|
|
 القيادة تحت تأثير .. المحبة
|
 أعزائي الركاب .. البوست دا بعد شوية حيتحرك لسنة 2007 سايقاهو أنا , تحت تأثير محبتي لكم .. سنتنا الجديدةأتمنى أن تكون .. سنة مليئة بالعطاء والإنجاز وتحقيق أغلى الأمنيات وكمان تكون .. كون من رشاقة وأمسيات
باقات أنيقة ملونة
ألحان طروبة ووشوشة
أنهار موسيقى ودندنة
وكل سنة وإنتو طيبين يا رب .. يلا الماشين معانا منو ؟ بالمناسبة .. طبعاً ما حنقدر نقابل عام 2006 تاني ابداً نسبة لأنو الطريق إتجاه واحد وتخضع بعد داك لحرفنة السواق (اللي هو أنا )  عشان كدا مبدئياً بهدي الكلام دا للعام 2006 العزيز جداً على نفسي .. واللي ما كنت ناوية أفارقو بأخوي وأخوك  غـار المسـا والكون صـبح
عـشـاق جـمال يتأملوا
كل الحروف الفي الخيال
بي لهفة جـادوا ماغـلوا
حـتى القمر حـولو النجوم
اتلفوا فيك اتغزلوا
قالوا الجمال يا غالي بيك
كانت نهـايتو وأولـو
ونحـن في هـواك يا غالي
لا نطيق بعاد لابنحـملوا
أصـلـو المحـبين الحـنان
لا بينسـوا لا بيتحولوا
ننســـاك
وإنت .. إنت بتتنسي ..يلا يا خوانا 2006 حد نازل ؟
|
|
 
|
|
|
|
|
|
|
 Re: القيادة تحت تأثير .. المحبة (Re: تيسير عووضة)
|
تيسير
كُلّ سنة وإنتي طيبة
وربّنا يحقق أمنياتك
Quote:
نسبة لأنو الطريق إتجاه واحد وتخضع بعد داك لحرفنة السواق (اللي هو أنا )
|
والصّحيح :ـ
لحرفنة السّوّاقة اللي هي أنا ..
إتصلّحي معانا
الرّجال أخدوا حقّهم وأكتر كتير
أنا نازل كان دي طريقتك
| |
|
|
|
|
|
|
|
|
|
Re: القيادة تحت تأثير .. المحبة (Re: لؤى)
|
لؤي ..
وكل سنة وإنت أطيب
وكل أمنياتك محققة ..
أما بخصوص السواق
فأنا قاصدة ..
لأنو العربية كان قطعت بنزين ساكت
حيقولوا طبعاً.. ما سواقة نسوان
وواحد يجي يقول ليك :
أنا نازل كان دي طريقتك
| |
|
|
|
|
|
|
|
|
|
Re: القيادة تحت تأثير .. المحبة (Re: لؤى)
|
دا شنو يا لؤي ؟
أنا حالتي قلت حتديني شكلة
تقوم تجيبا لي كدا ( بالثابتة )
بلا نصير المرأة بلا نصير شمة
حتى الخواجات حاقرين بسواقتنا ..
لكن بيني وبينك دي ذاتا جابت لينا الكلام
| Quote: ((الوش سّيد الشغّال)) |
الشغال بيهو منو ؟
| |
|
|
|
|
|
|
|
|
|
Re: القيادة تحت تأثير .. المحبة (Re: تيسير عووضة)
|
يسورة العسللى
عيدك سعيد ومبارك عليك والقابلة زى ماتحبى لروحك حبيبتى ..
| Quote: واللي ما كنت ناوية أفارقو بأخوي وأخوك |
انتى عارفة نحنا النساء ديل مشكلتنا ادروبات ولووووووووووووووووفات شديد خلاص .. !!
يعنى مهما السنة او العربية او اى زول حمل لينا من الجراح والألم ماحمل برضو مابنقدر نفارقو بأخوى واخوك !!
لياقة صاح لكن وفاء منقطع النظير برضووووووو !!
خشى على العام الجديد .. واكييييييييييد غدا يوم افضل !! (وش متفائل ونظام ماهاميو وكده ) !!
| |
|
|
|
|
|
|
|
|
|
Re: القيادة تحت تأثير .. المحبة (Re: نادية عثمان)
|
نادية النادية ..
كل سنة وأنتِ وإيمان بألف خير يا حبيبة ..
وكل الأماني الحلوة ليك ,,
تعرفي يا نادية ..
القصة ماولف (رغم إنو دا سبب وارد برضو)
القصة قناعة ..
يعني لما تكوني شايفة قدامك حيطة طويلة عريضة
ويجي زول يحاول يقنعك إنو خلف الحيطة دي جنة الفردوس
هل حتقتنعي ؟ .. ما أظن
وفي اللحظات دي بتشوفي إنو الحيطة أحسن ..
الحيطة والحذر
وزي ما قالت الست ثومة
قد يكون الغيب حلواً .. إنما الحاضر احلى ..
وتاني سنة جديدة وسعيدة ليك يا جميلة ..
| |
|
|
|
|
|
|
|
|
 Re: القيادة تحت تأثير .. المحبة (Re: تيسير عووضة)
|
| Quote: نسبة لأنو الطريق إتجاه واحد وتخضع بعد داك لحرفنة السواق (اللي هو أنا ) |
قولي حرفنــة ( السواقة )
كده بركب معاك ..
لكن تجي تقولي سايقاهو انــا .. وتجي تغيري رايك تقولي ( السواق ) ؟؟
ده كدا ما بقى بوست .. بقى .. ( موطـــر )..
على كل حــال .. ممكن تعتبريني ( كمساري )
كمساري ( سقيــــل ) جدا..
ممكن تنزليني في اي مكان كان ما نفعت معاك
كل سنة وأنت طيبة
| |
|
|
|
|
|
|
|
|
|
Re: القيادة تحت تأثير .. المحبة (Re: tmbis)
|
يا تمبس ..
كل سنة وإنت طيب ..
وكل الأماني الحلوة ليك ..
أيوة حرفنة السواق
مش بيقولوا السواق ما حداث
وبعدين ما تنسى إنو أنا دنقلاوية
ذات لسان أعجمي ..
يعني عادي جداً ممكن أقول سايقاهو
وتاني اجي اقول السواق (اللي هو انا)
يا كمساري يا (سغيل) وليس (سقيل)
كمساري المفعول 
| |
|
|
|
|
|
|
|
|
 Re: القيادة تحت تأثير .. المحبة (Re: تيسير عووضة)
|
مـررت للتـحـيـة والـمجـاملـة وتقـديـم اطـيـب التهـانـي والامنيـات مـتمنيـآ من اللـة تعـالـي ان يسـبغ علـيك والعـائلـةالـكـريـمة بـوافـر
الـصـحـة وتـمام العافيــة وان يـجـعلة عـامآ ملـيئآ بالنـجـاحـات التـوفيـق،ومـتـمنيـآان نـقـرآ لـك فـي هـذاالـمنبـر الـمـنـحـوس بـدونـك وكتاباتك -
لك وللكـل اجـمـل الامـانـي -
| |
|
|
|
|
|
|
|
|
|
Re: القيادة تحت تأثير .. المحبة (Re: بكري الصايغ)
|
تايسا
سلامات وكل عام وانتي بخير
حمدا لله على سلامة العودة
المنبر يفتقد حروفك, ولو كنت سواقة فأحسن طريقة للسواقة هنا هي طريقة سواقي بصات السيرة
(دوّر بي حبيبي دوّر بي)
يعني لفي هنا وما تطلعي ..
Quote:
كون من رشاقة وأمسيات
باقات أنيقة ملونة
ألحان طروبة ووشوشة
أنهار موسيقى ودندنة |
رفعتي معنوياتنا , مع انها متدنية جدا
تحياتي
أحـمـد
| |
|
|
|
|
|
|
|
|
|
Re: القيادة تحت تأثير .. المحبة (Re: أحمد الشايقي)
|
أحمد الشايقي ..
الله يسلمك , وكل سنة وأنت بألف خير
| Quote: فأحسن طريقة للسواقة هنا هي طريقة سواقي بصات السيرة |
مادام قلت كدا يا مولانا , حأفضل أدور بيكم
لغاية ما تغنوا لي :
سواقنا زينة وحالف مايدلينا
وإن شاءالله دايماً مبسوط ورايق ومعنوياتك فوق ..
| |
|
|
|
|
|
|
|
|
|
Re: القيادة تحت تأثير .. المحبة (Re: Soumeta)
|
عزة ..
وجه العام صبوح القسمات
منفرج الأسارير شلولخ
ولكنني يا حبيبة لا أعول على وجهه كثيراً
فلربما حمل لي بين جنباته
ما لا تنم عنه ملامحه كإنطباع أولي ..
عامي الجديد يا سوميتا سعيد ..
أن إستصحبت معي إليه صديقة مثلك ..
يا مـــــــــــــــــــــين
لي ولك ..
| |
|
|
|
|
|
|
|
|
 Re: القيادة تحت تأثير .. المحبة (Re: تيسير عووضة)
|
تيسير
كل سنة وانتي طيبة
| Quote: القيادة تحت تأثير .. المحبة |
بتكون أكثر روعة
بس عندي سؤال انتي تمبس دا مش قال ليك عايز يبقى كمساري؟
انتي لو ما عايزاهو كمساري قولي ليهو
براهو اليومين ديل مجهجة بي غياب معتصم عنو
ولا رفعتي ليهو القزاز واشارة لا تتحدث مع السائق
ولا السواق ما حدّاًث
| |
|
|
|
|
|
|
|
|
|
Re: القيادة تحت تأثير .. المحبة (Re: تيسير عووضة)
|
دقيقة تيسير خلوني اركب أنا معععععععععععاك
سجن سجن غرامه غرامة ،،،
Quote: بهدي الكلام دا للعام 2006 العزيز جداً على نفسي ..
واللي ما كنت ناوية أفارقو بأخوي وأخوك |
انا زيك كدة ،،،
تيسير العزيزة حمد لله على السلامة
افتقدناك كثيرا وكل سنة وانت طيبه
وربنا يحقق امانيك يا رب ،،،
| |
|
|
|
|
|
|
|
|
|
Re: القيادة تحت تأثير .. المحبة (Re: خالدة البدوي)
|
الاخت تيسير : كل عام وانت بخير
ياترى الاتجاه بتاعك بشارع الحرية ولا سجن كوبر
الاتجاه مهم جدا" للسواق والراكبين
ربنا يحقق امانيك وامانى الناس الفقدو الاتجاهات الاربعة وبالذات (شارع الحرية )
| |
|
|
|
|
|
|
|
|
|
Re: القيادة تحت تأثير .. المحبة (Re: خالدة البدوي)
|
خالدة العزيزة ..
الله يسلمك يا خالدة ..
وكل سنة وإنتي طيبة
وكل الأماني الحلوة ليك ..
نحن منتظرينك من قبيل عشان تجي تركبي معانا
مع إنك قلتي ما عايزة تفارقي 2006 زينا
يا ستي مرحب بيك
وتسلمي كتير ..
| |
|
|
|
|
|
|
| |
تيسير عووضة
لؤى
Adil Osman
طلال عفيفي
saadeldin abdelrahman
tmbis
Muna Khugali
نجوان
بهاء بكري
Soumeta
mohmmed said ahmed
Sahar Abdelrahman
انعام عبد الحفيظ
خالدة البدوي
بابكر عثمان مكي
فيس بوك
تويتر
انستقرام
يوتيوب
بنتيريست