|
|
|
 Re: الشوق و الريد بصوت نانسي عجاج(ابداع)... (Re: wedzayneb)
|
دى ياها نانسى عجرمنا بعد ده...
البت صوتها متفرد وناصع وحنين وعميق وواسع المدى ومتمكن ..لأقصى الحدود ..
كل ما أسمعها فى عمل مختلف أتأكد انها "مبدعة" حقيقية وجديدة ...
شكرا يا نانسى عجرمنا ..انك أهديتينا كل هذا الفرح ..فى الزمن الشقى والصعب...
شكرا لبدر الدين عجاج ..وهو يحلب لنا هذا العسل الجينى المقطر ..فى شكل "نانــــــــــسى" ...فقد سمعتها لأول مرة فى حفل سودان فور أول فى باريس بصحبة الصادق شيخ الدين فى العود ...واندهشت لحد عالى من شدة تمكنها ومعرفتها بسر صوتها وسر الغنا ...
نانسى يابت ، ما تقيقى ، اقعدى نانسى كده ..لغاية ما وش القبح يزول ...ونحن نسمع وحدنا معاك المطلق ...وما بعد الأبد!!!!
شكرا تراجى على العيدية ..
| |
 
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: wedzayneb)
|
الاخت الحبيبة تراجي..
كل سنة وانتي طيبة وعيديتك مقبولة..
لكن مع احترامي الشديد للجميع ..
انا قريت كم مرة عن الفنانة نانسي عجاج..
ومرة في زول زميلي في السودان رسل لي لينك
لموقع فيهو اغنية ليها..بس ما فتح معاي..
اها اول مرة اسمعها في سهرة العيد ..وجاني احباط!
غنية الشوق والريد اتحولت من غنية مشحونة بالشجن والشوق
لغنية ممطوطة ولحنها ضايع ورايح ..
انا ما عندي اي علاقة بالغنا غير علاقة الاستماع..
لكن صراحة ما كان في اي متعة في استماعي للاغنية دي..
ياريت زول ينزل لينا عمل تاني للفنانة نانسي عشان
نخش معاكم في الخط..
| |
|
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: رشا سالم)
|
كلّ عام و أنت بخير، دكتورة رشا.
هذه مداخلتي الأولي معك.
يقولون: " حبّ الناس مذاهب ". إستمعت لنانسي في أكثر من عمل فنّي. لكن إعجابي بها توطّد بعد
مشاهدتي لها الآن وهي تؤدّي أغنية " الشوق و الريد " ( الما عجبتك دي ). و علي النقيض ممّا تقولين ،أعتبرها قد وصلت قمّة التألق في أدائها لاغنية الكاشف المشار إليها أعلاه.
طارق الفزاري
ود زينب
| |
|
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: wedzayneb)
|
ترجى كل سنة وانى طيبة
حاجة ممتعة جدا تذكرنا السودان فى ايامه
الجميلة عندما كان هناك امل فى ان يرتقى
الفن بالذوق العام وبالموقف من الانسان.. المرأه
..الوطن.. العدالة .. الحرية..
ولكن هيهات فى عهد هولاء الاوغاد.
شكرا لاتاحتك الفرصة لمشاهدة السهرة الجميلة.
| |
|
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: wedzayneb)
|
wedzayneb
كل سنة وانت طيب ومبسوط ..
انا غايتو لاحظت انه معظم الناس المعجبين شديد بالفنانة نانسي..
من السودانيين المستقرين في اوربا واميركا..
او ممكن اقول من الناس الاضانهم بعدت شوية من الغناء بطريقته القديمة..
انا ما علقت علي صوتها لانه عجبني جدا..لكن طريقة اداءها لاغنية الشوق
والريد ما اتبلعت لي..في الاغنية التانية عن الاطفال اللقطاء ,كان الاداء
جميل ..احتمال لانه كلمات الغنية نفسها ما تقليدية ورص الكلام والحكي
فيها بيخليك تندمج في الجو بتاع الاغنية اكتر من لحنها..يعني موضوع
الاغنية طاغي علي اي شي..
انا زي ما قلت اول مرة اسمع ليها..وفي ناس كتار اتكلموا عنها..
واكيد كلام الناس عنها ما من فراغ..الفراغ كلامي المبني علي اول شوفة
عشان كده ياريت زول يدينا فرصة نشوف تاني..
وليك التحية يا ود زينب..
| |
|
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: رشا سالم)
|
دكتورة رشا
سلام
نفس الجدل الذي أثارته عند زيارتها السودان وغنائها في أكثر من محفل، أيد البعض وأنتقد البعض بشدة كمان!
في ذات اليوم اعتقد بثت قناة النيل الازرق سهرة جميلة جمعت أيضاً صوتين نسائيين هما "سميرة دنيا" و"شذى هيبان" وسرعان ما يتسرب إليك إحساس بصعوبة منافسة السودانية القادمة من الخارج الأصوات النسائية الموجودة الآن بالسودان .
شخصياً لا أقيم ولا أمتلك الأدوات اللازمة لعملية التقييم، وكمستمع عادي جداً اتمنى أن تنال فرصة أخرى للتعبير عن فنها أكثر وأكثر.
والعمل الثاني يكفي أنه من كلمات محجوب شريف.
| |
|
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: طارق جبريل)
|
فى قاعة ال Friends House بلندن السنة الماضية بتاريخ 12/06/2005
وأذكر قبل إن تبدأ غنائها وهى لا زالت فى خشبة المسرح كانت الجلبة والصخب يعمان المكان وقليلون يعرفون من هى نانسى أو سمعوا صوتها من قبل، وفجأة كأنما الناس صعقوا وصمتوا من الــدهشة حتى الاطفال أنتبهوا لما يدور فى المسرح.
طبعا الما عارفنوا الناس عن نناسى دى إنها مش فنانة وبس دى عندها مواقف سياسية مشرفة لأن ذلك الحفل كان بمناسبة حملة (اقفوا الحرب فى دارفور) الذى نظمها مركز دافور لحقوق الانسان بالتضامن مع بعض الفنانيين التشكيلين السودانيين والبريطانيين.
بالمناسبة هى صديقة لخالد كودى وندى مصطفى.
| |
|
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: عبد المنعم سيد احمد)
|
شكرا على هذا الجمال يا تراجى
بس توضيح بسيط
نانسى دى بت بدر الدين عجاج عازف الاورغ الزمااااان صاحب مقطوعات لحظات ونواصل زمن التلفزيون والمسلسلات السمحه وادى امسدر
وبت عجاج دى بت الملحن محمد عجاج استاذ بالمعهد العالى للموسيقى والمسرح لكن كلو شارع الفن وكلهم لهم ذوقهم الرفيع
للمزيد من المعلومات اسالو ودعكر للتنوير فقط
عليش
| |
|
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: Tragie Mustafa)
|
الاخت تراجى
كل عام وانتى بخير
شاهدت نانسى عجاج لاول مرة فى تلك السهرة وبصراحة صوتها جميل
وتمتلك حضور جميل وثقة بالنفس وبدايتها تنذر بالخير ما دام
ابدأت مشوارها الفنى باغانى لها قيمة بعيدا" عن اغانى البنات
المبتزلة التى عادة ما تبدأ بها معظم الفنانات عندنا ثم يبدئن
بتصحيح المسار بعد وقوع الفاس فى الرأس
وانا شخصيا منذ ابتعاد البلابل عن الفن لن ارى فنانة سودانية
تمتلك احساس المشاهد وتخليك مسمر قاعد امام التلفزيون رغم
عذوبة صوت امال النور وقوة صوت سمية حسن اما البقية فتعتبر
محاولات لان الى الان لن اسمع على نطاق الشارع العام بالمستمع
السودانى يردد اغنية لفنانة من الموجودات حاليا" اثرت احساسهم
كما كان الحال فى عيون المها او الشاغلين فؤادى او رجعنالك
السؤال لماذا تحب المغنية السودانية ان تعيش على الهامش ؟
| |
|
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: Rakoba)
|
Quote: وانا شخصيا منذ ابتعاد البلابل عن الفن لن ارى فنانة سودانية
تمتلك احساس المشاهد وتخليك مسمر قاعد امام التلفزيون رغم
عذوبة صوت امال النور وقوة صوت سمية حسن اما البقية فتعتبر
محاولات لان الى الان لن اسمع على نطاق الشارع العام بالمستمع
السودانى يردد اغنية لفنانة من الموجودات حاليا |
http://www.youtube.com/watch?v=f1P0gYiDQNI
Please check this link to listen to Nada M. Othman
Abdul Wahid Sid Ahmed
Please listen to Nada M. Othman and tell us your final decision.
| |
|
|
|
|
|
|
|
|
|
Re: الشوق و الريد بصوت نانسي عجاج(ابداع)... (Re: Tragie Mustafa)
|
الاخ كانتونا-1
Quote: Please check this link to listen to Nada M. Othman
Abdul Wahid Sid Ahmed
Please listen to Nada M. Othman and tell us your final decision |
ربما يكون صوت ندى القلعة جميل لدى البعض
وربما ساعدها شكلها والاعلام بالظهور
ولكن ندى تعتبر غناية مناسبات ولن ترقتى لمرتبة مطربة
تقنع كل المستمعين
والسؤال هو على مدار اكثر من 15 سنة ماذا قدمت ؟
| |
|
|
|
|
|
|
| |
Tragie Mustafa
فيصل نوبي
osly2
Tumadir
رشا سالم
عبد الواحد أبراهيم
Rakoba
طارق جبريل
أحمد أمين
فتحي الصديق
HAYDER GASIM
عبد المنعم سيد احمد
Mohamed Ahmaed Olyesh
عبد الدائم سيد أحمد
عواطف ادريس اسماعيل
cantona_1
فيس بوك
تويتر
انستقرام
يوتيوب
بنتيريست