حكمـة الشمعـات ..
|
Re: حكمـة الشمعـات .. (Re: معتصم دفع الله)
|
العزيز معتصم
عليك الصباح وكل صلوات الأزهار، وعليك الود والسلام
سيناريو جميل ومفرح والله
السلام هو كلمة سر البقاء، فإن كان كانت الأشياء كلها
أسمع
وين صورة المدرسة الكانت جنب إسمك، عليك الله يا معتصم رجعها تانى، ولو مؤقتا، أنا ياخى الفجة دى قاعد أدخل عشان أقيل فيها عديل كده
فيها حاجة بتشدنى والله يا معتصم، لدرجة إمتزاج الحنين والحزن والبكاء والغنا
وما عارف ليه بس دخلت راسى على انها مدرسة
وتانى عليك السلام والمحبة
أبوذر
| |
  
|
|
|
|
|Articles
|News
|مقالات
|بيانات
|
|
|
|
Re: حكمـة الشمعـات .. (Re: معتصم دفع الله)
|
انشاء الله يا معتصم الشمع اليولعوه لى حنة عرسك قول امين
ياشافع والله نفضتنا من صدأ ثلاثون عاما...فتناسيت كل الشيب الذى تعرف
وها انا امتطى صهوة الامل بلقاء اشياء تركتها هناك..مواضع..مواقع
ناس...كنت اتخيل لقأهم اصعب من ان القى طفولتى..ولكن شمعاتك
ادنى امل كبير ان اراجع حساباتى..قول انشاءالله خير..سلمت
| |
   
|
|
|
|
|Articles
|News
|مقالات
|بيانات
|
|
|
|
Re: حكمـة الشمعـات .. (Re: صديق الموج)
|
كتير الساب دياره العامره .. هاجر فوق درب وداي .. كتير من عد فوق مركب .. برا يشاور برا يناشد .. كبار القوم ويأخد رأي .. كتير الراحوا ما عادوا .. وكتير البمشي من وجاي ..
ود عمي الموج إن شاء الله خير .. وربنا يحقق كل الأماني والآمال .. وتعود لي ناسك وأحبابك .. وتعود لي وطن آمن .. كله سلام ومحبة ورخاء .. قول آمييييييييييييييين
تسلم
| |
  
|
|
|
|
|Articles
|News
|مقالات
|بيانات
|
|
|
|
Re: حكمـة الشمعـات .. (Re: صديق الموج)
|
صديق أيها المــــوج .. يا ســيل .. بحرك دميرة .. تمساحك عشاري .. ضفافك خير .. جزايرك ريد .. أيها البحر السلسبيل .. سحابك شب .. شلع برقك ضوى جوف الليل .. وكمان شمعة لي حنة الولد المسافر في ضفاير الشوق .. ورويانة جنباتو بالعديل والزين .. نلاقيك أيها الصدَّيق .. والزمن نديان نقالدك بى حنان اهلنا زمان .. ونبكي في صدرك جمال النيل
ونلتقي صلاح / شتات
| |
  
|
|
|
|
|Articles
|News
|مقالات
|بيانات
|
|
|
|
Re: حكمـة الشمعـات .. (Re: د.كرار التهامي)
|
أخي الدكتور كرار
Quote: لا للياس ...نعم للامل لا للكراهية.....نعم للحب لا للحرب ......نعم للسلام ابناء البلد كلهم جاءوك بازاهيرهم، ومساديرهم ورائحة مطاميرهم فلتهنا بصحبتهم والرفيق قبل الطريق |
شكراً أخي الدكتور كرار على هذه الكلمات الرائعات .. ومعك نقول .. مرحب بكل أبناء البلد .. مرحب بكل صاحب ورفيق .. أيدينا ممدودة بالخير والحب والسلام .. شمعاتنا تضوي للأحبة مكان ..
لك خالص تحياتي وتقديري ..
| |
  
|
|
|
|
|Articles
|News
|مقالات
|بيانات
|
|
|
|
Re: حكمـة الشمعـات .. (Re: صديق الموج)
|
مع شتات نقول ..
صديق أيها المــــوج .. يا ســيل .. بحرك دميرة .. تمساحك عشاري .. ضفافك خير .. جزايرك ريد .. أيها البحر السلسبيل .. سحابك شب .. شلع برقك ضوى جوف الليل .. وكمان شمعة لي حنة الولد المسافر في ضفاير الشوق .. ورويانة جنباتو بالعديل والزين .. نلاقيك أيها الصدَّيق .. والزمن نديان نقالدك بى حنان اهلنا زمان .. ونبكي في صدرك جمال النيل ..
| |
  
|
|
|
|
|Articles
|News
|مقالات
|بيانات
|
|
|
|
|