |
|
|
|
|
|
|
|
|
|
Re: عـيد آخر لبـورداب الريــاض .. (Re: شتات)
|
إلى كل الكواكب المشرقة التي عظرت سويعات الجمعة الماضية التي تظل عالقة في تلافيف الذاكرة ....
تحية خاصة للشموع التي تنتحب وتلتهم أحشاءها لكي يتلمس الآخرون طريقهم للفرح والنشوة في تضاريس هذا الزمن المظلم!!! الشاب معتصم دفع الله، أبوطلال، تمبس وعمران وغيرهم من الجنود الآخرين الذين يتواورون وراء تواضعهم الأصيل!!!
صلاح شتات وتمبس ... بصراحة الصور الشخصية مافيش منها كتير!!! بالراحة على قلوب العذارى!!! حتجهجهوا أعضاء وروار البورد من الجنس الآخر!!
شكراً لكل من ساهم في إشاعة البهجة في المكان والوجدان سواء بالرقص على عينك ياتاجر أو الإكتفاء بالتمايل في المقعد!!! الشكر موصول للأخوة المطربين وفنيي الساوند والكيبورد...
بالله اتحفونا بمثل هذه الاشراقات على فترات قصيرة!!!
الشبات حمزاوي وحسن الملك ... بالله عايزين دروس خاصة في لغتكم العامرة ورقصتكم المميزة عشان ننتقل من مرحلة الفرجة إلى المشاركة الفاعلة!!
خالد فضل
| |
|
|
|
|
|
|
|
|
 Re: عـيد آخر لبـورداب الريــاض .. (Re: zola123)
|
zola123
شوف يا تمبس يا ظلامي ما ترد إلا عملي... موثق وبالصور كمان.... العاملها بالفلاش... المنور...
| Quote: ملاحظة: الحفلة دي مافيها نسوان؟ |
يمين ضحكتيني لامن قربت أقع من الكرسي...
يعني ده تمايز نسوي ولا شنو....
النسوان في الحفلة دي أكتر من الرجال....
قال مافي نسوان قال...
| |
|
|
|
|
|
|
|
|
|
Re: عـيد آخر لبـورداب الريــاض .. (Re: zola123)
|
زولـة ون تو ثِري ..
| Quote: ملاحظة: الحفلة دي مافيها نسوان؟ |
كل سـنة وانت طيبة وبالف خـير .. و لك التحية على مـرورك
هـذه عـــينة اجابة على سـؤالك تأكيداً لاحقية المـرأة في التواجـد..
لوووووووول ..
| |
|
|
|
|
|
|
|
|
|
Re: عـيد آخر لبـورداب الريــاض .. (Re: zola123)
|
العزيزة زولة123
مرحب بيك وانت تشاركينا متعة اللقاء ..
| Quote: الود الرقاص الفي الفيديو ده ود منو؟ |
رقاص شديد جدا وخطف الانظار من أعمامو الكبارربنا يحفظو هو أبن الدكتور حسن الملك ..وساعيين لي تسجيلو في منتدى الاشبال بسودانيز ..
طبعا يازولة نعاني من فقر في البوردابيات والآن اصبح عدد البوردابيات في تذايد بحضور الاقلام المميزة عزاز شامي وسارة عمر ومن قبل مياده وعندنا غزالة كمان في السكة يعني المسالة ماشا لي انها تدخل مجال الندية الشديدة ،، علشان كده معظم لقاءتنا كانت بورداب فقط بالاضافة لي اسر البورداب واسر ضيوف البورداب .. لكن هذا الحفل الاخير كان يختلف عن كل المناسبات السابقة والحضور كان كثيف من الاسر ( النسوان ) وطبعا الكاميرا ما كانت جاهزة من بدري يعني بدينا التصوير بعدما معظم الناس مشت واحتل المكان عنوة الشباب ديل واعمامك
علي العموم موعودة المرة الجاية بي تسجيل حي كامل وتعريفي بي المجموعة كاملة
واعملي حساب انو توجه ليك دعوة خاصة تشرفينا بيها عن بورداب الامارات ..
لكن عايزه نصيحة أخوك :
السعودية دي تعالي حج يا عمرة وجهزي عبايتك من المطار
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
شكــــــــــــــراً ،،،
لأنكم أهديتمونا تورداً في وجنتينا بسبب الفرح والسعادة التي جنيناها في تلك الجمعة ....
شكراً ،،،
فقد أخرجتمونا من الوجوم إلي الفرح ... في بلد الفرح فيه ..... لا يوجد !!!!!
أعرف تمرد حروف الأبجدية عندي !!!!
وأعرف قصور مفرداتي !!!!
ولكني أعرف أيضاً مقدار الفرح الذي في دمي بكل هؤلاء القوم ........
نعم ... غنينا ...و وطربنا .... ورقصنا .... وعرفنا أكثر معني أن يكون الانتماء إليك يا بلــــــدي ...
لك أيها الوطن الجميل .... رغم جراحاتك !!!!!!! رغم أناتك !!!!!! رغم أحزانك !!!!! لك ألف تحية ..
لك صلواتنا .... لك آهاتنا ...... لك أحزاننا أيضاً !!!!
........
ويا طير .. يا ماشي لأهلـــــــنا ....
(بي سراع ) وصل رسائلنا .........
وقول ليهم ................
بأننا نحمل في دمائنا كل ذكرياتك ......
نحمل في بعدنا عنك ...كل ما ( غُذينا ) به من دمائك ....!!!!!
وبأننا تعرفنا في ظل عالم افتراضي ........
مكوناته (جماد) ومواده (جماد) .....عباراته (الأحرف) وتعابيره ( ؟؟؟؟؟؟؟؟)
ولكننا .... حولناه إلي عالم (حيـــاة) .....ودماء ......تعابيره وجوه ضاحكة ....
نقلنا إليه حنيننا.... وحياتنا .... وحنيننا ..... وصدقنا ..... وصار واقعياً عشنا لحظاته بالأمس فرحةً ونشوةً ......
لا اللون ولا الانتمــــــــاء ..... كان عائقاً!!!!
لا الأفكـار ولا الأذكـــــار .... كانت عائقاً !!!!
لا الوظائف .. ولا الشهادات ... كانت مرجعاً !!!
لا الأحساب ... ولا الأنساب .... كانت(!!!!!!!!) .......
كنا نحن فقط ...
أبنائـــــــك وطني.....
في يوم كانت ساعاته أقل من المعتاد !!!!!!!!
(( لكم صادق مودتي أخوتي بـــــــورداب الرياض ))
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
قبال ميعادنا بي ساعتين ابيتو انا واباني البيت ..
اغالط نفسي بي اصرار واقول امكن انا الما جيت ..
هكذا بدأنا يوم الجمعة ونحن في عجلة من امرنا نسابق الخطي نقدم الساعة فقد كان الجو بارداً ولا سبيل للدفء الا عن طريق حرارة اللقاء ..وقد كان ..
ما احلي ساعات اللقاء ...
المكان : بقعة صغيرة نائية في شمال الرياض اصبحت كبيرة وقريبة جدا عند اللقيا ..
الزمان : كان صباحاً ومنذ ليلة الخميس كنا نفكر فيه حددنا متي نبدأ ولكننا لم نحدد متي ننتهي فقد كان اليوم مفتوحاً ...
و
التقينا ..
الدهشة هي الاتكلمت ..
قبل الايادي العيون هي السلمت ..
من شدة الافراح بكينا ...
هكذا كان اللقاء وانت عند البوابة تجد الجميع في الانتظار وقد كان الاخوة معتصم وصلاح شتات ووليد طه في المقدمة ..
وأول الغيث قطرة ثم ينهمر ..............
اكتظ المكان بالحضور رجال ونساء واطفال ..مشهد اعطي احساس العيد في السودان بعد صلاة العيد ...
كل الناس اتنين اتنين ..
فرح اتكلم بي لغتين ..
هكذا توزع الناس داخل المجلس اختلاف في وجهات النظر ..اختلاف في اللون السياسي ..اتفاق واتفاق كااااااااااااااامل في روح الاخاء والمحبة ..
إذا اردت ان تصل الي قلب الرجل فاليكن عن طريق معدته ..
هكذا انتبه الاخوة معتصم وتمبس ووليد 399 والخال ود قاسم فقامو بتجهيز وجبة الغداء وما احلاها من سلطة خضراء .. نعم طغي عليها اللون الاحمر ولم نري خضاراً الا بعد كل لقمتين تلاتة ولكن كانت خضراء بطيبة صانعها وبخفة روحه ..فقد كان تمبس ذلك الدرب الاخضر ظلل اللقاء بروحه وحضوره المميز ..
خالنا ود قاسم يبدو ان خبرته في الاغتراب جعلته يعرف مخابئ المطاعم التي تجيد طبخ المندي (السواكني ) جيداً بالرغم من انه مارس معنا سياسة من اراد اللحمة فاليبحث تحت الرز ولكن هيهات ..
من تغدا ..تمدا ..
هكذا وبعد الغداء كانت لنا جلسة تفاكرية اجمع الجميع علي ان تكون فيها روح العفوية دون الرسميات والخوض في دهاليز اللجان التي تنبثق منها لجان فتتكون لجان فرعية تنبثق منها لجان اخري.. وقد كان ..
غنوا معانا ..غنوة العيد والفرح ..الليلة يوم ميلاد فرحنا ..
وبدأ الطرب وايما طرب .. صدح اخوة فنانون بدا لي انهم يعرفون سودانيز اون لاين واعضائها اكثر من بكري ابوبكر نفسه ..
غنينا ..هججنا .. رقصنا.. استمتعنا ..طربنا ..
كانت كلمة الاخ معتصم عند تقديمه لكل فنان :
" مازال حفلنا مستمراٍ حتي يدخل المدرسة "
كانت تبعث فينا روح الامل بمواصلة هذا الحفل وان " الليل مازال طفل يحبو " كما يقو عشاق المايكرفونات في مناسبات الاعراس ..
غنينا ..هججنا .. رقصنا.. استمتعنا ..طربنا
رددها الاخ معتصم مرة اخري تلك العبارة الجميلة ولكن هذه المرة فاجأنا بقوله :
" مازال حفلنا مستمراٍ ولكنه دخل المدرسة " فكانت مؤشر للحظات كان الجميع يعتبرها افكاراٍ شيطانية فيقول في سره " الله يلعنك يا ابليس " ..نعم كان كل واح منا يعتقد ان مجرد التفكير في ان ينفض سامرنا وتنتهي هذه الجلسة الجميلة وسوسات شيطانية ..
دقات قلب المرء قالئلة له ان الحياة دقائق وثواني ..
مقولة نكتبها دائما عندما كنا صغارا ويطلب منك كتابة حكمة في لقاء دفتري او نكتبها في كل موضوع انشائي حتي باتت مستهلكة ..ولكني ولاول مرة استدركتها في ذلك اليوم ودقات قلبي تخبرني بان لحظات الوداع قد اتت ولا بد ان ينفض سامرنا علي امل اللقاء ..
وقد كان ...
أودعكم ..افارقكم .. لالالالالالالالالا ما بقدر ..دموع بتغطي عينية .. لكن اه ..لكن اه اااااااااااااااااه اااااااااااااه بتزود الالالم ..
اودعكم ...افارقكم ..وتبقا عشرة الايام ... اودع اودع اودع كيف ...
ولو بالايد اعيش بينكم مدي الايام ..
اغنيلكم وانتو تكونوا لي الهام ..
ونزرع ريد عااااااالم كلو حب وسلام ..
لكن اه ..اه بتزود الالام ..
وفي الاخر ..وداعا اوعو تنسوني ...
بطراكم ..عليييييييييكم الله اطروني ..
انا المشتاق ..بشيلكم جوووووووووووة في عيوني ..
لكــــــــــــــــــــــــــــــــــــــن اهـــــــــــــــــــــــــــ
هكذا كان لسان حال كل واحد منا وهو يهم بالرحيل ..
مليار تحية ..وحدائق السافنا الغنية كلها ورود بورداب الرياض فقد نبهني الاخ وليد ان وردتين لا تكفي ...
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
كنت أبحث خلال اللقاء عن من لم يكن سعيدا ، وعن من لم يكن متفاعلا ، حاولت أن أرى وجها عابسا ، مكتئبا ، فلم أجد ،،،
تصورت يومها أن جميع البورداب ، بورداب العالم كلهم أنقياء وحلوين ولا يعرفون الكدر ولا التعاسة ..
بورداب الرياض نموذج مصغّر لبورداب العالم ،، والنموذج خال كل شوائب ،،، إذن الجمع كله خال من الشوائب ،، والسودان كله سمح ، وحلو ، وعذب ، وأحضانه دفيئة ،،
أثلجتم صدرونا ، وسعدنا بكم جميعا ،، وليتك كنت معنا أيها الغائب ...
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
يابورداب يا احباب
احيكم من اسمرا
سفرة جات فجأة
وبجيكم راجع بالشمار
وعشان افت ليكم
رقيص الظلامي عمر شيخ الدين
وكشفات عبدالرازق الطالب
والله يا جماعة
ظلاميين الرياض
اكثر انارة واشراقا من مستنيرين كل هذا العالم السايبيري
لكم التحية
عبر هذا البرد القارس في العاصمة الأرترية
وشربوت مافي يا ابو جهينة
| |
|
|
|
|
|
|
|
|
 Re: عـيد آخر لبـورداب الريــاض .. (Re: ahmed haneen)
|
أخونا زمان/ أحمد حنين
عوداً حميداً... يا أخي نحن فضلنا نفتش عليك بالساوند وعلينا الصوت للآخر... وبرضو الناس بتقول هسعي كان قاعد هنا....
ودي عملتها كيف يا راجل... من نجد لإسمره... رحلة موفقة إن شاء الله.
| Quote: وكشفات عبدالرازق الطالب |
يا أخي ده إنت قطعتها قطيع... التقول مسجل في فرقة هارلم...
خالص الأمنيات...
| |
|
|
|
|
|
|
|
|
|
Re: عـيد آخر لبـورداب الريــاض .. (Re: معتصم دفع الله)
|
الله .. ووووووووين الناس
تمبس .. في انتظار الدفعة التانية ..
معتصم .. صورك الباقية وين وبعدين شنو حكاية الاختفاء دي ..
عمران .. شنو الروائع دي واصل ابداعك ..
عمر شيخ الدين .. لا اسكت الله لك حساً وين اليوم ..
شـتات .. شد حيلك .. وشوف شغلك وخلي الخال في حالو ..
خالـد احمد عمر .. ما تبقى مقل كتر من طلاتك ..
وغـــداً لنا لقاء .. باذن الله
| |
|
|
|
|
|
|
|
|
|
Re: عـيد آخر لبـورداب الريــاض .. (Re: A.Razek Althalib)
|
ابوجهينــــــــة احمد حنين بيقول لك شربوت مافي في ارتريا .... والله عجائب........ يا ابومهند عليك الله تسلم لي على جون قرنق وود عرمان ولنا معاهم لقاء في السودان انشاء الله ....
وابقى عشرة على الوصية ... في انتظار حضورك بالسلامة ..
ود الباوقة
| |
|
|
|
|
|
|
|
|
|
Re: عـيد آخر لبـورداب الريــاض .. (Re: tmbis)
|
في عيد آخر لم يؤرخ من قبل ، حملت لنا نسائم الرياض لحنا يعزف شجنا ذكرنا الوطن الأم .... لبينا النداء لنكمل منظمومة الأخوة بين ضحكات الأطفال وتعليقات البور داب الأريحية وتمايل حمزاوي من القلب مع النغم النوبي والحضور النسائي الأنيق لتضمنا لمة عائلية تعبق بالود والألفة ...
الخال الرائع
المبدع أبو جهينة
النوبي الهميم د. حسن الملك
البروفيسور عثمان فقيري
النشط معتصم
الخدوم البشوش تمبس
وكل من صافحت و التقيت
لقد أضفتم لونا لأيام عيدي
لكل البورداب .. في الرياض .. في العالم
كل عام وانتم بخير
يا ريت كنتوا معانا ...
ودامت أيامكم أعيادا
| |
|
|
|
|
|
|
|
|
|
Re: عـيد آخر لبـورداب الريــاض .. (Re: عمر الفاروق شيخ الدين)
|
كطيور الريح في جوف العتامير تداعينا
الاعزاء خالص الود والتحايا وكل عام والناس بخير تاااااااااااااااني
لا شك ان عقدكم لم يكن لتنقصه درة في ذاك اليوم البهيج ... دفء اللقاء نزع عنا برد الغربة ... وكنم نسيجا لوحده ... اثبتنا الاتي :
نحن بنحب شاي الصباح واللمه عند الامسيات ...
شكرا جزيلا بورداب الرياض وعلي العهد تبقون وفي المكان الذي تعدونا به دوما توفون ... لم يكن يراودني اي شك في ان عبارات المجاملة والثناء والضامن عبر البوستا يمكن ان تتحول ليد تساعد وقلب يرقب ويدعم ولا ازال اذكر لحظات حضور الرائعين : تمبس , يوسف , معتصم , صلاح شتات ولم اكن اسائل نفسي ري لماذا قطعوا كل المسافة للشرقية من الرياض ببساطة لان ذاك الوطن العظيم يصقل ابناءه بسر الصمود والنبل الكريم
حقيقة الحديث طويل لكن ............ شكرا بحر بورداب وبورادبيات الرياض والدعوة مفتوحة في اطار التوأمة .. توأمة حضارة .. توأمة صدارة .. والمابي الغلب ابقي عاشق هلب يااااااااااناس
نسيت اقول انو في اتنين جوا لابسين تي شيرت واحد .. دشدشوا الرياض والشرقية بتي شيرت واحد ما عارف لو كانو تي شيرتيييييييييين كان حصل شنو ؟؟
دكين رقاااااااااااااااااااص ... فنانين الف وخمسميه عديل كده .. حلفاوين ظهروا .. وانصار كمان ظهروا ... اهاااااااااا الشفع الف ... احمد حنين تحياتي الخالصه وانت تسممممر في اسمرا
لكم الود اكمله
صداح
| |
|
|
|
|
|
|
|
|
|
Re: عـيد آخر لبـورداب الريــاض .. (Re: sadda)
|
| Quote: نسيت اقول انو في اتنين جوا لابسين تي شيرت واحد .. دشدشوا الرياض والشرقية بتي شيرت واحد ما عارف لو كانو تي شيرتيييييييييين كان حصل شنو ؟؟ |
يا صداح ..
شفت شلاقتك دي بتضيعنا..حسع القصة دي مافي زول جايب ليها خبر..
بعدين تحت تحت كده..انت قايل اشتراكات بورداب الرياض دي واموال المغتربين بيستثمروها ليهم كيف ؟؟ ما ياهو في تشيرتات زي دي ..
| |
|
|
|
|
|
|
|
|
|
Re: عـيد آخر لبـورداب الريــاض .. (Re: عمر الفاروق شيخ الدين)
|
بورداب الرياض والله تبقروا ، والعيد مبارك عليكم ون كانت متأخرة ، الصور نصها ما فتحت معاي الا اراجعها تاني ..وشكرا للغنى ، تشهو والله الواحد اتمنى لوكان معاكم ..وانشا الله كان في شربوت لانو رخيمتكن دي ما عادية يا تمبس ولا يكون الغنى ..شكرا ليك يا معتصم لوصل الفرح .
| |
|
|
|
|
|
|
|
|
|
Re: عـيد آخر لبـورداب الريــاض .. (Re: عشة بت فاطنة)
|
قريبتي عشة بت فاطنة
وعليك مبارك العيد ..
إن شاء الله اللمة الجاية تكون في الوطن ..
ونحن ماشين على رفاعة نجي غاشين القلقالة ..
نشرب لينا فيها فنجان قهوة في ساعة فرح ..
وكمان السودان يكون فيهو سلام وخير وطمأنينة ..
خالص ودي ..
| |
|
|
|
|
|
|
|
|
|
Re: عـيد آخر لبـورداب الريــاض .. (Re: عشة بت فاطنة)
|
العزيزة بت فاطنه ..
سلامات والعيد مبارك عليك والسنة الجاية زي ما عايزه..
وإن شاء الله اللمه الجاية معانــا وكل الناس الحلوين المعاك ..
| Quote: وانشا الله كان في شربوت لانو رخيمتكن دي ما عادية يا تمبس |
دي رخيمة شاي سادة يا عشه .. بعد الغداء التقيل مباشرة ..
يعني شاي مظبوط خالص .. ما زي شربوت لامرة الفاتت التماهو لينا زهير موية
| |
|
|
|
|
|
|
|
|
|
Re: عـيد آخر لبـورداب الريــاض .. (Re: Ehab Eltayeb)
|
ايهاب الطيب ..
نيابة عن معتصم وبورداب الرياض كل سنة وانت طيب ..
ادام الله اعيادكم .. واعادة عليكم باليمن والبركات ..
صديق المــوج ..
كل عام وانت بالف خير .. وحمداً لله على سلامتك
في زول يجي من السودان في العيد
| |
|
|
|
|
|
|
| |
معتصم دفع الله
ودقاسم
أم سهى
EMU إيمو
waleedi399
Kamel mohamad
Habib_bldo
إسماعيل وراق
ابو جهينة
tmbis
Badri
A.Razek Althalib
سارة عمر
شتات
خالد فضل
zola123
عمران حسن صالح
ahmed haneen
عشة بت فاطنة
صديق الموج
Ehab Eltayeb
فيس بوك
تويتر
انستقرام
يوتيوب
بنتيريست