|
|
|
 Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
قبل أن تبدأ أخي معتز..
انت صادق في كل ما ستقوله..
ميناء سواكن بوابة دخول السودان.. والمنفذ البحري الوحيد..
يجعلك تكره اليوم الذي فكرت أن تسافر فيه سواء بعربية أو من غيرها..
سافرت قبل عامين.. ووصلت بسيارة نهاية رمضان..
كانت ساعة الوصول الواحدة ظهراً.. وانتظرنا حضور سعادة الضباط
لمدة أربعة ساعات..
المنظر المهين والمذل والمؤسف.. منظر العفش بعد أن يفرغ من العربية
ويفرش على الأرض بصورة متخلفة جدا..
الميناء يدر دخلاً كبيراً جدا..
ولكن السياسة التجارية في السودان: اخسر قليلاً واربح كثيراً
يعني مافي أي قيمة لتقديم الخدمات أو احترام آدمية الانسان
سواكن نفسها متسخة وقذرة..
العجيب ان هناك لوحة اسمها فندق (مش عارف ايه) وهو عبارة عن بيت أرضي عادي
وفيهو برندات عليها سراير زي نظام الداخليات زمان..
والحمام بالجردل.. أيوه والله بالجردل.. والبرميل
تجربة سواكن لن تتكرر بإذن الله..
وسنستعيض عن السفر بالسيارة، إلى ايجار سيارة من الخرطوم مهما كلفت
لان السفر عن طريق سواكن يكلفنا 4 أيام ذهاباً ومثلها في الإياب
غير العنت والتعب والمشقة وأهوال الطريق واستغلال نقاط التفتيش
الذين تزوغ عيونهم عندما يرون اللوحات الأجنبية.
ويحاولو يطلعو منك بأي حاجة..
طوعاً أو مجبراً
| |
 
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: أيمن دياب)
|
منظر الحمالين والعمال وهم يتحلقون حول الباخرة قبل أن ترسو..
منظر بشع جدا جدا.. ومؤلم للغاية.. وهم على ثياب رثة وبالية..
ألا يمكن أن يكون هناك زي موحد ومعروف ومتفق عليه من إدارة الميناء؟
الشرق فعلاً مظلوم.. ومهمش..
تنعدم فيه الخدمات.. حتى أبسط الأساسيات..
تعدد الرسوم ومنافذ الدفع أيضاً مشكلة كبيرة وهاجس يؤرق
كل من يختار هذا الميناء ليكون بوابته لدخول السودان
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
بضدها تتبين الأشياء
كيف يتم التعامل معنا منذ خروجنا من قطر وحتى وصولنا الى داخل الباخرة
نغادر قطر عن طريق مركز أبو سمرا الحدودي
لا ننزل من السيارة ... فقط نمد الجوازات عبر نافذة السيارة الى موظفي الجمارك والجوازات
يتم تخليص اجراءات خروجنا ولا نبرح سياراتنا ... مع دعوات الموظفين لنا بالسلامة
وقضاء اجازة ممتعة ...
نفس الشئ يتم من قبل السعوديين في مركز سلوى الحدودي
يشهد الله انهم لا يفتشون سياراتنا رغم اننا سندخل الى أراضيهم
ولكنهم يعرفون من هو السوداني ... فيحترموننا حسب سمعتنا لديهم
نغادر مركز سلوى الحدودي الى داخل الأراضي السعودية
نمر على جميع نقاط التفتيش وكأننا أمراء
لا أحد يعترض طريقنا ولا أحد يطلب أوراقنا الثبوتية
يكفي فقط أنك سوداني ...
نأتي الى ميناء جدة الاسلامي
كراسي مريحة ... سوق حر ... صالات مكيفة ... دورات مياه
نجلس معززين مكرمين الى حين السماح لنا بدخول الباخرة
نمر على كاونتر الجوازات ونمر كلمح البصر الا اذا كان هناك زحام
فانك تأخذ دورك كغيرك
يتم تخصيص مخرج وكاونتر خاص للعائلات
قمة الاحترام ...
لله درهم فانهم يعرفون مقادير الناس
| |
|
|
|
|
|
|
|
|
 Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
حمدلله على السلامة يا معتز ..
كلمة ميناء دي زاتا كتيره عليهو ..
ياخي انت مجرد ما تطلع من الباخرة كأنك داخل على سوق الله أكبر ..
يلاقوك مجموعة بتاعين رباطية يتشالبوك كل واحد يقول دا حقي أنا ..
آي والله بنفس هذه العبارة ..
المهم كل الأمر صفى على واحد بعد ما علمنا أن إجراءات خروجنا لا تتم إلا بواسطة هذا الرباطي ..
ونحن داخل أحد المكاتب جاء واحد تاني وقال الزول دا تبعي هنا ..
وحسب الزهجة والزعل الإتكوم في وش الواحد ساعتها والصيام كمان ..
عملت شكلة لي رب السماء وكنت ح اضرب الزول الجاء قال انا تابع ليهو دا ..
قلت ليهو يا زول انا تبع نفسي دي وما قاعد اتبع لي أي بني آدم في الدنيا دي ..
وهنا حاول هذا الرباطي الجديد دس استمارتي ولكن تاني اديتو على رأسه لغاية ما ساب حال سبيلنا ..
وجلسنا بعدها ساعات طويلة نحكي مأساتنا حتى خرجنا من الميناء بعد أن أجبرونا على أكل عدس مطعهم الذي لا مذاق له ولا رائحة ..
سوء في الخدمات وإدارة لا تعرف حاجة عن راحة المواطن وتسهيل أموره ..
حسبنا الله ونعم الوكيل ..
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
واصل أخي معتز..
والصور ستكون خير شاهد ودليل..
لكن بكل الصدق.. فإن أكثر منا هالني وآلمني..
منظر الحمالين الواقفين على الرصيف..
يتحلقون ويلتفتون حول الباخرة..
ويحلمون بالرزق الوفير والخير القادم..
وأيقنت حينها أن الشرق مظلوم مظلوم..
ثم ثانياً:
ألا توجد وسيلة حضارية أو لنقل مناسبة..
لتفتيش حقائب المسافرين..
بدلاً من فرشها ووضعها على الأرض..
وفتحها جميعاً.. ونبش ما بداخلها..
والتنزيل والتحميل يكون على حساب المسافر المسكين
الذي تنتظره صفوف وشبابيك وايصالات متعددة ومتنوعة.
أخي معتز..
أنا مثلك مغبون وتم انتهاك حقوقي الآدمية ميناء سواكن
لا يوجد أحد يسمعك أو يتقبل منك شكوى أو ملاحظة..
والمضطر يركب الصعب دايما..
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: ناصر النعمان البدوي)
|
سلام وتقدير.
ما أن ترسو العبارة تجحظ مئات العيون للسيارات بالتحديد وحجم العفش الذي يخرج على مقطورة الميناء. كل سيارة عند خروجها يلتف حولها حيش جرار لا تعرف هويتهم وكيف دخلوا لهذه المنطقة .. ما أن تقف بينهم يتحدثون معك بلغة غريبة كم مرة دخلت بعربة وين الجواز هات الورق الفلاني ... غصبا عنك تتجاوب وتنفذ كل طلب خشية التأخير وعشما في التيسير ... يالهول مشاهد صالة (الزنك) التي تقف تحتها العربات وتبدأ رحلة العنت والعذاب في تفريغ الحمولة ومساومة (العتالة) والمعقبين وخلافهم ... التأمين يقدره أناس لا يعرفون حتى اسم العربة ناهيك عن سعرها ... السداد إلزامي حسبما يقدره مسئول الشباك .. مكتب المغتربين لا دور له البتة ... أنت وجيبك وحنكك... ياله من مشهد مروع واستقبال بهئ .. ابتسم أنت في سواكن ..
الشفيع
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
الآن وقد نزلنا من الباخرة الساعة التاسعة والنصف ليلا
بعد عناء التخلص من الحمالين الاجباريين
الذين يتابعونك حتى بوابة الباخرة ثم يعودون أدراجهم ليتلعبثوا في غيرك
.
.
.
.
جلسنا على الأرض أنا وزوجتي وابنتي ننتظر خروج سياراتنا
وبعد أكثر من ساعة طلبوا منا الدخول الى كراج الباخرة لاستخراج سياراتنا
وذلك لعدم وجود سائقين .... علما أن عدد السيارات قد بلغ (170) سيارة
دخلنا الى الباخرة ونحن لا نعرف كيف نخرج السيارات
صار بعضنا موجها وبعضنا شرطيا حتى تمكنا
من اخراج سياراتنا ....
أحدهم قلب سيارته داخل الباخرة لعدم معرفته بطريقة اخراجها
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: ادم شحوتاي)
|
Quote: سلام وتقدير.
ما أن ترسو العبارة تجحظ مئات العيون للسيارات بالتحديد وحجم العفش الذي يخرج على مقطورة الميناء. كل سيارة عند خروجها يلتف حولها حيش جرار لا تعرف هويتهم وكيف دخلوا لهذه المنطقة .. ما أن تقف بينهم يتحدثون معك بلغة غريبة كم مرة دخلت بعربة وين الجواز هات الورق الفلاني ... غصبا عنك تتجاوب وتنفذ كل طلب خشية التأخير وعشما في التيسير ... يالهول مشاهد صالة (الزنك) التي تقف تحتها العربات وتبدأ رحلة العنت والعذاب في تفريغ الحمولة ومساومة (العتالة) والمعقبين وخلافهم ... التأمين يقدره أناس لا يعرفون حتى اسم العربة ناهيك عن سعرها ... السداد إلزامي حسبما يقدره مسئول الشباك .. مكتب المغتربين لا دور له البتة ... أنت وجيبك وحنكك... ياله من مشهد مروع واستقبال بهئ .. ابتسم أنت في سواكن ..
الشفيع |
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
الاخ / معتز تحياتى
انت قد تكون سافرت وكان عدد المسافرين والسيارات طبيعى وقد مررنا بهذه الحالة مرات كثيرة وفعلا معاناة ما بعدها معاناة وعذاب ما بعده عذاب .
فكيف اذا كنت سافرت معانا فى العطلة الصيفية وخاصة ايام الربكة بتاعت الحجوزات و عدم وجود بواخر وتكدس الناس فى جدة وبعدها تم احضار الباخرة السلام فكانت اول رحلة بها حدود 200 سيارة افراج موقت
فلك ان تتخيل منظر تلك الساحة المعدة لاستقبال سيارات الافراج الموقت ، طبعا ناس الميناء عاملين ليهم مظلات لوقوف السيارات لا تتجاوز 40 مظلة لو بالغت ، اها اليوم داك الحوش داك كلو اتملا سيارات والصالة حقت انتظار الراكب اتملت عوائل على اخرها بحثا عن التكييف للاطفال ، وبعد الــواطة مغربت كل العوائل طلعت الحوش و كل عائلة جلست عند سيارتها وحمامات مافى وكافيرة تعبانة ، العتالة الكانو كل سنة بتقالعو فى الركاب اليوم داك بقوا تفتش عليهم فتيش ( ودى الحسنة الوحيدة لليوم داك ) ولكن كثرت السيارات اخرت الاجراءات بصورة لا تتوقعها غايتو انا طلعت من الميناء الساعة الواحدة والنصف صباحا وطبعا الوقت داك تانى مافى لا فنادق و لا يحزون المدينة كلها ظلام اتوكلت على الله وركبت الخط طوالى على الخرطوم ، تخيل من الساعة الرابعة عصرا الناس موجودين فى الميناء الى الساعة الواحدة والنصف صباحا وطبعا كان فى ناس لسه ما خلصو ما عارف ديل طلعو الساعة كم .
فلك ان تتخيل حجم المعاناة فى ظل هذة العددية والمساحة والخدمات المتوفرة والله لو قعدت اكتب للصباح ما حاوصف ليك نصف الشىء الحصل والشفتو ( العجب الاطفال والنساء وكبار السن والمرضى غايتو )
عموما متابعين معاك بس الصور هى البتدى الخلفية الحقيقية الحقنا بها
أحمد العمار
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: هجو الأقرع)
|
Quote: الاخ / معتز تحياتى
انت قد تكون سافرت وكان عدد المسافرين والسيارات طبيعى وقد مررنا بهذه الحالة مرات كثيرة وفعلا معاناة ما بعدها معاناة وعذاب ما بعده عذاب .
فكيف اذا كنت سافرت معانا فى العطلة الصيفية وخاصة ايام الربكة بتاعت الحجوزات و عدم وجود بواخر وتكدس الناس فى جدة وبعدها تم احضار الباخرة السلام فكانت اول رحلة بها حدود 200 سيارة افراج موقت
فلك ان تتخيل منظر تلك الساحة المعدة لاستقبال سيارات الافراج الموقت ، طبعا ناس الميناء عاملين ليهم مظلات لوقوف السيارات لا تتجاوز 40 مظلة لو بالغت ، اها اليوم داك الحوش داك كلو اتملا سيارات والصالة حقت انتظار الراكب اتملت عوائل على اخرها بحثا عن التكييف للاطفال ، وبعد الــواطة مغربت كل العوائل طلعت الحوش و كل عائلة جلست عند سيارتها وحمامات مافى وكافيرة تعبانة ، العتالة الكانو كل سنة بتقالعو فى الركاب اليوم داك بقوا تفتش عليهم فتيش ( ودى الحسنة الوحيدة لليوم داك ) ولكن كثرت السيارات اخرت الاجراءات بصورة لا تتوقعها غايتو انا طلعت من الميناء الساعة الواحدة والنصف صباحا وطبعا الوقت داك تانى مافى لا فنادق و لا يحزون المدينة كلها ظلام اتوكلت على الله وركبت الخط طوالى على الخرطوم ، تخيل من الساعة الرابعة عصرا الناس موجودين فى الميناء الى الساعة الواحدة والنصف صباحا وطبعا كان فى ناس لسه ما خلصو ما عارف ديل طلعو الساعة كم .
فلك ان تتخيل حجم المعاناة فى ظل هذة العددية والمساحة والخدمات المتوفرة والله لو قعدت اكتب للصباح ما حاوصف ليك نصف الشىء الحصل والشفتو ( العجب الاطفال والنساء وكبار السن والمرضى غايتو )
عموما متابعين معاك بس الصور هى البتدى الخلفية الحقيقية الحقنا بها
أحمد العمار |
كل ما قلته صحيح أخي أحمد
وجاييك بتفاصيل أكتر
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: محمد الطيب حسن)
|
سلامات يا معتز
وبركة الوصلت شديد ياخي...
نحنا اتعلمنا انه نحمد الله اننا قدرنا نتجاوز الحاجات دي
تعرف سنة 1998 قدمت استقالتي من الجامعة للتفرغ لدكتوراه
قالو لي امشي اعمل اخلاء طرف من الضرائب..
صحيت شربتا واكلتا وقربتا اردف هدومي وصلتا هناك ذي 10
اولا قاعة بالله ذي الجنة. شلت رقم جات عصفورة مهذبة
نادت اسمي همسا.. بعداك شالت مني الورق
بعد نص ساعة نادتني في مكتب نضيف ظريف
شوفتا لي عصفورة تاني طلبت مني اوقع وقعت ادوني ظرف
وقالت لي شكرا جزيلا..
قلت ليها خلاص امشي قالت لي ايوا..
في اللحظة دي تدافرت في راسي صور ناس المحلية وناس الولايةيحملون الطبل والاسواط
ومريت بناس الكدايس...وصحيت..
محتجاين لادارات ممتازة متعلمة كفاية تمكين..
تعملخطط بنت كلب عشان نحس نحنا ابنادمين..
عدم التعليم وعدم القدرة الادراية والتمكين والواسطات
هي سبب الكوارث الفي السودان..
المخرج الوحيد هو التدريب والتنظيم
وحمدلالك بالسلامة يا ود امي
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: محمد الطيب حسن)
|
مرحبتين معتز والأخوة المتداخلين
طبعاً لدي بوست سابق ضخم جداً ماعارف وين طفش
يسمى { أسئلتي الى رئيس الجمهورية حول فوضى الميناء والجمارك والمرور }
أتمنى أن يعثر عليه أحد المحترفين ويجعله رابط بهذا البوست
لكن حا ابدأ باخونا ايمن دياب
قال تعويض قال !!!
يازول والله انت راجل بريء جداً
الشركة الملعونة في الجنة والآخرة والتي تسمى شيكان
هذه تأخذ منك رسوم تأمين لمدة شهر واحد { 341 } الف
وهناك اشياء أخرى لاتعرف معناها
ولو سيارتك حدث ليها اي طاريء فلن تجد هذه الشركة
لو اردت أن تحضر دكتوراة في الفوضى وسوء التنظيم فإن سواكن بيئة خصبة لذلك
المسئولين هنا ان كانوا كذلك فيجب حملهم ببلدوزر ورميهم بالبحر الأحمر بعد الإستئذان من الأسماك
والاتيان بمسئولين على قدر المسئولية
أكثر مايغيظني أنهم بدلاً مايقوموا بتكملة اجراءات كل جواز على حده يجمعوا كل الجوازات ويسلموها في وقت واحدويظل مئات الأطفال داخل السيارات تحت رحمة هؤلاء المعاقين نفسياً !!!
سأعود لاحقاً للحديث عن هذه الفوضى
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: ابوحراز)
|
هووووووي هووووووووووي هوووووووووووووووووي هووووووووووي
يازول انت الماشي دا هووووووووووي ماسامعنا انت يا 000 !!!!
تصدق دا واحد في الميناء كان بيتكلم معاي وانا لاحس ولاخبر
وتفكيري كله منصب حول وصايا ست النفر وكيفية خروجها من الميناء
ولحق بي 00 والحقني بستمائة { نهرة }
يازول ماشي وين ماسمعني بتكلم معاك ؟؟؟
الله 00 ياخي إنت معاي انا؟؟
ايوة 00 يعني مع ضلي !!!!
طبعاً ياقريش اي واحد ممكن يسألك لاتعرفو شغال أو ماشغال
وصاحب المسكين كان يحمل بوليصة شحن وقلت اشوف الرقم من { بره } اذا وصلت ابيت في سواكن واذا ماوصلت ملعون ابوها فالتمكث هنا حتى تقوم الساعة
قلت له اريد أن أتأكد من هذا الرقم وصل أم لا
فرفض وقال : لايوجد اي مسئول ولابد ان تأتي اليوم التالي
فقلت له انت مين وماذا تعمل
فقال لي ماشغلك
شوف الدستور السوداني الغلطان الذي يمنح مثل هؤلاء الحديث بالنيابة عنه؟؟
المهم جماعتي وزملائي كلهم غادروا من الميناء الى بيوتهم
اما انا فانتظرت حتى اليوم التالي
ووصلت المينا وتفاجأت انها لم تأت
يعني كان مفروض من أمس أكون ببيتي لو عرفت انها لم تصل
وانت تعرف اليوم في سواكن بخمسين الف سنة !!!
أما قصة { الطبلية } فحدث ولاحرج
فقد عدت لها مرة أخرى
واعاهدكم واعاهد الأربعين مليون نسمة ان لا أحمل مرة أخرى كباية واحدة في طريق عودتي للسودان
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: أيمن دياب)
|
طبعا الواحد متوقع تخلف الاجراءات..
وجاهز للملطشة..
وأخذنا النصائح والتكاليف التقريبية ممن سبقونا..
بس الوضع على الطبيعة مؤسف جداً ومخزي..
ولا نتعشم في تغير الوضع أو تحسين الخدمات..
لأن الأمور في السودان بتمشي كده..
ابوحراز.. بالنسبة لموضوع شيكان والتأمين..
عندي ليك قصة مضحكة جدا وغريبة..
بعد أن قمت بالتأمين على العربة
هونداي أكسنت موديل 2004 بمبلغ 400 ألف
وشاءت الأقدار بعد فترة أن يصاب (الخطر) الخلفي بكسر
ذهبت إلى الشركة في الخرطوم على أمل أن يتم تعويضي
فوجئت باجراءات كثيرة جدا لازم تحصل قبل الحصول على التعويض
أول حاجة بلاغ في المرور.. عن سبب كسر الخطر
البلاغ كلفني 50 ألف جنيه.. عريضة لوكيل النيابة.. ودمغة.. وشوية تحقيق
بعد التحري عن سبب الحادث.. قلت ليهم كنت راجع الخلف والعربية ضربت في الباب
تخيل قطعوني ايصال قيادة بإهمال.. بقيمة تلاتين ألف جنيه
دي بقت 80 ألف جنيه..
رجعت شركة شيكان قالوا لي جيب تلاتة فواتير..
قعدت اتونس مع الموظف.. ولقيت نفسي بعرف أخوانو..
قال لي ما تتعب روحك
مبلغ التأمين في النهاية بطلع ليك 17 ألف جنيه فقط
وبعد أسبوعين كمان..
طلعت من شيكان ومشيت الصناعية اشتريت الخطر من قروشي
بمبلغ 120 ألف جنيه..
يعني خسرت 200 ألف جنيه عشان الخطر..
ملاحظة تانية: أسعار الاسبيرات في السودان
تزيد خمسة أضعاف عن سعرها في السعودية..
نعم خمسة أضعاف.. والله على ما أقول شهيد..
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: أيمن دياب)
|
فالح لكن يا عمك ..
بعد ما اتخارجت .. ما كنت تفتح بتاع الجية وانت قاعد هنا عشان الفورد ده كان تشحنوا في طيارة ..
حمدا لله على السلامة ..
وقد فتح الاخ ابو حراز بوستا عن مآسي سواكن التي ظلت على حالها لاكثر من 10 سنوات على الرغم من الرسوم العالية التي تتحصلها المؤسسات هناك وعلى رأسها هيئة الموانئ التي تاخذ 10 جنيهات عن كل راس يدخل الحوش ولا ادري اين تذهب تلك الاموال الضخمة ..
واصل وبالصور وسنقوم باللازم .
| |
|
|
|
|
|
|
|
|
 Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: ابوحراز)
|
المشكلة إنو معظم مرافق الدولة إن لم تكن جمعيها سئية الخدمات ومعاناة ما بعدها معاناة ..
ياهو دا دور الدولة الحضارية ولا الرسالية ما عارف من الشعارات الشبعنا وإتمغصنا منها ..
ميناء سواكن واجهة غير حضارية للبلد أي مكان تمشي فيهو خارج السودان تجد معاملة كريمة وراقية إلا بلدنا دي الواحد ينهرك مجرد ما تطأ قدمك أرضها وتكون مجبر (تبلعه) في حنانك عشان إجراءاتك ما تتعطل وانت في عجلة من أمرك وشوق للوصول لأهلك سالماً ..
رسوم في أي مكان تمشي فيه وحتى الشوارع الفيها حفر ومطبات تؤدي إلى التهلكة تدفع فيها ..
قروش داخله بالكوم ومعاملة حدث ولا حرج ..
أبتسم أنت سواكن ..
غايتو الحاجة الكويسة المتذكره ..
فنجان قهوة أدروبي كارب وانت منتظر مغلوب على أمرك تنسى معه لبعض الوقت معاناتك ..
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: Hisham Ibrahim)
|
انتو وكت ماعندكم واسطة الممرقكم من غربتكم شنو ؟!!
الحمدلله انا عندي واسطة.. بطلع من الباخرة قبل الناس ... عفشي بطلع بدري ..بتفتش سريع ..ومن نفسي بدفع للحمالين ...ياجماعة العيب مافي الخدمة ولا في سواكن ...العيب فيكم انتو الماعندكم واسطة وماعايزين تدفعوا ...
عليكم الله وكت يظبطوا ليكم الميناء ويحسنوا ليكم المعاملة والناس يبقي عندها اتوكيت ...ويكون مافي همبته وقلع ..الواحد بحس انو في وطنو السودان كيف ؟!! معقولة نعيش غربة تانيه في بلدنا ..!!!
ياوليه ناوليني حبوب المرارة عليك الله ...
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: ابراهيم محمد الحسن)
|
طبعا يا اخواني.. كل ما يقال ويذكر هنا..
هو عبارة عن نوع من التنفيس وذكر المآسي والآلام التي حدثت..
ولكن..
لا نتعشم في إصلاح.. أو اهتمام.. أو ترقية خدمات..
أو حتى التفات لمضمون الملاحظات والاقتراحات..
لأن هذا هو سوداننا الذي وجدناه وعليه قمنا..
وهذا هو وقعنا المرير..
سياسة التعقيد وحلب المواطن.. واختراع الرسوم والمسميات
بأنواعها المختلفة..
والتغيير في هذا صعب إن لم يكن مستحيل..
تعودنا على هذه المناظر.. لدرجة أن التغيير وتحسين الخدمة يصيبنا بالدهشة
وربما عدم التصديق..
نحلم بيوم يخرج فيه المغترب بسيارته من ميناء سواكن
خلال أقل من ساعة..
دعونا نحلم فقط.. لأن الأحلام مجانية وليست عليها رسوم
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: مازن الجمّال)
|
Quote: وييييييينك ياخ
ياخي بعد ما طلعت مباشرةً من مكتب المدير قام بالإتصال بمكتب الدوحة وأكدوا له سلامة الأوراق وطلبت مننا اللحاق بك والسماح بأخذ سيارتك لأنه وجد أنك ما محتاج توثق التوكيل بالسفارة طالما تم إستخراج دفتر التربتيك لك ....!لكن قدر ما جرينا وراك بالبوكس ده غلبنا نحصلك ..!
شفتوا المغسة دي .......!!!؟ |
عثمان والله لو محلك احرد العربية والاجازة واجي راجع.
بالله اتصرفت كيف بعد داك؟
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: مازن الجمّال)
|
د. التهامي مطلوب فورا إصدار توجيهات حاسمة لإدارة الميناء من جمارك وضرائب وموانئ وشرطة ومرور وعتالة وعنقالة وعابري السبيل والمنتفعين والجيوش الجرارة التي تتخذ من الميناء مصدر رزق لهم- بعدم اعتراض وعرقلة أي سيارة دخلت الميناء بأوراق سليمة فنحن لسنا أفضل من دول الخليج في كيفية التعامل مع هذه السيارات العابرة على نظام (التربتكت) ... وعليه كذلك ضرورة تفعيل وإعادة تأهيل المكتب البائس المكتوب عليه (المغتربين) بميناء سواكن ... وطرد شركات التأمين ومنسوبي الإدارات الحكومية الجالسين على الفتحات الصغيرة لزوم التحصيل الغير مبرر .. طفح الكيل يادكتور التهامي ..
الشفيع إبراهيم
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: جعفر محي الدين)
|
نواصل ... مع الشكر والتقدير لكل من مر من هنا وكتب
دخّلنا العربات في الزنك وفي الحوش وجيوش من العتالة يتبعون العربات
للأسف هذا المنظر المخزي حدث وهناك بعض الخليجيين القادمين للصيد
تخيلوا كمية الخجل الذي اصابنا .
فتشنا على أوراق العربات ولم نجد شيئا ...
بعد نصف ساعة تقريبا جاءني أحدهم (بدون بطاقة وبدون هوية)
وهو يحمل اوراق السيارة وسألني انتي المعتز
قلت ليهو نعم
قال لي أوراقك عندي وانا اللي ح أخلص ليك الاجراءات
قلت ليهو انت منو ذاتك
قال لي أنا المخلص
سألته : جبت ورقي دا من وين ؟
قال لي أدونا ليهو ناس الجمارك ... هم اللي بوزعوا الورق على المخلصين
قلت طيب لو أنا ما عاوزك انت تخلص لي سيارتي
قال ما على كيفك
سكت وقطعتها في حناني ـ خلاص فهمت الفيلم
كان ذلك حوالي الساعة التاسعة ليلا
وبدأ العمال في انزال العفش من السيارة
وعيني على كل شنطة وكرتونة (حسب ما وصوني من هنا)
انتظرت في السيارة ومعي زوجتي وطفلتي
طلبت الطفلة أكل لأنها جعانة
بحثت عن كيس به بعض الخبز والجبن والمربى
وعصاير ومياه معدنية
ولكنه اختفى ... نعم اختفى الكيس
ذهبت الكافتيريا ولم أجد شيئا يمكن أكله
أكل ؟؟؟؟ أكل شنو يا أخوان ... أعوذ بالله من دا أكل
اضطررت لأخذ بعض الخبز
وعندما رجعت الى السيارة
وجدت أن الطفلة قد نامت بجوعها ...
ورغم ذلك ندفع رسوم خدمات ... تخيلوا
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
هكذا كانت تقف السيارات وبداخلها الأسر
وهنا تظهر زوجتي نائمة بعد أن غلبها الجوع والتعب
وطفلتي نائمة في المقعد الخلفي
بعض الأسر التي لا يوجد مكان داخل سياراتهم
دخلوا الى قاعة الانتظار (صالة معروشة من الزنك)
بها كرسي لا أدي أهي من الفايبر أم من الحديد
وافترشت لأطفالها الأرض ببطانية أو بشكير أو سيوتر
وبعض النساء لديهن أطفال صغار حملنهم على أرجلهن طيلة (6) ساعات
وهن جلوس على الكراسي
| |
|
|
|
|
|
|
|
|
 Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
حمدالله على السلامة,,,Quote: سأواصل أخي
فالغصة تسد حقلي من الذل الذي عانيته في بلدي
وسيستمر مسلسل هذا الذل في بوستات قادمة من (1) الى (1000) |
المؤلم حقا أن هذا هو الحال,,
فى كل مرافق الدولة وبالمناسبة
لا فرق بين مغترب ومقيم ومواطن هناك,,
الكل مُعذّب مُعذّب حتى إشعار آخر,,
ميناء سواكن وما أدراك ما ميناء سواكن,,,
هذا لمكان لا يصلح للأُسر وأحيانا لا يصلح للإستعمال الآدمى!!!!
من فرط هوان وذل البنى آدميون فيه,,,
مصلحة الجمارك والموانى السودانية أدمنت مذلّة المواطن السودانى,,
لا فرق لديهم هناك فقد أتيتهم برجليك,,
لا عليك يا حبيب,,
علّ الحُجاج طيبين وبخير ,,,
مليت البطاطير من المنشأ,,,دا المطلوب,,
تانى ما تعمل كدا,,,
أركب الطيارة دى,,مالا أبت ؟؟؟؟؟وصدقنى ما حا توفر أى حاجة
كونك ماشى بالعربية وبل بالعكس القصة فيها خسائر وزمن ضايع,,,
وإنسانية مُهانة وممسوح بيها الأرض خاصةالأطفال والنساء والشيوخ والمرضى,,,
ساعات قليلة وبرى ما بعيدة من المطار مالك ومال العذاب والهوان...
وبورتسودان كان مشيتا بالدرب البهناك أكيد حا تشوفا غير,,,
زى جدة كدا,,,
الطيب خبرو شنو!!!!
قالو بتاع المغتربين عضو هنا الكلام دا صاح!!!!!!!!!!!!!!
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: محمد الطيب حسن)
|
محمد الطيب الشوق الشوق
Quote: اااااااااااااخ انا
جوه البلد تشكر في الحكومه بس تطلع منها تقعد تشلفط ( يعني تشلت )
Re: لو لم تنجز الانقاذ غير سد مروي لكفاها ... رحلتي الى السد بالصور |
يا ابني يجب أن نتعلم أن نقول لمن أحسن أحسنت
ولمن أساء أسأت ...
(لا يجرمنكم شنآن قوم على ألا تعدلوا ... اعدلوا هو أقرب للتقوى)
Quote: تحت تحت :ــــــــــــــــــــــــــــــــــــــ
صدقت والله يامعتز فسواكن لو فتحت 1000,000 بوست مابتكفيها
والاغرب انك عايز تعمل مقارنه بينه وبين ميناء جده الاسلامي
بالغت لكن
اكاد اجزم لو فقط الرافعات الفي ميناء جده باعوها بتعمل 50 ميناء زي سواكن
بس مشكلتك مالاقيت سفير سودانيز اونلاين الدائم لدي سواكن اخونا ابوبكر علي |
أؤكد على كل ما ورد أعلاه
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
الاخ معتز قريش
حمدلله على السلامة و شكرا على نقلك لهذه الصورة الحقيقية الماساوية
| Quote: فتشنا على أوراق العربات ولم نجد شيئا ... |
Quote: قال لي أنا المخلص
سألته : جبت ورقي دا من وين ؟
قال لي أدونا ليهو ناس الجمارك ... هم اللي بوزعوا الورق على المخلصين |
| Quote: سكت وقطعتها في حناني ـ خلاص فهمت الفيلم |
| Quote: وعيني على كل شنطة وكرتونة (حسب ما وصوني من هنا) |
Quote: بحثت عن كيس به بعض الخبز والجبن والمربى
وعصاير ومياه معدنية
ولكنه اختفى ... نعم اختفى الكيس |
Quote: ذهبت الكافتيريا ولم أجد شيئا يمكن أكله
أكل ؟؟؟؟ أكل شنو يا أخوان ... أعوذ بالله من دا أكل |
Quote: وجدت أن الطفلة قد نامت بجوعها ..
ورغم ذلك ندفع رسوم خدمات ... تخيلوا |
Quote: دخّلنا العربات في الزنك وفي الحوش وجيوش من العتالة يتبعون العربات
للأسف هذا المنظر المخزي حدث وهناك بعض الخليجيين القادمين للصيد
تخيلوا كمية الخجل الذي اصابنا . |
ورغم ذلك ندفع رسوم خدمات ... تخيلوا
ورغم ذلك ندفع رسوم خدمات ... تخيلوا
ورغم ذلك ندفع رسوم خدمات ... تخيلوا
ورغم ذلك ندفع رسوم خدمات ... تخيلوا
كارثة و مصيبة مستمرة
هذه هى الامور التى تحتاج فعلا لثورة حقيقية
اجتثاث هذا الفساد و الظلم ..
و اتمنى أن تدير هذا الميناء شركة ماليزية أو صينية حتى !!!!!!!!!!!!
| |
|
|
|
|
|
|
|
|
 Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: اسعد الريفى)
|
سلامات يا مازن,,,Quote: عارف يا معتز
انا بختصرا ليك في كلمتين
ميناء سواكن = زنكي اللحمة
وبس |
ياخ حرام عليك,,
ظلمت زنكى اللحمة ظلم ما بعده ظلم!!!!!!!!!
زنكى اللحمة مكان يلتقى فيه الناس على الخير!!!
وإحتمال كبير تكون فيها قفشة قفشتين وشوية إجتماعيات
على السريع ,,,
ميناء سواكن هذا وصمة عار فى جبين الإنسان السودانى,,
رغم أن الإنسان السودانى منه براء ولكنه محسوب عليه شاء أم أبى,,
والمخجل والمبكى أن إدارته يمكنها أن تتبجح بأنها تقدم الأفضل,,
ليس سوى مكان للسرقة والهمبتة وليس هنالك من تشكى له غير الكريم,,,,,,
إدارة فاقدة للسيطرة على مجموعات الخرمجة والسلفكة وفنون نهب القادم
للبلاد عن طريق ذلك المكان القمئ,,,
كلهم تجردوا من إنسانيتهم وتفرغوا لإمتصاص دماء سيئى الحظ الذين رمت
بهم ظروفهم تحت رحمتهم,,
أين تذهب أموال هذا البلد ومرافقه ما تزال تعيش غيبوبة عن أبسط
مقومات الحضارة والرقى والنظافة والأخلاق؟؟؟؟؟؟؟؟؟؟
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: معتز القريش)
|
اخي معتز
سافرت السودان قبل خمسة اشهر.
بدأت معاناتي من الباخرة
التي تاخرت 9 ساعات .
مشيت بوفيه الباخرة عشان اتسحر
واشرب الشاي قالوا الشاي خلص.
وصلت الميناء 5مساء قالوا ناس الجمارك
طلعوا للفطور.
طيب نحن حنفطر وين؟؟؟؟؟؟؟؟؟؟
وصفوا لينا بوفيه وسخان وطرابيز وسخانة
وناس وسخانين.
بعد ساعتين بدات المساومة بيننا وبين
الحمالين والمخلص و....
هل تصور اني قضيت 7 ساعات داخل هذا الميناء
العجيب .
اختصرت كتير وصراحةماعندي نفس اكمل باقي
القصة الاليمة.
بس صراحة الضابط كان ظريف
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: صالح عبده)
|
الواحد لمن يفكر المشاوير من الكلاكلة للحاج يوسف يقوم يغامر ويتحرك بعربيتو وتفتكر لمن تمشي باولادك ممكن توفر حق التذاكر وكدا.
السفر لاول مرة بالفورويل درايفر مع اطفالي الخمسة وزوجتي
الطريق سلس وممتع من الرياض الى جدة وخاصة كان معي خال الاولاد سائقا حتى جده وفي جده تشتري الزوادة مربة جبنة كريم وبسكويتات وبيبسي وعصاير وصبارة مربعة مليئة بالثلج حتى موية الصحة (جركانة كبيرة) والباكستاني يسأل ليه فيه كل نفر سوداني يشتري موية انتو نعمة موية نيل كتير فاقول في نفسي والله ما ناقش حاجة.
المهم نزلنا الباخرة الخامسة مساء وحسب الحجز وجدنا الغرفة الضيقة حشرنا فيها الاولاد والبنات ثلاثة بنات فوق والولد الكبير عايز يستمتع خارج الغرفة احسست بشيء من الراحة لساعات قليلة حتى يفاجئنا جرس استلام الجوازات ايذانا بالوصول الى ميناء سواكن.
يا ام العيال شيلي الشنط الخفيفة للزغار وعتلي معاي شنطة الحاجيات، يا ولد هوي تعال شيل الشنطة الكبيرة دي وننزل بسلالم حلزونية غير مخصصة للاستخدام الآدمي ولا توجد غير حتى لركاب الدرجة الاولى. المهم نوصل وخلاص،
العربات تزحف خارج الباخرة وتم رصها وبعد انتهاء اجراءات الدخول واستلام السيارة تبدأ المعاناة حى الهانقر حيث ان الاطفال يجرجرون الشنط مع الارض المتسخة اساسا بالزيوت وهناك يتم انزال العفش والتفتيش وقلع البقشيش حتى خلصنا عند الرابعة عصر وعند خروجنا من الهانقر انهمر المطر فوقفنا حتى ساعتين لتنجلي الامور ولانني سمعت عن العقبة والغابة المليئة بالرباطة اعتراني الخوف فقلت معاذ الله فسالت احد المارة عن فندق يمكنن المبيت حتى الصباح فقال لي .. هه يا زول احسن تمش ولا تبيت في الفندق كلهم حرامية ما تلقى عفشك للصباح.
فتوكلت على الله واتجهت لبورتسودان للمبيت مع احد اقربائي وهناك اخذ الناموس ينهش اجسام اطفال البضة وكلما غفوت يندس احداهن تحت ملايتي خوفا من الناموس فوجت نفسي عند الصباح محاطا بجميعهم الا زوجتي التي اتخذت مع زوجة قريبي في غرفة داخلية مع طفلنا الرضيع. ونحمد الله ان قريبي وجد لي من يرافقني الرحلة حتى كسلا ولكنه لا يسوق المهم كويس فانا لا اعرف الطريق.
بدأت الرحلة من بورتسودان بتوزيع مال الاغتراب السايب لنقاط التفتيش الحكومية، وفي منطقة يقال لها دورديب او تورتيب حيث ينقطع الاسفلت وتدخل امتحان قيادة السيارة مع الحفر والمطبات الغير مرئية وهنا انهارت تكويشة السقف التي تحوي تحويشة العمر، توقفت حتى اتاني ادروب وبدأ يساومني في الفك والتربيط حتى رضخت لطلبه خاصة وان الشمس حارقة بعد التربيط واصلناحتى وصلنا كسلا منهاري القوى.
ساواصل بعد ان اعطي الفرصة للاخرين.........
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: Zomrawi Alweli)
|
رغم أن السيارة مريحة خلال الإجازة..
وتساعدك كثيراً في قضاء مشاويرك..
ولكن إذا حسبتها من ناحية اقتصادية..
تجد أن من الأفضل السفر بالطائرة..
واستئجار سيارة من السودان لمدة شهر مثلاً
الايجار رخيص والآن وصل إلى 40 جنيه لليوم الواحد..
أولاً لراحة نفسك وجسدك من الارهاق والتعب
حيث أن السفر بالسيارة يكلف أربعة أيام ذهاباً
وثلاثة في الإياب
يعني أسبوع من الاجازة ضايع..
الشيء الثاني.. لو معاك عربية ممكن تحوم يومياً
وما تقعد ولا يوم في البيت.. يعني ارهاق في ارهاق
تجربة السفر عن طريق سواكن لن تتكرر بإذن الله..
رغم أن طريق هيا ـ عطبرة ـ الخرطوم
اختصر المسافة إلى ثمانية ساعات فقط أو أقل..
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: أيمن دياب)
|
Quote: ياخي بعد ما طلعت مباشرةً من مكتب المدير قام بالإتصال بمكتب الدوحة وأكدوا له سلامة الأوراق وطلبت مننا اللحاق بك والسماح بأخذ سيارتك لأنه وجد أنك ما محتاج توثق التوكيل بالسفارة طالما تم إستخراج دفتر التربتيك لك ....!لكن قدر ما جرينا وراك بالبوكس ده غلبنا نحصلك ..!
شفتوا المغسة دي .......!!! |
ليشنو ما وكلت ليك اقرب محامي واشتكيتهم؟
تديه القضية بالنص...كان اجازتك الجاية طلعت مجان
اسعلني انا مجرب..
انت قايل بدل التعطيل والضرر في اجازة هين؟
| |
|
|
|
|
|
|
|
|
|
Re: ذل واهانة وتعذيب للسوداني عموما والمغترب خصوصا ... ميناء سواكن (1) (Re: كمال ادريس)
|
والآن بدأت رحلة الذل والعذاب مع ضباط الجمارك
تم تنزيل العفش على الأرض بصورة مؤذية للعفش وصاحبه
شريط كراتين ... كسير أقفال الشنط
ما تقول لينا ما عارف المفتاح وين ... أفتح الشنطة سريع
عشان الضابط لو جاء وما لقى الشنط مفتوحة ح يمشي
وتاني نجيبو كيف ...
فتحنا الشنط والكراتين وفتحنا كبوت العربية
الآن الساعة العاشرة ليلا
انتظرنا وانتظرنا الى أن خرج أحد الضباط
المختصين في العفش فقط (ايوة العفش فقط)
وبدأت رحلة التحنيس ... عشان يمر يشوف عفشنا
يا جنابو لو سمحت ... الله يرحم والديك
معانا أطفال ... العربية القدامك دي
وهو لا يبالي ...
استغفر الله ... أحيانا يرد
يا أخوانا ما تصبروا أنا أتقطع يعني
حوالي الساعة الواحدة صباحا تم تفتيش عفشي
تفتيش لا يساوي قيمة التنزيل ولا الوقت الانتظرناه
دخل الضابط يدو في كم شنطة كدا
وكم كرتونة كباهم في الأرض
ما مشكلة
الحمد لله قطعنا شوط
باقي لينا تدقيق أرقام العربية
نواصل
| |
|
|
|
|
|
|
| |
معتز القريش
معتصم دفع الله
ALazhary2
ذواليد سليمان مصطفى
ادم شحوتاي
هجو الأقرع
محمد الطيب حسن
ahmed haneen
ابوحراز
معتصم محمد صالح
Hisham Ibrahim
SHIBKA
nazar hussien
فايزودالقاضي
ابراهيم محمد الحسن
مازن الجمّال
معاذ حسن
جعفر محي الدين
أيمن الطيب
اسعد الريفى
صالح عبده
Zomrawi Alweli
كمال ادريس
فيس بوك
تويتر
انستقرام
يوتيوب
بنتيريست