دعواتكم لزميلنا المفكر د.الباقر العفيف بالشفاء العاجل
|
|
 قررت الترشح لإنتخابات رئاسة جمهورية السودان ..
|
* سودانية الجنسية
* إمرأة "أحمل الفاس ولكن لن أشق الراس"
* سليمة العقل " لم أتأثر بأي مؤثر يخل بالقدرات العقلية أو يذهِب بها"
* مستوفية السن القانونية إلا عشر سنين فقط
* لم يسبق لي التورط في جرائم تخل بالشرف والأمانة
* لم يسبق لي التورط في جرائم رشوة أو فساد ذمة مالية
* لم يسبق لي التورط في جرائم قتل أو شروع في قتل أو إبادة جماعية أو ما شابه
* لم يسبق لي التورط في أنشطة تجسسية أو إستخباراتية أو شبهات عمالة وإرتزاق بأي شكل من الأشكال
* أحترم (جداً) الحريات والتعدديات الإثنية والدينية والنوعية والثقافية في البلاد
* ليس لدي سابق خبرة في إدارة حكومة لكن قطعاً لن أكون أسوأ ممن سبقوني
* أتعهد بأن أعمل ما بوسعي للحفاظ على تراب البلاد ومصالح العباد
* أتعهد بأن أعمل على ترسيخ قيم الديموقراطية والمساواة
* أتعهد بأن أعمل على المحافظة على وحسن إستغلال موارد وثروات البلاد وعدم تبديدها حسب الأهواء الشخصية
* أتعهد بأن أدفع عند الطلب لحامل هذا السند مبلغ ..... دي فوق البيعة
المانع شنو؟
|
|
 
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: Ahmed musa)
|
Quote: وفقك الله
وصوتي ليك حي ولا ميت
وماتنسي اخوك من (صالح الدعوات)
ووزارة العدل
خلينا نلهف لينا بلاغ بلاغين
و(نصيبك) يصيبك
ويجيك كداري لحدي البيت
أحمد موسى
سوداني
داير يبقى وزير عدل |
أحمد موسى المحامي
تسلم وتكرم على الدعم وسأكون عند حسن ظنك
لكن يا أحمد يا أخوي حكومتي دي ما أعتقد حيكون فيها وزارة عدل
حتكون إسمها مستشارية العدل "حاجة كدا زي برلمان مصغّر" وذلك لحساسية الوضع ولضمان عدم الإنفراد بقرارات مصيرية
وسيكون على رأسها مجموعة من خيرة القضاة والقاضيات السودانيين/ات
المشهود لهم بالنزاهة والشفافية - و أتوقع أن تكون أحدهم- وسيكون القضاء مستقل تماماً عن الحكومة وكلمته هي الأعلى ..
شكراً ليك 
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: د.محمد حسن)
|
وراك ياتيسير
بس عليك الله اضيفى مايلى , إلى برنامج سيادتكم الإنتخابى:-
1) وظيفة لكل خريج, كمل عمرو فى (الضللة) وركن العمود فى الحِلة.
2)أى وظيفة فى السودان ياخدا صاحب الكفاءة (ادى العيش لخبازو ياتيسير مابياكلو كلو والله صدقينى)
3) عزلوا لينا ناس فى سفارات وقنصليات السودان -سمحين الأخلاق وطبعهم سمح (مايبقن علينا 2 غربة وكُربة)
4) كلمى مذيعات تلفزيونات السودان يرحمننا من الصبحية الشغالة طوااااالى دى (كلميهن بـ لكل مقام مقال)
اذا وافقتى على أعلاه, عندى كتيير والله
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: Tragie Mustafa)
|
تراجي حبيبتنا
تسلمي يا ستي وصوتك بي عشرة أصوات نص كم
يا تراجي البيفتح نفس الصادق والبشير وغيرهم ويديهم أمل في الحياة دي إنهم يحكموا
وهم داخلين على التمنين وما يخليني أنا أحلم ونفسي تتفتح ولا أتمنى شنو؟
شنو البيخليهم يشعروا إنو لسة عندهم ما يقدموه للوطن -رغم كل هذا الفشل- وما يخليني أنا أشعر شنو؟
يعلم الله يا تراجي أملهم الما إنقطع من الدنيا دا أستفزاني
إستفزاني عديل وخلاني أمرق من حالة اليأس والإحباط من حال البلد
وخلق جواي شعور بتاع منافسة
عندهم شنو الديناصورات ديل يقدموهو أنا ما عندي؟
خبرة؟ ماعندها معنى خبرتهم دي لو ما إستعملوها لصالح البلد وتقويم الأخطاء
بيتميزوا شنو عني كشابة سودانية "ولا أقصد تيسير يعينها"
ولكن أقصد كل من هم وهن في مثل عمري ويمتلكون فكراً وطاقات حتى أكثر مني، بيتميزوا عننا بي شنو هؤلاء الكهول
أخدوا فرصتهم وأزيد من زيادة
فليعطوا الفرصة لدماء شابة وعقول متجددة وسوف ننجح يا تراجي
أو على الأقل
لن نفشل كفشلهم غير المسبوق !!
كلام ندى دا جايهو برواقة
أصلو السودانيات ما عندهم منطقة وسط يا بشتنة تحيرك يا بهرجة تحيرك
وبيني وبينك إذا كانت من هي على رأس السلطة التشريعية والتنفيذية في البلاد
تتبهرج وتتراقش كعروس بنت عشرين وأقصد بدرية سليمان ولم تراعي لهيبة القانون ووقاره
ما الذي يمنع المذيعات من البهرجة والزركشة؟
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: د.محمد حسن)
|
د. محمد حسن ..
Quote: اثني
والله سيرة ذاتية ناصعة البياض
سيري سيري يا تيسيري |
أهااااا
عليك الله أبعدني من الهتافات المضللة دي والتي أودت بضمير وذمة من سبقوني وزينت لهم عمل السوء
قرار جمهوري رقم زيرو:
أي واحد يهتف لرئيسة الجمهورية سيتعرض للحبس 3 أيام بتهمة تكسير التلج ..
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: بريمة محمد)
|
تيسير كل سنة وانتي طيبة والسنة الجاية زي ماعايزه
بتخيل لي انك غير مستوفية الشرط ادناه
| Quote: [* لم يسبق لي التورط في جرائم قتل أو شروع في قتل أو إبادة جماعية أو ما شابه |
عشان انتي كاتلانه عديل كده
هي الابادة الجماعية دي انتي قايلها كيف اصلو
لووووووووووووووووولز
ان شاء الله خروفكم كان كبير
تحياتي
زاتوووو
| |
|
|
|
|
|
|
|
|
 Re: قررت الترشح لإنتخابات رئاسة جمهورية السودان .. (Re: Hani Arabi Mohamed)
|
تيسير ازيك
وعيدك مبارك
شفتي الشرط دا
| Quote: * لم يسبق لي التورط في جرائم رشوة أو فساد ذمة مالية |
لو اترشحت عند اهلنا اليمنيين بسقطك
عندهن راي بقولوا احسن ليهن واحد سرق وقدو شابع من واحد يبدأ يسرق من الأول ولمن يشبع حلك
وهو راي جدير باخذه في الاعتبار ومراجعة السيرة الذاتية على ضوئه
لو كنت حاصوت اصلان لاني احتمال كبير اقاطع حاصوت ليك بس راجعي القصة دي وخلصينا من السارق الما شبع لسه دي
تحياتي
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: lana mahdi)
|
معـاً ضد إسقاط تيسير عووضة!! 
سـلام يا تيسير وكل سنة وإنتي طيبة في البداية..
أنا شخصيتاً ما بصوّت ليك للأسباب الوجيهة التالية:
واحد:
Quote: افادت لجنة السجل الانتخابى ببروكسل بأن التسجيل لانتخابات رئاسة الجمهورية للسودانيين المقيمين بمملكة هولندا سيكون يوم الخميس 3/12/2009 بدلاً عن يومى السبت والاحد 5 و6/12/2009.
المكان : مقر السفارة فى لاهاى
الزمان : الخميس 3/12/2009
من الساعة 11 صباحاً – الساعة 6 مساءاً
شروط التسجيل :
1. ابراز الجواز السودانى سارى المفعول.
2. ابراز بطاقة الاقامة فى هولندا سارية المفعول.
|
دا كلام ناس السفارة، يعني التسجيل إنتهى بدون ما نمشي نسجل، لأنو أصلا ما ناوي أمشي، فالحكاية بالنسبة لي تحصيل حاصل، وما عارف إنتي ح تعملي شنو مع ناس نسبة التسجيل ال 122% دي، أكيد نسبة التصويت ح تكون ما أقل من 250%، ولأنو ما عندي جواز ساري المفعول (هو ساري المفعول يعني شنو صحي؟)، بعدين لاهاي دي تبعد مية كيلو من محلنا، يعني تبقى ضياع يوم عمل وبنزين بدون فايدة، لكن كان كلمتينا بدري شوية كان ممكن (أبيع) ليك صوتي وأطلع الفروقات دي
نمرة إتنين، أنا بعتبرك مرشحة ما جادة، لأنو الدكاترة أعلنوا ترشيحاتهم في المنبر دا قبل سنة، تعرفي الخواجات ديل لامن تقدمي لأي شغل أول سؤال في الإنترفيو بيقولوا ليك: ال motivations بتاعتك شنو، واحد صاحبنا قالوا ليهو إنت ما عندك موتفيشن مقنع للشغل معانا، قاليهم خلاص أنا بمشي البيت ولا جاني موتفيشن بجيكم راجع، وأنا بعتبرك إنتي برضو نفس الشي.
بعدين أهم حاجة إنتي لغاية حسي ما قلتي بتوفري لينا السكر والعيش، وتعملي لينا مدارس ومستشفيات، يعني إنتي ما دايرة تنقذينا ولاّ شنو..
آآآخر حاجة: لو بتشغليني كبييييييير مساعدي رئيسة الجمهورية بأيد ترشحيك وبعمل ليك حملة، وإلا بدخل لي أقرب غابة ولاّ جبل وبزيد المطالب لنائب رئيس وكم مستشار ووالي الخ..ويمكن يكون فيها تقرير مصير (طبعا للوكت داك السودان بكون بقى مش دويلات، لكن (حلاّل) متفرقة، يعني ح نطالب بتقرير مصير حلتنا.. وإستفتاء وترسيم حدود ولاهاي وقصص.. وسيروا ونحن خلفكم والبحر أمامكم..
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: الجندرية)
|
لكن يا جندرية إتلومتي معاي لوم السيح والريح 
Quote: لو اترشحت عند اهلنا اليمنيين بسقطك
عندهن راي بقولوا احسن ليهن واحد سرق وقدو شابع من واحد يبدأ يسرق من الأول ولمن يشبع حلك
وهو راي جدير باخذه في الاعتبار ومراجعة السيرة الذاتية على ضوئه |
المصريين بيقولوا الريس اللي تعرفو أحسن من الريس اللي ما تعرفوش
يا حليل الشعوب المستضعفة بقى الأصل عندهم الفساد، ونظافة اليد هي الإستثناء
يدكم معانا عشان نعدّل تركيبة العقل السوداني البوظوها الكيزان
إنتي بس أديني صوتك وسوف لنننننن تندمي "ولوّحت بسبابتها في الهواء"
مش بيعملوها كدا؟
بي جهة تانية:
قبل يومين يا أماني بيتكلم معانا في الشغل مستثمر عربي لمن خجلت
قال لي يا السودانيين بقيتوا تقولوا للمصريين قوموا نقعد مكانكم
نصب وإحتيال وإرتشاء إيش بلاكم كنتوا أنزه ناس ونفوسكم عزيزة
قال لي عندي معاملات في السودان دفعت فيها دم قلبي رشاوي بس عشان يخلصوها لي
ولي مسؤولين كبار مش موظفين عاديين ويش ذا ما تستحون على وجوهكم ؟؟
قلت ليهو إنت البوديك ترشي الناس وتساومهم في ذممهم شنو؟
لكن تحت تحت ما كنت عارفة أودي وشي وين ..
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: بريمة محمد)
|
بريمة ..
| Quote: البيئة يا ريسه .. تعملى لينا فيها شنو .. |
فيرست أوف أوول:
لن يتم السماح بإستخدام تراب بلادنا كـ (تربة أفرنجي) يا قول عادل إمام لدفن أي نفايات نووية مرة أخرى
كما حدث في عهد سابق ويكفي ضحايا السرطان جراء الإشعاعات النووية
كما ولن تتجرأ أي دولة وبكل قوة عين على أن تطلب من دولتنا إحتضان مخلّفاتهم البشرية
الإهتمام بالغابات ومنع القطع الجائر والحرق إذ أن التغول على الغابات سيعتبر في حكومتي فعل يعاقب عليه القانون ..
غابات الجنوب كلها بقت سراير وبنابر في بيوت الناس دون حسيب أو رقيب وغابات الغرب إتدخنوا بيها النسوان
العايزة تتدخن تزرع ليها شجرة سنط في حوش بيتها "أنا عارفة الكلام دا ما حيعجب النسوان" لكن مصلحة البلد فوق كل شيء
وغابة المقرن الشهيرة تم قطعها وبيعها للمستثمرين العرب بحجة أنها كانت وكراً للجريمة وممارسة الرذيلة تخيل؟!!
الإهتمام بالغطاء النباتي والتشجير في مساهمة منا لتقليل الإحتباس الحراري وفرض رسوم على أصحاب المصانع والصناعات الكيميائية
في حال تجاوزهم الحد المسموح به من الـ externalities وهذا إجراء معروف تعمل به كل الدول المتقدمة
للحفاظ عل البيئة والتقليل من أضرار مخلفات الصناعة
الإهتمام بالثروة السمكية والحفاظ عليها من التلوثات النفطية وترشيد الطاقة وأهممممم شيء الرسايكلينق أو إعادة تصنيع النفايات
بدل ما يمشوا يكبوها في الكوشة ويحرقوها أحسن يستفيدوا منها وتقليل إستعمال أكياس البلاستيك لحدوده الدنيا وإستبداله بأكياس الورق المعاد تصنيعه دا زاتو
ولا لأكياس النايلون !
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: السيد المسلمي)
|
| Quote: * مستوفية السن القانونية إلا عشر سنين فقط |
دي كيف ؟! . . عشان ابو الشهيق ؤ كدا !
ابيض و لا اسود يعني ؟
| Quote: * ليس لدي سابق خبرة في إدارة حكومة لكن قطعاً لن أكون أسوأ ممن سبقوني |
خبرة 8 سنة رئيس حسابات تنفع ؟ 
اسي اصعب المحاسبة و لا ادارة حكومة ؟ . . زي ما قلتي هُن و لا بسووا شي ذاتو ، بس ضاربين الراحات و الكندشة في القصر الجمهوري و يلغفوا في المخصصات ساااي !!
-----------------
كل سنة و انت طيبة بالمرة كدا وكت لقيناك
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: تيسير عووضة)
|
سعادة الريس تيسير
الله يطراك بالخير يا أخونا ود البشرى
أنا غايتو ( الحمقة ) بتاعتي البدت مع بداية ( إسبوع ) ترشيح السيد الصادق دا فشيتها عند عمك أبو ساندرا و( خالهم ) أمين .
فقدتك في ( بيوت البكيات ) ديك لا شفتك ولا شفت الشافك
قلت يا أخوانا الأصول نفقد بت الناس دي
ما تكون لا سمح الله عملت في روحا حاجة
جاهلة وصغيرونة ولسع المستقبل قداما
أصواتنا تب ما بتغلى عليك
أنا والسيدة الفضلى ( بعلتنا )
بس عليك الله الوصية بالمهلة
السفر الكثير دا ما بنقدر عليهو .............. عشان كدا أعفينا من قصة وزارة الخارجية
وكواريك الشفع الكتيرة دي بترفع لى الضغط ...... عشان كدا أعفينا من قصة وزارة التربية
والجري وراء مظاهرات الشيوعين برفع لينا السكر... عشان كدا أعفينا من قصة وزارة الداخلية
أقول ليك حاجة ؟؟؟
ما بنكسر خاطرك
حـ ( أجي على نفسي ) وأقبل رئاسة الوزراء ...ومثل عبارات ( ينبغي وهلمجرا والنرجدة والتدويل الحميد ..... ) بعرف أقولها و( أنجر ) مليون زيها
وكمان ليك على كل سنة أقدم ليك إستقالة كل الحكومة وأكون قااااااعد في مكاني ( مواصلاً مساعى الحميدة لتشكيل حكومة رشيدة )
أها قصرتا معاك ؟؟
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: Haydar Badawi Sadig)
|
Quote: حـ ( أجي على نفسي ) وأقبل رئاسة الوزراء ...ومثل عبارات ( ينبغي وهلمجرا والنرجدة والتدويل الحميد ..... ) بعرف أقولها و( أنجر ) مليون زيها
وكمان ليك على كل سنة أقدم ليك إستقالة كل الحكومة وأكون قااااااعد في مكاني ( مواصلاً مساعى الحميدة لتشكيل حكومة رشيدة ) |
صاحبي عاطف، يا خطير، شنو الضرب تحت الحزام دا؟
تحياتي الحارة للعزيزة الفضلى والعزيزات
الفضليات والعزيز الفضيل!
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: Haydar Badawi Sadig)
|
Quote: صاحبي عاطف، يا خطير، شنو الضرب تحت الحزام دا؟
|
بعدين يا ريس تيسير
أخونا دكتور حيدر دا رغم تأهيلو العلمي الرفيع في مجال الإتصال الجماهيري
وخبراتو العملية الواسعة
وتدريسو للمادة دي في أعرق الجامعات
دا كلو ما حيشفع ليهو في منصب وزارة الإعلام
لأنو في الحالة دي حينافسني في ( الكلام )
وأنا جني وجن زول ينافسني في ( الكلام )
مستعد أعمل تلاتة أو أربعة مؤتمرات صحفية في اليوم
كان الصحفيين ما قالوا الروووووب ما أفكهم ليك كلو كلو
_________________
سلامات يا دكتور حيدر
وصلت تحياتك
ولك منا أضعافها لك وللأخت الحبيبة أسماء والأنجال
| |
|
|
|
|
|
|
|
|
|
Re: قررت الترشح لإنتخابات رئاسة جمهورية السودان .. (Re: تيسير عووضة)
|
| Quote: صورة شنو يا عادل ياخ إنتا قايلو ستار أكاديمي؟ |
صورتك وفيديو تتكلمى فيهو عن برنامجك الرئاسى شرط.
نشوفك ونسمعك.
ولو قابلناك شخصيتن تكون الناقصة تمت.
طبعآ ما حتنسى صحبك فى البورتفوليو الوزارية او على الاقل السفارية.
مع اننى افضل العمل من وراء الكواليس.
ايه رأيك اكون ليك رقم صفر فى قيادة جهاز امنك واطلاعاتك واستخباراتك؟
الجماهير تخرج تأييدآ لترشيح تيسير لرئاسة الجمهورية السودانية
| |
|
|
|
|
|
|
| |
تيسير عووضة
Ahmed musa
د.محمد حسن
Tragie Mustafa
Adil Osman
بريمة محمد
ALZOLZATOO
khaleel
Hani Arabi Mohamed
الجندرية
abas
lana mahdi
Abdel Aati
قيقراوي
عاطف عمر
Haydar Badawi Sadig
فيس بوك
تويتر
انستقرام
يوتيوب
بنتيريست