|
|
 وماذا نفعل مع الرواشة ؟!
|
قالوا بيت الشورة ما خرب
هسي إعتبروها إستشارة مني
لأنو بصراحة كدا منبر بكري دا حالف يعدمني/نا إسم الفشفاش
أنا (كنت) بعتبر نفسي من أقل الناس إستجابةً للإستفزاز "يعني دمي تقيل بالبلدي كدا"
لكن لقيت روحي ضعيفة جداً أمام الرواشة الإسفيرية وأصحابها
حقيقي أنا متأزمة نفسياً في اللحظات دي بسبب مداخلات روشاء روشاء روشاء لمن تضرس
ياخ أنا فترتا بالجد وحاسة بضيق في التنفس
عزاز شامي وسارة علي
شوروني
نعمل شنو مع الرواشة ؟؟
أنا أحتضر
يا لقيتوني يا ما لقيتوني 
|
|
 
|
|
|
|
|
|
|
 Re: وماذا نفعل مع الرواشة ؟! (Re: تيسير عووضة)
|
Quote: ياخ أنا فترتا بالجد وحاسة بضيق في التنفس
نعمل شنو مع الرواشة ؟؟
أنا أحتضر
يا لقيتوني يا ما لقيتوني |
كر كر علي يا تيسير يا أخونا العاقل
يا تيسير إنتي باين عليك ما قريتي بوست الفط (من يفط فطآ) 
بتاع أمين النصري الذي ذكرته تراجي مرارآ وتكرارآ في عدة بوستات ..
لووول
فلقد جربت تلك الوصفة السحرية ووجدتها ناجعة جدآ 
عليك بنظام الفط يا إخية سواءآ بوستات أم مداخلات
تاني لوميني كانت جاتك الحالة المتأخرة دي! 
لكي التحية
_____________
بكوس البوست المعني وأجيبو للفائدة
| |
|
|
|
|
|
|
|
|
|
Re: وماذا نفعل مع الرواشة ؟! (Re: Hadeer Alzain)
|
يا هدير ما قريت بوست الفط
لكن قاعدة أمارسو كسلوك فطري وميكانيزم دفاعي خوفاً على أعصابي
دا بالنسبة للبوستات
لكن المشكلة لما تعتّر ليك مداخلات روشاء في بوستات ليس بها شبهة رواشة
يعني زي ما تقولي كدا عفصتي لغم لا يمكن تتفاديهو
تقولي لي فط 
| |
|
|
|
|
|
|
|
|
 Re: وماذا نفعل مع الرواشة ؟! (Re: تيسير عووضة)
|
Quote:
لكن المشكلة لما تعتّر ليك مداخلات روشاء في بوستات ليس بها شبهة رواشة
يعني زي ما تقولي كدا عفصتي لغم لا يمكن تتفاديهو
تقولي لي فط  |
يا تيسير
في قلب الشرك دا الزي دا تستخدمي نظام الجمب (jump)
وتتخارجي راكضة لا تلوين على شي .. وحذار ثم حذار أن تحاولي
إستعادة الأحداث أو تذكرها مرة أخرى ..
يعني جمب وتفريغ ذاكرة .. وأخالك ويل - تريند
| |
|
|
|
|
|
|
|
|
|
Re: وماذا نفعل مع الرواشة ؟! (Re: Hadeer Alzain)
|
اخونا تيسير,,| Quote: يعني زي ما تقولي كدا عفصتي لغم لا يمكن تتفاديهو |
والله العظيم مرات كتيرة اللغم أحسن من الحاجات البتتعفص هنا دى,,
والألغام الSelf Ignited البتقوم براها دى...
إنت الوداك هناك شنو؟؟؟
زميلك الجبتو معاك قام صوف وسدارى كمان,,,
وتانى بهناك ما جاحايم,,
تانى بتجى!!!!!
ياخ سلامات,,
| |
|
|
|
|
|
|
|
|
|
Re: وماذا نفعل مع الرواشة ؟! (Re: أيمن الطيب)
|
أيمن ..
Quote: والله العظيم مرات كتيرة اللغم أحسن من الحاجات البتتعفص هنا دى,,
والألغام الSelf Ignited البتقوم براها دى... |
تجي داخل البورد على صمة خشمك
تلقى رزقك قاعد يعاين ليك نتيجة لرواشة أحدهم ولا إحداهن
لا تملك حيالها إلا أن تندب حظك أم آمالك وتصرخ (وافشفاشاه)
دا طبعاَ إذا ما فيها إساءة مبطنة ليك
بس البيشفع إنو زولك ما بيكون قاصدا بحكم إنو أروش وكدا
أنا طبعاً بحكم إني زولة مسالمة والغنماية تاكل عشاي ( )
ما حبيت اشب في رقبة صاحب/ة الرواشة الخلتني أفتح البوست دا
لكن ما بضمن ليك إني أكون مسالمة غزال كدا كتير
| |
|
|
|
|
|
|
|
|
|
Re: وماذا نفعل مع الرواشة ؟! (Re: Hadeer Alzain)
|
هدير ..
جمب شنو
ياخ مرات بعفص اللغم بقوم أرفعو بي يدي عشان أتأكد زيادة 
يا ربي دا لغم بالجد؟
معقولة الزول الزرعو دا يكون قاصد/ة
حاجة توجع الفؤاد ياخي
| Quote: وتتخارجي راكضة لا تلوين على شي |
أبيض واسود يعني؟
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
تيسير تحياتي
هبشتي في اللحم الحي هههه
انا مريت بمرحلتك دي كتيير لكن احمد الله على نعمه الفياضة ومنها
بقيت اول ما اقرى لي شي اشتر او يفقع المرارة طوالي موش بعمل جنب - ببروووود بفطه زي الما حصل قريت شي
واحيانا كتيرة ما برد وبباخد فترة اجازة من المنبر
زي 3 ساعات كدة هههه
بكون هديت شوية وبجي اواصل
فخليك بااااااردة اعصابك لميها لحاجات بتستاهل
| |
|
|
|
|
|
|
|
|
 Re: وماذا نفعل مع الرواشة ؟! (Re: khaleel)
|
خليل صحبي ..
حقت المصريين ديك شكر رِوِش طحن يعني منقطا
وكمان عندك الروشة اللبنانية معلم سياحي جميل وبارز
وأتروَش حقت الخلايجة يعني أستحم
لكن زي حقتنا السودانية دي ما لاقتني ..
أبدن أبدن يا خلة
| |
|
|
|
|
|
|
|
|
|
Re: وماذا نفعل مع الرواشة ؟! (Re: أم سهى)
|
لا خلاص يا الما شتراوات
ـــــــــ
كون الواحد/ة امتلك اسم مستخدم وكلمة مرور في سودانيز اون لاين , هذا بمثابة الخطوة الاولى في مشواره مع الشتارة
ـــــ
يلا سمعونا اغنية بابا فزاري :
انا طالبة شترة شتارة في دروسي جد هاظاره ما مجتهدة وما بعمل بمهارة وما محبوبة من كل الحارة
| |
|
|
|
|
|
|
|
|
|
Re: وماذا نفعل مع الرواشة ؟! (Re: أم سهى)
|
أم سهى ..
شايفة حكاية الفط دي بقت تكنيك متبع من الجميع
ما عارفة لكن حاسة التسجيلات الجديدة دي كارثية وستودي بمستقبل المنتخب الكروي
بفكر جادة آخد إجازة بتاعة نقاهة وإستجمام من البورد قراية وكتابة
عشان أحافظ علي ما تبقى من أعصاباتي ..
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
أساسي ..
دي زاتا شتارة مؤسسة
هسي الجاب سيرة الشتارة منو؟
حلقة اليوم عن الرواشة بعيد عن السامعين
سنفرد حلقات أخرى منفصلة واحدة للشتارة
وواحدة للطرطشة
دا من ناحية
من ناحية أخرى
أتفق معك تماماً فيما ذهبت إليه حول إنو مجرد الدخول لسودانيز
هو بداية الطريق نحو الشتارة أو الرواشة أو الطرطشة (أيهما أسوأ)
لتتحقق فيما بعد مقولة د. بلة الخالدة:
"دا كلو من مصاقرة سودانيزأونلاين"
الكلام دا كلو طبعاً دا لو ما جيت من بيت أهلك جاهز 
| |
|
|
|
|
|
|
|
|
 Re: وماذا نفعل مع الرواشة ؟! (Re: تيسير عووضة)
|
ياتوتى
غايتو , بعد الصباح العجيب , مطرة لحدى السقف وزحمممة, وشرطة راسا أتقطع فى نص الموية, ووصول الدوام بعد المدراء كللللهم
ضحكت , لاالوى على شىء (ضحكة أبيض وأسود).
ياخ دة أفنن بوست (ناس كتيرة ح تفشى ليهم مغستهم وناس ح تلقى فيهو نفسها ), رووش ومرووشين
العجب كمان , لما الاروش يتظارف, يتحرفن ولايعمل فيا شِفت,
غايتو , إحتسبى بس
سلامو
| |
|
|
|
|
|
|
|
|
|
Re: وماذا نفعل مع الرواشة ؟! (Re: خالد عبد الله محمود)
|
Quote: أنا طبعاً بحكم إني زولة مسالمة والغنماية تاكل عشاي ( )
ما حبيت اشب في رقبة صاحب/ة الرواشة الخلتني أفتح البوست دا
لكن ما بضمن ليك إني أكون مسالمة غزال كدا كتير |
ليس من خيارات أخرى يا اخونا والبيرق مرات حل جميل,,
والشتات هو الحل الأمثل وأيضا قدّر لكى بوردك قبل الضرب موضعه,,
فالكلمة مسؤولية والمرء مخبوء تحت لسانه,,,
لا تفك آخرك فتندم.....
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
يا ندى ..
| Quote: غايتو , بعد الصباح العجيب , مطرة لحدى السقف وزحمممة, وشرطة راسا أتقطع فى نص الموية, ووصول الدوام بعد المدراء كللللهم |
نحن طبعاً ولا نقطة !
| Quote: العجب كمان , لما الاروش يتظارف, يتحرفن ولايعمل فيا شِفت |
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
البت تسير الاموره (ولا على كيف اي زول) ..
اوووووووووووووعك تعملي رايحه من اي زول .. (نصيحه مجربه)
اللي يديكي بالبسكويته , اديهو بالحته اللي فيها الحديده , يا تفيده
------------------
اول مره اتداخل معاكي , لكن بالجد مبسوطه منك ,, تحياتي
| |
|
|
|
|
|
|
|
|
|
Re: وماذا نفعل مع الرواشة ؟! (Re: داليا الكباشى)
|
داليا عروستنا ..
| Quote: البت تسير الاموره (ولا على كيف اي زول) .. |
شايفين الذوق والفهم
Quote: اوووووووووووووعك تعملي رايحه من اي زول .. (نصيحه مجربه)
اللي يديكي بالبسكويته , اديهو بالحته اللي فيها الحديده , يا تفيده  |
يا زووووووووولة
تتخيلي ما عندي طريقة غير إني أعمل رايحة ()
| |
|
|
|
|
|
|
|
|
 Re: وماذا نفعل مع الرواشة ؟! (Re: تيسير عووضة)
|
توتــــه .. الشهيره بي تيسير ..
عارفه في امثله كتيره جدا حايمه (اسسسسي) للرواشه دي ,
ممكن اهدي, اقصد ممكن اجيب امثله في بوستيكي دا ..؟؟
----------
انت الزوق يا ستو .. شكرا ليكي
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
تيسير,,,,
قيم بلى دا....لانو انا طواااالى برة اللين/اللاين...بالبلدى مجلية,,,
شغالة هنا بنظام غيب وتعال,,,اختك مجلية لكن ما شترة,,,
ياندى,,,,,,,,,,,,,
ما تتحسي,,,,المقصود بالتسجيلات الجديدة بعد تاريخ توقيعك بشوووووية
كدا...
| |
|
|
|
|
|
|
|
|
|
Re: وماذا نفعل مع الرواشة ؟! (Re: Amira Elsheikh)
|
Quote: ياندى,,,,,,,,,,,,,
ما تتحسي,,,,المقصود بالتسجيلات الجديدة بعد تاريخ توقيعك بشوووووية
كدا... |
يعنى الله مرقنى بشوووووية , غايتو لو ماكدة , كان أجزنا طوااالى
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
| Quote: وحياتك المرة دي أم الحُفر |
تايسا ياعثل
كنت عايزة اقوليك ام الحفيرة( مش الحفر ياحنكوشة)اهو شان جنس دا عملناها قيم بلى
وكمان خفت تطلعينى من زمن حفرو البحر وترتار الحديد,,,,,
اسى انتى فى ياتو حفرة??
ندوووووية....
اسي يجى زول يكون سجل بعدك بشوووية جدجد ويشب فى حلقى,,,يازولة انتى انكلودد
الليلة وووووب
| |
|
|
|
|
|
|
|
|
|
Re: وماذا نفعل مع الرواشة ؟! (Re: Amira Elsheikh)
|
Quote: كنت عايزة اقوليك ام الحفيرة( مش الحفر ياحنكوشة)اهو شان جنس دا عملناها قيم بلى
وكمان خفت تطلعينى من زمن حفرو البحر وترتار الحديد,,,,,
اسى انتى فى ياتو حفرة?? |
أمورة ..
طيب سكّج بكّج ..
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
اميره بت الشيخ صاحبتي المريخابيه ..
اول حاجه مبروك تاهل المريخ (عليك الله شفتي القون داك كان كيف ..؟؟ عجيب صاح)
-------------
ياخ البوست دا يدي ماكلاني اجيب ليكم امثله .. لووووووووول
| |
|
|
|
|
|
|
|
|
|
Re: وماذا نفعل مع الرواشة ؟! (Re: داليا الكباشى)
|
دقيقة يا دلوش ندي تيسير الروشتة دي ياخ!
Quote: بشير أحمد
عليك الله بدون زعل الحكاية كلها آخرا كوم ضحك
نرسلك لتيسير عووضة
أصلها عندها حصة فاتحاها ومحتاجة لأمثلة ووسائل تعليمية
ويابخت من نفع واستنفع..
عليك الله ماتنسى قول ليها مرسلنى بلة بعد رقمى جل.
لو عايز الدايركشن أسأل ودالصايم!! |
___
تيسير .. نجيب ليكـ الليمونة ولا ماف داعي؟
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
Quote: ما دايرين ولا مثال هنا
إيراد الأمثلة دا ما الرواشة بي عينا |
شفتي يا دلوش أخوكـ مفتّح كيف!!
باعتبار الروشتة الفوق دي ما مثال!
عبارة عن روشتة مصروفة جبتها الصيدلية!
__
يا دكتور .. بالمناسبة الإجابة بتاعتكـ متعة والله!
لا .. وانكمش!
معقولة ياخ!
هسي كراعيني اتلخبتن في بعض!
| |
|
|
|
|
|
|
|
|
|
Re: وماذا نفعل مع الرواشة ؟! (Re: محمد عبد الماجد الصايم)
|
يا ندىQuote: Quote: يا زووووووووولة
تتخيلي ما عندي طريقة غير إني أعمل رايحة |
ياأيمن الطيب , لو سمحت تعال خت لى هنا زى مليون وش بنطط |
لاحظى إنو الناس البنططو ديل شغالين بدون أى شتارة أو رواشة أو خرمجة,,
قالو كوتات مامعانا تقومى تجيبى لينا دبل كوت!!
كوت دبل كابينة يعنى,,
إنا لله,,
سلامات يا,,,
| |
|
|
|
|
|
|
|
|
|
Re: وماذا نفعل مع الرواشة ؟! (Re: أيمن الطيب)
|
| Quote: أنا طبعاً بحكم إني زولة مسالمة والغنماية تاكل عشاي () |
وأنا على ذلك من الشاهدات يا *(تا/تا)
..
.............
*(تا/تا)
إختصار للقب تايسا/تايكوندو المشتهر بيهو الزول القال غنماية تاكل عشاهو دة
| |
|
|
|
|
|
|
|
|
|
Re: وماذا نفعل مع الرواشة ؟! (Re: lana mahdi)
|
Quote: اميره بت الشيخ صاحبتي المريخابيه ..
اول حاجه مبروك تاهل المريخ (عليك الله شفتي القون داك كان كيف ..؟؟ عجيب صاح)
|
دلوووووش العروووووش,,,,
انت لسة بتشجعى المريخ??/
والله انا قايلاك سجلتى فى فريق ناس تمبس* /فرع الرياض
الليلة وووووووب
__________________________________________
فريق المقصود يعنى الحلة او الحى او الحارة,,,المهم انو ماالهلال,,
لب لب كع,,
,الله يبارك فيك
| |
|
|
|
|
|
|
|
|
|
Re: وماذا نفعل مع الرواشة ؟! (Re: محمد البشرى الخضر)
|
يا أخوانا الله يرضي عليكم تدونا أمثله وااااضحه عشان نفهم !
يعني يا تيسير تفتحي البوست زي بتاع ملاسي عن وهبه : السؤال في العنوان و الإسم في المداخله الأولي !
راعو لينا نحن البسطاء و قليلي الثقافه ديل : والله لو عارفه بنتعب كيف عشان نفهم : ما تدسي مننا أي حاجه !!
| |
|
|
|
|
|
|
|
|
|
Re: وماذا نفعل مع الرواشة ؟! (Re: أمين محمد سليمان)
|
تيسير
(اقتباس) أو (الاستنارة) بأفكار الأستاذ حسن موسى من سودان فور ~أول حق أدبي
وجب عليك الإشارة إليه
فالأستاذ حسن موسى هو أول من استخدم هذه العنونة هناك في بوست (و ماذا نفعل مع المسلمين...ماذا نفعل مع حماس)
و عندما اقتبس الدكتور ياسر الشريف أشار إلى ذلك قبل البدء في موضوع بوسته
أتمنى أن نتبع أصول و أخلاقيات الاقتباس و إلا فالمعروف أن هناك لفظة أخرى أكثر فظاظة لوصف هذه الفعلة
و لك الشكر أجزله
| |
|
|
|
|
|
|
|
|
|
Re: وماذا نفعل مع الرواشة ؟! (Re: malik_aljack)
|
يا مالك الجاك ..
أعدم نظري ما شفت عنوان حسن موسى ولا إقتباس د. ياسر ولا طقش عيوني بالغلط
ولا أستنكف "يا قول ملاسي" إني أذكر المعلومة دي في حال صحة زعمك !
كما و أني لست من أصحاب السوابق في السرقات الأدبية
وإن كنت لا أخفي إعجابي الشديد الآن بتوارد الخواطر هذا
دي حاجة
الحاجة التانية
حتى لو إفترضنا إني مستلفة العنوان من سيدنا حسن
ما هو دا البورد دا كل يوم يملا وبفضي بوستات ومداخلات مستلفة من عناوين وعبارات حسن
ما شفنا ليك إعتراض وغيرة على الحق الأدبي
في هذا المقام لا يسعني إلا أن أصف مداخلتك دي بالطلاشة (حق المفردة لحسن عشان ما تزعل)
وبالرواشة التي عنيتها أنا في هذا البوست
وشكراً 
| |
|
|
|
|
|
|
|
|
|
Re: وماذا نفعل مع الرواشة ؟! (Re: أمين محمد سليمان)
|
Quote: يا أخوانا الله يرضي عليكم تدونا أمثله وااااضحه عشان نفهم !
يعني يا تيسير تفتحي البوست زي بتاع ملاسي عن وهبه : السؤال في العنوان و الإسم في المداخله الأولي !
راعو لينا نحن البسطاء و قليلي الثقافه ديل : والله لو عارفه بنتعب كيف عشان نفهم : ما تدسي مننا أي حاجه !! |
كلنا هذا الرجل يا تيسير..
يدى فى قلبى من البوست ما نزل والله.. (أغالط نفسى فى إصرار وأقول هسا بجيبو
لى مداخلة روشاء).
غايتو لو قاصدنى كنموزج من التسجيلات الجديدة بعد الكبع دا حا أعتزل فى
بداية مشوارى البوردى.
| |
|
|
|
|
|
|
|
|
|
Re: وماذا نفعل مع الرواشة ؟! (Re: Elmuiz Haggaz)
|
المعز حجاز ..
Quote: كلنا هذا الرجل يا تيسير..
يدى فى قلبى من البوست ما نزل والله.. (أغالط نفسى فى إصرار وأقول هسا بجيبو
لى مداخلة روشاء).
غايتو لو قاصدنى كنموزج من التسجيلات الجديدة بعد الكبع دا حا أعتزل فى
بداية مشوارى البوردى. |
لا ياخ ما قدر دا
البوست دا متروك لفطنة القارئ
ومافيهو إيراد مداخلات روشاء تطبيقاً لمعايير السلامة في البورد
بعدين من مداخلتك دي وحذرك دا واضح إنك ما أروش والعياذ بالله
أصحاب الرواشة ديلاك بينهم وبين الحذر برزخٌ لا يبغيان ..
| |
|
|
|
|
|
|
|
|
|
Re: وماذا نفعل مع الرواشة ؟! (Re: أمين محمد سليمان)
|
أمين خال حمور أخو بدري حفظهم الله ..
| Quote: يعني يا تيسير تفتحي البوست زي بتاع ملاسي عن وهبه : السؤال في العنوان و الإسم في المداخله الأولي ! |
تلقاها عند الغافل
يعني بعد الحاصل في البورد دا كلو دايرني أجيب ليك أمثلة
قالوا اللي ما يشوفش من الغربال يبقى إيه لا مؤاخذة؟
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
Quote: في هذا المقام لا يسعني إلا أن أصف مداخلتك دي بالطلاشة (حق المفردة لحسن عشان ما تزعل)
وبالرواشة التي عنيتها أنا في هذا البوست |
إنتى ياتيسير
مادام بتقدرى تردى رد زى دا ماعايزا تجيبى أمثلة للرواشة ليه؟
| |
|
|
|
|
|
|
|
|
|
Re: وماذا نفعل مع الرواشة ؟! (Re: Balla Musa)
|
المهم كأمثلة للرواشة
أخوى الكبير نظرو ماعميق ( بلبس نظارات يعنى)
بحب عبد الباسط عبد الصمد والحقيبة
ولما يكون فى بكا فى الحلة بشيل شريط عبد الباسط عبد الصمد وسمتايمز بحتاج يشيل الإستريو زاتو معاه.
فمرة الجماعة كان عندهم استريو بس ماعندهم عبد الباسط..
قام شال الشريط فى جيبو ومشى..
طوالى كالعادة على الإستريو طلع الشريط الشغال ونزل شريطو
وعمل بلى فاشتغل خلف الله حمد والأغنية بتقول أعاين فيهو واضحك واجرى واجيهو راجع.
| |
|
|
|
|
|
|
|
|
|
Re: وماذا نفعل مع الرواشة ؟! (Re: Balla Musa)
|
Quote: المهم كأمثلة للرواشة
أخوى الكبير نظرو ماعميق ( بلبس نظارات يعنى)
بحب عبد الباسط عبد الصمد والحقيبة
ولما يكون فى بكا فى الحلة بشيل شريط عبد الباسط عبد الصمد وسمتايمز بحتاج يشيل الإستريو زاتو معاه.
فمرة الجماعة كان عندهم استريو بس ماعندهم عبد الباسط..
قام شال الشريط فى جيبو ومشى..
طوالى كالعادة على الإستريو طلع الشريط الشغال ونزل شريطو
وعمل بلى فاشتغل خلف الله حمد والأغنية بتقول أعاين فيهو واضحك واجرى واجيهو راجع. |
أيوة خلينا في الـ external illustrations
| |
|
|
|
|
|
|
|
|
|
Re: وماذا نفعل مع الرواشة ؟! (Re: Balla Musa)
|
Quote: إنتى ياتيسير
مادام بتقدرى تردى رد زى دا ماعايزا تجيبى أمثلة للرواشة ليه؟
|
الأخ أعلاه جاني بي رجلينو يحمل إتهاماً مبطناً لي بالسرقة
ومن منو؟
من حسن موسى
فتأمل*
كتب مالك الجاك:
| Quote: أتمنى أن نتبع أصول و أخلاقيات الاقتباس وإلا فالمعروف أن هناك لفظة أخرى أكثر فظاظة لوصف هذه الفعلة |
ملاحظ نبرة التهديد يا دكتور 
في زول بكامل قواه العقلية (يسرق) من حسن موسى دون الإشارة إليه كمصدر
اللي يقول كدا يبقى كلامو فعلاً فيهو شبهة طلاشة** ورواشة !
ـــــــ
* راجع حسين ملاسي
** راجع حسن موسى
()
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
Quote: يا أمين ..
من الواضح إنو كلام الأستاذ أبو الريش داخل عليكم دخلة شديدة خلاس
|
والله يا ستهم ، الدخلها فينا أبوالريش ، إلى يجي يمرقها هو !!
ياخي أنا بسببو بقيت كاتب قصه قصيره زي صنع الله إبراهيم واحد !!
| |
|
|
|
|
|
|
|
|
|
Re: وماذا نفعل مع الرواشة ؟! (Re: أمين محمد سليمان)
|
Quote: والله يا ستهم ، الدخلها فينا أبوالريش ، إلى يجي يمرقها هو !!
ياخي أنا بسببو بقيت كاتب قصه قصيره زي صنع الله إبراهيم واحد !!  |
ما تظلم الراجل ساي يا أمين
كتابة القصص دي بيكون أب راس داك هدّا فيك
زمان كانوا بيقولوا الود خال
هسي أظنها بقت الخال ود ..
| |
|
|
|
|
|
|
|
|
|
Re: وماذا نفعل مع الرواشة ؟! (Re: قيقراوي)
|
قيقا يا صديق الاسافير والمنافي البعيده ! Quote: امين يا سمين
خليك تفتيحة زي اخوك ياخ !
في حالات الطواقي البفكوها زي دي . . لو حامت جمب راسك و قدرت انو المقاس مقاسك ؟
تقوم تتي رب تجي بكرعينك الاسفيريات ديل متلب براك ، و تقول : هآنذا
|
سئيلي الله كلامك ده جهجهني زياده ، لانو أنا لمن جيت هنا جابني الشمار أشوف الاروش ده منو : أصلو ما ختيت احتمال أكون أنا سيد الشي ذاتها !!
بعدين ياخي أنا لو بفهم قدر ده لامن أعرف الطاقيه المقاسي من الما مقاسي ما كان مشيت كتبت في فوراول ، البقعدني مع الطير ديل شنو هنا ؟!!
Quote: اهدا براك شفت اخوك اول حاصل على البراءة من الرواشة " زوراً و بهتاناً " لكن حنك و عضلات تكتيكية ساااااااااي يا عمك *
|
دي ما الشلليه البنتكلم عنها يا قيقا ، هسي إنت تيسير عشان صحبتك ادتك براءه و أنت و الرواشه صنوان !!
ياخي إنت لو ما اروش تلبس بدله و تتصور مع أساسي في الزمن الصعب ده ؟!!
Quote: يا مولانا كامل تضامني معاك في محنك دي
اسي كلنا طلعنا براءة طيب المتهم منو ؟ |
يا أخوي أنا براءتي دي يطرشني بيها ، لحدي ما أشوف مداخله من ست البوست ممضيه و مختومه و عليها شهود لا تقل أعمارهم عن أربعين سنه و عندهم خمستاشر ألف مداخله في منبر أب صلعه ده فانا و المقصود بالبوست سواء ، بال DNA ما يفرزونا !
إنت قايل عمك أبوالريش جاب اسم زول ؟ ما حشرنا كلنا في علبة سردين و ودانا الكوشه *
---------
*يبدو أني في حاجه لعلاج نفسي لإزالة آثار تصريحات أبوالريش !! الله يرضي عليك لو بتعرف ليك اسم دكتور كويس لزو لي بالماسنجر !!
---------
| |
|
|
|
|
|
|
|
|
|
Re: وماذا نفعل مع الرواشة ؟! (Re: أمين محمد سليمان)
|
| Quote: *يبدو أني في حاجه لعلاج نفسي لإزالة آثار تصريحات أبوالريش !! الله يرضي عليك لو بتعرف ليك اسم دكتور كويس لزو لي بالماسنجر !! |
Quote: سئيلي الله كلامك ده جهجهني زياده ، لانو أنا لمن جيت هنا جابني الشمار أشوف الاروش ده منو : أصلو ما ختيت احتمال أكون أنا سيد الشي ذاتها !!
بعدين ياخي أنا لو بفهم قدر ده لامن أعرف الطاقيه المقاسي من الما مقاسي ما كان مشيت كتبت في فوراول ، البقعدني مع الطير ديل شنو هنا ؟!! |
شكراً يا أمين على دليل ادانتك
ياخ انت أمين خالص . . أمين جد جد لمن غلط ذاتو !
ياخ ابو الريش فكا ليهو طاقية فري سايز ، شنو درعتها في دقنوسك الكبير دا و ابيت تملصا تاني ؟!
جمبنا دكتورة نفسية هنا اسمها ام حمد . . . بيني و بينك هي بصيرة لكن الطشاش في بلد العمي شوف اها في مضاربنا دي يا دوبك الجماعة " بدو " . . .
عرضت عليها حالتك الاسفيرية المتأخرة دي ، تاوقت الكتاب ، و قال بعد ان حمدت الله و صلت على حبيبه رسول الله انو الرأي في حالات الطواقي الغاتسة في الراس و متحكرة فيهو بسبب المقاس الظبط او نشاف الراس ، تقول شيختنا البصيرة ام حمد بقطع الرأس كحل ناجع و من ثم تمزيق الطاقية لو ما كان ناجع خالص اوي يعني
مع خالص امنياتها ليك بالشفاء دي رسالة كلفتني بيها و انت عارف اخوك أمين برضو
------------
التكتيك الاديتك ليهو قبيل داك و الله كان مقسم معي كيف في الجامعة ! طبعاً انت عارف انو اخوك حاسد ، اها اجي خاشي ليك الجامعة من المين القى ليك الناس اتنين اتنين ، فرح يتكلم بي لغتين ، وكتها اخوك متبني ليهو افكار هدامة و بكره ليك الحب ذاتو ، اها اخش بزنس لي جوة ، برضو كلو زول بجكس بتاعو الا انا . . .
اها تفتقت عبقريتي الابتزازية عن التكتيك داك ، اقوم اخش ليك في طقس ازموزي - بحاول اتكلم بنفس لغة الزمن داك - و ابدأ ليك في مناحة : ابوي مات و انا سغير و ما في زول بحبني و عييييك . . . علي بالحلال تجيني ليك كلنا بنحبك
حنيييييييييييييييينة كدا لما كرعي يخدرن ذاتو !
اعاين ليهم و اضحك و امشي * و ما اجيهم تاني الا بعد ينسوا
* الحقوق في الاغية في البوست دا محفوظة لدكتور بله
| |
|
|
|
|
|
|
|
|
|
Re: وماذا نفعل مع الرواشة ؟! (Re: قيقراوي)
|
قيقا ..
Quote: في حالات الطواقي البفكوها زي دي . . لو حامت جمب راسك و قدرت انو المقاس مقاسك ؟
تقوم تتي رب تجي بكرعينك الاسفيريات ديل متلب براك ، و تقول : هآنذا
اهدا براك شفت اخوك اول حاصل على البراءة من الرواشة " زوراً و بهتاناً " لكن حنك و عضلات تكتيكية ساااااااااي يا عمك * |
بادئ ذي بدء خليني أحيي المفردة البي أحمر دي
مفردة في شكل موسيقى تصويرية سودانية pure
آخر مرة سمعتها في كان ستينيات القرن المنصرم
الحاجة التانية في موضوع الرواشة دي لو ما قالوا قيقااارااااوي
وكرروها ثلاثاً ما تقول نعم (الفيك بدربو) ما ريكوميندد هنا
حسب آخر تصنيف لي ستاندرد أند بورز وفتش ريتنق الكريدت ريت بتاعك (في عدم الرواشة) كان AA
مش كدا يا دكتورة رحاب؟ 
Quote: يا مولانا كامل تضامني معاك في محنك دي
اسي كلنا طلعنا براءة طيب المتهم منو ؟ |
المتهم عادةً ما بيجي حايم جمب القسم مالم يكون في أمر قبض بي إسمو
ونحن حنا حاظرين أوامر القبض وحاظرين الأسماء
دع أصحاب الرواشة يمرحون بسلام
بعيدين وسعيدين ..
| |
|
|
|
|
|
|
|
|
|
Re: وماذا نفعل مع الرواشة ؟! (Re: تيسير عووضة)
|
Quote:
جمب شنو
ياخ مرات بعفص اللغم بقوم أرفعو بي يدي عشان أتأكد زيادة
|
ههههه .. لكن هي جنس عكلتة يا تيسير!!
يعني خمة النفس وحالة الإحتضار والألم جايباها برااااك لروحك 
| Quote: وماذا نفعل مع الرواشة ؟! |
الفط ومن ثم النط تفاديآ لمرض القلب والضغط
دا بوست النصري أمين: هل منكم من "يفط" مثلى؟؟
بعد عمل بحث مضن دون جدوى، وجدته متحكرآ في مكتبته ...
هل منكم من "يفط" مثلى؟؟
| |
|
|
|
|
|
|
| |
تيسير عووضة
Ashraf el-Halabi
Hadeer Alzain
أيمن الطيب
محمد عبد الماجد الصايم
khaleel
فيصل نوبي
خالد عبد الله محمود
على محمد على بشير
داليا الكباشى
lana mahdi
Sahar Yousif
قيقراوي
Adil Osman
محمد البشرى الخضر
أمين محمد سليمان
malik_aljack
Elmuiz Haggaz
Rihab Khalifa
فيس بوك
تويتر
انستقرام
يوتيوب
بنتيريست