|
دعواتكم لزميلنا المفكر د.الباقر العفيف بالشفاء العاجل
|
|
 Re: مشرع الحلم الفسيح (Re: هشام آدم)
|
__________
مشرع الحلم الفسيح
___________________أزهري محمد علي
يا مشرع الحلم الفسيح
أنا بينى مابينك جزر
تترامى .. والموج اللّديح
القدرة والزاد الشحيح
كملتو .. ما كِمل الصبر
نتلاقى فى الزمن المريح
ميعادنا فى وش الفجر
يا مشرع الحلم الفسيح
* * *
يا مشرع الحلم الفسيح
يا بعض منى .. وفينى ساكن
أنا أصلى منك ومشتهيك
وبيناتنا ليل الغربة ... داكِنْ
هبّة هبوبك..
أفتح شبابيك المساكن
وسـِّع دروبك ..
ولـِّع مصابيح الأماكن
يا مشرع الحلم الفسيح
* * *
يا مشرع الحلم الفسيح
يومنا النـّهِـبْ .. أسلِبنا خوفنا
كبـِّرنا قدرك .. مرتين
وطـِّول قدر كتفك .. كتوفنا
يا رغبة الرعد البيسكن ..
بين غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا
* * *
يا مشرع الحلم الفسيح
أنا وإنت .. والمطر الفصيح
حنطوِّع الزمن القبيح
ناخد بعض .. شكل السما
حدِّثنى دايماً .. كلما
تنشف على البر الضفادع
يهجر الضو المواضع
وتسقط من الكف .. الأصابع
حدثنى دايماً كلما
تحرد مراسيك السفن
تسكن مرافيك الزعامات .. الدُمى
حدثنى لو تاهت خطانا ..
على الدروب المبهمة
أو ربما..
تهدم آلات الشوارع ..
وترجمْ العُزّى الصواقِع
حدثنى لو مطرك همى ..
حدثنى لو صادف الكى المواجع
وضلك على الساحل رمى
حدثنى لو مطرك همى
علمنا دايماً كلما
نبذر على أرضك شهيد
يطلع شمس ..
يبهر بأنوارو السما
| |
 
|
|
|
|
|
|
|
|
Re: مشرع الحلم الفسيح (Re: هشام آدم)
|
هُشــام آدم
أسعد الله أوقاتك وأضحكها
مثل ما بدلت غربتنا فرحة بهذا الشجن
هذا الصوت الذي لا شبيه له سوى الضوء
إنه الضوء المســموع
خوالص المـودة وجعل سعادتك فسيحة
| |
|
|
|
|
|
|
|
|
|
Re: مشرع الحلم الفسيح (Re: ثابت محمد)
|
_________
ليه غبتي يا القمرا
ليه غبتي يا القمرا
نركب جياد الليل
ينشرّا بينا صباح
سفر العتامير ليل
نرجاكا في المطرا
أرجع تعال يا شليل
درع الأميرة سِرق
سوّهو حدوة خيل
بحر العطاشى نِشف
نشرب بواقي السيل
صد لملامحك يا حراز
ريح العوارض غرّبت
فرتق ضفايرك في الرزاز
جية العصافير قرّبت
| |
|
|
|
|
|
|
|
|
|
Re: مشرع الحلم الفسيح (Re: هشام آدم)
|
_______
ثابت محمد
أيها الصديق الجميل
لك التحية والتجلّة
وها نحن كالملايين ، نلتقي في حب هذا
الرجل الذي علّمنا كيف أن الغناء
يغدو سلاحاً بالنهار ، وسمراً أصيلاً بالليل
هذا الصوت لن يتكرر .. وإن تكرر الصوت
فلن يتكرر القلب نفسه ، ولن يتكرر الإنسان
الذي بداخله. شخص أجمل ما فيه أنه مؤمن
بما يغنيه ومؤمن بالغد الواعد لذا فقد مات وهو
يغني ( يوم بكرة جميل .. ضواي ووسيم)
أشكرك على المرور وأرجو ان تكون هذه الهدية
قد أعجبتك
| |
|
|
|
|
|
|
|
|
|
Re: مشرع الحلم الفسيح (Re: ناذر محمد الخليفة)
|
__________
رسمت في وجيها بسيمة ضوء
رسمت في وجيها بسيمة ضوء
بتغالط في الزمن القاسي
بتعاتب في الغنوه الصعبه
بلحن حزين ووتر موجوع يحكي احساسي
تسال عن شدو الافراح
يمكن لجراحنا يكون اسي
ما بيشبع روحنا فرح زائف
لو كان بتناسى وتتناسي
* * *
يا بت يا نيل
العاشقك عاشق كل الفيك
غنايك في كل ظروفك
في الفرح البيدفق وعد وفال
وفي الحزن الودر ضئ شوفك
في سجون القهرك في خوفك
في النبض الصامد في البركان
السامعوا يدمدم في جوفك
* * *
جراحنا عتابك يا باكيه
وعايزانا نغني غنى الافراح
ما الغنيه الناشفه لبن ضرعك
والفرح الفيك خلانا وراح
ولقينا فرحنا وانت حزينه
بيكون اشتر ويزيدنا جراح
خلينا من الفرح الزايف
بتعود افراحنا وتلقى براح
| |
|
|
|
|
|
|
|
|
|
Re: مشرع الحلم الفسيح (Re: هشام آدم)
|
__________
عينيك مدن
_________________صلاح حاج سعيد
عينيك مدن منسية فى كتب التواريخ والزمن
عينيك وطن مشدود على وتر التباريح والشجن
ممدود على حروف الكتابة
مكدود عَـنا ومكتول صبابة
وفيهو حـطّ النيل .. سكنْ
* * *
عينيك سفر مكتوب أعيش فى غربتو
وأعشق عذابو وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك حلمى المطوِّل
ومنتظر وعدو الجميل
عشقك زمان جوّاى رحل
وإتناهى فى الأعماق أمل
ضمخ رؤاى إحساس نبيل
أذهل طيوف خاطرى القبيل
جاشت ملامحك روعتو
وضجّ السكون فى وحشتو
والكان أمل فى عيونى لاح
ذوب مدارات فرحة الوهج
النضير المزدهر بالإرتياح
فجأة إنحصد قبضة رياح
وسكت الكلام يا حلوة
فى القول المباح
وقام الصباح بعدِك رحل
* * *
والكان أمل فى غيم سماك
أيقنت إنو عدم بلاك وإنك قدر
وإنو البيحلم بى عـلاكْ
بختار ظروف أحلاها مُر
عينيكى لو تصدق معايا الأمنية
عينيكى لو أعرف خِتام الأغنية
بدء الكلام والمنتهى
والمستطاب والمشتهى
كل المباهج الفى المواويل والغنا
والعاشقيك قلبى وأنــا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى
المستحيلة وممكنة
بستحيل عينيك تهون
المستحيل قلبك يخون
ما الغدر ما طبع الوفا
والصدق ما شرط إنتفى
وأنا حالى فى بعدك كفى
وأنا حالى من بعدك كفاهو
المغنى والحب والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
لو يبقى بى حساب الزمن
| |
|
|
|
|
|
|
|
|
 Re: مشرع الحلم الفسيح (Re: هشام آدم)
|
يا سلام يا هشام,
مستمتعة انا
بمصطفى سيد احمد
غاية الاستمتاع
حضرت لة جلسة استماع قديما بالقاهرة,
و كان رحمة الله, اقل ما يمكن ان يقال عنة,
انة رائع..
و السلام اروع هدية,
للملايين الشقية,
خالص الود
غادة
| |
|
|
|
|
|
|
| |
هشام آدم
ثابت محمد
ناذر محمد الخليفة
غادة عبدالعزيز خالد
فيس بوك
تويتر
انستقرام
يوتيوب
بنتيريست