|
|
 تحذير - هذاالبوست عوير جدا
|
أكررهذاالبوست عوير جدا...
اللهم إني قد بلغت اللهم فاشهد...
*****************
الفصل الأول
معقولة الذبابة تبقى ضبانة؟ والبطيخة تبقى بتيخة؟!!..شكلوا عندنا عمى أحجام أو سوء تقدير...!!!!
******************
سؤال يطرح نفسه:
تصغير الكبير وتكبير الصغير...يا ربي ده طبع سائد عندنا!!!
|
|
 
|
|
|
|
|
|
|
 Re: تحذير - هذاالبوست عوير جدا (Re: nasmah1981)
|
والأسود بقا ازرق (ياخ لونو ازرق زي الليل) ....
والأخضر اخدر (من تخدير ياربي ) وكمان بقى لون بشرة ... (فلان اخدراني)...
خربشة:
اخير القلت انو البوست عوير، احسن من البوستات العويرة من غير توضيح ...
بيلو
| |
|
|
|
|
|
|
|
|
|
Re: تحذير - هذاالبوست عوير جدا (Re: nasmah1981)
|
الفصل الثاني
أسماء مبتكرة..إبدااااع..بس غريب حبتين!!!
كديسة!!! الخلى القطة كديسة فجعة شنو؟؟
الخلانا نقول للقصير بعيو شنو؟؟
قعونجة!!!!لووووول دي جد قلبنا فيها هوبة.
****************
سؤال يطرح نفسه:
اختر الاجابة الصحيحة البتريحك:
نحن شعب: 1- مبتكر وفنان.
2- مسطول.
3- ما عنده شغلة.
| |
|
|
|
|
|
|
|
|
 Re: تحذير - هذاالبوست عوير جدا (Re: nasmah1981)
|
أكييييييييييد ما عندو شغلة ...
عوير جد جد ..
وشوفي عليك الله كان ما شينين احنا ذاتنا ...
أنف نقول ليها "نخرة" ؟
رجل ... نناغما "كراع" ؟
فم ......خشم سيدو قال !!
شفاه .... عاملة شلاليفك الكبار ديل !!
ليهم حق يكونوا قايلننا بناكل الناس !
| |
|
|
|
|
|
|
|
|
|
Re: تحذير - هذاالبوست عوير جدا (Re: toona)
|
سلام نسمه والبقيه
Quote: 1- مبتكر وفنان.
2- مسطول.
3- ما عنده شغلة. |
ولاااااا واحد من (التلاته) الفوق ديل
(((( قومته قعدته!!!)))) .(القاف مضمومه) . لزوم القرايه بالاضنين
،،،،،،،،،،،،،،،
مواطن من شعب الله العوير !!!
| |
|
|
|
|
|
|
|
|
|
Re: تحذير - هذاالبوست عوير جدا (Re: toona)
|
.
.
تحية لكل الإخوة الأفاضل والأخوات الكريمات
أود التعليق على بعض الجُمل والكلمات:
(فلان لونه أخدر)
في لغة العرب يطلق على شدة الإخضرار وصف (سواد) ومن ذلك قول العرب عن جنوب العراق (بلاد سواد العراق) أو (أرض السواد) وذلك لشدة خضرتها وخصوبتها.
ووصف الله تعالى الجنة في القرآن الكريم بقوله (مدهامتان) سوداوان خضروان من حسن تمام الخضرة.
ومما يضحك في هذه المسألة أن (الحبوبات) في السودان بعضهن يزعمن رؤية نبي الله (الخضر) عليه السلام في المنام فتقول إحداهن (جاني نبي الله "الخدر" في النوم لون أخدررررررر ولابس جلابية بيضة).
ويقيناً فإن الخضر عليه السلام ليس أسود اللون أو "أخدر" كما نقول في السودان وإنما إطلق عليه إسم الخضر لأنه صلى على أرض يابسة فاخضرت .
أما الملاحظة الثانية فهي حول إسم (قعونجة) (ضفدع) والصحيح في نطق أهلنا في السودان هو (قعوية) ثم حرفت إلى (قعونجة) وأصل التسمية أتى من شكل إستقرار الضفدع على الأرض (إقعاء) .
بالمناسبة إسم (خدر) تحريف (خضر) يعني المكان الذي تخبأ فيه العذراء لزوجها ومن ذلك قولهم (فلان أشد حياءً من العذراء في خدرها) .
.
.
| |
|
|
|
|
|
|
|
|
|
Re: تحذير - هذاالبوست عوير جدا (Re: toona)
|
Quote: أنف نقول ليها "نخرة" ؟
رجل ... نناغما "كراع" ؟
فم ......خشم سيدو قال !!
شفاه .... عاملة شلاليفك الكبار ديل !!
ليهم حق يكونوا قايلننا بناكل الناس ! |
اذن نحن شعب منظراتي بين غوسين ما ناقش حاجة
*** بوست ظريف جدا
| |
|
|
|
|
|
|
|
|
|
Re: تحذير - هذاالبوست عوير جدا (Re: nasmah1981)
|
نان ده ما الخالي أخوانا .. أولاد بمبه يضحكوا علينا ..
عبارة زي حقت : يا خي إنت بتتكلم ساكت حقتنا ..
واحد منهم قال ليا : إزاي يتكلم وهو ساكت ..
ياخي ده انتو عليكو كلام ..
وصحي .. في الماهية نحن بنقول : ماشين نصرف الماهية ..
لأ هم بقولوا : ماشين نقبض الماهية ..
الفرق واضح : الصرف أن تخرج من يدك الشيء ..
والقبض أن تقبض بيدك الشيء ..
انحنا لما يجي حد يسأل عن حد بنقول : طلع من مسافة كده ..
والصحيح هو : طلع من فترة كده ..
بوستك ولا عوير ولا حاجه ..
بس انحنا كلامنا الما ياهو ..
وما راكب عدلو ..
| |
|
|
|
|
|
|
|
|
|
Re: تحذير - هذاالبوست عوير جدا (Re: mutasim Hameed)
|
معتصم يا هلا نورت
مزيد من الغرائب
تسلم على الاضافات اللزيزة
وما حصل سألت نفسك ليه بنقول نصرف ما نقبض؟؟
هل ممكن ده يعبر عن شخصيتنا كشعب؟؟
ما حصل ربطتها بإنه الشعب المصري ممسك وبيحوش وبيلم القرش على القرش وابتدع المقولة المشهورة: القرش الأبيض ينفع في اليوم الاسود؟؟ والشعب السوداني شعب مظاهر وفشخرة حبتين وصريف جدا..
| |
|
|
|
|
|
|
|
|
|
Re: تحذير - هذاالبوست عوير جدا (Re: nasmah1981)
|
الفصل الثالث:
المتضادات:
قام قعد ، أقعد ساكت ، ما تتكلم ساكت ، الكلام ده قلته ساكت كده؟؟
*********************************
سؤال يطرح نفسه:
هل تعتقد إننا شعب ملخبط؟؟ ما عارف يعمل شنو؟؟ حائر ومتخبط؟؟
ولا شعب لخباط؟؟ بيخلط الحابل بالنابل...
| |
|
|
|
|
|
|
|
|
|
Re: تحذير - هذاالبوست عوير جدا (Re: nasmah1981)
|
الفصل الرابع:
الكنى والألقاب والأسماء الفنية:
من الملاحظ جدا أننا شعب مبدع...ففي الوقت الذي غير فيه عبد الحليم حافظ إسم أبيه من "شبانة" إلى "حافظ" ليصبح إسما فنيا...لقبنا نحن فنانينا بلألقاب لا تقل جمالا وتناغما عن "شبانة"...
حواء "بنزين"...حواء "الطقطاقة"...عبدالله "البعيو"...ياسر "تمتام"..حمادة "بت"...حنان "بولوبولو"...محمد علي "أبو قطاطي"..و ما عارفة منو كده "علب"!!! ومنو كده "بُنَيْ"!! أيوة بني بضم الباء وفتح النون.
وما معروف يمكن يكون في مغني إسمه حاجة شلوت بعد ده.
************
سؤال يطرح نفسه:
هل ألقابنا وكنانا تدل على قسوة الزمن علينا؟؟
أم أننا شعب يجيد الحزن والقسوة حتى على أنفسنا؟؟
| |
|
|
|
|
|
|
|
|
|
Re: تحذير - هذاالبوست عوير جدا (Re: nasmah1981)
|
من ألذ الحاجات البنقولا ، قمت أديتو " ليك" كدة ، قمت مشيت" ليك" الحتة دي ، أكلت " ليك " الليلة سمك عجيب ...
والحفلة دورت ليك بي صابر ترتة ، وبكري كورنر ، بس قبليهم جات نجاة غرزة الضهر ، بهدلت الناس بهدلة ...
| Quote: انجليزي ده يا مرسي ؟ |
| |
|
|
|
|
|
|
|
|
|
Re: تحذير - هذاالبوست عوير جدا (Re: ماضي ابو العزائم)
|
صاحبة البوست العوير ، جريت لقيتو في الصفحة الرابعة
وانا من زمان كل ما اعاين ليهو اقول لازم اتعاور هنا شوية
Quote: عبارة زي حقت : يا خي إنت بتتكلم ساكت حقتنا ..
واحد منهم قال ليا : إزاي يتكلم وهو ساكت .. |
ههههههه والله حلوة شديد وانا اول مرة الاحظ لمعنى الجملة
إكمالا للمداخلة اعلاه وللفصل الرابع بتاع الكلمتين
عندنا كمان حكاية تأكيد الصفة بنفس الصفة والأمثلة:
* ياخي البوست ده عوير عوارة
* الزول ده ظريف ظرافة
* البت دي جميلة جمال
* الشافع ده شفت شفتنة
وما عارف يكون من التردد ولا زيادة الخير خيرين
منتظرين تحليل منك بس يكون سمح سماحة........
| |
|
|
|
|
|
|
|
|
|
Re: تحذير - هذاالبوست عوير جدا (Re: ALazhary2)
|
والله يا ازهري صحي عجيبة
تعرف والاعجب لو كان في الليلة بالليل..
غايتو كدي نستمر في المصطلحات
دقيقة كلمة غايتو دي زاتا.. جاية من وين
هل هي اسم ام فعل ام استدراك
حاجة تحير ..
كتير من الجمل بتاعتنا بتبدأ بي ((غايتو))..
تكون جاية من (الغاية تبرر الوسيلة)
يمكن ..
لكن غايتو ست البوست ده كان ما جات
وفسرت لينا تكون قصرت تقصير ..
| |
|
|
|
|
|
|
|
|
|
Re: تحذير - هذاالبوست عوير جدا (Re: صلاح ليون)
|
Quote: الغريبة مويتنا نهائي ما زرقاء..
ولا يا ربي موية زرقاء هنا يعني سوداء؟؟ على وزن زول أزرق!!! |
البنية السكرية
ازيك
لو لاحظتى النيل الازرق تلاقى الموية زرقاء تماما
زرقة حقيقية
شهدتها بعيونى ديل
وازعم انه الزرقة جات من هناك
من النيل الازرق
فى واحد فنان تشكيلى اسمه عادل كبيدة
عمل دراسة فوجد انه اللون الازرق فعلا هو لون الانسان السودانى
وكذا الاخضر
لكن المدهش انه البنات بقن يتلونن حتى درجة تغيير البشرة
عشان يبقى لونهن احمر
مع ان الشائع هو رفض الحمرة
والمقولة حاضرة
الحمرة الاباها المهدى والمعنيين بيها الاتراك والانجليز
شفتى كيف؟
شفتى كيف؟مش
| |
|
|
|
|
|
|
|
|
|
Re: تحذير - هذاالبوست عوير جدا (Re: تبارك شيخ الدين جبريل)
|
Quote: عبارة زي حقت : يا خي إنت بتتكلم ساكت حقتنا ..
واحد منهم قال ليا : إزاي يتكلم وهو ساكت .. |
سلام
ود بمبا دا تقولوا ليهو يراجع محمد حسنين هيكل طوالي . . . و قبل ما يتكلم يفكر شوية عشان كلامو ما يطلع كلام ساكت ( كلام ما بقول اي شئ ) . . . و كان مصرّ و ما شايفها راكبة عدلها يمشي يدي هيكل كف لانو في يوم كتب مقال بحالو في بلاغة السودانيين و تحديداً في " كلام ساكت " دي
اسي كلام ساكت ما احسن من " مأتم جنائزي " ؟
| |
|
|
|
|
|
|
|
|
|
بوست عوير جدا (Re: nasmah1981)
|
في زول ما بعرف نجاة غرزة يا نسمة ؟؟
أقوم "أفلقك " بالبتاعة دي ؟
(دي برضو من جدعاتنا، لغتنا كلها جديع وفليق ، اللهم سترك)
ياخي نجاة غرزة البيعزف ليها أيمن الربع "ربع آي ما نص"
هي هي
| |
|
|
|
|
|
|
|
|
|
Re: بوست عوير جدا (Re: nasmah1981)
|
العزيز فتحي
وأنت والله أظرف قارئ ومشارك
أنا ما عندي مشاركات كتيرة
لأنه كتاباتي ما بتجي حاجة جنب البقراهو هنا
بس ردودكم وتفاعلكم شجعني
شكرا للجميع
| |
|
|
|
|
|
|
|
|
|
Re: بوست عوير جدا (Re: nasmah1981)
|
إزيكم يا جماعه
بوست ظريف جدا...
الحاجه المحيرانى المتحدث البفتح حديثه بى...(والله أنا ما عارف)...لاكين...كده ..وكده ..وكده...
وحكاية كده وكده دى برضها حكايه
الولد أب داقوشه
البت أم فاخوره
والشافع أب تلاليش
عنقرة مانعين
ليه عنقره
برجع ليكم يا ظراف...بضم الظاء
| |
|
|
|
|
|
|
|
|
|
Re: بوست عوير جدا (Re: Egbal Elmardi)
|
سلام تانى
لما الام تكون زعلانه أو زهجانه اسماء الابناء والبنات بتتحول لى...قشره.... وقشيره.... وقاشر.... وقشار
فاجع ...وفاجعه...فجاع...
يتم التصريف حسب موسيقى الإسم
| |
|
|
|
|
|
|
|
|
|
Re: بوست عوير جدا (Re: nasmah1981)
|
Quote: نحن شعب: 1- مبتكر وفنان.
2- مسطول.
3- ما عنده شغلة. |
نسمة ,,
اولا:
انت نسمة من 1981 ,, دى بتكون اتشمت من زمان ,, وتحولت لثانى اكسيد كربون,,ياخ ماتكربنا ,, نسمة 2009 بتكون Fresh .
تانيا:
نحن شعب سلحفائي ,,
بمناسبة سلحفائي:
الناس بسمو السلحفاة (ام دريقة) ليه ماسموها ام درقة?
| |
|
|
|
|
|
|
|
|
|
Re: بوست عوير جدا (Re: nasmah1981)
|
عارفة
قبل يجي ساعتين مشينا حتة أسمها ارض اللواء عشان نشتري كسرة سودانية
وبأعتباري اول زول صحا من النوم قلت اعمل الفطور
لاحظي الفطور بعد المغرب بي توقيت العطالة
لقيت لحمة مفرومة و عملت منها مكرونة بي الأرانب
عايز أزيد نسبة الكوليسترول في الدماغ
وظبطت لي جنس كسرة بي طماطم ودكوة وشطة قبانيت وارد الدمازين
الجماعة صحو وفرشنا الصفرة عشان نتعشي!
قلت ليهم رايكم شنو نشيل الملاعق دي بعيد
اسمعي هي ملاعق واللا معالق؟؟؟
المهم يا منقة قلبت ليك المكرونة في الكسرة والبلد جاطت
تتخيلي أكلنا جنس اكل
قلت ليهم خلاس كل يوم نتعاور
طالما العوارة بتفتح النفس كدة
اسمعي انا شكلي بريتك؟؟
جيم سؤال
بديك جايزة لو عرفتي انا بريتك بي موس واللا براية؟؟؟
كااااااااااااااااك
| |
|
|
|
|
|
|
|
|
|
Re: بوست عوير جدا (Re: nasmah1981)
|
سلام يا ناس ,
البوست دا كشف حساب ومراجعة لغة امة قبل ما النشئ يتعود عليها !
لاحظت فى الفضائية السودانية حين اجراء حوار مع ضيفة , تبدأ الحديث : يالله أو يلا .
و يقولوا : زى جيعانين , والحاجة دى , وجانى مادى وشو , ومشرف اضنيهو , ومقلع عيونو , ناس الجيران ,ايواتلك .
ومطلوب تفسير 1الآتى :
1- شلاضيم ,
2-كازوم ,
3 - كدارين ,
4- نخاشيم ,
5- مسردب ,
6- مقهيى ,
7- موتب ,
8- مطلش ,
9- شحتفة ,
10- مكوفر ,
11- معولق ,
12- مجندر ,
13- مشوطن ,
14- مزهلل .
ست البنات .
| |
|
|
|
|
|
|
|
|
|
Re: بوست عوير جدا (Re: Egbal Elmardi)
|
الفصل السادس:
أخطاء إملائية:
لا لا دقيقة...الكتابة زي النطق...
***************************
أمثلة:
هل هي جزمة أم جذمة؟؟ زلك أم ذلك؟؟ إستقلال أم إستغلال؟؟ تسعة أو تزعة؟؟ سغيل أم سقيل؟؟
**************************
أسئلة مشروعة:
لماذا تتم بشتنة اللغة العربية هكذا؟؟
الغريبة إنه من ناس المفترض إنهم كتاب وشعراء وصحفيين لووول.
| |
|
|
|
|
|
|
|
|
|
Re: بوست عوير جدا (Re: nasmah1981)
|
لوووول حبيب نورة غلبني أرد سلامي لنورة
هلا وغلا ست البنات طبعا المذيعات ديل كمان كوم تاني..مع إحترامي للمذيعات البروفيشنالز لكن أي برنامج مقابلة أنا بضحك فيه من أسلوب المذيعة وحتى بعض الضيوف. أما الكلمات الطالبة تفسيرها ما عرفت فيهم غير مزهلل لأنو كان لينا صديق بنطلق عليه لقب زهلول أما البقية فلا أعلم لوووول
العزيزة إقبال منورة... صنقر دي كلمة مبالغة لوووول شكرا للاضافة
| |
|
|
|
|
|
|
|
|
|
* (Re: nasmah1981)
|
والعجب لمن تقول ليك يخخخخخخخخخخخخخخسي عليك..
والاجمل منها الإزبتالية ..
وما ادراك ما مستيفى الديش..
دنقر كلمة لها مكانة خاصة في قلبي ..
وخشم الباب من اجمل الخشوم ..
والبرندة الورانية لحدي اسة انا ما عارفا وين لانو دايما بكون قاعد في الاوضة القدامية ..
ما لاقي معنى واااضح لي كلمة مضمحل مع اني بقول لي صاحبي طوااالي ياخ انت زول مضمحل ..
بحب جداً اخلي باقي شاي في قعر الكباية ..
واستمتع خاااالص وانا اردد الحاناً من بي حركة الفرشة وانا بتسوك ..
وجننننننننننني وجن الكديسة ..انتو الكديسة دي معناها شنو ؟؟؟ القطة ؟
كلمتين ارددهم باستمرار عشان اعرف القام بي تأليفهم منو :
عنقريب ..و بمبر..
تخريمة :
قرطعوت قرطعوت قرطعوت ..
| |
|
|
|
|
|
|
| |
Sobajo
حمور زيادة
فتحي البحيري
toona
عبدالله كع
ALazhary2
حسين محي الدين
عثمان فضل الله
بشير أحمد
وليد محمد المبارك
waleed500
تبارك شيخ الدين جبريل
ماضي ابو العزائم
صلاح ليون
سلمى الشيخ سلامة
قيقراوي
Egbal Elmardi
عبدالعزيز الفاضلابى
حبيب نورة
ست البنات
Gaafar Ismail
عمر الفاروق
صلاح أبودية
فيس بوك
تويتر
انستقرام
يوتيوب
بنتيريست