السبت 10 ديسمبر وقفة امام السفارة السودانية بمناسبة اليوم العالمي لحقوق الانسان
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-10-2016, 05:10 AM الصفحة الرئيسية

مكتبة تيسير عووضة(تيسير عووضة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أنضف الكمونية (للنساء فقط) ..

07-16-2007, 12:59 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

أنضف الكمونية (للنساء فقط) ..

    أحش الرجلة
    أورق الخدرة
    أقمع البامية
    أفلفل الرز
    أبرم الكفنة
    أعوس الكسرة
    أفرك السلج
    أرمي القراصة
    أصوط العصيدة
    أكتل البصلة
    أشر الشرموط
    أدق الويكة
    أقلي البن
    ألقم الشاي
    أمرر العجين
    أقطع الخبيز
    أفتح الفطير
    أقرقر المحشي
    أبوخ اللحمة (حقت المحشي)
    أقدح التوم
    أبل الآبري
    أشد البليلة




    كلام نسوان في التكل

    خليت أي شي وقبّلت على المطبخ والكلمات التراثية
    و المستعملة لغاية هسة
    لاحظوا الأفعال المستخدمة فوق دي ..
    الموضوع دا ما ساهل
    يعني مثلاً ..
    شنو البيخلي الآبري وهو ناشف إسمو آبري
    وبعد يتبلا يبقى حلومر !
    وشنو البيخلي الخدرة (الملوخية) مُشكة
    وشنو البيخليها لايوقة


    النسوان ديل جابوا الكلام دا من وين ؟؟



    ملحوظة
    الموضوع دا مهتم بالرصد اللفظي واللغوي أكتر من المهارات المطبخية
    لكن مافي مانع لو كل واحدة أدتنا وصفة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:12 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    Quote: الموضوع دا مهتم بالرصد اللفظي واللغوي



    تيسير ياصديقة...

    الموضوع اكيد مهتم بالبنية التحتية اللى افرزت اللفظى واللغوى، تقسيم الادوار ياتيسير...{ حسع الكلام ده الجابو شنو... حالة صعبة}

    الطبيخ
    الغسيل
    المكوة
    الحنة
    الدخان
    الطهور
    العرس
    الولادة
    التربية
    مزازة العيال
    تانى شنو...

    يازولة سلامات كتيرة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:23 PM

Amira Elsheikh
<aAmira Elsheikh
تاريخ التسجيل: 06-16-2007
مجموع المشاركات: 9258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Ishraga Mustafa)
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:27 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Amira Elsheikh)

    أدردم الكلكاب
    أهبّ الكانون
    أكوجن الآبري
    تيسير مشتاقون
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:46 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    لنا الحبيبة ..

    ياخ بالغتي كلكاب شنو يا لنا




    Quote: أكوجن الآبري

    أرش الزرّيعة ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:51 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    Quote: لنا الحبيبة ..

    ياخ بالغتي كلكاب شنو يا لنا

    تيسير
    كلكاب العجين المر حق العصيدة و دة براءة اختراعه للاغتراب و السفر يا حبيبة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 05:54 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    Quote: تيسير
    كلكاب العجين المر حق العصيدة
    و دة براءة اختراعه للاغتراب و السفر يا حبيبة

    يا لنا ..
    كلكاب دا ما ياهو الخمار الناشف ؟
    ولا يكون اللخوخة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 06:57 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    Quote:
    Quote: Quote: تيسير
    كلكاب العجين المر حق العصيدة
    و دة براءة اختراعه للاغتراب و السفر يا حبيبة
    يا لنا ..
    كلكاب دا ما ياهو الخمار الناشف ؟
    ولا يكون اللخوخة

    تيسير الحبيبة بالله ما تلخبطي كاتيقوري مع كاتيقوري، الكلكاب دة دقيق الضُرة بيلخبتوهو بي حبة موية ويعملو منو عجينة تقيلة، اها يقومو يدردموهو كور صغيرة ينشفوها في الشمش، أها و يلموهو في أكياس قماش نضيفة و بعملو بيهو العصيدة، ياخي إنتي عارفاهو ما ياهو الخمار الناشف ياخي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:33 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Amira Elsheikh)

    Quote: أقلي البن...أقلي البن


    وحتي الشرا




    سلام للحلوين كلهم
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:45 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Rawia)

    Quote: أمرر العجين


    العجين شغلانته شغلانة


    اعجن العجين
    امدد العجين*
    امرر العجن
    وافطر العجين
    واكوجن العجين
    __________________
    *
    المديدة بتتعمل في حالتين للعجين الحالة الاولى لعواسة الابري الابيض والتانية اذا كان نوع الدقيق ماجيد وبيطلع كسرة ناشفة بيعملوا ليهو مديدة وهي تسوية جزء منه في النار وانتظاره الى ان يبرد لاضافته للبقية
    *افطر العجين او جعله فطير هي عكس تمريره وبالمناسبة انا بعرف افطر العجين لكن امرره دي مهارات قاسيه علي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 03:01 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Rawia)

    يا راوية ..
    Quote: المديدة بتتعمل في حالتين للعجين الحالة الاولى لعواسة الابري الابيض
    والتانية اذا كان نوع الدقيق ماجيد وبيطلع كسرة ناشفة
    بيعملوا ليهو مديدة وهي تسوية جزء منه في النار
    وانتظاره الى ان يبرد لاضافته للبقية

    قررت تمديد عجينتي هنا

    Quote: افطر العجين او جعله فطير هي عكس تمريره وبالمناسبة انا بعرف افطر العجين
    لكن امرره دي مهارات قاسيه علي

    فطير العجين دا ما في أسهل منو (تردمي الدقيق بس)
    وبالنسبة للتمرير بكل بساطة ..
    يكون عندك (خمّار) ناشف ولا لين وتزيدي عليهو دقيق وموية وتغطيهو في مكان دافئ
    وتخليهو مسافة زمن ..
    تجي تضوقيهو لو طلع (مر) زيادة تقومي تفطريهو تاني .. بس
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:49 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Rawia)

    راوية العسل ..
    Quote: Quote: أقلي البن...أقلي البن



    وحتي الشرا


    جنك ربّة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:36 PM

Amira Elsheikh
<aAmira Elsheikh
تاريخ التسجيل: 06-16-2007
مجموع المشاركات: 9258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Amira Elsheikh)

    Quote: (للنساء فقط)


    لييييه؟؟


    Quote:
    وشنو البيخلي الخدرة (الملوخية) مُشكة
    وشنو البيخليها لايوقة




    لما تغلى كتيييييييييير فى النار بتبقى مشكة.


    اسلق المكرونة..

    اخلط الطماطم...

    انضف الخدار..

    اخم الفحم...

    اجلى العدة..

    اغسل الازيار..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:40 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Amira Elsheikh)

    أميرة الحبيبة
    Quote: اغسل الازيار..

    وبعد فترة لازم: أكرُت الأزيار

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 03:28 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    أميرة و لنا ..
    Quote: أكرُت الأزيار

    بإستعمال قطعة من (الحيمور)
    يبقى زير نضيف وظريف و مويتو باردة ..
    زير (وايت ويستنكهاوس)
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 03:19 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Amira Elsheikh)

    أميرة العزيزة ..

    Quote: (للنساء فقط)

    Quote: لييييه؟؟


    عشان إنتو بس الحا تفهموني

    منو غيرنا بيعمل اللست دي
    وبيستخدم مفرداتا ؟


    وبرضو ..

    أحلب الغنم
    أفور اللبن
    أقنن اللبن (حق الشاي) ..

    Quote: لما تغلى كتيييييييييير فى النار بتبقى مشكة.

    أنا قصدي كلمة (مشكة) دي ذاتا جات كيف ؟

    ودمتي يا حبيبة ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 03:34 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

أصرّ الغنماية (Re: تيسير عووضة)

    Quote: أحلب الغنم
    أفور اللبن
    أقنن اللبن (حق الشاي) ..

    يا تيسير الحبوبة
    في مصطلح أتحداكم تعرفوهو:
    أصرّ الغنماية

    وحسك عينك تستعيني بي صديق
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 12:05 PM

Amira Elsheikh
<aAmira Elsheikh
تاريخ التسجيل: 06-16-2007
مجموع المشاركات: 9258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أصرّ الغنماية (Re: lana mahdi)

    Quote: في مصطلح أتحداكم تعرفوهو:
    أصرّ الغنماية


    تتحدى منو ياختى..

    احتمال ناس تيسير واشراقة؟؟

    انا بوريك الصرار كيف.؟؟

    اولا الغنامية لمن تكون والدة ونكون ماعاوزين السخيلات بتاعنها يكملو اللبن كلو..

    بنقوم نصرها..

    اها نصرها كيف..؟؟

    الخطوة الاولى.. نجيب البعر بتاعه( اوعى تسالونى بعر يعنى شنو)ولازم يكون لين شوية..

    ونعجن البعر كويس .. ونجين شريط طويل ( طول 150 سنتمتر وعرض 5 سنتمتر تقريبا)

    ونضع البعر اللين على الشريط ... اها وبعدين نلف بيهو شطر الغنامية..كدا بنضمن

    انو السيخلات ما يرضوعها ... لمن نفك الشريط..

    اها رايكم شنو..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:39 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Ishraga Mustafa)

    إشراقة صحبتي ..

    Quote: الموضوع اكيد مهتم بالبنية التحتية اللى افرزت اللفظى واللغوى، تقسيم الادوار ياتيسير...{ حسع الكلام ده الجابو شنو... حالة صعبة}

    دا الأنا قصدتو بالضبط ..
    هسي لو سألتي أي راجل تلقيهو نص الكلمات دي ما عارف معناها
    ولا وين بتتختا, لأنو ما بيستعملها أصلاً (حتى لو كان مهنتو طباخ)
    يعني ممكن نقول إنها لغة (نسوية) حصرياً
    بالإضافة لمسألة تقسيم الأدوار زي ما إتفضلتي
    الأدوار البتقوم بيها المرأة تلقائياً بيتوجد ليها (المفردات ) الخاصة بيها
    وما في داعي أمسك ليك اللستة بتاعتك دي وأرصد مفرداتا واحدة واحدة

    وتسلمي يا حبيبة ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 04:42 PM

مرتضى الصادق

تاريخ التسجيل: 11-14-2006
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    هسي لو سألتي أي راجل تلقيهو نص الكلمات دي ما عارف معناها


    معليش انا تلبت ساكت لكن انا بعرفو واحد اسمو(ابو)اصلو غير المطبخ والكش ما بعرف حاجة


    انتى اسى ما بتعرف تتضفرى الكمونية ذيو.... بضفرة ذى شعيرات الحبشيات
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 05:21 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: مرتضى الصادق)

    يا مرتضى الصادق ..
    (أبو) دا حتى لو ما بيعرف غير المطبخ والكنش
    برضو ما أظن بيستعمل نفس الكلمات دي وإلا تبقى مصيبة ..
    يعني أبو دا بيقول أنا قاعد أقمع في بامية ؟


    Quote: انتى اسى ما بتعرف تتضفرى الكمونية ذيو.... بضفرة ذى شعيرات الحبشيات

    صحي رباطابي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:35 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    أضفّّر المصران
    أدق البفتيك
    أختّ الغدا
    ألخّ العجين عشان تيسير ترمي اللقيمات

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:44 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    Quote:
    اسلق المكرونة..

    اخلط الطماطم...

    انضف الخدار..

    اخم الفحم...

    اجلى العدة..

    اغسل الازيار..


    وده كلو غير مدفوع الاجر، يعنى لو طالبت المرأة السودانية بان يكون عملها المنزلى مدفوع الاجر حاتكون مروقة عديل كدى... بس المشكلة تدق بيهو دهب، مالو مابرضو اسمو احفظ مالك..

    تيسير، لنا، اميرة، راوية... بتاكلن كمونية؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 04:12 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Ishraga Mustafa)

    Quote: وده كلو غير مدفوع الاجر، يعنى لو طالبت المرأة السودانية بان يكون
    عملها المنزلى مدفوع الاجر حاتكون مروقة عديل كدى... بس المشكلة
    تدق بيهو دهب، مالو مابرضو اسمو احفظ مالك..

    إشراقة ودا كلو + الأوفرتايم وبدل طبيعة عمل برضو غير مدفوع الأجر
    وبعد دا يقولوا ليك جنهن عدة وملايات
    برضو جينا للبيت وطلباتو ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 12:19 PM

Amira Elsheikh
<aAmira Elsheikh
تاريخ التسجيل: 06-16-2007
مجموع المشاركات: 9258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Ishraga Mustafa)

    Quote: تيسير، لنا، اميرة، راوية... بتاكلن كمونية؟


    بناكل كمونية وبنضفها وبنسويها ..

    بس على شرط يا اشراقة الرجال ديل ما يشيلو وش الملاح( الغرفة الاولى يعنى)


    سؤال..

    بتعرفو ديل... (ابونغازى والاتى..)
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 03:39 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    Quote: أضفّّر المصران


    أنفخ الفشفاش
    أقلب الكرشة
    وبرضو ..
    أكشط الكرشة (يعني كرشة سكراتش)

    Quote: ألخّ العجين عشان تيسير ترمي اللقيمات

    أزبط الشاي
    عشان نشربوا باللقيمات ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:40 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)


    اكوجن اللحمة
    ألايق الارييق



    محبتي الاكيدة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:43 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

طارق اتخارج من التكل دة (Re: طارق جبريل)

    Quote: اكوجن اللحمة
    ألايق الارييق



    محبتي الاكيدة

    الشكية لي الله
    طارق اتخارج من التُكُل دة
    خلينا (نقضي) خدمتنا سريع
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:47 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: lana mahdi)

    Quote: التُكُل



    لنوية ياصديقتى...

    العلاقة شنو بين التكل والكتل
    بين ضفر المصران والمصران العصبى؟

    مشتاقووووون يالنا

    تيسير انتى بجيبى الكمونية دى من ووين يابت؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:52 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: Ishraga Mustafa)

    Quote:
    Quote: Quote: التُكُل




    لنوية ياصديقتى...

    العلاقة شنو بين التكل والكتل
    بين ضفر المصران والمصران العصبى؟

    مشتاقووووون يالنا

    شروقة مشتاقوووون بالاكتر و الله
    العلاقة بين التكل و الكتل إنو الإتنين حتميين لا فكاك!
    أما العلاقة بين ضفر المصران و المصران العصبي فهي (اللوّاية)
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:55 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: lana mahdi)

    Quote: (اللوّاية)




    ماعندك عطرون؟
    اعمليو بالحلبة ورسلى لى منو، عندى جنس لواية روح



    تيسير يا تجى لملحاتك دى وكمونيتك القربت تحرق ولا بنواصل ونستنا، اصلى مشتاقة ليكن
    انشاءالله فى ضل التكل
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:06 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: Ishraga Mustafa)

    Quote:
    Quote: Quote: (اللوّاية)





    ماعندك عطرون؟
    اعمليو بالحلبة ورسلى لى منو، عندى جنس لواية روح

    بري
    سفّيت حلبة حبْ ساكت

    برغم إنو حبوبة جابت لي شيح و حزا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 04:41 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: lana mahdi)

    Quote: بري
    سفّيت حلبة حبْ ساكت

    حاجة لنا ..
    إسمها حلبة حصا

    بعدين ليك ولي إشراقة اللواية دواها (الجردقة) ..
    وسلامتكن من اللواية حبيباتي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 04:37 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: Ishraga Mustafa)

    Quote: تيسير يا تجى لملحاتك دى وكمونيتك القربت تحرق ولا بنواصل ونستنا، اصلى مشتاقة ليكن
    انشاءالله فى ضل التكل

    أها يا إشراقة ..
    جبت الشرغرغ
    والكانون
    عشان نشرب لينا جبَنَة في ضل التكل دا ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 04:32 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: Ishraga Mustafa)

    Quote: العلاقة شنو بين التكل والكتل

    غايتو التُكل من الإتكالية
    والكتل من كترة الإتكالية



    Quote: تيسير انتى بجيبى الكمونية دى من ووين يابت؟

    الكمونية دي رمز يا إشراقة
    رمز عديل ..
    لأي شئ
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:54 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: lana mahdi)


    Quote: الشكية لي الله
    طارق اتخارج من التُكُل دة
    خلينا (نقضي) خدمتنا سريع


    لنا كيفنك
    نسوي شنو الغربة (هردتنا) زي اللحمة لم تخليها في البريستو فترة طويلة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 03:08 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: طارق جبريل)

    Quote:
    Quote: Quote: الشكية لي الله
    طارق اتخارج من التُكُل دة
    خلينا (نقضي) خدمتنا سريع


    لنا كيفنك
    نسوي شنو الغربة (هردتنا) زي اللحمة لم تخليها في البريستو فترة طويلة

    أنا طيبة يا بوي
    عشان كدي قالو نجضو اللحمة في الصاج

    هسة لو هني في حبوبة كانت قالت ليك يا وليدي شيل ليك حجر
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:55 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: lana mahdi)

    Quote: تيسير، لنا، اميرة، راوية... بتاكلن كمونية؟

    بموووووووووووووووت عديل في الكمونية يا اشراقة(بحب لمتنا معاك في بوست ياشروق)
    وجني وجن نضافة النسوان الزايدة ليها لما يقطعوها الطعم والنغم
    لازم تبقى بي ريحة عصارة البطن والانزيمات كلها
    ____________________________-
    زعلانة لاني رجعت من الاجازة قبل ما اكل كمونية بتاعت خروف كانت في فريزر امي لاسباب خارجة عن ارادتي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:00 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: Rawia)

    راوية البنحبها وبتحب الكمونية....

    غايتو زمان اكلت جنس كمونية
    وكترة ام فتيت
    لمن بقيت احلم بالمصارين والفشفاش الاحمر

    اها باين على عاوزة ابقى نباتية...
    بحب الخضار ياراوية...

    وكيف كانت الاجازة، انشاءالله تكونى اكلتى فسيخ، ملوحة واكلات تانية مشتهياها زى ملاح الويكاب ولا ملاح لبن...والشوق بحر ياراوية يالذيذة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:28 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: Ishraga Mustafa)

    Quote: بحب الخضار ياراوية


    شفتي يا شروق انا لما اكون مضطرة اعمل رجيم واكل خضار... اليوم القبل الرجيم بالليل ببكي عديل

    مــــــابريد الخضار اصله
    وبحس اني من ذوات الاربع لما اكل سلطة بس
    لكن اليومين ديل بيعملوا لينا سلطة منقة ختيييرة في البوفيه
    وكمان بحب سلطة الافكادو

    الاجازة ضاعت علي يا اشراقة لاني عملت فيها عملية بعيد عنك وعن السامعين وكانت في الريسبايروتري سيستم واتمنعت من الاكل زي خمسة يوم وبعد داك لازم نوع اكل محدد اسكتي بس
    _________________
    كسرة يا لنا
    قايلانا دناقلة
    ________________________
    تيسير صاحبة البوست انا حا انزل بوست اسمه كيف تغيير مسار بوست
    او كيف (تفتل) بوست بالجنبة

    (عدل بواسطة Rawia on 07-16-2007, 02:35 PM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 04:48 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: Rawia)

    Quote: تيسير صاحبة البوست انا حا انزل بوست اسمه كيف تغيير مسار بوست
    او كيف (تفتل) بوست بالجنبة

    رواية ..
    هسي لمتكن دي براها ما بالدنيا
    ما يتفتل البوست

    أشربي جبنتك دي خلى الكلام ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 09:24 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

الف سلامة ياصديقتنا راوية (Re: Rawia)

    Quote: الاجازة ضاعت علي يا اشراقة لاني عملت فيها عملية بعيد عنك وعن السامعين وكانت في الريسبايروتري سيستم واتمنعت من الاكل زي خمسة يوم وبعد داك لازم نوع اكل محدد اسكتي بس


    تبرى يايمة من العمليات والامراض
    والف حمدالله على السلامة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 10:03 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: الف سلامة ياصديقتنا راوية (Re: Ishraga Mustafa)

    راوية ..
    Quote: تبرى يايمة من العمليات والامراض
    والف حمدالله على السلامة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:01 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طارق اتخارج من التكل دة (Re: Rawia)

    Quote:
    Quote: Quote: تيسير، لنا، اميرة، راوية... بتاكلن كمونية؟


    بموووووووووووووووت عديل في الكمونية يا اشراقة(بحب لمتنا معاك في بوست ياشروق)
    وجني وجن نضافة النسوان الزايدة ليها لما يقطعوها الطعم والنغم
    لازم تبقى بي ريحة عصارة البطن والانزيمات كلها
    ____________________________-
    زعلانة لاني رجعت من الاجازة قبل ما اكل كمونية بتاعت خروف كانت في فريزر امي لاسباب خارجة عن ارادتي

    كدي يا يمة كدي
    رباية الحبوبات ظهرت
    دة الكلام يا راوية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 04:26 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: طارق جبريل)

    طارق جبريل ..
    Quote: اكوجن اللحمة


    إسمها أعصج اللحمة
    ما قلنا ليكم خلو لينا الكلام دا ..
    بعدين من الأريق دي باين عليك شايقي أصلي



    صحي إنت الدخلك التُكل دا شنو ؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:49 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    تيسير وينا؟
    ال(بحمّي) (الملحات) منو أسة؟؟

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:52 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    الملحات....

    غايتو يالنا الافقار التم لينا ده رحم الفقيرات من شوشوة الكوانين

    سخينة وانتهى الامر...
    كمونية دى بقى كلام الطبقة الوسطى الانتهت


    الليلة عملتى ملاح شنو؟



    * بعد الفصاحة دى كلها بحب المطبخ والطبيخ... لكن كمونية مامعانا فى زول ياكل مصارين؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 01:57 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Ishraga Mustafa)

    Quote: الملحات....

    غايتو يالنا الافقار التم لينا ده رحم الفقيرات من شوشوة الكوانين

    مش عليكي الله
    Quote: سخينة وانتهى الامر...
    كمونية دى بقى كلام الطبقة الوسطى الانتهت

    عاد يا حبيبة الكمونية دي ما بتنتهي ولا بتنقرض خاصة لو محمرة
    برغم إنو السخينة ريادة
    Quote: الليلة عملتى ملاح شنو؟

    سلج بشمار أخدر


    Quote: * بعد الفصاحة دى كلها بحب المطبخ والطبيخ... لكن كمونية مامعانا فى زول ياكل مصارين؟

    قولي في زول ما ياكل مصارين؟

    يعني يا شروق انتي ما من ناس ام فتفت والمرارة و هلم جرا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:07 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    Quote: سلج بشمار أخدر

    يعني يالنا الواحد يبكي ولا يتتدردق بالواطــةحسة

    غايتو يالنا لو جيتك ومافركتي لي بشيل حالك
    حتى لو مامواعيد اكل
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:11 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Rawia)

    Quote:
    Quote: Quote: سلج بشمار أخدر


    يعني يالنا الواحد يبكي ولا يتتدردق بالواطــةحسة

    غايتو يالنا لو جيتك ومافركتي لي بشيل حالك
    حتى لو مامواعيد اكل

    ياخي انتي بس كيف تجي و (أرمي) ليكي معاهو قراصة كاربة، وللا بالكسرة المُرّة أخير؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 05:02 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    Quote: سلج بشمار أخدر

    لنا وراوية ..
    وكمان لو كبيتوا معاهم بامية مفروكة .. مبالغة
    بعدين يا راوية السلج دا معروف بالقراصة كسرة شنو
    كسرة دي مع ملاح الروب , مثلاً
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 04:56 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Ishraga Mustafa)

    Quote: سخينة وانتهى الامر...
    كمونية دى بقى كلام الطبقة الوسطى الانتهت


    سخينة بالكسرة و الشطة الخدرة على قول تماضر ..


    وحياتك يا إشراقة الكمونية دي بقوا ما بيشوفوها إلا في
    بيت كرامة ولا سماية ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 02:38 PM

essam&amal
<aessam&amal
تاريخ التسجيل: 11-15-2003
مجموع المشاركات: 2579

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    بوست حلو
    وناسو حلوين
    ومريح للاعصاب
    لكن ما خليتوا لينا حاجة نقولها
    ناس ام فتفت
    سلام عليكم كلكم
    ام وضاح
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 03:06 PM

سلمى على محجوب
<aسلمى على محجوب
تاريخ التسجيل: 01-16-2005
مجموع المشاركات: 107

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: essam&amal)

    Quote:
    أمرر العجين


    دليل الخبرة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 10:47 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: سلمى على محجوب)

    يا سلمى
    Quote: دليل الخبرة

    خبرة وخيط
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 05:07 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: essam&amal)

    أم وضاح العزيزة ..
    جري بمبر وإتفضلي في تكلنا دا ..

    عندنا أم فتفت بالأتّي .. دايرة ؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 04:02 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    سلام يا عزيزات
    واشواق كتيرة

    هسي يا تيسير لو سميتي بوستك دا ( انضف الضفرة )
    كان اتملي ليك شنبات
    لووووووووول

    طيب على حس الضفرة دي
    اكفي الدلكة
    ادق الريحة
    اغربل المحلب
    احك كعبي

    نرجع تاني للتكل ، الله يقطع سنينو
    اشر العيش
    اغربل الدقيق
    الت العجين ( بتاع الكعك )
    اقطع البسكويت

    اغرف ( او اقطف ) البلاعة

    وكرت الزير من جوة برضو مش ؟
    واكشح النقاط ( لانه ماعونو اتملى )
    بوست لذيذ
    لكن المانع شنو نرصد صيغ افعال ادوار الرجال السودانيين؟
    طيب اولها:
    اسف السعوط

    لوووووول

    ادقق العيش
    انضف السباليق
    افتح المجاري
    اردم الحوش
    اكرب العنقريب
    اليس البيت ( بالزبالة )

    (عدل بواسطة الجندرية on 07-16-2007, 04:14 PM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 04:10 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: الجندرية)

    Quote: لكن عشان المانع شنو نرصد صيغ افعال ادوار الرجال السودانيين
    اولها:
    اسف السعوط

    لوووووول

    ادقق العيش
    انضف السباليق
    افتح المجاري
    اردم الحوش
    اكرب العنقريب
    اليس البيت ( بالزبالة )


    اقرأ الجريده
    ناخد غمضة
    العب كوشتينه
    نقعد فى الشارع { نلعب ضمنة وربما مآرب اخرى}

    سلامات واشواق كتييييرة يا امانى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 04:15 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Ishraga Mustafa)

    والجندرية الأصيلة كمان جات؟
    هلا هلا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 04:18 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    Quote:
    ادقق العيش
    انضف السباليق
    افتح المجاري
    اردم الحوش
    اكرب العنقريب
    اليس البيت ( بالزبالة )


    والله يا امانى بعرف نسوان كتار عملن الحاجات الفوق دى لكن كالعادة غير مرئية
    انا القدامك دى يا ما كربت عناقريب وليست وجيرت وردمت الحوش واقول ليك سر علنى

    كنت بمطر الصعود لجدى الله يرحمه

    اها شن قولك
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 11:16 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Ishraga Mustafa)

    Quote: كنت بمطر الصعود لجدى الله يرحمه


    لالا دي قوية يا إشراقة ..

    (عدل بواسطة تيسير عووضة on 07-17-2007, 11:25 AM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 11:09 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: الجندرية)

    يا سلااااام ..
    شيخ الطريقة الجندرية شخصياً
    والعارف بالنساء في شؤون الجندر ..
    مراحب يا أماني

    Quote: هسي يا تيسير لو سميتي بوستك دا ( انضف الضفرة )
    كان اتملي ليك شنبات

    يختي هم مالم ومال نضافة الضُفرة والضَفرة (العبرة بالنهايات)

    Quote: اكفي الدلكة
    ادق الريحة
    اغربل المحلب
    احك كعبي

    أطعن القرنفل
    أكسر الصندل
    أخج الشّكت
    أخت الحنة (ختة وتفالة)
    أنشدر الحنة

    وفي التكل ..
    أروب اللبن
    أطاعم المويات
    أبس العجين (برضو للكعك)
    Quote: واكشح النقاط ( لانه ماعونو اتملى )


    دي خطيرة ..
    Quote: ادقق العيش
    انضف السباليق
    افتح المجاري
    اردم الحوش
    اكرب العنقريب
    اليس البيت ( بالزبالة )

    دي بقت حقت الرجال ؟
    من متين ؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 04:33 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    العزيزة شروق
    سلام واشواق كثيرة

    طبعاً يا شروق في كثير من الادوار المعرفة بانها ادوار رجال تتضطر بعض النساء للقيام بها. والعكس ايضاً ممكن ، فكون العمل مصنف ضمن مهام النساء ، لايمنع بعض الرجال من ادائه لظروف شتى . ولكن في العموم هذا التقسيم محدد وواضح، و كما تعلمين يختلف باختلاف الثقافة والمكان والزمان .
    انا برضو نضفت السباليق
    ودققت العيش في الطاحونة وقريت الجريدة
    وبرضو نضفت الكمونية
    وبعرف رجال يملو العين
    عاسو الكسرة ورمو اللقيمات وقطفو البلاعة
    وطبخو ، وظبطو صينة السمك زي العجب
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 04:38 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 04:48 PM

khaleel
<akhaleel
تاريخ التسجيل: 02-16-2002
مجموع المشاركات: 30088

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    كلامكن سمح يا بنات امي

    اصقع القملة

    واصرر الغنماية

    واشحد الطايوقة

    مع تحياتي لروح حبوبتي حلبية بت موسي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 11:53 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: khaleel)

    خليل الظريف

    Quote: اصقع القملة

    واصرر الغنماية

    واشحد الطايوقة


    أشرط المعراكة
    أعلق المفراكة
    أفرك اللايوق
    أمسح الطايوق


    وألف رحمة تنزل على روح حبوبتك ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 06:24 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 12804

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    مقدمـة مشجعـة

    قاموس مصطلحات المطبخ السوداني



    أحمـد
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 12:03 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: أحمد الشايقي)

    يا أحمد الشايقي ..

    Quote: قاموس مصطلحات المطبخ السوداني

    جمع وإعداد : تيسير بعلبكي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-16-2007, 08:58 PM

عزيز عيسى
<aعزيز عيسى
تاريخ التسجيل: 09-18-2005
مجموع المشاركات: 1378

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    الأخت تيسير عووضة،

    أها عليك الله بعد ما تنتهي ما تنسي تخمي الرماد
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 05:15 AM

احمد العربي
<aاحمد العربي
تاريخ التسجيل: 10-19-2005
مجموع المشاركات: 5829

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: عزيز عيسى)

    احم احححححححححم
    هو يا حريم هوي
    اتضايرن
    وامرقن لينا الصواني
    الضيوف ديل وصلو

    وبعدين يا تيسير معاك

    اها اللقول ليك

    الفُداره كيف
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 09:31 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: احمد العربي)

    Quote: وامرقن لينا الصواني
    الضيوف ديل وصلو



    احمد ياعربى

    جنكم اكل، ماعارفة الخلى الصوانى دى تطلع اول ليكم شنو
    والفضلة للاطفال
    وكان فى باقى كمونية { للحريم} العملنها

    غايتو بنحتاج لاستراتيجيات تضمن للنساء الوفرة من الغذاء
    مش هن البيحملن
    وبيلدن
    وبيرضعن

    ياربى بيكون شكل الدنيا كيف لو انقلبت الاية

    نقعد نحنا وناديكم رجال بطلوا نقة فى الكورة وجيبوا لينا الغداء


    ازيك يا احمد
    وكيف الالوان؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 12:25 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: احمد العربي)

    Quote: احم احححححححححم
    هو يا حريم هوي
    اتضايرن
    وامرقن لينا الصواني
    الضيوف ديل وصلو

    وبعدين يا تيسير معاك

    اها اللقول ليك

    الفُداره كيف


    أحمد العربي ..
    ما في ولا صينية بتجي مارقة من هنا لو ما وريتنا الفدارة دي شنو ..
    عشان ما عرفتا كلامنا ما دايرنا نعرف كلامكم ؟؟



    القائد العام لفصيل التمرد / تيسير عووضة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 05:44 AM

ABU QUSAI
<aABU QUSAI
تاريخ التسجيل: 08-31-2003
مجموع المشاركات: 1843

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: عزيز عيسى)

    سلام يا الفي التكل
    ماشايف فيكم واحدة جابت طريق الكول واللا المرس أو الويكاب وأم شعوفة

    بس نطلع شوية بره المطبخ وعايز أسأل من مصدر كلمات نسائية مثل

    الكركار ، اللخوخة ، الكنقار ، طبعا الأخيرة بتجي معاها تبعاتها

    أرش الزريعة

    أصفي البقنية

    أصفي الشربوت

    أصفي العسلية

    أصفي المريسة بأنواعها، بغو ، كوشيب ، نبيت ، ورد ... الخ وليه دايما بصنعوها النسوان ويشربوها الرجال أقصد في بعض المناطق التي لا تعتبر فيها المريسة غذاء رئيسي ..

    تخريمة :

    ما شفت واحدة فيكم جابت طريق القرع أكلتي المحببة لما تعجنو بالكسرة والشطة ..

    ودمتن بخير وعافية

    أبو قصي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 05:20 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: ABU QUSAI)

    أبو قصي ..
    Quote: ماشايف فيكم واحدة جابت طريق الكول
    واللا المرس أو الويكاب وأم شعوفة

    غايتوالويكاب دا الجندرية قبل كدا عملت ليهو بوست كامل ..
    أما الباقي بحول الميكرفون لخالة دومة بتجيّه الحاجات دي كويس ..

    والكسرة المعجنة بالقرع لذيذة
    وزي ما بيقولوا (كب الموية خلي الدنقلاوي يقوم)
    وسببها إنو في حالة الكسرة بالرجلة ولا القرع
    في ناس بيزيدوا ليها موية عشان (تترخي) شوية وكمان
    عشان كميتها تزيد الدنقلاوي بإعتبارو زول ذواقة وإبن كار
    بيعتبر إنو دا بيخرب الحكاية خالص وممكن عادي يخلي الأكلة ويقوم
    أحسن مما ياكلها مسيخة عشان كدا بيقولوا المقولة دي ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 12:09 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: عزيز عيسى)

    عزيز عيسى ..

    خم الرماد دا الذكرك ليهو شنو
    هسي بيجي ناطي

    أخم الرماد
    أعوس الآبري
    أبل الكبكبي
    اسوي الرقاق
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 06:08 AM

Hatim Yousif
<aHatim Yousif
تاريخ التسجيل: 06-17-2007
مجموع المشاركات: 697

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)


    أخواتنا .. في التكل ...سلامات ..

    الحاجات الفوق دي كللللللللها عارفينها ..وحافظينها .. وبتعملوها ..

    وبعد ده .. تذاكروا .. وتزاحمونا .. وتتفوقوا علينا .. في الشغل والقراية ؟؟؟؟؟؟؟؟؟؟؟


    حاجة غريبة.....


                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 05:40 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Hatim Yousif)

    حاتم يوسف ..
    Quote: الحاجات الفوق دي كللللللللها عارفينها ..وحافظينها .. وبتعملوها ..

    وبعد ده .. تذاكروا .. وتزاحمونا .. وتتفوقوا علينا .. في الشغل والقراية ؟؟؟؟؟؟؟؟؟؟؟

    الحاجات الفوق دي كلللللللللها دا المطبخ بس المساحتو إتنين في إتنين ..
    لسه ما ما إتكلمنا عن أي شي تاني ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 06:20 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    Quote: الاجازة ضاعت علي يا اشراقة لاني عملت فيها عملية بعيد عنك وعن السامعين وكانت في الريسبايروتري سيستم واتمنعت من الاكل زي خمسة يوم وبعد داك لازم نوع اكل محدد اسكتي بس

    راوية سلامتك يا بت أمي ويمرض عدوك

    الصديقات تيسير وإشراقة الجندرية مشتاقيييييييييييييييين


    أشقق البطيخة
    أسك الحرامي
    أدخل العناقريب
    الِم الفرشات
    أكيِّس المخدات


    تحياتي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 05:51 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: بدرالدين شنا)

    بدرالدين لذاذة ..

    Quote: أكيِّس المخدات


    أنجد المراتب
    أجلد العناقريب
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 07:42 AM

امل احمد عمر
<aامل احمد عمر
تاريخ التسجيل: 03-21-2007
مجموع المشاركات: 291

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    أحش الرجلة
    أورق الخدرة
    أقمع البامية
    أفلفل الرز
    أبرم الكفنة
    أعوس الكسرة
    أفرك السلج
    أرمي القراصة
    أصوط العصيدة
    أكتل البصلة
    أشر الشرموط
    أدق الويكة
    أقلي البن
    ألقم الشاي
    أمرر العجين
    أقطع الخبيز
    أفتح الفطير
    أقرقر المحشي
    أبوخ اللحمة (حقت المحشي)
    أقدح التوم
    أبل الآبري
    أشد البليلة


    ووووب علي وووووووب علي نحن بنعمل ده كلو؟

    الغريبة ما دخلنا كتاب قينس للأرقام القياسية ... في الشقاوة طبعاً..


    راوية انا بموت في الكومنية المحمرة ..

    لكن بي شرط ما اكون نضفتها

    تيسير تسلمي على البوست اللذيذ ده
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 05:58 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: امل احمد عمر)

    يا أمل ..
    شفتي جنس الشقا دا ؟

    لكن بيني وبينك أنا محيراني أكتر الكلمات ذاااتا ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 07:46 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    تيسير
    عليك الله خيطى لى الزرارة دى..

    تيسير
    قطعى لى اضافرينى..

    تيسير
    كبى لى القطرة دى فى عينى..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 06:05 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Adil Osman)

    عادل جدي ..

    أخيط الزرارة
    أضفر الأضافرين
    أكب القطرة في العيون
    أملا الإبريق
    أفتش السبحة
    أجيب الحُقة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 07:59 AM

الطاهر عثمان
<aالطاهر عثمان
تاريخ التسجيل: 03-09-2007
مجموع المشاركات: 141

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    اصحى من الدقش
    اوصل الاولاد المدرسة
    اسوق العربية
    امشي الشغل
    اتعب في الشغل وعيني تطلع
    ادفع الفواتير
    ارجع الاولاد من المدرسة
    امشي السوبر ماركت
    امشي السوق
    اجيب الغاز
    اجيب العيش
    امشي اجامل للمناسبات
    امشي الصلوات
    امشي المقابر
    اشيل الاكياس
    امرض
    افتر
    اشقى واكبر

    وانت تزددن وزنا وجمالا وصغرا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 09:34 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: الطاهر عثمان)

    Quote: اصحى من الدقش
    اوصل الاولاد المدرسة
    اسوق العربية
    امشي الشغل
    اتعب في الشغل وعيني تطلع
    ادفع الفواتير
    ارجع الاولاد من المدرسة
    امشي السوبر ماركت
    امشي السوق
    اجيب الغاز
    اجيب العيش
    امشي اجامل للمناسبات
    امشي الصلوات
    امشي المقابر
    اشيل الاكياس
    امرض
    افتر
    اشقى واكبر

    وانت تزددن وزنا وجمالا وصغرا


    ده كلو مشتركين فيهو، بس كيف تكون الصغره والجمال مع الورم المردوم فى القلب البيتراءى ليكم { شحم ودهون}
    فضل لينا بس نحفر المقابر ونمشى الدافنة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 06:13 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: الطاهر عثمان)

    الطاهر عثمان ..
    Quote: اصحى من الدقش
    اوصل الاولاد المدرسة
    اسوق العربية
    امشي الشغل
    اتعب في الشغل وعيني تطلع
    ادفع الفواتير
    ارجع الاولاد من المدرسة
    امشي السوبر ماركت
    امشي السوق
    اجيب الغاز
    اجيب العيش
    امشي اجامل للمناسبات
    امشي الصلوات
    امشي المقابر
    اشيل الاكياس
    امرض
    افتر
    اشقى واكبر

    بعد دا كلوا ما بتتوبوا و تقولوا دايرين نعرس تاني ..

    Quote: وانت تزددن وزنا وجمالا وصغرا

    بي وين عليك الله مع مقابلة النيران والسكاكين دي ؟

    والدايرة أقولوا قالتو إشراقة ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 08:35 AM

Haitham El Galal

تاريخ التسجيل: 07-18-2005
مجموع المشاركات: 227

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    ماشاء الله عليكم

    عينى بارده

    ربنا يهنيكم بى بيوتكم و اخوانكم و ازواجكم

    لقيتكم بنات حاره و كرم و ضيفان

    ابشرو بالخير


    هووى يا شباب ما تخوفو البنات ديل بالشربوت و البقنيه امشو اقطعو بالشرق جيبوها من هناك هن بدنكم الجرادل

    مودتى و تقديرى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-18-2007, 04:18 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Haitham El Galal)

    هيثم الجلال ..
    إتفضل حبابك

    وأقعد أشرب ليك فنجان جبنة مع أخواتك ديل ..
    جبَنة بس

    أبو قصي عملا لينا كلها بقنية وعسلية وبقو
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 09:07 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    Quote: إسمها أعصج اللحمة
    ما قلنا ليكم خلو لينا الكلام دا ..
    بعدين من الأريق دي باين عليك شايقي أصلي



    صحي إنت الدخلك التُكل دا شنو ؟


    دخلتني الجوعة يا تيسير
    انا شغال من الصباح لا تمراية لا فكت ريق

    - احش البرسيم
    - اقفز التمر
    - ألُخ العجين
    - اخيط اللِبدي

    ازيدك كلام شوايقة ولا كفاكي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 09:37 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: ياتيسير استلمت ليك نضيف المصارين (Re: طارق جبريل)

    مافى طريقة ينضفوا بيها المصارين دى غير الطريقة المتعبة دى؟

    آآآآآخ من مصارين البلد اللى اتهرت


    بتمشى ووين انتى خليتى لى كمونيتك واعبائك الكتيرة دى


    بالجد بوست شيق، مرح ومبكى وبيحتاج اعمال الحفر بس النفضى بروقه


    يالله تعال استلمى الوردية بتاعتك دى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-18-2007, 04:39 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: ياتيسير استلمت ليك نضيف المصارين (Re: Ishraga Mustafa)

    Quote: مافى طريقة ينضفوا بيها المصارين دى غير الطريقة المتعبة دى؟

    آآآآآخ من مصارين البلد اللى اتهرت


    بتمشى ووين انتى خليتى لى كمونيتك واعبائك الكتيرة دى


    بالجد بوست شيق، مرح ومبكى وبيحتاج اعمال الحفر بس النفضى بروقه


    يالله تعال استلمى الوردية بتاعتك دى



    شروقة بت أمي ..
    عارفة سايبة وراي ضهر جامد عشان كدي مشيت بي قلب قوي
    لكن جيت ..

    بعدين إنتي عارفة الكمونية بتمسكا مرة واحدة وأنا مسكتك ليها



    مصارين الكمونية هينة بتنضف
    الكلام مصارين البلد دي البنضفا شنو يا ختي ؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 09:41 AM

salma subhi
<asalma subhi
تاريخ التسجيل: 06-29-2006
مجموع المشاركات: 4817

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: طارق جبريل)

    تيسير
    سلام وتحية

    والله بعد الحاجات البنعملها دي نطالب بمنظمة حقوق النسوان يا تيسير


    كل التقدير
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 10:10 AM

Haitham El Galal

تاريخ التسجيل: 07-18-2005
مجموع المشاركات: 227

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: salma subhi)

    هووووووووووى يا سلمى صبحى

    انتى لا بتلايقى ويكه و لا بتكوجنى حلومر و لا بتنضفى كمونيه
    اوعك تغشينا كان بتسوى ده جيد لينا و جيد الله جاد لينا

    مودتى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 10:26 AM

salma subhi
<asalma subhi
تاريخ التسجيل: 06-29-2006
مجموع المشاركات: 4817

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Haitham El Galal)

    هيثم الجلال

    هسي شفتني وين يا هيثم...الله يسامحك ؟


    خلاص حلفت لازم نعزمك عندنا يوم ونثبت ليك وبعدين ورينا رأيك !!!!

    أها رأيك شنو؟

    ......
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 11:26 AM

Haitham El Galal

تاريخ التسجيل: 07-18-2005
مجموع المشاركات: 227

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: salma subhi)

    هلا هلا
    نحن اليوم دا راجنو نجييك و نضوق لذيذك

    تحياتى يا صاحبه الزوق الرفيع

    تخريمه:
    اوعك اليوم داك تعمليها لينا هوم ديليفرى
    الكسره بنجيبها معانا بس لايقى لينا الويكه
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-18-2007, 04:45 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: salma subhi)

    Quote: والله بعد الحاجات البنعملها دي نطالب بمنظمة حقوق النسوان يا تيسير


    سلمى صبحي يا عزيزة ..

    قصدك نطالب بمنظمة الرفق بالنسوان
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-18-2007, 04:31 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: طارق جبريل)

    طارق جبريل ..
    Quote: دخلتني الجوعة يا تيسير
    انا شغال من الصباح لا تمراية لا فكت ريق

    يا بنوت واحدة فيكن التجيبلها كم طرقاية فطير معاها روب لي أخوكن ود جبريل دا ..

    Quote: - احش البرسيم
    - اقفز التمر
    - ألُخ العجين
    - اخيط اللِبدي

    دا حق الشوايقة

    النوريك حق الدناقلة ..
    ألقح التمر
    أسد اللبقة
    أدير الزريبة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 09:41 AM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: تيسير عووضة)

    أهز المنقد
    أشيل ليْ فحمات
    ألقّط ليْ حبات قرض
    اختّهن في الفحمات
    أشمّ القرض عشان ضارباني نزلة
    نزلة ولا سارس؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 10:00 AM

Adil Al Badawi

تاريخ التسجيل: 07-27-2005
مجموع المشاركات: 1143

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: lana mahdi)

    Quote: ده كلو مشتركين فيهو،

    دا كيف:

    أقلع العِرْكِش
    أقلع القَشْ، وقيل البودة (عندما يتعذّر الحش عندما تتعذَّر الصّبْنَة)
    أقلع المطمورة
    أقلع السُّلْطَة
    أقلع عينَك عينَك

    وبرضو التحيّة ليكَن كلّكَن فقد قالت قائلة: "يوم الحِنّة هو يوم النبيح (مع الشُفّع) العالمي" وبالتالي يمكن إضافة: أكَتْكِت من البَرِد وأنا محنّنة وحِسّي ينقَرِش من النبيح مع الشُفّع وبعد دا كُلّو أريتا تجيب مريسة تام زينو...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-17-2007, 10:04 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أنضف الكمونية (للنساء فقط) .. (Re: Adil Al Badawi)

    Quote: أقلع السُّلْطَة
    أقلع عينَك عينَك


    أها ياعادل البدوى
    قلع السلطة وقلع عينك عينك ده حقكم براكم بلا منازع

    منو البصنع السياسة فى السودان؟
    دحين ما الذكور الواقفين طابور للانقلابات؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 5:   <<  1 2 3 4 5  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de