دعواتكم لزميلنا المفكر د.الباقر العفيف بالشفاء العاجل
|
|
 إسكان طالبات دارفور .. الداير معاي منو؟
|
فكرتي ببساطة شديدة هي محاولة إيجاد حل سريع للبنيات ديل
عايزين بيت بحالة جيدة يكون إيجارو الشهري معقول ونحاول نلم إيجار 3 شهور على الأقل ونسكن البنات ديل
أنا ما عندي أي تفاصيل حول كيف ولماذا تم إخلاء البيت الكانوا فيهو
لكن عايزة نشوف ليهم حل على وجه السرعة
بعد نضمن إنهم ناموا في البيت بعد داك نجي ندين ونشجب ونلعن الحكومة
الداير معاي منو؟
|
|
 
|
|
|
|
|
|
|
 Re: إسكان طالبات دارفور .. الداير معاي منو؟ (Re: saif massad ali)
|
عايزين نعرف عدد البنات ديل كم حتى لو بالتقريب
عايزين ناس يكونوا في السودان يقدروا يتعاونوا معانا لغاية ما الحكاية تتم
زول/ة يكون فوكال بوينت يستلم القروش المحولة في السودان في رقم حساب موحد
ناس يقدروا يجيبوا بيت بالمواصفات القلناها دي (الموضوع داير حبة جري) ويشرفوا على عملية الإسكان حتى النهاية
صلاح فقير وهاني وسيف مساعد ما بتقصروا
ياهن أخواتنا وما مشحودين عليهم ..
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: تيسير عووضة)
|
ما هو العنوان الحالي للطالبات ؟ أرغب بالذهاب هناك وإيجاد حلول عاجلة لهذه الليلة على الأقل وتوفير ما استطيع القيام به. لا أريد أن يبتن في الشارع هذه الليلة ..... ؟ وأرغب بتقديم كل ما استطيعه الآن وفي هذه اللحظة !!!!!
يا بورداب الخرطوم .... اقترح تحرك عاجل اليوم الجمعة للبدء بعلاج الأمر على الأرض ... ولن يبتن اليوم في الشارع بإذن الله عز وجل
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: زهير عثمان حمد)
|
الاخت صاحبة البوست وضيوفها الكرام .السلام عليكم ,
كيف الداير معاك منو ؟
ما دام عايشين في الدنيا دي ولا ميتين ذاته ما بنرضى لبنت ولا مرأة سودانية تتهان وتنذل لاي سبب ما ,مهما كان ,بغض النطر هي من وين ؟
المهم انها سودانية وفي محنة وكمان انتي اعلنتي على الملأ انه في بنات سودانيات في محنة او مشكلة .بتتوقعي مننا شنو ؟ما نحن ايضا لنا اخوات
وامهات وعمات وخالات ووووووووووو .واول دروس في الحياة تعلمناها من اهلنا ان نكفل ونرعى ونحمي بكل ما أوتينا من قوة ومادة اخواتنا وبناتنا,
لهن كل شئ وفي سبيل راحتهن يهن كل شئ ,,,فقط اعيب التمييز (طالبات دارفور) و في اعتقادي الصحيح طالبات سودانيات .,
يلا نورونا المطلوب شنو وكيفية وصول مساعداتنا لهن
تحياتي ويدوم الود
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: تيسير عووضة)
|
فتوحي وبشاري يديكم العافية ما بتقصروا ..
أخونا محجوب نمر تسلم
| Quote: فقط اعيب التمييز (طالبات دارفور) و في اعتقادي الصحيح طالبات سودانيات ., |
كلامك صحيح بدون شك لو كان الوضع طبيعي
لكن الحقيقة الماثلة أمامنا الآن إنو في طالبات من دارفور تحديداً وليس من دنقلا أو كسلا أو كوستي أو باقي أنحاء السودان يبتن في العراء
دا ما تمييز سلبي من جانبي بقدر ما هو تنبيه للحيف والظلم والمضايقات العنصريةالمستمرة الواقعة على أهل هذه الجزء من السودان
أي تعامي عن الحقيقة دي في ضرر الناس ديل أكتر وأكتر ..
| Quote: يلا نورونا المطلوب شنو وكيفية وصول مساعداتنا لهن |
تسلم وخليك متابع معانا البوست
أتمنى خلال 48 ساعة على الأكثر نكون إتوفقنا في مساعينا ..
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: تيسير عووضة)
|
Quote: عدد الطالبات 75 طالبة في منهن 35 حلوا مشكلتهم جزئياً (ذهبن لاقربائهن) ال40 البقية
لازلن في العراء .
مكان الداخلية الفتيحاب لذا و لابد و لازم يتم الايجار في الفتيحاب .
الايجار لابد أ يكون عمارة أو بيت كبير حتى يستطعن جميعً السكن فيه براحة .
إذا عمارة يتراوح الإيجار بين 3 مليون و 500 إلي 4 مليون .
إذا بيت كبير يتراوح الإيجار بين 2 مليون إلي 2 و 500.
هذه المعلومات و فرها لي صديق ذو صلة بهذا الموضوع و يتابع قضية الطالبات بشكل دقيق . |
تسلم يا سفيان ضراعك أخدر
كدا قطعنا شوط كبير ..
طيب عندنا حوالي 40 بنية
الدولار الليلة بي 4.4 جنيه
الألف دولار بتعمل زي 4,400,000.00 جنيه (أربعة مليون وأربعمية) لو ما غلطانة
يعني يا جماعة دايرين لينا ما بين 2500 لي 3000 دولار
يدكم معانا
ويا سفيان خليك قريب ..
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: Amani Al Ajab)
|
الهميمة أماني ..
تسلمي على التنوير والمتابعة والدعم
دايماً حاضرة ومابتقصري ..
Quote: إقتراح بحصر أسماء الأخوة والاخوات في السودان
الذين تحمسوا للفكرة ، هؤلاء توكل لهم مهمة إستلام
المبالغ في السودان عند تجميعها والبحث عن سكن مناسب .. |
ودا المفروض يحصل ,,
الأخوان المن السودان الدخلوا البوست هنا وكلهم قدموا خدماتهم ومجهودهم حتى الآن:
هاني عربي
وليد مبارك
سفيان نابري
أتمنى ما أكون نسيت زول
والمذكورين ديل ما بتوصوا
أها يا شباب نقول خير ؟؟
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: تيسير عووضة)
|
تيسير - اماني - هاني وبقية الاخوة
جعل الله مجهودكم في ميزان حسناتكم جميعا
اري ان نتذكر ان هذه المشكلة ليست وقتيه ولن تنتهي بثلاث اشهر وعليه اؤيد مقترحات الباقر | Quote: يفتح حساب لتلقي التبرعات ..نجمع تبرعات في كل بلد ونرسلها ..اعضاء المنبر بالعلصمة يتصلوا فورا بالطالبات ..ويقدموا ما يمكن من دعم حتى يصل دعمنا جميعا |
و اري انها فعاله وتستحق التنفيذ الفوري
نسأل الله التوفيق
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: Mohammed Haroun)
|
شكرا الاخت تيسير عووضة
طالبات دارفور اخواتنا وبناتنا
دعما لمبادرة الاخت تيسير عووضة وأعضاء منبر سودانيسونلاين
معاك وإلى الأمام.
100 دولار مني
واقترح تكوين لجنة بالخرطوم تضم الطالبات من دارفور ولو في أسماء يمكن إيضا إرسال المساهمات عن طريق western union لتصل بسرعة.
محمد علي
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: Amani Al Ajab)
|
Quote:
طيب عندنا حوالي 40 بنية
الدولار الليلة بي 4.4 جنيه
الألف دولار بتعمل زي 4,400,000.00 جنيه (أربعة مليون وأربعمية) لو ما غلطانة
يعني يا جماعة دايرين لينا ما بين 2500 لي 3000 دولار
يدكم معانا
|
تمام يا تيسير بس لو تلاحظي أنا قلته ال35 طالبة المشوا لي اهلم اقربائهم بالخرطوم
دا حل جزئيي و قطع شك اهلم و اقربائهم ديل كانوا موجودين و هن مستقرات في الدخلية
يعني حيرجعوا الداخلية لو لقوا سكن .
و التضريبات بتاعة العمارة ممكن تشيلهم كلهم بأذن الله .
يلا لي قدام
و بخصوص استلام المال اقترح أنو يترسل في رقم حساب و صاحب رقم الحساب (بالضرورة بوردابي
من جوة البلد) لما يكون ماشي يستلم يسوق معاهو نفرين لانو صراحة مسألة المال العام دي بقى
فيها قصص تحير الشيطان ذاتو و اهو تجاربنا من خلال المبر دا ورتنا الكتيييير و مافي داعي لسرد
الذكريات .
يلا لقدام .
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: محمد البشرى الخضر)
|
الاخت تيسير شكرا على الرد وتسلمي انت من كل شر انشاء الله
في مجال اخر نتناقش في مسألة التمييز دي الان ليس مجالها ,
جميل انه الاخوان اهم ماشاء الله حاضرين بكل شهامتهم ونخوتهم المعهودة ,
عندي اقتراح لو امكن , نسبة لعامل الزمن , ان يعمل الاخوان هاني وسفيان فريق مع بعض وان يعطونا رقم تلفون احدهم او الاثنين
وان يضعوا اسم احد منهم هنا (بالانجليزي )ضروري لكي يتم اليهم الارسال عن طريق الويسترن يونين او اي وسيلة ارسال سريعة
بالنسبة لتلفوناتهم ضرورية للمساهمين من داخل السودان (يعني زي حالتي انا والعياذ بالله من كلمة انا ,اسهل واسرع ان ارسل لهم شقيقي الاصغر ليسلمهم المبلغ
وهذه اراها اسرع بالنسبة لي ,ولحل مشكلة الطالبات وهو المهم .) ما رأيكم ؟ وان كان هنالك اقتراح اخر يجب علينا ان نسمعه ورأي الاخوان سفيان وهاني ايضا مهم
ودمتم بألف عافية
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: محجوب نمر)
|
تحيات طيبة
يا هاني ياخ اديني طريقة
الاقيك بيها !
يا تيسير طبعاً لو اتحلت مشكلة السكن البنات الطالبات 35 المشو لي اهلم و اقربائهم
قطع شك بيرجعن الداخلية و قطع شك العمارة القلتها ليكم دي بتشيلهم كلهم بأذن الله .
يلا لي قدام.
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: محمد البشرى الخضر)
|
وصف الداخلية:للذين يركبون المواصلات
مواصلات الفتيحاب الشقلة
النزول محطة الفردوس ومن المحطة تكون ماشي غرب بالشارع الكبير الفاصل بين مربعي 8 و13 ومنه يقابلك
مسجد على يدك الشمال وعلى يدك الشمال تلف جنوب بغرب المسجد
وانت متجه جنوب يقابلك على يدك الشمال روضة ماما حنية وامام باب الروضة تتجه غرب تشوف كل مستلزمات الطالبات في الشارع وهن يفترشن الارض
للتواصل
[email protected]
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: محمد البشرى الخضر)
|
انتظرت زول من ناس السعودية يدق صدرو ويتصدر للمسألة
ولما لم يتوفر شخص فسوف أعلن قيامي بهذه المهمة
أي زول يكتب مبلغ تبرعه هنا في هذا البوست (عشان الشفافية)
ثم يمكنه الاتصال بي على رقم الموبايل أدناه لأخذ رقم حسابي
في مصرف الراجحي أو عن طريق الماسنجر الداخلي
رقم جوالي هو : 0506409077
والله لا يضيع أجر من أحسن عملاً
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: امينة عيسى)
|
للتحويل إلى السودان:
0) رقم هاتفي هو 0900513000
1) كل زول يكتب هنا المبلغ الحيحولو وحأكتب برضو باستلامو عشان الحفاظ على الوضوح وإبراء الذمة.
2) للتحويل عن طريق شركات الصرافة : بالاسم: هاني عربي محمد عربي ورقم الهاتف 0900513000
3) للتحويل عن طريق وسترن يونيون أو عن طريق الوير ترانسفير: Hani Arabi Mohamed Arabi
4) للتحويل البنكي:
وربنا يقدرنا نلحق البنات السودانيات ديل بسرعة ونخليهم يبيتو بكرة في بيت جاهز يحفظ لهن كرامتهن وحقوقهن.
بنك أم درمان الوطني - فرع المقرن - الخرطوم
حساب رقم 219277
هاني عربي محمد
OMDURMAN NATIONAL BANK
MUGRAN BRANCH - KHARTOUM
ACC. 219277
HANI ARABI MOHAMED
\=\==\=\=\=\=\=\=\=\=\=\=\=\=
- استلام المبالغ سيكون بحضور سفيان بشير نابري ، وارجو أن يتطوع شخص ثالث من الخرطوم للحضور.
- سيتم الإعلان هنا في البوست عن كل مبلغ مستلم ووجه صرفه بالدقة إبراء للذمة وتوصيلاً للأمانة إلى أهلها.
- في حالة وجود فوائض سيتم استخدامها في سداد إيجارات أشهر إضافية مقدماً للطالبات.
تحياتي
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: Afraa Sanad)
|
سلام للاخت تيسير ولكل المتداخلين
انشالله ربنا يقدرنا على مساعدتهم واستقرارهم
من جانبى سوف اتواجد يوم غدا السبت امام الداخليه فى
الفتيحاب ، على حسب وصف الاخوان هانى و ذو اليد.
ويمكننى التنسيق مع الاخوان هانى وسفيان لمساعدتهم
ومعا من اجل ايقاف هذا العبث.
خالد عبدالحليم سعيد
0112820110
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: خالد عبد الحليم سعيد)
|
سلامات ربنا يخضر ضراعكم
مشكلة نوعية هذا السكن انه اليوم الما تدفع فيه الايجار بحصل اخلاء
ولذلك يجب ان يكون مشروع مفتوح موش حل وقتي و لذلك يجب البحث عن ناي
يدفعو شهريا ويتعهدوا بذلك لان قبل فترة حصلت نفس المشكلة والقروش ما ادفعت
وطردوهم وبرضو البنات نفسهم يدفعو مبلغ شهريا لدفع الفواتير والصيانة
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: Hani Arabi Mohamed)
|
$100 دولار أمريكي من طرفي
و املي كبير في ابناء السودان للقيام بالواجب
هنا في مدينة إدمنتون ، ولاية البرتا ، كندا
شكرا عميقا الأخت تيسير عووضة
شكرا كتيرا الأخت أماني العجب
شكرا جميلا أعضاء و عضوات سودانيز أونلاين الوطن
الحصل ده عار فوق جبين الإنسانية السودانية
ممكن زول يقنعني انو في ام درمان ده مافي إنسان عندو مساحة فاضية فيها يلم البنات ديل ليوم يومين ؟؟؟
يا الله يا الله يا الله
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: تيسير عووضة)
|
المبالغ المستلمة فعلياً حتى الآن:
1) ثلاثمائة جنيه سوداني (د. مصعب مكاوي) - مقيم بالمملكة العربية السعودية.
2) خمسمائة وتسعة واربعين جنيه سوداني (محمد علي عثمان - حوّل عبر الوسترن يونيون).
3) عشرة جنيهات سودانية (رصيد زين) (أحمد - أحد طلاب دارفور في الخرطوم).
وبانتظار المزيد - همتكم يا شباب
سأكون بعيداً من الانترنت خلال الساعات القادمة - في الموقع - برجاء إرسال أي تحديث أو أرقام حوالات على رقم الهاتف 00249900513000 كما يمكن لمن بداخل السودان أن يرسلو الرصيد عبر الهاتف.
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: Amani Al Ajab)
|
شكراً جزيلاً للجميع.
- أدعو بورداب الخرطوم للاجتماع اليوم مع صاحب المنزل لإيجاد حلول - الوقت المقترح للاجتماع بعد صلاة المغرب في اللاماب.
- بخصوص مبلغ 300 جنيه وارد من لندن إلى عمارة الفكي ، نعم، طلب مني أصحاب المكتب القدوم لاستلامه غداً صباحاً لأنّ مكتبهم أغلق مبكراً اليوم السبت.
- اطلب من البورداب العمل على تحويل كل ما يستطيعون تحويله خلال اليوم حتى تكون كل المبالغ متاحة صباح الغد ولا نتأخر على البنيات أكتر من كدا.
- نسعى الآن بكل اجتهاد لإيجاد منزل بديل أو نفس المنزل خلال أقرب لحظة ممكنة. وإسراعكم في التحويل يساهم جداً في ذلك.
شكراً لكم .
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: Hani Arabi Mohamed)
|
سلام شباب
تم اقتراح الذهاب لصاحب المنزل المساء و اقناعه لايجار المنزل لمده اقلاهاثلاثه او اربعه اشهر حسب امكانياتنا ، ابتداء من تاريخه ،،
ولقد تم اخطار كل من الاخ هانى عربى ،، ذو اليد سليمان ،، الاستاذ زهير ،،، و سوف يتم اخطار الاخ نابرى للانضمام الينا ،،، وشخصى.
وعلى بورداب الخرطوم ،، كل من له فسحه وقت نرجوه الانضمام الينا لمفاوضه سيد البيت و اقناعه.
سوف نتوجه اليه بمنزله الكائن بحى اللاماب بعد الاتصال به وسوف يكون ذلك بعد المغرب
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: خالد عبد الحليم سعيد)
|
سلامات يا أعزاء ..
عميق أسفي على التأخير
كنت برة البيت مدة طويلة يا الله ويا مين رجعت هسي
إنجاز كبير كونكم مشيتو بنفسكم ووقفتوا على الحالة الحاصلة
سعر البيت كويس وفمرة إعادة تأجيرو من سيدو دي كويسة جداً
بس أنا خايفة يقوم يشيل القروش ويعتبرا حق المتأخر ويدخل البنات في نفس المعمعة دي تاني بعد شوية
عارفاكم ما بتتوصوا لكن يا ريت يتكتب عقد إيجار ويتوثق عند محامي (المحامي موجود) ويتحدد فيهو المدة
الفات دا كلام تاني لكن المبلغ الإتلما دا يتم إستغلاله من من هنا ولي قدام
(معليش عارفاكم فطنتوا للقصة دي بس الذكرى تنفع)
ويا ود البشرى وقفت قدام المشين دايرة أضرب ليك عشان رقم الحساب طلعت ما شغالة
في رايك أحول السودان طوالي ولا افضل نلمها كلها وتمشي مرة واحدة (تقليلاً لرسوم الريمتنس) ؟؟
| |
|
|
|
|
|
|
|
|
|
Re: إسكان طالبات دارفور .. الداير معاي منو؟ (Re: تيسير عووضة)
|
| Quote: بس أنا خايفة يقوم يشيل القروش ويعتبرا حق المتأخر ويدخل البنات في نفس المعمعة دي تاني بعد شوية |
هذا ما جال بخاطري ولكنني أثرت الصمت
سيتصل شقيقي بالأخ هاني
وربنا يفرج علي اخواتنا
تيسير
أرجو بعد حل هذه المعضلة ان تفتحي
بوست لاستكمال الموضوع وذلك بتشخيص
موقف حكومة السجم والرماد
وأظنك مستعدة لذلك
القبعات عالية لك
______
الحليلة
| |
|
|
|
|
|
|
| |
تيسير عووضة
Hani Arabi Mohamed
saif massad ali
الزنجي
زهير عثمان حمد
محمد ادم الحسن
Elbagir Osman
Mohamed Foto7li
الامين موسى البشاري
سفيان بشير نابرى
Amani Al Ajab
ذواليد سليمان مصطفى
احمد محمد بشير
Mohammed Haroun
محمد البشرى الخضر
طارق ضياء الدين
محمد مصطفي مجذوب
محمد علي عثمان
Mahmoud Mustafa Mahmoud
اسامه خليفه
Afraa Sanad
Ashraf el-Halabi
امينة عيسى
M A Muhagir
Haytham Mansour
خالد عبد الحليم سعيد
Nagat Sid Ahmed Elshiekh
عبدالكريم عبدالله
Abdlaziz Eisa
العوض المسلمي
Adil Osman
elhilayla
فيس بوك
تويتر
انستقرام
يوتيوب
بنتيريست