Quote: وطيب منو الحي جيب لينا الغنا الراقي الجميل؟ تعرف البت الغناية النزلت ليها أغنية في الفترة الأخيرة البت أسمها (عافية ) ، تعرف يا تمبس، عافية دى اكتشاف حقيقي وقدرات سمحة وحضور مدهش.
Quote: وكنت زي الحاوي بالنسبة لنا ، تأتي لنا بالأغاني والتفانين وأسرار الكتابة بالخطوط والألوان فكنت زي طفل صغير بتابع حاجاتك وأتدردق معك من بوست إلى بوست عسى الله يذدني علما .. يا سلام يا تمبس عليك لمن كنت بتوفر لينا لقطات من قناة النيل الأزرق وغيرها وانا بعقلي الضعيف أقول والله الزول ده خطر عديل يجيب التلفزيون في الإنترنت ، وكنت بتوقع تجينا يوم وتقول لينا أفتحوا قناة السودان فنفاجأ ونلقى فيها سودانيز أون لاين ، مش قلت ليك حاوي .
أنا ما عندي كتير أقوله ، لكني بشهد إنك إنسان خلاق وموهوب وخفيف الدم ومهذب ؛ مغادرتك للمكان ده فيها خير وراحة بال ليك ، ومغادرتك للمكان ده فيها نكد ونقصان كوم لينا ..
تـحت الـغمام شـايف مـواكب الـهجرة اتـلاشت سراع ليه يـا عـصافير ليه الاسف مين علمك أسف الوداع وعارف دا ما اول سفر لبلاد بـعيدة بـدون مـتاع زى ما بتخافي مـن الرياح بنخاف كمان انحن الضياع ليه يا عصافير ليه الضنى صفقة جناحك احزنها
غـايـب الـسنين الـليله مالو غنا العصافير غـلبو طراهو زولا كان ولوف كم رضا خاطرو وطيبو سمع قليبو كـلام حـنين هـدهد مـشاعرو ودوبـو الـناس سعيدم فى الـحياة لا ضاق فراق لا جربو وانا حالى فى بعد الوطن دفـعنى ضي العين تمن
خليك جميل .. خليك أصيل .. خليك رائع .. خليك نبيل .. خليك .. ... كما أنت وكما عهدناك ..
تمبس ياخى تمشى وين!
مع خالص ودي وتقديري ،،،
فيصل محمد
03-30-2007, 02:43 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
وأتاري أنا أشوف ناس جني خاتين صورة تمبس قلت يا ربي علاء مالو؟؟ والآن عرفت ولكن لم أفهم سبب الرغبة في الإبتعاد.. طبعا هذه ليست أول مرة يبتعد تمبس.. أرجو أن يعود فهذا المنبر هو لكل السودانيين.. نتعلم ونعلم.. نبارك ونهني ونستمع ونطرب ونعزي ونتشاكل وبكرة نتصالح.. يا أخي سيدنا يوسف أخوانو رموهو في البير!!! وبعدين اكتشفوا أنهم أخطأوا..
03-30-2007, 02:56 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
Quote: وكنت زي الحاوي بالنسبة لنا ، تأتي لنا بالأغاني والتفانين وأسرار الكتابة بالخطوط والألوان فكنت زي طفل صغير بتابع حاجاتك وأتدردق معك من بوست إلى بوست عسى الله يذدني علما .. يا سلام يا تمبس عليك لمن كنت بتوفر لينا لقطات من قناة النيل الأزرق وغيرها وانا بعقلي الضعيف أقول والله الزول ده خطر عديل يجيب التلفزيون في الإنترنت ، وكنت بتوقع تجينا يوم وتقول لينا أفتحوا قناة السودان فنفاجأ ونلقى فيها سودانيز أون لاين ، مش قلت ليك حاوي .
أنا ما عندي كتير أقوله ، لكني بشهد إنك إنسان خلاق وموهوب وخفيف الدم ومهذب ؛ مغادرتك للمكان ده فيها خير وراحة بال ليك ، ومغادرتك للمكان ده فيها نكد ونقصان كوم لينا ..
طلال
و كنت و لا تزال صديقي و أخي الأصغر و حبيبي .. و كنت لتيسير هذه شوكة حوتها ولي كنت المتكأ حين داير أنجمّ و أروق .. و لكلنا كنت الرجل الذي نأنس إليه و نفتح مواجدنا , فيسمع و يفهم و يربت علينا ودودا أليفا ..
يا علاء .. بطّل العوارة .
03-30-2007, 03:07 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
تيسير..كيف حالك؟ دخلت البوست وانا قلبي يدق.. حسب تمبس اخطأ في حق شخص مما، وهو ما لم اعهده فيه كثيرا.. بس بعدما عرفت السبب، لم يبطل العجب..بل زاد.. ده اسمه كلام؟ تمشي وين يا تمبس؟ لا لا ما بنقدر نسيبك.. انت مطالب بالاعتذار المموسق على هذه الخلعة التي دخلت فينا..اما ان تقرر ان لا تكون بيننا تماما، فذلك ما لن نرضاه ابدا. لا نطالبك بالاعتذار فقط، او بالاعتذار اليومي فقط..ولكنني اطالبك بتبني نظام الورديات في الاعتذار.. وردية الصباح ووردية المساء ولمدة اسبوع.. ومتروك لكم تحديد نوع (العقاب) الذي حددتموه سلفا، (انشاء الله انغام دلوكة)، فقط على ان يشمل ذلك موسيقي الفنان الهادي الجبل، الشريط الاخير الذي هو يعلم من سلمه له.. تمبس.. كعب التريدو وكتين يكون عنك صارف وحار فراق الزول بعدما يوالف..
خلاص .. * حكمت المحكمة (غيابياً) على المتهم تمبس بالأشغال الموسيقية المؤبدة (مع النفاذ) وإن عدم حضور المتهم للمثول بين يدي العدالة في موعد أقصاه (72 ساعة) سيعرضه للملاحقة القانونية
رفعت (القعدة)
رئيس المحكمة : حليمة محمد عبد الرحمن القاضي في جميع المحاكم حقت الطرب
03-30-2007, 08:58 AM
نهال الطيب نهال الطيب
تاريخ التسجيل: 03-14-2007
مجموع المشاركات: 1606
وأبقى العاتي زي سنطتنا زي صبراً نلوك فوق مرّو زي الزاد لاشيتاًً نزل في الجوف ولابرجع ولا بنزاد وأركز للبجيبها الريح تقيف إنت ويشيلها الريح وأبقي العاتي والدرب الوراك مسدود و شيل شيلتك بقيت للنص لا حلماً بجيب البر ولا لو حدود وانبليتا أختا الرملة ما تقع البكان الهش هي الممطورة مابتبالي من الرش
وتسلمي عزيزتي نهال الطيب ..
03-30-2007, 03:17 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
شكــراً يا تيسيـر ... و تذكـر كمـان يا علاء مرة ثانية الإقتباس أدناه:
فما ذنب باشمهندس الأخ كمال حينما ذكر الكلام أدناه لما سألته أم وضاح:
Quote: طيب يا كمال العبارة الكاتبها من وراء العربية دى ما فهمتها يعنى شنو ؟؟ قال لى فى سودانيزاون لاين فى واحد اسمه تمبس عاجبنى شديد و بحبه شديد لوجه الله وبتفاءل بيه ما عارف ليه ؟؟ لأنه لو قريت ليه حاجات كتيرة فى يوم واحد طوالى تحصل لى حاجة حلوة , قلت ليه سبحان الله ,, قال لى اوريك تفتحيه كيف ؟؟ افتحيه واقرى لتمبس والله تتكيفى بشكل ,, قلت ليه تورينى شنو ؟؟؟ دا ما تمبسنا ذاتو ,, وعلى حس انى بعرف تمبس وزميلى فى المنبر حلف على بالعشاء الكان شايلوا ورجع يجيب عشاء تانى لناس امه ,,,, والسلام امانة ,,,,
يا تمبس المثل بقول عشان خاطر عين تكرم ألف عين ... و ما قام به الأخ كمال أعلاه مع أم وضاح دليل كافي ... فأنت ما دام قراء هذا البوست طلبوا منك البقاء فيجب عليك أن تكرمهم و تفتح صفحة جديدة .. و تأكد إذا كنت فعلاً مظلوم فإن الله سوف ينصرك بإذنه تعالى ... فيجب أن تكون هنا لكي تدافع عن حقك و ترفع الظلم عن نفسك و تثبت ذلك للكـل....
Quote: ملحوظة: الإعتذار يجب أن يكون في صورة (موسيقية) ترفع ضرر المتضررين ..
دة كـــلام صـاح يا تيسيــر...
03-30-2007, 04:31 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
تيسير عووضة
ودرملية
jini
الملك
-1.jpg)
معاوية الطيب
ثابت محمد
خالدة البدوي
Ibrahim Algrefwi
Yasir Elsharif
Emad Abdulla
حليمة محمد عبد الرحمن
نهال الطيب
Haytham Abdulaziz
lana mahdi
ماجدة عوض خوجلى
ASAAD IBRAHIM
على محمد على بشير
حسام يوسف
فيس بوك
تويتر
انستقرام
يوتيوب
بنتيريست