دعواتكم لزميلنا المفكر د.الباقر العفيف بالشفاء العاجل
|
|
 يا بكري PLEASE قدقد الهنابيك
|
ظاهرة الهنابيك في هذا المنبر هي البوستات التي تبدأ صغيرة (فارغة في مضمونها) ثم تبدأ بالتشعب (مع احتفاظها بفراغة الموضوع) وهزلية الطرح بحيث يصعب معها المشاركة ، وعلى غرار االهنبوكة العيدية تبدأ هذه الموضوعات صغيرة ثم تبدأ (بسرعة فائقة) في أخذ شكلها الهنبوكي لتصبح صفحتين ثم ثلاث صفحات. وغالباً تعتمد هذه الهنابيك على ما يشبه الأخوانيات ، تماماً كونسة الحلاقين أو ونسة الشلّة في بيت العزابة . وإذا حاولت أن تخرج من البوست بشيء : معلومة – طرفة مفيدة فإن محاولاتك سوف تبوء بالفشل في كل مرة تجد فيها الموضوع متصدراً الصفحة الرئيسية. والمواضيع الهنابيكية نجدها متميزة بالحيوية وهذه شهادة لا يختلف عليها اثنان فهي دائمة الحركة غير أنها لا يمكن أن تنزل لتضيع في غياهب الصفحات الداخلية ، فهي في الصفحة الأولى دائماً.
وأنا أقول لهؤلاء (نافخي الهنابيك) رجاءً هذه (الونسات) يمكن أن تمارس في الماسنجر أو عن طريق الهاتف لا ترهقوا الباندويث ولا ترهقوا أعصابنا بهذه الهنابيك. لأنها تعمل دائماً على خفض البوستات التي هي في الحقيقة أجدر بالبقاء في الأعلى ونضطر في كل مرة للبحث عنها في الصفحات السفلى. لذا نجد UP الذي لا ينفك يمارسه أولئك الباحثون عن تبر الذهب في طمي النهر.
وأنا أتقدم إلى الأخ بكري أو بكر باقتراح أن يقوم بتقسيم المنبر إلى أقسام على غرار الموجود في المنتديات الثانية : منتدى سياسي – منتدى ثقافي – منتدى اجتماعي – منتدى التعارف – منتدى الهنابيك ....إلخ. بدلاً من هذه الفوضى.
فما هو رأي الأخوة والأخوات
وقبلاً ما هو رأيك يا أخ بكري؟
|
|
 
|
|
|
|
|
|
|
|
Re: يا بكري PLEASE قدقد الهنابيك (Re: هشام آدم)
|
تحياتي أخ هشام ..
| Quote: وأنا أقول لهؤلاء (نافخي الهنابيك) رجاءً هذه (الونسات) يمكن أن تمارس في الماسنجر أو عن طريق الهاتف لا ترهقوا الباندويث ولا ترهقوا أعصابنا بهذه الهنابيك. لأنها تعمل دائماً على خفض البوستات التي هي في الحقيقة أجدر بالبقاء في الأعلى ونضطر في كل مرة للبحث عنها في الصفحات السفلى. لذا نجد UP الذي لا ينفك يمارسه أولئك الباحثون عن تبر الذهب في طمي النهر. |
وللأسف الشديد فإن نافخي الهنابيك هؤلاء هم الاكثرية في المنبر واتمنى ان يفعل الاخ بكري أي شي لكبت هؤلاء .
| |
|
|
|
|
|
|
|
|
|
Re: يا بكري PLEASE قدقد الهنابيك (Re: هشام آدم)
|
هشام ادم
تحياتي
*** ظاهرة الهنابيك في هذا المنبر هي البوستات التي تبدأ صغيرة (فارغة في مضمونها) ثم تبدأ بالتشعب (مع احتفاظها بفراغة الموضوع) وهزلية الطرح بحيث يصعب معها المشاركة ، وعلى غرار االهنبوكة العيدية تبدأ هذه الموضوعات صغيرة ثم تبدأ (بسرعة فائقة) في أخذ شكلها الهنبوكي لتصبح صفحتين ثم ثلاث صفحات. وغالباً تعتمد هذه الهنابيك على ما يشبه الأخوانيات ، تماماً كونسة الحلاقين أو ونسة الشلّة في بيت العزابة . وإذا حاولت أن تخرج من البوست بشيء : معلومة – طرفة مفيدة فإن محاولاتك سوف تبوء بالفشل في كل مرة تجد فيها الموضوع متصدراً الصفحة الرئيسية. والمواضيع الهنابيكية نجدها متميزة بالحيوية وهذه شهادة لا يختلف عليها اثنان فهي دائمة الحركة غير أنها لا يمكن أن تنزل لتضيع في غياهب الصفحات الداخلية ، فهي في الصفحة الأولى دائماً. ****
اذا اوقف بكري ظاهرة الهنابيك اين يجد هولائي اللعبة الطفولية المرحة ياهشام ؟
لعبة لاتحتاج الي اعمال الفكر او التبصر في مرئيات الكتابة , فقط تحتاج لاطلاق بالونة ليجري
خلفها اللاهثون وراء المتعة اللحظية.
مودتي
| |
|
|
|
|
|
|
|
|
|
Re: يا بكري PLEASE قدقد الهنابيك (Re: يوسف السماني يوسف)
|
الجميل جوزيف
حقيقة هذه البوستات الهنبوكية هي التي تفقد المنبر سمته التي شاعت عنه. فقد عرف الجميع سودانيزأون لاين بأنه منبر الأقلام المبدعة والموضوعات المتميزة وهذا ما جعل الإقبال على هذا المنبر بهذه العديدة الكبيرة. وكان الناس يتكلمون – حين يتكلمون عن سودانيزأون لاين- بكل هيبة. فهل تضيع هذه الهيبة من اجل هنابيك لا راحت ولا جات؟
| |
|
|
|
|
|
|
|
|
|
Re: يا بكري PLEASE قدقد الهنابيك (Re: أسامة خلف الله مصطفى)
|
عزيزي أسامة خلف الله مصطفى
مافي داعي للأمثلة يا أستاذي ، واعتقد أن أي بوست أياً كان كاتبه إذا توفرت فيه الشروط التالية:
Quote:
وإذا حاولت أن تخرج من البوست بشيء : معلومة – طرفة مفيدة فإن محاولاتك سوف تبوء بالفشل
|
فهو بوست همبوكة ساكت
| |
|
|
|
|
|
|
|
|
|
Re: يا بكري PLEASE قدقد الهنابيك (Re: فيصل محمد خليل)
|
كلام معقول..
واقتراح جميل
ياريت كل الأخوة يساندوهو..
وهو تقسيم المنبر الى منتديات متخصصة..
لتعم الفائدة..
المواضيع الخفيفة والمسلية يمكن أن نفرد لها منتدى ونسميهو (استراحة المنتدى ) مثلاً وهي مهمة لتخفيف الجو العام (المسخن) دائماً ..
دمتم
أبوالشوش
| |
|
|
|
|
|
|
|
|
|
Re: يا بكري PLEASE قدقد الهنابيك (Re: هشام آدم)
|
اخي هشام تحياتي
اخبارك ايه يا راجل
قبل فترة وانا اتحدث الى احدى الأخوات في المنبر _اكن لها كل احترام وتقدير_
ونحن بندردش قمت طلعت من جواي خواطر (انا زاتي ما عارف جات من وين  اوعه تضحك يا هشام
فقالت لي ليه ما تكتب الكلام ده في البورد في بوست مستقل
تعرف يا هشام الان بى بوستك ده طلعته من جواي اجابه ربما ما قدرته اقوله
بالمعنى الانت ذكرتو ده رغم انو كلامي ممكن يكون هنبوكه الا شويه خخخخخخخخ بس حقيقي
انا بخاف اني اكتب كلام يكون خارم بارم والناس ما تستفيد منو اي حاجه
فدحين يا ود امي نسأل صاحب كل هنبووكه يطرشقه بعيد من بوردنا ده
ولك التحايا مجدداً
| |
|
|
|
|
|
|
|
|
|
Re: يا بكري PLEASE قدقد الهنابيك (Re: عادل فقاد)
|
عدول اللزيز
كيفك أيها الصديق؟
لكن والله بالغت يعني خايف يكون بوستك ده همبوكة؟ أنا اوعدك يا عادل لو بكري طبق الاقتراحات دي أنا شخصياً حرسل ليهو رسالة خاصة عشان ينقل بوستك (باعتبار ما سيكون) في مكتبة الهنابيك المميزة.
قصرت معاك؟؟؟؟؟
| |
|
|
|
|
|
|
|
|
|
Re: يا بكري PLEASE قدقد الهنابيك (Re: Elkhawad)
|
والله يا الخواض ...
أنا عندي مبدأ :
المكان البقعد فيهو ، والحتة البستخدما لازم تكون نظيفة ومرتبة ، وإلا خرجت على الفور .. أما حكاية أرجع للأرشيف دي فهو موضوع صعب علي شوية لأنو المنبر تقيل شديد ، أو السيرفر عندي هو الكعب وعشان أفتح من صفحة لصفحة بياخد مني زمن كتير خلاس ..
يعني أنا ما مصدق إنو أنا بسجل اسمي وأخشش الباسورد وأنتظر 10 دقائق قدام الجهاز واتحمل رزالة السيرفر عشان ألقى لقي بوست يسد النفس .. أوكي ما مشكلة .. براااحة أقوم أتجاوزو .. مش؟ أقوم ألقى لي بوست بتاع مشاكل ، بوست عقد صلح ، ثم بوست بتاع شتايم ، وبعدين تحت شوية بوست بتاع موضوع لا ليهو إيد لا كراع ، تنزل كمان حبتين تلقى ليك بوست ماااااسخ عن إنه ليه فلان بيكتب بالطريقة دي وليه فلانة ما قالت رأيها في كده ، ما مشكلة نستحمل شوية عشان ألقى لي بوست واااحد بيتكلم كلام مفيد يرد الروح نخش نقرا نلقى المتداخلين (جخمصوا) ليك الشغلة وخرمجوا الموضوع ، نضرب كف بكف ، وننزل شوية عشان نلقى ليك بوست مكرر كنا قرينا زيو فوق ، ننزل تاني نلقى لينا موضوع فراااادي لا ليهو لون لا طعم لا عنوان ، نخليهو ونشوف غيروا عشان نلقى لينا بوست بيسلم فيهو واحد على صاحبو فلان داااااك وبيتفقدوا مالوا ما ظاهر ، والتاني يخش : "والله كان متعشي معانا أمبارح" والتالت :" لالالا الزول ده بيحب وعامل ليهو علاقة مع واحدة اسمها فلانة" وتجي علانة خاشة :"هو عليكم الله فلان ده ما ظاهر عشان كده؟ لكن ما طلع موية من تحت تبن" والرابع والخامس .... إنو تطلع بجملة مفيدة تنفع تكون في المنبر البيقروا ناس أجانب .. ما تلقى ... تدنقر راسك وتطلع عشان تلقى ليك بوست في الوش بيتكلم عن فلان مستني فلان يعتزر ليهو ، وفلانة زعلانة من فلان عشان قال ليها كيت وكيت وكيت ....
ده شنو ده؟
والله يا الخواض بيت العزا والكلام الفارغ البيتقال فيهو أحسن مليون مرة من الهبل ده. ياخي الناس تتكلم في السياسة تبقى عاملة زي الجداد ما تفهم ده بيقول في شنو وداك بيقول في شنو ، الناس تتكلم في الحب ما تعرف ده مشرك لي منو ولا تلقاهو بوست لزيز وواحد مخرمجو ليهو
قرف!!!
| |
|
|
|
|
|
|
| |
هشام آدم
ناصر محمد خليل
يوسف السماني يوسف
Hafiz Bashir
أسامة خلف الله مصطفى
فيصل محمد خليل
showgi idriss
Gaafar Ismail
فيس بوك
تويتر
انستقرام
يوتيوب
بنتيريست