دعواتكم لزميلنا المفكر د.الباقر العفيف بالشفاء العاجل
|
|
 صبا صابني من نفس التعول الصبن
|
الاخوة الاعزاء
كنت في الربع الماضي قد تقلت لكم بعضا من اشعار البلولة حاج الامين في الدوبيت
واود هنا ان ازيد في ذلك بحيث انني ساورد لكم في كل مرة مجموعة عدد من الرباعيات ثم اتبعها بشرح لمناسبتها
|
|
 
|
|
|
|
|
|
|
 Re: صبا صابني من نفس التعول الصبن (Re: عمر صديق)
|
هنا عدد من الرباعيات وكلها بقافية واحدة وكعادته يورد السهل الممتنع والجناس حيث يقول:
صبا صابني من نفس التعول الصبن
حبا احرك البي مونة حرة انصبن
ان فارقتو عيني النيل نزلو مصبن
وان لاقيتو اعضاي كلهن بنصبن
| |
|
|
|
|
|
|
|
|
 Re: صبا صابني من نفس التعول الصبن (Re: أحمد الشايقي)
|
Quote: الله الله,
إياهــو دا النضم السمح
شكرا أخ عمر
أحمد الشايقي |
الاخ احمد الشايقي
شكرا علي المرور والتعليق وهنالك من تحرمهم بيئتهم وتنشئتهم من التفاعل مع مثل هذه الروائع
مع كامل التقدير والاحترام
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
ويواصل البلولة في ذات القافية ويقول:
انفاس الدعاش من الشويدن هبن
لي جمر الفراق في جوف متيم هبن
ابداعات غناي من طول رقادن هبن
حليل الشوفتو بطب السنونوانهبن
هب لي نسيم من أب حدايقا أبن
منو عيوني لي مسك الدموع اتأبن
اب غيا ملكني نسيتلو أما وأبن
هلكني فراقو ضعت وما لقيت الابن
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
Quote: هب لي نسيم من أب حدايقا أبن
منو عيوني لي مسك الدموع اتأبن
اب غيا ملكني نسيتلو أما وأبن
هلكني فراقو ضعت وما لقيت الابن |
الأخ الكريم / عمر صديق
متعك الله وشاعرنا الكبير البلولة بالصحة والعافية
دعاني هذا المربوع لفتح المصحف والتأمل في تلك الحدائق
( وحدائق غلبًا)آية 30( وفاكهة وأبًّا)آية31
وقد كلفت بسورة ( عبس ) وسطرت ذلك في (مواقيت ..)
وها نحن اليوم نلبي من علو هذا الإقتباس من القبس
كلام جميل وغاية لاتطال بيسر تلك التي تلهي عن الأهل
وكيف لا يجد هذا الهالك ناعيًا ....!؟
تقبلوا أطيب التحايا .
| |
|
|
|
|
|
|
|
|
|
Re: صبا صابني من نفس التعول الصبن (Re: سمية الحسن طلحة)
|
Quote: الأخ الكريم / عمر صديق
متعك الله وشاعرنا الكبير البلولة بالصحة والعافية
دعاني هذا المربوع لفتح المصحف والتأمل في تلك الحدائق
( وحدائق غلبًا)آية 30( وفاكهة وأبًّا)آية31
وقد كلفت بسورة ( عبس ) وسطرت ذلك في (مواقيت ..)
وها نحن اليوم نلبي من علو هذا الإقتباس من القبس
كلام جميل وغاية لاتطال بيسر تلك التي تلهي عن الأهل
وكيف لا يجد هذا الهالك ناعيًا ....!؟
تقبلوا أطيب التحايا . |
الغالية والعالية ريحانة البطانة وبت شيوخها
شكرا للمروروهذا التعليق الجمالي الرصين الذي ينطق حكمة وادبا وكلمات مموسقة وفهم عميق
وكيفلايكون ذلك كذلك
وانتم كما يقول الاخ ناذر (اسياد الشئ ذاتها)
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
اديك العافية أخوي عمر صديق ..
دحين آ خوي القبوب دي إياها قبوب جدنا ود زايد ولا قبوباً كتر ؟؟
إن بقت هي .. زولك دا ما وصلنا بي هناك ..
متابع ..
زيدنا ..
بسلم على الشاعرة البطحانية الأستاذة/ سمية بت حسن ود طلحة ..
والشاعر النحرير الأستاذ/ أحمد الشايقي ..
سلام
جاد
| |
|
|
|
|
|
|
|
|
|
Re: صبا صابني من نفس التعول الصبن (Re: JAD)
|
Quote:
ريل معز القنوب الفوق مشارف شبن
في جوف العشوق نيران فراقك شبن
آيات حسنو تسحر للكبار والشبن
خدورتين وبرطمو تين ونسمتو شبن |
من البلولة حاج اللمين,
السهل الممتنع
ومجمع الشعراء الكرام, عمر الصديق وبت الشيخ الحسن طلحة وشيخ العرب جمال الدين جاد,
تحياتي وافرة
أحمد الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: JAD)
|
الاخ العزيز جاد
فعلا الشاعر يعني قبوب جدك ود زايد وهو قد زاره وزار كل مناطق البطانة وجالس مشاهير شعرائها وقد وعد برباعية خاصة لك بهذه المناسبة سوف اكتبها لك حال ورودها..
اما والده الشاعر حاج الامين متعه الله بالصحة والعافية فقد قال في الستينات وفي حائق الحيوان عندنا راي الصيد في اقفاص الحديقة وقد كان الشاعر الكبير الصادق ودامنة حاضرا واليك رباعية الشاعر حاج اللمين ود بندي والد الشاعر البلولة حيث قال:
من بعد القبوب سكنن حدائق المقرن
ونظرن في الشوارع ولي همومن بقرن
كان اتمتعن بالصية ما بنحقرن
حليل زمن الروينة ولي المراعي بعقرن
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
الاخ جاد تحياتي
وصلني رد من البلولة للتو وهو اهداء لك ولااهلك حيث قال:
قبوب زايد وصاتو وطفت فيهو نجاد
مطرز بي القشوش زي اعجمي السجاد
حايمتو الكريم و الفارس النجاد
تاني بعودلو لو سمح الزمن يا جاد
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
كما ذكرت انفا بانني ساورد قصة كل رباعيات اكتبها هنا وابين مناسبتها وهنا فان الشاعر البلولة حاج الامين كانت له مجاراة مع احد الشعراء وكان ذلك الشاعر ويرد البلولة فطلب من البلولة ان يقول هو وينتظر الرد فقال له الرباعيات الثلاث الاول وكان حينها وغي مساء خريفي عند اخواله بمنطقة ود حسونة بشرق النيل وجاءته ريحة الدعاش في ذلك المساء فكتب هذه الرباعيات الثلاث وارسلها لصاحبه ولما طالت المدة عليه ولم يتلق اي رد قام هو بمجاراة نفسه بالخمس رباعيات الاخيرة
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
الأخوة الأعزاء
جلال الدين جاد
والشاعر/أحمد الشايقي
وخروج من الأحزان يشف ويغسل الأرواح
لكما مني أطيب التحايا والسلام
والتحية لك أخي عمر صديق
نتابع معكم روائع المبدع البلولة
ووالده حاج الأمين
( وهل ينبت الخطي إلا وشيجة * وتنبت إلا في منابتها النخل )
| |
|
|
|
|
|
|
|
|
|
Re: صبا صابني من نفس التعول الصبن (Re: سمية الحسن طلحة)
|
Quote: الأخوة الأعزاء
جلال الدين جاد
والشاعر/أحمد الشايقي
وخروج من الأحزان يشف ويغسل الأرواح
لكما مني أطيب التحايا والسلام
والتحية لك أخي عمر صديق
نتابع معكم روائع المبدع البلولة
ووالده حاج الأمين
( وهل ينبت الخطي إلا وشيجة * وتنبت إلا في منابتها النخل ) |
الاخت ريحانةالبطانة وشاعرتها
تحياتي والاخ البلولة الذي اطلعته علي كلامك اعلاه ويعبر لكي عن شكره واعجابه تراثكم وقيمكم وشعركم معشر اهل البطانة بصورة عامة واولاد بطحان علي وجهالخصوص
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
هي ومفرش العربية زي طبلونه
في الفيحان كالريحان مع الطيب لونه
في المشستشفي مابستشفي لي الطبلونه
وكان خشت تزور كان حير الطب لونه
هذه الرباعية وسابقتها قالهما الشاعر حمدنا الله ابراهيم العربي من منطقة ود حسونة وهو شاعر وابن شاعر وقالهما في مستشفي ببحري عندما رأي احدي الحسان تقود عربتها وتقف بجوار المكان الذي كانو يجلسون عليه بجوار ذلك المستشفي وكان من ضمن الحضور ايضا الشاعر البلولة حاج الامين وقد طلب منه حمدنا الله المشاركة في وصف تلك الحسناء
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
وردا علي ما قاله الشاعر حمدن الله قال الشاعر البلة في مجاراته لتلك الابيات:
يا المستشفي فيك بريبة تدي الحاجة
زي صارم عجيب بص عينا ما بتحاجة
رب العالمين لي اقل شئ ما حاجة
مع وجناتها قمر السبعتين ماحاجة
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
واردف البلولة في رده علي حمدنا الله بهذين البيتين:
قاعدة علي المقاعد وللمرافق فارقة
فوق الطارة تامي بطاره شئ مي فارقة
من شمس الضحي الوسط الغمام مي فارقة
خلت ناسا امست والنصاح متفارقة
التوب من دبي والوش سبيك الشارقة
مراية مبروزة وعكست شعاع الشارقة
الناس الي جات لي رؤيتك متشارقة
رجعت من بهاك مذعورة زي الشارقة
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
Quote: الاخ جاد تحياتي
وصلني رد من البلولة للتو وهو اهداء لك ولااهلك حيث قال:
قبوب زايد وصاتو وطفت فيهو نجاد
مطرز بي القشوش زي اعجمي السجاد
حايمتو الكريم و الفارس النجاد
تاني بعودلو لو سمح الزمن يا جاد |
أخي عمر الصديق ..
التحيات النواضر لك ولشاعر البطانة .. وقول ليهو الهدية مقبولة يا عمنا البولة .. وربنا يجمعنا بيكم إن شاء الله ..
متعكم الله بالصحة العافية ..
أخوكم
جاد
| |
|
|
|
|
|
|
|
|
|
Re: صبا صابني من نفس التعول الصبن (Re: JAD)
|
Quote:
أخي عمر الصديق ..
التحيات النواضر لك ولشاعر البطانة .. وقول ليهو الهدية مقبولة يا عمنا البولة .. وربنا يجمعنا بيكم إن شاء الله ..
متعكم الله بالصحة العافية ..
أخوكم
جاد |
الاخ جاد
تحياتي
ابن القبوب والبطانة ةتحياتك وصلت ولك الشكر الجزيل
ونرجو ان تشارك معنا ببعض ما لديك من شعركم
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
الاخ عمر الصـديـق,
شكرا للفرصة التي أتحتها هنا وشاعرات منبرنا وشعراؤه ومتذوقي شعره في باقة لطيفة حول أشعار البلولة حاج الامين,
أرجـو توصـيـل هذه القطعة له ولو تكرمت بمدي برقم هاتفـه فسيكون منك لطفاً غير قليل,
لك التحيـة وافـرة,
ـــــــــــــــــــــــــــــ
من (ديم شات) عليل أنسام عليك متهادى
يقريك السـلام بنـدرت أو كـان بادي
سامـع بك زمان والليلـة ليكـا أنادي
قاصِـد مهجـة الشعـر الأصيـل النـادي
أحمد الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote: الاخ عمر الصـديـق,
شكرا للفرصة التي أتحتها هنا وشاعرات منبرنا وشعراؤه ومتذوقي شعره في باقة لطيفة حول أشعار البلولة حاج الامين,
أرجـو توصـيـل هذه القطعة له ولو تكرمت بمدي برقم هاتفـه فسيكون منك لطفاً غير قليل,
لك التحيـة وافـرة,
ـــــــــــــــــــــــــــــ
من (ديم شات) عليل أنسام عليك متهادى
يقريك السـلام بنـدرت أو كـان بادي
سامـع بك زمان والليلـة ليكـا أنادي
قاصِـد مهجـة الشعـر الأصيـل النـادي
أحمد الشايقي |
الاخ أحمد الشايقي
تحياتي
يا ود الشايقي بي شعرك تغني الشادي
ونظمك يعجزالقام في الحضر والبادي
سلامك تب وصلو و تلفونو ليك بنادي
(احط والزيرو احبا)وشرحو في الابجادي
الاخ الشايقي هذه محاولة متواضعة مني للرد عليك بصورة استباقية للرد فبل شاعرنا البلولة وبين القوسين تجد ما سألت عنه
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote: من (ديم شات) عليل أنسام عليك متهادى
يقريك السـلام بنـدرت أو كـان بادي
سامـع بك زمان والليلـة ليكـا أنادي
قاصِـد مهجـة الشعـر الأصيـل النـادي
أحمد الشايقي |
الاخ احمد الشايقي
تحياتي
وصلني الرد من البلولة قبل فترة ولكنني تاخرت في انزاله وهو:
من( د يم شات) وصلنا سلام مرند ونادي
في (كاف جيم) نرحب بيهو حلة ونادي
عشان سيدو الاريب يا قافية سيبي عنادي
ردي عليهو اطلبي للاوابد ونادي
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
وكان رد اخي مجاهد صديق هو:
اهلي اسياد ارض والطير يعوم في سرابن
اهلي النيل حداهن ومنو صافي شرابن
اهلي الفي الارض مختوتة برة حرابن
اهلي الدوك كريناشبيلي تب ماعابن
اهلي الحرقو الباشا ونجح تيرابن
اهلي اسود غواب الخملة ما بسخابن
اهلي الفي الكرم معووج ولاف ديدابن
اهلي القنعو السمحة ونجض كرابن
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
وهنا جاءت مشاركة الشاعر البلولة حاج امين حيث قال:
اهلي الكانو سادات الحكم في شندي
سكين جوع وكفا بالفضائل يندي
داقين في رؤوس اهل النفاق برمندي
والباشا الغشيم سوولو شغل المندي
اهلي الفي المحاص كل الخلوق ادرابن
اهلي يكسر الحجر الاصم درابن
الدين والفضايل لي القمم سادرابن
البطران حماهن والطريق بادرابن
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
واضاف البلولة:
اهلي يكفي اعوم المجاعة سرابن
اهلي يفرق القاصد الكريهة سرابن
يوم الحارة بتحلق صفوف اسرابن
اسأل جيرتن شايق مع كاسرابن
اهلي المولي لي ريسة المداين جابن
النار لي عدوهم والسعيد بنجابن
اهلي يمحن الاسد الهصور سنجابن
ارباب المعارف دانو لي انجابن
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
ثم زاد اللولة قائلا:
اهلي المولي في قسم الفراسة بدابن
الفرع اليبيس من الجوار بندابن
كم كم من تلوب في الحارة منسندابن
سيفن يجدع الهامة وصميم كندابن
اهلي الكانو اسياد الحكم في الدنيا
اهلي العروتين عرفوها واخدو الدنيا
اهلي الفي الجهاد بذلو النفس والدنيا
اهلي احبتم ربحانة اخري ودنيا
| |
|
|
|
|
|
|
|
|
|
Re: صبا صابني من نفس التعول الصبن (Re: سمية الحسن طلحة)
|
Quote: يا ود الشايقي بي شعرك تغني الشادي
ونظمك يعجزالقام في الحضر والبادي
سلامك تب وصلو و تلفونو ليك بنادي
(احط والزيرو احبا)وشرحو في الابجادي |
يجازي محنك يا العشاء اب لبن وشكيتك لبت طلحة تنوشك بمغارة تبكمك مرة واحدة
| |
|
|
|
|
|
|
|
|
|
Re: صبا صابني من نفس التعول الصبن (Re: الطيب شيقوق)
|
Quote: الرمانو محصون من كفوف التبن
|
الاخ المفضال عمر.
سلام من الله عليك وجزاك الله خيراً لنثر هذه الدرر والروائع.
الناس ديل يا اخ عمر حباهم الله بملكة غريبة تفوق حد الخيال، فلله درهم.
فشاعرنا هنا قد رجع بنا الى زمن المعلقات عندما قال:
الرمانو محصون من كفوف التبّن
مقتبساً من قول عمرو بن كلثوم:
وثدياً مثل حق العاج رخصاً * حصاناً من اكف اللامسينا
تحياتى لك اخى عمر مجدداً بلا حدود وانت تثرى ساحات المنتدى بهذه الروائع.
| |
|
|
|
|
|
|
|
|
|
Re: صبا صابني من نفس التعول الصبن (Re: على احمد النعيم)
|
Quote: الاخ المفضال عمر.
سلام من الله عليك وجزاك الله خيراً لنثر هذه الدرر والروائع.
الناس ديل يا اخ عمر حباهم الله بملكة غريبة تفوق حد الخيال، فلله درهم.
فشاعرنا هنا قد رجع بنا الى زمن المعلقات عندما قال:
الرمانو محصون من كفوف التبّن
مقتبساً من قول عمرو بن كلثوم:
وثدياً مثل حق العاج رخصاً * حصاناً من اكف اللامسينا
تحياتى لك اخى عمر مجدداً بلا حدود وانت تثرى ساحات المنتدى بهذه الروائع. |
الاخ علي احمد النعيم
شكرا لهذه الاطلالة البهية والتشبيهات البليغة
ونرجو ان تردفدنا بهذه الدرر من وقت لاخر
| |
|
|
|
|
|
|
|
|
|
Re: صبا صابني من نفس التعول الصبن (Re: الطيب شيقوق)
|
| Quote: يجازي محنك يا العشاء اب لبن وشكيتك لبت طلحة تنوشك بمغارة تبكمك مرة واحدة |
استاذناالطيب يا ود شيقوق
الشوق مالينا والنفس بي الشقوق
وسجعك زي القماري البسون قوق
ومن المغارة حاوينا ودحسونةالفوق
| |
|
|
|
|
|
|
|
|
|
Re: صبا صابني من نفس التعول الصبن (Re: سمية الحسن طلحة)
|
Quote: ... ومن مسدار المستشفى لود الشلهمة :
جات غايرانا بي غفلة أم وضيبًا كابي
سوّت لينا كتل المنخلِع لي الدابي
من صرّة جبهتِِك طرّز البوابي
وين خليت قباحتك يااللئيم متشابي
... |
تسلمي يالريحانة
وشكرا علي اختيارك الجميل من ابداعات ود الشلهمة
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
الاخ الحبيب عمر الصـديق,
Quote:
يا ود الشايقي بي شعرك تغني الشادي
ونظمك يعجزالقام في الحضـر والبادي
سلامك تـب وصلو و تلفونـو ليك بنادي
(احط والزيرو احبا)وشرحو في الابجادي |
بوعمير والبلولة النيل قرن في الوادي
أرباب الحديث القلتـو ياهـو مـرادي
حاجزين جلسـة طربانـة وشعـركم زادي
حيكورة مكـوك حلفايـة هـول أجـدادي
أحمد الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
الأخ عمر صديق
سلام يجيك زي نفس التعول الصبن ويبرد حشاك ويريح ماواك
الملكة سمية بت الحسن ود طلحة
ملكة وبت ملوك يا العسكرك منجمعة
ورمشك سـتة يوم يحجز غزير الدمعة
كلامك قرطسوهو وفوقو ختم أبو لمعة
ووشك يخفى للنجفة أم تمانين شمعة
| |
|
|
|
|
|
|
|
|
|
Re: صبا صابني من نفس التعول الصبن (Re: Ishraga Haimoura)
|
Quote: الأخ عمر صديق
سلام يجيك زي نفس التعول الصبن ويبرد حشاك ويريح ماواك
الملكة سمية بت الحسن ود طلحة
ملكة وبت ملوك يا العسكرك منجمعة
ورمشك سـتة يوم يحجز غزير الدمعة
كلامك قرطسوهو وفوقو ختم أبو لمعة
ووشك يخفى للنجفة أم تمانين شمعة |
اشراقة بت حيمورة
كيف حالك وشكرا علي المرور والسلام العليل والاصيل والجميل
وكلامك فوق ريحانة البطانة سمح بلحيل ونما مجيه وهي تستاهل
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
كما ذكرت لدي بوست ضائع
عنوانه هو
من درر اشعار الدوبيت في وصف الابل
كنت قد اوردت فيه رباعيات لكل من
احمد عوض الكريم ابوسن
وود شوراني
والصادق ود امنة
والعاقب الشكري
وود نايل
وكرار ود كردم
وعلي سليمان المرغومابي
وكانت الرباعيات بالقافية الصعبة وهي الكاف المجزومة وقد ابتدرها ود ابسن قائلا:
حر عنافي نسل اماتو قاطع الشك
وجدو الاربد السابق خيول المك
علي الرمي الحجيل بعد النزيل ما فك
بعيد يا اربد الشرق الموارك السك
وحتي لااعيد تكرار تلك الرباعيات الروعة- والي حين ظهور البوست الضائع مرة اخري- سوف اورد مجارة البلولة حاج الامين لهؤلاء الشعراء في تلك القافية في وصف الابل
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
ودعمى : عمر صديق
كيفنك أخوى ، وكلامك سمح بلحيل والله ...
وانا ح اقعد هنى ... ومرة مرة كدى ح نسوق جماعتنا ديل وندخل الجزيرة نسرى مع شاعرنا الكبير هناك عثمان مامان ، ونعدى
بمركب الحراز للكمر ونسمع شوية من محمدانة ود دوانة ، وماننسى نسرد من أشعار بت مامان .. وجبرالله وقرينات وود ابشرا ...
فالجماعة ديل بقولوا كلام سمح بلحيل وكانت لهم مجاريات فى مناسبات عديدة ...
اها قلت شنو ؟
عربون ... الواطة كانت نص النهار ... قاعدين كنا مجموعة واحدين فى الواطة والباقين فى عنقريب هبابى فى الشارع ونتجاذب
اطراف الحديث ... توقف البص ونزلن منو بنات الثانوى فى المحطة اللى نحن فيها ...
مر المشهد ... وبعد ثوان من نزول آخر واحدة من البص
تململ محمدانة ود دوانة وقال :
سمحة سماحة من ما تبت
وشن تشبه بلا الفى جرفوا يادوب نبت
نيران الغرام فى جسمى يوت ماغبت
واخير من المبشر إسموا فى أول تبت
وجاهو الرد من عبد اللطيف ودمامان قطع أخدر
سمحة سماحة ديمة تملى
وحزازا المخطط بينو واحد ملى
الخلانى اساهر واسوقوا تملى
تفوق الوصفوا قال العيش حرام ياخلى
والكلام مشى مشى شديد وكتبت عشرات المجادعات فى الشافعة ديكى ....( هسع بقت ام وليدات )
وبجى كان الله مد فى الايام
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
إلى الحبية
الصايمة القايمة
إشراقة حيمورة
جات بت البيوت الإيدا مي مغلولة
باسطاهو الجناح ظبية مراتع الفولة*
مما خِلِق الكلام السمحة فيك مقيولة
هبارة شراك ما بنطلِق مغلولا
سمية الحسن محمد طلحة
الفولة : منطقة بالبطانة ترقد في حضن جبل الابيتور .
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
كما ذكرت فان الشاعر البلولة طلبنا منه ان يجاري وصف شعراء البطانة للابل فقال:
يا البازالمتل قدحي البروق رشك
ضامراك حبة ماك من القشوش منشك
اب شوفتا تسر بالي وتنير وشك
بتدق ميسو قبل الغيبة قطعا شك
| |
|
|
|
|
|
|
|
|
|
Re: صبا صابني من نفس التعول الصبن (Re: محي الدين جبريل)
|
Quote: أسود ديسو طابق حظى فى دنيايا
يبفرق فاطرو يمطر دمعى من عينايا
الخلى الفؤاد ياعبدو يوت غلايا
دغمة فاها أطعم من صنيع عسلايا
ودوانة |
العزيز محي الدين جب ريل
تحياتي
وشكرا علي اشعار وداونة وود مامان وساعود بالردود
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
وقال في وصف الجمل:
الباز البناهو اتكلمن بو دكك
شقا الصافي مازحزح ضميرو ذكك
مما شفتو شاقق وما مسكلو سكك
مبيتناضمنتوعندالحاذقةمافيش شكك
يا الباز البصبق الجدعة ساغة انفك
انا واياك من غير ليمو ما بننفك
الفي روضاتو ما بشم غير عطير انفك
فوق ضو النهار جيتو ودعاشن فك
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
وقصة اخري قال فيها الشاعر البلولة هذه الرباعيات تتمثل في انه جاء الي الخرطوم لسداد الرسوم الدراسية لابناءه في الجامعة ووصل الي الدروشاب ليلا في معية ابن اخيه وفي المساء بينما هو نائم اذا بلص ياتي ويسرق محفظته التي بها الفلوس ومعها جلابيته ونظارته ولكنه ترك له المويايل وعلبة البرنجي فقال في ذلك:
مجبورين نطيع اقدارنا امرا ونهيا
وغير السرقة مافيش للمجابد اهين
يوم وقعت علي القسي ساوا الاهين
والزول المعاي شاف الحقيقة وصهين
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote:
جات بت البيوت الإيدا مي مغلولة
باسطاهو الجناح ظبية مراتع الفولة*
مما خِلِق الكلام السمحة فيك مقيولة
هبارة شراك ما بنطلِق مغلولا
|
بـت عتمان قديم كل المكارم هولا
من نسل الملوك عز الأراك منسولة
نخلة طين قريرا ومشرقا ومحصـولا
ست الجاه عليك الهيبة نورا وطولا
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote:
ملكة وبت ملوك يا العسكرك منجمعة
ورمشك سـتة يوم يحجز غزير الدمعة
كلامك قرطسوهو وفوقو ختم أبو لمعة
ووشك يخفى للنجفة أم تمانين شمعـة
|
حباب بت الحسن طلحة الصيوت والسمعة
شيخة وبت شيوخ بطحان مطور الهمعـة
حكمـة فاها جادت والبنات مستمعـة
ووشها ضو عليهن كان شموشهـن سبعة
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
مع التحيـة لمشائخ العرب,
Quote:
حر عنافي نسل اماتو قاطع الشك
وجدو الاربد السابق خيول المـك
علي الرمي الحجيل بعد النزيل ما فك
بعيد يا اربد الشرق الموارك السـك
|
زيني بشاري نادر طب عليهو الرك
يقلع ساطي من عقلاتو كايس الفك
يلمـس خفّـو ختيان الخبت والـدك
خفيف الجتة من ضرب الورك والحك
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote: حباب بت الحسن طلحة الصيوت والسمعة
شيخة وبت شيوخ بطحان مطور الهمعـة
حكمـة فاها جادت والبنات مستمعـة
ووشها ضو عليهن كان شموشهـن سبعة
ود الشايقي |
مرحب ود رتوت تابين سراع للفزعة
رفايين ضعيف ومسيد ضيوف الهجعة
منبع حكمتك تكريع وغيرك كمعة
آيات الكمال تحت لواك مجتمعة
سمية الحسن طلحة
| |
|
|
|
|
|
|
|
|
|
Re: صبا صابني من نفس التعول الصبن (Re: سمية الحسن طلحة)
|
ود صديق عمر مرحب حبابو سلاام
اللوم مو عليك وأنت ما بتلام
بنعاتب سمية ماقالتلّي جبتا كلام
العاليا بت الرجال ما بتتلام
خالد
التحية عمر ود صديق وكيفنك ومشتاقين يا الرائع الجميل والتحية والأحترام للشاعر الشفيف البلولة عبرك توصلها أمانة بنحبو في الله وبنحب كلامو ونضمو السمح البعدل الميل ويشد الحيل
ومودتي يا ودصديق
| |
|
|
|
|
|
|
|
|
|
Re: صبا صابني من نفس التعول الصبن (Re: سمية الحسن طلحة)
|
Quote: Quote: حباب بت الحسن طلحة الصيوت والسمعة
شيخة وبت شيوخ بطحان مطور الهمعـة
حكمـة فاها جادت والبنات مستمعـة
ووشها ضو عليهن كان شموشهـن سبعة
ود الشايقي
مرحب ود رتوت تابين سراع للفزعة
رفايين ضعيف ومسيد ضيوف الهجعة
منبع حكمتك تكريع وغيرك كمعة
آيات الكمال تحت لواك مجتمعة
|
بت بطحان سلام والهيبة هيلك طبعة
كل الزار دياركم زواملو شبعت شبعة
نزيلكم مابهم لو كان مسوي السبعة
ملكة متوجة وبوردابنا ليك متبعة
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
Quote:
نزل التبري في السلمةالبناتا عدال
ناير خدو مقرون حاجبو زي الدال
الظبي البتوتــل وفي المحاص قدال
خلت قلبي لاف زي بـــــكرة البدال |
نزل التبري تـوم التيتل الجفـال
مراتعو السلمة شرق النيل ضحا ومقيال
عـناق العنـزة طول البان ولين النـال
وليف أماته طاري الليم يجيبوا ... محال
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote: زيني بشاري نادر طب عليهو الرك
يقلع ساطي من عقلاتو كايس الفك
يلمـس خفّـو ختيان الخبت والـدك
خفيف الجتة من ضرب الورك والحك
ود الشايقي |
ود الشايقي الشاعر لمطبوع
دا شعرا ما عندنا ليهو رقبة لكن بوصلو للبلولة الذي بدي اعجابه بشعرك
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
Quote:
ود الشايقي الشاعر لمطبوع
دا شعرا ما عندنا ليهو رقبة لكن بوصلو للبلولة الذي بدي اعجابه بشعرك |
عتمور الشعر (عمر) ال فسـيح مدادي
سندالتو وحديد مكيتـو يا البولادي
وصفك في النضـم زي البدق حـدادي
حاضـر مجلسـك مـاك المسهّـم غـادي
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
Quote: حباب اهل الشعر البهزا في بو ماضي
سلاطين المحاص اهل السلاح الماضي
سمحين المقال امر ومضارع وماضي
حباب العمروالضانقيل وحافظين ماضي |
الاخوة الذين عنتهم هذه الرباعية هم
جاد
الطيب شيقوق
واحمد الشايقي
وسمية بت طلحة
واشراقة حيمورة
وود المنسي
ومحي الدين جبريل
والدعوة مفتوحة لكل من يود المجاراة للرد علي رباعية الشاعر البلولة
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
الأخ الحبيب عمر ود صديق
كل سنة وأنت طيب والبلولة طيب وبصحة وعافية
Quote: الاخوة الذين عنتهم هذه الرباعية هم
جاد
الطيب شيقوق
واحمد الشايقي
وسمية بت طلحة
واشراقة حيمورة
وود المنسي
ومحي الدين جبريل
والدعوة مفتوحة لكل من يود المجاراة للرد علي رباعية الشاعر البلولة |
حباب البلولة البيهو حاضر وماضي
لي الكلم والمقال لسانو بالغ وماضي
يخوجل بين الصفوف يشلح وحاقب الماضي
نتلاقى يوم بإذنه كلامنا صُح مو فاضي
خالد
| |
|
|
|
|
|
|
|
|
|
Re: صبا صابني من نفس التعول الصبن (Re: خالد علي محجوب المنسي)
|
Quote: حباب البلولة البيهو حاضر وماضي
لي الكلم والمقال لسانو بالغ وماضي
يخوجل بين الصفوف يشلح وحاقب الماضي
نتلاقى يوم بإذنه كلامنا صُح مو فاضي
خالد |
يا ملك الانجمامة وفيها حاكم وقاضي
وفي ابيات البيان شعرك ملان موفاضي
البدورو ات وكت النية بيصبح ماضي
كل عيدتبقي طيب وديمة قانع وراضي
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
Quote:
زيني بشاري عدمان المثل غير شك
وسيدو منسلو وعليو قاطع الشك
يكفت لي الدرب ماهو السمين منشك
ومع العانيو بيسابق المغيب لاشك |
خفيف رقالي ضامـر والسـدير حمبك
سواقي دقاق مناسمو بخس ودومته الجك
دا فوق عصارة ما ساق بيهو ود الكك
يزازي بك محـل ما بوالصقير مـا رك
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
Quote:
حباب اهل الشعر البهزا في بو ماضي
سلاطين المحاص اهل السلاح الماضي
سمحين المقال امر ومضارع وماضي
حباب العمروالضانقيل وحافظين ماضي |
حبابو بلولة في دوبيتنا حاكم وقاضي
حبابو القاصع السمتان تليد الماضي
قصدي اللمة في الدنيا أم لميماً فاضي
وراي الهـم تقيل, شيطان أساي مو راضي
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote:
حباب اهل الشعر البهزا في بو ماضي
سلاطين المحاص اهل السلاح الماضي
سمحين المقال امر ومضارع وماضي
حباب العمروالضانقيل وحافظين ماضي |
نسل الأريل الشاوي القلوب نجاضي
سابل للنظـر كسارو مـو لحاضـي
حاجب للمحاسن ديمه مو عـراضـي
نفضة توبه يا عمر, أم برد نفاضي
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote:
حباب اهل الشعر البهزا في بو ماضي
سلاطين المحاص اهل السلاح الماضي
سمحين المقال امر ومضارع وماضي
حباب العمروالضانقيل وحافظين ماضي |
يا شيال همومي ويا الكريم عواضي
ألقى الليم بعد ما جض بي جضاضـي
قصبة ميعـة الـدود اللبد رباضـي
مكينـة محصنة وما قالـدك لضاضـي
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote:
حباب اهل الشعر البهزا في بو ماضي
سلاطين المحاص اهل السلاح الماضي
سمحين المقال امر ومضارع وماضي
حباب العمروالضانقيل وحافظين ماضي |
أندب حظي ليك كلما عقد نقاضـي
قاساني العشوق كتر علي أعراضـي
يا الصلاح حلل قيدي وزوال أمراضي
بادرابك جميع وحسـونة والخواضـي
ود الشايقي
| |
|
|
|
|
|
|
|
|
|
Re: صبا صابني من نفس التعول الصبن (Re: أحمد الشايقي)
|
Quote: أندب حظي ليك كلما عقد نقاضـي
قاساني العشوق كتر علي أعراضـي
يا الصلاح حلل قيدي وزوال أمراضي
بادرابك جميع وحسـونة والخواضـي
ود الشايقي |
المبدع ود الشايقي
شكرا لك علي هذا الشعر الجيد في سبكه ووزنه وقافيته وحا اجيك راجع مشاركا
عملا بالمثل البقول لالوبنا ولاتمر الناس
| |
|
|
|
|
|
|
|
|
|
Re: صبا صابني من نفس التعول الصبن (Re: عمر صديق)
|
كل عام وأنتم بخير
قلنا نمر نبارك العيد لقينا الدار مِرَتِعة
أسمحوا لي ياعمر وخالد أرد تحية شاعرنا البلولة أولًا
حباب اهل الشعر البهزا في بو ماضي
سلاطين المحاص اهل السلاح الماضي
سمحين المقال امر ومضارع وماضي
حباب العمروالضانقيل وحافظين ماضي
حباب سيد الشعر شامل نفل وأفراضي
حفّاظ الأصول ال للبِدع دحاضي
تحلل للمشابك وتقضى للأغراضِ
من همعان سماك تروى سبعَ أراضي
سمية الحسن طلحة
| |
|
|
|
|
|
|
| |
عمر صديق
أحمد الشايقي
JAD
عزام حسن فرح
حمور زيادة
الطيب شيقوق
على احمد النعيم
Ishraga Haimoura
محي الدين جبريل
صلاح أبودية
خالد علي محجوب المنسي
ممدوح أبارو
فيس بوك
تويتر
انستقرام
يوتيوب
بنتيريست