أصبح مشوه بصورة لا يمكن حتى لأمهر جراح تجميل (سياسي – إجتماعي) أن يعيد له الصورة التي يمكن أن يرسمها وليس التي كان عليها !... التي عليها هذه نابعة من كون أن المجتمع السوداني لم يكن له شي يبكي عليه ، ما دام هو شعب لم تكن الديمقراطية يوماً واحد من لبنات تركيبته الاجتماعية .... العنف هو ثقافة نجدها تتجزر داخل مكونات هذا الشعب والثقافات السودانية المختلفة كالتراث القلبي العشايري ؛تراث الحروبات القلبية ؛تراث الهباته ؛تراث الاغاني الحماسية مثل (مادايراك الميتة ام رماد شح .. دايراك يوم لقاك بي دميك تتوشح ..الخ) ؛ زي ما ذكر طيب الذكر (عادل عبد العاطي) وكلامه 100%... الشعب ده فعلا أصبح مشوه لان في السابق كان لديه خط واضح وان لم يكن ناضج ، ولكن ألان (أصبح بلا قرن ينساق) ، لا تعرف مسائه من صباحه ، كل هذا جلبه بيده .... وما يحدث مؤخراً يجلعنى انا شخصيا لا اعرف هل احنق عليه ام ابكي عليه ، وهذا دليل التشويه الذي جرفني في سكته كيف وأنا مواطن سوداني ... كمثال لبعض تشوهاتي التي تتمثل في التناقضات العجيبة لتركيبة البيئة التي كثير منا يحاول أن يدري ويعلم نفسه على أشياء ليس هي من صميم ثقافتنا أو طبائعنا... انتبهت أنا لذلك مع نفسي حيال أن أُواجه بموقف يتطلب عنف مع احد الجماعات الإسلامية كالكيزان ومن لف لفهم ، كم هو موقف متناقض...
03-14-2009, 03:05 PM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
كيف؟! هو عندما أتذكر بان الموقف سيصبح سخيف أذا لمحني احدهم قمت بتقديم ورشة له عن (كفاح اللاعنف) أو الديمقراطية ويجدك في (شكله لي رب السما)!.. المواقف أحيانا تضعني في محك لاستفزازات وتهديدات لا أول لها ولا آخر ، والشخص يبدو سيكون مرغما للدخول في عنف وفي نفس الوقت بداخله نوازع بأنه غير راغب في هذا الموقف العنيف لظروف عدم قناعاته أولا ، ثم الموقف السالف الذكر بان يجدك احدهم وقد قمت بتدريبه !!! تسمع كمية أغاني لا حول لها ولا قوة وعددية (اسكت بس) تردد الشعب ، الشعب ، الشعب ، يعنى دلوقت الواحد لمن يسمع اكتوبر 21 بحتار زاتو في انو الاستاذ محجوب شريف كاتب القصيدية دي في الشعب السوداني ده ولا شعب اخر!!!!
03-14-2009, 03:08 PM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
الشعب السوداني أسألكم بكل معتقداتكم ما الذي يمكن أن تصلوا له بهذا التطبيل والصياح والعويل والشعارات الجوفاء ؟!؟ يعنى معقولة بس أن تصل بكم البساطة لدرجة السذاجة ، بان لا تعرفوا التفريق بين النظام والدولة ؟!؟ البساطة كانت زمان محمودة كصفة تلازم هذا الشعب ، لكن تصل إلى درجة أن تجد نفسك في مواجهة الشعب؟! ؛ وبان يتم اتهامك بالعمالة والارتزاق والطابور ....الخ؟! يعني تجي من الكيزان وأشباههم قلنا ما في عوجه لكن أن يصل المطاف أن يجد هذا النظام (درقات) بأبسط ما يكون ودون عناء وكان كل واحداً فيكم يملك فيلا أو أقلاها يمتلك ضمان اجتماعي محترم ، ناهيكم عن التشريد والقتل والتعذيب وهذا التشويه!... لن أقرا ولم أقرا أبداً كتابة تُعبر عن ما وصلتم إليه ابلغ من مقال الزميلة (عزاز شامي- ثقافة الخوف و تعطيل الحضارة) المقال ده أنا طابعو وداقيهو في كل حته في غرفتي والمنزل محل الشغل ؛وشايلو معاي كمان محل ما اقبل... والغريب أن كل من يقرأ هذا المقال يتفاعل معه ويسأل عن من هي عزاز شامي ، وفي نفس الوقت ألاحظ عليهم بان الاقتناع الكامل بما تم كتاباته، لكن يذهبوا ويأتون في إطار المقال وكأنهم إعجاز نخلة خاوية!!!! المقال به عبارة افتتاحية (Aung San Suu Kyi: Fear is not the natural state of civilized people) قمت بترجمتها وكانت كالأتي (:Aung San Suu Kyi الخوف ليس الحالة الطبيعية للناس المتحضرين) وعرفت من حينها لذا لن نتقدم ولن نصبح متحضرين أبدا ، لان الخوف كامن بداخلنا (مداميك).... زي ما قلت الواحد لا عارف يبكي على حال هذا الشعب او يغضب او يفعل كما فعل كثير من أصدقائي وأصبح يردد (شعب يستاهل أي مصيبة) فقد أصبح هؤلاء الأصدقاء غير حريصون لأنات هذا الشعب !!! أنا شخصياً ما قدرت أقول ليهم بغم أو ابرر وكل يوم مسيرة ويا كافي البلا الواحد حق الغداء ما لاقيهو ، طيب يا أستاذ أنت الماشي وطالع ليهو ده تناصروا خليها يوفر ليك حق الترحيل للمسيرة دي بس ناهيك من حق الفطور !! لكن لا حياة لمن تنادي ، تبريرات مقززه!!! والأغرب من ده تجد أن هنالك من لديه مشكلة وتبدأ بالوقوف مع نضالا أو أي شكل من أشكال المساندة ، تجي في وسط المعمعة تعاين ليهو تلقاهو واقف بتفرج عليك!!! تسالو مالك يا أخينا يقول ليك بلاش مشاكل !!! غايتو استغفرتك يا مالك روحي!!!
03-14-2009, 03:14 PM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
تبدى تدى وتاخد معاهو ده حقك أنت عارف شنو يعني حقك أنت ما واقف بتشحد في المؤتمر الوطني ولا الحزب العلاني ، يقعد تاني يبرر ليك بي تبريرات مقززة ومقرفة تقرب تدقوا هو زاتو!!! وأنت أساسا من البداية طيب مالك نافش ريشك ؟ فوق كم يعني وعشان شنو ؟!!؟ برضو يسوط ليك الموضوع انو الجماعة ديل ممكن يودنا في ستين داهية، وانا ماقايل الموضوع ممكن يمشى لى قدر ده !! ياخ ستين داهية تاخدك انت والزيك (واعتقد الزيو كُتار) ممكن نطلق عليهو شعب !!! ضربت عليكم الذلة والمسكنة، بيدينكم ديل ما بيدين زول غريب!!!
03-14-2009, 03:31 PM
محمد عادل محمد عادل
تاريخ التسجيل: 07-19-2006
مجموع المشاركات: 14734
Quote: الشعب ده فعلا أصبح مشوه لان في السابق كان لديه خط واضح وان لم يكن ناضج ، ولكن ألان (أصبح بلا قرن ينساق) ، لا تعرف مسائه من صباحه ، كل هذا جلبه بيده
لك خالص التحيات..
الشعب لم يجلب شئ بيده بل سماح حكوماتة المتتالية لبغاث الطير بالنهش في جسده هو السبب
والحل كان يمكن ان يكون - سيادة حكم القانون - تأسيس دولة المؤسسات - الاعتراف بآليات التحول الديمقراطي والتبادل السلمي للسلطة وتبني مقولة الشريف الهندي 0الحرية نور ونار فمن اراد نورها فعليه بنارها..
هذا هو اساس بناء الدول بعيدا عن فهم وغلو العنصريين الجدد واصحاب الغبائن
ومتابعينً
03-14-2009, 04:30 PM
الوليد محمد الامين الوليد محمد الامين
تاريخ التسجيل: 04-10-2003
مجموع المشاركات: 1447
Quote: لا أعتقد انو الشعب كان لديه خط واضح من الأساس ،
كان واضح كيف انو الشعب ده ماكان برضى الظلم وان كان غير ناضج لانو زي ماقلت ليك نحن شعب يعشق الحرية ، لكن للاسف بدون ماتكون الحرية بمعناها العلمي ، يعنى بتلقاها اقرب للفوضي وهكذا ...
بعدين كلامي لن اتنازل ،لانو بالقياس لمجمل أي تجربة بنبي على الاكثرية ، والشايفو انا ده باعيني ديل مابقدر اعدو لكن ممكن اعد ليك البتتكلم عنهم ديل لانو ممكن باصابع اليد الواحد وده اسهل لي من عد الشعب الاصبح مشوه ده ومحير واغراب.. مش في مقوله بتقول الممحاربون يموتون لوحدهم ...بس شعبنا ده لا حارب ولا شاف الحيريب... لو جات حادثة عابرة ساي في تاريخينا ده معناتها خلاص نحن اسياد الشي ذاتها ، ياخ اقول ليك الشي ذاتها بتكون متبريه من هذا الشعب ... اسي موقف الحاصل الايام دي مابراهو يخليك تشمئز من البحصل ده ... انا ماعايز ابرر للنخب ولا التنظيمات لكن اصلو ماقادر اقتنع بانو التنظيمات خلاص بقت تشكل وعي ناس للدرجة النقدر نقيم بيها 3 اربعه انفار ناهيك عن كم مليون ... التنظيمات براها الفيها مكفيها ، بعدين تعال النسعلك هو الشعب ده برضع عايز زول يمشيهو شنو كل زول يمسكوه يقول ليك التنظيمات دي كلها من جملة التبريرات المقززة .. انا دلوقت في كلام كنت قاعد اقولوا ولا زلت ... انا بحترم الطالب الواعي الغير منظم اكتر من الطالب المنظم .. لعوامل كتير منها اجتهاد الطالب الغير منظم في المعرفة والقراءة للجميع بدون فرز ومافي حد جابرو عليهو.. خلاف الطالب المنظم ونجي نشوف التنظيم بدك شنو (معرفة وساسية) سياسية ايجابيات حزبك وسلبيات الاحزاب الاخرى يعنى مافي حياد ، والمعرفة بتاعت الزول مجبرو عليها دي ما بتجيب حقها والمعرفة من جانب واحد لاتقان الخط الفكرى لتنظيمك مع بعض الهبيش للاخرين.. ده كلو اسمو جبُر... خليك قبل ما امشى للبعيد احكي ليك هذه (الطرفة) .. اول يوم في قرار السيد اوكامبو رسلت رسالة لي زول محتواها (قنبلة سماحة اوكامبو في الطول والعُلا) يعنى ابسط شى يرد على بي زعل وهاك ياشتمية لي درجة ناس البيت مع انو زول جارنا والزول ده ياخوانا ابو التهميش ذاتو ، انا اموت واعرف ناس الانقاذ ديل سقوكم شنو ايها الشعب السوداني (موية سكر)؟! والله موية الجنة ماتعمل ، لكن بقى ارخص شعب ... فرحانين ويتصرمعوا يادنيا مافيكى الا نحن وياكافي البلا انتو قايلين براهو البشير ديك بعوعى وبصلتو بهناك ، انا الشايفو ده بتتحمروا قبال خليفتكم ده .... اااااي ودي قالوا احتمال تنفجر وبقيف معاك وانا ما بجر مابفيد الصد والهجر والبتحصل انا بقبلها واااااي ودي قنبلة سماحة زولنا داك بالطول والعُلا....
خالص التحايا...
03-14-2009, 05:13 PM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
التحايا النواضر.. ALMURADABI يازول اسمك ده ابقى عليهو عشرة انا ذاتى موردابي الموردة دي عشته فيها وقريت فيها مدرستنا الموردة الابتدائي الجنب دار الرياضة نطلع من درس العصر نمشى دار الرياضة ، وتعرف من المفارقات اول مرة في هذه الدار نبات الطقطاق تقطف منو كمية ونبلو في الموية وتقوم تجدوع في ضهر زميلك جوه ملابسو المهم كانت ايام لاباس بها... نجيك يافردة... قلت لي وحاتك كلو جابو بايدو ، ياسيدى قول قلنا انو الحكومات هي السبب طيب الحكومات والاحزاب ديل في النهاية مش مواطنين..؟! دي بذكرني لمن الشباب يقوموا يشنو هجوم على الجيش ، يازول اخوك طوالي بقيف شمطه في الموضوع بقول ليهو هو ياشباب وتنظيمات سياسية وروني انقلاب جاكم قال نحن انقلاب في حق الله كده ؟! ما ياها كلها تنظيمات تركب ضهر الجيش المسكين ده ويجوا يقولوا ليك ده الجيش … والحلول الذكرتها دي كلها مع اتفاقي التام معها لو ما اتبنت على ارضية بتاعت ديمقراطية ما بتقوم ليها قائمة لو عملت السبعة وذمتها عشان ده يا تجينها ديمقراطية مشوه تزيد الطينة بله ولا يتلبو علينا ناس باسم الجيش!.. اقول ليك نحن شعب يعشق الحرية ولا يعلم عن الديمقراطية شيئا والحرية ذاتها اريتها حرية السرور انا غير فوضى ما شايف فيها شي … الشي البعرفو ووصلت ليهو انو اي مشكلة عندها حل وانو الشعب ده من راسو لى ساسو مادايرين يصلو لى حل وبس! ولكم في مقال عزاز شامي اسوة حسنة لو لقيت الكلام ده مابنطبق علينا يازول حقك علي وابوس راسك كمان..
Quote: ثقـــافة الخـــوف و تعطـــيل الحضــــارة بقلم: عزاز شامي
Aung San Suu Kyi: Fear is not the natural state of civilized people :Aung San Suu Kyi الخوف لَيسَ الحالةَ الطبيعيةَ للناسِ المُتَحضّرينِ. ________________________________
خط لا مرئي يفصل بين ما يجب وما لا يجب، كائن ممتد الاطراف يخفي وجه تحت ستار العادة حينا أو يفرد سلطانه بحجة الدين و المعتقد ... يكبل افكارنا، يخنقها، يرتهنها لديه و يرمي لنا فتات من (الذاتية) الموهومة مكرسا لثقافة كاملة من (الخوف) ليحيل مجتمعنا لجزيرة يسكنها الرق، يحتكمون جميعا لذات النخب التي لم ينتخبها أحد! استحال لعقيدة بحد ذاته، يسري في الروح (الحرة) في الأصل كخدر بسيط، يستدعي الروح للسكون و الخنوع أو ما نسميه (تسليم و رضا) لنقتل في رضانا هذا روح التجديد و الخلق ...
يعيش الخوف و يتجدد عبر الخطابات و الحشد من قبل النخب (العالمة ببواطن الأمور) ويرتسم خطٌ وهمي على الأرض يفصل بين (القادرين) و (الآخرين) ... يجد الأخرون في اجتماعهم سلوى و الموت مع الجماعة رحمة فتمتد جذور الخوف أقوى و يُستدل بالهناء الآني على جدوى الخوف و(الخواف ربى عياله...) ؛ نظل رهن شعور بالدونية تجاه (الآخر) القادر على فرض رؤيته الأحادية الشمولية و وصايته التي استمدت قوتها من ركون القطيع و ترسخ ثقافة الخوف فيه لحد شل قدرته على كسر القيد، فقد طُوع عقله ووعيه على رفض التجديد أو الخروج على حكم (النخب) ايا كانت صفتها سواء دينية أو اجتماعية أو سياسية ...
امتدت ثقافة الترهيب من النخب للقطيع فبات القطيع مشاركا في نشر الثقافة في محيطة و بحسب سلطته و مركزه في المجموعة الصغيرة، فالتربية التقليدية انعكاس لثقافة خوف المُربي، و الموروث الشعبي انعكاس لخوف المحيط من القوى المسيطرة، و استسلام الشعب تأكيد لخوفه الدفين من الثورة على (الحكام) الذين لعبوا على مشاعر المجموعة بالدين و العقيدة و إعلاء للنقل على إعمال العقل لوأد أي محاولة للاستنتاج أو الاستدلال تؤدي لاحقا لمحاسبة النخب وبالتالي إحلال نظام جديد ؛ بالنخب لا أعني تحديدا النخب الحاكمة بشكل سياسي، بل أي نخب ترأست مجموعة انسانية نتاج ظروف استثنائية و فرضت قوانين تشريعية تحدد الصواب و الخطأ بلا وجه حق وبلا فتح باب للمجموعة للإدلاء برأيها. غالبا ما تصب التشريعات في صالح هذه النخب على حساب المجموعة الكبرى.
لماذا يتوجب علينا قهر الخوف؟ لأن الانسان الخائف لا ينتج ولا تكتمل ثمرة وجوده الدنيوي و هو مكبل بالأغلال و ينعكس هذا على مجتمعه و انتاجيته في الحضارة الانسانية ككل و يقف عائقا في تطور الثقافات الأخرى لو تقاطعت خطوطها وخاصة في عالمنا الحالي الذي تضيق دائرته يوما بعد يوما و يتجه نحو مركز افتراضي - تحكمه القدرة على التكامل - جامعا جميع سكان الأرض في محيط ضيق لا يتسع لكافة هواجسهم و موروثاتهم العميقة للاندماج في هوية صحية منتجة ...
الخوف يعيق حركة الحقائق التي قد لا تناسب ايدولوجية النخب أيا كانت، وفي حال ضبابية الحقائق نعلق في حلقة مفرغة تعيق انتقالنا لمراحل متقدمة من الوعي و نستنفذ السبب الجوهري في وجودنا و نعيق بالتالي عجلة الحضارة الانسانية برمتها...
اي شعب خائف سيظل يدور حول نفسه ويؤدي دورانه إلى حفر فجوة تبتلعه بكل تاريخه و بالتالي يسقط من سلسلة التاريخ و تُطوى صفحته و يكلف الآخرين سد الثغرة التي خلقها بجموده و خوفه؛إن كان لا بد من الخوف، فليكن الخوف من هذا السقوط .. فلنخشى ان نحيا حياة مكرورة تكاد تطابق من سبقونا و تتجاهل نداء العقل فينا و تعطل قدراتنا الخارقة على التغيير ...
يالشايل شمسكـ في جواك خليها تبين للناس تطلع ،،، يالنازع فرحة والدة هناكـ غير حس آهاتكـ ما بتسمع ،،،
03-14-2009, 05:04 PM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
صديقي محمد عادل أزيك يازول وحاتك ده لاتحليل ولا غيرو ، انا حاولت ابعد أن الأكاديميات ، داير الحاجات تنكتب كما هي ... ابو حميد ياخ ده شعب غريب ذاتها عليها شوية ، تجي السوق العربي تلقى الواقعين في خلق الله لبع وكبع وضرب وكشة هم نفس الخلق البتمشى تقعد وتسب للحكومة في دينها ابوها ، اجي القى الواقع ده اقول للبائعين ياخ سبتو موقف عاينو انتو كم وناس الكشه كم ؟؟ ما هو في السودان ده يا سكاتك ولا بلاش الكلام الني... انا شخصيا (كنت) ارفض الاولى لكن حاليا اصبحت من مناصري السُكات ليس خوفا لكن لاسباب الذكرتها سابقا الواحد تقيف معاهو في مشكلتو يقعد يعاين ليك ؛ اتخيل بس..!!؟!؟ بس ياها انا مابقطف زهورك بس بعاين بعيوني... ومداخلتك دي حتسوقني لشى تاني كنت عايز اكتبو بوست ظاهرة الكل زول عامل فيها يادنيا مافيك الا انا... الشعب السوداني ده ماقادر يفرز مابين الغرور والثقة ... والواحد لمن يبقى مغرور للاسف في الفاضي ؛ وحاتك مرات بعاين لي ناس بقعد اضحك... خليك من حالتي انا لانى بعرف جيداً عشان تبقى متصالح مع نفسك لازم تخت قاعدة (انك افضل من ناس وفي ناس افضل منك)... يعنى انا بعرف شعراء في البلد دي حدث ولا حرج ، بعرف ناس يتهنون السياسة اسكت ساي، واخرين طارحين نفسهم مفكرين دي خليها.. يازول هو شنو ولا شنو ؛ في حين انو بنف المقدار بعرف ناس لولا ظروفهم لكان هؤلاء الذين يملؤن الدنيا ضجيجا لن تسمع لهم نبت شفة... الموقف ده انا بنيتو على موضوع في فترة زمنية كنت طالع مسح في جميعة نفسية حول المشردين ومن يوميها اقسمت بان لاضع رجلي لبتاع اورنيش.. تعرف كيف محمد والحصل؟! المشروع انو اقعد مع بتاعين الاورنيش وابدا اخد وادي معاهم وكان المدخل بموضوع الاورنيش وخياطة الجزمة.. اها لمن انفتحنا على بعض وبقنا صحاب صدقيني ذُهلت وعرفت انو لولا الرظوف ساعدتنى لكن الان ومن المفترض محل هذا الشباب وان يكون محلي هذا ان لم يكن اكثر .. ومن يومها قررت قرارين ان لا احتقر شخصا في هيئتها فتحت الواهي دواهي ، وانا لا اعطي جزمتي لبتاع اورنيش.. اها هنا قامت مشكلة تانية اصدقائي قعدو يبرروا للموضوع بانو من المفترض ان تدي جزمتك لبتاع الاورنيش عشان ده رزقو لانو لو كل زول فكر كده يبقى بتاع الاورنيش ديل حيروحوا ملوص.. قعدته فكرته ووصلت برضو لحل انو اجي اورنش جزمتي براي واديهو حقها ، ما انت ماعارف انا ود عسكري يعني شغل الاورنيش ده استغلتو مع الوالد... شفت كيف يا شعب انت... وده خليهو بجيهو براهو موضوع المقايس الغلط لو الواحد بقى عندو نفس اصلو الواحد بقى يطلع الكتابة زي ولادة الحبل... ياخ قيل بعافية والله يكفيك شر خلقو دي وخصوصا الشعب السوداني ده...
03-14-2009, 05:43 PM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
أخي العزيز معتز.... مثلما أن المعدة بيت الداء، فإن مأساة هذه البقعة المتموقعة على سطح البسيطة المسماة السودان تكمن في الشعب الذي رفع راية التخلف وظل طامدا خلفا، وكأن اليونسكو صنفته كتراث إنساني يجسد التخلف ولا يجب المساس به! أول ما عرفت أن هذا الشعب أعلن استقلاله من داخل البرلمان عرفت أن هناك أمرا خاطئا... أول ما عرفت كيف نشأت الأحزاب وكيف عاشت إلى يومنا هذا بدأ اليأس والعدمية يدبان نحو دواخلي... الشعب السوداني هو الشعب الوحيد الذي يلعب لصالح (دك الورق) وينتظر القيامة منذ أكثر من نصف قرن!!!
03-14-2009, 06:09 PM
tayseer alnworani tayseer alnworani
تاريخ التسجيل: 07-30-2007
مجموع المشاركات: 1500
Quote: كان واضح كيف انو الشعب ده ماكان برضى الظلم وان كان غير ناضج لانو زي ماقلت ليك نحن شعب يعشق الحرية ، لكن للاسف بدون ماتكون الحرية بمعناها العلمي ، يعنى بتلقاها اقرب للفوضي وهكذا ...
المسألة هنا في تعريف الظلم ، أو قول في الاحساس بالظلم ،
يعني هل العنصرية المتفشية في البلد دي ما ظلم ؟ قصدي انو نفس الناس ديل البيرفضو الظلم الواقع عليهم بيمارسوا ظلم الآخر المختلف
معاهم في العرق وبيتم استلاب غالب حقوقو الانسانية دونما أي احساس بالظلم في الحالة دي ،
نفس الناس ديل مستعدين يتضامنوا ليك مع شعب وين كده ما عارف بدواعي العروبة المتوهمة والهوية المشتركة المزعومة !
ياخي تلقي الواحد زيتو ذاتو طالع وتلقي يدافع ليك عن حركة حماس ويشتم ليك في اسرائيل ، أها دا تسميه شنو : شوف المسميات دي بالله :
ارتفاع الوعي السياسي للشعب السوداني ، الشعب السوداني معروف بريادته للشعوب العربية ، النخوة المعروفة عن الشعب السوداني .... الخ
مما يقول الجهلاء ...
العنصرية الذكرتها ليك هنا مجرد مثال لاختلال مفهوم الظلم عندنا كشعب أو كمجموعة سكانية قدر لها أن تسكن المليون ميل دي !
الي ذلك ياصديقي انتبه فقط لما يحدث في سودانيز اونلاين هذه : الغالبية العظمي ( حتي لا أقول الجميع ) يملكون حق توزيع نياشين
الخيانة والعمالة علي الآخر ، ذلك لا يكلف غير ضغطة كيبورد !
Quote: لكن للاسف بدون ماتكون الحرية بمعناها العلمي ، يعنى بتلقاها اقرب للفوضي وهكذا
هنا تجدني أتفق معك تماما .
مودتي .
03-14-2009, 09:49 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
طارق جبريل عليك دينك دكتور شنو وداية شنو هي البلد دي فضل فيها دكتور ولا مهندس(القلم مابزيل بلم).. المصطلحات المفخخه دي بتعمل لي كاروشة ، لكن الشعب الشايفو ده كدي ساي تقول ليهو استاذ وديني خلاص.. يازول انا ماعندي انفصام ومابحب الاضواء.. بعدين ياعمك الدكتور فينا منو ووكت انت اصلك مابتحب يقولولها ليك خقو ماترمينى بى مزمة يعنى اقلاها ممكن نقبل طبيب.. يعني كدى خلينا ندور في الكلمة القلتها دي (دكتور) اسي لو ساي في شعب بقدر الزيك ده يكون بره ونحن نتهري بالقاعدين معانا ديل مخير الله.. زمان كنت بقول الكيزان لا برحموا لا بخلو رحة الله تنزل يلا قوم بدل الكيزان خت كلمة شعب لكي يستقيم المعنى.. الواحد تلقاهو الحاجة مابقدر عليها وبعد ده يبخس ليك حاجاتك ... غايتو !!!!
شوق الحسكنيت...مافي كلام..
03-15-2009, 11:18 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
هييي مغرزة حبيب نورة حلو حلاه... محرض في عينك، انت اقعد لف لي كده لمن الدكاكين دي تقفل.. اسمعني لو بقيت جاي يعنى لو ما خلاص حردت ادينى خبر عايز اوصيك لحاجات من هناك ثمح.. عارف حبيبو تعال الحكي ليك الحكوه دي .. حجيتك ما بجيت خيرا جانا وجاكم اكل عشاكم وجرا خلاكم.. يقولون: الأمر سيعقد البحث عن السلام في السودان وينسون أن الرجل لم يهرع إلى دارفور ولم يبدأ في البحث الجدي عن حلول غير عسكرية إلا بعد بداية مشاكله مع المحكمة، لأن طبيعة الدكتاتور أنه يخاف ولا يستحي. والشي بالشي.. وهييي مغرزة راجل المرا ده حلو حلا...
03-15-2009, 11:01 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
الوليد عزيزي اتفق معاك تب وماني ضايف على كلامك ده الا ماهو مواصلة لنفس النسق من التفكير.. تعرف يافردة ،وكأنّ الأمة بأسرها وراء عمر البشير الذي أصدرت المحكمة الجنائية الدولية بطاقة اتهام ضده.. مظاهرات في الشارع، وأغلبية رجال الفكر والسياسة تندد وتدين وتشجب بمنتهى العنف هذا التعدي الصارخ على كرامة العرب والمسلمين ووحدة السودان، وهذه الإهانة الجديدة من طرف الغرب المتعجرف وأداته القميئة المسماة ظلما محكمة دولية. حيال هذا الموقف لا أسهل من السكوت وانتظار مرور العاصفة، لكن أليس دور المثقف والسياسي وأفراد الشعب تحمل مسؤولياته في أوقات الشدة والجهر بما يعتقد بأنه الموقف الصواب؟! يعني بالواضح كده أليس فينا رجل راشد؟!؟ ، ما الموقف ما بالضرورة انو موقف المحكةم صاح او خطا لكن خلونا من النفخ ده بس اقلاها يكون في احترام لعقولكم ويبقى حتى الاقناع بشى منطق ما الحكاية ما نحن بنحب الكِجار والمعارضة ... لكن يبدو أن الصدع بمثل هذا الموقف مملوء بالأخطار وربما يكون سبب سكوت الكثيرين أو حذرهم الشديد، او نسمي الاشياء باسمائها بناءً على مقال عزاز شامي... وزي ما قال عادل إمام (عالم جبانات بشكل).. صدق القائل (من عارض السلطان زهد في الدنيا)، أما من عارض الشارع فليس بأحسن حال. كما ان السلام في السودان وتحرير الشعب السوداني من الدكتاتورية هو وبقية شعوب الأمة وردع كبار المجرمين عندنا وداخل كل شعب، والمساهمة في إعداد عالم أقل همجية للأجيال المقبلة.. رهانات تستحق أن نقبل من أجلها بالزهد في الدنيا مرّتين بل الى الابد...(طيب لمتين يلازمك في هواك مر الشجن)؟!؟!؟!؟ واضيف ليك اكتر عندي صاحبي ذكر لي بانو بعض المفكرين العرب زي جورج طرابيشي ماسح بالشعب السوداني الارض جراء البعمل فيهو ده انا ماقريت ما كُتب لكن اول ما الم فيهو بجيبو ليك بس انا حاسي انو حيريحنى الكلام التقال ... الله معاهم !!!! كلامك فيهو نفاجات تفريغ كتيرة يحتاج الرجوع.. والسودان خلاص يالسرة قام دواس ...الخ هاهاهاهاهاهاهاهاها
tayseer alnworani ياصاحبة في الزمن الصعب ، غياتو الجاتكم في مركزكم سامحتكم ، بعدين لاني منحوس حاسي رجلى كانت كعبة عليكم من جيتكم الجماعية جوكم غايتو امشو قول ليهم الزول ده ما معانا يمكن يرجعوكم ده حظي وانا بعرفوا.. بالله كيفين العروسة عموما انا حلاوة النجاح عندي (حصريا) أي شركة اخرى تقدم حلاوة نجاح حنقاضيكم على حسب العقد البيناتنا...تذكرة سفر لشنغاهاي لووول.. بعدين كلامك عن ابانا ووالخ هو زاتو المحير بوبي ، ثم انو نيأس من شنو ؟! (تيتو يافردة) انا الياس مع هذا الشعب مرحلة اتجاوزتها بى اميال ضؤئية البحصل ده زي الزول المبرمج وبقي يسعى ان يقدم بقدر ما يملك في الاطار الموجود فيهو زماني او مكاني ... انا بقول لولا انو رجعتك دايرنها... لكن خليها في شى مفيد البنية اهم من خمج الشعب السوداني ده والنقة بعمل فيها دي انا .. (ولو) لقيتى وقت طلي علينا .. خلوا بالكم من انفسكم وتحيات الاسرة استاذتنا الغالية..
03-15-2009, 10:45 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
للأسف أصبحنا كما تقول ... أنا والكثير من الأصدقاء الجميلين :
Quote: انا الياس مع هذا الشعب مرحلة اتجاوزتها بى اميال ضؤئية البحصل ده زي الزول المبرمج وبقي يسعى ان يقدم بقدر ما يملك في الاطار الموجود فيهو زماني او مكاني ...
الوليد محمد الامين انت عارف يالوليد البنعمل فيهو ده زي تحصيل حاصل ، يعني النتيجة محسومة سبقاً ... انا لو لقيت فرقة بجيك متلب بي هناك رغم انو العايز اقولو كلو قلتو.. تشكر كتير ياغالي..
___________________ عزاز شامي صباحك نور يابت احوالك وعافيتك تسلمي انت واريتك طيبة... ياخ ماتتجلي تاني وتكتبي لينا واحد يفكنا من عقدة مقالك البقينا لافين حولو ده .. انت عملتي في المقال ده محاية وبخور وكده ولا شنو ؟!؟! لووول المهم[عزاز& الوليد] يقولون: الرجل منا وإلينا ومن يقرّب عليه يعتدي علينا جميعا.. هذا في الوقت الذي يتجنّد فيه عدد كبير من الجمعيات المدنية الغربية لنصرة دارفور، وفي الوقت الذي أعطى فيه الشعب الأميركي بانتخابه رجلا أسود مثالا رائعا عن تجاوز فكر بدائي. أما نحن فتحركنا العصبية القبلية و"أنا وابن عمي على الغريب"، متناسين أننا أمة أنذرت أنه "لا فضل لعربي على أعجمي إلا بالتقوى" أي أن الأخلاق أرفع من الدم. ويقولون (الشعب السوداني): الرجل وطني وممانع ولولا وطنيته هذه لما طلبوه بذمتهم، كأنهم يغفرون باسم معاداة الغرب كل موبقات التعذيب والظلم والفساد وتعطيل الطاقات في المجتمع وتغييب المؤسسات. كل هذا بلا أهمية في نظر العامة والخاصة أمام "الوطنية". لم يتعلّموا من تجربة صدام "الممانع" ولا من تجربة القذافي الذي قايض وجوده بممانعته ولا بالكارثة التي أوصلنا إليها شعار "لا صوت فوق صوت المعركة"، ولا حتى فهموا لماذا فشل عبد الناصر رغم نزاهته الشخصية؟ اخرا وليس اخيراً لا أحد من هؤلاء السودانين يريد قبول هذه الحقيقة البسيطة بأن من يتسبب في موت الآلاف من شعبه ويعذب وينتهك حقوق الناس ليس وطنيا بالضرورة، لأن الوطنية اليوم هي المواطنية لا غير. أضف إلى هذا أنهم لم يفهموا إلى اليوم أن وحدة السودانلم ولن تتحقق في ظل الدكتاتوريات ولو كانت "وطنية" لأن النظام الدكتاتوري يمنع كل تقارب هو أملنا الوحيد في افتكاك المكان الجدير بنا.!!! وكان هنالك غشاوة علي عيونهم !!! غايتو!!!
تروتسكي سلامات واخبارك ياصاحب عندي صديق دايماً بيقول لي : (الشعب دة شعب خوا ف جبان ) ، كُنت بزعل جداً من كلامو وطوالي ارد عليهو بغضب مدافعاً عن الشعب السوداني هذا شعب قد فجر أكتوبر وأبريل وهذا الشعب قد طرد الاستعمار وهذا هذا هذا ، كان يقول لي ببرود شديد (الكلام دة زمان) زمان ياهشام ، كُنت أعتقد أن صديقي هذا يرمي جُل يأسه من الواقع الآن على عاتق الشعب متجاهلاً اشياء عديدة زرعها هذا النظام في شعبنا هذا ، لكن مع مرور الزمن أصبحتُ أتسائل بدون دوافع الدفاع عن هذا الشعب أصبحت أتسائل عن صحة حديث صديقي ذلك . هل هذا الشعب جبان حقاً ؟! واصبح ذهني يمتلئ بالاسئلة التي لم أجد لها إجابات واضحة تشفي حيرتي لماذا لم يتصدى هذا الشعب للظلم الذي يتعرضُ له من قبل هذا النظام طول هذه المدة ؟ ثم لماذا لم يخرجوا بالآلاف أو على الأقل بالمئات العشرات حتى إلى الشوارع ضد الظلم والطغيان الذي اصبح النظام يمارسه علنياً !؟ هل هو الخوف ياترى ؟! هل كانت أكتوبر 21 محض قصة أم حقيقة ؟! هل إستشهد القرشيُ حقاً ؟ رغم أني أعلمُ تماماً بأن الشعوب عادة لاتخرج بأكملها لتقاتل وتقف ضد الظلم أو حتى ضد المستعمرين بل إن لكل شعب رجالا ًً وفرسانا ً هم من يعترضون ثم يتصدون للظلم بثورة إنتفاضة ، إحتجاج مباشر، لايهمهم أن كان الموت هو نهايتهم بقدر مايهمهم أن تشرق شمساً جديدة قبل صعود ارواح الظالمين . أما البقية فإن الخوف والجبن وقلة الحيله وعدم الوسيله منعتهم من الخروج على الاحتجاج وهكذا ؟ مايطفئ غضبي من هذا الحديث المخزي ؛ الحديث عن خوف الشعب وجبنه ياصديقي أطفئه بالنظر الى الجزء المملوء من الكوب متجاهلاً ذلك الجزء الفارغ ، فأستدرك أن هنالك شهداء استشهدوا متصدين لهذا النظام بشجاعة والذين استشهدوا في بيوت الاشباح لأنهم نطقوا وناضلوا وكشفوا الحقيقة والأوجه الغائبة ولأنهم قالوا ألف لا للسكوت ، إنهم لم يقاوموا الخوف لأنه لم يكُ موجوداً بهم أصلاً . أما الآن ياصديقي فإن الوضع اصبح أخطر بكثير فهناك من يزرع ويشتل الخوف والذعر في قلوب الشعب عبر التصريحات الممارسات القمعية والاستهدافات المباشرة وهكذا ، والأصل في هذا الشعب أنه طيب كل مايهمه أن يصلي ويدعي لمن يحكمه ، إذا لابُد من تغير لابد من تغيير لأن الطيبة ستزيد الطين الف بلة ولان الاستغلاليين لازالوا يمارسون افاعيلهم النتنة . وبرجع ليك ياصاحب ..
03-18-2009, 12:14 PM
adil amin adil amin
تاريخ التسجيل: 08-01-2002
مجموع المشاركات: 38109
الاخ العزيز تروتسكي تحية طيبة الازمة ليس في الشعب بل في النخب ونبات السلعلع الوافد منذ الاستقلال الي اليوم...الاخوان المسلمين والشيوعيين والبعثيين والناصريين والسلفيين..وولاية الفقيه المتخلفة باتعة حزب الامة... وهناك فقط مشروعين سودانيين حقيقيين الفكرة الجمهورية والسودان الجديد
التشوهات الاجتماعية ناجمة عن تشوهات اقتصادبة(سؤ توزيع عادل للثروة) والتشوهات الاقتصادية ناجمة عن تشوهات سياسية(ازمة الاحزاب الحقيقية التي تاتي بالديموقراطية الحقيقية) لذلك لا تحزن الاصلاح السياسي اولا الاصلاح الاقتصادي ياتي ثانيا ثم الاصلاح الاجتماعي ثالثا
ولا زال الشعب السوداني بخير ونسبيا من افضل الشعوب عبر العالم اخلاقا وهذه شهادة الكثريرن من العرب والعجم فقط انتظر انقشاع الزبد الذي لا يذهب جفاء وحتشوف القوة الكامنة للتغيير ولا تكتب تحت تاثير الانفعلات السالبة لما تشاهده في التلفاز ووهو فعلا مثير للغثيان
03-18-2009, 12:14 PM
adil amin adil amin
تاريخ التسجيل: 08-01-2002
مجموع المشاركات: 38109
الاخ العزيز تروتسكي تحية طيبة الازمة ليس في الشعب بل في النخب ونبات السلعلع الوافد منذ الاستقلال الي اليوم...الاخوان المسلمين والشيوعيين والبعثيين والناصريين والسلفيين..وولاية الفقيه المتخلفة باتعة حزب الامة... وهناك فقط مشروعين سودانيين حقيقيين الفكرة الجمهورية والسودان الجديد
التشوهات الاجتماعية ناجمة عن تشوهات اقتصادبة(سؤ توزيع عادل للثروة) والتشوهات الاقتصادية ناجمة عن تشوهات سياسية(ازمة الاحزاب الحقيقية التي تاتي بالديموقراطية الحقيقية) لذلك لا تحزن الاصلاح السياسي اولا الاصلاح الاقتصادي ياتي ثانيا ثم الاصلاح الاجتماعي ثالثا
ولا زال الشعب السوداني بخير ونسبيا من افضل الشعوب عبر العالم اخلاقا وهذه شهادة الكثريرن من العرب والعجم فقط انتظر انقشاع الزبد الذي لا يذهب جفاء وحتشوف القوة الكامنة للتغيير ولا تكتب تحت تاثير الانفعلات السالبة لما تشاهده في التلفاز ووهو فعلا مثير للغثيان
03-18-2009, 12:54 PM
ضياء الدين ميرغني ضياء الدين ميرغني
تاريخ التسجيل: 01-29-2009
مجموع المشاركات: 1431
صديقي العزيز هشام الطيب مع الاختلاف انو صاحبك ده فرز عيشتو ورائيه في الشعب السوداني ده من زمان ، وانا توصلت للحقيقة دي مؤخراً ، لكن على أي حال انا حقو الناس تعرف بانو انا بقيس على الاكترية يعني لو قلنا نحن 35 مليون ، تقدر تقول لي بطلعوا كم التقدر ثابتين وفي ايمكانهم ان يصادمو النظام ده ولو اياديهم خالية ومتمسكين بمبادئهم ؟! قول مليون طيب شن يسوي مليون قصاد 34 مليون ياخ ديل ولا ربع الربع معقولة بس ياهشام؟!؟ انا ما قاعد اتجنى على شخص بدون دلائل لكن طيب الشعب ده بتين بروق كده ويبقى زي ما انت بتتكلم قلت ليك الحيرة ذاتها تحتار في غرابة هذا الجنس !؟!؟ غايتو منتظرك بالعندك عزيزي..
قيل بعافية ------------------------------- استاذنا الغالي adil amin انت كمان ماتشربكنا قدر ده ، انا برضو زمان كنت بلوم التنظيمات السياسية ، لكن كدى النحسبها بالعقل ، التنظيمات لا احد يستطيع بانها تعاني في نفسها حتى المؤتمر الوطني ذاتو ، يبقي نحن كشعب ليه منتظرين الاحزاب تحركنا والظلم واصل لينا في بيوتنا وما محتاج زول عشان يبرر ليهو ، لكن شوف شعب غريب زي السوداني ده ، يقولون: الرجل منا وإلينا ومن يقرّب عليه يعتدي علينا جميعا.. هذا في الوقت الذي يتجنّد فيه عدد كبير من الجمعيات المدنية الغربية لنصرة دارفور، وفي الوقت الذي أعطى فيه الشعب الأميركي بانتخابه رجلا أسود مثالا رائعا عن تجاوز فكر بدائي. أما نحن فتحركنا العصبية القبلية و"أنا وابن عمي على الغريب"، متناسين أننا أمة أنذرت أنه "لا فضل لعربي على أعجمي إلا بالتقوى" أي أن الأخلاق أرفع من الدم. ويقولون (الشعب السوداني): الرجل وطني وممانع ولولا وطنيته هذه لما طلبوه بذمتهم، كأنهم يغفرون باسم معاداة الغرب كل موبقات التعذيب والظلم والفساد وتعطيل الطاقات في المجتمع وتغييب المؤسسات. كل هذا بلا أهمية في نظر العامة والخاصة أمام "الوطنية". لم يتعلّموا من تجربة صدام "الممانع" ولا من تجربة القذافي الذي قايض وجوده بممانعته ولا بالكارثة التي أوصلنا إليها شعار "لا صوت فوق صوت المعركة"، ولا حتى فهموا لماذا فشل عبد الناصر رغم نزاهته الشخصية؟ اخرا وليس اخيراً لا أحد من هؤلاء السودانين يريد قبول هذه الحقيقة البسيطة بأن من يتسبب في موت الآلاف من شعبه ويعذب وينتهك حقوق الناس ليس وطنيا بالضرورة، لأن الوطنية اليوم هي المواطنية لا غير. أضف إلى هذا أنهم لم يفهموا إلى اليوم أن وحدة السودانلم ولن تتحقق في ظل الدكتاتوريات ولو كانت "وطنية" لأن النظام الدكتاتوري يمنع كل تقارب هو أملنا الوحيد في افتكاك المكان الجدير بنا.!!! وكان هنالك غشاوة علي عيونهم !!! غايتو!!!
اها اكتر من كده الظلم ده محتاج ليهو تنظيم ، نعم للتنظيمات دور ولكن كمان ما لدرجة نقعد نتحكر والظلم والتعسف ماشي بيناتنا ، ده بذكري حديثي للطلبة في الجامعة بان يتحركوا لكي يقتلعوا الاتحاد من التنظيمات لسبب انو ليس من المعقول ان يكون الطلبة 90% والتنظيمات 10% وهي التقرر مصيرها !!؟ والبشوفو في التلفزيون دي الحقيقية الحقو نتقبلها بي مرها ومانداريها بي مبررات الاحزاب وده شعب طيب ووالخ.. الطيبة لمن تصل درجة السذاجة بتبقى سخف.. ولا اقول ليك اقرا فوق كلامى ده كلو انا ماحاسبو في حساب الرد ، بس كده اطلع على مقال عزاز شامي وشوف .. دلوقت ابلغ من الكلام ده تاني في ؟!!
Quote: اي شعب خائف سيظل يدور حول نفسه ويؤدي دورانه إلى حفر فجوة تبتلعه بكل تاريخه و بالتالي يسقط من سلسلة التاريخ و تُطوى صفحته و يكلف الآخرين سد الثغرة التي خلقها بجموده و خوفه؛إن كان لا بد من الخوف، فليكن الخوف من هذا السقوط .. فلنخشى ان نحيا حياة مكرورة تكاد تطابق من سبقونا و تتجاهل نداء العقل فينا و تعطل قدراتنا الخارقة على التغيير ...
تحياتي ليك استاذ عادل ومشتاقين عزيزي ، نحن محتاجين لبرمجه من جديد قد لاتكون فينا لكن اقلاها من الاجيال القادمه فقط هذا اقلاها يتطلب مناخ لا يتواجد فيه هؤلاء الجرزان...
---------------------------------- يااااااااااااااااه ضياء الدين ميرغني
سلام ياصاحبي، طولت منك انا انت كيف امسيت..؟! احوالك والاهل نعلكم بخير وصحة؟ انا اقدر اقول ليك عايش ، عيشة اخير منها الموت، واستاذ عادل ييقول ليك ما تحزن هو في شذاتو يفرحوا ليهو في البلد دي ، انا البلاوي دي لو بتجي من الكيزان اصلي ما زعلان لكن في المصيبة التلقى نفسك بتحارب في كل الجهات... عموما انا كنت في علاقاتي مع الاخرين بنظرية (الشخص الغير محترم نفسو انا مامجبور احترمو).. يبقى مع طفيف التعديل (الشعب المابحترم نفسو انا ما مجبور احترمو.. وزي مابقول ماركوزه( ينبغي ان نقاوم وان نستمر في المقاومة اذا كنا نريد ان نحيا باعتبارنا بشرا، وان نمارس حقنا الطبيعي في السعادة).. على العموم ابى واصل وماتقطع اخبار طولت مارسلت لي ولا انا كذلك.. خلي بالك من نفسك..
التحايا النواضر..
03-24-2009, 06:43 AM
تبارك شيخ الدين جبريل تبارك شيخ الدين جبريل
تاريخ التسجيل: 12-03-2006
مجموع المشاركات: 13936
خالص التحايا تبارك شيخ الدين جبريل صاحبي.... حلوه نستورد شعب من تشيكوسلوفاكيا ... لكن ده ما حل ياتبارك لانو نحن ما جينا الدنيا برانا كده ، وخلقنا روحنا برانا يانا زي ناس اروبا وناس امريكا واسيا وكل البشر الفي العالم دي ، مشاكلنا دي بقدر حجمها كتير من الدول مرت بيها وقعدت في الارض وعرفت انو عشان تمشى لي قدام انو في حل ، شنو يعني عنصرية في الاكتر مننا، تنميه، حروب ، وووالخ... العالم ده كلو كان فيهو نماذج اسؤ من حقتنا دي لكن دلوقت وين هم وين نحن بل اين نحن .. نحن النافخين في روحنا التقول يادنيا مافيك الا نحن ونحن ياكافي البلا ، انت عارف وانا عارف والبشرية الاسمها الشعب السوداني ده كلو عارفين زي جوع بطنهم ... عموما ونهايتو لو ده بقى الحل انا معاهو ..
معتز أعتقد أني سمعت إسمك كثيراً من صديقي "نصر الدين الرشيد"، وليس هذا هو المهم الآن.
عندما قرأت ُ ما كتبتَ استحضرتُ قول درويش
Quote: هنا، عند مُنْحَدَرات التلال، أمام الغروب وفُوَّهَة الوقت، قُرْبَ بساتينَ مقطوعةِ الظلِ، نفعلُ ما يفعلُ السجناءُ، وما يفعل العاطلون عن العمل: نُرَبِّي الأملْ. بلادٌ علي أُهْبَةِ الفجر. صرنا أَقلَّ ذكاءً، لأَنَّا نُحَمْلِقُ في ساعة النصر: لا لَيْلَ في ليلنا المتلألئ بالمدفعيَّة. أَعداؤنا يسهرون وأَعداؤنا يُشْعِلون لنا النورَ في حلكة الأَقبية.
أشعر كأني كتبت هذا الكلام (كلامك أنت لا كلام درويش)، وأنا محتار مثلك من هذا الشعب، وأنا منه وإليه في نهاية الأمر، أشعر بالحسد تجاه الروائي (محسن خالد" وجد له شعباً جديداً وقال أن "مجري" أو "كوني" لا أذكر الآن.
والآن سؤالنا الأبدي، نردده مع أبو عركي
"كيف العمل؟"
لك حبي الصادق
03-31-2009, 01:38 AM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
اها الفهم شنو يا مان؟ هسة انا ما فاضي ليك زيك تماما معاي لكن وحشتني وجيت اسلم عليك عموما انا في كايرو وبالمناسبة موضوعك دة كلو ما شغال بيه وما بهمني رد علي في المسينجر مش ناقصين فضايح!
الله معاك!!! وكمان ممكن تخليه معاك انت!!!!!!!11
....!!
03-31-2009, 10:44 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
الاستاذ الصادق اسماعيل اولا بالتبادي ما سمعت عنه هو تروتسكي معاوية ، اخاناوصديقنا ومعلمنا الاكبر ... ثانيا فيما يختص مداخلتك اثمن عليها واضيف..
المضحك المبكي في كل هذا أن الشعب السوداني لا ينتبه بان العالم يتحرك بسرعة الضؤ وهو لازال في تنظيرات يعتقد يعتقد انهاستأتي أكلها يوما.!!!
يقال نفس الشيء عن رجل ساهم في تدمير السودان بجرائم يعترف بها حتى المدافعين عنه مثل سيدنا الصادق المهدي ومع ذلك لا تقربوه فقد أصبح بقدرة قادر ،وهو الذي انقلب على حكومة ديمقراطية...!!!
اما هذا الشعب يسوق لما يحدث ان كل هذه القضية مؤامرة الغرب علينا وسعيه هو وإسرائيل لتفكيك السودان، كأن الغرب وإسرائيل هما من أسرا في أذن قادة السودان بتطبيق الشريعة في الجنوب المسيحي أو من خلقا الحزازات العرقية والقبلية التي ولد بها السودان. ما أسهل –وما أجبن– المسارعة إلى الغريب لنضع عليه مسؤولية كل إخفاقاتنا، لكن ما أصعب وما أشجع التساؤل عن مسؤوليتنا نحن في الخل الذي مكن العدوّ من استغلاله لتحقيق مأربه. وعوض أن نسارع نحن إلى الشقوق نسدّها وإلى الخلل نصلحه حتى نقطع عليه الطريق، نواصل توسيع الشقوق ونكتفي بلعن مغتنم الفرصة التي وفرناها له...
------------------------------- حبيب نورة حبيو،انا ذاتي اشتقت ليك يا منقا اشتقت لي صفقك هوي يا الماخد العسل ال الله فيني دفقك.. وحاتك لا في فهم ولا غيرو كل الموضوع ياهو مشرور قدامك ... والناس دي عارفه وفاهمة لكن عامله نايمة على اضانها ونظام تفتيحة لكن قول ليهم على منو الناس مشت قدام وانتو لسه... بعدين دقيقة اسي الفاضي منو لمن تعملها لي مساسنجرات يازول النت ده انا بشوفو رهاب رهاب الى عشان الالتزام الاخلاقي بخصوص الردود بجي متلب احياناً.. يازول تمشى محل ماتقبل وتجي بالسلامة... *الماسنجر مالقيت فيهو رسالة يامفضوح!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معتز تروتسكى
محمد عادل
ALMURADABI
محمد الأمين موسى
حبيب نورة
طارق جبريل
adil amin
ضياء الدين ميرغني
تبارك شيخ الدين جبريل
الصادق اسماعيل
فيس بوك
تويتر
انستقرام
يوتيوب
بنتيريست