|
دعواتكم لزميلنا المفكر د.الباقر العفيف بالشفاء العاجل
|
|
 Re: وعن تيسير عووضة انا بحكي ليكم (Re: khaleel)
|
تيسير منو ؟
ما بعرف الزوله دي انا ..
اساسا هي زوله وهميه ساي ياخ .. فكنا بلا تيسير عووضه ولا طحنيه معاك ..
صديقتي العزيزه تيسير .. أفتخر بصداقتك جدا ..
زوله فاهمه وشاطره وختريه عدييل كدا .. قلبها ابيض زي الفل ..
ربنا يكملك بي عقلك يا اميره , ويديكي الفي مرادك ..
تيسير يا صديقتي العزيزه .. اني احبك 
| |
 
|
|
|
|
|
|
|
 Re: وعن تيسير عووضة انا بحكي ليكم (Re: داليا الكباشى)
|
دالية الغالية ..
Quote: صديقتي العزيزه تيسير .. أفتخر بصداقتك جدا ..
زوله فاهمه وشاطره وختريه عدييل كدا .. قلبها ابيض زي الفل ..
ربنا يكملك بي عقلك يا اميره , ويديكي الفي مرادك ..
تيسير يا صديقتي العزيزه .. اني احبك  |
وأنا أفتخر بك وبصداقتك أكثر
سعيدة أن جمعني هذا الفضاء بك
لأتعرف عن قرب على زولة زي النحلة في نشاطها وحيويتها وحسن تنظيمها
دمتي لي أخت عزيزة وصديقة جميلة ظاهر وباطن ..
ربي يهنيكم إنتي وعلاء صديقي العزيز جداً ويجمعكم للأبد في بيت حبكم وسعادتكم
محبتي
| |
|
|
|
|
|
|
|
|
 Re: وعن تيسير عووضة انا بحكي ليكم (Re: khaleel)
|
Quote: حباب عمنا عثمان عووضة
وليفخر بان تيسير ابنته |
و الله يا خليل انا ما عارف البقتخر بالتاني منو
غايتو من باب الاحتياط نقول خيار من خيار
مش كانو بقولوا كدا بتاعين الجهاد الغير مدني
سلام ياعمك عووضة
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: osman righeem)
|
Quote: صديقتي العزيزه تيسير .. أفتخر بصداقتك جدا ..
زوله فاهمه وشاطره وختريه عدييل كدا .. قلبها ابيض زي الفل ..
ربنا يكملك بي عقلك يا اميره , ويديكي الفي مرادك ..
تيسير يا صديقتي العزيزه .. اني احبك |
دلوش
والله كلكم بنات حلوات وشاطرات
ما عارفين نحب منو ونخلي منو
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: khaleel)
|
| Quote: الصور الصور يا خدر |
يعنى شاهد ما شافش حاجة ؟؟؟ لوووووب
| Quote: ما عارفين نحب منو ونخلي منو |
عارفيييييين ,,,
ـــــــــــــــــــ
للضمان كدا لما تفضى من حب الهلال
ح تلقى الدار خلا ,,,
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: khaleel)
|
| Quote: ان شاء الله ياخليل تلم فيك علشان تخلي ريحتك كيكي كيكي |
عثمان عووضة!
ابراهيم شخص الدين شمسيا!
الناس ديل شهادتى فيهم مجروحة
الشافعة المفعوصة دى انا حضرت عرس امها !
منتهى الذكاء غايتو الاى كيو حقها زى خرتمية كدة!
الله يديها العافية
جنى
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: عمر عبد الله فضل المولى)
|
يا خليل ، هذه (التيسير ) فتحت بوست عن (مشاط الرجال ) أساء لينا نحن معشر الرجال الذين يفتقدون الخلايا المنبته للشعر : ياخي نحن ما لاقيين شعر نعاين ليه في المرايه خليه نمشطو !!!
تيسير يا خليل افتقدت الحساسيه المطلوبه و مارست التمييز السلبي و ما راعت لمشاعر المئات من صلع المنبر و الملايين من القراء و أكاد لا اذيع سرا إذا قلت ليك إنو عندنا أعضاء في اللجنه العليا ل( صلعاء بلا حدود ) ما زالو تحت العلاج النفسي من أثر ما فعلت : فبالله يا خلي اطلب من بكري سحب البوست ده بهدوء و زي ما مرة تمبس قالت ليك ( بلا تيسير عووضه ولا طحنيه معاك ) !!!!
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: عمر عبد الله فضل المولى)
|
ياخي والله انا اتورطت يارجالة --الشلاقة الكتلت اشراقة غايتو دخلتني هنا
لانو الناس ديل كلهم بحبهم وما قاعد افوت ليهم حرف
خليل عبد الكريم الامين سيد البوست انسان مؤدب ودمو خفيق
خدر فنان في كل شيئ
ابو رغيم --ياسلام --تختو في الجرح يقوم ليهو شوك
جني -- ماسك علي حاجات من قبل العرس عشان كده بخاف منو
ياخي والله انتو اباليس عديل-- بعدما بطلنا الشغلانة دي وحجينا تاني عايزين ترجعونا
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: عثمان عووضة)
|
| Quote: ياخي والله انتو اباليس عديل-- بعدما بطلنا الشغلانة دي وحجينا تاني عايزين ترجعونا |
يا حاج عادي شهر شعبان ده الجماعة قاعدين يسموهو شهر الرسول
يعني ممكن لحدي خمستاشر منه ولكن بعد ليلية النصف تتحجب أو اقصد
تعتكف وطبعا الاعتكاف بالنسبة ليك بس تزيد سبحة و تمرات في كورية
اصلك قاعد قاعد
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: khaleel)
|
| Quote: يا خليل ، هذه (التيسير ) فتحت بوست عن (مشاط الرجال ) أساء لينا نحن معشر الرجال الذين يفتقدون الخلايا المنبته للشعر : ياخي نحن ما لاقيين شعر نعاين ليه في المرايه خليه نمشطو !!! |
امين النوتة
ازيك يا رجال
ما سمعتي بالمثل البقول الحلو ما يكملش
غايتو بوست مشاط الرجال دا برضو انا حرقني في حناني
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: khaleel)
|
| Quote: خليل عبد الكريم الامين سيد البوست انسان مؤدب ودمو خفيق |
يا عم عثمان ركز معانا عليك الله
خليل براهو
عبدالكريم الامين براهو
انت بقيت عبدالكريم الامين ابوي عديل كدا
لكنه هو اخوي عديل كدة
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: كمال عباس)
|
Quote: وحلتها بحق لو عبر حسابها او عبر علاقاتها
الآن مكفوفي طبرة امتلكو تلاتة اجهزة ناطقة بل وفتحو معهد بهذه الاجهزة و اصبحو من ريعها و ورسومها يتحصلو علي ما يعينهم علي باقي المصاريف
|
يعني يا الطريفي
تحجب مننا معلومات مهمة زي دي
شكرا تيسير الانسانة
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: كمال عباس)
|
تايسا العسل
زول ما ساهله يا خلي
تسلم على تحيتها.
ويا عثمان عووضه عوض المنبر والله انا خجلته
لما عرفتك قاعد هنا ونحن بنتاشكل قدامك كده(هههههههه)
وما حبيت اقول لك يا عم عثمان لانك راجل شاب برضو
وبعيدن انا مافي عمر بتك تيسير عشان اعجزك اها اكتفيت بمخاطبك بنديه.
يا اخي انت زول عسل وبنتك بت عسوله وتسلموا جميعا.
تايسا اعيب عليها بخلجها علينا
فهي زوله ضحاكه ونكتيه وبحب كتابتها جدا.
امين كتلني بالضحك
وكتلني معاهو خليل
| Quote: غايتو بوست مشاط الرجال دا برضو انا حرقني في حناني |
يا اخي تيسير دي كان ما عسل
عينها لصعلة بكري ذاته تفتح بوست زي ده؟؟؟!!(ههههههههههه)
يا تايسا قاعده في منبر ابو صعله وتتفاصحي...!!!
معليش يا شباب دي حته انا متأكده تاياسا ما كانت قاصده تهبشكم فيها.
وحلاتكم بصلعكم ركزوا على انها دليل زكاء وحاجات ثانيه(وجه غامز)
وركزوا على قول برنادر شو لما سؤال عنها قال بانها مثل النظام الراسمالي
غزاره في الانتاج وسؤ في التوزيع!!كاااااااك!
اها عادة اهل الصلع مشعرين كثير ولهم شنبات يرك عليها الصقر
ودقون غزيره تنضح رجوله(وقرضوا على رجوله دي)كاااااك.
اها نصلح لكم نفسياتكم ثاني كيف اكثر من كده.
تحذير رسمي لابهات جلحات
اياكم اللصيق في ابهات صلع وتعلموا
فيها بتحلموا مواصفاتهم بعد شكرناهم!
الجلحات غير الصلع والكلام لك يا المنطط عنيك (هههههههه) في زول عارف روحه
وعارفهو لو لقة فرقه يتصلق في موضع بتوع الصلع ما بقصر خاصه انه طارح نفسه (دنجوان زمانه)!
وبارك في بوستات الجكس!
| |
|
|
|
|
|
|
|
|
 Re: وعن تيسير عووضة انا بحكي ليكم (Re: أمين محمد سليمان)
|
مليون تعظيم سلام لست الكل تايسا,,
ومحبه واحترام وتقدير,,
حقيقي تايسا جميلة كلمه وخلقه, مع ذكاء وسرعة بديهه وروح لطيفه,,
وثقه في النفس وقوة شخصيه,
ولاتخشي في الحق لومة لائم
ومعاييرها هاي جدا
تحيه لعمو عثمان عووضه,
وشكرا يا خليل, أديتنا فرصه نعبر عن محبتنا لتيسير :)
| |
|
|
|
|
|
|
|
|
 Re: وعن تيسير عووضة انا بحكي ليكم (Re: تيسير عووضة)
|
أنا هسي عندي شعور مزيج من الخجل والفرح بيكم وبي محبتكم والضحك في جنكم البتعملوا فيهو دا
خلوا الشعور دا يخف شوية وبجي أنصب ليكم خيمتي هنا دا بس أصبروا لي 
يا كيكي وخليل ياخ معقولة؟
أبوي فارزكم كويس بدليل إنو كاتب لي خليل فوق تيسير تجي تخلي ريحتك كيكي كيكي
لكنو برضو ما مضمون هسي عادي ممكن يجي يقول لا أنا قايلهم الإتنين زول واحد 
بعدين ياخي ثقافة كروية أكتر من كدا
قبل كم يوم مش كنت كاتبة بوست عن الأخطبوط بول مش برضو الموضوع ليهو علاقة وثيقة بالرياضة؟
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: khaleel)
|
Quote: اها عادة اهل الصلع مشعرين كثير ولهم شنبات يرك عليها الصقر
ودقون غزيره تنضح رجوله(وقرضوا على رجوله دي)كاااااك.
اها نصلح لكم نفسياتكم ثاني كيف اكثر من كده.
تحذير رسمي لابهات جلحات
اياكم اللصيق في ابهات صلع وتعلموا
فيها بتحلموا مواصفاتهم بعد شكرناهم!
الجلحات غير الصلع والكلام لك يا المنطط عنيك (هههههههه) في زول عارف روحه
وعارفهو لو لقة فرقه يتصلق في موضع بتوع الصلع ما بقصر خاصه انه طارح نفسه (دنجوان زمانه)!
وبارك في بوستات الجكس! |
يا تراجي تيسير ما راعت لينا و لا خافت الله فينا وفي احساسنا و كونو ربنا خلقنا شينين و بصلع ما معناتها إنو ما بنحس !
و البوست ده عباره عن جلابه بشكرو في جلابيه : كان جيتي رشيتيهم لي كلهم أكون عافي منك دنيا و اخره !!! 
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: khaleel)
|
تحذير جادي جدا :
بعد ساعه من ألان لو تيسير ما اعتذرت لصلع المنبر عن بوست (مشاط الرجال ) : حا أفتح بوست اسمو ( بلا تيسير عووضه بلا طحنيه ) حا يكون فيهو ( بل) تقيل في كل الأتجاهات !!
-------
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: khaleel)
|
ما حجب يا خليل لاشئ
بس اعلم انو الزولة - تيسير عووضة - تبرعت لينا رغم اي حاجة بما قيمته 300 درهم امارتي -
والله سدت فرقة كبيرة بجد...
للان بنذكرها بخير
ـــــــــ
بالمناسبة ( هزل وكدة ) هي لميضصة مُش ؟!!!
| |
|
|
|
|
|
|
|
|
 Re: وعن تيسير عووضة انا بحكي ليكم (Re: HAIDER ALZAIN)
|
| Quote: حضرة البروفيسور أمين |
انا لله ,,
عمو عثمان,,
عايز تشبّكو لينا في البروفيسورشيب, ونحن لسه موضوع الدكتوراه ما بالعينه ليهو !! 
تراجي ازيك,,
عليك الله ما تطلّعي لينا ناس الصلع ديل في راسنا
خليهم علي تيسير, شغاله معاهم كويس
تايسا أووووعه اعتذارات ما معانا ههههههه
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: HAIDER ALZAIN)
|
Quote: حضرة البروفيسور أمين أخو والدة حمور (حافي كدا) وأخو البدري عبد الله
السلام عليكم ورحمة الله وبركاته |
و عليكم السلام و رحمة الله و بركاته يا سيد عثمان ( لا عارف أقول ليك عم عثمان ولا عثمان ساي ) !!
ياخي بتك اعتدت علينا في احاسيسنا و نحن بطبعنا ناس حساسين و ما بنستحمل بالذات في قصة الشعر دي : اكرما ليك عاتبناها عتاب خفيف و طالبناها تعتذر لينا و الموضوع ينتهي : و أنا كان علي حقي عافيهو لله و الرسول لكن في ناس زعلانه جد من الموضوع ده : طارق جبريل ضرب لي تلاته صباحا يشتكي ، قمر بوبا و حمور ما جرو حرف في البورد من يوم بوستها التعيس داك ، طارق الأمين جاتو نفسيات و لابس ليه باروكه تكفي صلع المنبر و المنابر المجاوره , و الأمثله أكبر من أن تعد و تحصي
!!
ما عايزين نصعد الموضوع : خلي تيسير تعتذر لينا تؤتي أجرك مرتين !!
-------
بعدين يا سعادتك أنا ابرا من من البدري عبدالله !!!
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: HAIDER ALZAIN)
|
سلام ياخليل
تحياتي واشواقي
تيسير عووضة لا اعرفها إلا من خلال كتاباتها في المنبر
وقديما قيل تحدث كي أعرفك
وأنا اكثر مايحملني على إحترام الناس المواقف المتسقة ... والحساسية العالية في تناول القضايا التي تهم الناس ...
وتيسير في ذلك لايُشق لها غبار
اما عن ثقافتها فلاشك فيها باديه للعيان وهي ثقافة لاتقعير فيها ولا إدعاء وإنما تسخير لما خبره عقلها في خدمة القضايا الضرورية
ولعل طريقتها في الكتابة وترتيب أفكارها يجعل من يختلفون معها يحترمونها على عنف القضايا في بعض الحالات
قد تنفلت اعصابها أحيانا وذلك لا إعتبره فقر في الحكمة بقدر ما أعتبر أنها لاتتعامل مع الكتابة كضرب من الترف الذهني ولكنها تحمل الكلمة المكتوبة قدرها وتعي دورها وتتعامل مع النقاش في هذا المنبر على انه نقاش ينبغي ان يفضي إلى نتائج
ولذلك روحها - بتحرقها -
جديرة بالإحترام
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: khaleel)
|
يا خليل ..
والله ما عارفة أقول ليك شنو 
شكراً على حسن تقييمك لي وظنك فيني
ولا شكراً على روحك الجميلة الحايمة حول البوست دا ولا أقول شنو بس؟
آخر زول ممكن أكون جادة ولا متكلفة معاهو في مداخلة هو إنت
شفت صعّبتها على كيف؟
غايتو ما عندي غير أقول ليك تسلم يا صديقي
وربنا يديم المودة والمعروف بين الناس
أتشرف بيك وبمعرفتك 
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: khaleel)
|
***- عندما كنت حديث العهد ب( المنبر العام ) ولسه جديد لنج عام 2006، اتذكر انها اول من علقت علي موضوع كنت كتبته في ذلك الوقت، وبالطبع كان لابد وان اشكرها علي المشاركة، وطلع من بالي انو اسم تيسير ممكن يكون مذكر وبرضو مؤنث، واتذكر رديت عليها ب (الأخ الحـبـيـب الـحـبـوب، تيسـر)!!،
***- وانهالت علي التقريعات والسخريات من الاخوة الاعضاء بالمنبر العام و( ياخينا انت شارب شنو?..يازول انت شايت وين?..انتو ماعندكم تيسير في حلفا ولاشنو?). ومن اليوم بقيت ارجع لملف الاعضاء قبل ماارد علي اي زول و( لايلدغ المرء من جحر مرتين). الاخت العزيزة اتذكرها تمامآ من بين كل الاخوات في المنبر العام بسبب حكاية الغلطة في الاسم. وعلي مااذكر ان شقيق الاخت تيسير كان يعمل ب(وكالة السودان للانباء) في سنوات التسعينيات.
***- تـحية للاخـت العزيزة تيسيـر،وشكرآ ياخليل علي (البوست) الجميل دا،وطلعنا من مواضيع الاحباطات والسياسة.
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: emad altaib)
|
والله يا جماعة
البوست ده ( I LIKE)
ووفعلا عم عثمان (وطبعا يا ابو كمال انا اصغر من خليل (بكم سنة ضوئيةكده) فلاغبار علي
عم عثمان بوردابي ضليع مع وقف التنفيذ
و منتظرين اجتيازه لاختبار خليل عبدالكريم الامين ده
وبلاش معاك بخرات يا تيسير
ود الصايم يا موغل في الدهشة
تراجي قاصدة امين خال حمور واخو البدري وسليل عمو اومو في الدكترة لوووول
وسنتابع
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: emad altaib)
|
استاذ كمال عباس شكرا لرفع المعنويات ياخي
Quote: بالله عليكم خليكم جادين شوية
عثمان عووضة أخوها ولا أبوها .... أم قريبها
عشان نشوف مشهادنا وما تضيعونا ساكت |
عماد ياخي انا اخوها الصغير وأنصحك عن تجربة:أوعك تخلي حقك لتيسير
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: خدر)
|
| Quote: وعلي مااذكر ان شقيق الاخت تيسير كان يعمل ب(وكالة السودان للانباء) في سنوات التسعينيات. |
بكري ياخي الكلام دا في السبعينات مش التسعينات
قبل كا سالتك في احدى البوستات عن سعاد الصائغ زميلتنا في سونا -- عملت لي شنو في الموضوع دا؟؟
| |
|
|
|
|
|
|
|
|
 Re: وعن تيسير عووضة انا بحكي ليكم (Re: عثمان عووضة)
|
ــــ
| Quote: عماد ياخي انا اخوها الصغير |
أهلاً بأخوها , طيب شارع بيتكم بي وين ؟ هههههه هه هههههه
| Quote: وأنصحك عن تجربة:أوعك تخلي حقك لتيسير |
والله يا أخوها كان عندي حقك عندها زاااتو عفيتو ليها هرشة ساكت منها. ههه
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: osman righeem)
|
Quote: يا اخي تيسير دي كان ما عسل
عينها لصعلة بكري ذاته تفتح بوست زي ده؟؟؟!!(ههههههههههه)
يا تايسا قاعده في منبر ابو صعله وتتفاصحي...!!! |
ياأم حازم والله انا الزمن دا كلو كنت مغشوش فيكي ساكت
ياخي القال ليك بكري ابوبكر عنده صلعة منو
ياخي دي باروكة --باروكة يابت الحلال
أبو القطب المتجمد الجنوبي زاتو ياخي
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: osman righeem)
|
ود الصايم ..
Quote: إنتو آل عوووضة ديل كل واحد بلابتوبو
ولّ شغالين ساين آوت وساين إن |
وحياتك الليلة من الصباح ما لاقيتو
شغال من الصباح وأنا أستمتع بي إجازتي الأسبوعية في البيت
وبيكون قافل تلفونو لأنو قاعد في غرفة الأخبار لو دايرة أتكلم معاهو مافي طريقة
لذلك أنتهز هذه الفرصة عشان أقول ليهو يا أبوي هل تسمعني؟
جيب معاك عيش العشا
وكمان لو بالمرة جبت معاك العشا زاتو تكون ما قصرتا 
هذا مع خالص الشكر لبكري أبوبكر ومن بعده خليل أن جعلا ذلك ممكناً
| |
|
|
|
|
|
|
|
|
|
Re: وعن تيسير عووضة انا بحكي ليكم (Re: عبدالكريم الامين احمد)
|
Quote: وأنصحك عن تجربة:أوعك تخلي حقك لتيسير
عثمان عووضة |
عليكم ما تشكروا لينا الراكوبة في الخريف
فما تفعله تيسير عووضة في هذا المنبر مرفوض تماما
وعلى الادارة ان تتدخل لوقف هذا العبث ...
كدا اتسديت حقي يا تيسير
_____
عثمان ياخال سلامات ومشتاقين والله
وتشكر على البوست ياخلي
| |
|
|
|
|
|
|
| |
khaleel
خدر
تيسير عووضة
osman righeem
عثمان عووضة
داليا الكباشى
Soumeta
دينا خالد
محمد عبد الماجد الصايم
jini
عمر عبد الله فضل المولى
أمين محمد سليمان
HAIDER ALZAIN
عبدالكريم الامين احمد
كمال عباس
Tragie Mustafa
عمر عشاري
emad altaib
شول اشوانق دينق
عبدالوهاب علي الحاج
فيس بوك
تويتر
انستقرام
يوتيوب
بنتيريست