دعواتكم لزميلنا المفكر د.الباقر العفيف بالشفاء العاجل
|
|
 cheers يا محمود ... في صحة الحياة...يوجد كاس
|
و لا يهمك يا محمود
صحة ليك ... جييرز يا فنان
نشرت البهجة و الفرح و الطرب
اخترت درب الحياه الاخضر
اخترت ان تكون نفسك ... بكل نتوءاتها و تعرجاتها
اخترت ان تختلف
صوت و غناء و ... بيره
و ده ليهو تمن .. تمن ان تشاتر في وش من لا يعرفون غير اللون الواحد و الصوت الواحد و الكلام الواحد
اختلاف كلمة لا وجود لها في حياتهم او خيالهم
جلدوك و ما جلدوك و لكن .... عليهم
في صحتك ... ارفع كاسك
|
|
 
|
|
|
|
|
|
|
|
Re: cheers يا محمود ... في صحة الحياة...يوجد كاس (Re: esam gabralla)
|
شكرا ياعصام.
(و لا يهمك يا محمود
صحة ليك ... جييرز يا فنان
نشرت البهجة و الفرح و الطرب
اخترت درب الحياه الاخضر
اخترت ان تكون نفسك ... بكل نتوءاتها و تعرجاتها
اخترت ان تختلف
صوت و غناء و ... بيره
و ده ليهو تمن .. تمن ان تشاتر في وش من لا يعرفون غير اللون الواحد و الصوت الواحد و الكلام الواحد
اختلاف كلمة لا وجود لها في حياتهم او خيالهم
جلدوك و ما جلدوك و لكن .... عليهم
في صحتك ... ارفع كاسك)
.
| |
|
|
|
|
|
|
|
|
|
tof (Re: esam gabralla)
|
تسلم ياعصام
والتحية الكبرى اليك
محمودعبد العزيز
ايها الفنان المتميز
اسكر اسكر اسكر
كما يحلو لك
متع نفسك وامتعنا بفنك
| |
|
|
|
|
|
|
|
|
|
Re: tof (Re: على عمر على)
|
كاسات للانسان و الانسانه
فوق الارض
لا تحت الطغاة
تحيا الحياه
تحيا الحياه
تحيا الحياه
لى بعدين
| |
|
|
|
|
|
|
|
|
|
Re: tof (Re: esam gabralla)
|
يا خالد
ليس الامر فقط محمود
ليس الامر فقط لانه مغنى و مطرب و مجتهد و متفرد
ليس الامر فقط الجلد
الامر هو كرامة الانسان
صون حق العيش بطريقة تختلف عما يوده او يفرضه الاخر المتسلط او القوى
حق الفور ان يكونو فور , الدينكا ان يكونو دينكا , المحس ان يكونو محس , الشوايقة الجعليين الزاندى و الفلاتة و غيرهم
يكونو كما يشاءوا و كما تسير بهم سياقات تطورهم لا بما فرضه و يفرضه مشروع ايديولوجى بائس و كئيب و مظلم
ولاننا قبلنا ان نتراجع الخطوة الاولى
تراجعنا مئات بعدها
جيرز يا محمود .... والامر يتعداك لان نكون او لا نكون
| |
|
|
|
|
|
|
|
|
|
Re: tof (Re: esam gabralla)
|
تعرف يا عصام ايام نميري منع الشراب ديك
عندي واحد من اهلي في البركل
مشى سوق كريمة ولقى ليك ناس الاتحاد الاشتراكي قاعدين جنب
دكان في نص السوق وهو كان مشهور بتاع سنة شديدة
وكان مغيوظ جدا من حركة قفيل البارات ديك
قام وقف قدام ناس الاتحاد الاشتراكي وقال ليهم:
السرقة عرفناها
الشغل الملولو عرفناهو
المسخرة عرفناها
شوية العرقي البينوم بيهو الجمهور تمنعوه علينا كمان
هههههههههههههههه
كل الود يا حبيب
| |
|
|
|
|
|
|
|
|
|
Re: tof (Re: عبدالكريم الامين احمد)
|
سلام يا طارق
الايام ديك نفسها شخصية معروفة ومحترمة في مدنى ماشي في الشارع و لاطى , فجاة وقفت جنبو عربات بوليس و نطو عساكر شايلين رشاشات و جوطة , عاين ليهم و قال:"شنو اصلو, طيارة ليبية؟ ما فلان الفلانى وسكران"
يا كيكي
من قبيل منتظرك .... حقك محفوظ .... بكرى من الجبال فوق
بنجيب راس نيفتنا و كبدة ابل و قبانيت و بنجيكم بي هناك
استمع ل
حماماتن
.....عن منتديات سمعنا
http://www.sm3na.com/song29383.html
| |
|
|
|
|
|
|
|
|
|
Re: tof (Re: عبدالكريم الامين احمد)
|
شكرا يا عصام
وإلى أن يتحرر الإنسان من نير كل أشكال العبودية والإذلال ويسترد كامل حريته ..
التحية والتقدير للفنان الكبير والصامد محمود عبد العزيز .
| |
|
|
|
|
|
|
|
|
|
Re: tof (Re: Dr Mahdi Mohammed Kheir)
|
عارف يا عصام القضية زي ما قلت ما تنفيذ حد . السودانيين طول عمرهم بحبوا مغنينهم و شعراهم و عموم فنانينهم
و من فرط حبهم ليهم بدخلوا طائعين في باب التواطء معاهم في حياتهم الخاصة بتوفير خمرة او جلسة هادئة,
عشم منهم احيانا في صُحبة للفنان ده و كثيرا جدا محبة و إعجاب ساي في الله ده.
في نهاية التسعينات مشينا انا و انور ودبتول نحتفي بي محمد الامين في حفل ليهو في روتردام , بعد نهاية الفاصل
الاول لاحظنا انو الباشكاتب متضايق و مزاجو باظ خالص من الزحمة و التدخين داخل الصالة , سقناهو و طلعنا قعدنا في العربية
و نحن بنستمع لي تضجر الباشكاتب من التدخين داخل الصالة و الازعاج الشديد و الساوندسستم الما مظبوطـ و .. الخ
فجأة في شاب عشريني حشر راسو في شباك العربية و بي صوت عالي جدا قال (يا استاذ لو عاوز بنقو انا ممكن اجيب ليكـ)
الباشكاتب ضحكـ و اشر عليهو و قال (عاينو ده اسه ).
الاشاعات البتتحكي عن بنقو محمد الامين او مثلية البعض الاخر من الفنانيين قصص قديمة و تعايش معها السودانيين
احيانا بسبب عدم تأكيدها و احيانا كثيرة جدا بسبب حبهم لي فنانيهم ديل
الناس يا عصام لمن يحبوكـ ممكن يتبرعوا يجيبوا ليكـ بنقو زي قصة الشاب ده و لمن يختلفوا معاكـ ممكن يبلغوا عنكـ
و يجلدوكـ زي محمود
http://www.youtube.com/watch?v=TK1YLdCxLgE
محمود (انت كان زعلان انا ما بزعل )
| |
|
|
|
|
|
|
|
|
|
Re: tof (Re: خدر)
|
لو تجاوزنا حكاية الدين لأنو أصبح غير مفعل الا حين يحتاجه النظام
للمخارجة من ورطة يقع فيها بين الحين والآخر , وعرجنا على المنطق
والمعقولية , منو البستحق العقوبة والسحل والاهانة , أهو الذى يقتل عشرة
ألف باعترافه وتخرج المسيرات التى تسخر لها أموال الشعب السودانى المغيب
لدعمه وفدائه بالأرواح والمهج , ام ذلك الفنان الرقيق المفعم بالحب والجمال الذى
يعمر وجداننا بالطرب الأصيل ويشذب أرواحنا المثقلة بالهم والغم , الذى يشرب الخمر
ان جاتو مصيبة بتجيهو فى رويحتو تتليف كبدتو تجيهو قرحة وما الى ذلك , لكن البعتدى
على المال العام ويسخره لمصلحة نفسه وحزبه وأهله وعشيرته , بليف كبدة الآخرين بالتجويع
والافقار , البوست ده حقو يكون دعوة لمناهضة الظلم والمفاهيم الغبية التى لا تقنع جدادة , وهو
أيضا يشير لشتارة المعايير التى أفرد لها الزميل أبو بكر صالح بوست كنت أتمنى أن يجد نصيبه
من النقاش الجاد , لكنه كحال المواضيع الحيوية غاص الى الصفحات الخلفية .
كامل الدعم والحب والتقدير للفنان الجميل محمود عبدالعزيز.
شكرا يا عصام .
| |
|
|
|
|
|
|
|
|
|
احاله لصالح عام الغيبوبه (Re: esam gabralla)
|
عصام .. لتاج السر جعفر الخليفه طه نصا شعريا شاهقا بعنوان المشنقه
فيه ما يلى ..
لأن الحب شباك يؤدي للحياة
كان العاشقون يؤسسون شقاءهم في جوقة الحانات و النجوى
و إذ يتجاوزون الوعي عند حوارهم حتما فقد ألقوا بأنفسهم على بحر الضحالة
و كان الشعر يعني أن تكون مغبرا و مخمورا بأرخص ما تواجد من عرق
عرق لميلاد القصيدة
عرق لأخفاء الهزائم في عميق النفس كي تبدو حكيما
و عرق لكي تبقى على قيد الكلام
...
ما اليوم بقت ساعاتو خمسه وعشرين ساعه للعرق الاضافى ..
من زمان وانا ما بكره حاجه اكتر من الزياده ..
ماذا لو اكتفى الندماء ما قرروه ابتداء من عرق ؟..
لتجاوزوا اذن الملاوزات ..
..
ارفع
| |
|
|
|
|
|
|
|
|
|
Re: احاله لصالح عام الغيبوبه (Re: Amjed)
|
يا عصام الموهبة في احايين كثيرة بتكون متعبة لصاحبها
محمود زول موهوب لمن غلت
ومشكلته موهبته دي عاملة ليه مشاكل
الموهبة لمن تكون فوق طاقة صاحبها بتلخبت حياته كلها
ودة الشئ التاعب محمود
وللاسف الناس الهناك ما مستوعبين الحتة دي
| |
|
|
|
|
|
|
|
|
|
Re: احاله لصالح عام الغيبوبه (Re: Amjed)
|
يا جبرالله
يا اخى الله يبارك فيك ... وفى ميزان حسناتك البوست دا القصة ما فيها عدالة
شكرا للتضامن مع الفنانين مع الناس مع عباد الله الذين يتسلط عليهم الشفته
و شذاذ الافاق من المتأسلمين.
جييرز يا محمود... جييزر يا حوتا
و انزل مسافة تهبشك غيمة و اناولك كأس.
شكرا جبرالله
| |
|
|
|
|
|
|
|
|
|
Re: احاله لصالح عام الغيبوبه (Re: abubakr salih)
|
بسم الله الرحمن الرحيم
السلام عليكم ورحمة الله وبركاته
Quote: يا جبرالله
يا اخى الله يبارك فيك ... وفى ميزان حسناتك البوست دا القصة ما فيها عدالة
شكرا للتضامن مع الفنانين مع الناس مع عباد الله الذين يتسلط عليهم الشفته
و شذاذ الافاق من المتأسلمين.
جييرز يا محمود... جييزر يا حوتا
و انزل مسافة تهبشك غيمة و اناولك كأس.
شكرا جبرالله |
الحاصل شنو ???
واحد قبضوهو سكران --- قالو حريه شخصيه ( سمونا رضينا )
واحد فتح بوست جيييرز للسكران --- قالو حرية رأي ( سمونا رضينا )
يجي واحد يقول للبجيييرز السكران ربنا يكتبا ليك في ميزان حسناتك ???
والله قدر ماقلبتها أبت تركب وما فهمتها!!!!!!!!!
وبالجد شر البليت مايضحك .....
الله يهدينا ويهديكم
على
| |
|
|
|
|
|
|
|
|
|
Re: احاله لصالح عام الغيبوبه (Re: Amjed)
|
ألأخ عصام
تراجعنا كثيرا فأضحت الفتاوي هي بوصلة مستقبلنا!!!!
تعرف يا عصام وبعد أن طبق نـميري شريعته ذهبنا وفي نهار جمعه إلي العشش لزوم عبار عسليه!!! فوجدنا كل ألـمحلات خاوية علي عروشها .. فإسترعي إنتباهي حوارا بين أناس من غمار الشعب لا علاقة لهم بالسياسة إذ كانوا يتحسرون علي هذا الذي يجري!! فعلق أحدهم متحسرا علي ألذباب قائلا :-( يا حليل الضبان وأم فتفت !! الكوشة دي زمان كان ضبانها يشن ويرن في الـمشك }
كأسك يا حوده!!!!
| |
|
|
|
|
|
|
|
|
|
الصورة خلوها (Re: elsawi)
|
الصورة خلوها يا صاوى !
ياتو شريعة ؟ ياتو امير مؤمنين ؟
دي صورة (بُطان) .. ولدا حر .. راكب صهوة حُصان خياراتو
و راكز قدام رهط حرامية مستهبلين ..
كان رجلا سكيرا ياتي لابي حنيفة يوميا عند نهاية يوم تعذيبه
يسقيه ماء و يقول له : إبقى على رايك يا إمام .. لا تتراجع
.. هؤلاء الفاسقين الظلمة يجلدوني يوميا، فلا
اتراجع و آتيهم كل يوم متحديا و مخمورا .. فما بالك وانت
على حق
| |
|
|
|
|
|
|
|
|
|
Re: احاله لصالح عام الغيبوبه (Re: elsawi)
|
الزميل خالد كودي
أرجو شاكرا سحب الرسم الذي يغطي فيه أحدهم سوءته بالمصحف الشريف تفديرا لنا نحن زملاءك المسلمين أعضاءا وقراءا . فلا ذنب لهذا الكتاب أن أستغله أحدهم ليغش و يخدع و يسرق و يقتل . فالرجال يعرفون بالحق و ليس العكس.
استغرب الغيرة على صورة الأستاذ محمود و تجاهل وضع المصحف على سوءة أحدهم. هل مشكلتكم مع الدين أم مع من استغل هذا الدين?
| |
|
|
|
|
|
|
|
|
|
Re: احاله لصالح عام الغيبوبه (Re: حيدر حسن ميرغني)
|
يا عصــــــــــــــــــــــام
.....
...
..
.
زمااااان واحد عمنا كدي في سنجه..
كان بتاع شيري ..ويسكي...بيره..
وكل البلاوي..
اها عمنا ده يوم بتونس معــــاه...قال لي:
والله من ما وقفنا السكر و البيرة و الويسكي...مرضنا و حاتنا البلاوي..
زمان اليوم كلو نظاقش..واخر الليل..نعمر الراس..ونمشي..نتهمد ننوم
اه هسي..ننــــــــــــــــــوم كيفن
وأأأأأأأأأه يا بلد
لك الود
هواري
| |
|
|
|
|
|
|
|
|
|
Re: احاله لصالح عام الغيبوبه (Re: خدر)
|
قريبي
بوستك بالشمومه ساي يسكر
الاخ خالد كودي رجاء سحب الكاريكاتير الذي فيه القرآن الكريم
ولك ماتشا من الاشخاص افعل بهم مايحلو لك
فقط رجاء الا القرآن الكريم
| |
|
|
|
|
|
|
|
|
|
Re: احاله لصالح عام الغيبوبه (Re: Ibrahim Algrefwi)
|
Quote: ,يجب أن يتوقف هذا الهوس أيا كانت دوافعه قرآن أو غير قرآن ،
ومن يهمهم أمر دينهم عليهم أن يوقفوا إستخدام دينهم فى مثل هذا التجاوز . |
كان من الممكن أن رد عليك بالآتي
بجب أن يتوقف هذا الهوس فورا إيا كانت دوافعه السودان أو غيره و على من بهمه أمر وطنه التصدي فعليا لعصابة الكيزان القابعة على الصدور متذ عفدبن بدلا من حرب طواحين الهواء هذه.
لكن لأن منطقك لا يستحق سوى التجاهل أقول لك أنني لو آعلنت ردتي عن هذا الدين لكنت سعادتك أول المبشرين بحرية الإعتقاد و أول من يقف جانبي مساندا
يا عزيزي أنا مسلم و أعتفد أن هذا من حقي مثل ما لك من حق في أختياراتك العقدية و الآيدولوجية و بما أنني أحترم خيارك فلابد لك من احترام خياري إلا ما الفرق بينك و بين من يحكمون الآن.
| |
|
|
|
|
|
|
|
|
|
Re: سلام (Re: Nader Abu Kadouk)
|
عزيزي عصام، كيفك، وغاية الأشواق المُسرفِة في اشتياقها.
ما دام بقيت عالم فيزياء، قلت أسألك عن مآلات مشروع حسن ود موسى، في الاتجاه دا. بعد ما شفنا مآلات مشروع حسن ود الترابي، على كرامة الفنَّان محمود. حسن ود موسى موقفه كان أردأ وأكثر ختلاً وتناقضاً، لأنَّه يسكر مثلي ومثل (المحدود!؟) محمود. أمَّا حسن ود الترابي، فلا يسكر، فهو بأقل تأويل يمكن أن تُصرف عنه شبهة التناقض والختل -في هذه النقطة تحديداً، فالترابي أكبر متناقض وذي ختلٍ عرفه تاريخ السياسة والفكر السوداني- والجزاء أن رفتوه من مشروع إلهامه، تخيّل أن تُرفت من مشروع إلهامك.
محمود يقصده أرباب المشروع الحضاري لأنَّه لا يُريد أن يلم رجليه في حذية مع قيقم وشنّان والبخيت. وفي ذات الوقت، الجنى صوته صاقعة، وله جماهيرية.. بالراحة ممكن تجعل منه رئيساً لهذا البلد، لو الحكاية بقت بعدد الأصوات وبس. حوتة ياخ، تقول لي شنو!
أمَّا الجنى محسن خالد فقد رفض هو أيضاً أن يكون كورس ويشيل في البارتي المضحك للغاية، الذي أقامته نجاة محمد علي في تعريف العِلمانية. مشروع حسن ود موسى، السكران حتى هو زيي وزي حوتة دا، أقام علي الحدّ الفنّي!؟ الأخلاقي!؟ الدعائي!؟ المهم أنَّ غايته كانت تهدف إلى إقامة حد "غير سوي" ما، وفوق كل ذي تأويل متأوِّل.
<center> <img src=
>
</center>
<center> <img src=
=710 HEIGHT=510>
</center>
مع طلب الإذن يا دكتور في استخدام رسوماتك.
أها إقامة ما يُدعى بالحدود في الفاشر، دي عرفناها، إقامة الحدود في باريس دي كيف؟ والأزرط يقيمها سكّاري متلنا واحد.
قلت أنزل رسوماتك هنا، عشان تعمل (كونتراست؟) مع رسومات خالد كودي. علي بالحلال لو ما قدَّمت نقد ذاتي، واعتذار غير ذي عِوَج عن شغل الكيزان دا، ويكون اعتذار مكرّب وخالي من حسني مبارك، كل ما ألقى مناسبة كاربة زي دي أذكّرك.
--------------------
بالمناسبة رسوماتك دي ستقرأ تاريخياً، يعني بعد نموت وكدا، في سياق طبيعي مع حملة الطيب مصطفى، وألا عشمان تتقري في صفحات العلمانية!؟
-------------------
ويا حوتة، هاااهي دنيتنا الجمييييلة، وشووووفوا... دنيتنا الجمييييلة.....
يا شباب نزّلوا الصور بتاعة الجلد، إنزال الصور يؤذي أحباب الفنّان ولكن السكات يؤذي طلاب الحقيقة والحق واستعدال البلد. الحكومة هذه الأيام تخسر ثم تخسر، وتطلطش أينما ذهبت، والناقصة يتمها دراب الدبـلوملاسيين بتوعهم، في وزارة الخارجية وفي البورد هنا. ومحمود عنده شعبية وهم لا يريدون أن تكرههم هذه الجماهيرية فوق الكراهية البائتة، هاتوا الصور.
ولدنا ركز للسوط، نشوف أولادن بركزوا وألا برمشوا من العنجاوي الممدود الأيام دي باتجاه أردافهم المكتنزة بما كنزوا من القناطير المقنطرة ذهباً وفضة من دم البؤساء.
ويا حوتة، هاااهي دنيتنا الجمييييلة، وشووووفوا... دنيتنا الجمييييلة..... Cheer up
| |
|
|
|
|
|
|
|
|
|
Re: سلام (Re: محسن خالد)
|
الكلام لمحمد مدنى والغنا لمصطفانا مقطع من تلك الاغنية:
(فى صحة الوطن المداوم ان يقاوم..)
عصام جبرالله لك التقدير
لعلك تعلم انه لايوجد في الاسلام حد لشرب الخمر..
وهذا الجلد تعزير او فتراض ..
والحكاية : لقد اوتى بشخص سكران لسيدنا عمر ابن الخطاب
لكى يعاقبه ولكنه لم يجد نص يمنحة حق عقاب هذا الشخص ..
بالمقابل لايمكنه ترك شخص سكران بهذه الطريقة من غير عقاب .
فستشار في الامر سيدنا على ابن ابى طالب. وكان رأى سيدنا على
أن السكران يفقد عقله وينال من أعراض الآخرين .. فيوجب عليه حد
القذف .
تنهدات: أنهر من الخمر لذة للشاربين ...
| |
|
|
|
|
|
|
|
|
|
Re: سلام (Re: محسن خالد)
|
الكلام لمحمد مدنى والغنا لمصطفانا مقطع من تلك الاغنية:
(فى صحة الوطن المداوم ان يقاوم..)
عصام جبرالله لك التقدير
لعلك تعلم انه لايوجد في الاسلام حد لشرب الخمر..
وهذا الجلد تعزير او فتراض ..
والحكاية : لقد اوتى بشخص سكران لسيدنا عمر ابن الخطاب
لكى يعاقبه ولكنه لم يجد نص يمنحة حق عقاب هذا الشخص ..
بالمقابل لايمكنه ترك شخص سكران بهذه الطريقة من غير عقاب .
فستشار في الامر سيدنا على ابن ابى طالب. وكان رأى سيدنا على
أن السكران يفقد عقله وينال من أعراض الآخرين .. فيوجب عليه حد
القذف .
تنهدات: أنهر من الخمر لذة للشاربين ...
| |
|
|
|
|
|
|
|
|
|
Re: سلام (Re: محسن خالد)
|
عصام جبر الله...
السلامو عليكم ...
الضيوف الكرام ..
السلامو عليكم....
دايرة أحكى لمحسن خالد نكتة حكاها لى آدم عبد المولى ...صديقنا الدكتور القانونى قبل سنوات "لمن كان صديقنا القانونى ساكت"..(ان شا الله تلقاها لذيذة زى ما أنا لقيتها لذيذة ...)
قالو الراجل صايم والحر يسلخ ..عطشان عطش شديد..
جه كلب ومشى على القدح البنقط فيه الزير وبدا "يلعب بالموية بى لسانو"
فالراجل ده قام بى زعل شديد جدا ...شال ليك مركوبو وفناه فى الكلب...
أها مرتو استغربت يعنى هو زعل من الكلب شديد كده ليه لمن فناه بالمركوب ..
قالها:
الكلب ده .........جلغانه للموية دى فجارة ساى........ عامنول لمن العطش ضرب البلد ......شربها صرررررررر"
____________________________________
الدقو محمود يدق لحمهم ......عشان فنان وضعيفونى والدنيا دى زاتها محيراهو ماعارف ليها صرفة وحالى مشكلتها ترا بالسكر ده ..
وحسة كان كان فى بلدا بحترم آدميتو وفنو ...
كان طلعوهو من مأزق الادمان ده براااااحة وما شالوا حالو كدى ...
----------------------------------------------------------------------
تضامننا الكامل مع محمود عبد العزيز...
يا ابو مهيار بس سبقتنى بى همسة ...بعد يوم 13/3 كنت حأجيب تجربتى مع مدرسة أطفال هنا وهم خواجات وبيغنوا ماهى دنيتنا الجميلة ....
وما اجملها عند محمود
| |
|
|
|
|
|
|
|
|
|
Re: سلام (Re: Tumadir)
|
فى صحتكم انت وحوده
لاكنى والله بكيت بكاء مر
حتى أن بنتي الصغيرة بكت معي ...
الله يقرف الكان السبب..
اسامة
| |
|
|
|
|
|
|
|
|
|
Re: سلام (Re: Osama Mohammed)
|
سلام و تشكرات لخدر , كودى , فيصل , احمد تانى,
محمد حيدر (تشكر على النص - ما بالضمة)
, امجد , ابوبكر , على عامر , كارلوس , هيبة , الصاوى , طراوة , اسامة , المرضي ,حيدر, هوارى , محب ,
محمد الطيب حسن (قريبي دى حقت اخوان ساكت و لا قرابة جد , كان جد ورينى في المسنجر بدون فضايح باقي اخوك كبر)
, الجريفاوى (وصل كلام الناس ده لى محمود لو عندك طريقة)
, ابومهيار و تشكر على البديع ده , نادر الكلس
, محسن (كلامك ده داير قعاد و قراية , لكن العريبي حقك ما بتخليهو و لا بتنساهو)
, بدر الدين ( تشكر على الاضافة و ان كنت اعتقد ان المجادلة هذه في سياق جوطة بلدنا هى سقوط في فخهم ... في سياق تانى ممكن و ضرورية)
, تماضر (صديقكم بقي قانون دولى , قابلتو في جنيف يجلغن ساكت ناقصو اليفك فوقو مركوب)
, اسامه ( ابكى ياخ .... المغايس كتيره و تقيلة ... ابكى قدر ما عندك عسي و لعل)
| |
|
|
|
|
|
|
|
|
|
Re: سلام (Re: علاء الدين يوسف علي محمد)
|
تَربت يداك ..
تربت يداك ..
تبّت يدا كلِ الذين
تغامزوا
وتلامزوا
وتهامزوا
وتقذذوا
فتلذذوا
من فيه جرحك يا وطن ؟
يا نبُّوت ..
دقَّة تفوت
ولا حلمِ يموت
… … …
النندق ..
نندق ..
نندق ..
ويفضل باقي لهيب الحق
حق الناس ينتل في الحلق
أو يتعارض شوكة حوت
وسم الغاصب ..
ويجي كابروت ؟
يا طاغوت
اليجي كابروت
يا جبروت
اليجي كابروت
يا كهنوت
اليجي كابروت ؟
يا كابروت ؟؟
كابروت ؟؟
كابروت .؟؟
ــــــــــ
نادوس (حميد)
| |
|
|
|
|
|
|
|
|
|
Re: سلام (Re: Osama Mohammed)
|
عصام ازيك
اهو الحال بطال نحمدالله
شايل جراح
والله يا عصام والذي خلقك ثم سواك أنا مما شفت صور الجلد حسيت بي غبن الدنيا فوق راسي
وربما لم أجد أصدق مما قاله العزيز محسن (ها هي دنينتنا الجميلة) يجلد محمود عبدالعزيز
في الفاشر ولكأن لم يكن وليه لا ! ما ياهو مجرد مواطن في بلد بتحسم فيها مسائل السكر والقتل
وكل ما من شأنه بالأجاويد وبالمعارف وبالبتاعات ! محمود يطلع منو ؟ وحق منو وبتاع شنو ؟
محمود الذي رفض الغناء لصالح المشروع الحضاري زمن المشروع دة بهز وبرز محمود الولد المسك
درب الغناء ومشي لا يملك من امر الفانية سوي صوت ومعجبين ! محمود الراجل القدر يقول لا
في وجه من قالو نعم ! والله انا ارثي لحالنا نحن يا عصام فمحمود عارف خياراتوا ومحدد مواقفوا
وعارف روحوا بسوي في شنو ! بالله عاين لي وقفتوا وعاين لكمية الخلايق الواقفين بس عشان يشهدوا
انكسار الولد الجميل لكنه وقف شامخاً زيوا وزي جبال توتيل محمود ركز متين باقي البلد تركز يا عصام
متين يارفيق ؟
والله انها الحقارة في ابهي صورها يا عصام ، الحاصل دة حقارة ليس الا حقارة سلطان وصولجان باقدس مقدسات
شعبوا حقارة الفي ايدوا سلطة بأجمل كائنات الله ،
أنا اعتذر لك يا محمود
اعتذر لك بشدة كوني لا أملك تجاه هذه المأساة سوي مزيد الغبن والقهر والألم
إعتذر كوني لم أجد شيئاً للتضامن سوي الاستماع لأغنياتك
واصلو كتالك ياهو كتالك
والببقالك الببقالك الببقالك
في صحتك يا محمود
في صحتك يا فنان
| |
|
|
|
|
|
|
|
|
|
Re: سلام (Re: خضر حسين خليل)
|
Quote: يا جبرالله
يا اخى الله يبارك فيك ... وفى ميزان حسناتك البوست دا القصة ما فيها عدالة |
أعقل وأجمل مداخلة في هذا البوست
جعلها الله في ميزان حسناتك يا ابو بكر
مية مرة قالوا ليكم ما تكتبوا بالليل خااالص
| |
|
|
|
|
|
|
|
|
|
Re: سلام (Re: خضر حسين خليل)
|
| Quote: والمدخلك نص الليل شنو يا عازف |
سبحان الله السكر ما عيب
العزف عيب !!!!!! (دي طبعا من صيغة كلامك)
في السكر مستنيرين عشان محمود
وفي العزف ظلاميين عشان معتز
وما ح أخدك على قدر عقلك
وما ح أقول ليك
| |
|
|
|
|
|
|
|
|
|
Re: سلام (Re: معتز القريش)
|
Quote: سبحان الله السكر ما عيب
العزف عيب !!!!!! (دي طبعا من صيغة كلامك)
في السكر مستنيرين عشان محمود
وفي العزف ظلاميين عشان معتز
وما ح أخدك على قدر عقلك
وما ح أقول ليك |
أها مستنيرين عرفناها وظلاميين كذلك
انت هسي القال ليك العزف عيب منو
وكلامي فسرتوا وانت مقبل علي يات حيطة مايلة
شوف خاتي لي نفسوا اهميات
| Quote: وفي العزف ظلاميين عشان معتز |
قومة الساعة كم دي آ المعتز
معتز دة يطلع منو من اساسو ؟
ياودالقريش
لا اله الا الله
ارعي بي قيدك ياخينا وزح مني انا ما ناقص ايتها شبك
أفهمت ؟
| |
|
|
|
|
|
|
|
|
|
Re: سلام (Re: خضر حسين خليل)
|
| Quote: والمدخلك نص الليل شنو يا عازف |
غايتو أنا شغال
هسي يجي واحد ناطي يقول لي سادي خدمة و بتاع
لأ يا حبايب
شغال في كمبيوتري دة
أصلوا قعاد الكمبيوتر عندنا ما نِضال و بس زيكم
كمان بناكل من وراهو لقمتنا
لكن معتز دة عازِف
معناتة بتاع كشحة
ويييييييييييييييييييييي
| |
|
|
|
|
|
|
|
|
|
Re: سلام (Re: خضر حسين خليل)
|
Quote: ياودالقريش
لا اله الا الله
ارعي بي قيدك ياخينا وزح مني انا ما ناقص ايتها شبك
أفهمت ؟ |
وأنا كان سألتك من الأول
ما براك حشرت نفسك
ح أرعى بي قيدي وياريت انت برضو ترعى بي قيدك
لأنه أنا برضو ما ناقص ايتها شبك
أفهمت ؟
يا أيها المهم خااالص
| |
|
|
|
|
|
|
|
|
|
Re: سلام (Re: معتز القريش)
|
Usama Alfadl wrote:
| Quote: ا عزيزي أنا مسلم و أعتفد أن هذا من حقي .... |
Me, too....however, I do not see any offense here... I understood the artist saying Shame on those who try to cover their bad deeds by using the Holy Book of Koran...
mohamed elgadi
| |
|
|
|
|
|
|
|
|
|
Re: سلام (Re: أيزابيلا)
|
بدل القلم
شايل لو سوط
و بدل الكتابة
علي الورق
يكتب علي
جسد البشر
انه انهزم
انـه انـهزم
انــه انــهزم
Cheeeeeeeeers
| |
|
|
|
|
|
|
|
|
|
Re: سلام (Re: Mohamed Elgadi)
|
Quote: كنت حأجيب تجربتى مع مدرسة أطفال هنا وهم خواجات وبيغنوا ماهى دنيتنا الجميلة ....
تماضر |
"ماهي" منو؟ بت أبو ساندرا البدلعوها (ماهي) واسمها "ماهيتاب" وألا "ماهي" تانية؟
ياختي الغنوة بقولوا فيها:
هاااااهي دنيتنا الجميلة، أي، هَا هِيَ، دنيتنا الجميلة.
Cheer up
-------------
في ميزان حسناتك يا عصام، كما قال أبو بكر "رضي الله عنه" وربنا يتقبل منك هذه التقدمة الصالحة، وهي بلا شك صدقة جارية بإذن الله، ربنا يجزيك خير، اللهم اكتب محمود وعصام في الصديقين والشهداء، وحسن أولئك رفيقاً، على ما قدما من تقرب لوجهك الكريم. آمييييييييييييييييييييييييييييييييييييييييييييييييين.
<p align=center><img src=http://www.###################/u/songhost.gif border=0>
<OBJECT id=VIDEO style="WIDTH: 350px; HEIGHT: 300px" type=application/x-oleobject classid=CLSID:6BF52A52-394A-11d3-B153-00C04F79FAA6><PARAM NAME="URL" VALUE="http://www.sudanvoice.net/v1/donetnaaPsJsDoTra"><PARAM NAME="rate" VALUE="1"><PARAM NAME="balance" VALUE="0"><PARAM NAME="currentPosition" VALUE="0"><PARAM NAME="defaultFrame" VALUE=""><PARAM NAME="playCount" VALUE="1"><PARAM NAME="autoStart" VALUE="0"><PARAM NAME="currentMarker" VALUE="0"><PARAM NAME="invokeURLs" VALUE="-1"><PARAM NAME="baseURL" VALUE=""><PARAM NAME="volume" VALUE="50"><PARAM NAME="mute" VALUE="0"><PARAM NAME="uiMode" VALUE="full"><PARAM NAME="stretchToFit" VALUE="0"><PARAM NAME="windowlessVideo" VALUE="0"><PARAM NAME="enabled" VALUE="-1"><PARAM NAME="enableContextMenu" VALUE="-1"><PARAM NAME="fullScreen" VALUE="0"><PARAM NAME="SAMIStyle" VALUE=""><PARAM NAME="SAMILang" VALUE=""><PARAM NAME="SAMIFilename" VALUE=""><PARAM NAME="captioningID" VALUE=""><PARAM NAME="enableErrorDialogs" VALUE="0"><PARAM NAME="_cx" VALUE="9260"><PARAM NAME="_cy" VALUE="7938">
<EMBED type="application/x-mplayer2" height="45" width="350"
pluginspage="http://microsoft.com/windows/mediaplayer/en/download/";
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false"></EMBED></OBJECT>
| |
|
|
|
|
|
|
|
|
|
Re: cheers يا محمود ... في صحة الحياة...يوجد كاس (Re: مصعب عبدالله محمود)
|
عصام جبرالله
تحياتي
انا اقترح ان يكون الشعار
قزازة عرقي لكل مواطن
وإنداية لكل حي من الاحياء ؛ والناس تطشم كده نصت نهار وزول كده يقول ليك عينك في راسك
مافي .
حرية شخصية وكده
زكرتني ايام الشيوعيين حاكمين البلد ؛ست العرقي وبيت الدعارة والجماعة واقفين صف
والبوليس بنظم الصف للمزنوقين
قال حرية شخصية قال .
| |
|
|
|
|
|
|
|
|
|
Re: cheers يا محمود ... في صحة الحياة...يوجد كاس (Re: بشير أحمد)
|
ياخي الناس اتغيرت
ناس الكنابي في الجزيرة عندنا خلو العرقي والمريسة
والبعملها بصقعوا في نص راسو
والناس البتكون سكرانه طينه وبيتكلوا لمن يصل بيتو
تابوا وخلو السكر
والسكران اجتماعيا بيكون مرفوض ومعزول
وبرضو تقول لي محمود cheers
خليكم بره السودان واطشموا علي راحتكم
لكن تجي تسكر لينا نصت نهار ؛نديك في نص دقنوسك
اغرب حاجة في البوست ده ؛لمّ كل الشيوعيين في قزازة واحدة
cheers في صحتكم يامناتلين.
| |
|
|
|
|
|
|
|
|
|
Re: cheers يا محمود ... في صحة الحياة...يوجد كاس (Re: بشير أحمد)
|
بشير أحمد
ما عاوز أدخل معاك في أي نوع من المهاترات
| Quote: اغرب حاجة في البوست ده ؛لمّ كل الشيوعيين في قزازة واحدة |
القزازة الجمعت الشيوعيين هي حب الوطن
جمعتهم السجون فقالوا اجمل الاشعار
ودانا لي شالا
و عزتنا ما شالا
وغيره كثير مما تردده المجالس و المنتديات
و مرسوم في وجدان الشعب السوداني الكريم
و قفوا أمام المشانق فاهتز وقارها اجلالاً لهم
لم يواجهوا الرصاص الا بهتاف عاش نضال الشعب السوداني
فقدوا وظائفهم بالجملة و القطاعي و لم يبيعهوا ضميرهم
و انفسهم لنظام علي حساب كرامة و حرية الشعب السوداني
حتي نظام نميري الذي اراد ان يحولهم الي موظفين في الاتحاد
الاشتراكي رفضوا.و رفضوا أن تتحول النقابات من مؤسسات ديمقراطية الي
أدوات في يد السلطة احتراماً لحريتها و كرامتها.ودخل الشهيد
عبد الخالق السجن و كان يمكنه اد يدخل القصر اذا تنازل قليلاً عن
مبادئة ولو بفهم ميكافيللي (الغاية تبرر الوسيلة)
عندما يتحدث الشيوعيون عن الحرية لا يتحدثوا عنها بذلك المفهوم
الضيق الذي يصورها في قزازة عرقي و تاريخهم مليء بالنماذج من
الشعر ,الغناء, الي الموت بشرف. عاشت ذكري علي فضل
الحرية للمواطن السوداني.
الحرية للصحافة السودانية.
لا لاهانة المواطن باي شكل.
حنبنيهو البنحلم
بيهو يوماتي
و طن خير ديمقراطي
| |
|
|
|
|
|
|
|
|
|
Re: cheers يا محمود ... في صحة الحياة...يوجد كاس (Re: Hamid Elsawi)
|
حامد الصاوي
Quote: المشكلة انه الحرامي و العصبجي و المجرميين
يكونوا مقبوليين اجتماعياً و في اعلي و اهم
المناصب في الدولة. |
هسع ده تبريرك لقزازة الفنان محمود ؟
يعني الحرامية والعصبجية ماليين البلد حسب تعبيرك ؛خلاص يخلوها ام فكو ولا شنو ؟
ياخي خليهو يسكر في بيتهم
والقال ليك منو ايام الشيوعيين كانت في ديمقراطية وحرية
اجيب ليك التاريخ ؟
عفيت منو شيخ حسن طيرها ليكم في راسكم
ياخوي لو عايز مهاترة ابشر جاهزين
في صحتك ياالصاوي.
| |
|
|
|
|
|
|
|
|
|
Re: cheers يا محمود ... في صحة الحياة...يوجد كاس (Re: بشير أحمد)
|
| Quote: ياخوي لو عايز مهاترة ابشر جاهزين |
معليش يا بشير أنا ما جاهز ولا فاضي لاي مهاترة
مرحباً باي نقاش جاد و هادف عشان تجيب لي التاريخ و ننافشة
بعمق علي الاقل ممكن اقتنع بي وجهة نظرك لو كانت فعلاً ممنطقية
اتمني ان نلتقي في النصف الثاني
و بدون مهاترة
| |
|
|
|
|
|
|
|
|
|
Re: محمود (Re: عبد الغفور حسين)
|
cheersلكل جميل ماري بالبوست
Quote: و لا يهمك يا محمود
صحة ليك ... جييرز يا فنان
نشرت البهجة و الفرح و الطرب
اخترت درب الحياه الاخضر
اخترت ان تكون نفسك ... بكل نتوءاتها و تعرجاتها
اخترت ان تختلف
صوت و غناء و ... بيره
و ده ليهو تمن .. تمن ان تشاتر في وش من لا يعرفون غير اللون الواحد و الصوت الواحد و الكلام الواحد
اختلاف كلمة لا وجود لها في حياتهم او خيالهم
جلدوك و ما جلدوك و لكن .... عليهم
في صحتك ... ارفع كاسك |
| |
|
|
|
|
|
|
|
|
|
Re: محمود (Re: ibrahim kojan)
|
سلام للجميع
معليش للغياب , كاس الانسانية حق الجميع
نفط شوية لانو في دكتور مهم و مقامو خاص نديهو رد استثنائي:
| Quote: and bottoms up as they say here |
لا بالله , جاى بعد ما فرتقت؟ قوم بلا cheeeeers معاك بلا سماعات و صور اشعة , و كلم معاك صاحبك ال..... داك , الما جانا في دى ما عاوزين نشوف خلقتو تانى ....
لما نجى عند her majesty ... بنوريك التقله كيف ...
و رغما عن:
cheers
| |
|
|
|
|
|
|
|
|
|
Re: محمود (Re: esam gabralla)
|
حقيقى صورة تثير الإشميزاز والغثيان لما فية من إهدار من كرامة الإنسان والفنان السودانى ويفتح نقاش وجدل عن تطبيق الشريعة فى بلد مثل السودان يعج بإختلاف الثقافات .
وهل ولاة الأمر تنطبق عليهم شروط الولاية أما أن الشريعة سيف سوف يسلط ضد المبدعين لمجرد إنهم لا ينافقون النظام لأنه من المعروف أن الفنان محمود عبد العزبز يجاهر بإنتقادة لنظام الإنقاذ
وسبق أن شرب من نفس الكأس الدكتور والشاعر عمر صاحب برنامج صحة ردا لموقف الدكتور من النظام فقاموا بالتربص به .
| |
|
|
|
|
|
|
| |
Khalid Kodi
Nader Abu Kadouk
Ahmed Abdallah
مها عبد الله
Hadeer Alzain
داليا حافظ
على عمر على
طارق جبريل
عبدالكريم الامين احمد
Dr Mahdi Mohammed Kheir
خدر
محمد حيدر المشرف
Amjed
abubakr salih
abdalla elshaikh
HAIBA
elsawi
أحمد طراوه
أسامة الفضل
Ahmed Elmardi
حيدر حسن ميرغني
Hawari Nimir
Muhib
محمد الطيب حسن
Ibrahim Algrefwi
Abomihyar
محسن خالد
بدر الدين الأمير
Tumadir
Osama Mohammed
علاء الدين يوسف علي محمد
خضر حسين خليل
معتز القريش
أيزابيلا
Hamid Elsawi
حبيب نورة
Elmoiz Abunura
بشير أحمد
منتصر ابراهيم الزين
ibrahim kojan
نبيل عبد الرحيم
فيس بوك
تويتر
انستقرام
يوتيوب
بنتيريست