|
|
 انت يا الموصلى ..مهرجان بحاله
|
استاذنا الكبير الموصلى
انت اكبر من كل المهرجانات والمسابقات
انت مهرجان بحاله وقالوا الما بعرفك ما بعزك
يكفى انك اول من طبق فكرة التوزيع الموسيقى الممنهج
على الاغنية السودانية- دا طبعا باستثناء اغنية الود
التى قام بتوزيعها الموسيقار الالمانى اندريه رايتر
فى الستينات بناء على رغبة وردى
اذكر ان اول اغنية سمعتها لك كانت :الامانى السندسية
افتكر انو الغنوة دى سابقة زمانها بوقت طويل
ثم بعدها بقليل جاءت اغنية :وينك انت الطال غيابك
رائعة اخرى لا تقل عن سابقتها
ودا كله كان قبل مهرجان الثقافة الثانى
عشان كدا استغربت مشاركتك فى ذلك المهرجان
لانك اصلا كنت علم فى راسه نار
ثم تواصل عطاءك فيما بعد ولا يزال
بس بفتكر انك ملت اكثر للاهتمام بالجانب الاكاديمى
بالرغم من انك تمتلك موهبةغنائية فذة
ولكن برضو ما قصرت فى الجانبين
والله يعينك ويحفظك دخرى للسودان
فى جميع المجالات
|
|
 
|
|
|
|
|
|
|
 Re: انت يا الموصلى ..مهرجان بحاله (Re: Agab Alfaya)
|
العزيز عجب اولا اشكرك علي هذه الثقة الكبيرة في شخصي وارجو اناكون قدر هذه الثقه كما اني كنت في ذلك الوقت يافعا وكنت اشعر بروح التحدي وكنت احس بالتقديرالكبير الذي يكنه لي افراد اوركسترا الاذاعة والتلفزيون وكنت احس بالروح المتالقة التي يعزفون بها اعمالي ولي عوده
| |
|
|
|
|
|
|
|
|
|
Re: انت يا الموصلى ..مهرجان بحاله (Re: Agab Alfaya)
|
ابوى يا عجب الفيا كان راقد فى الحوش الكبير
والموصلى بغنى فى بيت جيراننا ، عرس ماجدة بت رغية
ولما انتهت الحفلة ورجعنا البيت
سألنى قال لى الفنان دة اسمو منو؟؟؟
قلت ليه اسمو يوسف الموصلى
قالى انا طبعا ما ميال للاغانى الحديثة دى ، لكن الولد دة كويس
افكارو منظمة ، وتحس بيه عندو حاجة كدة عاوز يو صلها
والله افتكر انه الراجل دة عاوز يقول انه الموسيقى دى شى مهذب
انا طربت جدا والله
وكان ابوى بقول فى كلام بالشكل دة ، وبحماس شديد لمدة طويلة جدا وهو مستلقى على ظهره فى الحوش الكبير ، ليلة عرس ما جدة بت رغية
بت جيراننا
الاغنية العجبتو كانت
انتى ليا
| |
|
|
|
|
|
|
|
|
|
Re: انت يا الموصلى ..مهرجان بحاله (Re: Tumadir)
|
وانا فخور جدا بي كلام ابوك يابتنا الحديقه
وانتو ماجيتو من فراغ ماشاء الله ابو تماضر والصادق والوافر ورشاوالمقداد وعفاف والباقين لازم كان فنان كبير لكنو قرر يخش المعمعه من منظور السمع الراقي
لك ودي
| |
|
|
|
|
|
|
|
|
|
Re: انت يا الموصلى ..مهرجان بحاله (Re: Elmosley)
|
الكلام دة طبعا ما فية أي شك و حبيبنا الاستاذ يوسف ملحن و موزع موسيقي لا يشق له غبار و موسيقار عالمي خطير و متميز و لكن كمطرب و مؤدي مقصر شوية في الحتة ديو احتمال يكون عنده اسبابة الخاصة و نحييك و نحية من هذا المنبر
| |
|
|
|
|
|
|
|
|
|
Re: انت يا الموصلى ..مهرجان بحاله (Re: Al-Masafaa)
|
صحي والله يالمسافه
انا مقصر في حق الموصلي المغني
لاني لفتره طويله اهتميت بالهدف العام اكتر من الخاص اهتميت بمعظم الزملاء الفنانين والتوزيع لهم ونسيت الموصلي لكني جايهو قريب جدا ان شاء الله وملاحظتك سليمه ومؤكده
تسلم
| |
|
|
|
|
|
|
|
|
|
Re: انت يا الموصلى ..مهرجان بحاله (Re: Agab Alfaya)
|
بسم الله يا سيدي الحسن .. يا اب شرا و المصوبن
بغض النظر عن ابداع يوسف الموصلي .. الغنائي و الموسيقي منه .. اقتنعت تماماً بان يوسف الموصلي ده انسان بمعنى الكلمة. و الله ما يهمني انو يوسف الموصلي ده بيعني وللا بيمدح .. أنا اقتنعت بالجانب الانساني فيه اكثر .. مع علمي و متابعتي لابداعاته في المجال الفني .. الذي قد لا يعكس اي نوع من الانسانية عند بعض المغنيين
يوسف .. ربنا يحفظك و يحفظ ليك انسانيتك الفذة هذي
أخوك الباحث عن الانسانية بين أنقاض البشر
| |
|
|
|
|
|
|
|
|
 Re: انت يا الموصلى ..مهرجان بحاله (Re: Agab Alfaya)
|
يا ذاتى من عبر القرون جيتك انا؟
التى يغنيها عبده الصغير،من الحانك انت يا الموصلى
انا ما قلت ليك انت راجل عبقرى يا استاذ؟
وفتح الله عليك يا المسافة ذكرتنى اغنية عزيزة لنفسى جدا
يا اخى انتو ناس رايعين بشكل
| |
|
|
|
|
|
|
|
|
|
Re: انت يا الموصلى ..مهرجان بحاله (Re: Agab Alfaya)
|
الحقيقه يا عجب انتي ليا من شعر الصديق
دكتور عز الدين هلالي
والاماني السندسيه
من شعر الصديق صلاح احمد عبد الفتاح والاغنيتان مشحونتان بالتفاؤل الجميل الذي هو ديدن اغنياتي
وقصة الاماني السندسية ان شاعرها كان معجبا باغنية الاماني العذبه الرائعه لخليل اسماعيل
فكتب الاماني السندسيه وذهب بها اليه وكله عشم في اماني عذبه ثانيه
فقال له خليل اسماعيل
عندنا شاب جديد في المعهد اسمو الموصلي كدي جرب عندو وقد كان التعارف مع صلاح وكانت الاماني السندسيه
لك الود
| |
|
|
|
|
|
|
|
|
 Re: انت يا الموصلى ..مهرجان بحاله (Re: Agab Alfaya)
|
انتى ليا
ومهما عمر السكة
طال وايامه صبحت ما هنية
ارح نلاقى بعضنا يوم
والريدة لسع هى هى
..................
مهما فيك طولت عاثر،
يا سيدى عمرى الشقى
ما بقول انا راح اوانى
عارفه ببسم لى زمانى
وسعدى يرجع لى تانى
بالامانى السندسية،
...................
الاغنيتين يا استاذنا الكبير
كل واحدة اخطر من التانية
انا فعلا كنت قاصد،انت ليا
لانه اول مرة اسمعها هى ويخيل انها كانت الاولى
لكن برضو ما كلمتنا عن ،يا ذاتى من عبر القرون؟
انا سمعت بغنيها عبده الصغير
لكن شايف الاخ مسافة طلبها منك
هل هى من الحانك؟
| |
|
|
|
|
|
|
|
|
|
Re: انت يا الموصلى ..مهرجان بحاله (Re: Agab Alfaya)
|
جدا ياعجب ننزلها ليك في البوست
اما عن ياذاتي من عبر القرون
فاسمها مسدار غنا
وشاعرها اسمو الطيب ابو عوه
وكنت عملتها لي عبدو في المهرجان الكانو فيهو ناس مصطفي وعثمان الاطرش وغيرهم
وعبدو الصغير عندما كان طفلا كان يطلق عليه الطفل المعجزه فقد كان صوته رهيبا
ولكن لانه غني كثيرا قبل سن البلوغ فقد اثر ذلك في صوته كثيرا
| |
|
|
|
|
|
|
| |
Agab Alfaya
Elmosley
Tumadir
Al-Masafaa
Shinteer
ELTOM
فيس بوك
تويتر
انستقرام
يوتيوب
بنتيريست