|
دعواتكم لزميلنا المفكر د.الباقر العفيف بالشفاء العاجل
|
|
 Re: أهل البكا غفروا والجيران كفروا .. يو كيدنق؟ (Re: تيسير عووضة)
|
قولي واحد يا تايسا 
قسما بالله لن نخذلك يا سيدي الرئيس ....
بمناسبة البكا دي هاك القصة دي
كان عندنا جارتنا زولة طيبة شديد والحلة كلها بتحبها
كان عندها سبعة بنات وربنا ما قسم ليها ولد
وعشان كدا كنا كلنا أولادها
المرا دي فجأة كدا ماتت الله يرحمها
المهم ساعة طلوع الجنازة يلا بناتها السبعة كلهم وعيالهم
طلعن يبكن وكانن قاعدين يقولن:
الليلة وين يا أمي
فايته مخليانه لمنو
الليلة وووووووب علينا
اثنين من بناتها زودن العيار حبتين كانن قاعدات يقولن:
الليلة يا امي مشيتي وين
وخلتينا لمنو يا يما
يا يما سوقينا معاك
يا يما عليك الله سوقينا معاك
عندنا مرا كبيرة لازمة وماسكه عصايتها وحكيمة في نفس الوقت
زعلتها الحكاية دي وقالت ليهن:
هوي يا بنات كفاكن بكا وادخلن لا جوااااااااا
هسي كان قالت ليكن تعالن معاي ما بتجن
الكضب الكبار دا أحسن تخلنوا
والله صحي ( )
اها دا حال الجماعة ديل هســي الجماعة ديل البشير كان قال ليهم
تعالوا معاي لاهاي ... باقي ليكـ بمشوا معاهو
تحياتي
| |
 
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: عبدالوهاب علي الحاج)
|
| Quote: نسى السيد عمر البشير ، أن بطانته الفاسدة من حوله هي بطانة سوء على استعداد لبيع عرضها و شرفها لمن يدفع اكثر..و طالما النظام الآن لا يملك ما يدفعه لأهل الفساد.. فهم أول من يعجل بسقوطه شاء البشير أم لم يشاء |
محمد النور كبر في بوسته القريب: إلى أين تتجه الثورة..
وكان دا حال البطانة القريبة منه.. فمن باب أولى الجماعة المستهبلين ساكت.
| |
|
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: الامين موسى البشاري)
|
Quote: اها دا حال الجماعة ديل هســي الجماعة ديل البشير كان قال ليهم
تعالوا معاي لاهاي ... باقي ليكـ بمشوا معاهو |
لاهاي البعيدة دي؟
يا بشاري الناس ديل من هسي نزلوا قبل ما البص يتحرك زاتو
ـــــــــــ
برضو زي قصة المرة ولدها عيان عيا موت تقوم تقول ليهو إن شالله أنا بدلك .. الموت يسوقني أنا وتعيش إنتا
جارهم بالحيطة سامع الكلام لما الضلام دا مشى إتمسح بالدقيق وإتلفح بي توب أبيض وجاها ليك يا فلانة أنا ملك الموت جيت أمسك روحك
قالت ليهو ماسك روحي مالك أنا شدييييدة ياهو داك العيان امشي عليهو
| |
|
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: وليد محمد المبارك)
|
| Quote: أكون يا ربي عاكسة الشارع؟ |
مباااااااااااااااااااااااااااالغة يا تيسير
غايتو العبارة دي بتعادل كل البوستات
إنتي ما بتكوني عكستي الشارع
لكن الحركة بيكونوا غيروا إتجاها
وزي ما قال واحد هنا - خير اللهم أجعله خير -
دا أكيد بيكون منام
شوفي ليك واحدة جنبك تديك قرصة يمكن تصحي من النوم
أنا غايتو لحد الآن ما متأكد
القهوة إندفقت في دي وعرفت إني صاحي
وقد يكون ما زال حلماً
| |
|
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: Asim Fageary)
|
دا بوست تحفة يا تايسا
واحد من إبداعاتك النضالية في إطار الثورة .. وكدا,
المهم الواحد بعد كدا منبر بكري دا إلا يعمل ليهو علامة
كل ما أدخل هنا أفتكر نفسي رايح .. ههههههه
رغم المعاناة دي كلها المنبر بقى شكله (حلمنتيشي) .. الناس دي حوّصـت ولا شنو ؟
أحمد الشايقي
| |
|
|
|
|
|
|
|
|
 Re: أهل البكا غفروا والجيران كفروا .. يو كيدنق؟ (Re: أحمد الشايقي)
|
يا مولانا كان كدا إنت ما شفت الإبداعات النضالية الجد جد في إطار الثورة
عندك مثلاً إبداعات في إطار الثورة بالنص
وديل البخشوا الإستاد ولغاية نص المباراة ما عارفين يشجعوا ياتو فريق
وفي النهاية هم مع الغالب ..
وفي إطار الثورة بالشنقيطي
ديل ناس قام من نومو وما لقى كومو ..
وفي إطار الثورة بالوادي
والنوع الأخير دا تحديداً بتاع ناس أضانك وينا
يوديك بي راس الرجاء الصالح
الناس اليغيبوا ويجيبوا !!
| |
|
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: حبيب نورة)
|
| Quote: جيت داخلة البورد الليلة قريت لي كم عنوان على كم مداخلة الكنت بشوفوا زمان باليمين هسي بقى بالشمال |
امشي اعملي كشف لعويناتك يابت امي قبل ماتطور الحاله وتستعصي
وبكره تجي تقولينااانا شفت ناس اليمين في المظاهرات
هيهي هيهي ياختي كلنا راسنا دايش
يعني كلو جايز
| |
|
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: abas)
|
تاي سير، سير سير يا تيسير.
| Quote: أسياد الوجعة الجد ماشين كدر ليهم سنين .. |
صدقتي يا تايسا ، يعني ما في زول هنا في البـكان ده سيد وجعة ، صاح ، واللا مو غلط؟؟
في شنو يا جماعة؟؟
وليد (أمين السر) والسادة الأعضاء أبوحسين وأبوحتوت ، يا تفهمونا ، يا تنزلونا..
يا النبي ( نوح ).
| |
|
|
|
|
|
|
|
|
 Re: أهل البكا غفروا والجيران كفروا .. يو كيدنق؟ (Re: خضر حسين خليل)
|
يا بشاري
كدي خليني انا ،انا ماسورة الليلة ولا امبارح
مداخلة تيسير دي، مالك ما شفتها ؟| Quote: 180 درجة ياخ معقولة |
إنت قايل المقصود بيها منو ؟
غايتو لو فكرة البوست برضو ما وقعت ليك حأضطر في الحالة دي
أشرح ليك شرح كامل بالمتون والحواشي أسوي شنو يعني ؟
__________
ومعليش للخلط غير المقصود في الاسم
| |
|
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: عبدالوهاب علي الحاج)
|
Quote: غايتو لو فكرة البوست برضو ما وقعت ليك حأضطر في الحالة دي
أشرح ليك شرح كامل بالمتون والحواشي أسوي شنو يعني ؟ |
وجاي على نفسك كدا ليه
لكن اظنكـ من النوع البفتش على كلمة مباشر
قبال يشوف الكورة
شكلو كدا الحبوب ما بتنفع معاك
ولا يهمك المرة الجاية بنديك ليها محلوله بالدرب
عشان نقصر ليك المسافة وكدا
| |
|
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: Salah Abdulla)
|
صلاح يا أصلي ..
ممكن ما يكونوا الهنا أسياد وجعة لكنهم كانوا عاصرين الفراش معاهم
في الوكت اللي فيهو الجيران ديل زاتم زمان كانوا قاعدين يقولوا ليك المرحوم ما مات وشهادة الوفاة مضروبة
دا غير البيجوا يقولوا السجلات بتاعتنا قالت ما في زول زاتو بالإسم دا 
أنا غايتو لا عندي شغلة هنا بي سفينة (نوح) لا بي تايتانك
ولا واقفة حارسة باب شريف
لكن مندهشة خالس في حركات الحربويات دي ..
أها إندهاش الله والرسول دا كمان شابين لينا في حلقنا فيهو؟
| |
|
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: تيسير عووضة)
|
يا تيسير
سلام
في كردفانية قاعدة في صفحتي بي هنا مقاسماني اللاب توب حقي واللاب توب حقها قاعد في الكمودينو الجنبها في آمان ربو يعاين لي وليها . الكردفانية دي قالت لي ( الله يكفينا شر القواله ) قول لي تيسير صدقت و نحن ناس كردفان كمان بنقول اهل الوجعة متصبرين والجيران متغبرين .
النصيحة من الشايفنو مافي زولا صابر .. حتي صابر نط من بنك السودان واتخارج لمن لقي الحكاية ما ماشه لي قدام ...واحنا ناس تاكل عيش ديل الغبرة والعبرة كاتلاتننا
عموما الجماعة المقصودين بالمكتوب ما يقعدو يبطبطو ساكت ...الزارعا الله تقوم في شارع الظلط
| |
|
|
|
|
|
|
|
|
|
Re: أهل البكا غفروا والجيران كفروا .. يو كيدنق؟ (Re: طارق عبد اللطيف نقد)
|
سلامات يا خضروف وبركة فى الشوفة..Quote: والله يا تيسير أنا أمس قلت لي أيمن الطيب
كم لبثنا |
أنا تحت تأثير عدة صدمات ونوبات من الضحك الهستيرى,,
بكرى لحقو!! بكرى شكلو كدا حننو حنان شديدالواحد جاطو راس والله...
يا اخوانا فى الملمات حقو الناس تتجاوز عن قصة اهل البكا دى ونعمل ميتين,,!! (هيهيهيهيهيهيهي)
قالو أدروب ساكن ليهو جنب حناكيش بارتيهاتهم مدورة ألف ويوم واحد ما قالو
ليهو يا جارنا الليلة بالليل معانا,وهو قاعد قدام بيتو كشيف تقيل,,
بعد كم شهر من دا الحال باللليل كوركو ليهو بالحيطة,, يا عم أدروب أبونا مات
شيل العدة وشوف معاك نفر نفرين وعليك الله المقابر,,
وحاتك أدروب ما رفع راسو ورجعا ليهم بالحيطة زاااتا!!
ههييييييييييييع..
ساعة الجدا وجنى الجداد والحمام والكتوت والببسى والجكس والمرندا أدروب ما تشوفو!!
ساعة الهنبوكة بتاعكم دى نفست تقول أدروب أمشى المقابر؟؟؟؟
جيبو الجماعة البجو يهججوا كل يوم للصباح دا خلى مقابر يودى..
وما تنسو شيلو معاك بيبسى..
يا مأفنيييييييييين.
| |
|
|
|
|
|
|
| |
تيسير عووضة
خدر
محمد البشرى الخضر
Abdlaziz Eisa
الامين موسى البشاري
ABUHUSSEIN
عبدالوهاب علي الحاج
أيمن الطيب
Asim Fageary
حبيب نورة
mona altom
Soumeta
abas
خضر حسين خليل
محمد مصطفي مجذوب
طارق عبد اللطيف نقد
Ashraf el-Halabi
فيس بوك
تويتر
انستقرام
يوتيوب
بنتيريست