|
|
 كــلام غــريـب
|
كلام غريب حاصل هنا يا جماعة خلوا بالكم معانا !
بوستات تختفي و بوستات تترفع و حاجات غريبة
قاعدة تحصل و ما عندنا معلومة هل الحاصل
دا بفعل الادارة أم بفعل حبيب قسانا الما
بندورو معانا الملقب بالهكر ؟
من حقنا نعرف بس نعرف من ووووووين ؟
|
|
 
|
|
|
|
|
|
|
 Re: كــلام غــريـب (Re: heba Elmahi)
|
الأستاذه هبه
بوستين انسحبن لي في خلال عشرة دقائق
الآن سكت (ومنتظر افادة من الادارة)
ومتوقع أن لا تصلني هذه الافادة
(وده حكم القوى علي الضعيف)
ولكن طالما ارتضينا أن نكون أعضاء
بالمنبر رغما عن هذه القوانين التي لا ترضينا (سكتنا)
| |
|
|
|
|
|
|
|
|
|
Re: كــلام غــريـب (Re: heba Elmahi)
|
أختفي بوست صور مظاهرة واشنطون لدعم البشير و المفتوح من قبل
الاخ الجازلوت بكل مافيه من مداخلات ثرة و حوار من وجهة نظري
كان مفيد رغم الاختلاف .
الاستاذ عاطف مكاوي افترع عدد 2 بوست يسأل فيهم عن البوست المختفي
و الاتنين أختفوا في لمح البصر !
والله ما باقي الا نختفي نحنا زاتنا بعد كدا ! الحاصل شنو يا جماعة
الفاهم يفهمنا إن شاءالله بالكروباوي كدا لو خايف علي نفسه من الاختفاء
هههههه والله حيرتونا زااااتو !
| |
|
|
|
|
|
|
|
|
|
Re: كــلام غــريـب (Re: عاطف مكاوى)
|
أسـتاذ عـاطف
تـحـيـة و إحـتـرام
المسألة ما ذكاء ولا شئ لكن بس انت الظاهر عليك
اسم معروف عشان كدا بوستاتك متابعة ، أما نحنا
ناس قريعتي رأحت ديل ماااافي زول بشتغل بينا لا
بكري الحبيب ولا الهكر صاحبنا .
مـرفـق ودي
| |
|
|
|
|
|
|
|
|
|
Re: كــلام غــريـب (Re: heba Elmahi)
|
العزيزة هبـــــة
سلام
التهاني اولا بالنتيجة الإيجابية التي حققها المريخ الزعيم مساء امس بليبيا..
قبل يومين اختفى بوست في اللحظة التي كنت اكتب رد فيه..
وبعدها بلحظات اختفى لي بوست بدون اي مبرر.. لا سياسي ولا فيه الفاظ نابية كما نقرأ عند الكثيرين..
شئ يحير..
تحياتي
عبدالعزيز
| |
|
|
|
|
|
|
|
|
|
Re: كــلام غــريـب (Re: Abdlaziz Eisa)
|
لا ياهبة
أنا انسان قروى أكثر من عادى
ولكن ايه رايك :
نستغل وجود البوست لنطالب الادارة
(اذا كان هي السحبته ما الهاكر)
بأن تعيد لنا بوست (جازلوت)
لأنه وكما قلتي كان فيه حوارا مفيدا لنا جميعا
-------------------------------
والله أنا خائف المداخلة دى تجيب الهوا لبوستك ده !!!!
| |
|
|
|
|
|
|
|
|
|
Re: كــلام غــريـب (Re: محمد عثمان محمد طه)
|
Quote: هبة سلام
ود مكاوي إنت أطلع منها وخليك متفرج
زينا ياقريبي (مكاوي) دي حقتنا
أها وبالمرة نرفع البوست |
حـبـاب الـسـلام يـا مـحـمـد عـثـمـان
يا زول عاطف مكاوي دا شريك أصيل في البوست دا لاننا
اصحاب وجعة واحدة في البوست المختفي !
بعدين ما تتشبك في اسم مكاوي دا ساي و انت الـ Last name
بتاعك طه ما مكاوي ! عالم تحب السلبطة بس ( وش بتاع فتن )
تشكر علي رفع البوست لعل و عسي نقدر نوصل صوتنا .
مـرفـق ودي
| |
|
|
|
|
|
|
|
|
 Re: كــلام غــريـب (Re: عاطف مكاوى)
|
Quote: ياهبة
عبدالمنهم الجزولي (جازلوت)
أنزل البوست مرة أخرى)
متحديا (الهاكر)
أبحثي عنه وستجدينه في الصفحة الأولي |
لا لا يا عاطف دا ما نفس البوست ! دي صور المؤيدين للقرار ( جماعتكم )
لو فعلا في طريقة لارجاع البوست المختفي ياريت والله نحاولها هنا،
لكن صدقني انا قنعااااانة لانه قدامنا سوابق كتيرة لي ناس صوتهم راح
و هم بيطالبوا بارجاع بوستاتهم و لكن لا رد !
الحكاية عاملة زي قصة شرف البورد بتاعة الجامعات ديك و مافي تراجع
عن قرار صدر و اتنفذ حتي لو كان مافي محله أو فيه ظلم كبير !
انا زااااتي هسة بديت ألاوز ( وش مجهجه)
خـلـيـك قـريـب .
| |
|
|
|
|
|
|
|
|
|
Re: كــلام غــريـب (Re: Abdlaziz Eisa)
|
أخونا زمااااان ( عزيز )
كيف احوالك ، اليومين دي طبعا" البورد ملغم خالص
ربنا بس يكون في عون بكري .
أختفاء البوستات تصرف غير حضاري و المفروض
أي شخص عنده إختلاف في وجهة النظر مع صاحب
البوست يخصع هذا الخلاف للنقاش .
و حتي بكري سيد الجلد و الراس لو قرر يحذف
بوست مفروض يخطر صاحب البوست أولا" .
مـرفـق ودي
| |
|
|
|
|
|
|
|
|
|
Re: كــلام غــريـب (Re: محمد عثمان محمد طه)
|
محمد عثمان يا أخوي تابعت الخيط بتاعك دا لقيت نفسي جوة الخور ،
مالك معانا ياخي بالليل دا داير تجيب لينا القلق ( وش خوااااف )
طيب كدا اكيد حتكون ساكن معانا في البوست دا و تطالب بي حقك في معرفة الحاصل
نـورتـنـا والله .
| |
|
|
|
|
|
|
| |
heba Elmahi
عاطف مكاوى
Abdlaziz Eisa
محمد عثمان محمد طه
فيس بوك
تويتر
انستقرام
يوتيوب
بنتيريست