|
|
 U - TURN على 2009/02/22
|
تفتش .. تلف
تنقط .. تنتف
تعاين يسار في شان تستشف
تعاين يمين ... بتقدر تلف؟
تهبش .. دماغك
تمسح .. جضومك
نخرتك
تقش ... وتنف
ترمي المناديل
فوق القناديل
تولع حريقة
تسب السكارى
وبعض المساطيل
تعاين وراك
تراعي المعاك
تحاذي ...
وأوعك
تقعد براك
زرارة في سجارة
على كمّين جسارة
تولع ..
.. تطفي
تطفي وتولع
عشان تاني تطفي
أفرتق ليالي
عن من كمين نهارا
الرواي: صفحة .. فلوستوب .. سطر جديد نيو برغراف !
تنطط ... ننطط
ترجع
حنمشي
توقف
بندفر
تدخل
حنطلع
ونقفل وراك
بابا حديد
تسافه كلامي
يزبد احترامي
وأطرز عنادك
ونقريط عيونك
لوما .. عتاب
وزعلا شديد
صلب وترائب
... وترجع
تحمر
واكسر قبالك
كلامي وأحنن
نهايتو:
كفاني وكفاك
بكل المعاك
دوِّر رياحك
الراوي: محمد معانا ما تغشانا تعال
ننقنق
ننتف .. ننقط
نلف ... ونفتش
ندور
ندور
ندور
2009/02/22
كراسة اليوم العجيب
|
|
 
|
|
|
|
ASHRAF TAHA
فيس بوك
تويتر
انستقرام
يوتيوب
بنتيريست