|
|
 إعلان هام: مظاهرة ابتهاج امام السفارة السودانية يوم السبت 14 فبراير (1-3 ظهرا)
|
سيحتفل السودانيون ومنظمات قوى الهامش والسودان الجديد والقوى الديمقراطية ابتهاجا بصدور قرار المحكمة الجنائية الدولية بتوقيف عمر احمد حسن البشير بتهمة إرتكاب جرائم حرب ضد الإنسانية..
المكان: امام سفارة السودان بواشنطن
الزمان السبت الموافق 14 فبراير 2009 بين الساعة الواحة ظهرا والساعة الثالثة ظهرا..
الدعوة موجهة لجميع المنظمات السودانية والأمريكية المهتمة بقضية السلام فى دارفور والسودان..
المرجو اصطحاب الأسر والأطفال للتعبير عن التضامن مع اهلنا فى دارفور ضحايا الحرب من النازحين واللاجئين وللترحم على أرواح شهداء دارفور..
يا هجام حصلنا بإخراج فنى راقى عشان الباشمهندس يرفعوا فوق فـــوق فى السما... مع افراح دارفور والسودان
|
|
 
|
|
|
|
|
|
|
|
Re: إعلان هام: مظاهرة ابتهاج امام السفارة السودانية يوم السبت 14 فبراير (1-3 ظهرا) (Re: Mannan)
|
عافى عليك أوكامبو
عافى عليك أوكامبو
تقول بالله فوراوى
تقول فلاتى ... مسلاتى
تقول هو زغاوى
ماهسبان ولا من دولة التانقو
عافى عليك أوكامبو..
عافى عليك بالمره
عافى عليك محل ماتمشى
تفتح ليك دروب من ضو
تنوّر فى ضلام حُكام
بسرقو الحكم فى ليله
يكتفو كل ناس البيت
يكتلو شى
ويشردو شى
ويعذبو فى الفضل قايلين
حكومات الخراب بتطول
ومهما تطول
بجيهم يوم
وبظهر زول يفر العدل
فى دولة خراب حكمت
تمام عقدين من التنكيل
وعافى عليك أوكامبو
عافى عليك تنجّم لى
ناس عمر البشير
وود عثمان محمد طه
لى ناس قوش
وود الجاز
وللمجرم وزير الموت
وداك الأصلو مانافع
وباقى الرجرجه الدهماء
والغوغاء
عافى عليك تمد حبل العداله طويل
يحصل أهلنا فى دارفور
يواسى قلوبهم الحرقوها ناس الجبهة بالتقتيل
عداله تعم بلاد الفور
زغاوه وداجو أو تنجر
مساليت كانوا أسياد بيت
وفلاته
عداله ترجع النازحين
بعد هوس الحكومه الشين
تعود دارفور بلاد من ضو
صبايها السمر تنفر فى ضهر الصحارى تفز
كما الغزلان
عافى عليك أوكامبو
عداله تطول عصابة الجنجويد
تنهيها فى إسبوع
تخلى ديارا ليل مفجوع
تصادر كل حصناتم .. مدافع الموت
تفرتك شملهم مره
وتنهى الكانت اسطوره..
عافى عليك أوكامبو
ماساومت فى شغلك
دخلت عديل على المحظور
وجاهرت
قلت الكلمه لمن خفتت الأصوات
وقفت كشفت زيف فرعون
بدون ماتخاف
بدون ماتلف
بدون تلفيق
أو تزييف
عافى عليك أوكامبو
عافى عليك أوكامبو....
أحمد إبن عوف
أمريكا 2008
| |
|
|
|
|
|
|
|
|
|
Re: إعلان هام: مظاهرة ابتهاج امام السفارة السودانية يوم السبت 14 فبراير (1-3 ظهرا) (Re: Mohamed Elgadi)
|
Quote: سيحتفل السودانيون ومنظمات قوى الهامش والسودان الجديد والقوى الديمقراطية ابتهاجا بصدور قرار المحكمة الجنائية الدولية بتوقيف عمر احمد حسن البشير بتهمة إرتكاب جرائم حرب ضد الإنسانية..
المكان: امام سفارة السودان بواشنطن
الزمان السبت الموافق 14 فبراير 2009 بين الساعة الواحة ظهرا والساعة الثالثة ظهرا..
الدعوة موجهة لجميع المنظمات السودانية والأمريكية المهتمة بقضية السلام فى دارفور والسودان..
المرجو اصطحاب الأسر والأطفال للتعبير عن التضامن مع اهلنا فى دارفور ضحايا الحرب من النازحين واللاجئين وللترحم على أرواح شهداء دارفور..
يا هجام حصلنا بإخراج فنى راقى عشان الباشمهندس يرفعوا فوق فـــوق فى السما... مع افراح دارفور والسودان |
اها بعد البشير يقبضوه الناس المبتهجة دي حتجي ترجع بلادها ولا لسع
حيقعدو يضربو الولفير للابد...
ويقفو نضال النجايل في الويكند؟
طبعا بيكونو اسع الناس الفوايلهم معلقة حقت الجوء زعلو جنس زعل لصدو ر القرار
في تلاتة معسكرات رافضة توقيف البشير
الوطنين والكيزان والناس الفوايل حقتهم بتاعة الجوء لم يبت فيها..
| |
|
|
|
|
|
|
|
|
|
Re: إعلان هام: مظاهرة ابتهاج امام السفارة السودانية يوم السبت 14 فبراير (1-3 ظهرا) (Re: shammashi)
|
حتي يقف سيل الدم في بلادي
وحتي ترد الحقوق
من اجل كل قطرة دم اريقت
ومن اجل امهاتنا اخواتنا وبناتنا المغتصبات في مشوار ورد الماء وجمع الواقود
من اجل رجال شباب شيوخ واطفال ..خطفت ارواحههم وهم لايدرون من امرهم شيئا
من اجل شباب غرر بهم ودفع بهم لنار الحرب وهم لايدرون من امرهم شيئا
فثكلتهم امهاتهم
من اجل سنوات ضاعت في المنافي وكافة الاصقاع ..
من اجل هذا واكثر
يجب ان يفعل قرار الاعتقال وفورا دونما موازنات او اجندة سرية او مساومات
| |
|
|
|
|
|
|
|
|
|
Re: إعلان هام: مظاهرة ابتهاج امام السفارة السودانية يوم السبت 14 فبراير (1-3 ظهرا) (Re: محمد الامين احمد)
|
مافى دخان من غير نار
البشير رايح رايح
والمسألة مسألة إجرائية
ما تفرح كتير عشان ما تحبط
دى ارواح مئات الآلاف من البشر
والمحكمة الجنائية الدولية لن تساوم حتى لا تكون سابقة خطيرة يتسلل من خلالها الطغاة وسفاكى الدماء
ومحادثات الدوحة لن تنجح لأنها لا تضم جميع الحركات الدارفورية
ومشكلة السودان ليست مشكلة دارفور فقط
المشكلة كلها تكمن فى الجبهة الإسلامية القومية (حزب المؤتمر الوطنى) - الكيزان.
وبكرة ما بعيد..
نورالدين منان
| |
|
|
|
|
|
|
|
|
|
Re: إعلان هام: مظاهرة ابتهاج امام السفارة السودانية يوم السبت 14 فبراير (1-3 ظهرا) (Re: Mannan)
|
ليس هناك ما يدعو إلى الإحتفاء...
فما يحدث الآن ما هو إلا إغتيال لمبادئ القانون الدولى بتغليب السياسى على القانونى ولتذهب مبادئ إعلان جنيف وحيادها أدراج رياح غواية أقوياء مجلس ألأمن...
ليس لصعاليك العدالة الدولية والدائسين على مبادئها من أمثال أوكامبو ومنظرى الICC وسيئة الذكر غواتنمو أى فكرة عن كيفية تطبيق نظرياتهم المراهقة على أرض الواقع...
ماذا يملك االمجتمع الدولى ومجلس الأمن.. بل ماذا يملك المهللون هنا من أدوات لتطبيق هذا القرار ولحماية من يلتحفون السماء فى معسكرات دارفور...
لماذا تتعاملون وكأن أشقياء الخرطوم لايملكون سوى رايات الأستسلام البيضاء... مازالت فى الخرطوم حكومة يساندها العرب والأفارقة يمكنها أن تحيل مجهودات ألأغاثة إلى جحيم...
لماذا تغفلون عن نصائح مسؤولى الأغاثة عن مغبة ما سيكون..
قبل سنوات هلل مناضلوا المنافى لقرار إجتياح العراق.. ما زلت أذكر قول عمرو موسى بأن ألأجتياح سيفتح باب الجحيم وقد كان... لم يك عمرو من محبى سفاح بغداد ولسنا وبقية معارضى ال ICC من مناصرى البشير، ولكنها مسؤولية من يعرفون مقابل من يتوهمون مايدور خلف ألأبواب المغلقة....
فلتسألوا جميعا أنفسكم ماذا أعددتم لحماية أهل دارفور وبقية السودانيين من ممايترتب عليه هذا القرار.....
وليسأل من يقيم منكم فى الغرب لماذا تعارض أمريكا خضوع رعاياها لهذه المحكمة ولماذا يوفر المجتمع الدولى الحصانة لهم....
مباديء العدالة لا تتجزء وكذلك مبادئ المنادين بها...
أخيرا للجاهلين بمبادئ القانون الدولى وأعرافه وأصحاب المواقف ألإنتقائية ، ليس كل مايلمع ذهبا.... وكتاب التاريخ مازال مفتوحا لمساهمات الحمقى وكذلك العقلاء...
هذه شهادتى وليرحم ربى من ليس بيدهم من أمر دنياهم سوى دعاء ربهم أن يلطف فيما خطه لهم فى علمه من أقدار...
سيف
| |
|
|
|
|
|
|
|
|
|
Re: إعلان هام: مظاهرة ابتهاج امام السفارة السودانية يوم السبت 14 فبراير (1-3 ظهرا) (Re: SAIF MUstafa)
|
هناك اتجاه لتأجيل المظاهرة الى موعد لاحق يكون بعد صدور القرار رسميا وسنفيدكم بعد التشاور مع قوى الهامش والمنظمات الدارفورية.. نعتدر للعجلة فالملايين تترقب صدور القرار فى أى لحظة.. ولن تتوقف المظاهرات فى كل الأحوال حتى يصدر القرار الدولى لصالح مئات الآلاف من ضحايا نظام البشير فى دارفور وبقية انحاء السودان..
سيصدر قرار الإدانة والتوقيف فى اى وقت ولن تتراجع محكمة الجنايات الدولية عن قرارها..
تابعونا..
نورالدين منان
| |
|
|
|
|
|
|
| |
Mannan
elsharief
Elbagir Osman
محمد الامين محمد
محمد الامين احمد
SAIF MUstafa
فيس بوك
تويتر
انستقرام
يوتيوب
بنتيريست