|
|
 تعليق لذيذ بصحيفة الصدى اليوم
|
كتب الصحفى الرشيق بابكر سلك فى عدد اليوم (الصدى)
أوصى حفيانى لعيبة الاتحاد الليبى قائلا:
"ماروخى خاطورى غالوبى طايورى "
الترجمة:
المريخ ده خطير بغلبكم و يطيركم
|
|
 
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
شهاب
تعلوقي فاعولي ظاروفي وشاكوري لداكوري قاروشي
والترجمة : التعليق فعلا ظريف وشكرا لدكتور قرشي ، ليك حق تتذكر محمد ابوالعزايم بس زي ما قال قرشي في حقنا ، وجود السني اخوه معانا ايضا مخفف علينا
تخريمة : من يفهم هذه اللغة اكيد بيتكلم ايراني
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
حبيبنا شهاب
تحياتي وعساك إنت والأولاد والأهل جميعاً بخير
طبعاً يا شهاب ضحكتنا وذكرتنا بحاجات زمان العاووري دي، لكن اسمح لي أقلب معاك الكلام بلهجة محلية أخرى
شعان نربز التدعد القثافي يف لبدنا الساوع الرعيض.
وبدعين نإت ما يا جي سمقط رقيب، لواهي شمتاقين تكير ويادرين نفوشك
حتياتي لليعال صاخةً نيزبوبة
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
Quote:
خلاص انت عليك بى الامين المبارك
وانا على بى ابنه طارق الامين |
ماتجيبو سارورتي في بوست هالولي ماروخي
ماااا روخي سلام عليك ما روخي سلام عليك
عشان انا كنت اصلا هالولي قابولي صالوحي داروسي
لكن بعد صالوحي داروسي بقيت روسي
فتكم بي عافوتي فتفوتي
وربنا يلمنا في ساعوتي خيروري
ولا نامت اعين الجابوني غابوني
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: محمد المرتضى حامد)
|
مرتضى حامد وشهاب
شايف الدويتو البيناتكم وحقيقة ادخلتوا علينا بسمة نفتقدها هذه الايام ( كل بسببه )
لغة هذا الجيل تختلف عن لغة جيلنا ناس ( يا عمك ) و ( اتلحس ) و ( شتت ) جماعتنا كان انستروا يقولوا ليك ( شلاليف ول مجاري خريف ) طبعا ما عايز اقول ليكم ( لقيمات ول عيوني كعبات )
ودمتم
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: saif addawla)
|
اخي
لك التحيه,
حفياني صاحب خبره ومجرب ولكلماته
خليك الحكمه والخبره. :)
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: saif addawla)
|
| Quote: ( الكاروري ) و ( عبده الحامولي ) و ( الجزولي ) |
واحد من ديل سألوهو'شنو اسماء اخوانك؟ قاليهم: كلهم إسمهم عبدالله الا ابراهيم اسمو مصعب.
تعرف يا سيف، الجزلي دا رغم إننا كنا mikachininno لكن مع مذيعي اليوم شايفو ديفيد فروست.
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
| Quote: الانقاذ دي كلها ما اتفق الشعب في الكتشنة الا على امين حسن عمر والجزلي وحمد الريح |
سيف كلامك دا ما صاح ولا أتفق معك جملة وجملة وأوريك أسبابي تفصيلا:
1- (الإلغاز) دي كلها ناس حلوين ونحن ما بنكجن فيها زول لأنو كنا شعب
زي الشحادين قبال ما يجي عمر حسن ومجموعتو وبعد مجيئهم أصبح كل سوداني بل غيتس.
2- حمد الريح دا أنا ما بكجنو ، جد جد ، حرام عليك يا سيف ، والله مريا براها غفرت
له ما تقدم وما تأخر من تكجين takcheen ( زي ديك شيني مش كده) ،
تائه الخصل وإلى مسافره و,,, ياخ حرام عليك ، غمِّد واسمع.
3- يبدو لي أنك قاصد علي الريح مش حمد الريح وربما تذكر إنو روى عن نفسه
أن المريخ (مروخي ) في إحدى المنافسات في شرق أفريقيا هزم كل الفرق ووصل النهائي
وقبل المباراة النهائية وصل علي الريح مطار البلد المضيف لحضور الفاينال وشاهده
أحد السودانيين فبادره قائلا: ياخ الناس ديل ماشين كويس الجابك شنو؟
طبعا المريخ شال الكاس داك لكن بضربات الجزاء وقرَب يعمل طيوري.
والله والله علي الريح بكينا منه واليوم نبكي عليه يا شهاب بدوي عبيد.
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
| Quote: لانكم بتزوغوا من الدقداق ب حرفنة |
شهوبي،
This's unfair
سيف هو من صنع الدقداق وأنت من عمَّق الحُفَر وأنا من كتب عليه الزوغان.
لا تعمم يا هذا وتأخذ الظاعن بالمقيم والحفار بالزواغ.
____
طارق دا بتاع سياسة ما تخليهو يهوِّب بي هنا تاني.
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: محمد المرتضى حامد)
|
يا مرتضى
لاول مرة استخدم خاصية (شاهده قبل نشره ) فى كتابة المداخلة قبل السابقة حتى لا يسبق عقلى الباطنى اصابعى و اقوم اكتب القول المأثور كما ولدته امه
او كما هو محفور فى اذهانكم جميعا دون فرز
و لا نامت اعين الجابونى غابونى
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
| Quote: من منطلق مسئوليتى الادبية عن البوست |
حلوه دي وملعوبه يا شهوبي الإيرلندي.
والله بوستاتك زي بوستات شيقوق ،الواحد إلا يربط الحزام ( حزومي مربوطي) عشان يسوق فيها.
بمناسبة الحزام دي يا شهاب واحد صاحبي قال مسطول.. بتاع الحركة قال ليهو:
ما رابط الحزام ليه؟ قال ليهو: 'هو أنا بالله لابس بنطلون؟؟'
____
الله يجازي فتحي.
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
زمان كان كل كتب المناهج التعليمية تصدر من بخت الرضا العظيمة العريقة و كان فى نهاية الكتاب يوضع ال logo الخاص ببخت الرضا وهو عبارة عن وجهين متقابلين (باللون الاسود ) و المساحة الخالية بينهما باللون الابيض على هيئة كأس و دائما ما يختلف الطلاب فى التفسير
وفقا للطريقة التى ينظر بها الطالب.
فى المداخلة السابقة انا أقصد الرواية الايرلندية باعتبارها الوجهين المتقابلين
ولكننى اجزم بأن 99.9% منكم قرأوها باعتبارها الكأس الابيض
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
| Quote: نشرة الأخبار يقرأها على حضراتكم عمر الـ جزلى ,, يجعل اللام قمرية فى حين انها لام شمسية. |
بالله يا عبدالعزيز تاني أعمل تنوين لكلامك ، هسه انا من امبارح فاكر (القمريه) مفرد قماري
البتبني عُشها قشه قشه والشمسيه دي كنت فاكرا الأمبريلا.
تعرف يا عزيز ، عمر الجزلي ، أطال الله بقاءه ، الزمن والحكومات لا بتودي فيهو لا تجيب ، عيني عليهو
بارده وربنا يحفظو ويزيد في أيامو ، ياخ دا من أهم الأسماء في حياتنا.
آمين.
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
فظيع يا مرتضى وزولك اللي من غير بنطلون ... طيب هاك دي
واحد بيقول لصاحبه ، تخيل قريبي كمل عشرين سنة غربة في السعودية ورجع السودان يد ورا ويد قدام ، صاحبه قال ليه ، قريبك ده كويس نحن قريبنا عد تلاتتتتتين سنة ورجع من الامارات ايدينو الاتنين ورا .
مع تحياتي للمغتربين
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
الكأس الابيض
لليـــــــــــــــــــوم الاسود.
بخت الرضاء
والله ايام يازمان........
كان الوالد رحمة الله عليه كثير الحكي عنها فقد درس فيها وكان كثيرا ما يحكي عن قفشات الرياضى المطبوع مامون الطاهر باعتبار انهم اولاد دفعة واحدة .............. والطريف فى الامر بان والدى اتي من الجزيرة فى (بص سيرة) لندرة المواصلات فى ذلك الوقت و (بيت عند ناس العرس) و لا تربطه اصلا اى علاقة ب (ناس العرس ) وكيف انه تم السفر لبخت الرضاء عن طريق (وابور البحر) وهو لايملك غير (جلابية واحدة) وبعد اشهر ارسل رسالة الي جدى رحمه الله يخبره بانه ببخت الرضاء ويحتاج الى جلاليب وشوية مصاريف ............
من اعلن النعـــــــــــي على ذاك الزمان...
0
0
0
بوست جدير بالمتابعة......
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
تعرف يا شهاب قصة تقيف حيطه ويداك أمامك كانت دعاية في إحدى القنوات الأوروبية ،
اللاعب وقف في الحيطه وأدّا ضهرو للكوره وأصبح مواجها للمرمى تفاديا للشوته القويه ،
الكوره ضربت في العارضه ورجعت ليهو وأصابته حيث يخشى ، وهو يتقلب من الألم في النقاله
أعطي نوع من الشيكولاته فوقف على رجليه وعاد للملعب.
(يؤتى الحذر من مكمنه).
لاعب إيدو لاحقه
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: محمد المرتضى حامد)
|
حبيبنا مرتضى
تصدق بعد العمر الطويل ده كلو اول مرة اعرف سر وضع يدين اللعيبة في الحيطة مع شوتة الفاول ، وفي وقت قريب عرفت معلومة لا تقل اهمية وهي اللاعب لما يحرز هدف في السودان ليه بيجري من زملاؤه وهم يسكوه لما يرموه في الواطه ، قريبي عليوة ( وهو لاعب كبير في هلال السبعينات ) قال لي عشان الجماهير تفرزه ما يفتكروا الجاب القون واحد تاني .
تخريمة : مغترب الامارات رجع يد ورا ويد قدام ، بتاع السعودية يدينه الاثنين ورا ، عارف بتاع اليمن رجع خاتي يدينه الاثنين في راسه ، يقولو عليه شنو
ودمتم
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
صاحبك التاج محجوب صاحبك قال لي مره هلال مريخ نار ، إترفعت الكورنر
وقفزت وواحد من دفاع المريخ خمشني بي كوعو لما طششت وما كنت شايف
أي حاجه قال لي لما الطشاش راح عرفت إني جبت قون لأنو الكوره ضربت
في راسي بالصدفه المهم، في اليوم التالي كتب أحد الصحافيين الرياضيين
( وبقراءة متكاملة للملعب اتخذ التاج موقعا فريدا وبذكاء خارق ارتقى عاليا
وبرأسية خادع فيها الدفاع والحارس أحرز هدفا يمكن أن يسمى هدف القرن).
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: محمد المرتضى حامد)
|
قالوا يا مرتضى واحد ضخم بيخوف أولاد الحلة كلهم و فى الكورة بيكسر الميدان كله حتى زملاؤه و اثناء التمرين يقول لاى واحد شوت لازم يشوت ليه. فاجتمعوا لتدبير حل و اتفقوا ان يختوا ( جلة قطر) و يغطوها بالشرابات و نفذوا المؤامرة. فى التمرين ال بعده قال ليهم ها اجدع الكورة و شات الكورة لما قدت حيطة البيت ال قدامهم
فصاح بهم
و الله ال خت دومه جوه الشراب ده حأطلع روحو الليلة
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: محمد المرتضى حامد)
|
الأخوة الأحباب :
شهاب / سيف الدولة ، محمد المرتضى ،
تحياتي ،
و ينصر دينكم ، طلعتو (مصارينا) من الضحك !
بوست ظريف وخفيف وينهضم بسرعة
تنسينا عبارات (ساس يسوس) المؤلمة:
( بلوا واشربوا مويتو ، تحت جزمتي ، متل الشحادين .. الخ) ؟!
| Quote: شوف شنط (التغطيه) يا شهوبي.. |
أخي ود المرتضى ،
يا ربي ده فريق كرة نسائي ؟!
طيب وين (الحكّمَة) سعيدة رمضان ؟!
مودتي ،
( ليمو )
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: abdulhalim altilib)
|
ليمو سلامات ومرحب بيك في البوست (بتاعي) دا لأني عندي عقد إيجار من الباطن ، يعني د. شهاب أنساهو
وزي ما قال زهير بن ابي سلمى ومن لم يزد عن بوسته بمداخلاته يضرس بأقلام ويمشي الخور.
| Quote: طيب وين (الحكّمَة) سعيدة رمضان ؟! |
ظني أنك تعني ( منيره رمضان) وهي أول حكم سوداني female وقد كتبت عنها في بوستي
بعنوان (ناسنا) وذكرت أن الكاريكاتيرست الرائع المرحوم عزالدين عثمان كان قد رسم
كاريكاتيرا عنها ظهرت فيهو وهي تقف أمام لاعب ضرب لاعبا آخر ملقى على الأرض مخاطبة إياه قائلة:
ضاربو ليه؟ إنشالله يضربك الضريب .
شقَّاق العناقريب.
ما عندهن أصفر .. كلو كلو.
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: محمد المرتضى حامد)
|
أخي العزيز / محمد المرتضى
تحياتي ،
ليمو سلامات ومرحب بيك في البوست (بتاعي) دا لأني عندي عقد إيجار من الباطن ، يعني د. شهاب أنساهو
وزي ما قال زهير بن ابي سلمى ومن لم يزد عن بوسته بمداخلاته يضرس بأقلام ويمشي الخور.
كان كدي ، نقول ليك مبروك عليك ،
بس انشاء الله يكون وقع ليك رخيص وما زي
ايجارات الامارات في هذه الآونة ، وفي ذات
الوقت نحذرك بمقولة صاحبك إبن أبي سلمى :
ومن لم (يؤجر) في بوستاتٍ كثيرة ..
يضرَّس بـ (شهابٍ) ويوطأ بـ (سيفِ) ..
ظني أنك تعني ( منيره رمضان) وهي أول حكم سوداني female وقد كتبت عنها في بوستي
بعنوان (ناسنا) وذكرت أن الكاريكاتيرست الرائع المرحوم عزالدين عثمان كان قد رسم
كاريكاتيرا عنها ظهرت فيهو وهي تقف أمام لاعب ضرب لاعبا آخر ملقى على الأرض مخاطبة إياه قائلة:
ضاربو ليه؟ إنشالله يضربك الضريب .
شقَّاق العناقريب.
شكراً أخي ، فعلاً ، هي من قصدت (منيرة رمضان) ،
وأظنها أول وآخر حكم سوداني من الجنس الناعم!؟
أرقد عافية ، وواصل مع الأحباب من (السيوف)
و(الشهب)إمتاعنا بما لذ وطاب في هذا البوست
الخفيف الظل ، وربنا يجنبه الحاقد من الهكرز !؟
مودتي ،
( ليمو )
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: abdulhalim altilib)
|
شكرا ليمو
يا مرتضى انا ما عندي في الكورة ، بس قلت احكي ليك الحكاوي دي حصلت معاي وقدامي
واحد بقول لي انا فلان ده بختلف معاه مش 180 درجة بس ده انا بختلف معاه 360 درجة
ده ذكرني واحد صاحبي برضو كان بيحكي لي عن عمه ن قال لي عمي ده راجل مستقيم من البيت للجامع وواصل يوصف في عمه وكان عايز يعرس بنته ، قال لي باختصار عمي ده راجل ( كوربتد ) خالص ، انا غلبني الضحك قلت ليه انت قايل ( كوربتد ) دي مشتقة من ( مكرب ) ؟ حلاة الانجليزي في خشيمه زي ما قال هباني
واحد قال لي ياخي ما تشوف لينا طريقة شغل معاكم في الخليج ن قلت ليه انت ما شغال كويس في السودان ن قال لي والله انا بس عايز امرق ن ولو لقيت لي طريقة اسافر استراليا ومن هناك افك ، برضو غلبتني الضحكة ، قلت ليه لو فكيت من استراليا بتلقى روحك تاني في السودان
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: saif addawla)
|
| Quote: وأظنها أول وآخر حكم سوداني من الجنس الناعم!؟ |
والله يا ليمو إنت على نِيَّاتك .
ياخ ديل من زمن الكنداكه بيحكمونا ،
وما زلن.
هسه بنهتف في الشوارع والملاعب وأي مكان لكن في راجل في البيت يقدر يقول التحكيم فاشل؟
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: محمد المرتضى حامد)
|
| Quote: يا مرتضى انا ما عندي في الكورة |
بمناسبة منيره رمضان كحكم ساحه يا سيف وليمو عندي سؤال،
هل ممكن (رجل) الخط يكون (إمرأة)؟
يعني نقول (مَرَت خط) يعني؟
دي لو زوجها راس حربه برضو بتقول سارق.
سرق غويشاتي وداير يعرس فيني.
| |
|
|
|
|
|
|
|
|
|
Re: تعليق لذيذ بصحيفة الصدى اليوم (Re: Shihab Hamadnala)
|
فى المؤتمر الثانويه و اثناء كاس العالم ذاك الزمان كان من نجوم الكرة باكنباور
و كان المسئول من فريق الكرة ( الهادى )- طالب ادارى - فجاء الى فصلنا و استاذن الاستاذ ليخاطب راس الحربه ( الريح )
وقال ليهو الليلة فى تمرين و لو ما جيت ما حتلعب لو بقيت مارلبورو
| |
|
|
|
|
|
|
|
|
|
تعليق ... (Re: Shihab Hamadnala)
|
| Quote: تذكرت محمد ابوالعزائم و "حامد على شاش" |
يا دووووب عرفت سر الكحة والعشراقة الماسكاني اليومين ديل.
لكن يا شهاب نحن جيلنا بتاع أكواد تانية غير دي ... معقول بس؟ الستينات؟
Quote: والله يا شُهوبي طالما تمنيت على الله أن ينتسب الأمين المبارك لهذا المنبر.
ياخ لو بكري دا أداني كوته بتاعت باصويردات ولا باص كلاكلات كان زي البوست
بتاعك دا تقراهو بعد تبلع بوسكوبان أو أي أنتي سبازموديك. |
هسي إنت يا مرتضى نقصت من الأمين المبارك شنو؟ بوست يبلعوا ليهو بسكوبان؟
| Quote: طبعا ما عايز اقول ليكم ( لقيمات ول عيوني كعبات ) |
Quote: رأى رهطا كبيرا من طيور البجع تسبح بنشوة بادية فصاح باندهاش
( بجعات و لا عيونى كعبات )
|
سيف وشهاب ....
قولوها .. قولوها (الرواية الأصلية) ولكما الأمان.
| |
|
|
|
|
|
|
|
|
|
Re: تعليق ... (Re: Shihab Hamadnala)
|
مرتضى ، شهاب وابوالعزايم ( الترتيب بسنة التخرج )
نسوان كتار في السودان اسمهن ( عجبت ) وعندنا في بلدنا واحدة على الاقل و، والاسم على ما اعتقد مذكر ( عجب ) او العجب حبيبي وجمعها ( عجبات ) ، ولذلك اعتقد ان رواية شهاب حول البجع كمرجع للشكوى من العيون الكعبات غير صحيح خاصة وان الرواية من بيئة غير عربية واسلامية ، والصحيح هو ( عجبات ول عيوني كعبات )
| |
|
|
|
|
|
|
|
|
|
Re: تعليق ... (Re: saif addawla)
|
سيف ...
مالي أراك تبدّل العين جيماً والجيم عينا
فتطمس المعاني والقصد ياخينا
العجب حبيبك والبجع حبيبي
فبالعجب والبجع لا يستوي المعنى والتفانينا
| |
|
|
|
|
|
|
|
|
|
Re: تعليق ... (Re: Shihab Hamadnala)
|
تخفيضات كبيرة بالبوست
علينا جاى ........... علينا جاى ............... علينا جاى
فاول مقنطر جاهز منو و القون
مطلوب متداخل حربى
العرض سارى لحدى ما اخلص مشوارى ده و ارجع
| |
|
|
|
|
|
|
|
|
|
Re: تعليق ... (Re: Shihab Hamadnala)
|
بمناسبة هذا البوست اتحفنى المبدع طارق الامين بمحادثة هاتفية مشتركة طرفها الثالث الصحفى بابكر سلك الكوميدى اللماح و كان شرفا
كبيرا لى , شكرا طارق و هلا بابكر سلك.
بعد تركيب الاضاءة الجديدة الحديثة باستاد المريخ و كعادة الصفوة يضاء الاستاذ عقب كل انتصار , كتب بابكر سلك ان
حبوبته توضأت و باشرت صلاة الظهر عقب اضاءة الاستاد منتصف الليل.
| |
|
|
|
|
|
|
| |
محمد المرتضى حامد
Ahmed al Qurashi
saif addawla
MOHAMMED ELSHEIKH
محمد عثمان محمود
ست البنات
شهاب الفاتح عثمان
عبدالعزيز الفاضلابى
dalihabboub
omar alhag
abdulhalim altilib
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست