|
|
 من المدرسة الكلاسيكية انتقل الى الواقعية ثم الى الدمازين
|
مخير الله ...
يختى فيصل احمد سعد دا هسى نصيح ؟
يمة كيفن ما نصيح !!
اى ما نصيح .. كيفن يبدل الراجل الاسمو صقر قريش ببصل مكادة !!
يا امى لكن هو افضل زول فى الوقت الراهن بعرف يبدل الحاجات .. هسى يوم داك لما خالتى عزيزة عايزة تبدل مزاجا ما شفتى الطاهر ود اللزينا بدلو ليها ب ( قنبل عجور ) .. لكن يا امى التبديل حاليا بقى عندو مدارس .. مدرسة تبديل المزاج ومدرسة تبديل الآكولة والكاروشة وما جاورهما .. مدرسة تبديل وتدليك الكرعين وال كر عليك باحسان .. ثم تانيا هناك مدرسة جديدة للامكانيات فوق الطاقة القصوى بسموها _ الحبس نفسو وقطع جاز _ ..
|
|
 
|
|
|
|
|
|
|
 Re: من المدرسة الكلاسيكية انتقل الى الواقعية ثم الى الدمازين (Re: alfatih)
|
يا بتى مدارسك دى جايباها من وين سجمى ؟!! ...
الشئ البعرفو انه بصل المكاواة .. اقصد المكادة ببدلوه فى سوق الناقة بمزيدا من المشروب الابيض المتوسط وهو زاتو لانه بضيفوه للمحدقات بعيدة المدى .. لكن يطرشنى ما سمعت زول ببدلوه كدى ..
يا امى انتى قديمة ومحتاجة لتبديل مزاج ..
يا بت يبدلوك بقانون الطوارئ بركة الصباح .. هسى بعد عمرى القضيتو معط فى النجيلة و3 شواكيش تطلع من عين العدو الاسرائيلى دايرة تبدلى لى مزاجى الكارب دا ؟!! ... تصدقى ابوك دا احلى زول فى العالم .. يجى داخل يخت طاقيتو ومركوبو الزى الكجيك داك وينووووم .. عمره ما هاج فينى ولا يوم بالغلط كشح لى حلة لان الملح كتير او البهار ما كتل الزفارة .. ( الزفارة السودانية ) .
| |
|
|
|
|
|
|
|
|
|
Re: من المدرسة الكلاسيكية انتقل الى الواقعية ثم الى الدمازين (Re: alfatih)
|
يا امى مسألة تبادل الاراء والافكار وازدواجية الحس الموضوعى .. دى اعتبارات مفروضة علينا واحنا فى العولمة الكاسحة دى .. شان كدا عايزاك ما يخموك ناس خالتى المسغفات ديل .. هسى تجى واحدة فيهن تكشحك بفاتحة برجوازية لمن تنطى من البنبر .
فاتحة برجوازية دى بشتروها من ياتو دكان ؟
طيب اوريك النوع دا .. اول شئ بتكون شايلة تشيز فى ايدها الشمال مكرفس كرفسة تقول مارق من خشم بقرة .. وتكون حمرت عينا نص استوا من قبلما تنزل من الركشة ... ( ركشة عين ) .. وتجى داخلة بدون صوت لان الجزمة الاسبورت لديها وقع خاص .. وترفع يدها ما بين التامل فى عيونك ودراسة دهاليزها وايضاح المنديل بصورة تخليك تتمنى كنس العرق وقشقشة الدموع .. وشان هى دموعا اساسا ما بتطلع الا لما يدوها شاكوش .. لكن طالما هى فاتحة طوالى ليها امتيازات ومميزات برجواز ..
هوى يا بت .. برجوازية ولا دبلوماسية .. جنكم تتكلموا فى السفر والتذاكر والتأشيرات
| |
|
|
|
|
|
|
|
|
|
Re: من المدرسة الكلاسيكية انتقل الى الواقعية ثم الى الدمازين (Re: alfatih)
|
هسى يومداك لاقيت لى ناس اسمهم التكفير والهجرة .. قالوا وحسب وجهة نظرهم اى زول ما معاهم كافو طالعة ...
يا امى ديل ما اسمهم التكفير والهجرة .. بل التفكير فى الهجرة .. ما شايفة لفلفة الشعر وشخبطة الراس وعرس مافى !!
غايتو كلو ما بحل .. التبديل دا ما مهم للدرجة دى ... هسى شايفة لى زول الايام دى بنجضوا فى بصلتو .. وهو يعوعى .. بعدين هو زاتو ما بعرف يتكلم انجليزى شان يقاومهم ويتفك من اسرهم ..
يمة تصدقى بقيتى خطيرة ..
خطيرة بى لبن ... يخطر بالك يا بت امى اصلا انتى وابوك ديل ما بلاقيكم لو دخلت بورصة .. غاليين علّى .
اى غاليين عليك انتى زاتك غالية .. ما عارفا تقول جابوك من صك الغفران ..
يا بت تسكك كلاب الجيلى وما يحلك منها الا الحلة بلة .
اى خليها تسكّنى .. هسى كدى قومى ألبسى توبك ماشين نبدل كرعينّا ونطلق عنان بصل المكادة .
تانى تانى ألبسى !! ... لبسك الشطان .
| |
|
|
|
|
|
|
| |
alfatih
فيس بوك
تويتر
انستقرام
يوتيوب
بنتيريست