|
|
|
 Re: عمي الكلس.. تعال أحكي للناس عن الفاضلاب (Re: fadlabi)
|
Quote: ود أخوى Fadlabi
ماك طيب انت ياولدى مالك مصايد كدى ? ماك شايف عمك بيتداخل فى بوستاتك
مالك حارمو يشم ريحة الأهل
تحياتى للدكتور واعمامك وكل الربوع وماعليها,,
عمك
عبدالعزيز ود احمد ودبخيت ودالكباشى
اها قصرت معاك |
يمين قصرت انا ده
و سلامك واصل..
و أنا متأسف جدا كان ما رديت عليك سهوا..
نحن ريحة الأهل لاقينها وين
أها البوست ده بما إنه بقينا شلة كبيرة من الفاضلاب هنا تعال نحكي للناس دي عن بلدنا الجميلة
| |
 
|
|
|
|
|
|
|
|
Re: عمي الكلس.. تعال أحكي للناس عن الفاضلاب (Re: fadlabi)
|
الفاضلابي
تحياتي
يا أخي عاوز أسألك سؤال لله هل هناك أكثر من فاضلاب في الشمالية
أنا عشت في مدينة ضغيرة في ليبيا و كان هناك بيت عزابة لأولاد الفاضلاب و هناك أسر أذكر منهم عثمان الحسن و أخوه إبراهيم الحسن و دسوقي بتاع البوسطة وعباس الممرض و مجموعة أخري أحاول الإستعانة بآخرين لتذكرهم
| |
|
|
|
|
|
|
|
|
|
Re: عمي الكلس.. تعال أحكي للناس عن الفاضلاب (Re: أسامة الفضل)
|
حاشاك التقصير ,,
انا فعلا فكرت فى عمل شئ عن الفاضلاب ولكن تنقصنى المادة المصورة وبما انك فنان وبتعرف اكتر من عمك سوف يرى النور انشاء الله ,,
ان شاء الله باكر افضى ليك وبجر معاك الونسة فى عطلة رأس السنة ,, عندنا اربعة يوم كاملة اشبعك ونسة ان شاء الله
اسامة الفضل مرحب بيك فى ونستنا,,
والفاضلاب ديل ويبة ما شاء الله تجدهم فى كل مكان فى السودان شمال عطبرة فى كنور , النهود , شرق سنجة فى مينا سعيد , وملكال حيث توجد اعرق اسرهم وهى اسرة الخليفة محمد عثمان الفاضلابى جد Fadlabi صاحب البوست لأبيه ,,
وسترد التوثيقات تباعا ان شاء الله.
| |
|
|
|
|
|
|
|
|
|
Re: عمي الكلس.. تعال أحكي للناس عن الفاضلاب (Re: fadlabi)
|
والله يافاضلابى فى معركة ضد جيش محمود ودأحمد (أتعصر فيها الفاضلاب لمن جابو الزيت)..كان مالحقتهم كتيبة فزع من أهلنا (الانقرياب) بالباوقة أكان مافضل فيكم فاضلابى واحد....(مسجلة فى الروايات الشفاهية)..ومعترف بيها كمان
(دى بمناسبة راس السنة)
| |
|
|
|
|
|
|
|
|
|
Re: عمي الكلس.. تعال أحكي للناس عن الفاضلاب (Re: حاتم الياس)
|
Quote: والله يافاضلابى فى معركة ضد جيش محمود ودأحمد (أتعصر فيها الفاضلاب لمن جابو الزيت)..كان مالحقتهم كتيبة فزع من أهلنا (الانقرياب) بالباوقة أكان مافضل فيكم فاضلابى واحد....(مسجلة فى الروايات الشفاهية)..ومعترف بيها كمان
(دى بمناسبة راس السنة) |
ياود الياس
الحرابة دى كانت بين الفاضلاب ووداحمد ولا الفاضلاب كانوا بيكاتلو عدو مشترك مع وداحمد ,, عشان نعرفك شايت وين ونتلقفا,,
ماتبعد ,,
جر ليك بنبر وأرجا الجبنة ,, والوداعية ذاتا جاية ,,
| |
|
|
|
|
|
|
|
|
|
Re: عمي الكلس.. تعال أحكي للناس عن الفاضلاب (Re: fadlabi)
|
عارف يا حاتم من القصص الكانت حبوبتي مدينة بتحكيها لي طواااااااااااالي كانت عمايل الأنصار دي في أهلي .. لكن بما إنها ما كانت فاضلابية و لكنها من جبل أم علي و جدها الشيخ حامد أب عصاة سيف.. ما كانت عارف القصص دي حصلت في الفاضلاب ولا في جبل أم علي..
عموما ما فات شي..
هسي دي أرحكا طالعني
| |
|
|
|
|
|
|
|
|
|
Re: عمي الكلس.. تعال أحكي للناس عن الفاضلاب (Re: عبد العظيم احمد)
|
تحياتي للفاضلابي وعمه
واهلي الدبوراب هم علي الضفة الشرقية المقابلة لكم علي النيل في احياء الداخلة والسيالة وخليوة وكنور بعطبرة
وبيننا وبين الفاضلاب قرابات ونسب وجيرة متطاولة في السنين
ولي منها زملاء دراسة نجباء ومجدين واصدقاء عزاز
وزكريات رحلات الي جنائنها الجميلة
الرحلات تحت خطر المداهمة من شفوت الفاضلاب لاولاد عطبرة
الصديق حاتم الياس
ياخ الروايات الشفاهية دي ما تكتبا؟
انا استمع كثيرا للروايات الشفاهية عن فترة المهدية من والدي ووالدتي واثارها علي منطقتنا
ويشغلني سؤالان
ماهو امتداد مذبحة المتمة؟ وهل طالت الحملة قبائل الجعليين حتي حدود ولاية نهر النيل الحالية؟
وهل هنالك من قبائل الجعليين الاخري مثل الفاضلاب والانقرياب والميرفاب والرباطاب من شارك في معركة النخيلة رغم المذبحة؟
لانو وان كان جعلي الباوقة اهل حاتم هم ختمية
لكن نلقي هنا في منطقة العكد والفاضلاب زاتا في انصار ويعتقد ان اجدادهم شاركوا في معركة النخيلة
اها يا فاضلابي دخلنا في البوست حبة تاريخ قديم وحنتابع
| |
|
|
|
|
|
|
|
|
|
Re: عمي الكلس.. تعال أحكي للناس عن الفاضلاب (Re: شهاب الفاتح عثمان)
|
Quote: لفضلابى وعمه كل سنة وانتم طيبون
عبد العظيم |
عبدالعظيم مرحب بيك فى ونستنا ,, لكن ياخوى اللفحى العليك شنو هو محمد الفاضلابى ده عندو عم واحد؟
Quote:
لرحلات تحت خطر المداهمة من شفوت الفاضلاب لاولاد عطبرة |
عيدروس ,,, الدار أمان زمن الشفتنة راح ,, وبعدين ياخ وأنا صغير كنت عندما أسمع اسم عيدروس عند اهلنا الفاضلاب دائما يرتبط عندى بالروس (روسيا) لأننى كنت أسمعهم ينطقونه عايد الروس ,, فايش السالفة بتاعتكم مع الروس؟
ودالسنى ياثروتنا الوطنية ,,
تعال للفاضلاب ونفرش ليك طريقك بزهور البرسيم البنفسجية ,, ونتكى ليك السارح ,,
| |
|
|
|
|
|
|
| |
fadlabi
أسامة الفضل
عبدالعزيز الفاضلابى
حاتم الياس
عبد العظيم احمد
محمد سنى دفع الله
شهاب الفاتح عثمان
فيس بوك
تويتر
انستقرام
يوتيوب
بنتيريست