|
سوداء مثل الليل ولم يرى من جمالها شيء ((كلام امام مسجدنا))
|
فى خطبة الجمعة المسجد مليان الغالبية من دول اسيا ما فاهمين الامام بيقول شنو الخطبة عن فضل العلم والعلماء وهى موحدة رصينةوجيدة اها الامام قام سرح وساب الرقة والود نظام داير يضرب امثلة الحكاية الاولى عن صبى جاء لسيدنا عمر بن الخطاب وقال ان ابى يعقنى احضر الاب وقال الولد ابى اسمانى جعران ولم يعلمنى الدين وتزوج امى وهى زنجية
بعد الصلاة سالت الامام وهو مصرى قلتا ليهو اها زنجية المشكلة شنو اجاب لا اصلى اناا ولت زنجية مشركة وطبعا كضب هو بس قال زنجية
الحكاية التانية قال رجل خرج كثيرا فى الجهاد وجمع ثلاثون الف درهم وطلب من امه ان تبحث له عن زوجة نصحته بامراة ووصفتها بانها قوامة ومتدينة ولا تطلب المال عندما تزوجها لم يرى من جمالها شيء ووجدها سوداء مثل الليل فقرر الهرب والعودة للجهاد نهاية القصة انو فى الليلة ديك حبلت المراة وانجبت ولد وربته ودفعت الثلاثون الف لتعليمه الدين فاصبح شيخا وعلم الامام مالك
فى هذه الحكايات نفس عنصرى بغيض لا يليق بالنصح الدينى
|
|
|
|
|
|
|
|
Re: سوداء مثل الليل ولم يرى من جمالها شيء ((كلام امام مسجدنا)) (Re: mohmmed said ahmed)
|
إبن عمي ود سعيد
تحية كبيرة وين إنت يا زول؟؟؟
بعد الصلاة سالت الامام وهو مصرى قلتا ليهو اها زنجية المشكلة شنو اجاب لا اصلى اناا ولت زنجية مشركة وطبعا كضب هو بس قال زنجية
طبعا كضاب و جبان. اللون البشري الأسود .. ما أن تجد أحدا يقوم بتعييره أو محاولة إنقاص حامله .. إذن فلنشكك في إيمانه أصلاً ... و لنشكك في آدميته دون مبالغة حتى إمامته لا يستحقها.
الحكاية التانية قال رجل خرج كثيرا فى الجهاد وجمع ثلاثون الف درهم وطلب من امه ان تبحث له عن زوجة نصحته بامراة ووصفتها بانها قوامة ومتدينة ولا تطلب المال عندما تزوجها لم يرى من جمالها شيء ووجدها سوداء مثل الليل فقرر الهرب والعودة للجهاد نهاية القصة انو فى الليلة ديك حبلت المراة وانجبت ولد وربته ودفعت الثلاثون الف لتعليمه الدين فاصبح شيخا وعلم الامام مالك
درس رباني لمن يعتبر
دمتم
| |
|
|
|
|
|
|
Re: سوداء مثل الليل ولم يرى من جمالها شيء ((كلام امام مسجدنا)) (Re: mohmmed said ahmed)
|
الاخ العزيز محمد تحياتي وتقديري،
للاسف كتير من الاقوال والمفردات والترميز العنصري ضد السواد بصورة عامة مثل التي رددها امام مسجدكم هي موجودة في أمهات الكتب كما يسمونها!! فصحبك دا بيكون حضر للخطبة من الكتب البتحمل عنصرية تجاه سواد اللون.
في نهاية التسعينات كنت شغال في بنك المشرق بابوظبي واذكر بانني لمحت رجل إماراتي ثمانيني (عجوز) وسط زحمة عملاء البنك واخوك قام إتشوبر وقال يعمل كستمر سيرفز لعمك العجوز وساعدته على اكمال معاملته دون الانتظار طويلاً والراجل ابدى امتنان كبير لي وقال لي والله انتو الخيلان السودانيين احسن من العرب هههههههه.
خالص مودتي
| |
|
|
|
|
|
|
Re: سوداء مثل الليل ولم يرى من جمالها شيء ((كلام امام مسجدنا)) (Re: Ahmed Alim)
|
Quote: والله انتو الخيلان السودانيين احسن من العرب هههههههه.
|
وكمان مرة واحد ""شيخ كبير"" وعالم كمان، قال في حديث متلفز:
""الأخلاق العربية الأصيلة لا توجد الآن ، للأسف ، إلا عند السودانيين""
بس أنا ما زعلت من الكلام دا. لكن اعتبرت الشيخ دا واحد كضاب ، لأن الأخلاق السودانية أخلاق سودانية وبس ، ما حقت أي ناس تانين.
لكني بسأل:
إنتو زعلانين ليييييييييييييه؟؟؟
تحياتي
| |
|
|
|
|
|
|
|