|
|
|
 Re: يا مواطنين سودانيز أونلاين .. فيكم زول من رومانيا ؟؟ (Re: محمد ابراهيم قرض)
|
Quote: أريتني يا رأفت كنت مقيم هناك ..
كنت خدمتك بي يديني و كرعيني ..
انت زول ما ساهل ..
تحياتي .. |
يا قرض ياخ وين أنت .. بفتش ليك فى التاريخ
مشتاقين كتير والله .. وينك ووين أيامك ..
وعارفك ما بتقصر .. أخو أخوان ..
مشكلتى يا قرض لقيت العضمة فى الكرشة زى الزول الإتعتّر داك ..
سافرت إيطاليا بالسكة .. إتسلط على زول رومانى لبس فى العربية من ورا هلك أياما ..
هسة العربية رحمها الله إنقبرت فى إيطاليا .. البوليس الإيطالى متحفظ على المحضر ما بديه إلا لى شركة التأمين .. وشركة التأمين فى سويسرا رفعت يدها عشان أخوك المسكين تأمينه إجبارى .. حاولت أشوف محامى فى إيطاليا قال ما بقدر يعمل حاجة عشان الطرفين أجانب .. الكورة بقت بين سويسرا ورومانيا عشان التأمين هناك .. قلت أشوف الوضع هناك .. عشان محامى فى سويسرا يكلفنى التعويض كله .. وأهو بفتش فى مفاضلات .. علمآ بأن الحادث كامل .. بتقرير البوليس .. مسئولية تأمين رومانيا .. وأخوك أمورو ملخبطة ..
أها مستنى منك النصيحة .. شوف لى واحد مخزن عندكم يفتينى ..
مستنيك .. نرفع البوست لامن يجينا ود حلال من رومانيا يفتينا ..
| |
 
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: رأفت ميلاد)
|
هسة قصتك لو حصلت هنا بوستات التضامن والشجب والاستنكار كانت حتطاقش
لكن عندكم ياحبيب القانون محترم ومافي حد أحسن من حد ..
المهم
كيفك يازول ياجميل
اخبارك وعيالك وكل الاسرة الكريمة لعلهم طيبين
والشباب ديلك امورم كيف
وحبيبنا فيصل والرطاني و د.على وهوبا وجعفر والمعاهو كلهم كويسين ..؟
تحياتى ليهم وليك
وقوليهم سلك لله يامحسنيين فالشوق بحر لصوتم الضوضائي
وربنا يهون قواسيك ويلمك فى زول رومانى
اتصل بالسفارة ..
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: خضر حسين خليل)
|
اخونا رأفت كل سنة وانت طيب
فرج الله كربتك ويا ريت لو كان بإمكاني المساعدة، لكن تراني قاعد مرزوع معاك في نفس القارة ..
حاول خت ايميلك في البوست ده وربما يأتيك الفرج من خارج حدود اعضاء المنبر، لأنه انا هسه بتخيل في سودانيين قاعدين في رومانيا وبيقروا في كلامك ده لكن لا عندهم باسويرد عشان يفزعوك ولا عندهم طريقة إتصال بيك ..
العربية بتجمع ان شاء الله او على الأقل التعويض إلا اسأل ود الباوقة بوريك العربات بلقوهم كيف؟
الصاوي
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: elsawi)
|
Quote: اخونا رأفت كل سنة وانت طيب
فرج الله كربتك ويا ريت لو كان بإمكاني المساعدة، لكن تراني قاعد مرزوع معاك في نفس القارة ..
حاول خت ايميلك في البوست ده وربما يأتيك الفرج من خارج حدود اعضاء المنبر، لأنه انا هسه بتخيل في سودانيين قاعدين في رومانيا وبيقروا في كلامك ده لكن لا عندهم باسويرد عشان يفزعوك ولا عندهم طريقة إتصال بيك ..
العربية بتجمع ان شاء الله او على الأقل التعويض إلا اسأل ود الباوقة بوريك العربات بلقوهم كيف؟ |
مرحب بيك كتير يا الصاوى
شكرآ على الدفرة والفكرة النيّرة .. المشكلة يا الصاوى عربيتى تفرق دمها على ثلاثة دول .. كان الموضوع دخل دولة واحدة .. أو على الأقل الطرف التانى إيطالى .. كان الواحد عمل حاجة ..
نخت الإيميل لناس رومانيا .. [email protected] عسى ولعل ..
شكرآ الصاوى
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: خضر حسين خليل)
|
مرحب بيك العزيز خضر Quote: أروما كيف يا رأفت!!
ياخ كامل تضامني معك والله وربنا يحلك من شبك بواليس بلاد برة ديل
أما لو كان في السودان فالمسألة كان بتنتهي في الغالب !
بإنك تغمض للعسكري وأمورك تمش ! ولا ما كدة يا الطاهر
جيت بس عشان أقول ليك حمدالله علي السلامة والجاتك في عربتك سامحتك
ياصاح !! |
ضحكتنى ياخضر .. تغمض عليه شنو .. دول كانوا باعوك وإشتروك فى حتتك وعينك تعاين .. نحن كايسيين حقنا .. وديل ما بتلقى عندهم حق .. البوليس الإيطالى لا إنجليزى ولا ألمانى .. مرتى قالت ليه عربى كيف .. ووالله يا خضر الجاتنى فى عربيتى عوقتنى عديل كدى خليك من كضب أهلنا داك ..
نرفع معاك البوست عسى ولعل ..
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: Hassan Makkawi)
|
Quote: لأ أقيم هناك لكن ( الزراع طويلة )
شبيك لبيك؟؟! |
مكاوى كيف حالك ..
بقولوا إيدو لاحقة ما طويلة .. أماقصة ( الزراع طويلة ) إلا دكتور خليل زى ما قال ليك شول ..
أها أنا قضيتى داير أعرف إمكانية توكيل محامى داخل رومانيا .. لمتابعة مطالبة التعويض من شركة التأمين الرومانية ..
مستنى منك الفتوة
تحياتى
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: Hassan Makkawi)
|
يا شول سلام
ياخ إتصلت ليك بى حسن مكاوى .. والله نظرتك ثاقبة الزول ما ساهل .. وماشى أعمل معارف عندى هنا بواسطته .. ما ياها الزراع الطويلة زاتا .. بالمناسبة التلفون طلع غلط .. زايد رقمين .. ختيت مفتاح المنطقة خطأ وما بحتاج مع الموبايل .. الكبر ياخ .. وأكتبو ليك تانى 0041788812912
ومستنى منك رسالة وبضرب ليك أنا .. الله يخلى الهنود وكروتم
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: شول اشوانق دينق)
|
الصديق رأفت التحايا والود .
العربية الجديدة ما كلمتنا بيها ولا عملت ليها الكرامة , ياخ نحن ما طالبين
حاجة كتيرة عنبلوق بكفينا , ألف حمدا لله على سلامتكم , تانى ما تغنج
بالكرامة كويس , يا شباب يدكم مع الصديق رأفت والرجل يستحق المكرمة .
أستاذنا العزيز الطاهر ساتى سنة سعيدة عليكم وكل أمانيكم محققة باذن الله , والله
اللوم والتقصير ما فضلنا فيهو حاجة لكن عشمنا كبير فى صفحكم , أتمنى أن تكون
والأسرة الكريمة بخير وعافية , عبرك التحايا موصولة للأخ العزيز أستاذ النور .
الجميع بخير ويبلغوك تحاياهم خصوصا قريبك الرطانى وجعفر .
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: فيصل عثمان الحسن)
|
Quote: العربية الجديدة ما كلمتنا بيها ولا عملت ليها الكرامة , ياخ نحن ما طالبين
حاجة كتيرة عنبلوق بكفينا |
يعنى يا فيصل عربيتى إتكسرت عشان أنت وعماد ما مصمصتوا العنبلوق ؟ والله دا إفترا ..
لكن أنا شاكى شوية فى على كوبا .. أصلو العربية إشتريتا من قدام بيتو
لكن خوفتنى .. كان الله قسم لينا عربية تانى نجهز العتوت قبال نجيبا ..
يا زول قدمكم لسة ما جاها رافع .. بس العماد بعد ما مسك العمودية أنساه .. ودردق براك بقى ما فاضى لينا .. يومداك جاى يعزينى .. عملا كسور وبواقى وزيارات فى السكة .. ضربت ليه قلت ليه أنت جاى تعزى ولا تغنى
تحياتى للأولاد
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: رأفت ميلاد)
|
Quote: يا شول سلام
ياخ إتصلت ليك بى حسن مكاوى .. والله نظرتك ثاقبة الزول ما ساهل .. وماشى أعمل معارف عندى هنا بواسطته .. ما ياها الزراع الطويلة زاتا .. بالمناسبة التلفون طلع غلط .. زايد رقمين .. ختيت مفتاح المنطقة خطأ وما بحتاج مع الموبايل .. الكبر ياخ .. وأكتبو ليك تانى 0041788812912
ومستنى منك رسالة وبضرب ليك أنا .. الله يخلى الهنود وكروتم |
رافت ... ده كجور الدينكا الهنا ... الرفضتو تجوها بالجد:
شول اشوانق دينق
______________________________
ارجى تلفونى بالله يا رافت ... قريب
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: رأفت ميلاد)
|
العزيز بتاع اليتاع رأفت ســـــلامات
و الجاتك فى الشكفة أو الكربةســـامحتك.
و بعدين أنت ما فارف الباكل براهو بخنق؟
و بعدين أين مبدا الرفيق قبل الطريق. كــــــلام كتير جايب الحلبى و جاييك
فى النهاية طالما جات فى الشكفة الباقى هيين
( بعدين انا كنت مهكر من بكرى ومن الهكر و البركة فى فيصل و عماد )
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: Adam Omer)
|
يا آدم عمر تاكل السم | Quote: و بعدين أنت ما فارف الباكل براهو بخنق؟ |
دى كفارة بتاعتك ؟ .. أخوك شوماج أربعة شهور .. والعربية ما دفعنا ربع حقها .. وأنت وفيصل دايرين تاكلوا العتود ؟ | Quote: فى النهاية طالما جات فى الشكفة الباقى هيين |
لا هين ولا حاجة والله .. تلتلة زى دى أخير منها كسر الرقبة | Quote: ( بعدين انا كنت مهكر من بكرى ومن الهكر و البركة فى فيصل و عماد ) |
أنا زاتى دفرت معاهم .. لكن هكر شنو ياخوى .. أنت ما ناقش .. أنت كنت شايتك أبا كبيرة زاتو .. من الطبيز .. غايتو نحن قلنا ليه ده مسئولية عصام جبرالله ..
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: Hassan Makkawi)
|
بروكلين تنفع يا رأفت ? بالعدم يعنى ,,
Just kidding دى محاولة لرفع البوست ,,
تعرف تذكرت نكته مش عارف العلاقة شنو ,, بس احكيها ,,
الجعلى سمع زول بيغرق ,, ويكورك ,, يابو مروووه ,, يابومرؤة ,,
الجعلى تلب وهو مابيعرف يعوم ,, غايتو كابس كابس وصلو القيفة بآخر نفس الناس واقفة تعاين ,,
يازول ,, انت بتعرف تعوم ?
الجعلى : لا..
نان الموديك تمرق الزول شنو?
الجعلى : هو قال يابو مرؤة ولا قال ياالعوامين??
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: عبدالعزيز الفاضلابى)
|
Quote: تعرف تذكرت نكته مش عارف العلاقة شنو ,, بس احكيها ,,
الجعلى سمع زول بيغرق ,, ويكورك ,, يابو مروووه ,, يابومرؤة ,,
الجعلى تلب وهو مابيعرف يعوم ,, غايتو كابس كابس وصلو القيفة بآخر نفس الناس واقفة تعاين ,,
يازول ,, انت بتعرف تعوم ?
الجعلى : لا..
نان الموديك تمرق الزول شنو?
الجعلى : هو قال يابو مرؤة ولا قال ياالعوامين?? |
لكن شكرآ على جعوليتك دى يا عبد العزيز ودفرتك دفرة حريف وعوام أحكى ليك أنا قصة الشايقى .. مناسبتا ضرب لى أخوى بسأل عن تفاصيل الحادث .. الحكيتو مليون مرة .. قلت ليهو قصة الشايقى القرم كراعو تمساح .. اليوم كلو الناس داخلة مارقة وهو يحكى قصة التمساح .. بالمسا هجد وداير ينوم مرتو تورتو قالت ناس الحلة القدام برة .. قال ليها أنا أريتو التمساح ده أكان أكلنى
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: Hassan Makkawi)
|
مساك الله بالخير يا مكاوى | Quote: بعثت لك عنوانى اذا لم يصل خد: |
وصلنى والله فى الموبايل .. ما قصرت والله .. بجمع معلوماتى وبديك تلفون وتفاصيل بالإميل .. أولآ لازم أطلع البرتوكول من البوليس الإيطالى لتحديد الخطأ قانونآ وأيضآ للحصول على شركة التأمين المدفونة داخل البروتوكول .. الرومانى أدانى ورقة مكتوب فيها عناوينو ما عرفت أقراها لا يمين ولا شمال .. بعمل ليها إسكان وأرسلا ليك .. رسلا لى بوخارست يفكوا لينا طلاسما ..
برسل ليك إيميل أثبت فيه العناوين بتاعتنا ..
بكرة السبت بيك تلفون
تحياتى
| |
|
|
|
|
|
|
|
|
 Re: يا مواطنين سودانيز أونلاين .. فيكم زول من رومانيا ؟؟ (Re: رأفت ميلاد)
|
سلام اخى رافت
مشتاقيــــــــــــــــــن
زولة كيف مابتنفع؟؟؟؟؟؟؟؟؟؟؟؟؟؟؟
المهم بديك رقم اخونا د. خالد شمت زول واصل ومن اباطرة رومانيا وزول اخو اخوان
هو الان بالسودان اتصل به من طرفى جواله: 0924156896 وكلمنى بالحاصل
ومتاكد انه حايفيدك
خليك معانا فى الخط
نحن برضو من سكان المظاهر جوار المسالمة
بالتوفيـــــــــــــــق يارفــــــــــــــــيق
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: علوبه)
|
علوبة وييييين ياخ ومشتاقين | Quote: المهم بديك رقم اخونا د. خالد شمت زول واصل ومن اباطرة رومانيا وزول اخو اخوان |
متأكدوالله طالما زولك زولى .. إتصلت بى عثمان كرار وما قصر .. بتصل بيك برضو .. ونتعرف بالراجل .. قول ليه رأفت قال ليك عرفتها وإدسيت فى السودان .. درجة الحرارة عنهم الليلة -24 درجة ..
بتصل بيك بكرة يا علوبة
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: رأفت ميلاد)
|
| Quote: المهم بديك رقم اخونا د. خالد شمت زول واصل ومن اباطرة رومانيا وزول اخو اخوان |
لا حولااااا يا علوبة .. بالغت عديل .. أولآ إتصلت على أساس ده تلفونك .. وطلع تلفون خالد شمت .. ياخ كانت لحظات لا تقدر .. بدون معرفة تفاعل الراجل فقط بذكر إسمك .. وجر الكلام وطلع خالد شمت بتاعنا بتاع مدنى .. ودخلنا فى دفعة وأسماء عمرها أكتر من 35 سنة .. وكانت لحظات ياخ ..
شكرآ ليك يا على ياخ ويا ريت تدينى تلفونك الشخصى بدون ما أكسر ليك عربية فى الخرطوم
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: علوبه)
|
الأخوة الأعزاء
من البوست تعرفت على أخوة أعزاء .. ومكسب حقيقى ..
أخى الأصغر عثمان محمد كرار .. صيدلى مقيم برومانيا من أبناء المتمة .. وقف بجانبى أكثر من أخ شقيق .. وّظف زمنه وجهده ووفر لى كل المعلومات المطلوبة .. حتى داخل شركة التأمين من عنواوين وتلفونات وصفحة الإنترنت .. وكسبت معه مودة وتواصل ومحبة ..
إنشغلت قليلآ .. خاصة مع البوليس الإيطالى الذى "أضاع" البروتوكول .. وحصلت عليه بشق الأنفس .. عدت للإتصال بأخى عثمان ولكن لم أجد له أثر .. التلفون لا يعمل ولا يوجد له أثر فى "السكايب" .. بريده فى الياهو لا يعمل وأرسلت له فى الـ أم أس أن ..
أتمنى كل من يعرف عنوانه أن يطمأننا عليه .. وأعرف له علاقات جيدة فى المنبر هنا ..
يا عثمان ياخ مشتاقين .. وتلفونى طرفك فى السكايب وهنا ..
الأخ على "علوبة" لم أتمكن من الإتصال بك وسأتصل قريبآ .. طبعآ شمت رجع من البلد .. لكن عناويين أولاده معاى وبتصل بيه ..
عزيزى حسين مكاوى والله فى البال .. ما تقول صهينت .. جرى شديد وبشرح ليك أكتر ..
شول سعدت بحديثك الدافئ وسأعاود الإتصال .. بس زى ما أنت شايف
تحياتى للجميع
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: SHIBKA)
|
Quote: ياديامي
احنا في الخدمة
وما عندك مشكلة
عندي زول
كان زولك الفوق ما نفع طوالي اديني خبر وما بنقصر انشا الله |
شبكة صباحك خير وما بتقصرى .. ما ياكى حقتنا مننا وفينا .. أمورى سلكت وماشى فى الدرب الصاح والبركة فى ولدنا عثمان ..
غايتو زولك خليه يطمنا على ولدنا عثمان محمد كرار .. وتكونى تب ما قصرتى ..
محبتى
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: رأفت ميلاد)
|
Quote: أخى الأصغر عثمان محمد كرار .. صيدلى مقيم برومانيا من أبناء المتمة .. وقف بجانبى أكثر من أخ شقيق .. وّظف زمنه وجهده ووفر لى كل المعلومات المطلوبة .. حتى داخل شركة التأمين من عنواوين وتلفونات وصفحة الإنترنت .. وكسبت معه مودة وتواصل ومحبة ..
إنشغلت قليلآ .. خاصة مع البوليس الإيطالى الذى "أضاع" البروتوكول .. وحصلت عليه بشق الأنفس .. عدت للإتصال بأخى عثمان ولكن لم أجد له أثر .. التلفون لا يعمل ولا يوجد له أثر فى "السكايب" .. بريده فى الياهو لا يعمل وأرسلت له فى الـ أم أس أن .. |
| |
|
|
|
|
|
|
|
|
|
Re: يا مواطنين سودانيز أونلاين .. فيكم زول من رومانيا ؟؟ (Re: عماد الشبلي)
|
Quote: انا غايتو ما من رومانيا
لكن بعرف زولة هناك ..
اسمها ( ناديه كومانشي ) |
لا حولاااا يا عماد .. نكتها من وين دى ؟؟
تتصور رحت نكتها ليك فى القوقل لقيتا ليك إمرأة كبيرة .. وما تلك الطفلة التى حلقت بنا فى ألألمبياد 76 فى مونتريال .. شوف مفارقة الصورة دى:
دى الصورة التى تعلقت فى الذاكرة:
والآن:
زمن
| |
|
|
|
|
|
|
| |
رأفت ميلاد
الطاهر ساتي
خضر حسين خليل
elsawi
حامد محمد حامد
Hassan Makkawi
شول اشوانق دينق
Adam Omer
عبدالعزيز الفاضلابى
علوبه
SHIBKA
خدر
طارق جبريل
عماد الشبلي
Muhib
ايهاب اسماعيل
فيس بوك
تويتر
انستقرام
يوتيوب
بنتيريست