دعواتكم لزميلنا المفكر د.الباقر العفيف بالشفاء العاجل
|
|
 يوميات بكري أبوبكر ..
|
ررررن رررررن رررررن
ررررن رررررن رررررن
يالله ياخ
دا شنو ياخ
الواحد يعني ماينوم
"بكري يطنطن"
كانت هذه المرة الخمسطاشر من الصباح وجرس التلفون لسه بيضرب
الساعة الآن خمسة صباحاً بتوقيت أمريكيا "حقوق الكلمة محفوظة لبكري"
بعد شوية
طق طق طق
الباب بيضرب
سيد اللبن جا "حلة ناس بكري في أمريكيا فيها سيد لبن"
بكري: البستلة جمب الباب
سيد اللبن: عارفها لكن أنا دايرك إنتا دا
بكري: كب رطلين
سيد اللبن: يابكري ياخ تعال دايرك
بكري: ...............
سيد اللبن في سره: الزول دا غتيت خلاس
طق طق طق تاااااااني
بكري يقوم منزعجاً ليفتح الباب
وعلى وجه إبتسامة مجاملة "عاد هو ما مجامل"
بكري: مرحب بيك
سيد اللبن: ياخ معليش والله عارفك نايم لكن دا الوقت الوحيد الممكن أتكلم معاك فيهو
بكري: ولا يهمك إتفضل قول
سيد اللبن: والله يابكري ياخي لي كم زمن طالب منك باسويرضي عشان أخش بيهو وأكتب وأعبر عن همومي وهموم أسياد اللبن
بكري: يازول ماعندك مشكلة وداير تكتب بي إسمك ولا إسم حركي ولا كيف؟
سيد اللبن: داير أكتب بي إسم "سيد اللبن" الإسم دا أنا بتفاءل بيهو شديد
بكري: done
سيد اللبن بفرح: يديك العافية والله وهاك مني ليك الليلة رطلين زيادة
يغلق بكري الباب وهو شايل البستلة الما حايمة في الحلة ليضعها في التلاجة
متجاهلاً رنين التلفون بتاع البيت "الما سكت من بالليل أصلاً"
يجر بكري البطانية بإبتسامة وهو يمني النفس بنومة لا يقطعها رنين هواتف
ثم فجأة
كلللللن كلللللن
كلللللن كلللللن
المرة دي نغمة غير
يعلو رنين أحد الموبايلات السبعطاشر الراصيهم بكري جمبو في التربيزة
>>>>>
|
|
 
|
|
|
|
|
|
|
|
Re: يوميات بكري أبوبكر .. (Re: تيسير عووضة)
|
بعد مرور ساعتين ..
مشى بكري عمل ليهو كباية شاي بي لبن مظبطة وفنجان قهوة وعلبة ردبُل وحبتين بندول إكسترا وسيجارة
وضعهم كلهم في صينية واحدة وجابهم وجر التربيزة بتاعت الموبايلات وقعد
"بكري عادة يفتح الموبايلات قبل البورد للإطلاع على آخر الكوارث الحصلت في الستة الساعات الكان نايم فيهم"
إحتار بكري يبدأ بأي واحد في النهاية قرر يبتدي بالتلفون الأقل مسكولات ولا مسجات ولا فويس مسج
عشان الحكاية تجي ممهدة وبالتدريج وما يتخلع من أولها وهو يوزع الموبايلات كالآتي:
تلفون للشكاوى الساخنة جداً: ودا بيتميز بخاصية الأوتوآنسرنق على المكالمات
خت الشكوى بتاعتك أول ما تسمع "التون" وينظر ويفاد ودي عادة بنتهي بي الشهيرة DONE
تلفون لمعتادي/ات الشكاوي والنقناقين/ات: يا بكري فلان عمل لي يابكري فلانة قالت لي يابكري يرضيك كدا
يابكري قول حاجة يابكري "ساي كدا بس" ولاتتوفر خاصية الرد التلقائي هنا بل يكون الموضوع كالتالي
للشكاوي المكررة أو التي لم يبت فيها إضغط 1
للنقة والطنطنة من الصباح إضغط 2
لطلب حذف مشاركة أو بوست إضغط 3
لطلب باسويرد لزول أو للتحنيس في طلب الباسويرد إضغط 4
لطلب باسويرد لزول مهكور إضغط 5
للرجوع للقائمة الرئيسية أو التحدث مع موظف البدالة إضغط زيرو
>>>>>>>
| |
|
|
|
|
|
|
|
|
|
Re: يوميات بكري أبوبكر .. (Re: Elmosley)
|
Quote: تيسير
انت متآكد انو ده انت ومابكري
ياخي كلامك دقيق جدا
عندكم فكره بكري هنا ولا في السودان
غايتو لو بكري هنا انا بكون خلاص مرقوني من اللسته
=========
ولو انت في اريزونا
بالله خت لي تلفون الفرجوني في الماسنجر
ولو في مصر كلم اميمه الفرجوني تديني ليهو
والله عايزو ضروري
====
ولو اي واحد من زوارك الكرام عارفو
فليتكرم ولكم الشكر الجزيل |
أستاذنا يوسف الموصلي ..
والله ما عندي فكرة الأيام دي بكري وين
وياريت لو أي زول من المتداخلين عارفو وين يحاول يوصلو بي أستاذ موصلي
شكراً لمرورك ..
| |
|
|
|
|
|
|
|
|
|
Re: يوميات بكري أبوبكر .. (Re: تيسير عووضة)
|
<<<<<<<<< FF
القصة دي كوميدي ولا تراجيدي
عشان الواحد مايضحك في بيت البكاء او يبكي في بيت الطهور والبكاء في بيت الطهور يجوز مع الكراهة للمطهر اذا كان ذكر
زاتوووو
| |
|
|
|
|
|
|
|
|
|
Re: يوميات بكري أبوبكر .. (Re: محمد عبد الماجد الصايم)
|
Quote:
تيسير
انت متآكد انو ده انت ومابكري
ياخي كلامك دقيق جدا
عندكم فكره بكري هنا ولا في السودان
غايتو لو بكري هنا انا بكون خلاص مرقوني من اللسته
|
يا أخونا (تيسير)
بالله ما تنسى كلام أستاذنا الموصلي دا,
أحمد الشايقي
| |
|
|
|
|
|
|
|
|
|
Re: يوميات بكري أبوبكر .. (Re: ALZOLZATOO)
|
الزول زاتوو ..
Quote: <<<<<<<<< FF
القصة دي كوميدي ولا تراجيدي
عشان الواحد مايضحك في بيت البكاء او يبكي في بيت الطهور والبكاء في بيت الطهور يجوز مع الكراهة للمطهر اذا كان ذكر
زاتوووو |
الضحك أو البكاء متروك لتقدير عزيزي القارئ "ياقول بشاشا"
مرحب بيك ..
| |
|
|
|
|
|
|
|
|
|
Re: يوميات بكري أبوبكر .. (Re: تيسير عووضة)
|
تيسير
سلامات
انا غايتو ضحكت شديييييييييييييييييييد
يعني لوطلعت تراجيدي حقي راح
استاذ موصلي
| Quote: عندكم فكره بكري هنا ولا في السودان |
بكري هنا في السودان
خالص الود
| |
|
|
|
|
|
|
|
|
|
Re: يوميات بكري أبوبكر .. (Re: Elmosley)
|
بعد أن قام بكري بجولته على التلفونات مشى ولع الشيشة وجا قعد قدام الكمبيوتر قائلاً:
بسم الله, رجعنا من الجهاد الأصغر إلى الجهاد الأكبر ..
فتح بكري اللابتوب وجلس منتظراً قرابة الـ 15 دقيقة لغاية ما فتح
الكمبيوتر ما بيفتح بسرعة من العليهو وبكري بيحب الموديلات القديمة وحالف ما يغيرو
زيو وزي البورد وبعدين المستعجل ليها شنو يفتح على راحتو
بكري طبعاً صاحب أطول بال في العالم وأتمنى الناس ما تفهم العبارة دي غلط
فكلمة "بال" بالهندية تعني شعر وبكري كما تعلمون (بال نهي)
طيب يا ود يا بكري أبدا من وييين أبدا من وين ..
كدي أشوف الإيميل أول
يا بكري فلان الفلاني ينتظر على باب البورد
يا بكري تعال شوف فلان عمل لي شنو
بكري أبوبكر أنت ظاااااالم
يا بكوووووري .. عملت لي شنو في موضوعنا
يا بكري ياخ أنا داير أجي أمريكا ممكن تخدمني في القصة دي
يا سيد الحوش لايحتك دي بلها وأشرب مويتها
بكري تفك لي البورد بتاعك دا بي كم أرنب
لماذا الكيل بمكيالين يا بكري ؟
الرسول فوقك يا بكري يقطعك يحتحتك كان ما سجلتا كوثر بت خالتي آسيا معانا
ياي يا بكري لون البورد بيعمل لي إكتئاب رايك شنو تقلب لونو لي بمبي ؟
بكري رد على ارجوك دي المرة السابعة أرسل ليك
لم يفتح بكري أي واحدة من الرسائل أعلاه وإكتفى بقراءة العناوين فقط
وإنتقل مباشرة إلى البورد ليمارس هوايته المفضلة
ياخ معقول ياخ . لي كم يوم ما حذفت بوست ولا وقفت زول
هو زاتو البوستات الكتيرة دي قاعدة تتقل السيرفا* وتهدر الباندويث*
طيب .. يا إيدي شيليني وختيني في بيت الله العاجبني
كرر بكري هذه العبارة تلاتة أربعة وكركر بشيشته في إستمتاع
ليحذف بذلك تلاتة بوستات في ثانيتين
ثم ألقى نظرة سريعة لتقف عيناه على بوست بصفحتين وتجاوز عدد قرائه الألفين قارئ
ليقول في سره: بوست زي دا لازم فيهو دافوري تقيل وأكيد في بلاوي حصلت بي جوة
لكن مافي وقت أقراهو كلو أحسن أحذفو هسي وأجي قراهو براي بعدين بي رواقة
وفي لمح البصر طار البوست !
لتتوالى بعدها البوستات والمسنجرات والإيميلات من شاكلة:
لماذا حذفت البوست يا بكري؟
وأنا صاحب البوست ولا ذنب لي سوى أن إتنين ما حلت ليهم إلا يتشاكلو جوة البوست بتاعي
والبوست دا أنا تعبان فيهو يا بكري
يا بكري رجع لي بوستيني
ولا حياة لمن تنادي
فبكري في هذه الأثناء كان قريب في الحلم الرابع ..
ـــــــــ
السيرفا = السيرفر
الباندويث = الباندويدث
| |
|
|
|
|
|
|
|
|
 Re: يوميات بكري أبوبكر .. (Re: تيسير عووضة)
|
Quote: ثم ألقى نظرة سريعة لتقف عيناه على بوست بصفحتين وتجاوز عدد قرائه الألفين قارئ
ليقول في سره: بوست زي دا لازم فيهو دافوري تقيل وأكيد في بلاوي حصلت بي جوة
لكن مافي وقت أقراهو كلو أحسن أحذفو هسي وأجي قراهو براي بعدين بي رواقة
وفي لمح البصر طار البوست !
|
القصه وضحت ... كوميدي
تيسير سلامات .. واصلي ورينا الحاصل شنو بالضبط
| |
|
|
|
|
|
|
|
|
|
Re: يوميات بكري أبوبكر .. (Re: تيسير عووضة)
|
| Quote: بالله إنت بي جعاصتك دي كلها قاعد تندهش زينا كدا يعني |
يعني في داعي هسع اقعد اتغزل فيك في رمضان دا .. و اقول ليك انتي الوحيدة البتدهشيني ..
في داعي .. !!
| |
|
|
|
|
|
|
|
|
|
Re: يوميات بكري أبوبكر .. (Re: تيسير عووضة)
|
بكري راجل ما ساهل ...
وكل ميسر لما قدر له ...
وهو قدر كل هذه المشاكل ,,,
الله يعينه كمان وكمان وفي ميزان حسناته إن شاءالله
تيسير ,,, رمضان كريم
بوست جميل يكسر الروتين
______________________________________
وأهدي لبكري هذه الأغنية ,,,
مــا تهتمــوا للأيام ظروف بتعدي ,,,
| |
|
|
|
|
|
|
|
|
|
Re: يوميات بكري أبوبكر .. (Re: Dr. Ahmed Amin)
|
مرحب بيك د. أحمد أمين ..
Quote: بكري راجل ما ساهل ...
وكل ميسر لما قدر له ...
وهو قدر كل هذه المشاكل ,,,
الله يعينه كمان وكمان وفي ميزان حسناته إن شاءالله |
التحية لبكري سيد الحوش
وربنا يقويهو ويصبرو على لياقتنا دي ..
| |
|
|
|
|
|
|
|
|
 Re: يوميات بكري أبوبكر .. (Re: عبدالله كع)
|
مابقدر أقرأ ساي لازم أعلق مادام عجبني شديييييييييييد
شكراً على زرع القهقة في بيتي
يوميات ممتعة يا تيسير ورمضان كريم
واتمني انو ربنا يحفظ عقل بكري أبو بكر من الخرف المبكر
وأقول ليو ما تشتغل بينا كتير ناس بيتكم أولى لو الفيوزات ضربت ناس البيت يقولوا يامنو
نشيلك للتقيلة وتلمنا كمان وكمان
ربنا يعمر باوندثك ويعلى اعلاناتك
| |
|
|
|
|
|
|
|
|
|
Re: يوميات بكري أبوبكر .. (Re: وجن)
|
| Quote: فكلمة "بال" بالهندية تعني شعر وبكري كما تعلمون (بال نهي) |
طيب ما دام شرحتى لينا كلمة(بال)،كان برضو
تشرحى لينا(نهى) عشان نفهم إنتى قاصدة شنو...
(وش عامل فيها ما فاهم)
ـــــــ
تيسير ..رمضان كريم
وكل سنة وإنتى ومن معك بخير..
أزهرى
| |
|
|
|
|
|
|
|
|
|
Re: يوميات بكري أبوبكر .. (Re: azhary awad elkareem)
|
أزهري عوض الكريم ..
Quote: طيب ما دام شرحتى لينا كلمة(بال)،كان برضو
تشرحى لينا(نهى) عشان نفهم إنتى قاصدة شنو...
(وش عامل فيها ما فاهم) |
ملاحظ إنك طوالي في حالة ما فاهم كلامي
يكون يا ربي العيب منك ولا مني ؟
ــــــــ
شرح نهي ..
| |
|
|
|
|
|
|
|
|
 Re: يوميات بكري أبوبكر .. (Re: وجن)
|
وجن ..
Quote: مابقدر أقرأ ساي لازم أعلق مادام عجبني شديييييييييييد
شكراً على زرع القهقة في بيتي
يوميات ممتعة يا تيسير ورمضان كريم
واتمني انو ربنا يحفظ عقل بكري أبو بكر من الخرف المبكر
وأقول ليو ما تشتغل بينا كتير ناس بيتكم أولى لو الفيوزات ضربت ناس البيت يقولوا يامنو
نشيلك للتقيلة وتلمنا كمان وكمان
ربنا يعمر باوندثك ويعلى اعلاناتك |
تسلمي ودايماً الضحكة مزروعة في بيتك قولي آمين ..
بكري دا آخر من يخرف يا وجن زول صبور وبالو طويل زي ما قلنا فوق
وبيتعامل ببرود "مطلوب أحياناً" مع البورد وبلاويهو
| |
|
|
|
|
|
|
|
|
|
Re: يوميات بكري أبوبكر .. (Re: تيسير عووضة)
|
يا اخواننا هوووووووووووووووووووووووووووووووووووووووووووووووووووووي
تيسير دا راجل ما هو مراة
تضحكو وما عارفين المعرس
(على وزن يبكو وما عارفين الميت)
و الله يا تيسير مرة كدة رسلت لبكري ايميل
رد على بعد دقيقتين
يا ربي عندو اوتو ريبلاي؟
| |
|
|
|
|
|
|
|
|
|
Re: يوميات بكري أبوبكر .. (Re: MOHAMMED ELSHEIKH)
|
Quote: يا اخواننا هوووووووووووووووووووووووووووووووووووووووووووووووووووووي
تيسير دا راجل ما هو مراة
تضحكو وما عارفين المعرس
(على وزن يبكو وما عارفين الميت) |
تيسير عووضة دا رااااجل بي شنباتو
Quote: و الله يا تيسير مرة كدة رسلت لبكري ايميل
رد على بعد دقيقتين
يا ربي عندو اوتو ريبلاي؟ |
محض صدفة يا محمد الشيخ
ما تعوّل على الموضوع دا كتير
ـــــــــــ
تقرأ بواسطة دينا خالد فقط:
يا بت أمي يحلنا الحل بلة من هؤلاء القوم
نفسي أفتح بوست بدون ما يجي واحد يسأل تيسير دا راجل ولا مرة
صورة البروفايل بتاعتي من هنا وجاي حتكون عبارة عن صباع روج وفتيل منكير
وتحيا الأنوثة يا السمحة أم عجن
| |
|
|
|
|
|
|
|
|
 Re: يوميات بكري أبوبكر .. (Re: تيسير عووضة)
|
Quote: بعد أن قام بكري بجولته على التلفونات مشى ولع الشيشة وجا قعد قدام الكمبيوتر قائلاً:
بسم الله, رجعنا من الجهاد الأصغر إلى الجهاد الأكبر .. |
يا تيسير ..
إنتِ متأكده إنو دا بكري ما ود الصائم 
كل سنة وأنتِ طيبة يا تيسير ..
إن شاء الله أيامك كلها حلوة ..
| |
|
|
|
|
|
|
|
|
|
Re: يوميات بكري أبوبكر .. (Re: معتصم دفع الله)
|
ــــــــ
تيسير يا الما مدهشة ...! سلامات ياختي :
ياي يا بكري لون البورد بيعمل لي إكتئاب رايك شنو تقلب لونو لي بمبي ؟
مثل هذا البوست علاج للإكتئاب بكل حقيقة , والمغالط يسأل سيد اليومية
حديث من متخصص في المجال:
ـــ
سؤال ياقوم إنتو الثلج بكسروه كيف ؟!
| |
|
|
|
|
|
|
|
|
|
Re: يوميات بكري أبوبكر .. (Re: emad altaib)
|
Quote: ياخ معقول ياخ . لي كم يوم ما حذفت بوست ولا وقفت زول
هو زاتو البوستات الكتيرة دي قاعدة تتقل السيرفا* وتهدر الباندويث* |
هههههههههههههههههههههههههههههههههههههههههههه
انا بتفق معاك وع بكري في الحته دي
دمك شربات!!!!
| |
|
|
|
|
|
|
| |
تيسير عووضة
Elmosley
ALZOLZATOO
محمد عبد الماجد الصايم
Hussein Mallasi
abas
ياسر بيناوي
Dalal Ezzaldin
humida
عبدالله كع
وجن
heba Elmahi
الصادق ضرار
MOHAMMED ELSHEIKH
مبارك محمد عثمان
معتصم دفع الله
emad altaib
طارق عبد اللطيف نقد
فيس بوك
تويتر
انستقرام
يوتيوب
بنتيريست