|
الهلال طلع في الحيطة!
|
قالو في واحد عندو كديسة مربيها وقام جاهو عقد عمل (إغتراب) صاحبنا شال الكديسة لي جارو المسطول!!
وقال ليه عليك الله الكديسة دي تهتم بيها شديد وهاك دي مصاريف يعي تجيب ليها منها اللبن ولو مرضت تعالجا بيها!!
صاحبنا سافر ما عدا ليه يومين قامت الكديسة طلعت راس البيت ووقعت كسرت رقبتا!!
جارو المسطول ضرب ليه تلفون!!
الو الو فلان؟؟
ااااي نعم في شنو؟؟؟
يا اخي كديستك ماتت!!!
صاحبنا تتتتتخ وقع غمران!!
بعد فتح ضرب للمسطول وشبكو ياخي حرام عليك انت زول غريب والله والله انت زول عجيب....يا اخي لو في خبر موت الناس بتمهد للشغلانة!
المسطول قال ليه يعي اقول ليك شنو؟؟
قال لي يعي تقول لي اول حاجة الكديسة طلعت الحيطة!!
شويه كدا تقول لي نطت راس البيت!!!
تاني ممكن تقول لي حاولت تنط للواطة تاني فحصل قدر الله!
المسطول احتار!!
المهم يومين تاني المسطول ضرب للراجل!!
الو الو!!
نعم في شنو؟؟
يا اخي امك طلعت في الحيطة
فحسي انا عندي صاحبي برة السودان وشغال في مكان عجيب خلاء وجليد... ومعتمد على اوريه اخبار الهلال وهو رشاشة من النوع اليعجب داك...بس حساس شوية!!!
رايكم اضرب ليه اقول ليه الحق الهلال طلع في الحيطة ولا شنو!!!
|
|
|
|
|
|