|
دعواتكم لزميلنا المفكر د.الباقر العفيف بالشفاء العاجل
|
|
 Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: احمد محمد بشير)
|
| Quote: ديل جماعة سكارى وقاعدين في مزرعة عامة ويمارسو الرذيلة , إنتِ ما عارفه السكران بيعمل شنو ؟؟ لمن يواجه الناس او الفتيات في الشارع !! ؟؟؟؟؟؟ الشارع ده مش مكان عام؟ وما خآآآآص؟!! ربنا و النبي ص نهى عن الخمر لانها ام الكبائر لان من يتعاطاها يفعل جميع المحرمات الاخرى , وبعد شوية تجو تسمعوا ب قصص دار االمايقوما و ود خالة فلآن طشقوا ومات بالعربية , وتجوا تبكوا في البورد ده.................... قال خصوصية قال !! |
منتهى الإسفاف ..
| |
 
|
|
|
|
|
|
|
 Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: احمد محمد بشير)
|
| Quote: ديل جماعة سكارى وقاعدين في مزرعة عامة ويمارسو الرذيلة , إنتِ ما عارفه السكران بيعمل شنو ؟؟ |
.. أول حاجة لو سكرانين بي قروشك دا ما بديك الحق تكتب عنهم كدا ..
تاني حاجة منو القاليك بمارسو في رذيلة ..؟
ياتو نوع من الرذيلة دي ..؟
انت شفت بي عينك ..؟ واللا جابو ليك .. ؟ | Quote: ربنا و النبي ص نهى عن الخمر لانها ام الكبائر لان من يتعاطاها يفعل جميع المحرمات الاخرى , |
النبي والرسول الجاي تستشهد بيهم ديل وعامل عالم دين ، قالو ليك ممارسة الرذيلة دي بجيبوها كدا دا ساكت ..؟ مش عندها شروط ..؟
خلاص يعني كملتها كلها بقيت في دا سكران ودا بتاع رذيلة ..؟
ودا شارع عام ودا شارع غرقــان ..؟
يا لك من لـــذج جدا وموغل في اخبار الجرايد الصفراء ..
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: احمد محمد بشير)
|
| Quote: ههههههههههه جيبتو تمبوس لمن ما قدرتو لي؟! |
| Quote: ليه ما شاركت فيهو ؟ هل لانه بيحرجك مع حكومتك ولّ , لانه قطيع من عرق الناس!! |
| Quote: عالم منافقة بشكل عجيب!!.........انا خطي واضح في المنبر ده , الما عاجبو يختاني |
تمبس دا ما بيجيبوهو .. بيجي براهو لي الناس العوج .. والناس المواهيم الزيك ديل .. والغريبة اني بشم ريحتكم .. شم ..
النوع اللذج الزيك دا وفاكيها في روحو .. الواحد ضميرو ما بيأنبو لما يدخل يديك على راسك لحدت ما تجري تخلي البورد دا ..
يحرجك مع حكومتك دا البتقدر تقولو انت والنوعية بتاعتك دي .. وهي من علامات الافلاس الاولية .. لما الواحد الزيك الشايل حال الناس دا يدوهو في راسو ..
ما قدرتو لي ..؟ انت مفترض في روحك شنو يعني ..؟
انت مش قبل يومين جايب ليك بوست بتاع كذب عن هيثم مصطفى وجريت خليتو ..؟ وكمان عايز تفكها فينا .. شابكنا انا بكتب للسودانيين ..؟
سودانيين شنو يا الخواجة البقرو ليك انت ..؟ السودانيين اكان قاعدين عشان يقرو كلامك البتداولوهو في مجالس القطيعة والنميمة والله كان واطاتم اصبحت ..
خليك في خطك دا .. وانا بدخل كل مرة اخطط ليك ..
هيثم مصطفى: يعتدي بالضرب على لاعب مصري في تدريب الهلال
البوست دا ما عندك ليهو زمـن .؟ زمنك دا كلو وخطك الواضح دا جاي عشان تشتغل بيهو نبيشة وشيل حال للناس ..؟
الله الخلق الكون دا زاتو العايز تجي تحاضرنا بيهو دا .. قال من ستر مسلما ستره الله يوم القيامة .. والسكران دا زاتو عندو حق عند الواعي ..
لكن نوعيتك دي يا خواجه بتفهم كيف ..؟
..؟؟
خاتي لي صورة محمجوب شريف ومحمد وردي وعامل فيها شيوعي .. وجاي يفتي لينا في السكر والكبنقـة ..
بعدين بطل حركة جبتو لي تمبس دي .. ما كويسة علشانك انت زول كبير وواعي .. واي عضو هنا جوه البوست دا او زميلة بلمو فيك بي راسك الفاضي دا بخلوك ما عارف الساعة كم زاتووووو ..
لذج آخر يضاف لقائمة اللذجين في هذا المنبر السودانيزاونلاييني
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: تيسير عووضة)
|
| Quote: ختفتها من خشمي يا تمبس |
عليك الله راجعي لي معاك الحتة بتاعت جبتو لي تمبس لما ما قدرتو علي دي ..
عشان تعرفي نحن قاعدين نحرق دمنا مع ياتو نوعيــة هنا دا ..
المضحك شنـو ..؟
المرة الفاتت في بوست قال انا قاعد اكتب للسودانيين .. وقاعدين يقرو لي ..
والله بعدما رديت ليهو على ترهاتو دي ضميري انبني .. قلت الزول دا يا ربي احتمال يكون عيان بي مرض نفسي .. يا كمان ـ عندو جنون العظمة يا جنون البقـر .. يا كمان ـ يكون فرحان بي الحتة بتاعت الخواجات القاعد فيها دي .. وشايفنا نحن ناس بيئة ساكت ويجي يكتب لينا نحن كسودانين في سلم صول ميجر عشان نقرا ليهو .. هو العالم والخواجـة والـ اي حاجة زاتو ..
| |
|
|
|
|
|
|
|
|
 Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: عاطف عمر)
|
Quote: لماذا يتسابق الأعضاء لتحرير تلك البوستات ؟؟
حيث لا يكتفون ببوست واحد لذات الحدث |
كمن عثر على صيدٍ ثمين ويريد إستطعامه بجميع النكهات يا باش ..
Quote: ولماذا هى - أى البوستات ذات الطابع الفضائحي - هى الأكثر مشاهدة ؟؟
ينفتح البوست
وبين كل رفرش ورفرش
يزيد القراء مئات |
لا أنكر أن للقراء دور كبير ذلك
قد يرجع للذهنية الفضائحية التي ابتلي بها البعض ..
بالنسبة لي وأظن مثلي كثيرين
متن الخبر في العنوان
أكتفي به ولا حوجة بي لفتح المحتوى ..
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: معروف حمدين)
|
سلام كتير يا تيسير
و كلمة لاخى احمد محمد بشير, بعد التحية و السلام
المجتمع السودانى لا يزال مجتمع محافظ, بل و مؤغل فى المحافظة
و ممارسات مثل التى جاءت فى بوستك و بوست معتصم صالح, ان صح حدوثها, ممارسات محدودة و غالبا ما تدلق عليها الصحف الصفراء مثل الدار و فنون
الكثير من ماء التهويل.
و اجهزة النظام الانقاذى تفرح بها كثيرا لانها تعطيها ذريعة للاستمرار فى فرض القوانين القاهرة للنساء و لحرية المجتمع فى الترفيه
و لهذا ليس من مصلحتنا الترويج لها
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: عوض محمد احمد)
|
سلام تيسير وضيوفك
اجابة علي سؤالك في العنوان .. مافي ولا اي فائدة ولكن في مضرة وضرر كمان.
القصة هي مثل تناقل شمارات في جلسات ونسة فارغة من المحتوي والمضمون ومافي ذهنية تقدر تقدم شي جاذب فيتم الانتقال للنميمة.. تعليقي دة ما بعني بي سودانيز فقط ولكن حتي الصحف الصفراء الاصبحت كثيرة الانتشار وتحقق مبيعات عالية .. هل الناس من الاحباط بحالوا التناسي بمتابعة "الفارغة والمقدودة"؟
خارج نطاق البوست
استغرب من البقولوا تمبس كوز ومرات مرات كمان بضحك لمن القي الكلام دة.
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: تيسير عووضة)
|
سلام تايسا..
معاك، لا للأخبار الفضائحية لأن هناك ما هو أهم..
لكن، حين تبدر سلوكيات مشابهة من ابناء وبنات المسؤولين الذين "يطبقون شرع الله" بقوة السلاح
من جلد، إذلال، تغييب وقتل المواطنين الغلبانين وكل من لا ظهر له.. فمثل هذه الأخبار تهم المواطن
مثلها مثل إستباحة المال العام من قبل مدعي الفضيلة ومنفذي حدود الله في الأرض.
الناس في السودان بيتعرضوا طوال فترة الإنقاذ لغسيل مخ مكثف ومنهجي..
في ناس استغربت منهم قولة "البديل شنو؟".. وتأسفت على من صدّقوا وان كان على مضض اسطوانات الإنقاذ
لدرجة تفضيل الوضع الراهن، المزري على المجهول..
تعرية الكيان الإنقاذي، نفر نفر.. شيء مهم وضروري لإسقاط الحكومة..
لا يعقل ان تطارد قوات النظام العام كل امرأة ورجل متهمة اياهم بالحياد عن الصراط المستقيم
بينما يكون ابناء وبنات بعض كيانات النظام لاهين partying .. وكمان على حساب خزانة الدولة ..
مخالفين لذات القوانين التي يوّقع عليها اهلهم كل صباح من ولاة أمر الشعب السوداني.. مرّة أخرى بقوة السلاح.
دي معلومة تهم الشارع العام.
انه الدقون والخمارات والله قال والرسول قال المالية الإ ذاعة والتلفزيون دي ما هي إلا أقنعة وكضب ونفاق..
وانه ما يسمى بالقانون بيطبّق عليكم انتو المساكين ديل.. فقط لا غير.
وإذا الإنقاذيين عايزين حماية لخصوصيتهم وخصوصية أسرهم، فعليهم كفل نفس الحق لكل سوداني وسودانية.
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: نجوان)
|
الاخت نجوان
تحياتى
كلامك يعبر عن وجهة نظرك فى الموضوع وجميل انك بديتيه بهذا الموقف
| Quote: معاك، لا للأخبار الفضائحية لأن هناك ما هو أهم.. |
لكن الاقتباس ده مش متناقض مع موقفك ده ولا كيف؟؟؟؟
| Quote: وإذا الإنقاذيين عايزين حماية لخصوصيتهم وخصوصية أسرهم، فعليهم كفل نفس الحق لكل سوداني وسودانية. |
يعنى نبقى فى لكل فعل رد فعل مساوى له فى القوة وموازى له فى الاتجاه!!!!
عذرا الاخت تيسير دخلنا توش بدون استئذان
لك التحية
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: ابراهيم الرشيد وراق)
|
سلام اخي ابراهيم
نقطتي الأساسية، تناقل الأخبار كده بس ساااي لا يفيدنا كثيرا..
لكن -في اطار تعرية ممارسات كيانات النظام- هم واسرهم وشفعهم وما يتمتع به ذوي القربى منهم من نفوذ
رغم خرقهم لما فرضه اهاليهم من المسؤولين على الشعب، هنا المسألة ليست كشف حال وانما فضح للتناقضات والإنتقائية في تطبيق القوانين
وتوعية الناس بأنو الدجالين ديل بضحكوا عليهم حين يتشدقوا بتعاليم الدين وهم ابعد ما يكون اليه..
في ناس لسه بينطلي عليها كلام الإسلام وما الإسلام..
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: نجوان)
|
Quote: لكن -في اطار تعرية ممارسات كيانات النظام- هم واسرهم وشفعهم وما يتمتع به ذوي القربى منهم من نفوذ
رغم خرقهم لما فرضه اهاليهم من المسؤولين على الشعب، هنا المسألة ليست كشف حال وانما فضح للتناقضات والإنتقائية في تطبيق القوانين
وتوعية الناس بأنو الدجالين ديل بضحكوا عليهم حين يتشدقوا بتعاليم الدين وهم ابعد ما يكون اليه..
في ناس لسه بينطلي عليها كلام الإسلام وما الإسلام.. |
سلام الاخت نجوان وسلام للاخت تيسير وضيوفها
حقيقة موقف مستغرب ويعبر عن حالة احباط وياس من مجابهة كابوس الانقاذ الجاسم على صدر الامه , لم تكن هذه الممارسات الكريهة معروفه فى مجتمعنا السودانى قبل سئية الذكر الانقاذ , لم نعرف التجسس والتحسس ولا متابعة الناس وتفتيش منازلهم وسياراتهم والتربص لشبابهم وشاباتهم فى كيف يرتدون ازياؤهم وكيف يضحكون وكيف يسيرون فى الطرقات ولم يكن فينا من حكم نفسه حارسا للفضيله يتهم الناس يمينا ويسارا وينكل بهم باسم النظام العام وهو ابعد ما يكون عن النظام عاما او خاصا فكيف وصل بنا الامر ان نستخدم ادواتهم الصدئه فى اقرار تام منا لمشروعية ما اقترفوه وايضا كيف يمكننا من التخلص من هذه النزعة الانتقاميه حين يزال الانقاذيون باذن الله , مصيبتنا كبيره جدا اذا بدانا فى استنساخ تشوهاتهم فسيولد ماردا اسوا منهم سيصعب علينا التحكم به
| |
|
|
|
|
|
|
|
|
 Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: د.نجاة محمود)
|
Quote: مافي زول بيختار ابوه والمفروض تكون المسؤولية فردية فضح الابناء عشان نعر اهلهم ما صاح فما ذنب العيال حيل تنتهك خصوصيتهم.ويتبشع بيهم
اي انسان له الحق في حفظ خصوصياته من التحسس والتجسس
وتناقل اخبار الفضائح ما بحل مشكلة السودان |
هل أفهم من ردّك أعلاه أن يترك الناس خصوصية الأبناء .. ولا مانع لديك في تعرية خصوصية الآباء إذا فارقت ما يُنادون به ؟
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: صبري طه)
|
الاخت نجوان
تحية واحتراما
| Quote: لكن -في اطار تعرية ممارسات كيانات النظام- هم واسرهم وشفعهم وما يتمتع به ذوي القربى منهم من نفوذ |
اتفق معك فى تعرية ممارسات النظام القمعية والفساد السياسى الخ.... وهو الدور المنوط باى معارضة فى اى مكان فى العالم
ولكن ان يمتد الامر للامور الشخصية والاسر والابناء وذوى القربى فهو امر يتنافى مع الاخلاق السمحة والقيم وكما ذكرت
الاخت نجاة لا ذنب لهم فهم لم يختاروا اباءهم.
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: ابراهيم الرشيد وراق)
|
سلام تاني للأخوان احمد التيجاني، ابراهيم الرشيد ود. نجاة..
أولا انا ما طالبت بالتجسس على الناس والتنقيب عن الفضائح، لكن حين يعيث منسوبي الإنقاذ في الأرض فسادا (حسب معاييرهم كمسؤوليين)
يجب تمليك الحقائق للشعب، عديل كدة دون صحف صفراء ولا خضراء، هذا يندرج تحت ملف الفساد..
عشان ما يجي زول زي الكاروري يقول طاعة الوالي من طاعة الله.. والي شنو؟
حين تجلد فتاة سودانية ويختوها في الكومر مع شرذمة من عناصر النظام العام فتلاقي ما تلاقيه منهم وفي ناس في سنها مرفوع عنهم القلم لأنهم ينتمون للفئة الحاكمة، دي معلومة تخص الشعب..
ما يفعله زيد ولا عبيد من اولاد المسؤولين غير مهم في حد ذاته، اهميته تكمن في كشف التناقضات عند "الولاة" وليه الكرباج من نصيب البعض دون الآخر..
ده ما انتقام، الناس محتاجة تعرف الحاصل حولها.. لانه البطلعوا يكبروا ويهللوا للبشير ديل ما كلهم كيزان، كتير منهم ناس مغشوشين وبس..
الشعب لازم يطالب بإحترام خصوصية المواطن العادي اسوة بالمسؤول.. بعدم التعرض للنساء والفتيات .. الخ..
قانون النظام العام يلغى ولا يتم تخصيصه للتشفي من المساكين وقليلي الحيلة..
يا د. نجاة كلامك صحيح، فعلا مافي زول بيختار ابوه ولا ايا من أهله..
لكن لما يكون في ابن مسؤول، شاب راشد ومكلّف، سايق همر ولا لكزس، مكتوبة بإسمه عقارات في عواصم عالمية، وعنده حسابات في بنوك عالمية..
وبعد ده متجدّع من أموال الشعب البجيبها أبوه، الشاب ده عنده خيار واخلاقيا بيكون مع ابوه في سرج واحد.. وربما قانونيا ايضا لو لسة عندنا قانون..
نفس الشيء، الزوجة البين يوم وليلة لقت راجلها البقى وزير عنده بير قروش بيغرف منها دون حساب، فلبست الدهب واقتنت الشاليهات في تركيا ولا ماليزيا.. هي مجرمة زيها وزي راجلها..
زمان كان في ابن مسؤول اسلاموي كبير حايم في مناسبات الخرطوم آخر مشاكل وقلة أدب ومافي زول قادر يعمل ليهو حاجة، لانه واصل.. جدا.
برضو تكونوا شفتوا بطاقة واحد حايمة في الفيسبوك كاتب مهنته ابن وزير..ده معناه شنو؟ والله السودان اصبح اقطاعيات لآل البشير وآل زعيط ومعيط..
ودلوقت بيتزوجوا من بعض لتكبير الكوم، تعزيز الولاء وحماية المصالح..
____
تايسا البيت محروس ياخ..
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: نجوان)
|
سلامات يا نجوان والبيت بيتك
زي ما قلتي هنالك ما هو أهم ..
كشف عيوب وفساد منسوبي الحكومة مطلوب
ولو تابعناهو ما محتاجين للإستعانة بأخبار تتعلق بسلوك أبناءهم دا لو صح الخبر أصلاً
أخبار زي دي صدقيني ما بتهم المواطن بل معمولة اساساً عشان تعيد توجيه أولويات المواطن في تلقي الأخبار
بيهمني جداً كمواطنة أعرف حجم المال العام المنهوب
بعد داك يتصرف في أغراض شخصية ولا إستثمار أو حتى أغراض خيرية ما بهمني
يكفي إنو مال مسروق من عرق ودم الشعب
ما أظن الكيان الإنقاذي محتاج تعرية أكتر من الباقية عليهو هسي دي
وتناقض وإنتقائية الإنقاذيين ما داير ليهو تتبع للخصوصيات
ومع ذلك الناس لسه ما شعرت إنو المفروض يزيحوا الكيان دا
لا مقتل عوضية
لا إغتصاب صفية
لا إعتقال جليلة وباقي الشريفات
ولا تعذيب هندوسة
ولا إبادة أهل دارفور ولا تشريد وتجويع الملايين ما حرك الشعب
لو قامت حركتو فضايح زي دي يبقى حكومة الإنقاذ زاتا كتيرة عليهم
من الأبرول أبت تطلع
من الواسوق أبت تطلع
نقوم نطلعا من باب الفضايح الشخصية يا نجوان؟
يبقوا فعلاً نجحوا في تغيير قيمنا ومبادئنا
واستبدلوا لينا أدواتنا في التغيير
نحن من يختار أدوات صراعنا
ونحن من يختار مواقيت المعارك
والغاية هنا لا تبرر الوسيلة أبداً
بقدر ما بيهمنا إزاحة النظام بيهمنا إزاحة الإبتذال والسقوط والقذارة الغرقوا فيها البلد
مش ترسيخها وإعادة إستخدامها من باب داوهم بالتي كانت هي الداء
الحاجة التانية
ما جاك إحساس إنو الأخبار دي بطلقوها هم أنفسهم عشان يضربوا بعض في إطار ضرب الركب الداخلي الحاصل دا؟
طيب نحن ذنبنا شنو يجينا رايش القذارات دي؟؟
أخبار زي دي لمن تعدم من يهتم بها ويتابعها بنفس مفتوحة
نقدر نقول ليهم بعد داك العبوا غيرا وخليكم من النظر للخلق من فتحات المفاتيح ..
ولا شنو يا فردة؟
| |
|
|
|
|
|
|
|
|
 Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: تيسير عووضة)
|
| Quote: ود الصايم .. ما قدرتا علي قلت تجيب لي محمد أحمد بشير .. |
..
ردك دا ذكراني اغنية .. جيب وتعال .. جيب وتعال حقت الراحل هاشم مرغني .. 
المهم الواحد قاعد هنا العايز يجيبني لي اي حاجة ماف عوجـه .. نقل عفش .. تنضيف سراميك .. غسيل عدة .. اي حاجة
| Quote: خارج نطاق البوست استغرب من البقولوا تمبس كوز ومرات مرات كمان بضحك لمن القي الكلام دة. |
يا جميلة ..
عليك الله ما تستغربي لينا هنـا .. انت في سودانيزاونلاين بلد العجايب .. هنا لو دقستي اقلة دقسة بدخلو ليك السوفت وير بتاع البرمجـة .. البغير الحاجات اوتوماتيكلي ..
حسع انا القدامك دا لو لفيتي ودورتي .. بمتعك بي حركة من عندي .. والله اتغابى فيك العرفة واكوزنك لمن تعرفي حاجة ..
هذا .. وأرجو اني انتهز الفرصة دي عشان ترسلي لي ايميلك في الماسينجر انا حساب الاسكايب والحاجات دي كلها نسيته .. عندي ورق مهم لازم يمشي بي هناك .. وعامل الزمن مهم ..
انجزي ..
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: د.نجاة محمود)
|
| Quote: صبري لو قرأ السطر الاخير من كلامي لما تجشم مشاق التحرشات والاسئلة الما عندها معنى |
ما لونته بالأحمر بيني وبينك يوم يفر المرء من أخيه .. وهنا بالنسبة لي انتهي وما عايز أناقشو ...
أمّا بخصوص أسئلتي الما عندها معنى فما ذنب العيال دي بتنسف ما بعدها ...
Quote: اي انسان له الحق في حفظ خصوصياته من التحسس والتجسس
وتناقل اخبار الفضائح ما بحل مشكلة السودان |
إذا زنى السيد الرئيس مع وجود أربعة شهود عدول حسب الشرع الذي أعلنه لرعيته بناءاً على دستور هو من وقّع عليه وهو الذي فرضه علينا .. هل يجب تناول هذا الأمر عبر وسائل الإعلام أم عدم تناوله ؟
إذا ضبط السيد الرئيس وهو يلبس زيّاً فاضحاً في أماكن عامّة هل يجب الإعلان عن ذلك يا دكتورة وتتم مُعاملته كالصحفية لُبنى أم لأنّه شريف يجب علينا أن نترك أمره ؟
ـــــ
مُش كان أحسن سؤالي الأول
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: saif massad ali)
|
Quote:
سلام تايسا..
معاك، لا للأخبار الفضائحية لأن هناك ما هو أهم..
لكن، حين تبدر سلوكيات مشابهة من ابناء وبنات المسؤولين الذين "يطبقون شرع الله" بقوة السلاح
من جلد، إذلال، تغييب وقتل المواطنين الغلبانين وكل من لا ظهر له.. فمثل هذه الأخبار تهم المواطن
مثلها مثل إستباحة المال العام من قبل مدعي الفضيلة ومنفذي حدود الله في الأرض.
الناس في السودان بيتعرضوا طوال فترة الإنقاذ لغسيل مخ مكثف ومنهجي..
في ناس استغربت منهم قولة "البديل شنو؟".. وتأسفت على من صدّقوا وان كان على مضض اسطوانات الإنقاذ
لدرجة تفضيل الوضع الراهن، المزري على المجهول..
تعرية الكيان الإنقاذي، نفر نفر.. شيء مهم وضروري لإسقاط الحكومة..
لا يعقل ان تطارد قوات النظام العام كل امرأة ورجل متهمة اياهم بالحياد عن الصراط المستقيم
بينما يكون ابناء وبنات بعض كيانات النظام لاهين partying .. وكمان على حساب خزانة الدولة ..
مخالفين لذات القوانين التي يوّقع عليها اهلهم كل صباح من ولاة أمر الشعب السوداني.. مرّة أخرى بقوة السلاح.
دي معلومة تهم الشارع العام.
انه الدقون والخمارات والله قال والرسول قال المالية الإ ذاعة والتلفزيون دي ما هي إلا أقنعة وكضب ونفاق..
وانه ما يسمى بالقانون بيطبّق عليكم انتو المساكين ديل.. فقط لا غير.
وإذا الإنقاذيين عايزين حماية لخصوصيتهم وخصوصية أسرهم، فعليهم كفل نفس الحق لكل سوداني وسودانية. |
تماسك الطرح شكلا ومضمونا لم يتح ثغرة تنفذ من خلالها الماوس لاقتباس جزء فاتيت بالكل لمزيد من الفائدة .
شكرا نجوان .
| |
|
|
|
|
|
|
|
|
|
Re: عفواً .. ماذا يستفيد القراء من الأخبار ذات الطابع الفضائحي ؟؟ (Re: معاوية الأرباب)
|
سلام تيسير
والله ما برضيني لكن ماعندنا غير ان نعترض كتابة "ونشجب وندين"
Quote: يا جميلة ..
عليك الله ما تستغربي لينا هنـا .. انت في سودانيزاونلاين بلد العجايب .. هنا لو دقستي اقلة دقسة بدخلو ليك السوفت وير بتاع البرمجـة .. البغير الحاجات اوتوماتيكلي ..
حسع انا القدامك دا لو لفيتي ودورتي .. بمتعك بي حركة من عندي .. والله اتغابى فيك العرفة واكوزنك لمن تعرفي حاجة ..
هذا .. وأرجو اني انتهز الفرصة دي عشان ترسلي لي ايميلك في الماسينجر انا حساب الاسكايب والحاجات دي كلها نسيته .. عندي ورق مهم لازم يمشي بي هناك .. وعامل الزمن مهم ..
انجزي .. |
يا تمبس الزهايمر دة ما اتلقي لي علاج لسة ولا شنو؟
انجزنا .. الكورة عندك
| |
|
|
|
|
|
|
| |
تيسير عووضة
Hussein Mallasi
احمد محمد بشير
tmbis
Asim Fageary
وضاحة
الزنجي
عاطف عمر
معروف حمدين
جميلة ابراهيم السيد
معتز القريش
نجوان
محمد عبد الماجد الصايم
احمد التجانى احمد
زهير عثمان حمد
saif massad ali
معاوية الأرباب
فيس بوك
تويتر
انستقرام
يوتيوب
بنتيريست