دعواتكم لزميلنا المفكر د.الباقر العفيف بالشفاء العاجل
|
|
 غسيل ومكوة ..
|
إلى العزيزة راوية العباسي
إلى العزيزة أميرة الشيخ
تحية إذا مرت بالبوستات غسلتها وإذا طافت بالباقيات المكرفسات كوَتها
وبعد ،،
أود إستئذانكم في أنني ساستغل المساحة الموجودة حالياً من الصفحة الأولى للمنبر العام (عام في ياتو بحر؟) ما علينا المهم سأستغله - مؤقتاً - في أغراض غسيل ومكوة وترتيب البوستات خاصتي إلى حين نقلها إلى الدولاب والذي يعرف مجازاً بـ مكتبة الأخ تايسا..
أها يا بنات أمي، الليلة الوقفة وبكرة العيد ومن هنا ولي بكرة مخسمات بالنبي وبصفتكم أكتر إتنين قاعدين تعملوا كيتة هنا بهذا الخصوص ما دايرة واحدة فيكم تجي تفتح بوست بي اسمي وتخت الوش الأصفر الكئيب داك وتشيل حسي لو لقت بوستاتي منتشرة بل بالعكس مفروض تكابروني وتآزروني على النهج الجديد العايزة أنتهجو دا لأني لاحظت إني كتير ما أرجع أرد والحركة دي ذوقياً كدا ما حلوة (أظنو ) غايتو أنا ما قاعدة أزعل لو زول ما رد علي لكن ما بضمن عدم زعل الآخرين وخايفة شبهة الإستوساخ* وكمان لو بكري تم جميلو وبث الحياة في المكتبات بحيث إنو كل زول يقدر يواصل الردود فيها عادي يكون أحلى شي وبي كدا كل زول حيكون عندو بورد براهو في سودانيز 
ـــــــ
*المفردة لصاحبها القاص والمفكر والناشط الحقوقي أمين خال حمور أخو بدري ..
|
|
 
|
|
|
|
|
|
|
 Re: غسيل ومكوة .. (Re: طارق جبريل)
|
ود جبرين ..
أنا ما كنت بعمل الحركة دي
لكن من هنا ولي قدام تاني بوستاتي ديل "قصدي القاعدين يفضلوا بعد ما بكري يحذف نصهم "
بفكهم قدامي زي السواسيو
السواسيو دي مكتوبة صاح؟
| |
|
|
|
|
|
|
|
|
 Re: غسيل ومكوة .. (Re: khaleel)
|
يا خليل ..
يا بتاع اليوم الحار إنت لو ما كانوا فرزوا ليك عيشتك أول زول بتسوي شنو؟
أنا طبعاً ما مع فكرة تبويب المنبر "إطلاغاً"
خليهو كدا زي سوق الملجة أحلى شي ..
| |
|
|
|
|
|
|
|
|
|
Re: غسيل ومكوة .. (Re: تيسير عووضة)
|
انا والله ما فهمتك بالضبط مطلبك بصب في ياتو خانة
لكن انا بعض مرات بفكر امسح مداخلات حقتي
خاصة 2001 و2 الواحد كان جادي مع البورد ده
لو في الاتجاه ده سيري وعين الله ترعاك
وتحياتي
| |
|
|
|
|
|
|
| |
تيسير عووضة
محمد البشرى الخضر
طارق جبريل
khaleel
GamarBoBa
Rawia
فيس بوك
تويتر
انستقرام
يوتيوب
بنتيريست