ناسف الموقع مغلق للصيانة مؤقتا
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-24-2017, 03:56 AM الصفحة الرئيسية

مكتبة تيسير عووضة(تيسير عووضة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

كلاسيكيات الغناء السوداني - أفضل مائة أغنية في تاريخ السودان الحديث ..

12-31-2009, 08:46 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


كلاسيكيات الغناء السوداني - أفضل مائة أغنية في تاريخ السودان الحديث ..

    لمدة تزيد عن العامين ونصف قمت بتجميع مادة هذا البوست *
    بدايةً بحصر جميع أو معظم مغنيي ومغنيات السودان في المئة عام الأخيرة
    ثم حصر أغنيات كل مغني على حدة وتتبعها كتابةً ولحناً وأداء
    ثم تحديد أكثر أغنية/أغنيات مميزة لذلك المغني وأكثرها رسوخاً في ذاكرتنا الجماعية وتأثيراً على الوجدان
    بإختصار، أغاني يتفق الغالبية عليها على أن تضم أغنيات عاطفية ووطنية لمغنيين ومغنيات من معظم مناطق و أعراق السودان

    واجهتني في البداية صعوبات في الحصر مثل وجود بعض الفنانين الذين يتميزون بجودة الأداء العالية والإنتاج الكبير
    فيصبح من الصعب إختيار أو تحديد أغنيات بعينها على حساب الباقي فإضطررت لتقليل عدد أغنياتهم المُشاركة.
    أيضاً العدد الهائل لأغنيات الحقيبة جعل من عملية الإختيار صعبة ودقيقة خصوصاً وأن معظمها ينافس في قائمة المائة بإمتياز
    سنجد في القائمة أغنيات لفنانين بالكاد نعرفهم ولكن أغنياتهم إشتهرت وإنتشرت بشكل كبير وعرفوا بفناني الأغنية الواحدة
    الأغنيات الوطنية والأكتوبريات وأغاني الإنتفاضة كان لها حضور مشهود في قائمتنا هذه وإن حاولت حصرها في 10 إلى 15 أغنية

    سأحاول رفد البوست – ما أمكن – بالصوت والصورة و كلمات الأغنيات المائة المشاركة في القائمة
    والتي سترد بدون ترتيب حسب الأقدمية أو الأبجدية إذ لا أهمية للترتيب هنا، فما يرد اولاً لا يعني بالضرورة أنه أفضل من الذي يليه ..


    هذا البوست مشروع حلم هدفه في المقام الأول "محاولة" التوثيق والتكريم لأميز مائة أغنية في تاريخ السودان الحديث ..


    ـــــــــ
    * بوست متعدد المصادر
                   |Articles |News |مقالات |بيانات

12-31-2009, 08:53 AM

سيف بخيت موسي
<aسيف بخيت موسي
تاريخ التسجيل: 06-06-2008
مجموع المشاركات: 2034

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    العزيزة تيسير

    صباحك خير وكل عام وانت بألف خير

    بوست قيم ، ومجهود مقدر فيه إحتفال وإحتفاء بمن قدموا نفائس الغناء

    نتمنى لك التوفيق


    Quote:
    سأحاول رفد البوست – ما أمكن – بالصوت والصورة و كلمات الأغنيات
    المائة المشاركة في القائمةوالتي سترد بدون ترتيب حسب الأقدمية
    أو الأبجدية إذ لا أهمية للترتيب هنا، فما يرد اولاً لا يعني بالضرورة
    أنه أفضل من الذي يليه ..


    منتظرين بإذن الله

    سلامي وتقديري
                   |Articles |News |مقالات |بيانات

12-31-2009, 08:57 AM

حمور زيادة
<aحمور زيادة
تاريخ التسجيل: 03-28-2007
مجموع المشاركات: 12116

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: سيف بخيت موسي)

    بداية مشوقة لبوست لو سار كما تعدين لاصبح منبرا منفصلا.
                   |Articles |News |مقالات |بيانات

12-31-2009, 09:21 AM

حيدر حسن ميرغني

تاريخ التسجيل: 04-19-2005
مجموع المشاركات: 19594

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: حمور زيادة)

    شكرا تيسير
    ليتنا دائما نعلي من مقام ابداعاتنا من خلال تقييمنا لها
    وليت الفكرة تشمل رواياتنا وشعرنا واغانينا
    لكم تمنيت ان يولي اهل الاختصاص في بلادنا هذه العملية الاهتمام المستحق
    كل عام وانت بخير
                   |Articles |News |مقالات |بيانات

01-01-2010, 08:16 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: حيدر حسن ميرغني)

    حيدر العزيز ..
    Quote: ليتنا دائما نعلي من مقام ابداعاتنا من خلال تقييمنا لها
    وليت الفكرة تشمل رواياتنا وشعرنا واغانينا
    لكم تمنيت ان يولي اهل الاختصاص في بلادنا هذه العملية الاهتمام المستحق


    هي محاولة متواضعة مني لتعلية مقام إبداعاتنا ومبدعينا
    أهل الإختصاص في بلادنا ما فاضين للفارغة دي
    لديهم ما هو أهم من ذلك، وطموحاتهم الشخصية أولى لهم فأولى ..

    ولكنهم يتناسون أن الأمم الفنون "ما بقيت"
    فإن هم ذهبت فنونهم .. ذهبوا !
                   |Articles |News |مقالات |بيانات

12-31-2009, 05:45 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: حمور زيادة)

    حمورابي ..
    Quote: بداية مشوقة لبوست لو سار كما تعدين لاصبح منبرا منفصلا.

    أتمنى ذلك ..


    الغريبة كنت عاملة لي تنويه شديد اللهجة سحبتو في آخر لحظة smile1.gif Hosting at Sudaneseonline.com
                   |Articles |News |مقالات |بيانات

12-31-2009, 05:29 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: سيف بخيت موسي)

    العزيز سيف بخيت ..

    Quote: بوست قيم ، ومجهود مقدر فيه إحتفال وإحتفاء بمن قدموا نفائس الغناء

    سأعمل ما بوسعي لكي يكون قيماً بالفعل ..




    ولك ألف شكر وتقدير ،،
                   |Articles |News |مقالات |بيانات

12-31-2009, 09:15 AM

Elmosley
<aElmosley
تاريخ التسجيل: 03-14-2002
مجموع المشاركات: 33896

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    العزيزه تيسير
    لتيسير الامر علي الناس
    اقترح عليك الاتي
    ان تعيد الامر بطريقة التصنيف ياتيسير فقد
    حاول قبلك هنا الاستاذ بشري الفاضل وبرغم جمال الفكرة الا انها لم تبلغ مداها
    وفي اعتقادي ذلك بسبب التصنيف
    من الناحية الموسيقية من الصعب ان تقارني مثلا بين الاغنية الحديثة والحقيبة
    آو الاغنية الشعبية والحديثة او بينهن واغنية البوب السودانية علي طريقة شرحبيل ومجايليه
    لذا للتسهيل علي الناس
    اقترح انت تضعي الحقيبة ومانسميه بالاغنية الشعبية (الوسطية)في اطار واحد
    ثم الاغنيات الاقليمية الشعبية في اطار ثان
    ثم الحديثة والبوب السودانية في اطار ثالث
    وبرضو شايف نفسي مقصر لصعوبة الامر
    تحياتي

    (عدل بواسطة Elmosley on 12-31-2009, 09:18 AM)
    (عدل بواسطة Elmosley on 12-31-2009, 12:46 PM)

                   |Articles |News |مقالات |بيانات

12-31-2009, 09:19 AM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10099

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Elmosley)

    حاجزين كنبه كبيييييييييره ..
                   |Articles |News |مقالات |بيانات

12-31-2009, 09:24 AM

khaleel
<akhaleel
تاريخ التسجيل: 02-16-2002
مجموع المشاركات: 30112

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: عمران حسن صالح)

    تيتي كل سنة وانتي طيبة

    ممكن اشارك

    دمعة الشوق بطران

    قصتنا وشجن وبعد الصبر عثمان حسين


    عاد الحبيب لو بهمسة خاف من الله مرحبا يا شوق محيك البدري وردي


    هوج الرياح الجابري

    علمتني الحب هيجنتني الذكري ابراهيم عوض

    الوسيم واهواك احمد المصطفي

    عني ما لم والتجني الفلاتية


    زرعوك في قلبي وانت معي هات لينا صباح ابو داوؤد

    ماذا يكون حبيبتي عمري واكاد لا اصدق كابلي
                   |Articles |News |مقالات |بيانات

01-01-2010, 09:10 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: khaleel)

    خليل يا فردة

    طبعاً ممكن تشارك

    مشاركتك دي معظمها داخلة معانا في القائمة


    يا تكون شفيتا
    أو تكون أضانك نضيفة



    أنا غايتو برجح نمرة تلاتة biggrin19.gif Hosting at Sudaneseonline.com
                   |Articles |News |مقالات |بيانات

01-01-2010, 09:01 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: عمران حسن صالح)

    Quote: حاجزين كنبه كبيييييييييره ..

    مرااااااااااااحب عمران smile2.gif Hosting at Sudaneseonline.com
                   |Articles |News |مقالات |بيانات

12-31-2009, 09:28 AM

الخير محمد عوض
<aالخير محمد عوض
تاريخ التسجيل: 10-25-2005
مجموع المشاركات: 3547

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Elmosley)

    تحياتي يا تيسير

    يبدو انني سأكون من ساكني هـذه المسـاحة الابداعية التي
    اتنبأ لها بنجاح منقطع النظير.... يلزمك كثير من المثابرة
    على وضعك اطر ملتزمة تحدد الحقب الفنية المتعاقبة في تشكيل
    الاغنية السودانية مع وضع نماذج لكل فترة من الاغنايات والمغنيين
    الذين اثروا سوحنا الفنية واسهموا في تشكيل الوجدان السوداني
    امنياتي ليك وللجميع بالاستمتاع بهذه الحديقة الوريفة التي
    ستدخلينا لها من اوسع رحيق.



    ودي المعلوم
                   |Articles |News |مقالات |بيانات

01-01-2010, 09:20 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: الخير محمد عوض)

    الخير سلامات ..
    Quote: يبدو انني سأكون من ساكني هـذه المسـاحة الابداعية التي
    اتنبأ لها بنجاح منقطع النظير.... يلزمك كثير من المثابرة
    على وضعك اطر ملتزمة تحدد الحقب الفنية المتعاقبة في تشكيل
    الاغنية السودانية مع وضع نماذج لكل فترة من الاغنايات والمغنيين
    الذين اثروا سوحنا الفنية واسهموا في تشكيل الوجدان السوداني
    امنياتي ليك وللجميع بالاستمتاع بهذه الحديقة الوريفة التي
    ستدخلينا لها من اوسع رحيق.

    مرحب بيك في حديقتنا هذه كما أسميتها

    أنا حاولت أبعد عن تصنيف الأغاني
    خصوصاً إنو المنتديات الموسيقية السودانية اللي ظهرت في السنوات الأخيرة دي قامت بعملية التصنيف على أكمل وجه
    يبقى ما محتاجين نصنف الأغاني بقدر ما محتاجين نختار الأفضل والأرسخ من بين ما قد تم تصنيفه سلفاً ..

    ولا ما كدا ؟
                   |Articles |News |مقالات |بيانات

12-31-2009, 09:33 AM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Elmosley)

    تيسير

    سلام ..

    أخاف أنك تظلمى الريف السودانى فى هذا التوثيق .. البقارة فى غرب السودان وهم حوالى 2 مليون نسمة يستمعون للهدايين والحكامات .. وهنا بعض أسماء الحكامات .. الحكامة الشباية .. الحكامة حليمه الموس .. الحكامة العجاله تاور .. وهكذا .. هناك الكثير منهن.

    الهدايين: أب دقاله، أب ضريعات، أم بارات، التابوخ .. هناك الكثير منهم ..

    ولو مسكنا قبائل الأباله فى البطانه أو كردفان .. هناك منهم ناس التويا .. الجرارى، الحثيث ..

    الطنبمور فى الشمالية ..

    ودارفور والغرب والشرق .. وعييك يا تيسير ..


    بريمة
                   |Articles |News |مقالات |بيانات

01-01-2010, 10:01 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: بريمة محمد)

    هوي يا بريمة هامش ما معانا
    يعني هسي حكومات ومسؤولي السودان ديل من زمن الإنقليز ظالمين الريف السوداني بس بقت علي أنا ؟

    يا زول أنا زاتي هامش وهامش ما بيتكلم عربي زاتو والكلام بالعربي في بلدنا عيب عديل
    ومع ذلك القائمة دي ما شملت أغاني الرطانة الدنقلاوية والمحسية والحلفاوية
    كما لم تشمل تراث الشايقية بتاع الطنبور ولا أغاني الحماسة والشكر الجعلية
    ولا غنا حكامات الغرب ولا الجنوب قول لي ليه يا بريمة؟
    لأنو دي أغاني محلية خاصة بأصحاب المنطقة
    ما بنفع أشيل رطانتي الدنقلاوية دي وأمشي أغني بيها في بوادي كردفان
    ولا أشيل الطنبور وأمشي بيهو على الدينكا ولا أشيل غنا الشلك وأهازيجهم وأمشي بيها على الهدندوة
    ودي ما الوحدة ولا المواطنة القاصدنها
    المقصود يحتفظ كل أهل منطقة وقبيلة بتراثهم كحق وليس هبة وتفضل من أحد
    على أن يوجد هنالك ما يجمعهم بشكل قومي شاءت الظروف وعوامل التاريخ وحظنا العاثر
    أن يكون هذا الجامع القومي هو أغنية الوسط البتتغنى بالعربي البتخلي خليل فرح المحسي الماكان بعرف عربي نهائي يغني بيها
    وعبدالله دينق الجنوبي يغني بيها وعشة الفلاتية وأبو داؤود وعبد القادر سالم يغنوا بيها وإسحق الحلنقي يكتب بيها
    ليه عشان اللغة دي في الوقت داك هي اللغة الممكن يتفاهمو بيها مع بعض
    التراث المحلي يا بريمة قد استمتع بيهو بشكل عرضي وكنوع من الإحتفاء بالآخر
    لكن لما أجي أسمع وأنتقي بنتقي غناء قومي عندك أغاني وردي بتاعة الرطانة مثلاً أنا بسمعها وبفهمها وبحبها أيوة
    لكن ما بقدر أفرضها على زول تاني وأفرض عليهو إنو يستمتع بيها كمان

    أغاني الوسط دي العملها منو؟ عملوها ناس الوسط براهم؟
    أغاني الوسط إتعملت بمشاركة سودانيين ينحدرون من معظم مناطق السودان
    جمعت أعراق السودان المختلفة وحملت موسيقاهم وإيقاعاتهم
    وصهرتها كلها في بوتقة واحدة "أها هسي في داعي للكلام الكبار دا"
    وخرجت لينا في شكل أغاني بيحبها معظم السودانيين ..


    ما تعقد الموضوع وخليك سوداااانيييي يا قول أنور كنق
                   |Articles |News |مقالات |بيانات

01-01-2010, 08:46 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Elmosley)

    أستاذنا القدير الموصلي ،،

    سعيدة بمشاركتك فأنت من أهل الجلد والراس

    Quote: لتيسير الامر علي الناس
    اقترح عليك الاتي
    ان تعيد الامر بطريقة التصنيف ياتيسير فقد
    حاول قبلك هنا الاستاذ بشري الفاضل وبرغم جمال الفكرة الا انها لم تبلغ مداها
    وفي اعتقادي ذلك بسبب التصنيف
    من الناحية الموسيقية من الصعب ان تقارني مثلا بين الاغنية الحديثة والحقيبة
    آو الاغنية الشعبية والحديثة او بينهن واغنية البوب السودانية علي طريقة شرحبيل ومجايليه
    لذا للتسهيل علي الناس
    اقترح انت تضعي الحقيبة ومانسميه بالاغنية الشعبية (الوسطية)في اطار واحد
    ثم الاغنيات الاقليمية الشعبية في اطار ثان
    ثم الحديثة والبوب السودانية في اطار ثالث
    وبرضو شايف نفسي مقصر لصعوبة الامر


    الغنا السوداني يا أستاذ موصلي ممكن يتصنف بألف طريقة وطريقة
    سواء حسب التطور المرحلي للأغنية السودانية عبر الحقب الزمنية ودا كلام مثقفاتية وأدباء ما بناباهو
    أو حسب التغيير الذي صاحب دخول الآلات الموسيقية بدءً من الدف ساكت
    مروراً بما إعتبر طفرة في ذلك الوقت وهو إدخال الكاشف للآلات الموسيقية وصولاً للأغنية بشكلها الحالي
    ودا كلام متخصصين في الموسيقى وبرضو ما بناباهو
    أو ممكن التصنيف يكون زي ما إتفضلت شعبية وحديثة وبوب
    أو حسب موضوع الغنا نفسو وطني عاطفي حماسي سيرة
    أو أو أو
    ولو قعدنا قلنا صعب معناها عمرنا ما حنصل لصيغة نهائية للتصنيف

    بالنسبة لي فعلاً شعرت بصعوبة في البداية
    لكن وصلت لنتيجة إنو في أغنيات خالدة في ذاكرة هذا الشعب
    اللي ما كلو مثقف وأديب وما كلو متخصص في الموسيقى
    أنا عايزة أنقل إحساس المستمع العادي بالغنا بدون تصنيف
    ويمكن عشان كدا قصدت أنزل الأغاني بدون ترتيب حسب الأقدمية أو الأفضلية
    عايزة أوثق لأغنيات يكونوا مجموعة قاعدين في راس السنة مثلاً
    واحد فيهم بدا يدندن الناس بدت تغني معاهو أغنيات حبوها وحفظوها
    ممكن يغنوا في بنانك إزدهت الزهور (حقيبة) بعدين يغنوا الجريف واللوبيا(حديثة)
    ويغنوا بعديها بتقول مشتاق (جاز)
    دا كلو في قعدة واحدة وبدون ما يشعروا إنهم مشاترين
    أو إنهم دخلوا الغنا في بعض ولا ما مفروض يغنوا جاز لأنو القعدة حقيبة بس ..

    دي فكرتي بكل بساطة يا ريت أكون قدرت أوصلها زي ما قصدتها

    ومرحب بيك وبآرائك دايماً

    (عدل بواسطة تيسير عووضة on 01-01-2010, 08:50 AM)

                   |Articles |News |مقالات |بيانات

01-12-2010, 07:27 AM

هاشم محمد الحسن عبدالله
<aهاشم محمد الحسن عبدالله
تاريخ التسجيل: 08-10-2009
مجموع المشاركات: 1989

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    الأخت الرائعة تيسير وفقك الله فى هذا العمل الفنى الكبير وتحتاج لجهود ومعاونة من المختصين وبهذا الخصوص ارشح الفنان الموصلى والدكتور أحمد القرشى وغيرهم من مبدعى المنبر ، ليكونوا عونا لك فى هذا العمل الضخم ، مع تمنياتى لك بالتوفيق .
                   |Articles |News |مقالات |بيانات

01-13-2010, 12:37 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: هاشم محمد الحسن عبدالله)

    المحترم هاشم محمد الحسن ..
    Quote: الأخت الرائعة تيسير وفقك الله فى هذا العمل الفنى الكبير وتحتاج لجهود ومعاونة من المختصين وبهذا الخصوص ارشح الفنان الموصلى والدكتور أحمد القرشى وغيرهم من مبدعى المنبر ، ليكونوا عونا لك فى هذا العمل الضخم ، مع تمنياتى لك بالتوفيق .


    أشكر كلامك الطيب

    وأثني إقتراحك بخصوص أستاذ موصلي ود. قرشي ..
                   |Articles |News |مقالات |بيانات

03-11-2010, 11:08 AM

انس العاقب
<aانس العاقب
تاريخ التسجيل: 03-30-2008
مجموع المشاركات: 264

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Elmosley)

    الفكره ممتازه يا تيسير وأذكر أننى فى عام 1998 قررت ان أنفذ هذه الفكره إذاعيا وقدمت الأقتراح للسيد عوض جادين مدير الإذاعه وقتذاك وكانت فكرتى تتلخص فى إختيار أفضل 100 أغنية حديثه فى القرن العشرين بإستثناء أغنية الحقيبة لأسباب ومعايير أشار إليها الأستاذ يوسف الموصلى واعتبرت أن أغنية (عازه فى هواك) لخليل فرح عى التى تتصدر القائمه بلا أدنى شك لأسباب كثيره أهمها أن خليل فرح بتلحين اغنية (عازه فى هواك)إختزل عقدين من عمر أغنية الحقيبه وهى فى مهدها ليبشر بالأغنية الحديثه شكلا وموضوعا أجتمعت فيها كل الخصائص والمعايير التى يفترضاأن تتوافر فى الغناء الفنى Art Song فصارت أغنية (عازه) فى تقديرى هى ذاتها معيار إختيار لبقية ال99 أغنيه وكما أفاد الأستاذ الموصلى أن وضع كل أنماط الغناء فى سلة إختيار واحده يظلم الفكره بما سيربك تطبيق المعايير سيما فى نمط أغنيةالحقيبة ( مجازا) ونمط الأغنية الشعبية.... أعود واقول أن الأخ عوض جادين لم يتحمس للفكره لأننى كنت سأقدم تلك الأغنيات ال100 فى 100 سهره تضم كتابا ونقادا وموسيقيين وجمهورا محدودا نقوم فيه بتحليل الأغنية وأدائها بأشكال مختلفه(بالتوزيع وبالشكل التقليدى وبتحويلها إلى عمل موسيقى بحت )ثم إصدار 10 كتيبات (10 أغنيات ) لكل كتيب يحتوى على النص الشعرى والنوته الموسيقيه وتحليلات منتقاه لما قيل وكتب عن الأغنيه وأن يكون يوم 31 ديسمبر1999 هوأليوم المائه إحتفالا بالأغنيةالأولى عشية الإحتفال بأعياد الأستقلال وبخليل فرح وأغنية (عازه فى هواك ) الخالده... ولكن الفكره لم تجد أى إستجابه بل أمطرونى بما يشكك فى أمانة التصنيف وكعادتى أنا لاأحب الملاواه مع المتنفذين كبارا كانوا أم صغارا فاعتزلت الفكره وها أنت ياتيسير تتصدين لهافحمدت الله انها ماتزال على وميض وتشتعل شكرا ونحن معك ......(عمك أنس)
                   |Articles |News |مقالات |بيانات

12-31-2009, 10:11 AM

محمد المعتز جعفر
<aمحمد المعتز جعفر
تاريخ التسجيل: 11-08-2009
مجموع المشاركات: 162

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)
                   |Articles |News |مقالات |بيانات

12-31-2009, 05:01 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    سنبدأ بأبو الغناء السوداني
    خليل أفندي فرح


    ودرته الخالدة

    (1) عازة في هـواك


    كلمات وألحان وأداء: خليل فرح
                   |Articles |News |مقالات |بيانات

12-31-2009, 05:40 PM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 16187

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    الاخت تيسير وضيوفها الكرام
    كل عام وانتم بخير
    أختيار يدل أن لك ذائقة راقية وحس فنان نحن في أنتظار المزيد ونسأل الله لهذه التجربة الكمال و معا لانجاز هذا العمل

    (عدل بواسطة زهير عثمان حمد on 12-31-2009, 05:41 PM)

                   |Articles |News |مقالات |بيانات

12-31-2009, 06:16 PM

حمور زيادة
<aحمور زيادة
تاريخ التسجيل: 03-28-2007
مجموع المشاركات: 12116

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: زهير عثمان حمد)

    بمعدل كسل تيسير .. و باخذ حرصها على الرد على المتداخلين في الاعتبار ..
    اقترح عليها تحويل اسم البوست الى :
    كلاسيكيات الغناء السوداني - أفضل أربعة أغاني في تاريخ السودان الحديث ..
    فالزمن حتى نهاية الربع الحالي لن يسمح لها بأكثر من ذلك.






    ــــــــــ
    يا تايسا ياخ تعالي رشي سريع.
    يعلم الله مشتاقين. و قولي للنا مهدي اني قاطعتها خلاص و اتبريت منها
                   |Articles |News |مقالات |بيانات

12-31-2009, 06:30 PM

الشامي الحبر عبدالوهاب
<aالشامي الحبر عبدالوهاب
تاريخ التسجيل: 09-24-2008
مجموع المشاركات: 19456

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: حمور زيادة)

    الاستاذة تيسير تحياتي لك وللفكرة
    ومن مقدمة الموضوع يبدو انك انك قد اكملت الاستعداد
    لهذا المشروع الذي سيكون من المشاريع المميزة لهذا الربع
    وضربة البداية بخليل فرح تؤكد جدية الطرح ولكن مائة فقط
    لعمالقة الفن السوداني لا تكفي فالحقيبة وحدها كافية بالاستقلال
    عن هذا المشروع والتعامل معها منفردة لانها تملك نسبة 50في المائة زائد
    واحد واكتر كمان
                   |Articles |News |مقالات |بيانات

01-03-2010, 05:21 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: الشامي الحبر عبدالوهاب)

    الأخ المحترم الشامي عبد الوهاب ..
    Quote: الاستاذة تيسير تحياتي لك وللفكرة
    ومن مقدمة الموضوع يبدو انك انك قد اكملت الاستعداد
    لهذا المشروع الذي سيكون من المشاريع المميزة لهذا الربع
    وضربة البداية بخليل فرح تؤكد جدية الطرح ولكن مائة فقط
    لعمالقة الفن السوداني لا تكفي فالحقيبة وحدها كافية بالاستقلال
    عن هذا المشروع والتعامل معها منفردة لانها تملك نسبة 50في المائة زائد
    واحد واكتر كمان

    يتخيل لي أكتر من مية الحكاية بتكون فاكة شوية والمعايير حا تكون فضفاضة
    وعموماً معظم عمليات التقييم البتخص الآداب والفنون وغيرها بنلقاها محصورة في 100 ومضاعفاتها
    (توب تن، توب توينتي، توب فيفتي، وتوب هندرد)

    أتفق معاك حول أغنيات الحقيبة معظمها بيستحق يكون ضمن المية
    لكن عامل التكرار في الفكرة والمضمون واللحن وحتى بعض المفردات بيخلي البقاء للأفضل
    والمنافسة للأميز
    الحاجة التانية عشان ما نتحيز للحقيبة ونظلم الأغنيات الجات بعدها
    لأنو في أغنيات وللحقيقة أجمل من بعض أغنيات الحقيبة وتستحق إنها تنافس عن جدارة
                   |Articles |News |مقالات |بيانات

01-03-2010, 05:05 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: حمور زيادة)

    Quote: بمعدل كسل تيسير .. و باخذ حرصها على الرد على المتداخلين في الاعتبار ..
    اقترح عليها تحويل اسم البوست الى :
    كلاسيكيات الغناء السوداني - أفضل أربعة أغاني في تاريخ السودان الحديث ..
    فالزمن حتى نهاية الربع الحالي لن يسمح لها بأكثر من ذلك

    biggrin21.gif Hosting at Sudaneseonline.com

    أربعة زاتا كتيرة ..




    Quote: يا تايسا ياخ تعالي رشي سريع.
    يعلم الله مشتاقين. و قولي للنا مهدي اني قاطعتها خلاص و اتبريت منها

    يعني أبل راسي biggrin21.gif Hosting at Sudaneseonline.com




    ـــــــــــــــــ
    نحن برضو مشتاقين اصالة عن نفسي ونيابةً عن لنا مهدي ..
                   |Articles |News |مقالات |بيانات

12-31-2009, 06:28 PM

عوض محمد احمد

تاريخ التسجيل: 12-12-2005
مجموع المشاركات: 5461

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: زهير عثمان حمد)

    تيسر عووضة
    سلام و مودة

    فكرة البوست لا شك انها اكثر من جيدة
    1.ملاحظات الاستاذ الموصلى مهمة حيث سوف تكون المقارنة بين (نظائر) و حينها تكون المقارنة موضوعية
    2. ملاحظة الاخ بريمة ايضا مهمة. و اذا لم يكن من اهدافك ادخال اغنيات الريف و (الربوع) و اغانى
    اهلنا فى الجنوب فلا باس فى ذلك و لكن حينها سوف نتحدث عن (اجمل 100 اغنية وسطية او ام درمانية)
    3. ارى الا يتم التقيد الصارم بعدد معين. فلتكن مثلا 97 اغنية او 197 اغنية ما دام المعيار الجودة
    4. يجب وضح معايير معينة للافضلية: هل هو التجديد فى الكلمة (تجربة مصطفى سيد احمد) ام فى ادخال لون لجنى جديد (شرحبيل احمد), ام فى شعبية الاغنية الجارفة؟
                   |Articles |News |مقالات |بيانات

12-31-2009, 07:08 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: عوض محمد احمد)

    (2) كيف الحياة غير ليمك "نعيم الدنيا"



    كلمات: عمر البنا
    ألحان: كرومة
    أداء: عبد العزيز محمد داؤود
                   |Articles |News |مقالات |بيانات

12-31-2009, 07:29 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    (3) أنا يا طير


    كلمات: عبيد عبد الرحمن
    ألحان وغناء: إبراهيم الكاشف
                   |Articles |News |مقالات |بيانات

12-31-2009, 07:42 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    (4) جوهر صدر المحافل

    كلمات: صالح عبد السيد "أبو صلاح"
    ألحان وغناء: كرومة
                   |Articles |News |مقالات |بيانات

12-31-2009, 07:55 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    (5) يا الحرموني منك


    كلمات وألحان: عبد الرحمن الريح
    أداء: حسن عطية
                   |Articles |News |مقالات |بيانات

12-31-2009, 08:38 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    (6) يا حبيبي نحن إتلاقينا مرة

    كلمات:السر قدور
    ألحان وأداء: العاقب محمد حسن
                   |Articles |News |مقالات |بيانات

12-31-2009, 09:10 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    (7) حكايتي مع الملام

    كلمات: الصادق ألياس
    ألحان وأداء: أحمد الجابري
                   |Articles |News |مقالات |بيانات

01-03-2010, 10:06 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: عوض محمد احمد)

    سلامات يا د. عوض ..

    Quote: فكرة البوست لا شك انها اكثر من جيدة
    1.ملاحظات الاستاذ الموصلى مهمة حيث سوف تكون المقارنة بين (نظائر) و حينها تكون المقارنة موضوعية
    2. ملاحظة الاخ بريمة ايضا مهمة. و اذا لم يكن من اهدافك ادخال اغنيات الريف و (الربوع) و اغانى
    اهلنا فى الجنوب فلا باس فى ذلك و لكن حينها سوف نتحدث عن (اجمل 100 اغنية وسطية او ام درمانية)
    3. ارى الا يتم التقيد الصارم بعدد معين. فلتكن مثلا 97 اغنية او 197 اغنية ما دام المعيار الجودة
    4. يجب وضح معايير معينة للافضلية: هل هو التجديد فى الكلمة (تجربة مصطفى سيد احمد) ام فى ادخال لون لجنى جديد (شرحبيل احمد), ام فى شعبية الاغنية الجارفة؟

    ملاحظة أستاذنا الموصلي في محلها وأنا فعلاً إستفدت منها في مرحلة من مراحل التنقيح
    واللي تمت على أربعة مراحل ما كان في طريقة أفاضل بيها بين الأغنيات مالم تكون متناظرة
    لكن بعد إكتمال القائمة ما شايفة داعي أنزل الأغاني بنفس الترتيب الفاضلتها بيهو أو إني أحتفظ بيها مصنفة

    بمعنى:
    قسمت تاريخ الغناء لتلاتة مراحل حسب الفترة الزمنية
    فترة أولى "حقيبة"
    فترة تانية
    فترة تالتة

    بعدين حصرت فنانين وفنانات كل فترة على حدة
    بعدين حصرت أغنيات كل فنان
    بعدين فاضلت بين أغنيات الفنان نفسو
    وطلعت أميز وأجمل أغانيهو حتى لو ما كانت بحبها
    عشان أقدر أطلع أجمل أغنيات كل فترة

    بعدين جيت مسكت الأغنيات الإخترتها عن كل فترة
    وفاضلت بينها لغاية ما نقصت العدد للمئة
    وطلعت القائمة بشكلها الحالي ولكن بدون ترتيب


    يعني الأغاني الحاتلقوها في البوست دا هي زبدة الزبدة biggrin22.gif Hosting at Sudaneseonline.com

    معايير الأفضلية كانت الكلمة واللحن والأداء و شعبية الاغنية وإجماع الناس عليها
    "الإجماع دا قد يكون بسبب التجديد في الكلمة أو في اللحن أو لأي سبب آخر"

    بالنسبة للنقطة 2 و3 في مداخلتك بتلقاني رديت عليهم ضمن ردود أخرى في هذا البوست
                   |Articles |News |مقالات |بيانات

01-01-2010, 10:12 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: زهير عثمان حمد)

    الأخ زهير ..

    Quote: أختيار يدل أن لك ذائقة راقية وحس فنان نحن في أنتظار المزيد ونسأل الله لهذه التجربة الكمال و معا لانجاز هذا العمل


    معاً لإنجاز وإكمال هذا العمل


    ومرحب بيك ..
                   |Articles |News |مقالات |بيانات

12-31-2009, 09:40 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    عازة في هواك عازة نحن الجبال
    وللبخوض صفاك عازة نحن النبال

    عازة ما سليت وطن الجمال
    ولا إبتغيت بديل غير الكمال
    وقلبي لي سواك ما شفتو مال
    خذيني باليمين أنا راقد شمال

    عازة في الفؤاد سحرك حلال
    ونار هواك شفا وتيهك دلال
    ودمعي في هواك حلو كالزلال
    تزيدي كل يوم عظمة ازداد جلال

    عازة جسمي صار زي الخلال
    وحظي في الركاب صابو الكلال
    وقلبي لسه ما عرف الملال
    أظنه ود قبيل وكريم الخلال

    عازة ما نسيت جنــة بلال
    وملعب الشباب تحت الظلال
    ونحن كالزهور فوق التلال
    تشابي للنجوم وأنا ضافر الهلال

    عازة ما إشتهت نوم الحجال
    ولا السوار بكى في يمينا جال
    وعازة في الفريق لي ضيق مجال
    قبيلة بت قبيل ملأ الكون رجال

    عازة ما بنوم الليل محال
    وبحسب النجوم فوق الرحال
    خلقة الزاد كمل وأنا حالي حال
    متين أعود أشوف ظبياتنا الكحال

    عازة شفت كيف نهض العيال
    جددوا القديم تركوا الخيال
    روحك أم سماح سري كالسيال
    شجوا الفؤاد حيوا محسور الليال

    عازة في الفؤاد سحرك حلال
    ونار هواك شفا وتيهك دلال
    ودمعي في هواك حلو كالزلال
    تزيدى كل يوم عظمة ازداد جلال

    عازة في حذا الخرطوم قبال
    وعازة من جنان شمبات حبال
    وعازة لي ربوع ام در جبال
    وعازة في الفؤاد دوا يشفي الوبال

    عازة في هواك
                   |Articles |News |مقالات |بيانات

12-31-2009, 11:15 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    تايسا .... سوقي القطر ده براحتك ما تشتغلي بالمغرض حمور
    كلها يومين تلاتة يربطوه في كراع طربيزة في قهاوي الحسين

    انا ما نازلة إلى في محطة الاغنية الأخيرة ...
                   |Articles |News |مقالات |بيانات

12-31-2009, 11:27 PM

Elmuiz Haggaz
<aElmuiz Haggaz
تاريخ التسجيل: 11-04-2009
مجموع المشاركات: 630

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: عزاز شامي)
                   |Articles |News |مقالات |بيانات

01-01-2010, 03:32 AM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Elmuiz Haggaz)

    Quote: فالزمن حتى نهاية الربع الحالي لن يسمح لها بأكثر من ذلك.


    يسمع منك رب تيسير ياحمور..
    حتى تصبح الوحدة جاذبة..
    ويكون لدينا بوست وطنى..
    يهزم إنفصال الشعبية زهرة بحرى وان شالا يهزم بحرى طراوة زاتو!
                   |Articles |News |مقالات |بيانات

01-01-2010, 03:40 AM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Balla Musa)

    Quote: لمدة تزيد عن العامين ونصف قمت بتجميع مادة هذا البوست *


    الله المستعان يا تيسير
    حالتى دى قايلك معتكفه على حفظ القرآن وتجويده..
    وكمان كنت عشمان فى بزوغ فجر قراية تامنة.

    نقول شنو بس..
    الله المستعان... الله المستعان!
                   |Articles |News |مقالات |بيانات

01-01-2010, 07:24 AM

osman righeem
<aosman righeem
تاريخ التسجيل: 06-21-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Balla Musa)


    كل العام و انت بخير

    مجهود مقدر

    كلاسيكيات الغناء السوداني - أفضل مائة أغنية في تاريخ السودان الحديث من وجهة نظر تيسير







    كســــــــــرة:-

    باركي لي لنا مهدي مقاطعة حمور
    مكسب في 2010
                   |Articles |News |مقالات |بيانات

01-01-2010, 08:48 AM

النذير حجازي
<aالنذير حجازي
تاريخ التسجيل: 05-10-2006
مجموع المشاركات: 6887

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: osman righeem)



    شكراً يا تيسير ويديك العافية
    على هذه المجهودات المقدرة والبوست الثر
    وعملت لي ملف فى جهازي لحفظ هذه الأغاني صوت وكتابة

    بس عندي ملاحظة صغيرة على العنوان، بشوف فيهو حبة جهجهة شوية
    مابين كلاسيكيات وفى نفس الوقت حديثة

    تقبل فائق تقديري وكل امتناني
                   |Articles |News |مقالات |بيانات

01-01-2010, 09:49 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19958

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: النذير حجازي)

    تحياتي تيسير
    واصلي فهذا بوست العام
                   |Articles |News |مقالات |بيانات

01-01-2010, 10:08 AM

ود الخليفه
<aود الخليفه
تاريخ التسجيل: 07-21-2002
مجموع المشاركات: 3221

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: ابو جهينة)

    سلامي وتحياتي

    امنياتي بالتوفيق في هذا البوست

    لغاية الان الجميع متفق معك تقريبا رغما عن اختلاف الاذواق

    لكن النبي فوقك

    الاغنيه دي لازم تضاف انشاء الله رقم 101

    التلاته بنات اللابسات تياب

    شغلن قلبي لمن بص الرصيرص فات

    http://www.youtube.com/watch?v=-bQlCLP4Qro&feature=related
                   |Articles |News |مقالات |بيانات

01-01-2010, 12:44 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: ود الخليفه)

    أهلآ تيسير
    مجهود كبير أرجو بل أتوقع أن يصادفه النجاح
    خاصة لو أخذتي بالملاحظات القيمة أعلاه زي كلام الموصلي

    أغنيتان في رأيي وحسب أذني مكتملتان من ناحية النص واللحن والتوزيع الموسيقي والأداء
    هما :
    1- الحزن القديم ، عمر الطيب الدوش
    2- الطير المهاجر ، صلاح أحمد إبراهيم

    وكلاهما من الحان وتوزيع وأداء العبقري محمد وردي
                   |Articles |News |مقالات |بيانات

01-01-2010, 12:58 PM

عامر تيتاوى
<aعامر تيتاوى
تاريخ التسجيل: 01-14-2006
مجموع المشاركات: 3328

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: أبو ساندرا)

    تيسير
    موضوع قيم جدا
    واحيى فيك المثابرة على سبر اغوار الاغنيات
    افضل ما انتجه السودانيون
                   |Articles |News |مقالات |بيانات

01-01-2010, 02:35 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: عامر تيتاوى)

    تيسير
    فاتني أن أقول أن إختيارك ل ( عزة ) في الأول إختيار موفق

    لكن تاني نرجع لكلام الموصلي زنميز بين الأغنية العاطفية والأغنية الوطنية والنشيد والملاحم
    وقبل ذلك أن نميز بين الأغنية الحديثة والأغنية الشعبية وأغنية الحقيبة

    في العاطفي عملي وردي أعلاه في التوب
    وفي الأغنية الوطنية ( عزة ) في المقدمة تليها ( أعز مكان ) ثم ( الجمال والحب في بلادي )
    في النشيد ،، تتنافس الملحمة ( قصة ثورة ) مع ( يقظة شعب ) مع ( أكتوبر الأخضر ) مع ( ياشعبآ لهبت ثوريتك )
    مع ( طريق الجامعة ) مع ( راية الإستقلال )
    ويلاحظ تفوق وردي في هذا المضمار ، كما تفوق في العاطفية
                   |Articles |News |مقالات |بيانات

01-01-2010, 02:40 PM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: أبو ساندرا)

    أبو ساندرا

    بالله ما تأثر على سير العدالة
    وخلينا من حركات أنا سودانى ولا لن أحيد بتاعتك دى !
                   |Articles |News |مقالات |بيانات

01-01-2010, 02:57 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22531

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Balla Musa)

    تيسير كيفنك ياخي

    غايتو مرحبا يا شوق لي وردي
    وغلطة لي وردي
    وعويناتك لي ابو اللمين
    وبدون رسائل للجابري
    من بهاك لي صلاح ابن البادية
    وليه تقول ايامنا ضاعت وانتهينا لي عثمان حسين
    وخونك لي زيدان
    ديل برهن يخلن الزول يتبشتن رسمي ويدستر كمان
                   |Articles |News |مقالات |بيانات

01-01-2010, 03:13 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: طارق جبريل)

    تيسير
    كل سنه وانت طيبه
    والله بوست جميل وانشالله بالتوفيق بس عندى ليك اضافه
    ظلت اغنية مرت الايام للشاعر مبارك المغربى وللمبدع
    ربنا يشفيه عبد الدافع عثمان تتصدر اجمل خمسه اغانى
    لمدة عشرين عام فى الاستفتاء الذى كان تجريه الاذاعة
    فى ذلك الزمن الجميل
    مودتى



    Quote: في العاطفي عملي وردي أعلاه في التوب
    وفي الأغنية الوطنية ( عزة ) في المقدمة تليها ( أعز مكان ) ثم ( الجمال والحب في بلادي )
    في النشيد ،، تتنافس الملحمة ( قصة ثورة ) مع ( يقظة شعب ) مع ( أكتوبر الأخضر ) مع ( ياشعبآ لهبت ثوريتك )
    مع ( طريق الجامعة ) مع ( راية الإستقلال )
    ويلاحظ تفوق وردي في هذا المضمار ، كما تفوق في العاطفية



    ابو ساندرا احتراماتى
    وكل سنه وانت طيب
    فى الاناشيد الوطنيه ترانى مختلف معك فى ماذهبت اليه لان قصة ثورة عليها اجماع غير عادى
    لحنا وكلمات واداء كورالى لم يكن له مثيل ... ثم اكتوبريات وردى فى المرتبه الثانيه
    بكل ذلك الضجيج الذى احدثته اما طريق الجامعه التى تغنى بها الرائع عبد الكريم الكابلى
    وصاغها لحنا عبد الله عربى متعه الله بالصحة ورغم جمال النشيد الا اننى استبعده من منافسة
    قصة ثورة لفوارق كبيره بينهم.....
    لك كل الود وسنه حلوة عليك
                   |Articles |News |مقالات |بيانات

01-01-2010, 03:58 PM

GamarBoBa
<aGamarBoBa
تاريخ التسجيل: 03-07-2002
مجموع المشاركات: 4985

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: مدثر قرجاج)

    Quote: يا زول أنا زاتي هامش وهامش ما بيتكلم عربي زاتو والكلام بالعربي في بلدنا عيب عديل
    ومع ذلك القائمة دي ما شملت أغاني الرطانة الدنقلاوية والمحسية والحلفاوية
    كما لم تشمل تراث الشايقية بتاع الطنبور ولا أغاني الحماسة والشكر الجعلية
    ولا غنا حكامات الغرب ولا الجنوب قول لي ليه يا بريمة؟
    لأنو دي أغاني محلية خاصة بأصحاب المنطقة
    ما بنفع أشيل رطانتي الدنقلاوية دي وأمشي أغني بيها في بوادي كردفان

    طيب الأغنية الاولي بتاعة عزة ذاتا جاية من الهامش
    والأغنية الحديثة نفسها تعتمد علي ايقاعات الهامش
    السبب الخلي تصنيفك يعتمد علي أغاني امدرمان هي اذاعة امدرمان ومحاولة أن الاغنية السودانية هي صناعة امدرمانية وبوستيك بصب في نفس الخانة البتودي اغنيات الهامش التوج مع انها هي باقية والدليل اغنية امدرمان بدت للظهور قبل مئة سنة بس

    ينفع جداَ انك تغني بالدنقلاوية في بوداي كردفان والناس تنطرب ليها لأنو الأغنية بتتكون من عناصر كثيرة منها اللحن والايقاع وبتجي بعد داك اللغة ومدي تمثيلها لقاعدة كبيرة من الناس لانو في اغنية اثيوبية اسمها ابباي شنو كدة بتطربني اكتر من الطار البغنوا بيه ديناصورات امدرمان
    اغنيات امدرمان نفسها لو شلنا منها حنين وهجرات ناس الهامش وقضاياهام ممكن تبقي فكرتها يا ليلي هوي بس

    ملاحظة اخيرة اللغة البنتكلم بيها كمحس وحلفاويين ودناقلة لغة مكتوبة الآن وعندها حروف ..فما رطانة...زيها وزي العربي ولو لقت الإهتمام الكافي لبقيت وعبرت عننا كما يجب.
    لانو ببساطة أنا ممكن انطرب ويعبر عني حسين ألالا أكثر من فيروزنفسها


    كل سنة وانتي طيبة وربنا يبلغ المقاصد
                   |Articles |News |مقالات |بيانات

01-01-2010, 05:40 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: GamarBoBa)

    Quote: طيب الأغنية الاولي بتاعة عزة ذاتا جاية من الهامش
    والأغنية الحديثة نفسها تعتمد علي ايقاعات الهامش
    السبب الخلي تصنيفك يعتمد علي أغاني امدرمان هي اذاعة امدرمان ومحاولة أن الاغنية السودانية هي صناعة امدرمانية وبوستيك بصب في نفس الخانة البتودي اغنيات الهامش التوج مع انها هي باقية والدليل اغنية امدرمان بدت للظهور قبل مئة سنة بس

    لو رجعت لردي على بريمة بتلقاني كاتبة نفس كلامك دا إنو الأغنية الحديثة إعتمدت على موسيقى وإيقاعات المنحدرين من الهامش
    ونعم يا قمر بوبا الأغنية السودانية الحديثة صناعة أم درمانية لأنو أمدرمان في الفترة ديك ضمت الناس الهاجروا ليها من جميع بقاع السودان كلهم حملوا ثقافات مناطقهم وموسيقاهم وسكبوها في الأغنية الأمدرمانية الماعاجباك دي !
    ونعم بوستي يصب في نفس الخانة ولكن لا تودي أغنيات الهامش التوج لأني حددت الفترة الزمنية الأنا عايزة أشتغل عليها وقلت تحديداً (تاريخ السودان الحديث) يعني المية عام الفاتت وحددت نوعية الأغاني العايزة أغطيها لو شعرت إنو الحاجة الإنت عايزها ما في البوست دا ممكن تفتح بوست تاني يغطي مواضيع إهتمامك !!
    الزول يجي يقول يا خوانا أنا عايزة أعمل rating للأغاني الفلانية في الفترة الفلانية تجوا تقولوا ليهو لالا غطي الحتات دي معاك ودا مالو مافي ودا مالو في؟ بالمنطق دا حتجي واحدة تقول لي وينا أغاني البنات واحد تاني يقول لي لماذا لم تشملي أغاني السيرة biggrin20.gif Hosting at Sudaneseonline.com



    Quote: ينفع جداَ انك تغني بالدنقلاوية في بوداي كردفان والناس تنطرب ليها لأنو الأغنية بتتكون من عناصر كثيرة منها اللحن والايقاع وبتجي بعد داك اللغة ومدي تمثيلها لقاعدة كبيرة من الناس لانو في اغنية اثيوبية اسمها ابباي شنو كدة بتطربني اكتر من الطار البغنوا بيه ديناصورات امدرمان
    اغنيات امدرمان نفسها لو شلنا منها حنين وهجرات ناس الهامش وقضاياهام ممكن تبقي فكرتها يا ليلي هوي بس

    ملاحظة اخيرة اللغة البنتكلم بيها كمحس وحلفاويين ودناقلة لغة مكتوبة الآن وعندها حروف ..فما رطانة...زيها وزي العربي ولو لقت الإهتمام الكافي لبقيت وعبرت عننا كما يجب.
    لانو ببساطة أنا ممكن انطرب ويعبر عني حسين ألالا أكثر من فيروزنفسها

    قمر بوبا بصراحة شاعرة بيك بعدت كتير عن الحاجة الأنا قصدتها من البوست دا

    نحن ما في حالات طرب قد تحدث وقد لا، نحن في حالات طرب حدثت أوريدي والناس إتفقت عليها ورسخت في وجدانها
    وأنا حبيت أوثق ليه ..


    وكل سنة وإنت طيب
                   |Articles |News |مقالات |بيانات

01-05-2010, 10:53 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: طارق جبريل)

    Quote: تيسير كيفنك ياخي

    غايتو مرحبا يا شوق لي وردي
    وغلطة لي وردي
    وعويناتك لي ابو اللمين
    وبدون رسائل للجابري

    من بهاك لي صلاح ابن البادية
    وليه تقول ايامنا ضاعت وانتهينا لي عثمان حسين
    وخونك لي زيدان
    ديل برهن يخلن الزول يتبشتن رسمي ويدستر كمان


    ترشيحات راقية يا طارق
    وبالذات البي أحمر دي


    طبعاً أكتر إتنين جهجهوني بالجد الجابري وعثمان حسين
    أغانيهم كلها جميلة ما تعرف تشيل شنو وتخلي شنو ..
                   |Articles |News |مقالات |بيانات

01-01-2010, 03:20 PM

محمد النيل
<aمحمد النيل
تاريخ التسجيل: 10-08-2009
مجموع المشاركات: 5736

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Balla Musa)

    الاخت ذات الذوق الفنى الرفيع تيسير عووضة
    لقد نجحت فى انشاء بوست اعتقد ح ياخذ زمن طويل واحتمال يكون توثيقى كبوست الاخ ابو العزائم فى الصور الفوتغرافية الهامة
    بس انا واضع اغنية فى نفسى وبعتبرها اجمل اغنية سودانية على الاطلاق
    وما ح اتحدث عنها الا لاحقا
    ح اشوف انت والمهتمين ح تتطرقوا ليها ام لا
    وحتى الان لم تتطرقوا لها
    وح انزلها فى النهاية
    بس ارجو من الاخوة المتداخلين بعد اذنك طبعا
    انو اذا واحد فيكم نزل اغنية او فيديو
    ارجو انها ما تكون ذاتية التشغيل ما تكون( اوتوماتيك)
    واتركوا خيار التشغيل للقارئ
    رايكم شنو؟
    تحياتى
                   |Articles |News |مقالات |بيانات

01-01-2010, 04:04 PM

Elbagir Osman
<aElbagir Osman
تاريخ التسجيل: 07-22-2003
مجموع المشاركات: 20072

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: محمد النيل)

    بريمة

    ما أوردته عن الحكامات والهدايين يهمني جدا

    وكل فنون الثقافات السودانية

    بما فيهم الدناقلة وغيرهم

    إذا رأت تيسير مواصلة استبعادهم

    - وفق سياسة الدولة وأجهزة إعلامها -

    فأرجو منك يا بريمة أن تواصل المعلومات حول ما أوردت

    في بوست آخر

    وتثريه بنماذج مكتوبة وصوتية من إبداعاتهم

    وأفضل أن يكون البوست مفتوحا لأبداعات السودانيين من كل مكان


    الباقر موسى
                   |Articles |News |مقالات |بيانات

01-01-2010, 04:07 PM

Elbagir Osman
<aElbagir Osman
تاريخ التسجيل: 07-22-2003
مجموع المشاركات: 20072

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Elbagir Osman)

    لتيسير

    ما تتحدثيه ليس رطانة

    بل لغة نوبية

    كلمة رطانة كلمة تحقيرية


    الباقر
                   |Articles |News |مقالات |بيانات

01-01-2010, 04:18 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Elbagir Osman)

    وطنا
    البي إسمك كتبنا ورطنا



    أول مرة - في حياتي - أعرف إنو كلمة رطانة فيها تحقير !

    (عدل بواسطة تيسير عووضة on 01-01-2010, 04:23 PM)

                   |Articles |News |مقالات |بيانات

01-01-2010, 04:32 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Elbagir Osman)

    الأستاذ الباقر عثمان ..

    موضوع البوست محدد سلفاً على الأقل بالنسبة لي
    هذا لا يعني بالطبع عدم إهتمامي بالفنون الشعبية والفلكلورية

    ذلك مبحث منفصل أتمنى أن أنجزه كما أنجزت هذا قبلاً ..
                   |Articles |News |مقالات |بيانات

01-01-2010, 05:49 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    جميع الأعزاء المارديت عليهم فوق
    جاياكم واحد واحد إلى جانب مواصلة إنزال باقي الأغنيات


    بس أعذروني الوقت ما مساعدني



    لكم المودة جميعاً
                   |Articles |News |مقالات |بيانات

01-01-2010, 08:58 PM

حامد محمد حامد
<aحامد محمد حامد
تاريخ التسجيل: 11-18-2008
مجموع المشاركات: 3060

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    الاخت تيسير شكرا على الجهد ولا تنسى الكابلى الرائع
                   |Articles |News |مقالات |بيانات

01-02-2010, 05:01 AM

محمد النيل
<aمحمد النيل
تاريخ التسجيل: 10-08-2009
مجموع المشاركات: 5736

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: حامد محمد حامد)

    يا اخوانا
    عايزين فن نظيف بعيدا عن اى مفاهيم اخرى
    بس ح ارد على الحتة دى
    كلمة رطانة بالنسبة للنوبية ليس تحقير وانما مفهوم عام خاطئ شايع من غير سوء نية بين الناس
    الرطانة هى اى لغة غير مفهومة للاخرين
    حتى لو كانت عربى بالنسبة لغير الناطقين بها
    فما تزعلى يا نوبية انا زاتى نوبى
    اللغة النوبية لها كتابتها وكتب للتعليم
    وابتدأ المهتمون النوبيون ببعث كتابتها
    والان اصبح كتابتها متداولة حتى عبر النت والايميلات وفى بحث قوقل
    بس عن طريق الفيرفوكس
    ولها كيبورد وسوفت وير ويمكن تعليمها اونلاين.
    واذا صادف اى وا نزل اغنية بالنوبى هنا ممكن اترجمها ليكم لاحقا.
    بس خلونا مع كلاسيكيات ام درمان حاليا
    معليش للخروج بر شبكة البوست
    وفى انتظار بقية الاغانى
    وشكرا
                   |Articles |News |مقالات |بيانات

01-02-2010, 06:56 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: محمد النيل)

    (8) الحزن القديم

    كلمات: عمر الطيب الدوش
    ألحان وأداء: محمد وردي
                   |Articles |News |مقالات |بيانات

01-02-2010, 06:59 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    (9) طار قلبي

    كلمات: محمد أحمد الجاغريو
    ألحان وأداء: أحمد المصطفى
                   |Articles |News |مقالات |بيانات

01-02-2010, 07:01 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    (10) زاد الشجون

    كلمات: فضل الله محمد
    ألحان وأداء: محمد الأمين
                   |Articles |News |مقالات |بيانات

01-02-2010, 11:17 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    kaleelfarah.jpg Hosting at Sudaneseonline.com




    عازة في هواك - خليل فرح

                   |Articles |News |مقالات |بيانات

01-02-2010, 11:25 AM

عبد السميع دفع الله
<aعبد السميع دفع الله
تاريخ التسجيل: 11-07-2009
مجموع المشاركات: 310

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    عبدالقادر

    تحياتى



    يوم البحيرة

    كلمات : مبارك المغربى

    غناء : عبدالدافع عثمان


    ويوجد اداء رائع بحق : لأسرار بابكر
                   |Articles |News |مقالات |بيانات

01-06-2010, 07:21 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: عبد السميع دفع الله)

    Quote: عبدالقادر

    تحياتى



    يوم البحيرة

    كلمات : مبارك المغربى

    غناء : عبدالدافع عثمان


    ويوجد اداء رائع بحق : لأسرار بابكر

    يا عبد السميع شكلك شايل من إسمك ..


    الأستاذ عبد الدافع عثمان مبدع حقيقي
    أرجو أن تقرأ تصحيح د. أحمد القرشي حول كاتب الأغنية



    لك التحية ..
                   |Articles |News |مقالات |بيانات

01-02-2010, 12:45 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)


    نعيم الدنيا

    كيف الحياة غير ليمك
    من بعدك أصبح حظي زي لون هضليمك
    يا نعيم الدنيا

    يا حليف الخدري التايه في نعيمك
    ما دام هاجرني أرسل لي نسيمك
    وأنعش لي روحي بندِّ جسيمك
    أو طيب المسك الفايح من تبسيمك

    يا أماني حياتي البيك نور إقليمك
    يتمنى التبري يلمع كأديمك
    تشتاق الشمس تظفر بي ليمك
    تاخد من نورك تلثم في قديمك

    يا فرع البانة المايل في خميلك
    من قامتو حبيبي متعلم ميلك
    يا البدر التم ما بتم تكميلك
    لو ما تجعل لي محبوبي زميلك

    سيوف الهندي من لحظة عينك
    ليه بيها تصيبني إيه بيني وبينك
    غير كوني بريدك وحياة خدينك
    كف عني صدودك يا روحي وبينك

    ليك حق في صدودك وتيهك وتدليلك
    ليك حق تهجرني ويكتر تعليلك
    ما دام فردي على جيلك
    تمتاز بالعفة المانعني أجيلك

    مع صدك وهجرك لا زلت أريدك
    ومنام عيني بين حظوظ جيدك
    تيه بي نعيمك مولاي يزيدك
    ضيعت حياتي تسلم لي إيدك
    يا نعيم الدنيا
                   |Articles |News |مقالات |بيانات

01-02-2010, 01:15 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    news_imagessudan5C810200830011AMabd2.jpg Hosting at Sudaneseonline.com


    تيه بي نعيمك مولاي يزيدك .. ضيعت حياتي تسلم لي إيدك



    نعيم الدنيا - أبو داؤود (أوركسترا)

                   |Articles |News |مقالات |بيانات

01-02-2010, 01:30 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    أنا يا طير

    أنا يا طير
    أنا ياطير بشوفك

    فرحان وبتغني
    وحبيبك معاك
    وحبيبي
    غاب عني

    أنا يا طير موله
    محزوناً لأني
    وحيد
    حبيبي غايب

    و آه يا طير
    و تاني علي مصايب
    من أدهى الغرايب
    لي أقرب حبايب
    صدوا
    وبعدوا مني

    أنا يا طير حبيبي
    للآلام تركني
    وبدلل عليّ
    وبالهجران هلكني

    زعلان مني صدّ
    حبيبي زعلان
    زعلان مني صدّ
    وبي رايه إستبدّ
    إتناسى المودة
    وإعتاد التجني

    ياريت
    كنت زيك
    لو يجدي التمني
    حبيبي يكون معاي

    وفي الأشجار نقيّل
    وبالأغصان نميّل
    يا طير
    بخفة جناحك
    وحرية سراحك
    في الأفنان
    نغني

    أنا يا طير
    محل ما تطير بشوفك
    أنا يا طير بشوفك

    (عدل بواسطة تيسير عووضة on 01-02-2010, 01:48 PM)

                   |Articles |News |مقالات |بيانات

01-02-2010, 04:00 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    ibrahim_kashef_299067108.jpg Hosting at Sudaneseonline.com

    ياريت كنت زيك لو يجدي التمني


    أنا يا طير - إبراهيم الكاشف ( أوركسترا)
                   |Articles |News |مقالات |بيانات

01-02-2010, 05:15 PM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12722

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    تيسير ..
    كل سنة وأنتِ بألف خير ..
    جميل ما تقومين به ..
    فكرة البوست رائعة ولعمري هذا توثيق رائع ..
    الإختلاف في حد زاته يساعد على تجويد العمل وقد تأتي فكرة أخرى مثل ما تطرق له بعض الأخوان هنا مثل تضمين الأغنيات التراثية وغناء الريف ..
    ولا أحبذ الدخول في سيطرة الوسط على كل شئ في بلادي فهذا موضوع آخر وقد لا يحتاج لطويل شرح فالعين تراه مباشرةً ..
    على الأقل قد نتفق على الكثير من الأغنيات منذ الحقيبة ومروراً بالأغنية الحديثة ووجدت صدىً لدى الشعب السوداني ولامست وجدانه ..
    لذلك واصلي في عملك وأن نستفيد من الأراء التي ترد في سياق هذا البوست ..
    وحبذا لو ضمنت العمل كاملاً في رد واحد مثال ..

    إسم الأغنية وشاعرها ثم كلماتها ..
    وتحتها تسجيل صوتي لها ..

    يا ريت الواحد يلقى يده عشان يساهم في هذا البوست ..
                   |Articles |News |مقالات |بيانات

01-02-2010, 04:23 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)


    جوهر صدر المحافل

    يا جـوهـر صـدر المـحافـل
    روحـي معـاك تلـطفـيـلا

    ما الـنور الـفي حـليـهو رافل
    في حُـق نـهدو قـلوبنا قافـل
    كالظـبي الفـي مـقـيلو غافل
    تـارة يميـل والتـانية جـافل
    وجـهو يــنور والبـدر آفـل
    فـوق للـبدر يزيــد نفـيلا

    يــا النـور خـدك لاح مـقابل
    للـشعر الـطال لـيلو سـابل
    سـهـم لحـاظك ليـنا نـابل
    بـي كل شي دون هجري قابل
    ينسـب نـوحي عـلي البلابل
    وإنــتي القــمرة بتُنـسبيلا

    ليك جوز عين نعسـان وكاحل
    خصراً يمـيّل وصـدرو راحـل
    لـي وجـداً لي جسـمي ناحل
    بـحر الشــوق مـاليه ساحل
    بيـني وبـين الـنوم مـراحل
    ويـن للطيــف أنا ألقى حيلة


    الـفـرع الـبـتـّنـي راتـل
    طيرو ينوح في غصـونو حاتل
    وهـو نـديم لي فكـري شاتل
    الأسـد الـفي القيــد ينـاتل
    يـتـأكد مـاليـهـو كـاتـل
    غـير مكـحـول ظبـي النتيلة

    ضاوي سـناك لي بريقو راسل
    لاح بـين عـنابتين عـواسـل
    صدرك يـرجح وكـتفو خـاتل
    رنـا طرفـك للسـيف يمـاثل
    بـيه يجــنـدل كل بـاسـل
    ساحـبة دغـس وخدود أسيلة

    يا الـمـرنوع الـكـتفو هـادل
    في دروعو ولمـعـاصمو جادل
    أنـا سـاهر والـليـل سـادل
    شـرط الـحاكم يبــقي عادل
    لا أقــبل بـهـواك مـبـادل
    كيف أعشـق وأرضـى البديلة

    أمـنـع طيفـك لي يـقـاتـل
    داخـل قلبي أنا لــيك مـنازل
    يالائــم لاتـبـقـي هازل
    أنا في الحـب لي روحـي باذل
    العـاشـق يـسـمع لي عاقل
    خلـّي نصيــحـتك عني زيلا

    فوق الجـمـر و دمـعي باهل
    كيف نار تشــعل في مـناهل
    ضاق بي الكـون مع إنو ماهل
    نومي تصعّب ووجـدي سـاهل
    لو بي حـالة دهـري جـاهل
    في الأنجـم أســأل سـهـيلا

    لـي طيـفك مالقــيت وسائل
    غير بسط النســمات رسـائل
    أغـرب شـي وأعـجب مسائل
    حلـم الصاحـي ودمـعو سائل
    لو شـكيـت في أمـري سائل
    الـبدريـن كـونـك مـثـيـلا

    زايـد شـوقي ودمـعي هـامل
    جمر الحب لي جـسمي شـامل
    حتـي الطـيف لـي لا يـجامل
    مـع كـلاً مــا كــنت آمـل
    دمــي تحـننـي بيـه الأنامل
    هل يرضـيك كـدا ياجـمـيـلة
                   |Articles |News |مقالات |بيانات

01-02-2010, 04:40 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    karooma1.jpg Hosting at Sudaneseonline.com

    لـي طيـفك مالقــيت وسائل
    غير بسط النســمات رسـائل
    أغـرب شـي وأعـجب مسائل
    حلـم الصاحـي ودمـعو سائل


    جوهر صدر المحافل - عبد الكريم عبد الله (كرومة)

                   |Articles |News |مقالات |بيانات

01-02-2010, 05:46 PM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12722

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    Quote: خليل فرح

    المولود في 1894 والمتوفى في 1932

    ولد الخليل في قرية دبروسا بحلفا القديمة بين الحضارات العتيقة ..
    بدأ تعليمه في خلوة أحمد هاشم وحينما أراد الالتحاق بالمدرسة الوسطى اختير ليتعلم صنعة بمدرسة الصنائع بكلية غوردون لأن عمره كان أكبر من العمر المقرر ..
    ومنذ صغره كان يسمع الغناء والشعر في بيته وشارك في الرقص والطرب ..
    وفي مدرسة الصنائع التقى بالمثقفين والمهتمين بالشعر وكان مقرباً لهم ..
    وفي شبابه حاول أن يكتب الشعر بالعربي ولكن أحد أقربائه وهو محمد علي بدري حبب إليه الكتابة بالعامية ..
    كان يحب التنزه بالقارب في النيل وكانت ليالي الأنس والسمر في صاي قد أنبتت في روحه الأشواق والأحلام ..
    كان الخليل مرموقاً محترماً بين المجتمع السوداني وكان رؤسائه يصفونه بالمتمرد المعوق ..
    بدأ حياته مع المرض منذ فترة طويلة وكانت تهاجمه النزلات الشعبية التي غزت رئتيه فكان دائماً الذهاب للمستشفى كان متصلاً بجمعية اللواء الأبيض ولكنها كانت حذره في التعامل مع الذين يختلطون بالمجتمع أو السهر مع أصدقاء ليست لهم علاقة مع الجمعية وحتى الفتيات التي كان يلتقي بهن نفرن منه وتركنه وتوجس منه الرؤساء وعرفوا أنه على صلة بالحركات الوطنية ..
    ولما تمكن منه المرض نصحه أصدقائه بالذهاب لمصر والعلاج هناك ولكنه كان يحب حياته تلك وكان يحب بلاده وعاشق لفتاة كانت ترعاه فصبر على ذلك .
    كان يعرض أشعاره على أصدقائه ويشاركونه فهو يحيا بفنه مع الآخرين ويحيى بفنه الآخرون .
    مائه وخمسين جنيهاً هي كل ما حصده من العمل الحكومي سنة 1929م بعد أن استغنى عن خدماته ، بعدها استجاب لأصدقائه وذهب للقاهرة ودخل بواسطة إدريس بك خادم الملك فؤاد وهو من أقرب الأقربين إليه المستشفى للعلاج ويدبر له عملاً ولكن طابت للخليل ليالي القاهرة ورحل عن بيت خاله الملحق بسراي عابدين ليسكن مع أحمد الزبير بمنشية البكري ولعله القدر الذي جعله يقابل ابنة الجوهري الارمني التي نظم فيها قصيدة ..
    بين جنائن الشاطئ وبين قصور الروم
    حي زهرة روما وأبكي يا محروم ..
    ولاقت هذه القصيدة شهرة كبيرة وترجمت للانجليزية فقدم له الخواجة أرمان والد ماري بهدية ماليه قدرها خمسون جنيهاً من الذهب ولكن الخليل رفضها ..
    وهناك الكثير من عرائس شعره وردن على لسان الرواية العليم بأسرار شعره أحمد الزبير وكانت حبيبته الخالدة سكينة جاءت سيرتها في قصيدة فلق الصباح ..
    وجاء الخليل بلون جديد من الغناء فقد أدخل الغناء بالعود بعد أن كان الرق مسيطراً عليه في فترة العشرينات وكان الخليل يلحن أغنياته ويغنيها بصوته وترك للمغنين حرية تقديمها وقد عرف الغناء على يده بغناء الصالونات الذي يجمع الخاصة وهو غير غناء الحفل الذي يجمع العموم . وكانت شلته تتكون من الأصدقاء وزملاء العمل وهم في مجموعهم المتخرجين من كلية غوردون فكان له أثر في شعره وألحانه . فكانت عازه في هواك من أشهر الأغنيات السودانية الخالدة وهناك الكثير من أغنياته التي أصبحت إرث فني سوداني ..



    عازه في هواك

    عازه في هواك عازه نحن الجبال ولليخوض صفاك عازه نحن النبال
    عازه ما سليت وطن الجمال ولا ابتغيت بديل غير الكمال
    وقلبي لي سواك ما شفته مال خذيني باليمين أنا راقد شمال

    عازه ما سليت جنة بلال وملعب الشباب تحت الظلال
    ونحن كالزهور فوق التلال تشابي للنجوم وأنا ضافر الهلال

    عازه في الفؤاد سحرك حلال ونار هواك شفا وتيهك دلال
    ودمعي في هواك حلو كالزلال تزيدي كل يوم عظمة أزداد جلال

    عازه جسمي صار زي الخلال وحظي في هواك صابو الكلالا
    وقلبي لسه ما عرف الملال لأنه ود قبيل وكريم الخلال

    عازه ما شكت مر الحجال ولا السوار بكى وفي يمنها جال
    وعازه في الفريق للطيق مجال قبيلة بت قبيل ملأ الكون رجال

    وعازه في ربوع أم در شمال عازه في حذا الخرطوم قبال
    وعازه من جنان شمبات حبال وعازه في الفؤاد دوى يشفي الوبال

    دي نبذة عن خليل فرح إقتبستها من كتاب ( حقيبة الفن شعراء وفنانون ) للأستاذ السر قدور ..
    وهذا هو البوست الذي وردت فيه ما بين زول ساكت وصـديق المـوج تــيه وإتـاكا ..
                   |Articles |News |مقالات |بيانات

01-03-2010, 07:04 AM

محمد زكريا
<aمحمد زكريا
تاريخ التسجيل: 09-01-2009
مجموع المشاركات: 4909

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: معتصم دفع الله)

    b]
    Quote: هي محاولة متواضعة مني لتعلية مقام إبداعاتنا ومبدعينا
    أهل الإختصاص في بلادنا ما فاضين للفارغة دي
    لديهم ما هو أهم من ذلك، وطموحاتهم الشخصية أولى لهم فأولى ..

    ولكنهم يتناسون أن الأمم الفنون "ما بقيت"
    فإن هم ذهبت فنونهم .. ذهبوا !


    هي محاوله قيمه منك بلا شك
    ومتواضعه فعلا وفقيره الي حد ما
    من تقصدين باهل الاختصاص؟؟....واي فارغه؟؟
    =====
    الاخت تيسير احييك اولا علي القيام بفتح بوست يهتم بالتوثيق والتقييملافضل مائه اغنيه في تاريخ السودان الحديث وفي ذلك لمسئوليه ضخمه
    ....وياه من عنوان بوست ضخم..ايضا
    اخت تيسير عووضه اكون واضح وصريح معك الرأي في امر هذا البوست
    اذا كنت فعلا تحاولين الوصول الي تعليه مقام ابداعاتنا ومبدعينا فليست بهذه الطريقه تسطر الاشياء لتكون في التاريخ..
    ولا انكر جديه ونبل وهمه مقصدك من هذا البوست
    الذي اراه هنا هو فقط اختيارك لاغانيك المفضله وليس تقييما للارث الغنائي السوداني وهو تقسيم من نظره شخصيه بمفهوم متواضع عن كيفيه تصنيف الاغنيات وتقييمها, وهي اشبه بسرد مزاجي علي نمط فنانك المفضل وشاعرك المفضل كما يدون في بروفايلات الاعضاء بالمنبر ذلك لا يعطي القيمه المرجوه كماعنون لها في موضوع الغرض من هذا البوست...
    حقيقه انا لا اقف ضد تقييمك ومحاولتك في تدوين تاريخ كلاسيكيات الغناء السوداني وحصرها او اختصارها في مائه عمل موسيقي ان كان لشيء يخصك والسلام, وانمالكونك تقومين بطرح امر اعتبره بغايه الاهميه ولم يستوفي الحق الكامل في كيفيه التعامل معه في طرحك.
    حتي بخلاف التاريخ واشكاليه تحميله حمل معلومه قد تكون خاطئه فان ابسط طرق التصنيف واختيار الافضل في مجال الاغنيه يشترك فيه مستمعون مختلفي التذوق, ومن المتعارف عليه ان ذلك يكون في شكل ترشيح يشارك فيه كل المستمعين و(المختصين)
    وذلك الذي اخترتيه لم يكن تصويتاعلي الاقل ليس لكل السودانين ات فرصه المساهمه فيه حتي نثمن علي انك علي حق ونشهد علي صحه رائ من يقل هذه هي افضل مائه اغنيه في تاريخ السودان الحديث وفي كم من السنين حينها تكوني فعلا وضعت تاريخا صحيح.
    ======
    انا اشجعك ان تمضي في سرد الاغنيات ولكن اتي الينا بكيفيه التقييم والتحليل وان كان ينقصك الدرايه بالكيفيه ف(المتخصصين) هنا كثر وسيساعدونك حتماان شئت.
    اعتقد انك بهذه الطريقه تطرحين ما تعتقدينه وتفضلينه انت فقط تلكم الافضل مائه اغنيه ثم تنسبينه للتاريخ..؟
    والاجدر ان ترشحي ما تفضلي فقط وتتركي جزء حق التقييم للمتذوقين و(المتخصصين) في مجال الموسيقي والشعر والغناء ثم اكتبيه كمرجع يؤرخ المؤرخين به لافضل مائه عمل مقييم كنتاج من كم الاعمال الغنائيه المرشحه ان امكن الاختيار والترشيح
    =====


    كماارجوك المواصله في طرح ترشيحاتك للاعمال التي قد تكون ضمن افضل مائه عمل كلاسيكي في تاريخ الغناء السوداني
    وحتما سنعود لندفع بالبوست الي الامام


    تحياتي

    مورتون

                   |Articles |News |مقالات |بيانات

01-03-2010, 09:21 AM

dardiri satti

تاريخ التسجيل: 01-14-2008
مجموع المشاركات: 3060

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: محمد زكريا)

    أستاذتي ،
    دا مجهود رائع وعظيم وخدمة كبيرة للفن الغنائي السوداني.
    ياريت نرفع العدد عشان يكون
    ""أفضل ألف اغنية""
    حتى لانظلم عدد كبير من الأغاني.
    أضيفي مني :
    أجراس المعبد ،
    فهي لقاء قمة بين برعي وأبو داؤود وحسين عثمان منصور.

    Quote:
    (5) يا الحرموني منك


    كلمات وألحان: عبد الرحمن الريح
    أداء: حسن عطية


    أنا كنت بفتكر إنه أغنية""حرمان"" دي،
    و""إنت حياتي""
    و""حبيب عمري""

    من كلمات طه حمدتو

    أرجو تصحيحي إن كنت مخطئاً.

    تحياتي
                   |Articles |News |مقالات |بيانات

01-03-2010, 09:35 AM

شول اشوانق دينق
<aشول اشوانق دينق
تاريخ التسجيل: 02-13-2006
مجموع المشاركات: 5332

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: dardiri satti)

    بوست شحمان جداً يا تيسير
                   |Articles |News |مقالات |بيانات

01-03-2010, 10:27 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: شول اشوانق دينق)

    مورتون دقيقة دقيقة biggrin23.gif Hosting at Sudaneseonline.com


    أهل الإختصاص والفارغة ديل نهائي ما مقصود بيهم أهل الفن
    مقصود بيهم القائمين على أمر التوثيق والتكريم
    والمحافظة على إرث بلادنا الفني خصوصاً والثقافي عموماً بين قوسين ناس الحيكومة

    أهل الفن ما في زول طالب منهم توثيق
    أهل الفن ديل يبدعوا وبس والدولة هي المفروض تحفظ إبداعهم

    عشان ما تمشي لبعيد




    باقي مداخلتك سأرد عليها لاحقاً
    وإن كان الرد عليها موجود بين طيات هذا البوست "راجع ردي على عوض محمد أحمد لو حبيت"


    تحياتي يا فنان وما تزعل ياخي
                   |Articles |News |مقالات |بيانات

01-08-2010, 12:50 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: شول اشوانق دينق)

    الريّس شول ..

    تسلم يا سيدي وخليك متابع معانا
                   |Articles |News |مقالات |بيانات

01-08-2010, 12:47 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: dardiri satti)

    الأستاذ درديري ساتي ..
    Quote: أستاذتي ،
    دا مجهود رائع وعظيم وخدمة كبيرة للفن الغنائي السوداني.
    ياريت نرفع العدد عشان يكون
    ""أفضل ألف اغنية""
    حتى لانظلم عدد كبير من الأغاني.
    أضيفي مني :
    أجراس المعبد ،
    فهي لقاء قمة بين برعي وأبو داؤود وحسين عثمان منصور.

    أنا لو علي أي غنية إتغنت في تاريخ الغناء بتستحق إنها تكون هنا
    غنانا ما ساهل
    وما في زول من الكانوا بيغنوا ديل ساهل

    بس حبينا نخلّد أفضل الأفضلين ..

    وأجراس المعبد من روائع أبو داؤود بالطبع ..
                   |Articles |News |مقالات |بيانات

01-06-2010, 06:50 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: حامد محمد حامد)

    المحترم حامد محمد حامد ..
    Quote: الاخت تيسير شكرا على الجهد ولا تنسى الكابلى الرائع

    معقولة بس smile.gif Hosting at Sudaneseonline.com
                   |Articles |News |مقالات |بيانات

01-06-2010, 06:41 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: محمد النيل)

    المحترم محمد النيل ..

    Quote: الاخت ذات الذوق الفنى الرفيع تيسير عووضة
    لقد نجحت فى انشاء بوست اعتقد ح ياخذ زمن طويل واحتمال يكون توثيقى كبوست الاخ ابو العزائم فى الصور الفوتغرافية الهامة
    بس انا واضع اغنية فى نفسى وبعتبرها اجمل اغنية سودانية على الاطلاق
    وما ح اتحدث عنها الا لاحقا
    ح اشوف انت والمهتمين ح تتطرقوا ليها ام لا
    وحتى الان لم تتطرقوا لها
    وح انزلها فى النهاية
    بس ارجو من الاخوة المتداخلين بعد اذنك طبعا
    انو اذا واحد فيكم نزل اغنية او فيديو
    ارجو انها ما تكون ذاتية التشغيل ما تكون( اوتوماتيك)
    واتركوا خيار التشغيل للقارئ
    رايكم شنو؟
    تحياتى


    مرحب بيك معانا ويا ريت البوست يكون خفيف على آذانكم وأذواقكم ويحقق الهدف المقصود
    وأتمنى تلقى أغنيتك المفضلة ضمن أغنيات هذا البوست حتى لو كانت آخر واحدة



    تابع معانا ..
                   |Articles |News |مقالات |بيانات

01-03-2010, 12:19 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: أبو ساندرا)

    العزيز أبو ساندرا ..

    Quote: أهلآ تيسير
    مجهود كبير أرجو بل أتوقع أن يصادفه النجاح
    خاصة لو أخذتي بالملاحظات القيمة أعلاه زي كلام الموصلي

    أغنيتان في رأيي وحسب أذني مكتملتان من ناحية النص واللحن والتوزيع الموسيقي والأداء
    هما :
    1- الحزن القديم ، عمر الطيب الدوش
    2- الطير المهاجر ، صلاح أحمد إبراهيم

    وكلاهما من الحان وتوزيع وأداء العبقري محمد وردي


    الغنيتين ديل لو القائمة ما شملتهم معناها مفروض تقطع لي إضنيني الإتنين
    لأنهم ساعتها حا كونوا قاعدين منظر ساي في راسي ..

    Quote: فاتني أن أقول أن إختيارك ل ( عزة ) في الأول إختيار موفق

    لكن تاني نرجع لكلام الموصلي زنميز بين الأغنية العاطفية والأغنية الوطنية والنشيد والملاحم
    وقبل ذلك أن نميز بين الأغنية الحديثة والأغنية الشعبية وأغنية الحقيبة

    في العاطفي عملي وردي أعلاه في التوب
    وفي الأغنية الوطنية ( عزة ) في المقدمة تليها ( أعز مكان ) ثم ( الجمال والحب في بلادي )
    في النشيد ،، تتنافس الملحمة ( قصة ثورة ) مع ( يقظة شعب ) مع ( أكتوبر الأخضر ) مع ( ياشعبآ لهبت ثوريتك )
    مع ( طريق الجامعة ) مع ( راية الإستقلال )
    ويلاحظ تفوق وردي في هذا المضمار ، كما تفوق في العاطفية

    كلام أستاذنا الموصلي ومسألة التصنيف أنا إتطرقت ليها فوق في أكتر من تلاتة مداخلات

    أنا إعتمدت التصنيف أثناء عملية الفرز والمفاضلة لكن لما أجي أنزلهم حا أنزلهم بدون تصنيف وبدون ترتيب،
    وما تخليني أكشف ورقي (smile3.gif Hosting at Sudaneseonline.com) وأقول ليك القصة دي أنا عملتها في إكسل شيت كبيييرة فيها ما لا يقل عن 1500 أغنية
    كل فنان عندو عمود براهو الأغاني الوطنية كلها عمود براها الحقيبة كلها عمود براها وهكذا ....

    جزء من الأغاني الوطنية الإنت رشحتها دي داخل معانا بالإضافة لأخريات إنت ما ذكرتهم ..


    تسلم يا بركة ..
                   |Articles |News |مقالات |بيانات

01-05-2010, 10:38 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: عامر تيتاوى)

    عامر تيتاوي
    Quote: تيسير
    موضوع قيم جدا
    واحيى فيك المثابرة على سبر اغوار الاغنيات
    افضل ما انتجه السودانيون


    الغُنا سر الوجود يا قول فيروز ..
                   |Articles |News |مقالات |بيانات

01-03-2010, 12:00 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: ود الخليفه)

    Quote: سلامي وتحياتي

    امنياتي بالتوفيق في هذا البوست

    لغاية الان الجميع متفق معك تقريبا رغما عن اختلاف الاذواق

    لكن النبي فوقك

    الاغنيه دي لازم تضاف انشاء الله رقم 101

    التلاته بنات اللابسات تياب

    شغلن قلبي لمن بص الرصيرص فات


    ود الخليفة

    غنيتك دي عاجبة أبوي ما يقوم يسمعك نضطر نزيح واحدة من الأغاني عشان خاطر بص الرصيرص حقكم دا
    وبعدين تعال الغنية دي بتدعو للتعدد
    في زول قلبو ينشغل بي تلاتة بنات حتة واحدة لامن البص يفوتو؟



    عشان كدا قلنا ناس الجمري وخلف الله حمد ديل في بوست براهم biggrin24.gif Hosting at Sudaneseonline.com
                   |Articles |News |مقالات |بيانات

01-03-2010, 11:51 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: ابو جهينة)

    Quote: تحياتي تيسير
    واصلي فهذا بوست العام


    خليك معانا يا أبو جهينة



    إحتراماتي ،،
                   |Articles |News |مقالات |بيانات

01-03-2010, 11:46 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: النذير حجازي)

    النذير حجازي ..

    Quote: شكراً يا تيسير ويديك العافية
    على هذه المجهودات المقدرة والبوست الثر
    وعملت لي ملف فى جهازي لحفظ هذه الأغاني صوت وكتابة

    بس عندي ملاحظة صغيرة على العنوان، بشوف فيهو حبة جهجهة شوية
    مابين كلاسيكيات وفى نفس الوقت حديثة

    تقبل فائق تقديري وكل امتناني


    كلاسيكيات دي مقصود بيها الأغاني
    والحديث دا مقصود بيهو المئة عام الأخيرة من تاريخ السودان ودا حسب تصنيف المؤرخين


    يعني الحديث بتاعة السودان ما ليها علاقة أو ما بتنفي كلاسيكية الأغاني
                   |Articles |News |مقالات |بيانات

01-03-2010, 11:37 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: osman righeem)

    Quote: كل العام و انت بخير

    مجهود مقدر

    كلاسيكيات الغناء السوداني - أفضل مائة أغنية في تاريخ السودان الحديث من وجهة نظر تيسير


    ممكن تقول كدا
    رغم إني لا أنفي وجود كم مقدر من الأغنيات في القائمة لا أحبها ولا أحب مغنيها
    لكن الناس تقريباً متفقين عليها كلمات ولحن وأداء فبقوم أضيفها للقائمة ..


    Quote: كســــــــــرة:-

    باركي لي لنا مهدي مقاطعة حمور
    مكسب في 2010

    هو حمور مالو بقى زي الدنمارك ؟
                   |Articles |News |مقالات |بيانات

11-08-2010, 10:29 AM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    Quote: كســــــــــرة:-

    باركي لي لنا مهدي مقاطعة حمور
    مكسب في 2010

    سجم خشمي
    حمور مقاطعني وما أعرف إلا آخر السنة؟
    لاكين هو ما مقاطعني يا حاقدين(:(:(:(:(:(:(:(:(:
                   |Articles |News |مقالات |بيانات

01-03-2010, 11:21 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Balla Musa)

    Quote: يسمع منك رب تيسير ياحمور..
    حتى تصبح الوحدة جاذبة..
    ويكون لدينا بوست وطنى..
    يهزم إنفصال الشعبية زهرة بحرى وان شالا يهزم بحرى طراوة زاتو!

    بلة يا بلة

    أنا زاتي قلت كدا

    الغريبة لا الخرطوم ولا أمدرمان ما لقوا ليهم وجيع يعمل ليهم بوستات ملحمية زي دي




    وخلي بالك:
    ملحمية دي ما ليها أي علاقة بي جزارة عمك الطيب أو شابه ..
                   |Articles |News |مقالات |بيانات

01-03-2010, 11:28 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    Quote: الله المستعان يا تيسير
    حالتى دى قايلك معتكفه على حفظ القرآن وتجويده..
    وكمان كنت عشمان فى بزوغ فجر قراية تامنة.

    نقول شنو بس..
    الله المستعان... الله المستعان!


    كدي خليك من القراية التامنة
    الستة الباقيات وينن


    الله المستعان .. الله المستعان
                   |Articles |News |مقالات |بيانات

01-03-2010, 11:13 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: عزاز شامي)

    Quote: تايسا .... سوقي القطر ده براحتك ما تشتغلي بالمغرض حمور
    كلها يومين تلاتة يربطوه في كراع طربيزة في قهاوي الحسين

    انا ما نازلة إلى في محطة الاغنية الأخيرة ...


    عزوز ..

    هو المغرض دا باللاي لسه ما ربطوهو
    مغرض خارج السرب biggrin24.gif Hosting at Sudaneseonline.com




    يا زولة ما تنزلي عارفاك النوع البنووووم يصحوهو آخر محطة


    سايقا صلاح سايقا صلاح
    كما تقول المبدعة نجاة غرزة biggrin24.gif Hosting at Sudaneseonline.com
                   |Articles |News |مقالات |بيانات

01-03-2010, 01:40 PM

مدثر قرجاج
<aمدثر قرجاج
تاريخ التسجيل: 07-21-2009
مجموع المشاركات: 1614

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)

    تيسير
    احترماتى
    عندى سؤال مهم المائة اغنيه ديل حسب الترتيب ولا
    مامرتبه .. بعدين ياتيسير نحن على مشارف الاغنيه
    العاشره ولم نرى اغنيه واحده لى عثمان حسين وهو
    الملك
    الملاحظه التانيه انا بعتبر اغنية انا ياطير اختيار غير موفق
    اذا ماقورنت باغنيات الكاشف الاخرى الكاشف لديه من الدرر مايجعل
    انا ياطير تأتى فى المؤخرة .....
    مودتى
                   |Articles |News |مقالات |بيانات

01-03-2010, 03:30 PM

Ahmed al Qurashi
<aAhmed al Qurashi
تاريخ التسجيل: 08-27-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: مدثر قرجاج)

    السلام عليكم

    Quote: يوم البحيرة

    كلمات : مبارك المغربى

    غناء : عبدالدافع عثمان


    هذه الاغنية من كلمات الشاعر على احمد باكثير

    Quote: كلمات: محمد أحمد الجاغريو
    ألحان وأداء: أحمد المصطفى


    اللحن لاحمد محمد الشيخ الجاغريو وليس لاحمد المصطفى
    Quote: أنا كنت بفتكر إنه أغنية""حرمان"" دي،
    و""إنت حياتي""
    و""حبيب عمري""

    من كلمات طه حمدتو


    حبيب عمرى فقط هى من كلمات الشاعر طه حمدتو ومن اشهر اغانيه الوسيم لاحمد المصطفى

    الاخت العزيزة / تيسير


    لك التحية

    قبل سنوات كنت استمع الى الاستاذ محمود ابو العزائم فى برنامج تلفزيزنى كان هو احد ضيوفه ، ولقد قال انهم اجتمعوا قرابة العشرين شخصا ، من بينهم جمال محمد احمد وعلى المك ومنصور خالد وغيرهم، ولقد قرروا اختيار اجمل مائة اغنية سودانية على ان يكتب كل منهم اختياراته بالترتيب ، وكانت المفاجأة ان العشرين قد كتبوا اغنية مرت الايام للشاعر مبارك المغربى وغناء عبدالدافع عثمان ضمن العشرة الاوائل ، فقط الاختلاف كان فى الترتيب فبعضهم وضعهاالاولى والبعض الاخر فى ترتيب مختلف ، ولكن المهم هى الاغنية التى اتفق عليهاالجميع ضمن العشرة الاوائل . وحتى الان تخلوا قائمتك من هذه الاغنية والتى تغنى بها بالاضافة لعبدالدافع عثمان مصطفى سيداحمد وحمد الريح .
    مودتى
                   |Articles |News |مقالات |بيانات

01-03-2010, 04:21 PM

khaleel
<akhaleel
تاريخ التسجيل: 02-16-2002
مجموع المشاركات: 30112

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: Ahmed al Qurashi)

    هذه الصخرة العاقب محمد حسن

    الذكريات عثمان الشفيع

    بتتغير صالح الضي

    الاماني العذبة خليل اسماعيل


    بعد الغياب صلاح مصطفي

    نحن حافظين لودادك ام بلينة السنوسي
                   |Articles |News |مقالات |بيانات

01-03-2010, 05:02 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: khaleel)

    150_ham.gif Hosting at Sudaneseonline.com

    150_ham.gif Hosting at Sudaneseonline.com

    150_ham.gif Hosting at Sudaneseonline.com


    الأغاني الواردة في هذا البوست ليست مرتبة سداً للذرائع
    لذا لزم التنويه





    يمكن مراجعة بعض المداخلات التي وردت ضمن هذا البوست لمعرفة كيف تمت عملية الحصر والفرز بالتفصيل
    نشفتوا ريقي بي تكرار الكلام
    010_Smile12.gif Hosting at Sudaneseonline.com
                   |Articles |News |مقالات |بيانات

01-03-2010, 05:26 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 13684

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: تيسير عووضة)


    Quote:
    لمدة تزيد عن العامين ونصف قمت بتجميع مادة هذا البوست *
    بدايةً بحصر جميع أو معظم مغنيي ومغنيات السودان في المئة عام الأخيرة
    ثم حصر أغنيات كل مغني على حدة وتتبعها كتابةً ولحناً وأداء
    ثم تحديد أكثر أغنية/أغنيات مميزة لذلك المغني وأكثرها رسوخاً في ذاكرتنا الجماعية وتأثيراً على الوجدان
    بإختصار، أغاني يتفق الغالبية عليها على أن تضم أغنيات عاطفية ووطنية لمغنيين ومغنيات من معظم مناطق و أعراق السودان


    شكرا يا تايسـا, مجهود مقدر وإضافة ثقافية جيدة,


    أحمد الشايقي
                   |Articles |News |مقالات |بيانات

01-03-2010, 06:41 PM

Adil Ali
<aAdil Ali
تاريخ التسجيل: 10-25-2003
مجموع المشاركات: 1621

للتواصل معنا

FaceBook
تويتر Twitter
YouTube


Re: كلاسيكيات الغناء السوداني - أفضل مائة أغنية في تاريخ السودان الحديث .. (Re: أحمد الشايقي)

    Quote: نشفتوا ريقي بي تكرار الكلام
    شكرا يا تيسير .... مجهود مقدّر وفكرة جميلة وذوق رفيع....لكن ذوق دي حا يكون فيها كلام كتير جدا في البوست لي قدام عندما يبدأ النقاش حول معايير تحديد (افضل) 100 أغنية.
    بعدين الظاهر إنه ريقك حا يكون ناشف لحدى الأغنية الميّة.... وبعد الأغنية الـ100 حا تشوفي نشاف ريق من نوع يتعلق في الأساس بالـrating وما أدراك ما الـrating. انا زااااااتي حا أغالتك في ليييه دي افضل وديك ما أفضل، بس منتظر لحدي ما تصلي 100... شيلي شيلتك!

    (بالجد) بوست مفيد في زمن لم نعد نقرأ فيه المفيد إلا لماما في سودانيزاونلاين.
    شكرا تاني يا تيسير،
                   |Articles |News |مقالات |بيانات

[رد على الموضوع] صفحة 1 „‰ 6:   <<  1 2 3 4 5 6  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de