|
ياااااخى الخواجات ديل اولاد لزينة عديل!
|
نسيت ان احكي لكم واحدة من ثمرات العلم الحديث تهمنا نحن قبيلة التكاسة جدا لانها تتعلق بمهنتنا وهي تكنولوجيا حديثة ( بتفك الزنقات الا زنقة اوكامبو افكها الجليل الرحيم ) وجعلتي فاغرا ( خشمي) عندما استمعت قبل ايام الي صديقي وقريبي الباشمهندس أسامة بله وهو مهندس اتصالات يخدم في شركة ( نوكيا) بدالاس ( تكساس) فقد اخبرني عن حادثة ضياع مفتاح سيارته الجديدة 2009 اثناء تادية عمله خارج مدينة دالاس في منطقة خلاء فقد احتار جدا في كيفية فتح باب السيارة وكاد بعد ياس ان يكسر زجاجها ولكنه عدل عن هذه الفكرة ( الكيزانية) وقام باتصال بالشركة التي اشترى منها السيارة ان كان لها فرع قريب بالمنطقة يمكن ان يساعدوه في حل مشكلته وبعد دقائق تركوه على الخط واحالوه الى قسم متخصص في تكنولوجيا هذا الموديل من السيارات وسالته الموطفة عبر الهاتف ان يحدد لها اسمه ورقم السيارة الكودي وبعض المعلومات المتعلقة بملكية السيارة وبعد ان امدها بكل المعلومات فاذا بعيد ثواني يسمع صوتا صادرا من باب سيارته معلنا عن نهاية الازمة ومشفوعا عبر الهاتف بصوت الموظفة تخبره ان المهمة قد انجزت وهي تتمنى لها نهارا سعيدا!فاذا به بين مصدق ومكذب فقد فتح الباب وتاكد حينها ان المهمة انجزت عبر القمر الصناعي ونظام للتحكم عن بعدgps وهي تكنولوجيا تحدد مكان الهدف الجغرافي على الارض وباحداثيات معقدة استطاعوا ان يتعاملوا عن بعد مع شفرة خاصة بالسيارة المحددة مبرمجة في جهاز تحكم تملكه الشركة المصنعة!
الله اكبر ولا زالت (ام ضريوة) تحذر امريكا للمرة الاخيرة وامريكا وناس امريكا والقاعدين في امريكا تحت جزمتي!
|
|
|
|
|
|
|
|
. (Re: هشام هباني)
|
الاخ هشام هباني (أرعبتنا) لكن الموت واحد لو ضربوا أهلنا في السودان .
| |
|
|
|
|
|
|
Re: . (Re: طلحة عبدالله)
|
طلحة اخوووي
ات يا زوول ماشي بعيد مالك انا بتكلم عن مفتاح عربية وانت بالك هناك في ضربة جاية! وهو الشعب السوداني محتاج لامريكا ولا اوكامبو شان اغيرو ليهو الصعاليك والحرامية ديل الشعب السوداني قلع غردون في تلاتة سنين بكل جبروتو وجيوشمو حتين الحرامية ديل يا زول اصبر الانتفاضة جاية وقربت ونحن ما شعب افغانستان ولا العراق نحن شعب مدرسة في النضال عجيبة شوفتونا في اكتوبر وفي ابريل!
كدي اتفرج يا طلحة على عمر العرة ده انا خايف يوم مع رقيصو المشاتر ده الموا فيهو الخواجات اولاد اللزينة ديل اقوموا بنفس التكنولوجيا بتاعة عربية قريبي ده اشفطــــــــــــووه من جوه الخرطوم توووش كان القي نفسو ارقص في فلادلفيا ولا في الاسكا وفجاة القى الناس القدامو مو ناسو وزولك قاعد ارقص في السهلة الامريكية بالريموت في ( بريك دانس) وبدل الله اكبر....هللويا.... هللويا!
http://www.youtube.com/watch?v=wUw-dTiKgOQ
| |
|
|
|
|
|
|
Re: . (Re: Muhib)
|
عارف يا هباني .. أنا خايف بس أهلنا بعفويتم ديك صورهم تكون حايمة في السما .. فضحونا ألله يفضح الكانوا السبب.
| |
|
|
|
|
|
|
Re: . (Re: هشام هباني)
|
محب اخووووي
نحن الشعب الوحيد في الدنيا دي البقدر على الطغاة اجانب ومحليين فالزول العرة ده شفرتو عند شعبنا ويوم تجي ساعة القدر بنجيب اجلو مش كان رقص...دااك ليهو نميرى ما رقص اكتر منو واتعنتر اكتر منو هداااك ليهو قاعد في الكوشة حقير لا اب عاج ولا يحزنون.. بس اصبر ابريل قرب...المسيرات وانتهت والبنج وفكه!
http://www.youtube.com/watch?v=4e0MPd3fKU8
| |
|
|
|
|
|
|
. (Re: هشام هباني)
|
هباني غايتو أنا كلامك دا فهمت منو الكلام القلتو ليك فوق دا خاصة وانك ختمتو بتهديد أم ضريوة للأمركان لكن ناسك ديل كان فيهم حيل للشفط كان شفطوا ناس بن لادن . واللا شنو ..؟؟؟؟؟
| |
|
|
|
|
|
|
Re: . (Re: Seif Elyazal Burae)
|
حبيبنا الباسل سيف اليزل
كيفنك يا ضراع...اخبارك وام عيالك انتو شبابنا العليهو التكل تب...اقروا وشدوا حيلكم البلد راجيكم والزارعة الله في الحجر بتقوم.
| |
|
|
|
|
|
|
Re: . (Re: طلحة عبدالله)
|
طلحة اخوووي ها زول انت مالك مغبي ياااخ ناس بن لادن الشفطن من السودان شنو غير الامريكان لمن عملوا صاحبك (قوش) في واشنطون شفاطة امريكية عديل بعد دقة (الشفا) اللي هسع السودان ما عارف دقو بصاروخ ولا بطيارة! اها صاحبك (قوش) جا من و اشنطون شفاطة امريكية وعلى طول شفط ليك بن لادن والقاعدة من السودان وبعد كم سنة شفط كارلوس ظااطو من السودان وامكن هسع اشفط ليك ( البشكير) ظاااطو! اها انشاء الله فهمت.....
| |
|
|
|
|
|
|
Re: . (Re: هشام هباني)
|
طلحة اخوووي اكان مااك فاهم هاااك ااا خوي درس العصر ده وبعدين بتعرف كيفن ناس قوش وجماعتو المتجوعلين ومتروجلين في الفاضي تراهم شغالين شفاطات امريكية في المنطقة واقوموا اقولوا ليك السجمانين ناس هباني ديلك عملاء امريكا وجايبين لينا امريكا ...كدي شوف منو عميل امريكا ومنو الشريف القاعد في نص امريكا وبقول الكلام ده في وش امريكا!
انظروا كيف تضاجع واشنطون الخرطوم (فيديو)!!؟
| |
|
|
|
|
|
|
Re: . (Re: هشام هباني)
|
الهباني أها كان قلنا زمان الدنيا كانت بي خيرا عشان كدا شفطوا الزول من السودان وقوش جا وضبح خروف وأية حاجة عل هسع قدرتهم قلت وماهم خابرين الطريقة البتخارجم من الزول الباقي ليهم في لهاتم دا .. ها زول ما تغالط ها ..
| |
|
|
|
|
|
|
Re: . (Re: هشام هباني)
|
اهاااا يا طلحة اخووي حلفتك بي الله وبرسول الله وكل اهل القبب والجوامع في السودان امرق النصيحة وبسعلك منها الله يوم الحشر وقال النبي (ص) والساكت عن الحق شيطان اخرس كدى العملاء لامريكا ناس ( الانقاذ) ولا الناس المساكين الغلبانين الموكحين في امريكا اقالعوا في الرزق بالمعافرة والمدافرة والتلاقيط وبرضو مواطنين امريكان ومسعولين من اهلن في السودان وفي امريكا! دحين الباعوا البلد منو...جماعتك حكامنا الحرامية ولا نحن الضحايا المشردين الموكحين بالفقر!؟
| |
|
|
|
|
|
|
Re: . (Re: محمد مكى محمد)
|
الصديق دكتور محمد مكي
سلامات ومشتاقون ومعليش مسكتنا منكم الكماجات والدشمانات اليومية مع شفع الامن وكمان معاهم جعران عجوز جديد في الشغلة,,,شاويش قديم قلنا نتونس معاكم اشتقنا ليكم وبعدين بنرجع ليهم!
على قول عادل امام : الله جعرن الرئيس... اللهم لخلخ الرئيس.. اللهم ظعمط الرئيس واللهم عكم الرئيس... اللهم شلت الرئيس... وهاك الفيلم ده...اللهم فلفل الرئيس.
http://www.youtube.com/watch?v=ygK62jG0BVw
| |
|
|
|
|
|
|
Re: . (Re: هشام هباني)
|
تعرف يا هشام غبت لى كم يوم كده..لقيت نفسى ح أحتاج لضعفهم قرايه.. متابعين من بعيد الدشامين..والله يصلح الحال ..البلد والناس مودتى
| |
|
|
|
|
|
|
Re: . (Re: Gafar Bashir)
|
جعفر بشير الكلس
كيفنك يا زول يا سمح ومشتاقون
قلنا الليلة نغير من العكيم والفكيم والدواس لجو الحكايات بس لزوم ترفيه وبنرجع تاني لافات الانقاذ.... عجبتني والله التكنولوجيا والخواجات ديل بس فايتننا بالصدق ونحن فايتنهم بالكضب! لكن شكلها القيامة قربت بالعقل السلفي القديم باعتبار ان كل هذا الابداع بدع وكل بدعة ضلالة وكل ضلالة في النار. تحياتي ونشوفك لي قدام
| |
|
|
|
|
|
|
Re: . (Re: هشام هباني)
|
Quote: الله اكبر ولا زالت (ام ضريوة) تحذر امريكا للمرة الاخيرة |
المهم على قول تبارك
| |
|
|
|
|
|
|
Re: . (Re: هشام هباني)
|
Quote: وهو الشعب السوداني محتاج لامريكا ولا اوكامبو شان اغيرو ليهو الصعاليك والحرامية ديل الشعب السوداني قلع غردون في تلاتة سنين بكل جبروتو وجيوشمو حتين الحرامية ديل يا زول اصبر الانتفاضة جاية وقربت ونحن ما شعب افغانستان ولا العراق نحن شعب مدرسة في النضال عجيبة شوفتونا في اكتوبر وفي ابريل! |
كلامك درر يا هياني
| |
|
|
|
|
|
|
Re: . (Re: mahdy alamin)
|
مهـــــدي
سلامات
اولاد الهرمة ديل مفتكرين شعب السودان عضيرة ومنتظر الفرج من بره وفي ذات الوكت البلد مليانة قوات اجنبية وجابوها اولاد الهرمة! نحن شعب صاحب تجارب في محاربة الطغيان وانتصرنا عليهم اجانب ومحليين ومن يراهن على الخارج فهو خاسر. المكسب الوحيد الذي انتزعناه من الخارج اعتراف العالم بقضيتنا العادلة وانحياز اكبر مؤسساته العدلية لشعبنا وهذا موقف معنوى مقدر اما الاطاحة بهؤلاء الجرذان فهي قضية وقت فعندما تحين وقت ساعة التغيير سيطير البشير وكل الكلاب في رمشة عين.. وشكرا لاوكامبو في فضحه عالميا اجرام هذا الوضع القبيح وهو موقف انساني مقدر ولكنه لن يغير العصبة بل سيضعضها وهو المطلوب والباقي بتمو الشعب!
تحياتي
| |
|
|
|
|
|
|
Re: . (Re: هشام هباني)
|
إنشاءالله يا ودهباني يجيك زبون يلفلِف أمريكا دي وِلاية ولاية وتجي خاش بيتكُم مهدود تنوم ما تصحى عِلا بعد تلاتة أيام ... يا سلام نكون إرتِحنا كام يوم كده مِنك ...
| |
|
|
|
|
|
|
Re: . (Re: هشام هباني)
|
Quote: اخجل يا تمبس من هذه المكابرة الرخيصة وهذا الاصرار الخياني على خطك اللا وطني وانت العوبة في ايدى هؤلاء الذين من حولك وهم بيادق الامن بما لا يدع ذلك مجالا للشك لكل حصيف متابع هذا المنبر ... انظر اليهم من فيهم يمتلك موقفا وطنيا واضحا في هذا المنبر غير مماحكات ومطاردات وتفاهات في التعامل مع الوطنيين الشرفاء وهو امر يدركه الجميع |
خجلوتوووت .. خجلته يا ايها العم الناظر العمدة هشام هباني .. بعدين انا ما اسمي تمبس ولا اي حاجة .. أنا اسمي (هيثم الدندر) تاني بتقول لي تمبس بخسرك كويس معاك ؟؟
Quote: تففففففففففففففففففففففففففففففففففففففففففففففففففففففففففففففففففففففففففففففففففف!! |
بعدين أعمل حسابك عشان ما تفقد سوائل انا لسه ما بديت معاك دي المناظر .. تعال وري الناس ديل اتصلت علي منو وبطل تلوث بيئي مليت لينا وشنا كلو بزاااغ
Quote: اجمل ما في الامر ان السيد (تمبس) وقع في الفخ اكثر توغلا حتى اذنيه وقد ثبت الان قرابته بالاكيدة والثابتة بالشهيدة التاية احمد ابو عاقلة وهنا مربط الفرس |
ياخ دا فخ واللا الشرك بتاع خليل البقبض مسي داك ؟؟ كم مرة قلت انا قريت الشهيدة وفاتح ليك خرطمية بوست ما خلاص نحن حسع دي فتحنا صفحة جديدة .. لي لعب خارجي تااني عايز ترجعنا نجيب الكورة من ورا القووون ؟؟ إنت تتصل وتفتح بوستاتك وترقصني وانا عريان ياحبيبي انا .. انا عياااااان إلخ... تعمل حاجاتك كلها بس تعمل حساب صحتك انا ما مسيتك شخصيا ولا اتصلت علي اهلك ولا بهددك ـ لكن حقي ما بخليك تنوم بيهو .. مش قلت ليك بكتب ليك كلام هنا دا تقراهو لمن (تنط) يللا مرحلة (النطة) انتهت .. باقي ليك مرحلة شدت .. هل حصل لعبت شدت قبل كدا ..؟ إن شاء المولى عز وجل ح اللعبك شدت هنا دا .. بطريقة قانونية خالص ياايها العم العمدة الناظر هشام هباني .. اللعب بقى بره البورد .. ودا موسم تسجيلات جديد فتحتو اريتك تقدر عليهو ... وتبقى ليك الشجاعة ليهو.
Quote: واكررها ثانية لو ارسلت لي اليوم هاتف اسرة الشهيدة بنور الجليل قطعا ساتصل |
بلاي .. دي مكنتك؟؟ طيب الاداك رقم امدرمان خليهو يديك رقم الدندر .. ضكطووره سلمى وين مش عندها كبانية بتاعت اتصالات ومركز قدر ظروفك ؟؟
أقوليك حاجة:؟ عندنا ود عمتن لينا عندو اعصــاب أديك رقم تلفونو ؟ اخلاقو في نخرتو وفقري جدا احتمال كبير يطعنك
ملحوظة: نحن البهددنا ويدنينا يا العم العمدة الناظر هشام هباني ، بنشرك بيهو للسمك تحت مسجد النيلين
بالمناسبة: مش بكري يشيلو لو شالو وخطاهو المكان دا ما زي ما قلت ليك المرة الفاتت ما بشيلنا الاتنين اها من هنا وقدام .. يا انا .. يا انت .. - بدك تتصل بي باقي أهلي .. اتصل يخليلي ياك - بدك تحذق تنتين .. ما بتقدر عيوني .. - بدك شو ما بدك توبورني مش فاررقه معاااي قصة موش هاااي.
| |
|
|
|
|
|
|
Re: . (Re: هشام هباني)
|
ود هباني ...
Quote: افكنا من خليقتك دي! |
مالي يا خوي ما زينة وزي الرتينة ... بس وشي مَطاوَل حبتين يعني شنو يعني ... ما فوقا حاجة ... بعرِف لي ناس كُتار وشهُم مَطاوَل وعايشين في أمانتي الله ...
| |
|
|
|
|
|
|
|