اعلان ارشفة المنبر الحالى يوم الاربعاء الموافق 18 اكتوبر 2017
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-18-2017, 09:32 AM الصفحة الرئيسية

مدخل أرشيف الربع الاول للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق

03-31-2009, 06:05 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube


أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق

    هذا للعلم والتوضيح
    أنا بريئة من هذا الشخص أو هذه الشخصة أو أياً كان جني عفريت كافي بلا
    ما عارفة مصيبتي شنو كل شوية زول يجي يقول ده هو أنا
    يا جماعة أنا لا احد يعرفني شخصياً في هذا الفضاء السايبيري
    ومن يقول غير ذلك فيا متوهم أو تلك الشخصية الأخرى لعبت به
    أصلاً أول مرة اسمع بسودان توب من الأخت سمرية المشكورة كثير كثير كثير انها وضحت لي الأمر وانا مش مشكلة المشكلة أن يكون الشخص المدعو خدع البعض باسمي أو أن يكون البعض ظن أن مت فعلاً (العمر لألي يا قول اللبنانيين)
    هذا ما كتبته هناك
    -------
    صباح الخير يا ناس يا لذيذة
    أولاً أنا سعيدة بأني اتعرفت على هذا الموقع رغم أن طريقة عرفتي بيه غريبة شوية

    أحب أعرف عن نفسي
    أنا بت قضيم ، سجلت في منتدى سودانيز أون لاين من فترة طويلة جداً أحسبها خمس أو ست سنوات، راسلت صاحب الدار بكري أبو بكر فاختار لي اسم بت قضيم وتضايقت وقتها وقلت (كان نفسي في اسم أكثر حنكشة من كده) ولكني استمريت بنفس الأسم وصادقت الكثير من البورد بنفس الأسم ولم اسجل في أي منتدى آخر باسم بت قضيم ولا بأي اسم آخر اظن

    توقفت فترة عن الكتابة لأسباب خاصة ليس من ضمنها اني مت كما يبدو الحال الآن
    لم اتعرف (بصورة شخصية) على أي عضو أو عضوة من خلال النت رغم أن البعض حاول التعرف بي (من الجنسين) ولكني كنت مقتنعة أني لكي أكتب بصراحة وصدق وراحة فلا أبد أن اكتب من وراء ستار، ليس لشك أو خوف أو عدم ثقة كما اتهمني البعض ولكني احس براحة كثيرة أن اكتب دون أن أحس بصوت رقيب أو لوم فيما بعد فلا احتاج للمجاملة هنا كما هو الحال في حياتي (نجامل نجامل لما نكره روحنا) بالإضافة إلى أن السيد (محرمي) رافض تماماً لذلك وأنا احترم رأيه ووجهة نظره وملزمة بتنفيذها ولم يخطر في بالي يوماً أن هناك نفوس سوداء وجريئة لدرجة البجاحة (الكلمة دي صح؟؟!!|) أن تنقل كلامي (بضبانته) على أنه كلامها وكمان تتعرف على ناس باسمي وكمان تضع لي صورة في بروفايلها الخاص في المسنجر كما جاء على لسان أحدى الأخوات هنا (إن شاء الله صورة قيافة بس؟؟!!)، ثم وبكل (أحتاج لتعبير قوي ليفش غلي ما عارفة ما هو) بكل خبث يموتني ويستقبل العزاء فيني !!!
    للدرجة دي في ناس نصابين؟!

    وعموماً، وكما ابحث دائماً عن أشياء إيجابية في كل سلبي يمر بي، فاني اعتقد أن من الإيجابي هنا أني تعرفت بمنتدى جديد، وكمان الناس عارفاني ومش حاتعب ابحث عن شهرة ما (:sm269:) وبعدين كونه المدعو أو المدعوة اختارني بالذات فهذا يدل على نوع من التميز برضو.

    شكراً لكم جميعاً وسامحونا كثيراً واضطريت أن اسجل باسم بت قضيم 1 لاني وجدت بت قضيم محجوز
    وشكراً للأخت سمرية من منتدى سودانيز أون لاين لنقل الأمر لي وطلب التوضيح
    وتاني سامحونا

    نعم دقيقة اتذكرت
    في سودانيز أون لاين كانت لي مشكلة مع الأخ دكين لما برضو ادعى أنه هو (بت قضيم) وناس صدقت وأغلب الناس أنكروا الأمر حتى جاء دكين وقال أن الموضوع كان مزحة بايخة وانتهى الأمر ، وواحد الآن يقول أن بت قضيم ودكين شخصية واحدة وانا اشهد الله أن لا، انا مش دكين ودكين مش بت قضيم
    والموضوع فعلاً يلخبط بس قلب المؤمن دليله فاستفتوا قلبكم لو أصابكم الشك
    وتسلموا
    ------------------
    وفي هذه السانحة البايخة أود أن اسأل القائمين على الأمر، ما التصرف الفعلي تجاه هكذا مواقف؟؟!!
    هل هناك حقوق نشر محفوظة للبوردات؟؟
    والغريبة كنت سأسأل هذا السؤال مرة لما طلب مني أحدهم مشاركتي في أحد الصحف ولكني تجاهلت الأمر لاختلافنا حول الكتابة باسمي الحقيقي أو اسم كودي فقط!!

    وعموما ًوجب التوضيح وسامحونا
                   |Articles |News |مقالات |بيانات

03-31-2009, 06:09 AM

حيدر حسن ميرغني

تاريخ التسجيل: 04-19-2005
مجموع المشاركات: 19570

للتواصل معنا

FaceBook
تويتر Twitter
YouTube


Re: أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق (Re: بت قضيم)

    علم


    نأسف لما جرى
                   |Articles |News |مقالات |بيانات

03-31-2009, 06:16 AM

osman righeem
<aosman righeem
تاريخ التسجيل: 06-21-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق (Re: حيدر حسن ميرغني)



    وليك العمر الطويل


    هذا فضاء اسفيري

    فيه مخلوقات من مختلف المجرات
                   |Articles |News |مقالات |بيانات

03-31-2009, 06:33 AM

المسافر
<aالمسافر
تاريخ التسجيل: 06-10-2002
مجموع المشاركات: 4942

للتواصل معنا

FaceBook
تويتر Twitter
YouTube


Re: أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق (Re: osman righeem)

    يا بت

    يا قضيم

    هو في سنو

    ما سمعنا

    ما جابو لينا

    أحسن انك حبيتي عمرك

    حسيتي بيه

    إحساس حياة

    وإنو بعضك

    باقي لبعضك

    ما في بعدك

    حد خدو وتاه
                   |Articles |News |مقالات |بيانات

03-31-2009, 06:46 AM

ALZOLZATOO
<aALZOLZATOO
تاريخ التسجيل: 03-14-2002
مجموع المشاركات: 4216

للتواصل معنا

FaceBook
تويتر Twitter
YouTube


Re: أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق (Re: المسافر)

    بت قضيم انسانة محترمة

    عرفناها منذ زمن بعيد في هذا البورد كتاباتها جميلة ورصينة

    تلاحمنا مع بعض قبل كده وكانت النتيجة ازدياد احترامنا كل للاخر

    تحياتي يابت قضيم وخليك كده مستورة بس واصلي كتاباتك الجميلة

    تحياتي

    زاتوووو
                   |Articles |News |مقالات |بيانات

03-31-2009, 07:12 AM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10099

للتواصل معنا

FaceBook
تويتر Twitter
YouTube


Re: أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق (Re: ALZOLZATOO)

    Quote: لم يندهش جيراني عندما أخبرتهم أن كم أنا مشتاقة (لغنمايتهم) شوقا لا تحده بحور إذ أظنهم كانوا يعتقدون أنه من المفروض أن لا نشتاق لهذا الكائن الذي وجوده الدائم في الشارع السوداني،، لم يعطنا الفرصة للتفكير فيه ككائن متفرد،، نشتاق له ونخاف من تأثيراته القوية على شجيراتنا الشوارعية
    ودي ما سبة بالطبع،، حيث لا اظن أن الشارع (سبة) فقد قال الشاعر
    ( من ما قمنا وشفنا الشارع شفنا الشارع هو البعلم)
    يعني (تربية شوارع) ليست لفظة بهذا القدر من السوء

    لذا ،، وأنا في السودان،، وعدت نفسي بأن اظل اتحدث عن الغنم فترة لا بأس بها،، الغنم وام رقيقة، العلاقة شنو؟؟؟!!!
    آآبعرفوا

    وحاتحدث وين قايلين يعني؟؟؟ ياهو حوش بكري ده
    وطبعا سأتهم بالإنصرافية وهدر الباندوث
    !!!حسنا حسنا انا من الآن اعترف،، انا انصرافية،، وهدااارة جنس هدارة

    وربما يسبني احدهم فيقول (امشي يا غنماية يا عنبلوق) وسلن اشتغل به الشغلة،، فانا احمل كما من الهم والبرطمة لا مجال لأن افشه إلا هنا،، خصوصا ان مدير السجم فرض عليا اليومين الأواخر شعار،، دعونا نعمل في صمت وللآن لا اعلم لماذا ضميري القلقان ده ما اتكوم شوية شان اكتب مدير السجم ده في الفكي يكتب ذنبو ان شاء الله

    والذي يرغب في النقنقة الفاضية فأهلا به،، واني ادعو حملة مشاعل الفكر النضيف المستحمي ناس الكلام الكباااااااار داك،، أن لا يستاءوا من الكلام الفارغ الذي سأكبه هنا كبا دون تفكير،، وليعتبروه شئ مشتت هنا وهناك كأغنامنا الكثيرة،، نطالعها كثيرا ولا نفكر البتة لماذا هي تشاركنا حيواتنا بهذه القوة الجبارة

    ياخي أهلاً كتير ..
    وحمدا لله على سلامتكـ من الموت .. والله يطول عمركـ ..
    المهم إن شاء الله تكوني الآن إنت صاحبة الإسم فعلاً وما يكون (مقطوع الطاري ده ) مستمر في مسلسلوا هنــا كمان ..
    ويلا الفوق ده هدية لأعضاء اليوم ...

    ...أما بخصوص الغنماية
                   |Articles |News |مقالات |بيانات

03-31-2009, 07:59 AM

Yassir Bainwi

تاريخ التسجيل: 09-13-2008
مجموع المشاركات: 0

للتواصل معنا

FaceBook
تويتر Twitter
YouTube


Re: أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق (Re: عمران حسن صالح)

    الاخت بت قضيم سلامات
    تابعت الحاصل في سودان توب وحقيقة اتألمت شديد
    وزي ما متابعة دا الحصل لي قبل فترة بس بصورة مختلفة شوية

    عموما لك طولة العمر ياستي


    خالص الود
                   |Articles |News |مقالات |بيانات

03-31-2009, 08:14 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق (Re: Yassir Bainwi)

    ..
    .
    أنا شخصياً مصدقك يا إنتِ وكما الزول والمسافر فعلوا
    حروف بت قضيم لا تخفى على متابع

    نحن فى هذاالعالم الاسفيرى نعرف بت قضيم
    واحدة وهى انت ..


    ___________

    عالم مريضه وبتحب الشهرة وان تنسب
    اليها كتابات الاخرين ..

    إدفقى
    ما تبقى رقراق ..
                   |Articles |News |مقالات |بيانات

03-31-2009, 08:45 AM

GamarBoBa
<aGamarBoBa
تاريخ التسجيل: 03-07-2002
مجموع المشاركات: 4985

للتواصل معنا

FaceBook
تويتر Twitter
YouTube


Re: أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق (Re: Tabaldina)

    Quote: أنا شخصياً مصدقك يا إنتِ وكما الزول والمسافر فعلوا
    حروف بت قضيم لا تخفى على متابع
    نحن فى هذاالعالم الاسفيرى نعرف بت قضيم
    واحدة وهى انت ..

    نحن كذلك
    مع تضامننا معك ودعواتنا بمديد العمر
                   |Articles |News |مقالات |بيانات

03-31-2009, 11:22 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube


شكراً (Re: بت قضيم)

    شكراً يا جماعة وكتر خيركم في حسن الظن بي

    سلمتم
                   |Articles |News |مقالات |بيانات

03-31-2009, 12:01 PM

علاء الدين حيموره
<aعلاء الدين حيموره
تاريخ التسجيل: 08-07-2006
مجموع المشاركات: 5671

للتواصل معنا

FaceBook
تويتر Twitter
YouTube


Re: شكراً (Re: بت قضيم)

    ايضا تابعت بعد ان لفت نظري هذا البوست ..


    وبنتمنى من ادارة سودان توب معالجة المسائل ..

    غير ان هذه الشخصية يمكن ان تذهب بها لمنتدى آخر فما تزعجل المسألة دي


    لك كل الود
                   |Articles |News |مقالات |بيانات

03-31-2009, 11:44 AM

مبارك محمد عثمان
<aمبارك محمد عثمان
تاريخ التسجيل: 02-27-2009
مجموع المشاركات: 347

للتواصل معنا

FaceBook
تويتر Twitter
YouTube


Re: أحدهم سرق اسمي ومواضيعي وأنزلها في سودان توب-ثم موتني وتقبل العزاء فيا وانا حية أرزق (Re: بت قضيم)

    Quote: هل هناك حقوق نشر محفوظة للبوردات؟؟

    ....................
    قشه ماتعتر ليك
    تسجيل وحماية الملكيه الفكريه وحقوق المؤلف , حاضرين
    محامون واستشاريون
                   |Articles |News |مقالات |بيانات

03-31-2009, 11:58 AM

DKEEN
<aDKEEN
تاريخ التسجيل: 11-30-2002
مجموع المشاركات: 6770

للتواصل معنا

FaceBook
تويتر Twitter
YouTube


هاهايكة (Re: بت قضيم)

    Quote: ما عارفة مصيبتي شنو كل شوية زول يجي يقول ده هو أنا


    تاتي الناس ساعة يفرون من الموت فرار البعير من سيد الرايحة..



























    Quote:
    يا جماعة أنا لا احد يعرفني شخصياً في هذا الفضاء السايبيري

    نعرفوك زي جوع بطنك ذاتو..
    وشفناك شوف العين..


    وبطلي جرسة من الموت ..منو الماشي يعمر غير ابليس؟
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de